الفصل 9
البارت التاسع..(9)
____________________________
بحر؛
صحيت ع الدنيا وجني مولود يديد
مش عارف فيها الا مايد اللي كان وياي
من يوم اني صحيت لين احين
حسيت اني ضايع..
مش متذكر شي
يارب ساعدني
اليوم خروجي من المستشفى
وانا اصلا مش عارف شو استوى لي
تمسكت بأيد مايد وشد عليها وسرنا نمشي بالممرات
والكل يطالعنا بإبتسامه وانا مش عارف ليش
وخصوصا مايد..
ومايد كان فرحاان واييد وانا مش عارف ليش اهو فرحان
شو السبب!!
ركبنا السياره واهو لو اوصف لكم فرحته ماقدرت
سندت راسي لورا وتنهدت
مايد/انا فرحان وايد يابحر
انا /ليش
مايد-بإرتباك-/ماشي ماشي
غمضت عيوني وانا احاول اذكر شو استوى لي
تمنيت لو ترد لي لو ذكرى وحده
شديت على عيوني وانا احاول اذكر شو استوى
ياتني الذكرى وكأن فيه سياره ترد علي وانا ماسك طفل
فتحت عيوني بسرعه وبخوف
بلعت ريجي بقوه وانا اعرق
مايد-بخرعه-/بحررررر!!! بلاااك شو استوى
انا حسيت بعوق في راسي ..
وتميت ماسكنه وضاغطن عليه وانا صاخ وبس اتلوى
________________________
أثير ؛
تربعت بذا الصاله الوسيعه وانا اتفكر
كيف تبدل حال ابوي من حال لحال
سبحان الله..
كان مو ذاك الغنا يعني الحمدلله بس مو مره غني
او بالاصح مو زي ابو فيصل
اما ذلحين مشالله الله يسعد اروى ربي عوضها
اي على طاري اروى وش مسويه الحين!!
خلي اتصل عليها..
واتصلت وطلع مشغول!!
مين تكلم ذي لا يكون الزفت كايد
تنهدت وانا تعبانه من وضع اروى احس بألمها
مع اني بعيده عنها..
حلمها يتكسر قدام عيونها
واصلا كايد انا اللي ارحمه اكثر
مع اني دايم اتضارب معاه من يوم اننا صغار
بس انه اخوي ..
زي ما اروى اختي
علاقتهم حلوه ويحبون بعض كثيير
هه! المشكله ان كايد يحكيلي عن حبها
واروى كمان تحكي لي
انا كنت الوسيط بينهم وكانو يفرغون كل همومهم عندي
الله يسقي ايامهم..
الحين ضغطوا على انفسهم كثير وكتموا بصدورهم
لين فرغوه لبعض من دون وسيط
طفشت من القعده هاذي
وطبعا جدي وجدتي جالسين مع بعض ويشوفون فلم ابيض واسود
ههههه الله يخليهم لي ولا يحرمني منهم
جدي/اثير ابويه
,انا /لبيه
جدي/سيري يبي لي دواي من الغرفه
انا/طيب
جدي/تطيب حياتج
رحت لغرفه جدي اللي كانت ظلمه وفيها نور بسيط
رحت للكوميدينه وظليت ادور دوا جدي
وانا اقلب بين الادويه رفعت عيوني للمرايه
وانا اشوف شكلي..
شعري طال وجسمي تغير
كبرت!!
وظليت ارمش بعيوني وانا اسوي حركات غبيه
هههه حسيت وقتها اني حلوه
مافيه بنت بتحس انها ماهي حلوه اذا طالعت للمرايه
شوي وشفت شي كروي تحت سرير جدي بس كان اسود
لان اصلاً. الغرفه كانت شوي مظلمه
رجت بفضول وابعدت الفراش من تحت سرير جدي وشفت كوره
ابتسمت ..
واخذتها شوي والفها كذا وانا ببالي افكار جهنميه
شوي وانصدم بتوقيع واسم بحر!!
الكوره ذي لبحر؟
يوه وش جابها تحت سرير جدي
اي صدق على طاري بحر
انا في بعض الصباحات اروح واشتري لجدي جريدته من الدكان
ولا اشوف بحر ولا له اي حس
غريبه وين مختفي!!
يلا ماعليناا
اخذت الكوره وطلعت وانا كأني حكم
وقعدت اقول /اهلا وسهلا بكم في مباراه الديربي مع الحكمه الدوليه اثيره واللاعبه كمان اثيره ومعكم المعلقه اثيره
جدتي/وخييييبه هالبنت تباا تجلطني ياابنت استوي شرات البنات انا/ماعلينا ماعلينا من تلك الفاتنه "رفعت الكوره وصفرت فمي وبديت اشوت الكوره بشكل عشوائي وانا اضحك على جدتي اللي فهت فيني "
جدي/وين دواي يا الخبله
انا -تركت الكوره وطالعت في جدي بإبتسامه وصنمت-
جدتي -تنهدت-/الله يعين على هالبنيه"وراحت للغرفه تجيب الدوا "
وانا ركضت وجلست جنب جدي
انا/جدو بقولك شي بس امانتك ماتقول لحد انا عهدتك كتوم
جدي-مسح على راسي-/قولي ابويه شو تبين انا كاتم اسرارج
انا -بحزن-/اروى..
جدي/شو بلاها
انا -طالعت لورا اخاف جدتي تجي-
جدي/ماتبين جدتج تعرف؟
انا هزيت راسي بأيوه
جدي /انزين قولي بسرعه واتا بحاول اخليها تروح ماتيي
انا/اروى ياجدي..مدري وش اقول قصتهم طويله
جات جدتي وعطت جدي الدوا
جدي/ام مايد نسيتي تكلمين ام جاسم ؟
جدتي ضربت جبهتها/هيه والله الله يذكرك بالشهاده بسير ارمسها
وراحت جدتي عنا وابتسمت لجدي /والله ياجدي منت سهل
جدي/هيه شو تتحريحن..انزين يدتج وسارت شو فيها اروى
انا /تخيل ياجد "وقعدت احكي له عن علاقه اروى من الطفوله لين اخر موقف"
جدي حك دقنه وطل يدق عصاه بتوتر بعد السالفه /ما اعرف شو اقولج
انا/جدوو انت دايم تحل مشاكلي الله يخليك ترا مالي غيرك
جدي ظل يفكر..
____________________________
كايد؛
ردت علي وانا كنت قلقان عليها.
بس ردت علي بكلام خلاني اتحطم اكثر واكثر
اروى/وش تبي
انا ظليت في حالة صمت
اروى-بحزن-/كايد.. احترم قراري انا ابغى ابتعد
انا/شلون ؟
اروى/عادي جدا ابعد عن طريقي وانا ابعد عن طريقك
انا/متأكده انه عادي.
اروى بإرتباك/ا..اي.. بعدين لاتلعب بمشاعري عشان قلت لك كلشي يخصني
انا /اها صحيح مره عادي والدليل ارتباكك اروى لا تكابرين انا عارف مشاعرك ولا العب فيها
اروى/كايد انت تبي العلاقه تستمر صح ؟
انا/وش رايك يعني
اروى/طيب..نفرض انا سحبت قراري وعاندت الظروف طيب وبعدين
انا/اكمل مهرك الي بقي واجي اخطبك..
اروى/وتقدر؟
انا /وش المانع يا اروى علميني
اروى/المانع الظروف اللي حولنا كل شي حولنا يقول لا مستحيل
انا/مافيه مستحيل ابد
اروى/كون صريح مع نفسك امك تكرهني وتكره امي من يوم انخلقت وامي وامك مستحيل يوافقون على ذا الشي هذا واحد ثانيا جدي مستحيل يزوجنا لبعض لانه فاهم وواعي كويس بالمشاكل اللي حولنا ثالثاً ابوي مو واثق فيك بعد ذيك السالفه
انا -بصراخ-/ارررروى انننتي ليييي اناا بسسسس واناا مستحيييل اكون لغيرك حطيها ببالكك يا انهم يزوجونا لبعض يا نظل عزاب للابد
اروى/كايد شيل من بالك انت هالفكره انا مو لك ..
وسكرت بوجهي وخلت كل آمالي تطيح فوق راسي وتسبب لي ازمه
جلست على سريري وانسدحت بتعب
وغطيت عيوني بذراعي
وانا اشوف كل الذكريات الطفوله..
يوم كنت امسك يدها ونروح للمراجيح وتركب وانا اقعد ادفها
يوم كنا نروح نخوف جدتي الله يرحمها من خلفها
وهي جالسه تقرا قرآن
يوم كنا نطلع بالمطر ونلعب ونرش بعض ونضحك
وبعدها نمرض سوا..
يوم كنا نتسسل لغرفه جدتي وناخذ من عندها علك
وهي ماتدري وتتسأل بكل يوم وين يروح العلك؟
ولا يوم كنا ندخل غرفه امها وناخذ كحل وروج
وتقول حط لي وانا احط لها
ابتسمت لهاذي الذكرى بالذات
لان شكلها كان تحفه ماقصرت انا شوهتها
يوم كنا ناخذ الشرشف واحطه على راسك ونلعب عريس وعروسه
هه! موجعه انتي يا الذكرى
مسكتي يدي بقوه وسحبتيني معاك للماضي
عشان اشوف السعاده وافتح فمي واصير ابتسم تدريجياً
رجعتي سحبتيني بقوه وصرامه ورميتيني بكل عنف
على الواقع المرير..
كأنك تقولين نفس جمله اروى بالضبط ؛ شيل من بالك الفكره اروى مو لك ..
وبكذاا اكيد اني ابتسامتي اختفت تدريجياً
نفس ما ارتسمت في مبسمي تدريجياً
قمت ببطئ عن فراشي وظليت اطالع بفراغ
أنتظر احد يجي يقولي قوم لا تخاف
محتاج احد يطمن قلبي القلقان اللي ماهدا له بال
محتاج احد يضمد جرحي..
وكل هذا ماهو الا بيد شخص واحد وهي والكل عارفها اروى
بدل هي ماتخفف علي
وتعطيني امل اكمل
كانت هي اول سبب تخليني ارجع خطوه لورا
_____________________________
فتون؛
صحيت من نومي على صوت تواويل امي
يمه شصاير!!
قمت وحالتي حاله باقي ببجامتي وشعري منتثر على كتوفي
رحت ركض للصاله
وشفت امي بعبياتها ووراها فيصل
يهديها وهي راسها والف سيف الا لازم تروح للشيخ
وشايله بيدها اوراق وشعر وخرابيط
انا-حكيت عيوني-/اشبكمم!!
فيصل-حب راسها-/يمه ياحبيبتي خلاص.. العصر انشالله بس الحين وين بنلاقي شيخ الحين
امي/سحر ذااا سحرر..صااحي انت الا توديني الحين
فيصل/يمه وين اوديك ماعندنا موعد عند شيخ
امي فتحت الورقه /شوف اسم زوجتك شفته شكله سحر قوي لين ماتت حسسبي الله على من سواه
فيصل حك راسه وظل يطالع في امي بقلق
امي -دمعت-/وانا اقول اشبها المره مقلوبه عليك ماكانت تعاملك بذا المعامله كنتوا تجننون بس انجنت بعدها اه اه يابنت اختي اه عليك الله يرحمك
انا رحت وضميت امي /خلاص حبيبتي خلاص
امي/وتبغاني اصبر للعصر اخاف يصير فيك شي
فيصل-بحنان-/يمه حبيبتي ان بيصير فيني شي ف ذا قضاء وقدر حتى من دون السحر استودعي الله وارتاحي الحين وانا بكلم شيخ يجيك لين عندك وش قلتي
امي-بإصرار-/ابييه اليوم فهممت
فيصل/ابشري
____________________________
مايد؛
لفيت بصري لبحر اللي جالس يضغط على راسه بألم
انا مسكت ايده/بحر لا تتذكر شي..
بجر طالع فيني بأمل /مايد انا احس اني بعالم غريب انا اجوف كل شي يديد ومختلف مش متذكر شي ولا شي مستوعب انته
انا/لا تخاف بتتذكر كل شي مع الوقت صدقني وانا وياك لاتنساني
ومن الآن سميت نفسي دليل بحر
بيستوي يعتمد علي بكل شي حتى سواقه السياير بيعتمد علي
عقدت حواجبي وانا اتذكر كلام الدكتور قبل ما اطلع
'
'
الدكتور/مايد حاول بقدر الامكان ماتخليه يشرب كحول لانه واضح انه كان يشرب كحول ولولها كان ذاكرته باقي معاه
'
'
تنهدت وانا اتذكر نصايحي اللي كأني كنت اقطها بالبحر
ياما نصحتهم وقلتلهم بس اهم مارضوا
ياني قهر مايعلمه الا الله وطالعت في بحر بغبنه
وانا اعاتب نفسي على اني ماسويت مجهود اكبر
عشان ابعدهم عن هالمنكر
وها اهو عقاب ربي لبحر.
ذاكرته راحت بسبب تهوره وشهواته
ليش يتبع هالشهوه واهو اعلم ان الله ممكن يحل مشاكله
كان يشرب عشان ينسى كل شي يحصل له
بس ربي اعطف عليه لو انه استغل كل هاك الوقت في الدعاء
والله العظيم ربي يستجيب له
ليالي راحت عليه واهو بسكره وهوسه
جره وقته بسرعه لبعيد
وشهواته وشيطانه يوم جافوا حالته تركوه
احبابه اللي يحبهم وايد تركوه!
بقي له الله..
الله وحده ماغيره
علمه درس ان كل شي يبتعد وكل الناس خونه
الا اهو..
اهو اللي يظل وياه لا تخلى عنه الكل
اهو اللي يمسك ايده ويقومه وينصبه وينصره
الله وحده القادر انه يبدل حاله من ليله وحده
لحال يسره ويريحه
بس اهو خسره وعانده
عصاه وما اهتم له..
ترك الصلوات..اخرها احيانا..ترك الصوم..
"ابتسمت" بس تدري يابحر هاي رحمة الله فيك
جفت رب العالمين شلون
افقدك الذاكره عشان ترد له..
وانا بساعدك وبردك لربي وربك
مش انا دليلك؟
_____________________________
اثير ؛
جدي/سمعي يابنيتي انا اعرف حبكم هاليومين كله جذب بس احس انه هذا كايد
يحب اروى وايد قولي لها لاتهده مووول!!
بس تنتبه منه ولا تتعلق فيه وايد عشان ماتتعلق فيه
انا -بقهر-/ياجدي بس هم مو لبعض!
جدي -ابتسم-/بإذن الله لبعض
انا/جدي انت شايف كيف المواقف تعاندهم وكيف الواقع يسقيهم المر لين يتركون بعض واصلا امي بتوافق ولا امه
جدي/اولا امج علي ويدج اعرفه الا بالزواج لا يا واحد وخاطره بوحده من حفيداته او بناته مستحيل يرده خايب عشان مشاكل بسيطه الحل بيده اهو
انا -بأمل -/يعني..تتوقع تضبط الامور؟
جدي-ابتسم وجعلني فدوه بسمته-/قلت لج بإذن الله
انا رفعت يدي/ياااارب ياحبيبي..عدل وضعهم وسخرهم لبعض واكتب نصيبهم لبعض
جدي/هههه انزين سيري جوفي مين على الباب
انا/دق اصلا ؟
جدي /هيه
انا لبست شيلتي ورحت ركض
وجدي ظل يهز راسه ويضحك على شكلي الطفولي
ورحت فتحت الباب من دون ما اسأل لاني متأكده انها شما
فتحت الباب بسرعه وصحت/شمامه ياحيوان..."انصدمت انه مايد وضحكت ورجعت اصيح" ميوود وينك ياارجل ماعاد شفتك
كانت هيئته احسن من قبل بكثير مبتسم وفرحان
مايد-حك راسي-/حبيبتي.. انزين وين ابويه
انا/جوا في الصاله
مايد-سحب يد واحد ودخله للبيت انا ابعدت عن طريقهم وما عرفت منهو -
على طول رحت غرفتي وسكرت علي
وفتحت جوالي وشفت رساله بيبي من اروى
ياويلي لايكون مسويه شي
انا توقعت اصلا من يوم جوالها مشغول
شفت رسايلها؛
اروى/اثير خسرته خلاص
انا فتحت عيوني للاخر وقلبي طاح مين اللي خسرته!
لايكون كايد.. حسبي الله على بليسك يااروى ليش!!
مااستحملت انتظر او اكلمها محادثه
فيني كلام كثير ودي اقول لها
اتصلت عليها وانت انتظر الرد...
اروى-بصوت باكي-/الو..
انا-انصدمت من صوتها بس بديت توبيخ-/اروووى انتي صااحيه عقلك معااك ولا ؟؟؟ ياامجنونه ليشش تضيعين كايد ليششششش!!!!
اروى-بكت ولا عاد تكلمت-
انا حنيت عليها ورحمتها
هديت شوي وتعوذت من ابليس
انا -بهدوء- /اهدي وقولي وش حصل
اروى-كفكت دمعها وبان صوتها المبحوح-/قعد يدق علي..وتشجعت ورديت.. وقلت خلاص انت مابتقدر تاخذني وحطمته وجرحته وسكرت..
انا-بحزن-/ليش؟
اروى-بخيبه-/فكري معاي كيف بتكون حياته لو ما ابعدته عني فكري كيف يتعلق بشي وهمي!! كان لازم اتكلم وابعده عشان مايظل متحسر على بعدنا مستقبلا وعشان ما اعلقه فيني
انا-بزمجره-/ااقسسسم بالله ماعندك قققللبب حرااام عليكك وششش قلتي له!! ليششش ماتحسين فيه ؟؟؟
اروى/انا احس فيه وفاهمه كويس وش شعوره اذا ماصرنا لبعض ورفض جدي تعرفين كايد كيف عصبي والله يقلب الدنيا ويقعدها
انا/انتي غبيه!! وماتحسين بأحد ورثتي طبع عماتك والله مالي كلام معاك لين تعتذرين له..
اروى/اثير وش هالكلام تكفين انا متحطمه نفسه ومقهوره اكثر منه انا اللي ابين له قوتي لكن بالخفاا اموت
انا-رحمتها-/اروى صدقيني مافي شي مستحيل بهالدنيا وماتدرين ربي وش بيسوي بالمستقبل!
اروى-بحزن-/ليش ماحذفتيني من البيبي!شفتي انك ماتقدرين تبتعدين عني وانا بعد ما اقدر
انا -استغربت وصنمت-
اروى/مرسل لي الحين ذا الكلام
انا-طالعت للارض بخيبه وسكت-
اروى/ويقول: انا بداخلي طفل حزين يبكي كل ماحن للقاك انا احتاجك اكثر من اي شي والله .. اروى كيف كرهتيني بثانيه ؟ كيف وانتي كنتي تحكين لي انك تحبيني!
انا -دمعت-/شاطر هالولد!
اروى/ليش
انا/خلاني ادمع شكله هايم فيك..
اروى/رذيت عليه وخليته يحذفني
انا-شهقت-/ايششش!!! من جدك وش قلللتي انتي ليش تخربين كل شي
اروى/قلت له لو سمحت اتركني بحالك انا كرهتك وكرهت امك ابعد عني لو سمحت واحذفني ومالي في مشاكلك، وحذفني من دون مايقول لي اي شي
انا /حسبي الله عليك يا اروى!
اروى/خليه يستاهل..
انا-بتعجب-/يستاهل انه يحبك!! بس هذاا اللي سوا
اروى/هو كذب علي وقال انه بنت بعدين انا ابغى اقطع امله نهائيا واصحيه من اوهامه اني اكون له
________________________________
شما؛
ماسكه السكين ويالسه اقطع الطماطم عشان اساعد امي في الفطور
تميت اتأمل يدين امي المترهله وويها اللي كله تجاعيد
وانا اتذكر تضحياتها
واتذكر مأساتها
ابتسمت بحزن لوضعنا..
ابوي مش معطينا ويه ودومه بعيد
حتى شكله مش متذكرتنه وايد ولا صوته
زايد هو ابوي واخوي وكل شي
بس خذلني بيوم..
وضليت متألمه من العالم كله
بيوم واحد وبنفس الليله
كرهت اخوي..فقدت حبيبي..خنت ثقه اخوي الثاني بحر..راحت سمعتي
ياتني هالأشياء بنفس الوقت ومرت من جدام عيوني بسرعه
من دون ماتخليني حتى استوعب اللي يستوي
عطتني صفعه قويه هالمواقف وقالت لي اني غبيه وايد
مسكت ايدي واخذتني لمكان بعيد واايد
عن كل هالبشر..
وردت تقول مالج الا ربج..
يارب انت الوحيد اللي معي.. مالي الا انت
كلهم خوانين وقذرين كلهم كذابين وحقودين
يارب انت بس اللي تغفر للناس
والناس ماتغفر لحد
يارب انت بس اللي تحبني بصدق وبدون اي شروط
والناس حبهم خداع وبشروط..
يارب انت بس اللي مهما غلطت تصفح عني وتغفر لي
والناس ينسون كل الماضي الحلو معهم ويذلوني عشان غلطه وحده
احبك يارب..
___________________________
مايد؛
استأذنت من ابويه وسرت ويا بحر لبيته
طقيت الباب
وفتح لي هاك الريال اللي الشيب ملى ويهه
وويهه استوى أسمر عن قبل
ارتسمت بسمه بويهه وطبعا ماجانت هاك البسمه العريضه
وايد كانت صغيره وترحيبيه وباين انها تنطبع من صميمه الحزين
اختفت ابتسامته يوم شاف بحر
وضل يطالعه بصدمه ويطالع فيني وكأنه يسألني
صج انا اجوف بحر!!!
ابتسمت له..
امتلت عيونه بالدموع ومد ايده وضم بحر بقوووه
واهو يقول كلام مش مفهوم
رحمته وايد ودمعت انا بنفسي..
بحر كان مستغرب من هذا ؟؟؟
نسى ابوه اللي كان مرافقه بكل مكان
بس شغله ابعده عنه..
كله عشان يجيب فلوس ومايحسسه بنقص في دراسته
او في هدومه او في اكله
انا/عمي ممكن اقولك شي على انفراد..
ابو بحر ابتعد عن بحر وقال/هيه يا ابوك شو تبا
طالعو في بحر ودليته على غرفته وسار اهو لهناك
انا/جوف ياعم..انا ما ابا اخرب فرحتك بس بحر..
عمي/شوه بلاه بحر!!
انا-بحزن-/ف..فقد الذاكره
عمي -انصدم -
انا ارتبكت وتكلمت بسرعه ولعثمه/ل..لا انته ترا.. اقصد لا تخاف..اهو يتذكرني انا...انا بساعده.. يعني فيه امل يتسعيدها
عمي تم يطالعني بخيبه وجر وقبض على عصاته بقوه
تعابير ويهه استوت مرآيه لدواخله المكتومه
دواخله المكتومه بغاز الألم والصبر
دواخله المكسوره والمتحطمه..
قصته مؤلمه وتدمع لها العين
حبيبته في مراهقته..
وزوجته في شبابه..
وولده في رشده..
والايام تدور ومايندرى امنو ضحيتة اليايه
انا مسكت كتفه وبنبره حنان /عميه.. توكل على الله ولا تخاف انا بساعد بحر وبخليه يستعيد ذاكرته هذا وعد.
عمي طالع فيني بأمل..
انا -ابتسمت-/بس ياعم الحين انت لا تذكره بشي لانه مايتحمل هالفتره لازم يكون براحه ولازم يحفظ ذكريات يديده عشان يتذكر السابقه
عمي -بضعف-/الله يوفجك ويخليك له.. انته الصديق والاخو له من طفولته ويعلني ما اعدمك ويعل اجرك عند الله اضعاف اضعاف
انا -بست راسه -/امين يارب..السموحه ياعمي بسير لبحر
عمي-ابتسم بمعنى سير-
________________________
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 07-03-15, 04:13 PM #14
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
أثير؛
كنت أجهز أغراضي وادخل ملابسي في شنطتي
وانا اودع كل ملامح هالبيت
اي البيت هذاا فيه ملامح
ملامح وذكريات حلوه
رفعت عيوني لسما ودعيت ربي يوفقني
لاني رايحه ادرس وبأفتقد صوت جدي
وحضن امي..
حسيت ان الزمن يسلب مني احبابي بالتدريج
جدتي الله يرحمها اللي كانت احن علي من نفسي..
أبوي ..
أختي..
والحين أمي..
وجدي وجدتي ...
ومن يدري يمكن بكره حتى مايد
تنهدت وانا اشيل شنطتي
وأستغرب كيف الأيام مشت بسرعه
طلعت برا وانا اضبط شيلتي واسويها
وسكرت عبايتي..
وأنا اشوف هالأجواء
اللي قلبي يقولي أبكي..
بس عقلي يرفض نهائياً
ماكان بأمكاني الا اني اترك شنطتي بإنكسار
وأضم جدي بكل قوه
وانا اشد على قميصه
وابغى اخذ أكثر قدر ممكن من الحنان قبل ما اودع هالحنان
وجعتني فكره انه حتى الويكند ممكن ما ارجع اشوفهم
وطبعا كنا الصباح يوم السبت وبكره دوام
ومايد كان راح ياخذني ونتحرك على طول وكات يودع جدي وجدتي
بس انا مارضيت افك جدي
وجدي ضل يطبطب على ظهري وكأنه فاهم اني ابي منه حنان
وصار يحك راسي ويعطيني كلام ونصايح في دراستي
وقالي انتبهي لنفسج
انا/جدو..
جدي/عيون يدو..
انا/تكفى ياجد انتبه انت لنفسك ولأدويتك ولا تهملها زي ذاك اليوم.. وتكفى انتبه لامي وجدتي
جدي/انزين انتيه ركزي بدراستج ولا يهمج ولا تشغلين بالج نبا نرفع فيج روسنا
انا -ابتسمت بأمل-/دعواتكم..
مايد مسك ايدي/انزين سلام ياجماعه
انا/بنمشي!!
مايد-بإستغراب-/هيه
انا/اااء لا خلاص بطلت بجلس
مايد-فتح عيونه للاخر وصرخ-/شووه!!
انا /بسم الله خلاص خلاص.
وخطيت الخطوه ورا الخطوه بس كانت متردده
طالعت في اهلي بنظره وداع
شفت وجوه اهلي واهذت لي اخر صوره عنهم
وسكرت الباب ببطئ ..
ورجت ورا مايد عشان اركب سيارته وانا اجر وراي حكايه وداع
وداع لكل من عرفت
حتى اتفه علاقاتي تلاشت وراحت..
الله يكتب اللي فيه الخير وترجع علاقاتي واهلي مثل قبل
ركبت السياره وركب مايد وانطلقنا
انا ظليت اطالع بالطاقه واشوف الشمس
والسما الصافيه بهالصبح
الطريق طويل شوي..
قعدت اتذكر اللي حصل أمس ..
'
'
أتصلت علي اروى الساعه 11 بالليل
وطبعاً مايد قالي نامي بدري عشان ورانا سفر
وترتيب وخرابيط
وانا استغربت اتصالها بهالوقت!!
رديت بسرعه
انا-بفجعه-/الو
اروى -تبولع ريقها بخوف وتتكلم بهمس -/الو اثير
انا -فركت عيوني وقمت-/يمه وشفيك
اروى-ببكا- /انا ضعت ضضعت يا اخختي ضعت
انا/بسسم الله وش صار لك يمه.. اروى تكلمي شفيك
اروى/فتون..
انا -بإستغراب-/فتون!! الله واكبر ضيعتك ذيك البقره اللي ماتدري وين ربي موديها
اروى-بقهر-/انتتي مووو فااهمه شي
انا/اجل!! وش السالفه تكلمي حرقتي اعصاابي يمه منك
اروى/تقول امها انها مستحيل تترك ولدها مت دون زوجه وتقول حاطتك في بالها وتحاول تلاقي فرصه عشان تخطبني
انا -شهقت-/ااااايش!!!! من ججججدك
اروى/وربي ما اكذب ..وش اسوي الحين
انا/يااويلي يااويلي والله لو يسمع كايد بالخبر
اروى-بكت-/اصصصكتي
انا -خفت مره -/ارفضيه انتي
اروى/اي صادقه برفضه.. بس مالي حجه عليه فلوس واخلاق ولا يعيبه شي وش اقول
انا/يووه مشكله كيف تصرفينهم
اروى/حسسبي الله عليك يااكايد لازم تعلقني بعلاقه وهميه وياويلي ان شفت حياتي بعيد عنك
انا/وشفيه كايد!! اقسم انه احسن من فيصل كفايه ينجن عليك بس الله يهديه اذا عصب
اروى/شرايك اقول ...
انا/ايش؟..
اروى-بخيبه- /مدري مدري
'
'
شوي شوي انا غمضت عيوني ورحت في نومه لاني امس كله سهرانه مع اروى اشوف لمشكلتها الي ما راح نخلص منها
___________________________
بحر؛
صعب تحس انك غريب بين هالناس
أملك وحيد..
ماتجوف ولابصيص امل
تحس انك بين ظلمات تخنقك
انا احس بكذا..
احس بضياع احس بإستغراب من كل شي
ناس كثير يجون يسلمون علي
اشوف نظرات الشوق لي
ونظرات الشفقه
ولاني فاهم شسالفه
أمس مايد تم يسوي وياي أغراضي ويقول اننا مسافرين لدبي
عشان ندرس اهناك
وقال مع الربع كلهم "
الربع كلهم!! بس اهم مش ربعي
انا عقدت حياتي ابا تفسير لاسئلتي
صحيت من سراحني وانا اطالع روحي
واطالع حولي بهالسياره واللي يالسين حذالي بصمت
طبعاً امس مايد قالي اسمائهم
اللي جدام كان يسوق اسمه عبدالعزيز
واللي حذاله زايد
وانا ورا وحذالي واحد اسمه عمر
استغربت هدوئهم..
وللامانه استغربتهم اهم
هاذيل ربعي!! ما اعرفهم وما اتذكرهم
طالعت في اللي حذالي
وجفت فيه علامه خياطه بحواجبه
جفت موقف سريع جدام عيوني يمر
وكأننا اطفال وايد وكنا نلعب عند البحر كره
وواحد منا طاح على ويهيه وتم ينزف دم وانا
فصخت فنيلتي ومسحت الدم
صحيت من التذكر وفزيت من قوه الالم اللي براسي
وظليت امسك راسي واتلوا
مسكني عمر ويهديني خايف
زايد-بفجعه-/شووو فيه
عبدالعزيز -لف ويهه.وصرخ -/بحر!!
انا -هديت -/خلاص..خلاص.وين مايد
زايد/اهو سار بسياره لحاله لان وياه بنت اخته
عمر-بهمس وحزن-/مش متذكر الا مايد ونحن!!
انا سمعته وحزنت لاني مش متذكرنه بس اهو متذكرني
عبدالعزيز/عمر!! جبب لو سمحت ريحنااا
عمر تكتف وصد للجامه.
انا / يقول مايد انكم ربعي.. اذا انتو ربعي خبروني انا شفيني مش متذكرنكمم ليشش!!
كلهم صدو لي
انا -بخيبه- /السموحه منكم اذا ماتذكرتكم...
عمر مسك ايدي وشد عليه وواضح من عيونه اللي تلمع امل جبير /نحن اهني..وياك.. وبترد تتذكرني انا و..زايد وعبدالعزيز
ابتسكت لهالفكره اني ارجع اتذكرهم
بس ذا الشي مستحيل انا ماخرفت ماصابني الزهايمر!!
مجرد اني ما اعرفهم اول مره اشوفهم ومالي ذكريات معاهم عشان اتذكرها
تنهدت بقلق لهوضع المتوتر والضايع
_______________________
أروى؛
كنت بالصاله مع أمجاد وجالسين نشوف التلفزيون
انا قمت ببالي اصلي الضحى وادعي ربي وافضفض له بكل الي في قلبي المجروح
امجاد/هييي اروى ارجعي المسلسل رهيب
انا/بروح اصلي الضحى
توضيت وشفت المرايه وابتسمت براحه
قبل شوي كنت متضايقه بس حسيت براحه
لاني رايحه لمكان آمن..
وحضن مو قريب مني لكنه موجود ويحتضني بقوه
وطبعا هو بس اللي يقدر يساعدني ويدلني على الطريق الصحيح لبست شرشف الصلاه وكبرت وبديت اصلي وانا بجد احي بسكينه فضيعه
وصليت الضحى وخلصت..
جلست على سجادتي وانا اطالع لفوق
ابتسمت ورفعت ايدي بحماس
قلت بإبتسامه/يارب ..انا واثقه انك قادر تغير حياتي وتساعدني..واثقه بأنك مخبي لي اشياء حلوه..شكرا ياارب
يارب استودعتك اختي اللي بدت تفقد احبابها تدريجاً يارب وفقها بدراستها وساعدها يارب
سمعت الجوال يرن
كان الاسم لمى.
شهقت وبغى يطيح جوالي من ايدي
ارتبشت لا يكون عرف بالسالفه
ارد ولا لا..
انا دايم اتهور احسن شي لا ارد
وتركته لين سكر
مرت خمس دقايق وانا بغرفتي مرعوبه من اصرار كايد
رفعت الجوال بتردد ورديت.
جاني صوته المبحوح الغاضب/اااروى!!
انا غمضت عيوني من شدت الصوت /اااي اذني اشبك!
كايد -بقهر-/ااااشششبي!!!!
انا/بسم الله علي
كايد-بعصبيه-/بسببك انا ماانمت في الليل تدرييين..
انا-سكت شوي-
كايد/اروى كلميني عاجبك الوضضع انتي خلاص..
قاطعته/هالموضوع مو بيدي وانا..خلاص انخطبت
كايد -بسخريه-/مبسوطه يعني!!
انا /مو عن..بس خلاص انت ولاشي بحياتي
كايد/انتي قد هالكلام..
انا بربكه/هاه..اي اي قده وخلاص اطلع كن حياتي شوف حياتك انت انا مو مستعده اجرح احد زياده
كايد-بضحكه سخريه-/هه!! كأنك ما جرحتيني الحين تدرين لو اني جيت وخطبتك ورفض الكل واستسلمت للامر الواقع ان ما راح احزن ولا راح انجرح تدرين ليش؟
انا -بخيبه -/ليش!
كايد-بهمس-/لاني بكون متأكد اني كنت صدق حبيبك وانك تحملتي عشاني وانا اول واحد بأهني غيري فيك وبكون مبسوط لك لانك حبيتيني بصدق في يوم بس. انتي خيبتي ظني
انا-ابتسمت بحزن-/اسمح لي.. انت اناني
كايد/انااا!!
انا/انت تقول ان تحملت وصبرت لين تجي تخطبني ولو رفضوك ومنعنونا عن بعض بتفرح وبتتخطى هالمرحله تتوقع انا وش بيصير فيني؟
كايد بحيره/امم..بتعيشين حياتك سعيده مع احد غيري
انا -بعصبيه وحرقه-/ومين قااالك بكون سعيده!!
كايد كأنه انصدم من اسلوبي انا دومي متمسكه بعصبيتي وهاديه بس انفجرت وانفجر حبي الساكن واللي تعب من هالسكون
انا-بعبره -/بتزرع في نفسي غصه وحزن حتى اموت حتى لو تزوجت غيرك حس فيني!! "بكيت" شوي بس..
كايد-بهدوء وصدمه-/اء..انا ماكنت
انا-وانا امسح دموعي-/مع السلامه كايد بطمن على اثير
كايد/ليش تتهربين!!
انا/مع السلامه
_______________________
أثير؛
حسيت بأيد تهزني عشان اقوم
فتحت عيوني بتعب حاسه اني مانمت الا دقيقتين
فزيت يوم شفته مايد فتح الباب اللي جنبي وجالس يصحيني
مايد/وصلنا..
انا ظليت مفهيه فيه باقي فيني نوم
-تثاوبت-/دقيقه بس واقوم
مايد مسك ذراعي/شو تنامين.. نشي نشي
وقمت غصب عني ووقفت وانا اتأمل دبي
انبهرت بجمالها
بس الجو شوي حار
تشبه جو الرياض تقريباً
ظليت اطالع لسما وللابراج والجياه الحديثه
بس تدرون صحيح انها تطور وحلوه
بس..
الحي الشعبي بالراك احلى
مدري ليش بس يمكن عشان حبيت الاشخاص اللي فيها
وطيبتهم وبساطتهم
شد مايد على يدي
انا التفت له لاني كنت مقفيه له واتأمل
مايد/الظاهر اعيبتج دبي وايد
انا /حلوه..بس الراك احلى
مايد رفع حاجبه /اونه..شو فيها دبي غاويه اكثر من الراك
انا /حبيت الراك من الاشخاص اللي فيها والذكريات الحلوه اللس صارت فيها واول شي فيها شما هي خلتني احب الراك واختلط بالناس واعرف اسوي اشياء كثير تدري..يابخت اللي معاها بكل مكان ويابخت من صاحبها..
مايد-ابتسم على جنب وهمس يفكر ماسمعته-/اهي بس جي مظهر اما داخلها شي ثاني
انا استغربت وجمعت فمي على جنب وانا اطالع فيه بإستغراب
مايد-حط يديه بجيوبه -/ليش واقفين اهني
انا-رفعت عيوني وشفته فندق -/ميود!! مو قلت اني راح اسكن بالسكن
مايد/هيه بس مش اليوم ولا باجر صبري شوي
انا/اوك..
ورحت امشي وراه وانا اطالع بل شي حفظت الفندق بذا اليوم
مره حلو والله
صعدنا انا ومايد بالاصنصير عشان غرفتي فوق
وكان رقمها 20
دخلني.مايد ودخل معاي شنطي
مايد-بإبتسامه-/انتي ظلي اهني وتحملي على روحج ولا تفتحين لحد لين تسألين امنو
انا هزيت راسي بحماس
مايد/انزين انا غرفتي رقمها 23 بنفس الدور اهني حذالج
بس ترا عشان تتطمنين اني حذالج بس اياني وايااج تيين اهناك لاني ويا عمر ربيعي انزين
وهزيت راسي بنفس الحماس
وهو هز راسه بضحك لان كأني طفله
مايد/انتي مهما جبرتي بعدج ياهل
انا مديت شفاهي لقدام وكأني ببكي /اوه مااايد ليش كذاا ماني ياهل
مايد-رفع حواجبه بإستغراب -/قتلج انج ياهل
انا هزيت راسي بنفي وشعري يأرجح معي /لا لا لا ماني ياهل
مايد -ضحك-/الله يعينج على عمرج يالله انا بسير لغرفتي برقد وانتي خليج بالغرفه اهني ولا تتحركين ولا تطلعين
انا/طيب طيب
____________________________
فيصل؛
كانت امي معاي بغرفتي الكئيبه بنظري
احسها عباره عن ذكريات مؤلمه كيف انقلبت زوجتي علي
كيف منعني ابوي مت طلاقها واوصاني بالصبر
أمي/تعال حبيبي اسوي غترتك
ابتسمت ابتسامه باهته وقربت منها وظلت تسويها لي وتعطرني حسيت بحنانها اللي انحرمت منه يوم تزوجت
شقت شكلس النهائي بالمرايه وكان شكلي حلو ومرتب
حلقت دقني اللي كان مقزز وسويت عارض
حلقت شعري شوي وضبطه
بجد تغيرت..
دخل علينا ابوي ومعه فتون كاشخه
ابوي/اي مين قدك معرس مره ثانيه وامك مكشختك ومأخرتنا على الناس
فتون بدلع اصطناعي/باباه شفت كيف اخرونا امش خلنا نروح ونخليهم
انا-بضحك-/هي انتي وش قلبك انتي مو كنتي توأم رامي وش اللي صار وخلاك دلوعه ولا عشان لبستي وتكشختي
فتون -بعربجيه-/هيه!! انطم احسلك ماني توأم هاذاك اللي ما يتسمى
انا/ههههههههه تغارين منه عشان نحبه.. اهاا خلاص خلاص نكرهه
فتون -شهقت-/ااااناا اغاار يخسى اغار منه مين هو اصلاا
امي/والله مدري عنك انه الب سي يحب خانقه
ابوي/وانتي الصادقه مرد الكلب للجزار
انا غمزت لفتون/فهمتي ياحلوه مرد الكلب للجزار
فتون قعدت تحك راسها/والله مدري اصلا انتو عايله ألغاز اعوذ بالله
انا/طبعا مابتغرفين قصدنا الا بعد سنين لان عقلك جزمه قديمه
ابوي/هي ياوولد ما اسمح لك
فتون شهقت وصاحت /ووووششششهووو قصدكمم اني مردي لرااامي
انا ضحكت ورفعت يدي ادعي/اللهم لك الحمد اللي رزقتها بعقلل !
فتون/يحلم بس..
امي/ان ودك به اصلا
فتون حمرت وشوي وتبكي /لالالا ما ابغاه اصلا
ابوي/يوووه الساعه ثماان امشوو بسسرعه لا نتأخر على الجماعه
______________________
أروى ؛
ظليت بغرفتي اهز رجولي بكل توتر وامجاد جالسه تضبطني
امجاد/هيه اروى اهجدي
انا-بقلق-/طيب
وش السواه الحين!! فيصل طلع صدق يبغى يتزوجني
بس انا ما ابغاه
وكيف برده انا قلبي مايستحمل اني ارده
هو زوجته متوفيه ومعاها كمان اجمل احلامه
وهو اصلا من نفسه متحطم
أروى فكري بنفسك لو مره وش بيضرك
بس انا ما اقدر افكر بنفسي واترك مشاعر اللي حولي
امجاد/انتي يلا البسي فستانك وانا بروح اتجهز
انا هزيت راسي بالموافقه
وراحت عني امجاد وسكرت وراها الباب
انا قعدت افكر انا المفروض ما اصكت انا ما ابيه الزواج قسمه ونصيب طيب ومشاعر فيصل
ياارب سااعدني..
جاتني فكره اني اطلب المساعده من كايد
اكيد مابيردني خايبه اكيد بيساعدني
رحت سكرت علي الباب بالمفتاح
واخذت جوالي وعلى طول اتصلت في كايد
رد علي بكل برود /الو
انا -بخوف-/كايد ساعدني خلاص انا بنخطب لفيصل
كايد-تنهد-/ان تزوجتي الحين انا اللي بنقهر واتألم وانتي مع الوقت تنسين وان ساعدتك الحين وخليتك تنتظرين ورفضوني وهذا الاكيد انتي بتتألمين وما راح تنسين وانا راح اكون مبسوط مو الحب تضحيه؟ انا ضحيت وبكون انا الجانب المتألم عشان تكونين سعيده صدقيني بكون فرحان لك لانك مبسوطه
انا انصدمت من كلامه كان قوي لدرجه انه الجمني نهائيا
وظليت ابولع بريقي ولاني مستوعبه هذاا هو الاناني العصبي بيتركني بكل برود بس عشان اكون سعيده
كايد-بمرح مصطنع-/هاه لا أوصيك كوني بخير وأنتبهي على نفسك
وسكر وتركني افوق مع نفسي شوي شوي
لين ادركت اللي قاله كله
يعني بنفترق هذي نهايتنا!
صحيح هو غلط بحقي وكذب علي
بس انا احبه
مو بإيدي!!
بكل الحالات انا بكون تعيسه
السعاده مع كايد هذا اللي اشوفه بعيوني وبس
يوم كان قصير واسنانه طايحه وشعره منكوش لاته توه صاحي من النوم يوم كنا اطفال..
ماكان يضحكني الا هو يضحكون هو واثير ومضارباتهم
وش اختلف الحين ؟
صار هو اللي يدمع عيوني بدل ابتسامتي
قويت نفسي وانا بخاطري وااثقه ميه بالميه ان كايد بيساعدني
هو عمره ما كان بارد ااو يتنازل عن اي شي بسهوله
وثقت بأنه بيتصرف وقلت خلي اعدي هاليوم على خير
وقمت ولبست فستاني وتجهزت وجات عمتي عزيزه
هاذي عمتي ما اخذت وصف كثير..
لانها دايم ساكته وهاديه
ولكن الساكت سمه ناكت
رحت فتحت الباب بملامحي الحزينه والمتكسره
عمتي عزيزه/ليش انتي حزينه ؟
استغربت هالسؤال واخيرا حنت علي يعني
ابتسمت ابتسامه ياهته/ماتي حزينه
عمتي عزيزه طالعت فيني ببرود
وجاتني من وراها اريج ابعدت نظري بقوه
عشان ما اضعف قدام اريج
اريج -بمرح-/هي اروى والله انك جميله يابنت
انا قبضت ايدي وشديت عليها بقهر وانا ما ابغى اطالع بأريج
عمتي عزيزه فجأتني بحركه انا ابد ما توقعتها
مسكت ذقني ورفعت راسي وطالعت فيني
بس خاب طني وعرفت ان هالشي مو حنان علي او من ذي الاشياء ابتسمت لي بخبث /ادري انك مغصوبه على فيصل بس مو على كيفك فاهمه والكشره ذي اذا انتي تحت بدليها بإبتسامه ولا والله وانتي عارفه كيف لا اخلي حالك اسوء من امك
وراحت وخلتني بضعفي
وانا اتمنى اي قوه تخليني اوقف على رجولي حاليا
كل شي الحين ضدي
وانا باقي اعاند وابغى اوصل لاشياء مستحيله
امتلت عيوني دموع وانا اصارخ بداخلي واستنجد بكايد
كايد..مو انت اللي قلت لي مافي شي مستحيل
انا غلطاانه في حقك وانت بعد خلنا نتصالح ونسوي المستحيل
عشان نكون لبعض
بدل مانكون ضحيه لمكابره بالمشاعر
اريج قربت مني وشافت عيوني
اريج /نفس كايد!!
انا رفعت بصري لها بسرعه
انا/نفس كايد؟
اريج-ابتسمت بفرحه-/لايكون تحبون بعض!! وتدلع ياكايدهم ايوه "وقفت من الرقص " بس انتي .."شهقت" اوه يااربي عسان كذاا كلكم اليوم حزينين
وضمتني بقوه اي هذا اللي كنت ابيه
كنت ابي اي حضن اخذ منه قوه عشان اواجه هالمشكله
وانتظر شي ممكن يصير ممكن لا
يمكن يساعدني كايد ويمكن...
شديت على ملابس اريج بصمت
واريج تمسح على ظهري كمان بصمت
اريج-وهي تبكي-/بسااعدك.. والله بساعدك انتي وكايد
انا-بصوت مخنوق-/ماتقدرين انتي بس طالعي بصمت للي بيصير وربي بيعدل كل شي
اريج/خليني..
قاطعتها بمرح وكأنه ماصار شي/ويه يااربي مكياجك اخترب امشي تعالي اعدله
وماعطيتها اي مجال ترجع تتكلم ابد
______________________________
دبي 7:00 صباحاً
أثير؛
كانت السماعات بأذني وجوالي بجيبي
واكلم هالأروى اللي ورطت نفسها
غبيه اللي خسرت كايد
كان ماقالت ذاك الكلام الجارح
كان اليوم كايد لها لوحدها
لكنها غبيه من يومهاا غبيه
كنت اشتغل واسوي قهوه وانظف
والبس واسوي كل شي
خلاص رايحه للجامعه
طبعا عرفت ان فيصل جا وخطب اروى هي قالت ان فيصل جا خطبها وترا لها ربع ساعه تبكي وتقول كلام مو مفهوم
سوت لي معروف قعدت اجهز اغارضي
بعدين متأكده مليون بالميه
ان كايد مستحيل يوقف ويطالع اللي يصير بصمت
بيتدخل.. اكيد
اروى-بتأته بكا- /ادري.. انك تحسبين..كايد بيتدخل بس..هو قالي بيضحي لي..
انا قتحت عيوني بصدمه وطيحت العصير اللي كان بيدي طبعا هي علبه بلاستك وطاحت على رجلي بس انها جك كبير
انا -صحت-/ااااااااااااي حسسبي الله بسس..
اروى/قال ان انتظرته ورفضوه بيكون سعيد وانا تعيسه وان تزوجت الخين بأنساه مع الزمن وهو بيكون متألم.. ضحى عشاني يا اثير
كنت ماسكه رجولي بألم بس حسيت ان الالم اختفى من الصدمه/ايش!! من جدككك كايد قال كذاا
اروى-بحزن-/شفتي كيف
انا تلعثمت وماني مصدقه/ب.بس كيف!!!!
اروى/ما ادري وانا بعد عمااتي واافقوا وغصبوني على فيصل
انا -عصبت-/اروى تبغين فيصل!!
اروى/مدري
انصدمت اكثر /هيه انتو الثنين تجيبون المرض كله تكابرون بمشاعركم وش تبون بالضبططط!!
اروى/اخاف ارفض فيصل واخسره وبعدين اخسر خسارتين كايد وفيصل
انا-عصبت-/حددي الحين كايد ولا فيصل..!!
اروى سكتت فتره
انا-بصراخ-/تكلمي
اروى/كايد..
انا/صدقيني بيكون لك بأذن الله دقايق وراجعه باي
اروى-بخيبه-/باي
مسكت جوالي متردده اتصل و لا لا
وتوكلت على الله واتصلت
انا/الو
.../الو
انا استغربت الصوت /مين!!
كايد/انا سكرتير الاستاذ يحيى مين انتي ؟؟
انا ضربت جبهتي بقوه
كايد -بإستغراب-/اثير!!
انا رديت بعد فتره/غبي كلكم اغبياء..
كايد استغرب /اثير اش تقولين
انا/انت واروى اغبياء تصدق!! محد يدافع عن الثاني كلكم تدافعون بس عن كبريائكم...وبتدخل انا لان ولا واحد منكم يتمسك بالثاني كلكم تبكون بداخلكم واتا ادري بذا الشي وذي اخر مره راح اتدخل فيها لازم يكون لك دور في حمايتها من حزنها... حول اتصالي لابوي
فيصل سكت فتره وقال/حاضر
وحول الاتصال لابوي وابوي رد/الو
انا-بجمود-/السلام عليكم ..
ابوي -بصدمه-/اثير
انا-انفلتت مشاعري خلاص-/مو حرام عليكم تزوجون اروى بالغصب؟
ابوي/طيب خلينا ناخذ اخبارك هاه مو كذا تطبين
انا/مااني بخير ماني بخير!!!
ابوي/ماغصبناها هي قالت موافقه وقالته بلسانها لعماتها
انا-بعصبيه-/وانت قلته بلسانك عماتها!! وتعرف عماتهاا وش سووا بأمها حتى انهم خلوها تطلق بالظلم
ابوي/امك مو مظلومه هي الظالمه ويعني كبرتي علي عشان تناقشيني
انا-اخذت نفس عميق -/ابوي انا ما ارددك او شي جعل للساني القص اصلا بس يا ابوي انا اقولك حالنا اشكيلك وش صار فينا من عماتي شوف اختي بتتزوج بالغصب كله منهم
ابوي/انا صدقت انها متزوجه بالغصب لانك انتي قلتي وانا اعرف انك ماتكذبين علي..بس انا مابيدي شي كلشي صار امس واتفقنا ووافقت والرجال مستعد يكتب كتابه عليها على انها موافقه وش عذري الحين؟
انا سكت بخيبه بس جاني امل اني اعدل وضع كايد واروى
ابوي/انا اسف اثير عندي شغل مع السلامه
وسكر في وجهي
نزلت جوالي من اذني بخيبه
وسمعت دق على الباب
عرفت انه مايد يقول يله
سكرت عبايتي وسويت حجابي
وقلت مين وطلع فعلاً مايد
ينتظرني يوم مجهوله تفاصيله..
___________________________
أنتهى.
توقعاتكم؟