رواية بحر - الفصل 2 - بقلم للكاتبة حبيبة البحر أو er - مكتملة | روايتك

إلبـــــــــآأرت الثاني (2) . كنت اتأمل الطاقه حقت الطياره واشوف الغيوم وسما بلادي مودعه كل شيء حلو كان هنا الذكريات والأيام والمواقف الحلوه تمنيت لو ان سنين القديمه توقف على ماهي ولا افترق عن تؤامي ظليت اتذكر وش حصل بعد يوم من مشكله امي وابوي مع اختي .. ' ' ' كنت أرتب شنطتي لأن بكره سفرنا وقلبي موجعني على أختي اللي تبكي بحضن "أمجاد" اللي هي عمتي بس أحسن عماتي حنونه واجد وتحبنا كثير نفسي أبكي بس شسوي بقلبي المتحجر ما اقدر حتى ابكي اكابر بكل شيء حتى حزني صرت مشتته بين امور كثيره بطبع ان ابوي انسان بسيط وراتبه على قد الحال عمرنا ماسافرنا للأمارات ولا عمري شفت اهل امي بس اسمع اصواتهم بالجوال كيف الحين بأتقلم معهم! تقتلني تحديثات الزمان والله سكرت شنطتي وظليت اتأمل منظر اختي حنيت لها رحت لها وجلست جنبها وضميتها لحضني بقوه انا/خلاص حبيبي..خلاص اهدي قامت من حضني وقامت تصارخ اروى/الحين مين بيضمني بحضنه زي الحين لو توجعت؟ مين بجلس اناشبه بحياتي ؟ مين بأتضارب معاه ؟ أثير انتي فاهمه وش ارواحنا متعلقه ببعض حتى السرير من حبنا لبعض ننام جنب بعض . فعلاً.. أرواحنا متعلقه ببعض كل شيء مترابطين فيه مع بعض نفس الصف.. نفس المدرسه.. نفس الفصل.. نفس البيت.. نفس الغرفه.. نفس السرير.. كل شيء مع بعض والحين بنفترق ؟ مو مستوعبه هالكلام ابد . أنا /أروى حبيبتي اسمعيني ..ماتدرين ربي يبغالك الخير أروى /بفراقك خير!! أنا بموت ، أنا بخوف /بسم الله عليك ، لا تقولين كذا أنا اقصد ان ربي يبي يقويك اكثر ، يخليك ماتحتاجين لأحد يهديك ورجعت بحضني تبكي بحراره كنت بلحظه بفقد قوتي قدامها وابكي ! ' ' ' تنهدت ودمعت عيوني واخيراً .. طلعت اللي بقلبي ومن دون احد يحس لأن امي كانت نايمه اه يا أروى تذكرت حضنها اللي باقي حاسه بحرارته وقوته قبل ما أطلع للمطار ' ' ' كنت واقفه أنا وامجاد واروى عند باب البيت وامي سبقتني للسياره عشان ماتتصادم مع ابوي اكبر دليل ان عماتي فعلاً اعداء حتى ماجاو يسلمون علي يودعوني طنشت موضوعهم تماماً وقلت ببالي اللي عايفني عايفته ماكنت ابغى اقابل اروى بالذات اليوم ليتها ودعتني امس وخلاص ماصحت الصباح لأن منظرها يقطع قلبي ومايخليني اقدر اصبر نفسي أجل كيف اصبرها؟ ضمتني بقوه وهي تشهق من البكا وهبت غيمه على عيوني عيت ماتمطر ما أحب انزلها ابد بس شيء كبير بداخلي تحرك بديت استوعب اللي جالس يحصل قررت اني اقوي اروى واصبرها.. ابعدتها عن حضني أنا -ابتسمت-/أروى ..خلاص مابتفيد دموعك بشي خليك قويه طيب؟ لا تبكين على اتفه شيء ولا تعصبين بسرعه خليك بارده ولا قهروك لا تحسسينهم بشي ابد وعد؟ أروى هزت راسها بمعنى الموافقه وهي تمسح دموعها طالعت لأمجاد /امجاد تكفين انتبهي لأختي ، تراها امانه ولو تبي تكلمني حاولي تخيلنهم يخلونها تكلمني امجاد/لا تخافين أنا اختها هنا وما راح اسمح لأحد يأذيها فزيت يوم سمعت بوري السياره يدق ولفيت شيلتي وسحبت شنطتي أنا /استودعتكم الله.. ' ' ' وهذاني الحين بالطياره ومر كثير وقت بس ماحسبت كم طفشت من القعده كذا وش اسوي الحين ؟ ياربي متى نهبط . --------------- حتى بيومنا يكون بالك مشغول يا مايد من عوايدنا اننا بكل يوم خميس نتيمع أنا وربعي على البحر ونطبخ ونعزف ونلعب . كان مايد اهو اكثر واحد يلعوزنا يصير وايد بايخ بس نحب بياخته يلعب ويخرب علينا لعب الكره لأنه مايعرف يلعب بس نحب لعبه كان يطبخ ويانا بس بطلع الطبخه حاره وايد ومانروم ناكلها بس نحب نطبخه واحين تغير وايد .. ماعاد اهو مايد ربيعنا الجديم لا مول مو اهو وكله من الحب اللي دمر مايد ربيعنا تنهدت .. وجفت القعده وايد كانت ممله بسرحانه الطويل طقني عمر بجتفي أنا /هاه عمر بهمس/الله وأكبر ها اللي يالس وسرحان اهو نفسه مايد أنا ابتسمت لأن فيه حد حس شراتي /جفت .. عبدالعزيز همس /بلاه مايد أنا وعمر طالعنا لبعض بأبتسامه حسيت برابط اللي يربطنا وايد كان قوي وصعب على حد يقطعه حسينا كلنا بنفس اللحظه بمايد بس ماشي حد يدري ان مايد "يحب"غيري ! اتفقنا نشيله ونقطه بالبحر عسب يصحى من سرحانه اللي ذبحنا نشينا وشلناه وتم يصيح ويحرك ريوله يبا ينزل وكأنه عرف اننا بنقطه وقطيناه بالبحر وتمينا كلنا نضحك عليه زايد يصيح /عسب عقب ماتسرح ويانا بتسوي العاشق الولهان ببيتك انزين يم الرادو مايد صاح بعصبيه واهو يمسح عن ويهه الماي /شوه!!!!!! والله فيكم يا جلاب ونش وشال عصا كانت يم الشط وتم يلاحقنا ونحن نركض ونضحك ليت هالأيام ماتفنى بقربكم .. اهم اكبر حب بحياتي واخر ما بقى لي بهالدنيا الله يخليهم لي .. يانا ولد من أولاد الفريج الصغار يركض الولد/مايد مايد صد له /هلا حبيبي الولد/يقولك ابوك تعال ضروري البيت اختك شيخه يات مع بنتها ابتسم مايد بفرحه وترك اللي بيده واستأذن صبر صبر امي شيخه يات لا ما اصدق .. هاي امي! امي اللي بعرفكم اهي ليش امي امي من قبل بس أنا مب من بطنها ربتني يوم ان أمي لاهيه بنفسها امي اللي حنت علي يومن ابويه مب فاضي لي امي اللي اكلتني ولعبت معي من صغيري وانا احبها احبها كأم يا دوري ارد الجميل بسير اسلم عليها لازم ناديت مايد ومايد صد لي/هلا بحر انا/بسير اسلم عليها وياك كأنه تضايق وما يبا يمكن يغار ؟ لحظه بس اهي امي والله مجرد انها امي حبي طاهر والله انا/بلاك مايد تراها امي مايد -ابتسم-/انزين سير --------------- انسدحت في سريرها وانا اشم ريحتها العالقه فيه قمت من فراشها وتأملت تسريحتها ومكتبها تأملت كل شيء يخصها بالغرفه اشتقت لها بأول ساعات فراقها كيف عاد باقي ايامي بدونها دخلت علي امجاد ابتسمت لها .. هالأنسانه جداً مكافحه وتحب الحياه طيبه مره ومستحيل احد يزعل منها وأجمل شيء انها قريبه مني وتفهمني يعني لولا الله ثم لولاها كان أنا الحين ولا شيء امجاد/اروى يلا قومي الغدا انا/ما ابيه والله أمجاد تخصرت/لا والله!! قومي اشوف يلا أنا ابتسمت /ما ابيه امجاد تكفين امجاد جات لعندي وسحبتني مني ايدي ومشيت غصب عني ونزلت للصاله كان بيتنا دورين وجداً متواضع وكنا ساكنين مع عماتي فيه لأن ابوي مو مقتدر كفايه عشان نسكن ببيت لوحدنا رحنا للمطبخ الصغير اللي بوسطه طاولة طعام كان الكل متجمع ابوي موجود!! تصدقون؟ حسيت بكره لأبوي ولأول مره كان دايم هو اللي يصلح بين امي وعماتي وكان مسالم ولكن فجعني بتصرفه امس قسم اشوف ابوي بنظره مختلفه تماماً عن اللي قبل حتى جدي اللي كنت ألتمس فيه الحنان بعد ما ماتت جدتي اللي كانت تكتم بناتها وتساعد امي دايم وتساعدنا تغير نهائياً وفرقني من توأمي جلست وقعدت اكل بصمت اصلاً الطاوله كانت هاديه لأن اولاً عمتي عايشه مو موجوده ولو كان موجوده كان نكدت علينا هي متزوجه وعندها ولد بالجامعه وثانياً عشان.. عشان أثير مو موجوده كانت هي الوحيده اللي تملي علينا الجو وتضحكنا وتسولف بسوالف توسع الصدر وتجيب السعاده نحس بجو العايله وهي موجوده عارفين الضحكه الجماعيه للعايله اللي بنفس الوقت اللي تجيب السعاده؟ ترا كانت تصير يومياً بس ما اتوقع بعد اليوم راح تصير لأن الأسره تفككت لسبب مجهول تماماً ----------------- كنت انظف بالبيت مسجينه امايه ماتروم تنظف لوحدها ولو أنا ماكنت لها طايعه وباره محدن بيبقى لها بالحياه ابوي مع حِرمته الأولى ويصرف عليها وعلى ولدها ونحن .. ولا شي مول ياريت ولو يمر بس يسلم علينا مانبا فلوس بس ابا حنان اب ابا هيبته ابا حضنه أنا احين يتيمه صدقوني ماشي فرق بيني وبين اليتيمه زقرتني امايه وسرت اجوف شو تبا انا/هلا امايه/شما حبيبتي سيري لبيت ام شيخه واخذي منها دراهم البهارات اللي امس أنا توترت ووايد قلقت تذكرت اللي صار البارحه اويه مب قادره حتى ارد على امايه ياويلي شو اسوي احين بس لازم اطيع امي وشو بيستوي يعني.. براحته يطالع او لا يطالع مايخصني مول انا/انزين امي بسير ابدل امايه/الله يسعدج ويوفقج دنيا وآخره هالدعوه وايد تكفيني وتزيدني أمل بالحياه وتخليني اسوي المستحيل عسب امايه سرت ولبست عباتي وحطيت طرحتي على راسي وسرت بالطريج بس بصراحة .. كان فيه عيون مول مب متطمنه لها تراقبني على الرايحه وعلى الراده طنشت وجني ماجفت وكتمت بخاطري بخوف ---------------- ووصلنا لبيت جدي بالراك بس خل احكي لكم اش صار معي ' ' طبعاً بعد ما وصلنا المطار سرنا بالتاكسي للراك براس الخيمه كنت مره طفشانه وقلقانه والله مو عارفه استرخي ولا انام ولا شيء جلست بس اهز رجلي واطالع في الطاقه مع ان بقلبي امل كبير انها انشالله تكون حياه احسن الا اني متوتره ما اعرف ليش الله يسهل . وبعد طريق طويل وانتظار أطول . وصلنا لبيت جدي بالراك ونزلنا أغراضنا بس يوم أني انزل الأغراض طلع جدي وجدتي وجلسو يضمون امي وهم مشتاقين لها مره ويبكون .. شوي وجو اثنين من بعيد وركض واحد منهم وضم امي بقوه وقعد يقولها وحشتيني ومدري وشو وانا ظليت مزهريه محد سلم علي ولا قالي شيء قال الشاب 1 /بحر تعال امي شهقت /بحر!!! جبرت وايد ماعرفتك بحر /شخبارج امايه انشالله زينه امي/زينه ياحبيب امك انته، شو اخبارك انته وجيف امك بحر نزل راسه وحك شعره الشاب للي للحين ماعرفته غمز لأمي بمعنى لا تطرين هالموضوع امي/بحر شو بلاها امك بحر/يعني ماتعرفينها امايه اهي جي لاهيه ودومها عند اهلها بدبي امي تنهدت/عيل احدر ويانا خبرني علومك بحر/لالا ما أروم أنا بس قلت ايي اسلم عليج امايه وامشي امي/الله يحفظك يوه مين هذا بحر!! لا وينادي امي يا امي ! شكل العلاقه وطيده لحظه .. ليش يطالعني كذا يمهه وش هالنظرات الغريبه أنا نزلت عيوني بحيا من هالنظرات --------------- أنتهى .