رواية بحر - الفصل 1 - بقلم للكاتبة حبيبة البحر أو er - مكتملة | روايتك

"مقدمه" تجمع كبير ببيتنا هي نفسها التجمعات اللي كنت من عشاقها اعشق ضحكاتهم وكلامهم ومزحهم ودائماً ماكنت أنا الطرف اللي يجمع كل هالأشياء بس الحين أنا ولا شيء وكله بسبب شيء واحد .. قوتي وعنادي !* نظارتي للحياه هاذيك اللي كانت ملونه بأجمل الألوان تحطمت وخدشت عيوني بالدموع سرحاني اللي بيوم ماكان يزورني الا نادراً الحين صار مسيطر علي بكل لحظه ، توقف سرحاني اللي أنا فيه حالياً وتوجه نظري لأمي الجالسه على الكنبه ومعاها وجدتي ومهره ويطالعون التلفزيون امي كانت متحمسه كثير ومبتسمه كيف ماتبتسم ودلوعها على الشاشه الحين ؟ اه منه هالدلوع اخذ مكاني مع انه مو اخوي هو دلوع امي من قبل أنا ما أجي امي تعشق هالولد اللي حست فيه ولدها وحست بالأمومه عشانه قبل وقتها ابتسمت بس عشان امي الي تصيح وفرحانه وجدتي تضربها على راسها وتقول ماتعقلين انتيه مول . كانو الكل عندنا كل بنات حينا بس احس ان المكان فاضي تحمست الأجواء وكلهم يصرخون ويوقفون ينتظرون الهدف الأول فزيت على صوت معلق المباره وهو يصرخ"وهجـــــــــــــــــ� �ـمه خطــــــــــــيره يمرر لبــــــــــــحر " حسبي عليك الله أسمك بس افز منه . كيف صوتك كيف ضحكتك؟ وصراخ المعلق ازداد" قــــــــــــرب المـــــرمى وركله خطيــــــــــره !!!وقـــــــــــــــــــــ� �ـــول لبحــــــر.. الله عليــــــــــك ياولد الأمارات اللــــــه عليك يا موج السعوديه " الكل فرح وبدو يضمون بعض ويفرحون احنا كذا عيال حاره شعبيه متواضعه جدا وبسيطه نحب بعض بشكل كبير محد استغرب سكوني لأن الغرفه كانت محتفله "ببحر" اما أنا محد معبرني فرحت! ما أحب يلاحظ علي تغير او يحس اني اختلفت حزني ابيه لي مو لغيري ولكن للأسف الأنسانه الوحيده اللي مستحيل اخبي عنها . كلامها يخليني انهار بحضنها واطلع كل اللي بصدري جلست جنبي ومسكت يدي وشدت عليها شما/أثير سمعيني ..أنا الوحيده اللي ماترومين تغبين عنها شيء حتى حزنج ،بلاج متغيره أنا حاسه فيج وايد وحاسه ان بقلبج عوق ؟ وتجرح عيني الدموع بالوقت الغلط تنهدت .. ونزلت دموعي غصب عني ايقنت الحين ان البكا مو عيب والله مو عيب بالعكس هو أكبر دليل على قوتي كثير أستحملت وكتمت لدرجه ماعاد قدرت اتماسك دموعي مسحت دموعي بسرعه خايفه احد يلاحظ ويسألني "ليش تبكين؟" شما طالعت لتلفزيون وعرفت سر حزني ووجعي ولكن مو بالتفاصيل اللي خلتني أنسانه غير Like لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة قديم 18-01-15, 10:39 PM #4 لامارا مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام الصورة الرمزية لامارا ? العضوٌ??? » 216 ? التسِجيلٌ » Dec 2007 ? مشَارَ?اتْي » 87,661 ? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute افتراضي آلبــأإرت الأول (1) خلونا نرجع لورا شوي .. في هاذيك الليله اللي قصتي بدت فيها أنا من أصحاب النوم الثقيل كنت حاضنه مخدتي ونايمه بعمق وناسيه اوجاعي كلها وراميتها وراي واحلم احلام ورديه راحه تكسيني في سريري الأبيض الناعم وبروده المكيف تطفي حر المكان تعكر نومي بسبب تؤامي "أروى" اللي تدقني بكتفي بقوه وواضح انها قلقانه صحيت وفركت عيوني انا/خير!! اروى /أثير تسمعين اللي اسمع صراحه ماكنت مهتمه بشي متعوده كل ليله هواش عماتي مع امي شيء روتيني وجدياً صار شيء ممل ما اهتميت ومسكت لحافي ورجعت راسي على مخدتي ابي اكمل نومتي وقلت ببرود/يعني ماتعرفينهم عماتك كله هواش ونقره خليهم امي تتصرف معاهم ماتقصر أروى بعصبيه /انتي لمتى بتظلين بارده كذا وبدت تضربني وتشد شعري تبي تطير النوم من عيوني أنا قمت وكمان مسكت شعرها وقمنا نتضارب ونسب اروى/بارده .. انا/غبيه.. وفي الأخير انتصبنا وكل وحده ماسكه كشة الثانيه انا/فكي اروى/ماني فاكه قلنا سوا/فكي وافك ! طالعنا في بعض وابتسمنا على هالجمله اه ياسنين الطفوله كم كنا نقولها فكيت شعرها وهي فكت اروى بدلع عفوي/شفتي كيف صار شعري أنا مت ضحك على شكلها لأنها من النوع الدلوع اللي اهم شيء شكله ومظهره وانا العكس صراحه اروى /تخيلي اش صار اليوم العصر.. شوي ويفز قلبي وسمعي راح كله لبرا الغرفه تركت اروى تهذر مع نفسها ورحت اتسمع عند الباب وش صوت التكسير ذا ؟ ابوي!! لالا مستحيل ابوي مسالم مو كذا ابد استغربت ويه منك يا أروى باقي تهذر مع نفسها وترتب شعرها أنا بهمس/أروى تعالي بسرعه اروى /أيش؟ انا/تعالي !! وجت عندي وقعدنا نتسمع للي جالس يحصل بالصاله عمتي "عايشه"/قلت لك ياغبي لكنك ماتسمع امي/يحيى لا تصدقه جذاب والله جذاب عمتي عزيزه/كذاب ها!! البنت ذي ماتقعد ببيتنا فاهميننننن ابعدت اذني عن الباب بتعب مسكت راسي وتنهدت أروى ظلت تسمع وحاطه ايدها على قلبها وتدعي انها تعدي على خير هالمره زي كل المرات ومايحصل بينهم "طلاق" قعدت اطالع لأختي وابتسمت بحزن /لا تخافين بتنتهي المشكله زي كل المشاكل اللي تحصل وبيتصالحون حسيت من ملامح أروى صدمه كبير وبدت تشهق حطت ايدها على فهمها بفجعه اش صار !!! كان هذا سؤالي بنبره قويه وخايفه اروى ماردت وبدت عيونها تدمع وهي تطالعني وما تزال تسمع رجعت اذني عشان أسمع أمي كانت تتكلم بنبره خانقتها العبره /يحيى!! ابوي بصراخ/انتهى خلاص طلقتك وش بقي تبغين ؟ امي/والبنات! حرام عليك شو انته ماعندك قلب دخيلك بناتي ما اروم اودرهم عمتي عايشه/لا حبيبتي بيظلون هنا معانا نربيهم أحسن من تربيت الشوارع حقتك امي بصراخ/لا تدخلين فاهمه ومب تربيه شوارع الا تربيتج جدي حب ينهي الموضوع/انتهى كل شيء والبنات ماراح تكون القضيه زي ما انتو تبغونها أنا بأحكم ابوي/لحد يناقشني البنات ماراح يطلعون من هنا امي/لا دخيلك لا تجوفني أنا لا تتحراني أنا ،تحرى في بناتك شو بيطلعون كيف بيعيشون دون ام واهم مراهقات ؟ جدي /أسمعوني كلكم !!أنا قررت وانتهى انت يا يحيى مابتقدر تعتني ببنتين وحدك وانتي كمان ياشيخه مابتقدرين تاخذينهم للأمارات وتربينهم كويس ،الحل واللي راح يصير أثير تروح مع امها للأمارات واروى تظل هنا معانا امي ببكا/شو!!!! تبون تفرقون بين بناتي حرام عليكم خافو الله فيهم إذا ماتبون تخافون الله فيني والله السالفه وايد جديمه ماتستاهل جدي/خلاص كلامي يتنفذ وانت احجز بأقرب طياره للأمارات أنا !! أنا بروح الأمارات ! لا لا مستحيل واترك اختي الضعيفه بين هالوحوش كيف بنعيش بدون بعض كيف!!! والله ما أستحمل عادي عندي نجلس كل يوم في الليل لازم نصحى على هواش عماتي وامي عادي ننضرب ونسمع كلام يسم البدن بس لا يفرقونا عن بعض للحين مو مستوعبه اللي حصل يعني خلاص!! أنا من الحين اشوف الحياه انتهت خلاص مابقى للحياه مكان ملامحي كانت مصدومه ونظري ضايع ارتمت بحضني اروى وبكت ماتدري انها تألمني اكثر واكثر اه ..بس اه مستحيل اصكت والله ما أصكت ابعدت اروى عني فتحت الباب بقوه وطلعت وكل البكا اللي كان متجمع بصدري من سنين خرج صرخت ببكا/مستحيـــــــل تفرقونا فاهمــــــــين والله ما أتــــــــــــرك تــــــــــــــوأمي معاكم يا حســـــــــــودين انتــــــــــو مو اهل انتـــــــــــــو عـــــــــــــــدو !! الكل انصدم انصدم اني كنت اسمع قام جدي وفي يده العقال وبدا يضربني ويهزئني ويحلف اني ما أضل ببيته دقيقه وصار اللي صار.. --------------- الأمارات 01:00 كنت بحارتنا الشعبيه العتيجه وايد .. تألمت لوضعها مابقي فيها الا القليل تميت افكر وافكر تعبت من هالحياه ابا اكمل دراستي وهم ما ابا مب عارف كيف اوفق بين لعب الكره والدراسه مول مر مايد وجافني يالس بالطريج وافكر .. مايد يلس عدالي /بحر! بلاك انته شو مقعدنك اهني احين ! أنا -تنهدت-/ ياريال خلها على الله مايد -يغمز-/شو؟ لا يكون تحب من وراي اهه يا الهرم !! أنا ابتسمت لهالفكره *أحب* انا/شوه !!!! أنا احب مالت عليك أنا والله ما أحب طول حياتي شو لي بالقلق ووعوار الراس مايد/انته غلطان بهالنظره للحب بس بمشيها لك ! أنا /ههههههه اونه، الا قولي شو صار وياك انته مايد /ما ابا نرمس اهني شو رايك نسير البحر؟ أنا واطالع في ساعتي/احين مايد/هيه احين شو تفرق يعني اهني ولا اهناك أنا /انزين ما أظن انكم تعرفون قد شو نحب البحر أنا وربعي اهو شيء أساسي بحياتنا شيء روتيني صار يزورنا كل يوم كفايه انه مابينه وبين حارتنا وايد مسافه جريب وايد حتى ملعبنا كان اهناك تدرون شو اللي يمعني أنا وربعي ! اهو البحر وتعرفون ليش اسمي بحر؟ عسب قصه حب كانت اهني قبال البحر وسموني فيها . البحر شيء وايد جبير رمستكم عن اشوي من حبي له لأن حبي له عظيم وصلنا البحر .. ويلسنا على رماله ونجوف امواجه العاليه ، مايد/بخبرك شو صار انا/هيه ارمس مايد/مب عارف شو اقول ضربته على راسه اه منك يامايد انجريت ورا الحب يا الهرم ماتوقعت !! تمنيت لو أني وربعي نتشابه في هذا الشي " كلنا مانحب" شرات ما تشابهنا بكل شيء لأني ادري ان الحب تعب وما ابا واحد منهم ينجرح او يتعب جفت الحب ، وتعلمته من صغري، ومثل ماخبرتكم أنا اسمي عن قصه حب . عشان جي ما ابا حد يحب لأن هالقصه وايد مريره ! مايد -بأبتسامه- /بحر! أنا حاس انها ابتدت حياتي حاس بأحساس وايد حلو صراحه أنا مول مب جاذبني هالرمس ولا فهمته ولا بفهمه طول حياتي ولا حسيت فيه شو اسوي أنا جي ولكن لازم اساند ربيعي شو اسوي غلاته تجبرني مع أني اكره هالمواضيع أنا /صراحة أنا معرف انته كيف صرت غبي وحبيت مايد مسك حصا ورماها بالبحر وابتسم /هم أنا ماتوقعت احب بحياتي ! بس تعرف ؟ هالقلب مشكله أنا /الله يعينك مايد/مصيرك بتحس بكلامي بيوم صديت له ويهي بقوه وانا منصدم وابا اضربه /حبيبي هالرمس لك انته بس ،لرهاف القلوب اما أنا ؟ تعرف أنا بحر اللي حلف بيوم مايحب مايد -ابتسم-/عليك كفاره ! انا/نجوف يا مايد ان حبيت لك اللي تبا مايد/عيل خلك صامل انا/فالك طيب بأصمل بس انته بعد لو مرت هالسنه وما حبيت ما تسوي اللي أنا ابا . مايد/انزين --------------- كنت يالسه بغرفتي الكل يتحراني راقده بس أنا بعدني مارقدت سرت للجامه وفتحتها جان يهب الهوا ويطير شعري عن ويهي ابتسمت لهالجو اللي عني أنا وايد بعيبني ويفتني حسيت بالأمل وانا اجوف البحر والقمر مطبوع على امواجه ابتسمت .. وقلت يمكن بكره يكون أحسن مهما الحزن كان طاغي على الأمور ردت لسريري وودرت الجامه مفتوحه ، يلست على سريري وانا اتحسس فراشي تميت اتأمل الجامه والهوا كيف يطير الستاره وفجأه. تذكرت اللي استوى اليوم بالعصر ' ' ' وكالعاده.، سرت اوزع باعضه امايه عسب نكسب ونستغني عن دراهم ابويه اول بيت وصلت كان بيت ام شيخه هالبيت يحزني . تحزني معانتهم طقيت الباب وانتظرت الرد .. طولو وايد بس صبرت وصديت ويهي لورا وتميت اهز ريولي انفتح الباب وصديت بسرعه مايد/شموه..ها شو بغيتي استحيت وايد ماكنت اباه اهو اللي يفتح لي اكره يجوفني بحالتي هاي بلحظه كنت بأرمي عليه صندوق البهارات مالت امايه واشرد بس انطبيت ومديته له بدون ما افتح ثمي بجلمه وحده لفيت وسرت عسب أوصل الباجي ' ' ' نظراته كانت وايد غريبه حتى توتره واهو يرمسني أنا اخاف منه واستحي وايد نظراته لحالها هلاك ---------------- أنتهى .