وعادت الى الحياة - الفصل 10 - بقلم للكاتبه NasseM - مكتملة | روايتك

═ ╝▫ ╠ الجزء العاشر═ ╝▫╠ ═ الحب ,, ليس كما رسمه الناس ,, قلبان يخترقهما سهــمـ ليس كما صورة ,, الوهم والخيال ,, الحب ,, ينبع من القلب ,, الحب ,, ذكرى ,, وللذكرى أمل ,, وللأمل حياة ,, وأجمل مافي الحياة ,, صديق لا ينساك ,, تلعب مع اختها وقبلها مشحون قهر على يدتها ,, ناظرت الساعه لقتها 9.30 ,, " يااه ,, تأخروا خاالد و ابراهيم ,, طلعتهم من 7.45 ,, ماصارت عاد موعد وانأخذ ,, لو سافرت معاهم ,, كان الحين على ذراعي واحد من التوم .. لكن الله يسامحج يا يدووه ! ,, مع انّي اشك انج رايحة عشان ترفهين عن نفسج ,, " انتبهت لنفسها لما انسكب الحليب عليها ,, انتفضت وقامت بسرعه تغسل تنورتها ,, الا بدخلة خالد وابراهيم ,, خالد وهو يركض : شيخه ,, شوااخ ,,, شوااخي ,, نجود وهي تبتسم وتأشر على المطبخ ,, : ......... ابراهيم : الظاهر بالمطبخ ,, ,, شيخه وهي تتطلع : شتبوون ,, وليش متأخرين ! ابراهيم : احزري متى الموعد ,, شيخه بتأفف : أكيد بعد سبوعين كالعادة ,, خالد وهو يبتسم ابتسامه سنمائيه : بكره ياحلــوة ابراهيم : الساعه 4.30 بالتماام والكماال شيخه وهي تحمل نجود وتتدور بها : اللله !! ,, نجووود بتشفين ان شاء الله ! ,, هذا أمهر طبيب يا نجوود ,, بتتكلمين صدقيني ,, خالد : اختي مو كأنّا طالعين من الصبح ! ابراهيم : عاد لاتقولين نسيتين تريقينا ! شيخه : أفاا عليكم ,, مدام هالأخبار السنعه عندكم شلون ما تتريقون ! .*.*.*.*. الأحد ,, 10.30 .. بيت بو محمد لأول مرة يجوف الحيويه ,, البيت كله حيااة وضحك وسوالف ,, بو محمد الي كان ما يطلع من غرفته ,, راح الميلس يسولف مع الشباب ,, وخصوصا مع أخوه الي صار له أكثر من سنة ما اجتمع معاه .. ريم وهي تتكلم بصوت عالي لأن المكان ازعاج : ذيااب ,, رفع على حسك ما اسمعك !! ذياب : ربع سااعه وانا عند الباب أبيج تتطلعين لي ,, ريم : ذياب ,, اليوم كلنا في بيت عمي بو محمد عشان مرت محمد ملاك رخصوها ,, ذياب : ادري ,, بس شنو ذنبي ماجوفج ثلاثة أيام ! ,, الله يخليج تكفين بس دقيقة طلعي لي ,, ريم : ههههههههههههههه ,, انزين ,, بس دقيقه هاا ,, ذياب : ههههههههه ,, خلاص ,, كلها عبرة ساعه وانا عندج ,, ريم : انطرك .. .*.*.*.*. منار تقطع الفواكهه .. حتى تسوي سلطة فواكهه وتروح مع الجماعة ,, دخل عليها عامر وبدى يااكل الفواكه الي تسويها ,, منار وهي تتضربه على يده : عذااب هو عذااب !! عامر : المهم تسدين يوع ريلج ,, ذلاك بطونهم متروسه منار : ايه ايه ,, انت ناوي تفشلنا ! ,, عامر : افاا حبيبتي !! ,, انا افشلج ! ,, له له له ما هقيتها منار : عقاباً لك قشر الفواكهه معاي ,, عامر : بس جذي ! ,, تامرين أمر ,, منار : .................. .*.*.*.*. في بيت بو محمد ,, تحديداً في المطبخ ,, الكل كان لاهي بشغله ,, الا روان الي سارحه بعالم ثاني ويدها على خدها ,, ام خالد : روان يا يمه ساعدي مرت اخوج وقطعي الخضراا معاها ,, روان : افففف ,, هااتي ,, سونيا وهي تأشر على روان : هزا نفر كسل كسل روان وهي فاتحه عينها : شوفوا من يتكلم سونيا وهي تشرب مااي : يالله يالله ,, سرع سرع ,, عشان يسوي كلوو تمام روان : هي انتي !! ,, علامج جذي ,, نسيتي نفسج ! ريم وهي تتضحك على سونيا : هههههههههههههههههه ,, سونيا تركي اختي عنج ملاك وهي تخفف شدة الكلام : ههه سونيا حبيبتي ,, روحي جوفي فطامي فوق نايمه للحين أو لأأ ! سونيا وهي تتطلع السانها لروان : يالله انته شغل سرع روان : آه ياربي خدم آخر زمن ! .*.*.*.*. أما على الباب ,, تواجهة السيارتين بعد مدّة طالت ,, نزل عامر ولا كأنه سعرف السيارة المقابلة له ,, أما ذياب فكان مصمم على انه يرجع المياه لمجاريها ,, ولو كان السبيل فضح حبه الي خلاه يتجنن في اتخاذ قراره ,, ! توجهوا عامر ومنار لداخل ,, لكن صوت أوقفهم ,, ذياب : عــامر ,, عـامر ,, عامر وهو يسلم الاغراض لمنار : حبيبتي دخلي ,, وانا بدخل وراج .. منار وهي تبتسم : صاار ,, عامر وهو يصد لذياب : نعم ! .. خير ,, ذياب بندم واضح : لمتى بنضل جذي !! عامر وهو عاقد حواجبه : شلـــون ! ذياب : انت عارف شلون !! عامر : لامو عارف ,, ياريت تخبرني !! ذياب : انت مو مفكر نرجع مثل قبل !! ,, ربع ,, اخوان ,,, !,,, مو اتفقنا انك تسمي ولدك ذياب ,, وانا اسميه عامر ! ,, وصلنا لحد خلاك ما تعزمني في عرسك ,, ولا تحضر خطوبتي !! عامر : ................................... ذياب وهو يتابع : يا عامر أنا غلطان لأني تركتك في محنتك ! ,, تركتك في الوقت الي انت بحاجة فيه لي ,, تركتك بالوقت الي كنت فيه انجذب فيه لانسان ثاني ,, انسان جنني يا عامر ! عامر : شقاعد تقول ! ذياب : ياعامر من جفتها جننتني ,, ماعرفت شسوي! عامر : من !! ذياب : ريـــم ,, ايه ريم ,, من جفتها دخلت قلبي ... لا تستغرب مني يا خوي ,, انا مادري شنو الي صار لي ,, تقول سحر !! عامر كان مصدوم من كلامه ,, واكتفى ببتسامه بسيطه .. سمحت لذياب للتغلغل بين أحضان عامر ,, بين كل هالأحداث ,, شخص ثالث كان حاضر وراا الباب ,, ريم,, ريم الي كانت مصدومه من كل شي ,, عقلها يأبي أن يصدق شي من الي قاعده تشوفه ,, " لآآآه ,, أكيد أنا بحلم ,,, ذياب ,, هو نفس الشخص الي صادفته بميلسنا ! ,, ذياب يحبني !! ’’ يحبني أنا !! ’’ ايه انتي يا ريم ,,, بس عمري ما توقعت ذياب ممكن أن يكون انسان ذو مصالح ! ,,, ترك رفيجه وقت الشدة وتقرب من اخوي خاالد عشااني !! ,, لآآه يا ربي ,, مستحيل يكون ذياب جذي ,, صبرني صبرني يااارب ,, " .*.*.*.*. صراح البسوس في فندق سويتلاين ,, ليلى بعصبيه : لا والله ,, احنا صار لنا يومين من وصلنا ومو متحركين ! ,, راشد : شنو قصدج !! ليلى : بصراحة وبكل وضوح يا خالي ,, احنا كان هدفنا من سفرنا للبحرين شنو !! ,, جوفتنا لملاك ,, واحنا للحين ما تحركنا وطلعنا من هالفندق ,, عايشه : اقول قصري على صوتج ,, لا امي تتدخل علينا ونبتلش ,, ليلى : يمه عاد كيفكم ,, اذا اليوم ما رحنا لها ما بنروح لها نهائياً ,, وتذكري كلامي هذا ,, فارس الي ظل طول الوقت سااكت يسمع مناوراتهم .. رد بسخريه : الحين يعني انتوا تعرفون بيتهم ماشاء الله عليكم ,, ليلى : لا حبيبي ,, بس عالـ أقل نعرف رقم بيتهم ,, فارس : هه ,, بيت اخوها قصدج ,, ليلى بعصبيه : اووووووف ,, شهالحقاارة الي تكلمني فيها !! راشد : صلوا عـ النبي يا عيال ,, عايشه: بس لازم نحط في الحسبان يا راشد ,, ليلى : يمه احنا عندنا رقم بيتهم ,, نقدر نقول لهم يعطونا العنوان ,,, عايشه : ليش لا ,, فارس وهو طالع بلا مبالاه : بس ساعتها مفاجأتكم بتفقد طعمها .. .*.*.*. في الميلس ,, البسمة كانت مرسومه على محيى الجميع .. بو خالد وبو محمد على جنب يسولفون ,, والشباب على جنب ,, حمد : ايه ايه ,, من قدك بو الشبااب ,, صرت أبو ,, محمد بثقه : أي أي ,, عقبالك ,,, حمد وهو مبطل عينه : فاالك ما قبلناه يا شيخ ,, عامر : انت جم صار عمرك الي فالك ما قبلناه ! ذياب بسخريه : توه صغير ,, تو بيدخل الـ 25 ,, حمد : ايه ايه ,, انتون عااد شفيكم علي اليوم ,, محمد : سلامتك اخوي ,, حمد : خخخخ ,, مو منك ,, من سلمانوو الصغير الي سواك شاايب ,, عامر : والله مافي شااب مزيون بينكم غيري ,, ذياب : لا والله انا وين رحت ,, جلال وهو داخل عليهم : يفكر روحه مزيون هذا !! الكل : هلا هلا هلا مي مي ,, جلال : ههههههههههههههههههههه ,, اشكر شعوركم ,, محمد : استريح استريح بس ,, عامر وهو يناظر تلفونه الي صار له 3 مسكولات من رقم غريب ,, : عن اذنكم شباب ,, تلفون جلال وهو يمسكه من كتفه : هييي ,, تراني اخو زوجتك .. عامر : هع هع هع ,, لا تعلم احد .. " وطلع " .. عامر : ألووو ,, ليلى : ,, سلام عليكم ,, عامر : عليكم السلام ,, من ناحيه ثانيه .. منار و روان كانوا طالعين يقطعون " مشموم " من زراعة البيت ,, وتوقعوا لما جافوا عامر يتكلم في التلفون ,, عامر : من يتكلم !! ليلى : انا ليلى ,, الا وين ملاك !! عامر : وأي ليلى !! ليلى : انت من ,, مو عامر !! عامر : ايه انا عامر ,, انتي أي ليلى (؟) ليلى : أإأممم ,, انا بنت خالتك عايشه ,, الحين تقدر تعطيني ملاك ! عامر ببتسامه عفويه : هلا هلا ليلى ,, شلونج ! ,, شمسويه ,, ليلى : الحمد لله بخير ,, بس ولد الخاله طبلتك قول تم .. عامر : هههه ,, اكيد تم انتي تامرين أمر ,,, منار كانت منصدمه من كلامه وطريقته ,, مسكت يد روان ودخلت داخل واعصابها على نار ,, ليلى : الحين احنا عندكم بالبحرين بس ما ندلي مكان ,, ياريت تعطيني العنوان ,, عامر وهو مندهش : بالبحرين ! ,, أي عنوان الله يهديج ,, دقايق وانا عندكم ,, أي فندق قلتي لي !! من جهه ثانيه ,, روان : شفيييييج !! منار ببتسامه باهته : مافيني شي ,, روان : يمكن يكلم وحدة تعرفينها ! ,, مو شرط ااحم احم ,, منار : هه هه هه ,, لا تتضيقين خلقج ,, ذلين الريايل ,, يا مآمنه بالرجال يا مأمنه بالماي بالغربال ,, روان حست لتلفونها يرن وكان عالـ هزاز ,, انسحبت بهدوء ,, ودخلت في غرفة الضيوف ,, روان : ألووو ,, وينك انت ! جلال بعد ما طلع بالسياره : انا بنيويرك ,, وين يعني الله يهداج ,, أفتر ,, روان : وليش ما ترد على اتصالاتي انشاء الله ,, جلال وهو يدلع في صوته : اتغلى روان : ههههههههههههههههههههه ,, ماسخفك ,, جلال : انزين حبيبتي مو كأنج مصختينها ! روان : انا !! ,, على شنو ! جلال : متى بجوفج ان شاء الله ! روان : شنو تجوفني بعد !! جلال : لا والله ,, بالله عليج جم شهر صار لي أكلمج !! ,, معقوله ما أجوفج !! روان : باااي باااي ,, انا الحين مو في بيتنا من ارجع بيتنا بكلمك ,, " وسكرته " .*.*.*.*. الساعه .. 2.30 .. ظهراً ,, بيت بو عادل ,, سلامه وهي تصارخ : سوووسن ,, يا سوووسن ,, سووووسن ,, سوسن وهي مختبله : خير خالتي ,. شصااير ! سلامه : وين الغدى .. تعبنا واحنا ننطر ! سوسن : كلها دقايق ويبرز ,, بعدين عمي متعود ما ياكل غداه الا الساعه ثلاث ,, سلامه : شلون يعني ! ,, تبين تعصين كلامي ! جلال وهو داخل عليهم : شنو شنو شنو اسمع ! سلامه وهي مرتبكه : اهلا ,, هلا ولدي جلال ,, تغديت !! جلال باحتقار : كأنج سمعتي شقالت لج ,, ما نتغدى الا ثلاث ,, رضيتي او نرضيتي ما يهمنا ,, سلامه وهي تغير الموضوع : ههه ,, الا وينك طلعتك من الصبح ,, جلال من غير ما يعطيها أي مبالاه : سوسن ,, تجهزي العصر باخذج بيت بو محمد يبونج ,, سوسن : ايه ,, بس وايد علي شغل بالبيت ,و جلال وهو يطالع سلامه : مافي مشكله سوسنتي ,, هذي مرت ابوي ما عندها شي ,, تتسلى في الاغراض ,, سوسن : بس يا جلال حـ جلال وهو يقاطعها : شفيج انتي ,,, المرة مستعدة تتسلى .. مو صح مرت أبوي ,,, سلامه : انا الصراحة ظهري ومـ ,,,, جلال وهو يعلي صوته : اهاا ,, شنو قلتي !! ,, عقيه على الشااطرة مرت ابوي ,, وابيج تنظفين غرفتي لان من يومين سوسن ما لحقت تنظفها ,.. ما نرجع البيت الا مافي ولا غبره ,, والا تبيني اقلب عليج ! سلامه : لا ,, اقصد .. ان شاء الله ,, جلال وهو يطالعها بانتصار " بنجوف من بمشي البيت يا حيزبونه " : ايه خلج جذي يا ,, يا مرت ابوي ,, .*.*.*.*. بيت بو محمد ,, الساعه 3.45 ,, الكل كان يشرب الجاي بالصاله ,, والشباب بالميلس ,, ريم : أووووف يا روان مللتيني ,, روان : يعني ما بتعوق عليج لما تقولين له يقط بنت عمه عندنا !! ريم : لا تنسين ان هذا مو بيتنا ,, روان : وملاك متأكدة ما بتقول شي ,, ملاك وهي حامله بنتها : وشنو بتقول ملاك !! روان : ملاك .. يصير رفيجتي الي تصير بنت عم ذياب خطيب اختي المصون تزوركم هني !! ملاك : ههههههههههههه ,, وحتى في هذا سؤال !! روان : انتي بس قولي ايه ,, ملاك : يالله خذ ,, ايه طيب ,, روان وهي تسحب ريم : يلا يلا قومي قومي ,, ريم : افففف ,, روان لا تأذيني ,., روان : لا تخليني انا الي اروح اقول لذياب ,, ريم : بتقولين له قولي ,, بس انا ما بروح .. ميعاد باستغراب : ليش ما تبين تكلمين ذياب يا ريم ! ريم بارتباك : هاا ,, هههه ,, ولا شي ,, بس ,, مزاج ,, ميعاد بتشكك : ايه ايه ,, .*.*.*.*. طلعت روان متجهه للميلس لكنها بآخر لحظة حست بالفشيله وقررت الرجوع للبقيه ,, لكنها اصطدمت بحائط بشري ,, .. روان وهي ماسكه راسها : وعمى ,, جلال وهو مستغرب منها : يعميج روان وهي منصدمه : نعم !! جلال : وخري عن طريجي بطوف ,, روان وهي تبتعد : عشنا وشفنا ,, الله يخلق واحنا نبتلش ,, اللهم لا شماته ,, جلال قبل لا يدخل الميلس : احد قال لج انج سخيفه !! روان وهي فاتحه فمها للآخر : في وين فاكر عمره هذا !! .*.*.*. بالداخـــل ,, منار تفكر بعـامر الي من طلع ما رجع ,, " من هذي البنت ! ,, ليلى !! ,, من ليلى !! ,, معقوله تكون !؟؟ ,, لا مستحيل ,, هو قال لها الحين يايينج ,, مستحيل تكون بنت خالته ,, بس من !! ,, من يااعامر ,. " ملاك وهي تخلي يدها على كتف ملاك : قومي سبحي بنتي عشان تتعودين ,, منار وهي عارفه ان ملاك حاسه بتغيرها : للحين ما صرت Mother ملاك : يايينج الدور ,, بس انتي قومي قومي ,, منار بنحاسه : حبي يدي ,, روان كانت تتابع اسلوب منار من البدايه حست فيه شبه كبير من جلال ,, ابتسمت للحظة وانظمت لهم ,,, .*.*.*. على الباب كانت القلوب تخفق ,, عامر وهو عاقد حواجبه : وليش الست اليده مو راضيه تجوف اختي !! راشد : بتجوفها ان شاء ,, بس الحين خلنا نجوف بنت اختنا ,, عايشه وهي ماسكه يد ليلى بقوه : بتستقبلنا أو بتتطردنا مثل ما سوت لها أمي ! / \ شنو ردة فعل ملاك