الفصل 3
أإلبــــــآرت الثالث(3).
بحر:
كنت ابا ايلس ويا امايه شيخه يومنها اعزمتني
بس ولو!
أنا كبرت ومب محرمن لها
كان ودي اخبرها شو حصل لي من يوم ابتعدت عني لين اليوم
حصل وايد اشياء..
تمنيت يرد الزمان
وابويه اعرس فيها واهي كانت امي كان أنا الحين بين اسره
وام واب يحبون بعض
مب احين..
اه بس
وفجأه!
فجيت عيوني على وسعهن
لا ما أصدق
اسم الله عليها
امنو هاي !!!
وايد لفتت نظري
ايـــه بحر شو تفكر فيه انته
خلاص خلاص بس اهي مشالله حلوه لنفسها مب لي ..
نزلت عيوني وعطيتهم ظهري
رايح لربعي عسب نكمل يومنا
تميت افكر بالطريج شو يابها امي شيخه ؟
واضح بعيونها حزن جبير وايد
يمكن بس انها يت تسلم على أهلها
ويمكن انها متخاصمه ويا ريلها
الله أعلم..
----------------
أثير:
دخلنا بيت جدي الشعبي
تبغون الصراحه..
مع ان بيتنا في السعوديه ماكان ذاك الفخم والكبير واللي اثاثه من احسن شيء ..
بس كان أحسن بكثير من بيت جدي يالله أنا ماتوقعت يكون كذا
وليش هم صابرين على هالمكان القديم !!
مستحيل اقعد هنا ابد كل شيء كان قديم
حتى البويه مقشره
والكنب مغبر
اصلا تصميم البيت كان قديم
فيه حوش في الوسط
والغرف متوزعه عليه
وبس..
وتقريباً كل بيوت الحي كانت بنفس التصميم
جَلسنا جدي في الصاله
اللي هي الحوش
تخيلو ماعندهم صاله
صالتهم هي الحوش وفيها كنب وكذا
صدقوني مستحيل اجلس هنا .
كانت يده تهتز بفرحه ومبسمه اللي كله شيب مبتسم
وخر نظارته عن عيونه ومسح دموعه
لا والله بجد مره رحمته
شكله كثير حنون..
جدتي/اويه مشالله هاي بنتج
امي كانت متأثره كثير وصوتها مبحوح /هيه..
وهمست لي اسلم عليهم وابوس روسهم
ما عارضت هالشي لأن واجب وكذا قمت وسلمت عليهم
جدي /هلا بحبيبه يدها ..قعدي اهني يمي
مايد /ياسلاام وانا شو
جدي /انطب انته ..بلاك ماسرت ويا ربعك مو اليوم يومكم
مايد/هيه..بس كيف تباني اروح واختي حبيبتي اهني
شيخه/ياحبيب اختك انته ..سير سير ويا ربعك وانا اهني سهرانه انطرك مايد/صج ما تزعلين
شيخه/هيه سير
مايد /انزين .."ويأشر علي" وانتيه يادلوعه يدج لا تدلعين وايد ها ترا هم أنا ابا ابوي
جدي قام يلوح بالعصا على رجول خالي وهو ينطط مايبغا تصيبه
جدي/خوز اجوف خوز ..قطع الله ويه العدو
مايد/انزين..انزين
عاد أنا ضحكت غصب عني
ماقدرت اتحمل
----------------
أروى:
بعد ماتغديت طلعت لغرفتي
ورجعت حبيستها
فتحت دولابي على اساس ابدل
لفت عيوني على الدولاب اشوف لي تيشيريت حلو
شوي ،
واشوف تيشيريت خلا عيوني تدمع من جديد
كان تيشيرت كبير على أثير ..
ف رمته في الدولاب ومالبسته ابد
ونسته الحين..
اخذته ولبسته !
مع انه كبير
واياديه طوال
وانا حجمي شوي
يعني قصيره وماني دبا ولا نحيفه مره نفس اثير مايقوس علي
ظليت ضامه التيشيرت واشم ريحته
وابكي ..
حسيت بالباب يندق
مسحت دموعي بسرعه
ودخلت أمجاد
أمجاد/سلام
انا/هلا
امجاد رفعت حاجب /كنتي تبكين
أنا بتوتر/ها.. لا لا
امجاد ماصدقتني /اي..ماعلينا مع اني مو مصدقه بس عندي لك ضيفه أنا /مين؟
شوي ودخلت ترف
اه ياترف وحشتني !!
وقفت ببطء وصدمه
وصحت ترف
كان ودي اقول لها كل شيء بقلبي وكم اشتقت لها
ولكن..
كيف؟
قلت اعبر لها بطريقه ثانيه
رحت وضميتها بقوه
وانا مبتسمه بشوق
وهي شدت على ضمتي
طبعاً هذي صديقتي من الأبتدائي وسافرت لجده عشان تكمل دراستها في معهد صم
وعشانها أنا تعلمت لغه الصم
لخاطرها هي اعز صديقاتي
كانت بيوم تسمع وجاها قدرها وانصمت
والكل ابتعد عنها غيري
أنا بس اللي ظليت معها وتعلمت عشانها لغة الصم
امجاد/اخليكم على راحتكم
أنا شرحت لترف اللي قالته امجاد
ترف "بلغه الصم"/خليها تظل معانا مشتاقه لسواليفها
أنا /تقولك ظلي هنا مشتاقه لسواليفك امجاد/والله مقدر تحت فيه بنت بتبدا حصتها الخصوصيه عندي
أنا قلت لترف بلغتها
ترف هزت راسها بمعنى الرضى وطلعت امجاد
ترف "بلغة الصم"/اشتقت لك
أنا "بلغه الصم"/وانا كمان
وقعدنا نسولف ونضحك
فتره قصيره
وبعدها ..
ليتك ياترف ما سألتي
ليتك ماذكرتيني فيها
ترف "بلغه الصم"/وين أثير ابغى اسلم عليها
نزلت راسي بخيبه على سؤالها
وتنهدت
هي انفجعت وقامت تهزني
طالعت فيها
ترف "بلغه الصم"/وش فيها أثير صار لها شيء
أنا تكلمت بالسالفه عشان هي
تقرى الشفاه وكذا
وقلت لها اللي صار وأثير فين هي
----------------
شما:
طنشت هالعيون اللي كنت حاسه بقربها وشراستها
وسرت لبيت امي شيخه
وصلت لعند الباب
وترددت اطق
مديت يدي اطق بس رديتها
خايفه وايد ..
مديت يدي بتردد اشوي وانفتح الباب !
استحيت ورديت ايدي وطالعت بالأرض وسلمت
مايد/وعليكم ا..السلام
وبالقو رفعت عيوني وطالعت فيه /خالتي اهني
تبلم مايد ماعرف ينطق شيء
تم يطالع فيني بسرحان
أنا /مايد..
مايد/انا..هيه نعم
انا/خالتي اهني؟
مايد -ابتسم-/هيه داخل اهي تفضلي
أنا حدرت وما رمست بشي
ويه وايد قافطه
تمنيت لو انه مب موجود
ليته كان ويا اخوي بيومهم ها اللي ع البحر
بس شو يابه اهني..!؟
هاك اللحظه ماكنت عارفه ريولي مسيرتني لوين
تايهه بنظراته وابتسامته
سمعت ام شيخه تزقرني
أنا /السلام عليكم
ام شيخه/وعليكم السلام تعالي شما اميه بلاج قافطه
أنا سرت وسلمت عليها
وانصدمت يوم جفت عمتي شيخه
أنا -بفرح-/امي شيخه؟
شيخه/هلا اميه شخبارج تعالي سلمي علي
وسرت وسلمت عليها بشوق
هاي الأنسانه اول
كانت حضن الفريج كله
كانت تساعد الكل
وتحل مشاكل الكل
وكانت ام "للكل" مب بس بحر!
ضميتها بقوه وهم اهي
شيخه/اويه جبرتي وايد وصرتي عروس
استحيت لهالفكره اويه تخيلت نفسي لالا بعد بدري
-ابتسمت-/وايد وحشتينا امايه شيخه والله العظيم
شيخه/حبيبتي والله قعدي اهني عدالي وسولفي وياي وخبريني شو حصلج وشو اخبارج
أنا /ليت بس امايه خبرتني ايي عسب شغل مع يدتي
شيخه/حشى مب متحركه من اهني وانا ابا حسج انتي وامج بتصل اخليها تيي
انا/انزين
شيخه /تعالي قعدي اهني يمي
ويلست يمها
بس انصدمت باللي حذالي
امنو هاي ؟
طالعت لأمي شيخه وكأني اسألها
امنو هاي
شيخه/اعرفج هاي بنتي أثير
اويه هاي بنت امايه شيخه
والله لو يدريون الفريج ان بنت امي شيخه
اهني بيحتفلون فيها
وبيحبونها وايد
وكله من محبه امها
محدن اهني يكره امايه شيخه
طالعت فيها "أثير"
شو هالسرحان ..
مسجينه مايندرى شو استوى لها
وغريبه اهني ولا احدن وياها
وحيده،
انا/مرحبا الساع اثير شحالج
اثير/هاه..
انا/شحالج
اثير-بسرحان-/بخير ..
طقتني بخفه امي شيخه وهمست /استحمليها اشوي توها يايه اهني ومب متعوده على المكان
أنا هزيت راسي /هيه عارفه وما عليج أنا بأعودها على المكان
ابتسمت امي شيخه لي
أنا نشيت /تسمحين لي امايه ايود أثير ونسير اعرفها ع الفريج
امي شيخه/بس..
انا/دخيلج
امي/انزين بس تحملو على روحكم
فرحت وايد ..
كانت أثير حلوه مشالله
ملامحها وايد جميله
مايستوي عليها حزن
يودت ايدها البارده
وطالعتني بأستغراب
شكلها ماسمعت يومني رمست امي
اننا بنسير
اويه شو اللي ببالها..
انا/شو رايج اوريج الفريج واعرفج عليه
أثير بتردد وهي تطالع امها
شيخه/سيري امي سيري
يودنا ايد بعض وسرنا عسب تلبس عبايتها ونسير ،
تمنيت اعرف سر ردت امي شيخه
انقطعت عنا 18 سنه
وصلنا للباب مال البيت وفتحته
وطلعنا..
يودت ايدها عدل خايفتن عليها
انا/انا أسمي شما عِمري 23
اثير /اهلينن، أنا أثير عمري 17
شما/انزين شو رايج نسير لدكان نتشرى وجي
اثير/وش نشتري
شما/مب شيء محدد
اثير/طيب بدخل أجيب فلوس
شما/لا شو تيبين فلوس سيري جدامي اجوف
ابتسمت لي وسارت وياي
الدكان ماكان وايد بعيد
وأروع شيء فيه انه حذال البحر
هيه بنسير بعد الدكان نيلس اشوي على البحر ..
شما/اثير ..امم إذا تسمحين لي بسؤال
اثير/اي عادي
شما/ليش ييتوا اهني؟
اثير -ابتسمت ونزلت راسها وقالت بمزح-/ليش طرده
شما /لالا مب قصدي والله بس..
اثير -مسكني بجتفي -/امزح لا تقولين شيء
وتنهدت ..
شو بلاهم والله خايفه عليهم
شو استوى؟
لا يكون اللي ببالي استوى
والله حرام ماتستاهل امي شيخه
شما /شو بلاه ابوج؟ تضارب ويا امج شي؟
اثير -بحزن-/ليته بس كذا وارجع شما/عيل؟
اثير/تطلقوا !
شما-بصدمه-/شوه!!!!!! امانتج ؟
أثير/والله
وانا أحسبنها المسأله وايد عاديه وبسيطه
توقعت انهم تخاصمو
او يايه تزورنا !
بس الطلاق!!!
لالا مستحيل
ريلها ليش جي غبي
والله امي شيخه ماتتعوض ومستحيل تزعل حد مول
وايد حنونه وقلبها ابيض
حسبي الله ليش جي..
وايد رحمت أثير بهاللحظه
رغم ألمها .
الا انها مبتسمه
شو هالصبر مشالله عليها
لو أنا ...
مستحيل انطب ومستحيل اطلع
ووصلنا لدكان
-----------
رديت للربع واهم يلعبون كره
اوه يالكره
ها الشي عشقي
ركضت لهم وطبيت وسطهم وتمينا نلعب
الكل كان يعيبه لعبي ويحبون اني العب وياهم
سموني الحريف
تقريباً الساعه صارت 05:30
العصر ..
وصار موعد طبخنا والمسؤلين عن الطبخ زايد ومايد
بس الله يستهر
ها الأثنين لا تيمعوا
اويه اهدموا الدنيا
المهم جفت مايد يأشر من بعيد
اهم كانو بعيد عن مكان لعبنا
عسب يشبون النار ويقطعون الخضار وجي
سرت لمايد
بحر/هاه شو تبا
مايد ضربني بالمنشفه اللي بأيده /اقولك سير لدكان جفه اهني قريب وجب ..
أنا -قاطعته-/شوهه!! انته سير شو ناقصنك وبعدين انتو مسؤلين الطبخه ها الأسبوع مب أنا
مايد/سير اجوف
أنا ابتسمت وابا اقهره/انزين ياسنفور
مايد رد طقني بالمنشفه اقوى /انا سنفور يابحر التبن أنا انزين أنا اوريك
انا/انزين لا تعصب شو تبا اييب
مايد/ببسي ..اممم ولبن وليمون وبس
أنا -مديت يدي-/انزين
مايد/شو؟
أنا /الفلوس شو يعني بعد
مايد/يود
سرت لدكان بخطوات بطيئه
ما ابا اسير اييب من الدكان
كنت اتمنى اكمل لعب كره
اهه يالكره
يقولولي ترا الحب له طعم وايد حلو بس أنا اقول الكره اطعم من الحب الف مره
حدرت الدكان وسلمت على العامل
وسرت اتشرى اللي يبون
دورت الليمون بس مالقيت
سرت ادور بقسم الخضار كان مقفول
اويه بسير اسأله بلاه مسكرنه
سرت بس تصنمت مكاني..
وانا اجوف نفس البنت اللي لفتت نظري
هه! وردت لفتت نظري
حكيت راسي بتعجب من المشاعر اللي أنا احس فيها الحينه
شو اللي يالس يستوي
شو ها لا مو مصدق أنا شو يالس اسوي
ليش أنا واقف جي وليش أنا يالس اتأملها جي
اويه حتى البنيه استغربت
اول مره افقد سيطرتي بنفسي جي
بس!! كيف؟
كيف لفتت نظري
كيفففف!!
امنو هاي،
امنو هاي الجباره اللي رامت تلفتني وتوني انتبه لشما واهي مببقه عيونها فيني وتغمز
فهمتها انها تقولي عيب
ابتسمت هالبنيه بنت عمي
وايد مؤدبه وماترضى الغلط
وتكره هالنظرات
لا يكون بس هالبنيه اللي وياها فهمت نظراتي
بتكون مصيبه
اصلاً بالأول والأخير
توني جفتها وعادي اهي ابنيه حلوه مشالله وبس
ماتربطني بأي شيء
هيه بأنساها الحين اصلاً
وسرت للعامل
انا/بلاك انته مسكرن قسم الخضار
العامل /هادا صديق مال أنا مافي اجي اليوم
أنا حكيت راسي -بهمس-/شو يفكني منهم هذيل
شما/شو يايبنك اهني بحروه ها!!
انا/ابا ليمون للشباب
شما/اها وما حصلت
انا/لا
شما بهمس/لا تطالع للبنت جي مره ثانيه تراها يديده اهني ومب ناقصتنك
أنا ياني فضول غريب اعرف كل شيء عنها وهمست/شو اسمها انزين شما/اثير
انا/وبنت مين هاي أنا قلته بنفسي اهي مب اهني بالفريج توني اجوفها شما/بنت امي شيخه
شوه!!!!!!
هاي بنتها
لالا ما أصدق
مشالله..
توقعت ان بنتها تكون اصغر مني بوايد مثلاً عِمرها 8 سنوات جي
بس هاي شابه !
لا أنا احين مستحيل انساها
تشرو البنات اللي يبون وهم أنا
وطلعنا سوا
انا/انتي ياراس البلا يودي البنت وتحملي على روحج بالطريج
شما/ماخصك سير لا أدفنك اهني دفان
ابتسمت ..
كان ودي اغطي عيوني واقاوم
أنا حلفت!!
توني امس !!
ما ابا اخلف وعدي
ما ابا قلبي ينقاد لهاي المشاعر الجذابه
واللي ممكن تفنى بعد ما تعلقني فيها بس مارامت عيوني تتسكر
تمت مفتوحه تجوف هالأبتسامه
اللي خلت شفاهي غصب عنه يتحرك ويبتسم
اثير/شما عادي نرجع البيت
شما/جيه!
اثير/هاه؟
شما/جيه ؟ جيه؟
اثير/وش يعني
ضحكنا أنا وشما
وضحكت هي ورانا
لا أنا انسقت غصب عني لدربها
شو استوى !!
بيوم واحد
والله بدقايق طحت بشباكها
اثير-بضحكه-/يوه لا تضحكون
شما/يعني ليش؟
اثير/اها هههه اي عشان تعبانه
بحر/ايه شموه سيري وياها البيت اكيد تعبانه من السفر ووالله لو اجوفج اهني هايته بالفريج اوريج
ولا والله اخبر زايد مو قلنا لج لا تطلعين من دوني او من دون زايد شما تخصرت/لا والله احلف على نفسك ابويه
بحر/سيري سيري
أثير مسكت يد شما
اثير/مين انت اصلاً؟
بحر/انا بحر
اثير/وانا بر
شما/وانا جو
ضحكنا سوا كلنا
اهه اول لقاء وجي صار
عقب شو؟
اخاف اتعلق فيها
وماعاد اجوفها بعد اليوم
اكيد بترد امي شيخه وأثير لسعوديه لأنهم اصلاً ياين زياره
جفتها تمسك ايد شما بقوه وتبتسم بوجهها
الحمد لله..
الله يسخرج لها يومن الكل معاديها
مسجينه هالبنيه والله مسجينه ..
ابتسمت أنا وسرت في طريجي وهم اهم بطيرجهم..
---------------
أروى:
انبسطت من وجود ترف وسواليفها
حكتلي كثير عن حياتها في جده
وعن الأشياء اللي تضايقها
تحس ان الكل يشفق عليها وهي تحس انها مو عاله على احد عشان احد يشفق عليها
هي تقدر تنجز اشياء كثيره
حزنت على صديقتي الوفيه اللي ماتركتني في يوم لوحدي
اليوم حبيتها اكثر وتعلقت فيها اكثر لأنها كمان كانت صديقه أثير
وللأمانه حسيت بوجع رغم الأبتسامه الطاغيه على وجهي من سواليف ترف اللي تحولت لسعاده
بس عشان!! ماتبي تعكر علي
اه من هالبنت احبها..
رن جوالها وفتحته ..
طبعاً رساله مو مكالمه
طالعت فيني وصارت تأشر لي بأنه سعد اخوها
هه! اكرهه هالولد من زمان
كان دايم يضربني
ابتسمت يوم تذكرت انه في يوم ضربني وكسر عروستي
وجات أثير بسرعه وضربته وصارت تمخشه بأظافيرها في وجهه تلاشت ابتسامتي تدريجياً من ذكرى اثير
حاولت انسى ولو لحظات بس مستحيل انسى قطعه مني
مستحيل انسى وحده في يوم كنت أنا وياها جسم واحد
تؤامي كيف تبوني انساها مقدر! والله مقدر!
ترف وقفت وانتبهت لها وانا وقفت
وصارت تأشر لي انها بتمشي
أنا حزنت انها ماشيه ..
بس طن براسي سؤال
فضولي صار نشيط بهاللحظه
أنا "بلغه الصم"/الا..سعد تزوج
ترف ابتسمت "بلغه الصم"/ينتظر تتخرج البنت اللي تتمناها
ليش تبتسم الأبتسامه
ليش؟ هالنظرات
يوه لا يكون فهمت غلط ما اقصد شيء أنا والله
أنا"بلغه الصم"/هيه لا تحسبين اقصد شيء ههههه
ترف"بلغه الصم"/لا م.فهمت غلط
وطلعتها ووصلتها لعند الباب حق البيت وودعتها
طلعت..
ورجعت لغرفتي وظليت هاديه
ايه هذا حالي بعد اثير
---------------
أثير:
هالبنت كثير ارتحت لها
حسيت فيها اخت جديده
حسيت الحياهه ابتسمت لي من جديد
وتقول كملي لا توقفين
بعد طيحه حطمت كل امالي
هاذي هي اليد اللي تخليني اقوم مره ثانيه
ابتسمت لشما هالأنسانه الطيبه
معدنها اصيل وربي
شما/أثير..
انا/هلا
شما/جان ودي نسير للبحر بس اليوم عسب الشباب ربع اخويه متيمعين على البحر وشباب وايد اهناك اليوم شو رايج باجر الصبح نسير ..
انا/فكره!! اي أنا موافقه ابي اروح تدرين اني عمري ماشفت البحر بس في الصور
شما/امانتج!!
انا/والله
شما/عيل تزهبي باجر بمرج وترا أنا ادري ماشي حد بالصبح باجر كلهم يتزهبون للصلاة
انا/طيب اقنعي امي ..
شما/فالج طيب..باجر ايي امرج واطلبها
انا/شكراً حبيبتي
---------------
رديت لربعي وانا سرحان وايد
ويودت ميود الجيس وسرت على اساس اكمل لعب كره
وسرت ويا ربعي نكمل كره
ماكان مستواي نفس الأول
ضيعت وايد اهداف ولعبي استوى ركيك
واستوت عيوني توضح سرحاني
حتى الكره انشغلت عنها وتميت افكر فيها
هيه بهالسرعه الغريبه اللي مب عارف كيف!!
مرت ساعات وصارت الدنيا ظلمه وزقرنا ميود عسب نيي نتعشا
وسرنا نتعشى
ويوم انه ماشي حد منتبه لي الكل يضحك ويسولف ويمزحون ويا مايد ويرفعون ضغطه ويسبون في طبخه
تميت اطالع صحني واكل وانا صاخ ما أرمس بأي شيء
وتسريعاً للأحداث اللي كانت قاتله لي تدريجياً لأني ماكنت ابا يستوي فيني جي في يوم من الأيام انتهت ساعاتي مع ربعي وتمينا نجمع الأشياء وجي وكلن انطلق على بيته
وانا بطريجي ساير بهالظلمه
وأفكر..
وصلت لبيتنا
فتحت الباب وجفت ابويه يالس بالصاله ويتابع تلفزيون
أنا /السلام عليكم
ابويه/وعليكم السلام
صديت عن ابوي بقهر من تصرفاته اللي ماصرت ابد اعرف اتناقش وياه واللي تزاعلت أنا وياه اليوم
ابويه/بحر..
أنا صديت له ببطء
ابويه/امك تبا تجوفك
انا/وأنا ما أبا اجوفها
ابويه/ليش!! هاي امك ياحمار
انا/ابويه دخيلك ما ابا اجوفها
ابويه/مب بكيفك
تنهدت ..
لمتى الوضع بيستمر جي
سرت لغرفتي وسكرت الباب بقوه وسرت لسريري وتمدت
وحطيت ذراعيني ورا راسي
وتميت استرجع اللي استوي اليوم
تذكرت عيونها الناعسه،
و ابتسامتها الواسعه،
وكلامها ،
كل شيء فيها شدني بقوه
اهي الوحيده اللي حسيت فيها هالأحساس
مع اني وايد قابلت جميلات بس اهي الوحيده اللي رامت تسرق قلبي
وشغلت تفكيري ..
جباره!! وعيونها اكيد فيها سحر ،
خلا قلبي ينقاد لها لوحدها
ومن التعب ما رمت اقاوم وانا اتخيلها غفت عيني على ذكراها
------------------
باليوم التالي ..
الإمارات 8:00
شما؛
نشيت من نومي وانا حاسه انه اليوم بيكون اجمل يوم بحياتي
واخيراً لقيت حد يساكني اهني بهالفريج الموحش اللي الكل بعد ماجانوا ربعي استووا اعدائي
واخيراً لقيت الرفيجه اللي انشالله يارب ربي يكتبها لي للأبد لأني تبعت وايد من الفراق
نشيت وتغلست وتزهبت عسب نطلع أنا واثير
طلعت من غرفتي وسرت عند امايه لقيتها بالصاله سلمت عليها وحبيت راسها
امايه/على وين ..هيه تذكرت خلاص
انا/بلاج اميه سايره البحر شرات كل اسبوع...انزين توصين على شيء
امايه/لا اميه بس الساعه 10 ابيج بشغله
انا/انزين امايه مع السلامه..
امايه/الله يحفظج
سرت وسكرت الباب وراي
وتميت امشي بالطريج وبالممرات الضيجه مالت الحي
وانا اتمنى ان شكوكي غلط واني اتوهم بأن حد يالس يراقبني الحين
طنشت هالأوهام وسرت لبيت امايه شيخه طبعاً ماجان وايد بعيد
طقيت الباب ..
نطرت وايد وانفتح الباب وكانت امايه شيخه
انا/السلام عليكم امي
شيخه/اهلين شما امي شخبارج حبيبتي
انا/بخير امي
شيخه/تفضلي ..
انا/لا امي بس يايه اطلبج شغله
شيخه/شوه؟
انا/قولي تم
شيخه -ابتسمت-/تم ياشمانه
انا/البارحه اتفقت أنا واثير اننا نسير للبحر اليوم ..وانا عارفه اميه اليوم ماشي حد فالبحر الكل يتزهب للصلاة دخيلج خليها تيي أنا متعوده اسير لوحدي ليت حد يي وياي
امي شيخه بعد تفكير/عشان قلت لج تم قبل فالج طيب سيري خبريها تتزهب وهاه! لا تطولون وتحملو على روحكم
أنا فرحت/انزين امايه
وحدرت البيت وسرت لعند اثير بالصاله
اثير -ابتسمت يومنها جافتني-بهمس/شما..ها وافقت امي
أنا ضميتها بقوه وهمست/هيه سيري تزهبي
اثير وايد فرحت وسارت ركض تلبس عبايتها
وطلعت من غرفتها واهي متزهبه ولابسه طرحتها
يودت ايدها وطلعنا وسرنا للبحر متحمسين وايد
ووصلنا البحر
وأول ما وصلنا تمت اثير تشم الهوا نسيم جان يهب علينا ويخلينا نبتسم لحلاته
اويه اجواء كانت وايد جميله
وقطعت أثير الصمت
أثير/تدرين شما..تذكريني كثير بتوأمي
أنا -بصدمه-/ عندج توأم!!
اثير -بأبتسامه حزن-/ايوه اسمها اروى
انا/مشالله ..
اثير/اشتقت لها كثير ..
أنا رحمتها وايد وتميت امسك جتفها/بتجوفينها صدقيني مستحيل تفترقون ..
اثير طالعتني بأبتسامه/انا امس والله ما قدرت انام كله اتذكر مواقفي معاها من يوم اننا اطفال اتذكر ضحكتها ومضاربتنا وكم كنت اضحك عليها لأنها مره تحب الأنوثه والموضه وانا كأني ولد اتذكر نصايحها ويوم انها تدافع عني اتذكر يوم اني اصبرها واضربها لما تبكي وامنعها تبكي قدام احد او تظهر ضعفها والله قلبي يعورني ..
أنا وايد رحمتها حتى ان دمعتها متحجره بعيونها
والبكوه بنحرها مب قادره تطلعها
تمت تطالع البحر وجنها تستمد القوه منه
هيه كل الفريج جان جي لا حزن يي اهني لأنهم ياخذون كل الأمل من اهني
حبيت اخفف عنها واحكي لها شوي من معاناتي
انا/انتي وايد احسن مني جفتي هالفريج ها كله مابقي فيه وايد جليل والجليل هاذيل كلهم مقاطعيني
ويكرهوني
أثير/ليش!!
ماحبيت اجاوبها خفت من ردت فعلها لو عرفت سبب كره الجميع لي
اكتفيت اني اوطي راسي بخيبه من وضعي
اشوي ورفعت راس تلقائياً وانا احس بنفس الحركه
صديت لورا جفتهم اهم نفسهم
يالله مب وقته والله
خفت وايد وخفت على أثير قبل ما اخاف علي
يودت ايدها بقوه
أنا -بهمس-/تمسكي فيني واركضي بأقوى سرعه عندج
اثير/هاه!! ليش طيب
صديت وجفتهم يركضون شكلهم يبون يمسكوني
صررخت بأعلى صوتي /اررررررررررررركضي
وصرنا نركض بسرعه
----------------
أنتهى.
توقعاتكم ،؟
Like