الفصل 16
╠ ═ ╝▫ ╠ الجزء السادس عشر ═ ╝▫╠ ═
يا رفيق القلب
ما أصدق نسيت.!.
خابركـ مهما تعذبني حنون
لا ذكرت ايامك الحلوة ,, بكيت ,,
ماتهون ايامك ودك ما تهون
راحتي : وياك .. لا منك صفيت
في ثواني كلها بوح وشجون
\\ لا قريت ابيات الرسالة وانتهيت \\
ودي اعرف في حياتك من اكون..؟!
_ _ _ _ _ _
الامارات
الاثنين ..
1.20 .. ظهراً ,,
المزرعه ..
عبـأأرة عن مزرعة كبيره يكون بوسطها بيت خشبي حديث بطراز قديم ..
بداية المزرعة بوابه كبيره تسمح بدخول السيارات .. يحرسها (كومار) ..
على اليمين في ممشى بسيط .. تحاذيه مرجحانتين .. وميزان ..
جدامه حديقه بسيطه فيها جلسه .. وكوخ صغير ..
على اليسار اسطبل خيوـوـول ..
أما وراهم وعلى بعد عشرة امتار حضيرة الدجاج ..
وورا البيت مسبح كبير .. ومسبح صغير لليهال ..
أما الأرض الخلفيه .. فكانت مخصصة للنخيل والزراعات الموسميه..
هذي باختصار شكل المزرعه ..
وصلوا العوايل وكل واحد رتب اغراضه حسب غرفته ..
الشباب بغرفه ..
والبنات توزعوا على غرفتين ..
والحريم بغرفة ..
والشوارب بغرفه ..
نسبة الى تقلص الغرف ..
ناصر : يمه ،، ترانا يوعان لا تقولين لي ما سويتي الغدى ..
ام سلطان : يمه منك .. وانت بس همك الأكل تراك بتتفجر ..
ناصر بغلاسه : يمه جوفي اختج ترمس عني بالسوء ..
ام سلطان : يمه منك انا !!
ام ناصر : فديتها اختي ما ترمس عن احد بالسوء عشان ترمس على ولد اختها ..
ناصر : تقول لي انا سمين !!
سهيل : ما قالت شي من عندها ,,
ذياب : انت ويااه عن الهذرة وتعالوا ساعدونا على الأغراض ..
ريم وهي تتدخل الصحون المطبخ : الله يقويك يابو عصام ..
ام ناصر : آه .. جذي الحريم ،، ياليتني أحصل لولدي ناصر حرمة مثلج يا ريم ( وهي تناظر روان ) ..
سلطان : وياليتني احصل غايه ياارب
ام ناصر : هههههههههههه .. فديتها بنتي .. ما تقدر تتصبر عليها سنه على ما تخلص جامعتها !
سلطان : ياخالتي احد يصبر عن روحه !!
الكل تم يطالع غايه الي نقلبت طمااط ..
غايه : ............
كوثر : هههههههههههه خالتي ام ناصر تستحي بنتج هههههههههه
روان على خفيف : ايه عقبالج ..
كوثر الي سمعتها : تراني سمعتج ..
سهيل: حتى أنا
روان " شيبي هااي !! " : ...
سامي وهي يسحب عباية عمته : عميتوو روان يووعاان ,,,
روان : اسكت لا تفضحنا ..
تحرك الكل على شغله ..
سامي : روانوو قلت لج يوعاان
روان : تأدب وقول عمتي روان
سامي : افف .. روحي زين بروح لسهيل يأكلني ..
روان وهي تلحق وراه : لا لا تعاال انا بأكلك بس لا تروح له تعااال ,,
سهيل ببتسامة مكر: سموي من تبي يأكلك ..
سامي : انت ..
سهيل : من حبيبي من !!
سامي : انت ..
روان : .....
.*.*.*.*.*.
بيت بو محمد ..
احمد : يدي انا اسفه ..
بو محمد وهو يطالع البوم قديم : احمد يقولون انا اسف مو اسفه ..
احمد : انزين يدي انا اسف .. سامحتني !!
بو محمد من غير ما يطالعه : ايه ..
احمد : وفطيم و سلمان بعد يبون يعتذرون ..
بو محمد : وليش ما جوا !!
احمد : لأن عندهم صار خجل ..
بو محمد : احمد .. يقولون خجولين مو عندهم صار خجل ..
احمد : زين زين .. الحين شرايج تتطلع لهم الحديقه ترى ينتظرونك ..
بو محمد : احمد .. لا تخاطب المذكر مؤنث ..
احمد بيأس : افف .. يدي عاااد ..
بو محمد : زين زين ..
..: في الحديقه :..
فطيم وسلمان واقفين عند الكرسي ..
تقرب لهم بو محمد وقعد على الكرسي ..
ومن أول ما قعد فقد توازنه وطاح ..
وتموا اليهال يضحكون عليه ..
بو محمد بتوعد : عند أبوووووكم يا شيااااطين !!
.*.*.*.*.
بيت بو خالد ..
ميعاد : هشاام حبيبي روح للبابا ..
خالد : بابا .. بابا ..
بو خالد : كح كح كح ... كح كح كح كح ..
ميعاد وهي تسارع بالماي : صحة صحة صحة ..
بو خالد وهو يشرب : الله لا يحرمنا منج يا بنتي ..
ميعاد : ولا منك يا يبه ..
قالتها ميعاد يبه ..
وهي تعني فيها الكثير ..
تحس بهالكلمة لأبو خالد ..
أكثر ماهي لبو محمد .. أبــوهاأ ..
.*.*.*.*.
بيت بو محمد ...
بو محمد : عبد الله ...
عبد الله : نعم عمـي ..
بو محمد : اليوم ما سقيت الزرع ,,
عبد الله : ان الله عمـي ..
محمد وهو يدخل عليهم : سلام ..
عبدالله : عليكم السلام ..
بو محمد : هاا .. نزلت الاعلان !!
محمد بيأس : ايه .. عسى بس تفلح هالمرهـ ...
بو محمد : عيالك هالأشرار ما يتمون جذي .. !!
.*.*.*.*.
7.30 ..
الامارات ..
الشباب في البسطة الخارجيه ,,
والشياب في داخل البيت ..
وريم تلعب اليهال في المراجحين ..
سلطان : خل نلعب لعبة الصراحة والتحدي .. ,,
نورة : يبي لنا غرشة مااي ..
غايه : أمممـ .. روان انتي اقرب وحدة للمطبخ روحي
دخلت روان المطبخ .. وكان سهيل يشرب ماي وعاطنها ظهره ويغني ..
اغنيه .. تجربة ..
سهيل: https://www.ro-7-up.com/av/up/ro-7_730445694.rm
جم مرة نسامح ولج ياخذني الحنين ..
للأسف ما فهمتي وجرحتي قلبي الحزين ..
يكفيني غش وخداع .. غيرتي حلمي ضيااع ..
روحي عند هذا وذاآآك ..
كان صوته أكثــرر من رائع ..
انصدمت روان منه لدرجة انها وقفت سااكنه .. لحد ما صد لها وارتبك شوي ..
روان وهي تنقذ الموقف : أممـ .. باخذ غرشة ماي ..
سهيل وهو كاتم ضحكته : عندج يدج ..
روان " قال عندج يدج قال .. مالت بلا مالت اقول " ....
سهيل وهو يطلع لهم : شقاعدين تسوون .. !!
كوثر : نلعب لعبة الصراحة .. قول لروان تعجل ما صرت غرشة ماي ..
سهيل : مافيكم احد زين يعزمني !!
نورة : وانت بتحتاج عزيمه يعني !!
غايه : ههههههههه بليتت العايله ..
سهيل : هذي الا بذبحها ..
سلطان : الله يخليك بعد ما نعرس ..
روان طلعت وقعدت مكانها بهدوء ..
كوثر : وينج !! .. ماصارت غرشه ..
روان رفعت راسها جافت سهيل يطالعها .. فنزلته مرة ثانيه : اقول سكتي حبيبتي ..
ناصر : يالله عن الهذرة بنبتدي ..
فرووا الغرشة صارت على سلطان وغايه ..
ناصر : هههههههههههههههه غايووه .. تبين سؤال أو تحددي !!
غايه : سؤال ..
سلطان بمكر : تحبيني !!
الكل : ههههههههههههههههههههههههه هههههههههه
غايه بسرعه : هيه ..
الكل : ههههههههههههههههههههههههه
ناصر : انزين بلا تعليقات .. اختي احمرت ..
ووفر الغرشه ..
ناصر : خخخخخخ ,, على سهيل وكوثر .. سهيل تبي تحدي او سؤال !!
سهيل: تحددي .. !
كوثر : ابيك تعطي حمدان سيارتك لمدة اسبوع ,,, !
حمدان وهو يأشر من بعيد .. : سمعت اسميي ..
كوثر : قرب فديتك انت وذياب ..
حمدان : ذياب تبع زوجته يلعب اليهالوو .. لا شتسووون !!
كوثر : حبيبي ترى سهيل بيعطيك سياره اسبوع كامل ..
حمدان : قولوا والله !!
كوثر : خخخخخخ ،، هيك التكتيك بيعمل !!
سهيل : بس انا ما وافقت ..
ناصر: لا سهيل انت قبلت التحدي وسد بوزك .. الحين الدور على ..... أمـمـ نورة و روان ..
نورة : تحدي أو سؤال !!
روان : سؤال ..
نورة : حبيتي من قبل !!
روان احتارت شتقول .. ! .......
نورة : خخخخخخخ خلاص فهمنا ..
روان بذكاء : أولا انتي قلتي تحبين بس !! .. ما حددتي من ! .. واكيد حبيت هلي وناسي وربعي ..
كوثر وهي تنقذ الموقف : هههههه هالمره انا الي بفرها ..
نورة بمكر : سهيل .. قوم بادلني بقعد صوب اخوي ..
سهيل : شهالـ حب الي نزلت عليك مره وحدة !
حمدان : وانت شعليك منهم قم بس قم ..
سهيل : مشكلة اذا اخوي الكبير ..
كوثر: ههههههههههه روان ونورة مرة ثانيه ..
نورة : الحين سهيل مكااني .. !
ناصر حـس بشي ما عرف شنو معناة ! .. وغصباً عنه قال : لاه .. روان من شوي والحين ! .. خلنا نخلص اللعبه ..
كوثر : طيب انت فرها يا شيخ ..
ناصر وهو يفر انصدم : على روان وسهيل بعد !!!
غايه : يالله .. الله كاتب لهم .. خلنا نخلص ..
سهيل بنظرة .. روان ما فهمتها : سؤال أو تحدي ..
روان كانت محتاره .. بس في نهاية المطاف خافت لايكون سؤال محرج وما تعرف تجاوب عليه : أمم تحدي ..
سهيل: أمممـ ,, غني لنا أي مقطع ... !
روان وهي فاتحة عينها : شنووو !!
سهيل: ههههههه تراه تحدي ..
غايه : ايه ايه غني ..
روان : ماعرف ..
كوثر : جذاابه ..
نورة : يالله عااد روان ..
غايه : رواان يلااا ,,
روان استسلمت لهم وغنت ياخساره .. لحربي العامري ..
روان : https://www.ro-7-up.com/av/up/ro-7_204932438.ram
بعد ما خلصت .. الكل صفق ..
سهيل بثناء : والله وطلعتي مني بهينه ,,
وكملوا سهرتهم ..
.*.*.*.*.
من نافذة محمد .. كان يطالع القمر وهو مكتمل .. 14/شعبان .. باقي شهر على شهر رمضان ..
الهموم راكبتنه في كل صوب ..
الشركة ..
البيت ..
نفسه ..
مايعرف شلون وشنو يسوي ..
من جانب ثاني ..
كانت ملاك بنفس الوضعيه ..
تكلم النجوم ..
تسأل القمر عن أخبار ولادها ..
زوجها ..
بيتها ,,,
لكنها ما قدرت تجيبها ..
.*.*.*.*.
الاربعاء
بيت بو محمد ..
6.30 ..
سونيا : يا اهمد قوووم .. مادرساا ..
احمد : سوونيا عزيزتي .. قولي لبابا محمد احمد تعباان ..
سونيا : انته لازم يقوم ..
احمد : الله يخليج سونيا ..
سونيا: اوووف .. كيف انته .. !
..: الطابق الأرضي :..
محمد : وشنو يعني تعباان !!
سونيا وهي تتدخل المطبخ : اناا مافي معلوم ..
بو محمد : محمد .. ولدك اذا ما راح المدرسه انت تتكفل به .. مو تتركه يعفس لنا البيت ..
محمد : انتوا يلاا روحوا لعبد الله ..
فطيم : أي بطني بابا ..
سلمان : آآخ .. راااسي ..
محمد وهو يكتم ضحكته : فطوووووم .. سلووووووم .. عـ مدارسكم ..
.*.*.*.*.*
الأربعاء ..
8.30 .. صباحا ..
عيسى : ملااااك .. يا ملااااك ..
ملاك : جاايه جايه .. اليوم العيااده صح !!
عيسى وهو يناولها الجريده : خطأ ..
ملاك وهي عاقده حواجبها : ليش ّّ
عيسى : جوفي الاعلان بآخر الصفحه .. مربية لثلاثة أطفال ..
ملاك وهي فاتحه عينها : شنوووو !!
عيسى : لا تفوتين الفرصه .. مسكي المفتاح وروحي ..
ملاك كانت تشكر عيسى بعينها ...
.*.*.*.*.
بيت بو محمد ..
9.3 ..
دخلت ملاك البيت بعد ما فتح لها عبدالله ..
ملاك ببتسامه كبيره : سلاام ..
عبدالله : عليكم السلام ..
ملاك : شخبارك عبدالله ..
عبد الله وهو مصدوم : تعرفين اسمي !!
ملاك الي عظت على السانها : هااا ... لا .. ذيك المره كنت مااره هني و ,,, وسمعتاحد يناديك .. الا .. وين دكتور محمد !!
محمد وهو طالع وماسك ولده من ذراعه : بسرعه امش لا خليتك مع عبدالله ..
احمد : افف مابيك .. ملل الشركة .. ابي عبدالله ..
محمد وهو يمسكه من اذنه : بتمشي عاقل او شلون !!
ملاك كتمت ضحكتها وتقدمت لهم : سلاام عليكم ..
محمد وهو يرفع نظارته : عليكم السلام ,, من !!
ملاك : أظن انتوا طالبين مربيه لثلاثة أطفال ,,
محمد ببتسامه عذبه : ههه ايه ايه .. تفضلي ..
احمد : مربيه !!!
محمد تقدمهم واحمد وملاك ورى ..
ملاك مسكت احمد بهدوء : أحمد !!
احمد وهو منصدم : شلون عرفتي اسمي ..
ملاك تبتسم : مكتوب على جبينك الصغير ,,,
احمد : ههههههههههههه ماما ملاك كانت تسميني جبين صغير ,,
ملاك : وينها الحين !!
احمد وهو يركض ورى ابوه : سافرت ..
..: في غرفة الضيوف :..
محمد : شنو تخصصج !!
ملاك من بعد ولادتها كملت دراستها في الهندسه .. لكنها جذبت (جذبة بيضاا) : رياض أطفال ..
محمد : حلو.. اشتغليتين كـ مربية من قبل !
ملاك : لا والله هذي أول تجربه ..
محمد : الا ما تعرفنا الاسم الكريم ..
ملاك : أمم .. حنان .. حنان خطيبي .. حنان عيسى خطيبي ..
محمد : فارسيه !!
حنان : إيه ..
احمد : ههههههههههه تشابه ماما ملاك ..
ملاك رف قلبها لولدها .. لكنها اكتفت ببتسامه ..
محمد : عطيني رقمج وانا برد عليج ,,
ملاك "ايه هذا وجهي يا محمد اذا رديت علي " : سجل عندك ...
رايكم ؟
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 20-07-19, 04:03 PM