الفصل 14
╠ ═ ╝▫ ╠ الجزء الرابع عشر ═ ╝▫╠ ═
أنـت وينـــك ؟
ماتركت إلا غـلاك
وسط قلب لو تشيله
ألف ديره مانساك
انت وينك ؟
القلب يسأل عنك
والعين تتمنى تراك
والفكر حاير ينتظر ساعة صفاك
انت وينك ؟
ليه ماتسأل علينا
ولا ماتفرق معاك !!
_ _ _ _ _ _
.*.*.*.*.
9.30 .. الليل
بيت بو محمد ,,
سرور المربية الجديدة كانت ماكله الويل من شقاوة الصغار ,,
سرور بعصبيه : واااحد ,, اثنيين ,, ثلاااث ,, كل واحد على غرفته ,,
تراكضوا الثلاثة على غرفهم ، واكتفوا بتواصلهم باللاسلكي ..
فطيم : من فطيم الى سلمان ,, من فطيم الى سلمان حوّل ,,
سلمان : من سلمان الى فطيم ,, اسمعج ..
فطيم : شنو الخطة الجديدة ! ,, ترانا تأخرنا هالمره ,,
سلمان : أمممم ,, فكري معاي ,, استخدمنا خطة 101 لمنال ,, و 110 لروعه ,, والحين لكن لا تنسين يا اختي هذي المربية ذكيه ,,
فطيم وهي عاقدة حواجبها : يعني بتقول لي انك انت الغبي ! ,,
سلمان بثقه : الرجل الآلي !! ,,
فطيم باستغراب : شنووو !!
سلمان : لحظة بكلم أحمد ,, من سلمان الى احمد ,, من سلمان لاحمد ,, تسمعني !!
احمد ما تعطل بالنوم ,, وغط بنوم عميق : ,,,,,,
سلمان يصارخ : من سلمان لاحمد ,, من سلمان الى احمد ,, جاوبني ! افففف
سلمان ويضغط على لاسلكي فطيم : من سلمان الى فطيم ,,
فطيم : نعم !
سلمان : احمدوو نايم ,, دخلي غرفته وطلعي الرجل الآلي وتوجهي لغرفة السيدة سرور ,,
فطيم : عُلم ,, حول ,,
.*.*.*.*.
الساعه .. 11.45 ..
الكل كان نايم بهدوء ,,
وخصوصا في غرفة ســرور ,,
الي كانت تتميز بالسكـون التّّام ، والأنوار الخافته ! ,,
على الباب كان الثلاثي الشقي على استعداد لتنفيذ مهمتهم الحاسمه ,, !
بدت فطيم تفتح الباب بهدوء ، بينما أحمد كان يعدل الرجل الآلي .. وسلمان يتحكم فيه عن بعد .. لين ما وصل عند سرير سرور ,,
بداا الرجل الألي يصدر اصوات مسدسات وصواريخ ,,
نقزت سرور وهي تحرك يدها حركات عشوائية تبحث عن نظارتها الطبيه .. !
تراكضوا الأطفال كل واحد على غرفته ..
أما سرور فركضت ماتدري الى وين وهي تصــااارخ ..
بو محمد الي طالع وهو مختبل : شسالفه ! ,,, شصأأير !!
سرور وهي تحاول تجوف الي جدامها : جن ,, جن يغرفتي ,, !
طلعوا اليهال بتمثيل تقني وهم يحكون عينهم : بابا محمد .. بابا محمد نبي ننام ,, !
محمد ما عطاهم مجال وراح غرفة سرور ..
فطيم وهي تضرب سلمان على خفيف : نسينا ما نطلع اللعبه من غرفتها ,,,
سلمان وهو يضرب على راسه : أوووه ,, بننفضح !!
أحمد وهو يطلع شي من ورى ظهره : شنو هذي !!
فطيم : حمــأأأدي ,, !
سلمان : زين زين ،، بس انتوا تعالوا نجوف شنو بصير فيها ,, !
محمد لمـا دخل الغرفه جافها هــااديه وما تتدعوا للريبه !
محمد وهو عاقد حواجبه : يعني شنو هذا ياا سيده سرور !!
بو محمد وهو يرجع خطواته لغرفته : من بااجر تلمين أغراضج وتتيسرين ,, !
اليهال : هيييي هييييييييييي هييييييي هييييييي
محمد وهو يطالعهم بتشكك : شنوـو !!
سلمان : لا لا يبه مافي شي .. يالله نوـوم !! ,,
.*.*.*.*.*.
صباح اليوم الثاني .. " الخميس "
بو محمد : يالله قوموا لا تتأخرون ..
فطيم : أإأففف ..
سرور وهي تسحب شنطتها الثقيله .. : مع السلامه !
اليهال مرة وحدة : بااي بااي مسس سرور !
محمد وهو ينزل بشنطته : يالله يا عياال عبد الله ينتظركم ..!
تراكضوا اليهال للكرسي الأمامي .. !
عبد الله : ياربــي .. قضيه كل يوم ..!
فطيم : انا اليوم الكرسي الجدامي ...
سلمان : لا حبيبتي الرجال جدام ..!
احمد استغل مشاحناتهم ودخل السياره وقفل الباب ..!
فطيم وسلمان يطقون عليه : افتح .. افتح يالعفريت .. افتح .. !
محمد وهو يجر عياله من شنطاتهم : يالله .. بسرعه بسرعه ..
عبد الله وهو يمسح جبهته : وه .. أخيراً .. !
.*.*.*.*.
صبـاح السبت ,,
9.30 ..
منار في المطبخ .. وعاطف يلعب بالروموت كنترول .. لحد ماكسراه ..
عامر طلع من غرفته وجاف عاطف على نفس الوضعيه ..
تقدم منه وسحبه من ذراعه : شسويت !! . بنتتم على هالحال لحد ما نطلع من البيت يعني !!
منار وهي تترك المطبخ مفجوعه بصراخ زوجها : اترك ولدي ياعديم الاحساس !!
عامر : مينوون ومثل ما عداج خايف على بنتي وعلى روحي ..
منار : هذا الي يهمك !! .. ماقول الا خساارة ايامي معاك ..
عامر بعصبيه : لا والله ! يعني نشقى عشان هالـ مشوهه !
منار بتحدي : ألف مرة قلت لك ولدي مو مشوهه !!
عامر : ماقول الا خسـاارة على ذهبج الي بعتيه عشان اسنان هالـ مشوهه !
منار بألم : انت مستحيل تكون أب في يوم من الأيام .. انت حجر متصلب !
عامر : مو غريب كلامج ! تعودت عليه ..
منار ماعرفت شنو ترد عليه وهي تجوف البرود في عينه ..
.*.*.*.*.
بو محمد وهو صاك اذنه بيدينه : خـــلااص ,, يكفي ,, هدووء ,, !
محمد وهو نازل : شصاير !
بو محمد : وانت ما حصلت لهم مربيه !! من تزوجت هالملاك والبلاوي تهب على راسنا حتى بعد موتها
فطيم وهي تتطلع السانها : امي ما ماتت يالشيبه
محمد وهو يمسك اذنها : عيــب ,,
فطيك : آي آآي آآي ,, بابا محمد خلاص آي ,,
بو محمد : اليوم ما ترجع الا معاك المربيه الجديده !
سونيا بسخريه : ايه ايه في يحصل ,,
محمد : كلمت عبد الله عشان يسوي الاعلان بالجريده ,,, !
بو محمد : لاه وعبد الله بعد ! ,, ياربي ليك !! انت متى بتتحرك !
محمد : يبه انا من الشركة لمشاكل البيت لـ .. ارحمني شوي .. !
.*.*.*.*.
الإمارات ..
الثلاثاء ..
3.30 .. ظهراً
كوثر : ريم .. متى ان شاء الله روان تفكر تزورنا !
ريم : تقول لازم احنا نزورها أول !
كوثر : من باجر تروحين لها ، وحشتني حييل ..
ريم : هههههه من قدها !
سهيل : تتكلمون عن من !!
كوثر : وانت شخصك !
سهيل يمثل دور الزعلان : انا ولد عمج !!
كوثر : لا تقول !! .. له له احلف ..
حمدان من وراه : شفيك تتضايق حرمتي
سهيل : هييي انت .. تراها هي الي تتضايقني ..
كوثر : انا الي اضايقك هاا !!
عصام : ماما ماما ..
ريم : نعم ماما ..
عصام وهو يصيح : البابا يقول يحب الماما اكثر مني واااء .. اهئ اهئ !
الكل : ههههههههههههههههههههههههه ه
سهيل : وانت ليكون مصدق ان احد يحبك !!
عصام : واائ اهئ اهئ .. ماحبك يالعانس ..
الكل : ههههههههههههههههههههههههه ههههههههههه
حمدان : استح عـ ويهك .. الياهل يعيرك يالعانس ..
سهيل : حليلي توني 25 .. شاب في عمر الزهور ..!
كوثر : ايه ايه في عمر الزهور .. خويه لا تعلم احد ..
سهيل : انتي جب .. حدج تشيلين دبتج .. !
كوثر : كلها جم شهر وبتجوف الي داخل دبتي يكسر عظامتك ..
سهيل : يهبى ..
حمدان وهو يضغط على راس سهيل : اسكت خلني ازف لهم الخبر السعيد .. !
ريم : هههههه .. زف نجوف ..
عصام وهو ينط : لا لا لا .. بابا قال بنسوي مفاجأة ..
حمدان : وانت شفهمك .. اسكت بس اقول اسكت .. ون .. تو .. ثري .. ادخل وعليك الأمان !!
ســامي دخل على عجل وارتمى بحظن عمته ,,,
ريم بدهشه : سموـوـوي !!!!
روان : ترا تـ ررا !
سهيل وهو منزل راسه : ااحم .. عن اذنكم ..
كوثر : زين يوم ولد عمي عرف الاصول .. !
سهيل طالعه بنظرة بمعنى ( جب ) ..
حمدان : هههههه انطرني اخوي ..
ريم : شلوون .. ومتى !!
روان وهي تقعد : أه .. حر حر حر .. هاي بدل ما تقولين لي الحمد لله على السلامه !
ريم : اعتبريني قلت .. ووين ميعاد !!
كوثر : تعرفين اني توني اسأل عنج ! .. وانتي ما كلمفتي نفسج تسلمين علي !
روان : خخخ .. اعتبريني قلت على قولة اختي ..
ريم : انزين ما قلتي لي وين ميعاد !
روان : مينونه انتي ! .. شلون تترك امي وابوي بروحههم !! تعرفين ان خلوود الحين جاا معاي وبروح بكره ّّ!!
كوثر : لا تقولين انتي بتروحين معاه !!
روان : هههه سلامة دبتج .. شلون اروح لحر البحرين وحركم احلى ..
كوثر : هيه .. خلج جذيه !
ريم : وسموي بتم عندنا !!
روان : يا قرادة حظي ,,
ريم : عصااامي روح العب مع سموي ..
عصام : ماحبه ..
سامي : لأني أكبر منك لااه !!
عصام : جب ..
سامي : قليل أدب ..
عصام : اطلع من بيتنا ..
سامي : مو كيفك ..
روان وهي طاايحه من الضحك : ههههههههههههه هههههههههه ههههههههه زين تسوي فيه سمووي ههههههههههههههههههه ههههههههههههه
كوثر : هييي شوي شوي على ولد حمـااي ...
روان : عصام ..شنو عصام .. امحق اسم ..
عصام : جب جب ..
روان مندهشه : ريم هذا ولدج !! ..
عصام : لا ولد الجيران ..
روان : خفيف بعد .. جب اقول جب ..
عصام : كريهه .. بقول لبابا ..
سامي : يصيح اليااهل ..
عصام : انت الياهل ..
سامي : انا تتدري جم عمري !!
كوثر : يمه يمه راسي .. بعدوا عيالكم تراهم سندااره !!
روان بنص عين : شفيها تتكلم بحريني !
.*.*.*.*.
الأربعاء ..
7.10 .. صباحاً ..
عبد الله كالـ عادة يوصل اليهال مدارسهم .. بس رغم تأخيرهم زاد تأخيرهم تأخير ..
لوصول السيدة إيناس ( المربيه الجديده ) وقت روحتهم المدرسة ..
عبد الله بتأفف : يالله خذ .. فكرتوا شلون تقلعون الجديده !!
فطيم بلا مبالاه : مثل الي قبلها ..
أحمد بيأس : متى بنرتاح !
سلمان : مافي مجال للراحه .. افهم ان شعارنا لا للمربيات ...
عبد الله : زين سكتو .. كاهي تقربت ..
إيناس : سلام عليكم ..
_ : عليكم السلام ..
إيناس : اكيد انتوا الاطفال الي بربيهم !!
فطيم وهي تتخصر : ليش جايفتنا مو متربيين !!
ايناس وهي تثبت نظارتها وتصفر بصفارتها : ستــوـوب .. بلا قلة أدب ..
سلمان : قلة أدب !! .. ما تتدرين يا انسة ان هالكلام مو محبب !!
ايناس وهي ترفع راسها متوجهه للمدخل : سحقاً ..
اليهال : ههههههههههه هههههههههههههههه ههههههههههههه
عبدالله : يالله اركبوا ! مدرسه ..
سلمان وهو يمسك باب الكرسي الأمامي : انا اليوم جدام ..
فطيم : السيدات ..
سلمان : انا ..
فطيم : لا انا ..
كالـ عادة أحمد استغل الشجار ودخل وقفل عليه الباب ..
.*.*.*.*.
الساعه .. 2.20 ..
شقة جلال ..
جلال : رووضوو .. دلعيني ..
روضه : تهبى ..
جلال : عشان خااطري رويض عفيه دلعيني ..
روضه : شالـ مقابل !!
جلال : اثاريج كلشي على ابوج الزطي .. ماخذتي شي من سوسنتي ..
روضه : الحمد لله .. والا كنت ركبت فوقي ..
جلال : ليش حمــااره !
روضـه .. ما بكون حماره الا اذا زوجي حماار
جلال : تعرفين اني احبج !
روضه : ادري ادري ما يحتاج تقول لي ...
جلال : اففف .. وانتي كله تجعميني ..
روضه وهي تضربه على خشمه : عشان تشيل هالـ غرور من راسك !
جلال : حليلي مغرور .. يناسبني لااه !!
روضه : ايه .. اقول قوم قوم انجب الغدى !
جلال وهو مطلع عينه : شنووو !!
روضه : حبيبي انا الي طبخت .. انت الي تنجب .. يالله قوم قوم ..
.*.*.*.*.
3.00 .. الظهر ,,
على الغدى ..
ايناس : على حسب الجدول .. الى 3.10 ..
سلمان : والى 4.00 دراسة الرياضيات ,,
فطيم : و 4.10 نلعب لمدة خمس دقايق ..
أحمد : بابا محمد ما يصير ,,
محمد : آه .. الحمد لله شبعت ..
سلمان : أففف .. بابا محمد وين ماما ملاك
محمد امتلت عينه بالدموع وانسحب من الطاوله على غرفته ..
" آه .. معقوله !! ..
اسبوعين مضو .. لو كانت حيه كنّا سمعنا خبر .. !
بس .. بس ...
حرارة الدموع نزلت على خد محمد غصب عنه ..
ناظر الغرفه .. فيها ذكريات واايده ..
يتذكر الكرسي الي يتهاوشون عليه ..
يتذكر زعلهم ..
ظربه ..
طول السانها ..
أيام الطفولة ما راحت من باله ..
والحين ! ..
قبل وبعد الزواج .. !
عمره ما قال لها كلمة ( أحبج )
مثل كل المتزوجين ..
ندم على كل لحظة مرت وزعلها فيها ..
بس .. شنو يرجع الزمنـ !! "
رايكم ؟