رواية بحر - الفصل 6 - بقلم للكاتبة حبيبة البحر أو er - مكتملة | روايتك

البإارت السادس.. ميساء: كنت يالسه على دري الفيلا لوحدي عقب ماودروني بنات خالي لوحدي بالاصح انا ما ابا اسير وياهم للحديقه اللي ورا الفيلا تميت يالسه اتأمل وذكرى توديني وتييبني هيه ها اهو بحر نفسه هاك اللي كان حتى اقصر مني هه ابتسمت بحزن وهمست/جبر وايد.. تكتفت وتميت اجوفه ابتسم واهو لاهي ياربي شلون طال...وطلع له عارض..وطال شعره.. وخشن صوته.. والذكرى زارتني واصلا كيف انسى هاك الموقف ' ' كنا كلنا متيمعين عند يدتي بهاك اليوم وعمتي ام بحر "مهره" كانت اول شهورها من طلاقها من ريلها وهاك اليوم يانا بحر زياره تبون الصراحه..! عمتي مهره ماكانت مثل حد من الامهات يعني اللي تفارق يهالها تفتقدهم وتتم تبجي وجي.. بس عمتي مول مو جي تضحك ومستناسه واايييد، وما تضايجت الا يومن بجر يا طبعا بحر جان صغير يمكن عمره 4 او 5 المهم... كنا كلنا بالحديقه مالت الفيلا وتامين نسولف ويدتي حاضنه بحر وتسولف وياه وترمسه عسب مايحس بنقص اعطته اشوي حنان.. بس انا فاهمه انهاا مستحيل تعوضه عن امه ويستوي مستغني.. انا كنت بحضن عمتي مهره عمتي مهره تحبببني وااااايد مرات احس انها تحبني اكثر من ولدها تحسسني بالحنان اللي ولدهاا يباه كانت تحضني واهي مبتسمه وانا بحضنها وتعطيني بوسات والكل كان يضحك لاني كنت معصبه من قبل اصلا ومب معطيه حد ويه توقف ضحكنا فجأه... بسبب تصرف بحر المفاجأ قام ويا لعندي ومسك ايدي بخفه وتم يسحبني هم بخفه... ما يبا يأذيني بس انا ما اعرف شو يبا بحر -واهو اشوي ويبجي- /انزلي سويه ميساعوه ابا ايلس بحضن امي دوري.. انتيه دوم وياها وبحضنها انا استقت لها وايد انا قمت عن حضن امه واهو فرح واااااايد وكان بييلس بس قامت امه ودفته عنها بقوه لين انه طاح بعيد عنا والكل قام ويدتي اخترعت وسارت له ركض ومسكته وتطمن عليه عمتي مهره بصراخ /ششووووو تباااااااااا ااااانتتتتته شششششششووووو تباااااا انتهههه وابوووووووكك انااااا اكرررررررررهكمممم كلككككمممم انننننسسسسى ان عندك ام طلعووووووووووووووووههه برررررررررررععع طللللللعوه وعمتي قامت تصارخ بهستيراا وتبكي وتقول كلام مش مفهوم خوالي قاموا بسرعه ويودوا عمتي وابعدوها عن المكان وطبعاً تميت مع يدتي وخالو حور.. طالعت في بحر اللي كان بحضن يدتي ومصدوم بس ماشي بملامحه يدل انه حزين عيونه الناعسه اهي ظلت نفسهاا ماتحركت كل ويهه مش باين شي يدل انه مصدوم اوحزين اصلا ماعرف شلون استنتجت انه مصدوم كان بنفس نظرته البارده وهدوءه ويدتي يالسه تقرا عليه وعمتي حور تطالع فيه وراااحمته وااايد ' ' وااييد موااقف مش بس هااي الوحيد كانت دايم عمتي مهره تصد عن بحر وعن سيرته لحد ان بحر نفسه ماقام يينا واايد تنهدت وانا اتسأل هل اهو بااجي يذكر هالاشياء اصلا اهو باجي يذكرني..! ماظنتي صراحه قمت وانا انفض التراب عني اشوي واجوف بحر يا لعند الباب مال الفله مسرع بحر /ميساء.. راويني بسرعه وين خالوه حور انصدمت.. باجي يتذكرني /اهي داخل بحر/راووويني ما اعرف البيت وايد انا تو استوعبت خوف بحر /لحظه!! بلاها عمتي حور بحر تأفف /خلاص شكرا.... وسار عني واهو زهقان انا شهقت.. وتميت الاحقه بعصبيه انا في الاخير ماعرفت الحقه لانه دخل الفيلا وتم يدور بكل مكان واهو شبه يركض انا صرخت /جللللللييييييييل الحيااااااااااااا يباااااااالك كفففففف!!!!!!! مشششش اناااا الللي تتأفف بويهي ووتكبررررر علييييييي تفهههههههمممممم بحر لف علي بعصبيه وعيونه حمر ويلهث من كثر ما دور انا طالعت لفوق لانه طويل وانا شرات النمله قصيره بلعت ريجي وابتسمت بحر /منو اللي يبااله كفف! انا -بغرور-/انته! بحر / لولا ريولتي كان دفنتج اهني دفان انا -شهقت-/شووووووووه!!! اننته تدفني ليش امنو انته اناا ميساء حااتم تدفني!! عفان الله مريض بحر/جب ..جليله ادب انا كنت بكمل بأسلوبي الاستفزازي بس توقفنا كلنا يومنا سمعنا صراخ من الدور اللي بالاعلى بحر طالعني بخرعه وهم انا بحر-بخوف- /حسبي الله عليييجج عطلتينننييييي سسسسسيررري بسسسسرعه نادي خوالي عمتي حور بتربي -------------------------------------------------- فيصل ؛ انتهت العزيمه بعد ماتعشينا وما سلمنا من نظرات ابوي وابو رامي وانا ابتسم واضحك ومو كأني فيصل الرسمي والله الخوف وما يسوي طلع الكل من المخيم وبدينا نكفت اغراضنا والعوايل تتساعد والدنيا ظلام ركبت بسيارتي وكانت مقابل خيمه الحريم عشان يركون امي وفتون طلعت.... وطبعاً عرفتها من وجهها لانها بس تتحجب ماتتغطى وظليت اطالعها بجمود وهي شايله سله القهوه والشاهي وواقفه تستنى جاو فتون وامي وامي ركبت قدام وانا تكيت راسي على الديركسون وجالس اتأمل اروى وطبعاً استغليت ان اروى تطالع لليسار وسيارتي على يمينها فأنا جالس اطالع ومفهي اشوي والتفت فجأه لناحيتي وانا استغربت وقمت ونصبت ظهري وظليت اشغل السياره وكنت بحرك بس انصدمت بفتون قاعده برا السياره وتكلم اروى من عند سيارتي ولا ركبت للحين صبرت شوي وبعدين لفيت بصري عشان اشوف فتون اللي بابها ورا بابي وااقفه عنده وموطيه راسها تاخذ حجر نزلت ببطئ ومسكتها من طرف عبايتها وفتحت الباب ودخلتها بشويش انا /بلاك انتي فتون بعربجيه /والله لانزل ارمي عليها حصى انا -فتحت عيوني للاخر-/منهي!!! فتون/هذيك الحماره.. انا لفيت بصري تلقائياً وبدون وعي وشفتها لافه وجهها للجهه اليسار وتضحك وفجأه كذا لفت لليمين وطاحت عيني بعينها ابتسمت.. ادري انه جنون بس كذا لا اراديا قلت بروح ارجع لها اسوارتها بس امي موجوده ياااربي يعني بنظل ذي امانه برقبتي.. يمكن بيوم اقدر اعطيها او... الاقي حل عدلت شماغي ورجعت ركبت وطبعاً مانزلت عيوني عنها بااقي اطالع وحركت السياره وشفتها مبتسمه وتأشر لفتون وفتون مبتسمه وتأظر وفتحت الطاقه فتون/نتقتااااابلللل يومممم الاحد بالمدرسسسسه اروى ضحكت وهزت راسها انا/يمه بنتك يبيلها طق امي /ايوالله فتون -شهقت-/مشاالله يعنننني اجتمعت الام مع دلوعها ويبون يطقوني واناا تراا دلوعه البابا ابتسمت من ذكرى ابوي انا/فتون تكفين ساعديني ذا المره -------------------------------------- اثير ؛ بعد جلسه طويله مع شما وبعد مافاتتني اجمل مباراه في الحياه اللي هي مباراه الهلال بس ماعليه تستاهل شما ودعتها ورحت مع امي بعد زياره لام شما وتناقشنا انا وشما ولا استسلمنا وناوين يوم الجمعه الجايه نطلع ههههه مانمل المهم اني انا وامي مشينا للبيت قلت بسوي استهبال على امي وركضت قدامها على اساس ان توي حفظت مكان البيت وامي انهبلت علي تخاف علي اضيع مادرت اني قد حفظت كل الفريج على مايسمونه ووصلت للبيت قبلها ودخلت وانا اضحك ودخلت وراي وضربتني على راسي وانا فحمت من الضحك سكرت امي الباب وقامت تدفني وتقبصني انا/اييي اااااااي جدوو جدوو امي/مشاالله احين بتستوين تحتمين فيه والله لاراويج انا ضحكت ورحت للصاله ولقيت جدي وجدتي/جدووو ياقميل امي جات من وراي وضربتني على راسي جدي/ اهلين ابويه شحالج اليوم انا/بخير كيفك انت جدي /بخير.. جدتي/بنتج يننت ريلي انا/لالا ياجده اسمعي نصيحتي.. وجلست بين جدي وجدتي انا/اسمعي ترا جدي عنده نقص حنان جدتي ضربت صدرها وهمست/اويه..شو يعني.. "ورفعت صوتها" اهو لوحده مريض سكر وضغط وفوقه نقص حنان انا ضربت جبهتي لان امي سمعت امي/يالخايسه شو تقولين ليدتج انتيه انا/امي انا اعطيها نصايح.. المهم ياجده انتي ليش قاسيه كذاا معاه مقص حنان يبيله كلمه حلوه ودلع "غمزت لها" جدتي-بعصبيه وصوت عالي -/شوو تبيني اسووي له اييب له ورده شرات الافلام لالالا.. ضحك جدي /يا الجاهله انتيه ماتعرفين شو الرومنسيه مالتهم هاي.. كلها ورد وعطور وماعرف شو بس يابنيتي نحن مانجيس الحب جي..الحب بالقلب صحيح ام مايد جدتي بحياء/ريااال شطولك شعرررضك شوو هالرمسس وقامت وخلتنا واانا ضليت اصيح ومبتسمه /ووووووااااااووو جدوووووو البطططططططلل خليييت جدتتتتي تستحي بررررافووو عليكك اي ذذذذذي الرومنسيه امي جات عندي ومسكتني وضلت تسحبني /زين حي زعلت يدتج جدي / ودررري البنت الله يهددييج ابيهاا انااا انا/جددي يبيني فكيني ماماه خلااص بعدين جدتي مازعلت "غمزت" استحت امي ضربتني على راسي/ماتيوزين انتيه عن حركاتج يالمخبوله "فكتني ورحت ركض لجدي" جلست جنبه /يلاا بااي ماماه طلع لنا مايد وحالته بجد مزيه ييمهه مو كأنه مايد اللي امس اي نسيت اقولكم تخيلو امس سهرت معااه وكذاا وتعرفنا على بعض وانبسطنا يعني بالاصح تصاحبنا بس اليوم مدري كان مختلف بكل شي دخل علينا وسلم على جدي جدي/وين ساير يا ابويه مايد-بإبتسامه باهته وهو يطالعني-/بسير الدكان بشتري شي عسبت مفاجأه اثير تكمل انا نقزت من كان بأبتسامه/وش المفاجأه .. مايد /مفاجأه مب احين اعلمج انا/ليششش يوهه ..طيب خذني معاك الدكان مايد فتح عيونه للاخر/لا طبعاا جدي/اخذها معاك حتى اضمنك ترد ماتسهر برع مايد /ابوويه بس.. جدي بصرامه/اخذها انا قعدت امد لساني واحرك حواجبي لفوق وعدلت شيتلي لاني اصلا مافصختها انا/اقولك خلاص بطلت --------------------------------------------- بحر؛ ركضت للغرفه اللي فيها صوت صياح عمتي عقب ماقلت لميساء تنادي خوالي دخلت الغرفه ولقيت عمتي على الشرير وتعبانه وايد وتتألم عقدت حياتي وسرت لها يلست حذالها بالسرير ومسكت ايدها انا-بحزن- /عموه بلاج.. يعورج وايد عمتي تطالعني بألم/هيه.. حزنت عليها وايد ومسكت ايديهت وشديت عليها /اهدي انتيه اهدي احين ييون خوالي احين ييون عمتي/بحر حبيبي...سير.. جوف حمود نايم بالغرفه اللي حذال هاي ..اخخ..سير اخذه واخذ جنطته واخذه وياك الراك لين يي ابوه من السفر انا-بقلق-/فالج طيب خاله بس بأطمن انهم ودوج للمستشفى وباخذه ونسير.. الله يقومج بالسلامه يو خوالي وشالوا خالوه للمستشفى وانا تم قلبي متعصر وعاقدن حياتي ووايد قلقان الله ييسير لهاا.... تنهدت وقمت وسرت للغرفه اللي حذال طبعا عمتي حور دوم ماكانت تييني بالراك وتسلم علي احسهاا اهي بس اللي من نسبي اما الباجي ما اشوفهم وايد واحب ولدهاا حمد اهو ربيعي اصلا دوم ماكانت تييبه لي وتروح مشاويرها المهمه وجي فتحت باب الغرفه بهدوء وكانت ظلام بس اشوي اشوي النور ابتدا يحدر بس استوى النور على السرير وكان... فااااضضضي!!!وين ساااار ها الشيطاان اختبصن مب عارف وين اسير استويت اجري في البيت كله وانا انادي "حمممممد" وافتح كل الابواب ومووول ماله اي حس ياررربي وين سار نزلت بسرعه وسرت للحوش وتميت ادور وادور طبعا البيت فاضي ماشي حد سرت للحذيقه ورا البيت وجفت بنات خالتي شهد/بحرووه شو ياابك اهني انا -معرق والهث وبصراحه وايد خايف -/حمممد!!! جفتوووا حمد ليان/لا والله جفتيه ميساء ميساء -ماسكه تليفونها-/هيه.. انا /اهوو وينن بسرعه ميساء -بغرور وتجر الجروف جر-/امم..اتوقع..انه..في..جفته..انا ..بس..وين..هيه!.مشى لبايكه السيارت انا يا في بالي ان الكل اهناك وبيحركون السيارات واهوو قصير انا -صرخت بخوف وكل البنات نقزو من الخوف -/شووووووههه!!!! متأكده انتيييهه ميساء-مبتسمه ببرود-/هيه انا طالعت عرقت اكثر وركضت بسرعه للبايكه مالت السيارات كانت السياير وولله الحمد ماتحركت للحين تنفست براحه يومني جفت حمد واقف وسرت عنده طبعاً جفت سياره وحده بس اللي تحركت وتطمنت ماشي حد باجي سرت وشلت حمد وانا مرتاح وجدامي سياره بنتلي انا/حموود حبيبي بلااك جي خرعتني عليك حمد تم مبتسم وفرحان ويناقز بحضني وينادي اسمي "بحل وبحل" ابتسمت /عيون بحل اشوي ووتحرك البنتلي هااي بسسسسرعه لوراا.. وانا انصدمت وماعرفت شو اسوي -------------------------------------------------- اروى ؛ ركبت السياره بتعب بهد يوم طويل وشبه ممتع صراحه استمتعت مع فتون مره بس خربت علينا عمتي حسسبي الله عليها حطيت راسي على على رجول امجاد وظليت سرحانه.. وتذكرت كره من المرات.. ' ' كان فيه عزيمه كبيره ببيتنا والكل كان هناك وانا ارسلتني جدتي عشان اروح مع اثير نجيب العشا من الحوش بس قالت البسوا عباياتكم وشيالكم لانها ماتدري مين اللي بيعطينا العشا لبسنا انا واثير عبايتنا وطلعنا وفتحنا الباب الخارجي ودخل علينا كايد بسرعه وهو شايل الصحن ونزله على الارض ورجع وقف وعدل شماغه انا نزلت ابي اشيله وبسرعه سحبت ايدي من حراره الصحن انا /ااااااااييي حسسسبي الله عليك من صحن اثير بخوف /اشبببك ياابقره احترقتي انا يوني دمعت/اي يعور كايد بسرعه سحب ايدي المحروقه وستف اصابعي الحمرا وضل ينفخ عليها اثير -كتفت يدها وقالت بتريقه-/لا مشالله الحين بتبرد ويطيب جرحها كايد-بعناد-/اي انا استحيت وحمررت وااجد وظليت اطالع وش بيسوي وظل يرفع عيونه لي ويبتسم ويرجع ينزلها على اصابعي ويتحسسها اثير -تصفق-/لااا براااافووو عليك صرااحه لا تسوي رومنسي على رااسي في العصر كسرت مجاديفي والحين انا اخونا في الله الرومنسي كايد-يحرك حواحبه لفوق-/اي روومنسسسي شعندك... واحبها وش عندك بعد ؟ لا احسن تعالي بيننا وخيرينا نحب بعض ولا لا انا عقدت حواجبي من كلامه معناتته انه يجبني ذا الكلااام كبير وسحبت يدي بسرعه اثير/بالله خلاص اعترفوااا لبعضض انكم تحبون بعض تكفون عشان الحياه تجارب يمكن احب انا خنتعلم كايد -كش عليها-/ليش منهو الغبي اللي بيحبك..ايه واذا عن الاعترااف فهاذا انا اعترفت واحبك بس تصرفي مع احتك ثقيله وتدلع علي.. اثير/ما الومهاا انت تفقع الكبد يلايلا لاتحرج اختي اكثر "غمزت"تراني شاكه بوضعها انها تحبك انا انزعجت من هالكلام وصرخت /اثثثيررر!!! اثير /بسممم الله خلااص اسسف...شففتت ياحيواااان اختي عصبت براا برااا برااا "فصخت حذيانه وطلت ترميه لين طلع وهو يضحك" ' ' ابتسمت لهذكرى حتى بقصص حبي اثير معاي معااي بكل لحظه وثانيه ودقيقه اه كم اشتقت لها ولسواليفها ولخبالها.. وثارت اشواقي لكل شي يجمعني ب.أثير تجمعت بعيوني الدموع وسكرت عيوني عشان ما ادمع اخذت نفس عميييق وظليت مغمضه عيوني ومنزعجه من صوت ابوي العالي مع جدي تعرفون الرجال اذا صاروا يسولفون ويااويلي لا صاروا يسولفون بالاراضي والقروض وهالشغلات اقسم بالله يجيني صمم بالطبله من اصواتهم ومناقشاتهم الحاده رفعت عيوني لامجاد اللي كانت نايمه وظليت اتأملها وانا حزينه على وضعها خريجه رياضيات من جامعه الاميره نوره وبتقدير ممتاز وهذا وضعها لا شغل ولا مشغله.. في البيت تعطي دروس خصوصيه مشالله عليها مكافحه واجد تقول عشان المناهج تتطور ولازم مايضيع عليها شي الله يزيدهاا ويرزقها بوظيفه صراحه شي يقههررر __________________________ أثير؛ بطلت اروح مع مايد ماحبيت اروح بالليل بعدين واضح من ملامح مايد حزن وانا اكره اني اشوف احد بذاا الوضع وما اسوي شي أحب اشوف ابتسامة الكل واكره الحزن على وجيههم ،جديا اكرهه كرهه ماله حدود احس بخيبه تملا قلبي واكره هالشعور كمان عشان كذا بطلت اروح عشان اذاا رجع اساعده بأي طريقه ظليت بالصاله مع جدي وانا متكيه على رجولي وحطه ايديني على وجهي وافكر بكل شي صار لي هالفتره سبحان الله.. تغير كل شي بلحظه امي وابوي تخاصموا لسبب مجهول ! انا وامي جينا لهنا ببيت جدي! كرهت هالبيت وبليله حبيته! كنت متضايقه من ضيق المكان وقدمه وفجأه..! صار ضيقه وساع بعيوني وقدمه احدث شي من الاثاث! اكتشفت ان مو كل شي بالمظهر او بالفخامه والفلوس! هذاا هم متواضعين وبيتهم متواضع ومبسوطين .. كنت اتسأل ليش هم باقي بالهبيت القديم ووش حادهم وكيف مستحملين!! بس عرفت ان هالبيت له قيمه كبيره لهم واكثر شي يخليهم مستحملين لمتهم الحلوه الله يخليهم لبعض... ما اجملهم تأقلمت معهم بشكل سرييع شوي وانفتح الباب ودخل مايد جدي/عن اذنكم بسير ارقد انا -بإبتسامه-/تصبح على خير جدو جدي ابتسم/وانتي من اهله وراح عني انا ومايد مايد /اثير تعالي غرفتي براويج المفاجأه انا نقزت ورحت معاه ودخلنا للغرفه انا ادور اي شي عشان اطقطق عليه فيه عشان يضحك شوي.. انا كتفت ايدي/مشالله توني اشوف غرفتك يااخي انت اشبك كذاا ليش غرفتك وصخه!! مايد -ابتسم بنفس الابتسامه الباهته والصوت المبحوح-/عزابي شو تبين تكون غرفتي! مقدر اصكت اكثثثر هالشي ينرفزني كثير ما احب اححد طيب واخلاقه حلوه انه يصير حزين اكررره هالنظرات الخايبه والصوت المبحوح والابتسامات الباهته كلها شي يذكرني ب أروى .. انا /اسمع.. مايد -رفع عيونه - انا/قبل كل شي وقبل اي مفاجأه يمكن انت ماتعرفني كويس بس بعطيك معلومه صغيره! ترا اكره اشوف احد بنفس وضعك الحين مايد /شو!! بلاه وضعي انا /يعني ..واضح انك متضايق من شي انا ما اعرفه مايد -ابتسم-/لالا ماشي استوى ومش متضايق انا -رفعت حاجب وحاجب لا-/بالله؟ مايد/هيه انا/لا تكذب علي ..او لا تكذب على نفسك بالاصح لانك كذا ما راح تأذي الا نفسك مايد -تنهد وطالع للارض- انا /شفت!! كون صادق مع نفسك لاتكذب عليها مافيها شي لو تضايقت مافيها شي لو صار لك شي يضايق وهزك مايد /انتيه استاذه.. لا صدج انتيه استااذه في العيون انا/شفت كيف..يلااا قولي شفيك مايد/سالفه ويا ربيعي بحر.. ماتعرفينه انا -اه بحر ذاك ولد عم شما -/اهاا ...اي اي ما اعرفه مايد/استوت مشكله بسيطه جي سبينا بعض بس انشالله نرد نتصالح انا -حبيت اطمنه-/ويه بس كذاا مجنون انت تزعل عشان كذاا مو انتو زي الاخوان عاادي ليتك تشوفني مع فتون كيف اقسسم بالله الاولاد احسن منا مل شوي مضاربه بس نرجع نسولف ونضحك عاادي جدا مايد/هم نحن جي متضارب بس هااي المره سب ورمس عود وهاي اول مره يستوي جي مع بحر اول مره نتضارب بصدج اول مره نفترق عن بعض واول مره نسير ننام وبقلوبنا شي يااربي تعقدت الامور كيف اقنعه الحين للموضوع عادي بس دام السالفه كذا انها اول مره يتضاربون صدق شكل علاقتهم قويه مشالله وقديمه اي... لقيتهااا انا -ابتسمت-/لا تخاف..كم سنه انتو مع بعض مايد/من يوم ما انخلقنا ونحن سوا انا فتحت عيوني للاخر /يعني ماتفارقون بعض اصدقاء مره مايد/هيه انا/مشالله.. طيب يااغببي اسمعني كويس دام تقول علاقتكم من زماان اكيد انها متينه مره ومستحيل تنقطع عشان سبب تافهه او كلام ماله دااعي صدقني علاقتكم اكبر من كذا مايد -اخذ نفس-/كلامج مريح وايد تصدقين..ماعلينا انشالله انا بومسه بالتلفيون عقب شوي واتعذر له انا/طيب ايوه كذاا تصرف حلوو مايد راح لدولابه وصار يرفع نفسه لين وصل لملابس المسفطه واخذ منها كيس مايد /هاي مفاجأتج.. انا فوق راسي علامه تعجب مستغربه وش فيه الكيس مايد/اندوج فتحيه انا فتحته ولقيت جوال وفعت عيوني بسررعه لمايد طبعاً بذاك الوقت كانت الموضه نوكيا وكذا كنت فرحاانه ووواجد رفعت عيوني بصدمه وابتساامه عريضه لمايد مايد-ابتسم-/فتحيه ودخلي الشريحه فيه وكلمي احتج اروى اكيد مشتاقه لج وايد وهم انتيه كانت بتدمع عيوني وحسيت بمشاعري تحركت حسيت بأن احد يحس فيني الحين ويحس اني اشتقت واني حنيت تحركت مشاعري بس دموعي المتحجره مافي شي يقدر يحركها ابد.. انا /شكراا ماايد اقسسسم بالله مختبصه مو عارفه وش اقول وكيف اشكرك.. مايد-بمزح-/جب جب ويلاا طلعي برع ابا انام انا -ضحكت-/خربتهاا يااخي مايد -ضحك-/لا تتشكريني فاهمه سيري كلمي اختج وانا اهني اخوج وخالج وكل شي وبدون اي رسميه انا -ابتسمت-/الله يسعدك... وطلعت وسكرت وراي الباب ________________________________ ميساء؛ صراحه وايد كنت خايفه على حمد بس كنت ابا ارفع ضغط بحر استوى قلبي طبول وايد خفت انا/شهد وليان تعالو نسير نجوف في بايكه السيارات خايفه انه يستوي شي شهد /هيه والله خايفه ليان /انزين وسرنا كلنا للبايكه واحنا بنموت خوف يارب انه ما استوى شي!! اشوي ودخلنا البايكه وجفت بحر شايل حمد وقاعد يبوسه انا تنفست بأرتياح الحمدلله ما استوى شي اشوي واجوف سياره من السيارات الصافه ترد لوراا بسسسرعه انا خفت وعيوني انفتحت على وسعهن وما قام صوتي يساعدني حتى اصيح فتحت فمي من الصدمه شهد وليان -صرخوا -/بحررررررررررررررررررر خووووووزززز عننننن السيااااااارررررررههه وانا تميت مصدومه وانا اجوف بحر ضامن حمد ومدخلنه داخل صدره ويده على راسه واستووا الاثنين يتقلبون من قفا السياره لين وصلوا لاولها وطاحوا بالارض انا واخيراً استوعبت وصحت /لااااااااااااا وركضت بسرعه لهنااك وجفت بحر غرقان بدمه وحمد فوقه صاحي ملياه شي لان بحر كان حضننه عدل وايده على راسه سرت وشلت حمد وتفقدته حمد -يمد ايده ويبجي-/بببحللل بحححححححللل وقدر بقوته ينزل واستوى يهز بحر ويطقه ويبجي اما اللي كان يسوق ابويه!!! نزل ووياه عمتي مهره عمتي مهره صراحه انهارات بهاك الموقف وتمت تلطم خدودها عمتي/بببببححححرررر وووووليييييددددديي يااا يماااااهه ولليييييدددييي ابوي كان مختبص وملعوب في حسبته صراحه بجر كان شكله يخرع تحته دم وااايد ويالس ينزف ومغمى عليه ابويه هد غترته وربط راس بحر وشاله على السياره وحطه بالمرتبه اللي ورا وامه ركبت وحطته بحضنهاا وتمت تمسك راسه وتدعي يكون بخير انا ما عرف شو ياني بعقلي وقلت الا غصصب اسير وياهم انا فتحت الباب اللي جدام وركبت وبحضني حمودي وابويه ركب وما انتبه اصلاً اني اهنيه كان منتبه بسس لطريج وانه يوصل بسرعه ابويه كان يسير بسرعه واايد انا بنفسي اخترعت اول مره اجوف ابويه جي ماحسيت بوايد وقت بسرعه وصلنا للمستشفى وانا واايد قلقانه دخلوا بحر من قسم الطواري وساروا يجرون وياه ودخلوه على طول لغرفة العمليات وانا وعمتي يلسنا على الا كراسي اللي حذال الغرفه وتمت عمتي تصيح وتولول.. وانا خايفه واايد وقلقانه وحمد صراحه استغربت منه وايد صاخ وماله حس ماينلام انصدم المسجين ضميته بقوه وتميت اقرا عليه المعوذات ابويه اشر لي ايي لعنده سرت لعنده وانا مستغربه ابويه-بهمس- /اندوج مسكيه لين ايي. انا هزيت راسي بالقبول وسار ابويه لبعيد وانا رديت ايلس.. وتميت افكر شو بيستوي في بحر لو يموت شو بيستوي ؟ لا انشالله يااارب وجيه لا ؟ شو يخصني انا ؟!! معرف بس فيه شي داخلي يقول لا ياارب مايستوي فيه شي لاني بحس بحزن انتبهو للتيلفون اللي يرن بإيدي رفعته لقيت الاسم عمر تعجبت مين عمر ابويه مايعرف واحد اسمه عمر هاذاا تلفون ابويه وله ؟ معرف بس برد رديت /الو.. عمر-كان يشرب وشرق-/بسسسم الله.. انا/شوه!! لا يكون جايف يني عمر /اقولج انتيه امنو انا/انا اخت داعش تعرفه؟ عمر-ضحك-/الله يقطع ابليسج.. انا -صحت-/لالا تعاال وياي ونستوي ربع ونضحك ويا بعض ونطق ميانه الا الا تعال عمر /ياليت والله... انا-شهقت-/جللللييييل حيااااا اننتتتتتهه شووو تبااااااا يعل اليني يااخذذذك عمر/بلاج نمزح.. انا/لاتمزح وياي عمر/انتيه امنو انزين!! انا/مايخصك ما شو؟ ما ي.خ.ص.ك وفاارج يااالله فااارج عمر/اااايه ابوويه انتيه علاامج مريضه فيج شي وين بحررر لايكون سارقه تيلفونه هيه اصلا واضح من الصوت بنت فقر وشحاثه وبهيمه.. انا -بطفوليه- /عمااا بعينك يالوقح يااجليل الحيااااا انتهه ويه الفقر مب اناااااا انزين ؟ بحر طاايح بالمستشفى واهو بغرفه العمليات احين "ابا اقهره" ويمكن يموت لان صدمته وايد قويه والذكاتره واايد طولوا انزين!! عمر -انصدم-/شوووووووهه!!!! جذاااااابه صحح انا -ببرود-/شو مصلحتي اجذب مثلاً عمر/احلفي انا /والله ورربي اقسسم بالله ما اجذب وانا اصلا بنت خاله مب شاحذه انزين!! عمر /اي مستشفى انتو انا /مش قايله لك.. عمر -بصراخ خلاني اخترع-/انتوووو ووووويييين خلصيني لاعرف طريقج وراويج بطريقتي انا -بعصبيه-/اااايه لا تناااافخ سبحان الله اهو ربيعه اصواتهم تخرع وتخلي الواحد غصب يرمس عما انشالله احنا بمستشفى... بدبي عمر -سكر بوييهي- _______________________________ اروى ؛ قمت عن حضن امجاد وجلست وظليت اشوف المناظر من الطاقه حقت السياره.. وانا اتذكر اخو فتون اي فيصل واهو يطالع فيني بإبتسامه للامانه ماكنت متطمنه لنظراته حاسه انه يخبي شي حاسه من عيونه كلام كثير بس مجبور يخفيه تنهدت وانا براسي الف فكره وفكره رن جوالي ورديت بسرعه وسرحان وجااني صوتها المرح واللي كله شوق ينادي اسمي انا انصدمت وابتسمت تدريجيا وهمست بأسمها /اثثثييير!!!! اثير /عيونهااا ...اروى حبيبي كييييفك!!! وشخبااااررررك ياحيوانهه اشتقتلك انا -صرخت ودمعت في الحال-/ااااااثثثثثيييييرررر اه اه ياشلبه .."وظليت ابكي" اثير /ييييوووووه بللاااااا بكاا خلااااص لا تحزنيني انا فرحانه بصوتك يلاا عاد انا مسحت دمعتس وابتسمت/اثير اشتقتلك وووربي اثير -بحزن- /وانا بعد... اروى /كيييفك وكيف الامارات واجوائها وانشالله تأقلمتي هناك اثير/الحمممدلله اقسسم بالله عال العاااال تأقلمت في ثواني عندي صديقه اسمها شما من نفس حينا وصاار معاي مغامرات معاها وخالي مايد صرنا اصحاي وجديي فديته وجدتي كمان حبيتهاا انا -ارتحت وتنهدت بأرتياح-/ياااقققلبي الحمدلله اهم شي انبسطتي وتأقلمتي اثير-بحماس- /وانتي كيفك!!! وش اخبااارك انا /تبين الصراحه... مره ماتحمس للجاي اثير -بعصبيه-/افاااا واناا بنتك يا ابوووووي....ليششش!!! انا ظليت احكي لهاا عن اللي صار اليوم من يوم رحنا للمخيم لين اخر لحطاتي فيه انا /وتخيلي يا اثير اخر شي قعد يطالعني ذا فيصل ويبتسم لي ما ادري ليش حااسه ورااه سر اثير -شهقت-/جججعل لفمه الششق الوقح هذاا وهو متزوج!!! والله العظظيم لو انا موجوده كان فقعت وجهه انا/هههه الحمدلله مو موجوده اثير/اصص انتي يا الاخت الرومنسيه تحبين هالابتسامات اجججل!!! انا/لا بس استحي!! المهم تتوقعين ان وراا ابتسامته سر زيي اثير-بتفكير-/وااالهي.. شوفي ممكن يكون فيه شي بس ما اتوقع انا/لا يااشيخه جبتي التايهه الحين!! اثير/لا جد والله غريبه انه يبتسم لك وهو متزوج وكذاا يعني شي غريب!! وفيصل دايم ثقيل ورزه مايعطي اي احد وجه وشكلك مو اي احد فصراحه حاسه واحسااس كبيير ان السالفه فيها انّ _______________________________ مايد؛ كنت على وشك أنام اشوي واجوف اتصال من عمر رفعت تيلفوني انا/الو عمر-بقلق- /مااايد اطططلع برع اناا انتظرك غنذ الباب انا-استغربت شو بلاه وقلت ببرود يقتل -/جب جب ابا انام عمر -ولأول مره تظهر عليه هالجديه-/ماااايييييددد.....ماااممززز� � ويااااك اططططلع لا عمر فيه شي ووايد عوود الله يستر انا -بخوف-/انزين ابعدت عني بسرعه الفراش وسرت بسرعه لبست نعالي وسرت وفتحت الباب.. لقيته جدامي بسارته شو بلاه ها !! سرت وركبت في المقعده اللي عدال عمر كنت خايف من صمت عمر المفاجأ اوف لا عممر مريض ولا فيه شي اهو مايصخ مول شو اللي استوى احين كنا متحركين بالسياره وانا سرحان بأفكاري واحاول اعرف شو بلاه عمر لا يكون عرف بالهوشه !! طالعت فيه وعقب رديت اطالع في الطريج شوووهه!!! ماااسك خط بنسير دبي!! انا رفعت حاجبي وطالعت فيه بأستغراب/عمر!!!وين مودينا انته عمر مارد علي انا تميت اطالع فيه /عمر احاجيك اناا عمر صااخ ويسوق بسرعه جبيره حسيت بلحظه ان السياره بتنقلب علينا انا تميت اتمسك واصارخ من سرعه عمر المينونه ومن تهوره! انا/عععمممممرر!!هد اششششوووووي بنقلب فينا السياااره بلااااك انتهه اكيييد شااارب من السم هااا انته وبحر المينون عمر حسيت ان ملامحه هدت اشوي وارتخت ايده اللي كانت اعروقه باينه فيها قبل وسرعت السياره خفت انا تنهدت بإرتياح وهديت المسكه هاي اللي بالسياره وسندت راسي وانا قلبي يرقع رفعت راسي.. انا/خبرنني شششربت شي انته اليوم بحر الجلب عطاك من اللي وياه!!! عمر -حمرت عيونه جأنه بكا ومارد علي- انا/لا اكيد شربت شي اليوم مسويلي طاف.. بس صدقني مش فاحلين بالي انتو يالسين تسونه، "ابتسمت بسخريه"ولا وكل اشوي ييني واحد منكم يقول حالتي تتدهور ونفسيتي وايد مختربه!! بالله ماسألتوا انفسكم ليش يستوي جي لكم؟هه الله يصبرني كل ليله وانا اراعي واحد منكم لين يروح السكر اللي براسه عمر-بصوت مبحوح-/مش سكران انا -بصراخ-/بححرييجه تحرجكم انته وربيعك الزفت بحر!! تعبت انصحكم واقوول هالشي غلط حراام ماستوي تسوون جي ودومكم مسوين لي طاف ..لا بلاي اناا ليش انصحكم وليش ارمسكم انتو الصح انا الغلط انتووو بس اللي صادقين عمر طنشني وماعطاني ويه وتم يسوق بسرعه انا -تنهدت بتعب-/هه!! هالسكران وين موديني احين حسبي الله على ابليس ____________________________ أثير؛ شغل مخي موضوع فيصل وش ذاا!! متزوج ويطالع ويبتسم عما يعميه بس ليششش يطالع ويبتسم اقسسم بالله غريبه انا اعطيكم آياها على بلاطه انا ما استحي من الرجال زي اروى يعني جريئه مع الكل حتى الرجال واللي يتعدا علي منهم ياويله لسانه بيلوط اذلني بس اني قدام فيصل صراحه احترم نفسي لانه يفرض احترامه بنفسه واخلاقه ولا عمره طالع لبنت او كلمها اصلا ثققققيل بشكل عجيب عشان تعرفون ليش استغربت!!! اروى/اثير انتي معي ؟ انا -صحيت من سرحاني-/معلش اروى كنت افكر اروى/معليك من فيصل يمكن احد كان وراي وانا ما انتبهت اكيد مو انا انا /دقيقه مو تقولين لي انك كنتي عند مدخل خيمه الحريم بالضبط تنتظرين ابوي اروى -بحيره-/اي انا/طيب كيف بيبتسم لغيرك والكل راح ومابقي احد بالخيمه ومافي اي رجال بذيك المنطقه اروى -تنهدت-/والله مدري يا اثير الله يستر انتي تعرفين مشاعري كلها لمين.. انا -ضحكت-/ايي مشالله لاايقين على بعض وجيهكم تقطع الرزق..بعدين ياحبيبتي لا ترتجين في كايد ولا ذره امل يكون بيوم لك اوكي؟ اروى-بحزن-/لا تقولين كذاا ترا احزن وربي ماتدرين قدام وش يصير انا -بسخريه-/مع نفسك ياشيخه محد بيعصى امه عشان يتزوج اللي يحبها الا نادرا واصلا لو بيصير فيه مشاكل في العايله من هالزواج والله جدي ما يخلي هالزواج يتم ولو على رقبته.. لا تتأملين واجد شوفي امه وش سوت فيك اليوم! ومستحيل تزوجك ولدها تدرون!! انا استغربت من نفسي هالاسلوب وكيف اني اعطيت اروى كل الحقيقه وخيبت كل امالها مع ان حبها هي وكايد شي فضيع اقسم ما اقدر اوفيه حقه وصراحه كايد يموت فيها ويعشقها.. ويتمنى شوفتها او صوتها او اي شي وهي بعد تحبه.. ____________________________ أنتهى. توقعاتكم ؟ *بحر وش بيصير فيه ؟ *مايد وش يقصد بكلامه؟ *اروى وش ردة فعلها من كلام اثير ؟ اعذرررروني على القصصصوررر بس تعرفون اخر سنه ولازم اششد حيلي عااد والله ما امداني اكتب لكم بارت طويل: ') يلا دمتم بود وموعدنا الجاي انشالله يوم السبت