الفصل 15
═ ╝▫ ╠ الجزء الخامسة عشر ═ ╝▫╠ ═
(عزت خطاوي البعد
بينك وبيني)
وقلبي من الشوق
يصرخ وينصاك ..
والورد ياعيني ذبل
في يديني ..
وين الدروب اللي
تسافر ليمنــــاك ..
حنيت لك وأرجوك
لا لا تخليني ..
.. [ والله أغليك يا عساني ما أعدم رضاك ] ..
_ _ _ _ _ _
الخميس ..
سوسن : يــلاا .. زهرااء ,, زهرااء قومي بنروح بيت بابا عود ..
زهراء وهي تصيح : سااره سااره ..
سوسن بعصبيه : ساروووه .. شسويتين في اختج ..
ساره : بنتج ماما دليعه .. ابي اروح لفطيم ..
سوسن : لا والله الحين بنتي صارت الدليعه ..
عادل وهو يحمل ساره على كتافه : شفيها تصاره على امها ..
سوسن : بتتطفر جبدي هالـ بنت ..
ساره : بابا زوجتك السانها طويل ..
سوسن وهي ترفع يدها : لا والله ..
زهراء : ماما .. وااء اهئ اهئ .. ماما ..
سوسن وهي تحمل زهراء : بس بس ماما .. خلااص .. ساره دح ..
زهراء وهي تتضحك ببراءة : هههه هههه سارة دح ..
ساره : دح يدحج وبالنار يطبج عيب .. بابا قول لها عيب ..
عادل : ههههههههههههه ، عاد اذا عليج تقلبين العيب عادي والعادي عيب ..
سارة : بابا ,, خذ لنا سواق مثل عبدالله ..
عادل وهو يتنهد : آه .. يبنيتي لا تتطالعين غيرج ..
ساره : ليش احنا فقاره انزين ..
عادل : بابا تعالي ..
ساره : وين ..
عادل وهو يفتح كتاب قديم لمجاعة افريقيا : بابا جوفي الناس ذلين ..
ساره : مسااكين ..
عادل : الحين من الفقااره احنا أو هم !!
ساره : احنا ..
سوسن : ههههههههههههههههههههههه تنفخ بجربه مقضوضه ..
عادل وهو يحاول يوعي بنته : يا ماما يا سااره في ناس ما عندها اكل تاكل .. انتي عندج
سااره : لا بس هم الفقااره ..
عادل ببتسامه : شطوـورة .. !
.*.*.*.*.
الخميس ..
عيــادة عيسى خطيبي للجراحه ..
دكتور فارسي الأصل .. عايش بالبحرين ..
عيسى : حسنااء فتحي الباب للمريض ..
المريض : السلام عليكم ..
_ : عليكم السلام ..
عيسى : وين ملاك !!
حسناء : راحت الجنة ..
عيسى : أهاا .. ( وهو يناظر المريض ) من شنو تعاني !!
المريض : اسمي غسان رمضان ..
عيسى وهو يخبي ضحكته : اهلا غسان .. سالتك من شنو تعاني ..
غسان وهو يقرب وجهه من عيسى : جوف .. (وهو يأشر على خشمه ) هذا خشم أو صنارة صيد ..
عيسى : ههههههههههههه ، خشم !!
غسام وهو يحاول يصطلب : ااحم .. الصراحة انا سمعت عن الحادثه الي صارت .. وانك سويت عمليه لبنت بوجه ثاني .. فياريت تسوي لي خشم غير ..
حسناء وهي تخبي ضحكتها : ليش طيب !!
غسان : لاني اعشق التمثيل .. لكن المخرج اعترض على خشمي ..
الا بدخول ملاك عليكم : ســلاام عليكم !!
_ : عليكم السلام ..
عيسى لـ غسان : تيسر .. انا طبيب جرّااح .. مو طبيب تجميل ..
غسان : لكنــ ..
عيسى : مع السلامة ..
.*.*.*.*.
الجمعه ,,
4.30 ..
حديقه المنزل ..
ايناس بصفارتها ارهقت بو محمد .. لكنه مع ذلك متحمل لأبعد حد ..
سلمان وهو يشهق : سيده ايناس .. شنو على شعرج !!
ايناس اختبلت وهي تضرب راسها ,,
اليهال وهم ماسكين بطنهم : ههههههههههههههههههههههههه ههههههههه
ايناس وهي تصفر بصفارتها المزعجه : سكووووت !!
فطيم : صمختينا ..
ايناس : هدوووء .. فاطمة و سلمان محرومين من اللعب اليوم .. أحمد بس الي بيلعب ..
أحمد : اناا ؟؟
ايناس : أي نعم .. امسك الكره ..
أحمد كان منطاع لأوامر ايناس ..
ايناس : ارفعها فوق .. شااطر .. يمين .. شااطر .. يسااار .. أحسنت .. فوق .. يمين ..
أحمد بملل :لكن هذا مو لعب ..
ايناس : عسل شنو !!
أحمد وهو يرمي الكره ويوقف في صف اخوانه : ماحب العب ..
ايناس وهي تصفر : عيل على درووسكم ..
.*.*.*.*.
الجمعه ..
9.30 .. مساءً ..
جمعة عائلية في بيت عيسى خطيبي ..
عيسى : يا ملاك ، انتي عارفه انج وافقتي لطلاباتنا في وقت حاجتج .. بس ياترى للحين موافقه !!
ملاك ببتسامه عذبه : يا استاذ عيسى لولاك انت وامي حسناء كنت ما رجعت لحياتي .. انتوا الي خذتوني من موت .. بعد ما قتلوني اهلي .. قروا علي الفاتحة وانا حيه .. ( وهي تبكي ) انت الي رسمت لي وجه بنتك المتوفيه بعد ما علا وجهي الدم وتشوهت مفاصلي .. شلون ما أرد عليك أبسط جميل ..
حسناء وهي تكون حضن لملاك : الله عوضنا ببنتنا حنـان .. ببنتنا مـلاك ..
.*.*.*.*.
الإمارات..
10.00 بتوقيت البحرين ..
11.00 بتوقيت الامارات ..
في البيت العود ..
كوثر : أإأممم .. الحين انتي عرفتي سهيل وحمدان .. وعرفتي نورة بنت عمي .. وهذا اخوها سلطان .. ترى عمره من عمرج بس مخبول ما عليج منه .. ويدي سعيد نظره ظعيف ما يفرق بيني وبينج ..
روان : افف افف ,, وانتوا دايما تقعدون صبيانوبنات مع بعض !!
كوثر : عيال عمي مثل اخواني .. تراج بتتعودين عليهم بسرعه ..
روان : زين كملي شجرة عايلتكم ..
كوثر : وغايه وناصر أخوان من عمي الثاني .. وبــس ..
غايه من وراهم : كأني سمعت اسمي .. هههههه .. انتي أكييد رواان الي قالوا لي عنج ..
روان : ايه .. الا نورة ليش بروحهها ..
غايه : ما عليج منها عن تستحي منج .. ههههههه بس ما عليج الحين بتيي
نورة وعينها تلتهب : من حش فينا فليس منا ..
روان : ههههههه مسرع مو راضيه تقعدين معانا
نورة : شسوي اتعيزز
روان : ايه ايه تعيززي ..
ناصر : هوود هوود ..
ام سلطان : هداا ..
ناصر وهو يناظر الكل .. ومن وقعت عينه على روان استغرب : ما عرفتونا على العنصر اليديد ..
غايه : روان اخت ريم .. روان هاي اخوي ناصر ..
ناصر وهو يرفع الكابس : تشرفنا ..
غايه :اخوي مؤدب ..
سلطان وهو يدخل حامل سامي : هااي ولد من الي بذبحهه اليوم ..
ساامي : عمووتي رواان ، تعالي ظربيه ..
روان بهمس : الله ياخذك يا سموي فضحتنا ..
سلطان : هاي ولدكم !!
سهيل : ههههههههههههه قطه عليهم .. عيال البحرين شياطين ..
روان عفويا : الله يخليكم يا عيال زايد الهدوء طالع منكم ..
التفتت لنفسها وبحركه عفويه حطت يدهل على ثمها ..
الكل : ههههههههههههههههههههههههه هههههههههه
سهيل وهو عاقد حواجبه : ليش ما يبين الهدوء علينا !!
روان : لا تبين السبرنقات على راسك ..
الكل : ههههههههههههههههههههههههه هههه
سلطان : بووه قفطه الصراحة سهيل .. امش امش نطلع لا يحرقونا عيال البحرين ..
سامي : انت جب ..
ناصر : وانت من معلمنك هالكلمه !!
سامي : عصام الدب ..
الكل : ههههههههههههههههههههههههه هههههههه
ناصر : ترى ولد ذياب طلع مجرم ..
غايه : من يومه هالعفريت .. نصوري اذا جفته دزه لي ابيه ..
ريم وهي تتدخل عليهم : غدانا جهز ..
سلطان : ريم ,, ما خبرتينا اختج ملسونه ..
ريم وهي مفتحه عينها : اختي ملسونه !!
نورة : فاتج .. تراها حرقت سهيل ..
سهيل : تخسي ..
روان بهمس : الله يغربلك يابليسوو .. وانا من قالي ابطل حلجي ..
ريم : فشلتينا ،، ترى كل شي ولا الغالي سهيل ..
نورة : هيه سهيل من قدك ..
سهيل : الحمد لله مدام في ناس يعزوني
غايه بهمس : روان .. ترى الموقف عاادي .. مو تخلين بخاطرج ..
روان ببتسامه : هههه .. لا عاادي ..
.*.*.*.*.
الاحد ..
المَيّتم ( الجنه ) ..
عبارة عن حضانه وروضه للأطفال اليتامى .. يساهم عيسى الـخطيبي بكميات مجزية من التبرعات والاعانات لها .. حبتها ملاك .. وتمت تتداوم على الحضور ..
في ساحة الميتم ..
ملاك : يالله يا اطفاال عندكم درس عند ماما ليلى ..
سااره : لا احنا نبي ماما حنان ..
ابتسمت ملاك في نفسها " حتى انتوا تظنوني حنان !! .. آه .. شلون بتأقلم مع الحياة بوجه ثاني وشخصيه ثاانيه " : ان شاء الله بكون معاكم بالبريك ..
محمود : ماما حناان توعدينا كل يوم تزورينا !!
ملاك : اكيد حبيبي اوعدكم !!
روعه : احنا نحبج ماما حناان ..
ملاك : وانا بعد احبكم ..
روعه : لا بس احنا اكثر ..
ملاك : ههههههههه ... انزين الي يحبني اكثر واحد يروح لحصة ماما ليلى ..
.*.*.*.*.
مدرسة سلمان ..
الهدة ..
حسين : انت ملابك كله قديمه .. !!
جواد : جوفقصة شعره ههههه .. مال العصر الحجري ..
سلمان : اسكتوا عني ..
حسين : انت ابوك غني وثيابك كريهه ههههههههههههههه
سلمان وهو يضربه : من الي ثيابه كريهه
جواد وهو يساعد صاحبه : ابعد عنه لا بتندم ..
حسين : بعده عني .. ابوه يضرب له هرن ..
سلمان وهو يركب السياره : سلام ..
محمد : شنو الي قاعد اجوفه !!
سلمان : بابا محمد يعيبون على ثيابي .. قلت لك ابي ثياب جاهزة .. لازم يدي يخيط لنا ثياب قديمه ..
فطيم : ايه بابا ما نبي ..
احمد : ايه بابا محمد ..
سلمان : يالله بابا محمد نبي ثياب جديده ..
محمد : خلااااااااص .. ولا كلمة
.*.*.*.*.
2.00 .. الظهر ..
جلال وهو يخبي ورى ظهره كيس : روااضي .. روضتي ..
روضه : هاا .. شتبي ..
جلال : افف .. ليش انتي جافه معاي ..
روضه ببسمه مصطنعه : هلا حبي .. شو بتريد .. حليب والا ئشطه ..
جلال وهو يلتف عليها : كل عــاام وأحلى روضه بخيــر ..
روضه تفاجات من حركته .. : ليش !!
جلال وهو يضرب على راسه : أفف .. نسيت انه عيد ميلادي انا .. المفروض انتي الي تعطيني هديه مو انا الي اعطيج ..
روضه وهي مايته ضحك : هههههههههه هههههههههههههههههههههههه هههههه جلووول هههههههههههههههههههه جلوولي ههههههههههه ههه .. جلـ ههه ههه .. بس معليش بقبل الهديه .. هههههههههههههههههههههه
جلال باستغراب : بالله عليج يالخبله من صدجج ما تتدرين ان اليوم عيد ميلادج !!
روضه : ليش اليوم تاريخ كم !!
جلال : 10 / 10 يا ذك ذك ..
روضه : الي هو .. المهم الهديه وصلت .. !
جلال : وانا مالي بـوسـ ....
قبل لا يكملها قدمت روضه له الملعقه الي كانت عندها : يالله انجب لنا الغدى .. انا اطبخ وانت تجهز .. هذا اتفاقنا يا حلو ..
جلال : اففف .. شي مو معقول .. !!
.*.*.*.
الليل ,,,
الساعه 11.45 ..
بيت بو محمد ..
محمد كالـ عاادة .. يفكر في الحلم الجميل الي صحى منهـ ..
هو المذنب ..
هو المقصر ..
هو الي اهتم ورى الفلوس ومطامع أبوه ..
كره نفسه ,,
لحد ما استسلم للنعاس ..
أما تخطيط الصغار ما خلص ولا راح يخلص ..
من غرفة سلمان لغرفة فطيم .. ومن غرفة فطيم لغرفة أحمد ..
فطيم : من فطيم الى سلمان حول ..
سلمان : من سلمان الى فطيم اسمعج ..
فطيم : اسمعني .. عندي فكره ولازم ننفذها .. مر على أحمد وتعالوا غرفتي ..
سلمان : عُلم ..
بعد ما وصلوا الى موقع الحدث ..
فطيم : السيده ايناس تصحينا كل يوم الساعه كم !!
احمد : بالعادة 6.00 ..
سلمان : وحسب توقيت منبهها ..
فطيم : شنو بصير لو وقتنا منبهها على الساعه 3.00 الفجــر !!
سلمنا وهو يصفق : ذكيـــه !!
احمد باحباط : بس من الشجاع الي بنفذ هالمهمه !!
سلمان : طبعا الي اخترع الخطه ..
فطيم : لا والله .. انا اخترعت الخطه لاني كنت اظن ان عندنا اخ كبير نعتمد عليه ..
سلمان : نسيتي ان انا في نفس عمرج ..
فطيم : بس انت صاحب شعار لا للمربيات ..
احمد وهو يتثاوب : ترى بناام ..
سلمان : اففف .. زين زين .. وراي ..
نفذ سلمان المهمه بطلعة الروح ..
بعدها كل واحد اتجه لغرفته ..
على الساعه 3.00 .. قعدت السيدة ايناس ..
كانت حاسه انها ما شبعت نوم ... !
لكن تعبت على نفسها لحتى قامت ..
غسلت وجهها على عجل ..
واتجهت لنصف الطابق العلوي .. وصفرت بصفارتها المزعجه ..
محمد وهو طالع مخبول : شالسالفه !! .. شصااير ..
ايناس وهي تشهق : السيد محمد بثياب النوم !!
محمد : ما عليج مني انا .. قولي لي شفيج مصحتنا من نومنا !!
ايناس : لا والله !!
اليهال كالـ عادة ممثلين دور الأبرياء الي صاحين من النوم ..
سلمان : بابا شصااير ..
سونيا : انته هيي .. مجنون .. شو يسوي ..
بو محمد وهو يناظر فوق مو موقعه السفلي : ليش هالضجه !!
ايناس : كلكم ما قعدتوا !! .. فوضى هالبيت !! ..
بو محمد : الساعه 3.00 يا سيدة الفوضى ايناس ..
ايناس وهي تناظر ساعة الحائط وساعه يدها .. انصدمت ما عرفت شتقول : ....
محمد وهو يتثاوب : بكره تاخذين اغراضج وتتيسيرن ..
احمد وهو لاصق برجل ابوه : بابا محمد الحين ماعرف انام ..
محمد : آه .. تعال معاي .. وانتوا كل واحد على غرفته ..
سلمان + فطيم : مخااادع أحمد ..
أحمد ببراءة : باابا بناام
محمد : يالله انتوا على غرفككم !!
.*.*.*.*.
الاثنين ..
الامارات ..
الكل معزم على التنزهه في المزرعة الكبيره ..
روان : الله يابختي يوم ييت ..
كوثر : ههههههههههههه امشي اقول ..
حمدان : يالله انقسموا في السيارات ..
كوثر : روان حبيبتي عفيه تعالي معانا ..
روان : وسامي !!
كوثر : معااج !!
حمدان : عيل سهيل يروح مع ذياب ..
سهيل وهو يقرب : شفيه سهيل ..
حمدان : روح مع ذياب ..
سهيل: بس احنا متفين ان انا اروح معـ ...
كوثر : عفيه عفيه عفيه سهيل حبيبي .. روح وخل روان معاي ..
حمدان : هي انتي .. ترانا موجود ..
كوثر : هههههههههه خلنا نصبغ ..
روان: ما يهم .. بروح مع اختي أريح ..
سهيل : هيه اريح
كوثر : مالت عليك سهيل .. صج ما منك منعه !!
سهيل : افاا بنت العم .. بس هاي ويهي ان تنازلت الحين ..
روان : له له نبوس ريلك .. اصلا انا الي ابي اروح مع ذياب
روان ما تعرف شنو الي شدها عشان تقول هالـ كلام ..
بس حست انه نرفزها ..
سهيل : زين والله .. سمعتي بنت عمي !!
رايكم ؟