الفصل 4
رابعا : {مرحلة تحديد المصير}
صدفه ومن بين كل الناس علقني
من يوم شفته وعيني جات في عينه
حسيت شي في عيونه حيل يجذبني
لما ابتسم بانت بوجهي تلاوينه
بارت ( 1 )
رب صدفة خير من الف ميعاد:-
=================
نحن البشر نقول صدفة ولكن الله سبحانه وتعالى قد خلق كل شئ بقدر ..تحدد عقد دورة في قاعة اللؤلؤة
في فندق ماجد .. بعنوان{ تبدأ الحياة عندما تبدؤها انت ْ}... وهي سلسلة محاضرات للدكتورة تاج
الزين . باللغة العربية. .. سجل بها مجموعة من العرب والمسلمين المتواجدين في لندن ... وهي
مجانية ... وتعتبر عمل تطوعي ...من قبل مركز الفالح ...
وفي نفس الوقت كان هناك مؤتمر طبي متخصص في جراحة القلب المفتوح وسيعقد ايضا في القاعة
المؤتمرات الكبرى بالفندق .. وسيحضرها اطباء من انحاء العالم.. وكان من ضمنهم الدكتور سلطان
السندان استشاري القلب ...
تاج الزين فيها طبع منذ صغرها حرصها على اتقان عملها .. ولازم تحضر قبل موعدها حتى تجهز
شغلها بيدها ..دخلت من باب الفندق وهي تحمل سلة فيها مطوياتها الجميلة المنسقة .. وفي عليها
مجسم كبير لفيس مبتسم ..لونه اصفر بطريقة جميلةحجمه تلفت النظر ، وفي داخل السله مجموعة كبيرة من ميدليات المفاتيح على شكل فيس يضحك..ومع كل وحده وردة بيضاء ...
الكمببيوتر المحمول .على كتفها . وملف خاص بالمحاضرة .. وكتيبات .. هي طبعتها ونسقتها بنفسها .. وجلست في اللوبي ترتاح .
في هذه اللحظه دخل شخص لم تلتقي فيه من عشر سنوات بهيبته التي تسحر الأبصار ويمسك طفلا
صغيرا عمره اربع سنوات تقريبا بيد وفي اليد الآخرى يحمل حقيبة دبلوماسية وبجواره .. امرأة .. بدينة وطفل في حوالي التاسعه من عمره وخلفهما ثلاث مربيات من الجنسية الفلبنية ..كل وواحده تمسك لها
طفل ..
شكل العائلة من الجنسية الخليجية .. الطفل ذو الأربع سنوات شد انتباهه مجسم الفيس المبتسم
الأصفر الكبير .. اتجه سلطان الى الموظف الخاص بالاستقبال .. الرسبشن.. يسأل عن حجزه .. في هذه
الاثناء انطلق الطفل باتجاه تاج الزين .. سلطان ينادي ريان .. تعال ... وواقترب الطفل من مجسم الفيس
ومسكه بيده .. وناظر الى تاج الزين وهو يبتسم ... تاج الزين ابتسمت له : قالت مشاء الله عليك .. ويش اسم البطل .. الطفل : ناظر فيها وهو عينه على سلة الورد والميديليات والمجسم الكبير .
. وقال :غيان .. يقصد ريان ... .. تاج الزين : ياحلو اللدغه يا قلبي اخذت وردة من السلة واعطت ريان
وحده .. هذا للبطل الحلو ويش رايك ؟؟؟ الطفل اخذها وقام يضحك.. كانت عين سلطان تناظر ولده
وبنفس الوقت يتكلم مع موظف الاستقبال ... والولد فرحان بالوردة ومسك مجسم الفيس المبتسم وقال حق تاج الزين ابغي هدا.
سلطان : ريان يا بابا عيب .. ..لا تخربه ..
اخذ سلطان مفتاح الجناح الخاص فيه .. ونادى ريان تعال حبيبي.. .. ريان رفض .. يبي يأخذ مجسم الفيس الكبيرا.. .. اقترب سلطان من الكراسي اللي جالسة عليها تاج الزين ..وقف قبال تاج الزين حتى
يأخذ ريان المقابل لتاج الزين وماسك بيده المجسم .. ما هوراضي يفكه ... سلطان آسف يا اختي .. على الأزعاج ...
ابتسمت له تاج الزيت وقالت: بالعكس الأطفال احباب الله لا ازعاج ولا شيء يستاهل الشيخ ريان
طلعت وردة ثانية فيها ميدالية اخذ هذي بعد .. ريان حبيي .. وباسته على خده ..لك مني وعد بس تخلص المحاضره واعطيك هذا الفيس ..وباسته على خده اليمن وخده اليسار .. كل هذا يحدث تحت انظار عبير
اللي اقتربت منهم وصرخت على ريان .. يا الله تعال كله منك ،انتي اللي دلعته .. سلطان ناظر فيها نظرة مرعبه .. والولد باس تاج الزين بخدها وقال شكلا.. يعني شكرا انتي حلوة ...
سلطان :: شكرا اختي .. اسفين على الازعاج والله يعطيك العافيه ..اخذ ولده .. وقلبه ينبض
بسرعة ..ويقول بينه وبين نفسه ... عليها جمال مشاء الله ..
تاج الزين : العفو اخوي ما سوينا شيء.. حبيبي ريان اسمع كلام ماما .. طالعت بساعتها وقامت .. ريان يطالع فيها لما قامت واخذت سلتها وملفها وومشت ..
واتجهوا الى المصاعد وركبت نفس المصعد.. تاج الزين اضغطت الرقم الخاص بالقاعات وطبعا عبير
تغلي من الغيره ....ولما جاءت تبي .تطلع وريان؟ قال لها انتي حلوه انا احبك ..وقام يلوح لها
بيده ..ويقول مع الثلامة .. قالت له تاج الزين يا قلبي انت الأحلى وباسته و ابتسمت له وبان صف اسنانها اللؤلؤ وابتسم ريان لها وبانت اسنانه المكسرة.وقالت له خلك دايما مبتسم كذا احلى .مع
السلامه حبيبي . كانت تاج الزين لابسه عباية ملونه .. ولونها بيج واسكارف بني مشجر .. وملفعها بيج ..بس حاطه مسكرا وكحل ولابسه زمام .. شكلها رزة وجميلة جدا ... ريان يقول لابوه : بابا
حلوة ..احبها واخذ يلوح لها بيده باي ..
عبير تناظر سلطان منقهره منه .. فعلا حلوة سلطان يقول في قلبه .. لا ملكة جمال .والله عندك ذوق يا
ريان طالع على ابوك .. وانفتح المصعد وطلع سلطان مع عائلته .. ودخلو جناحهم .. قالت : عبير
للشغلات اخذن العيال للغرفه الثانية ، ودخلت هي وراء سلطان .. الغرفة المخصصه لهم .. وصكت الباب وراها وهي معصبة .. وتغلي حرقتها نار الغيرة .. بابا حلوه احبها .. عاجبتك .. طايح لي ساعه
سوالف معها ..
وحاط الولد لك حجة علشان تقابلها و تسولف معها .. لا والأخت تقول : خلك دايم مبتسم كذا احلى ..
وانت فاتح لي الكشرة وعيونك تبي تطلع اكلتها أكل .. ما بقى الا تقول لها تعالي معنا ..
ناظر فيها سلطان وقال استغفر الله العظيم .. بطلي غيرة .. لا يطق فيك عرق وتموتين .. انا دايخ وابغى
انام .. واستغفرالله العظيم الحرمة ..عقلها صغير مهما تعلمت تبقى ناقصه عقل ..اوف .. يكون في
علمك انا لو ابغى وحده ثانية واجيبها علة على قلبي كان ما اخذت شورك .. بس انتي عيفتيني في
جنس النسوان كلهن .. ونزل جاكيته وبدلته وبقى في ملابسه الداخليه وراح للحمام يتروش...
اما تاج الزين وصلت للقاعة .... وقامت بتضبيط جهاز العرض .. وترتيب افكارها ووضعت على الطاولات الأوراق والأقلام .. مع المطويات وميدالية المفاتيح والورد,,
دخل ماجد عليها في القاعة وهي قاعدة تجرب جهاز الداتا شو .. جهاز العرض .. وكانت منزلة راسها
تضغط على لوحة المفاتيح في جهاز الحاسوب .. قال السلام عليكم .. ارفعت رأسها وابتسمت له قالت وعليكم السلام والرحمه ... هلا دكتور ماجد.. بادلها ماجد بالابتسامه .. مستعده يا دكتوره .. ترى هذي
اول تجربة لج وانت قدها وقدود ..تاج الزين : باذن الله ...واشكرك دكتور ماجد على تشجيعك لي .. وما راح انسى معروفك هذا ابد ...
ماجد : أي معروف يا الشيخه انتي انسانه موهوبه ...انا ما سويت شيء..
.ترى اليوم جدولي مزحوم ...حيل .. مؤتمر طبي ... ودورة ....واجتماع راح احضر بس ربع ساعة معكم وباجر اوعدج احضر المحاضره كلها ..هي اوضاح ما وصلت للحين ..
تاج الزين : قالت لي انها جاية بالطريق..
وبدأ .. حضور المتدربين .. والقت تاج الزين محاضرتها الأولى .. ونالت اعجاب الحضور .. ماجد حضر ربع ساعه وطلع ...
بعد نهاية المحاضرة ... طلعت تاج الزين .. برفقة اوضاح ..واتجهن للمصعد قالت اليوم راح ترجع خلود للكويت .تستعد حق.عرسها بعد .شهر. ما ادري كيف اتحمل سفرها ؟؟؟ تعودت عليها خمس
سنوات مع بعض ..عاشت معي لحظات حزني وفرحي ..هي مو بس بنت اخوي ...صديقتي المخلصة واختي الحنون ..
اوضاح : ترجع بالسلامة.... يا الله الفال لج نشوفج عروس يا الدكتورة .
..وانا وين رحت ترى اغار..
تاج الزين قامت تضحك ههههههههههههههههه..... يا حلوج يا اوضاح اخر شئ افكر فيه الزواج .......مستحيل اتزوج ....ابد
اوضاح تقولين هذا الكلام وانت دكتورة في التنمية البشرية
تاج الزين : السالفة طويلة يا وضوح .. القلوب اسرار.. اذا حكيت اغدي بين الناس مفضوح واذا شكيت الجيب مشقوق .. نصبر والله مع الصابرين ...
اوضاح : طاع ويش تقولين األغاز .. وصلن للمصاعد وضغطن على الزر .. ينتظرن المصعد ... وطلع من القاعه المؤتمرات .. اثنان من الأطباء .. الدكتور سلطان ومعه صديقه الدكتور : زياد....انفتح
المصعد وركبن تاج الزين وأوضاح ...ودخل سلطان وزميله ...وضغطت تاج الزين على زر الدور الأرضي... سلطان هذي المرة ركز النظر عليها وعلي يدها اللي فيها نقش حناء ... والخاتم اللي في
يدها يتأمل نعومة اليدين ... اما الدكتور زياد .. قال مشاء الله بصوت عالي ...
كانت تاج الزين منزله عينها للأرض ولا اهتمت فيهم ما كأنهم موجودين .. طلعن من المصعد ...اوضاح اتجهت الى مكتبها ..
تاج الزين: تقول حق اوضاح باجر لا تتأخرين ... والحين انا استأذن عسى بس ألحق عليهم قبل لا يسافرون ........ مع السلامة ..
وطلعت من باب الفندق .. صفر زياد ... صاروخ ... صاروخ ما شاء الله عليها عسى عيني بارده عليها لا اقول غزال شارد...
سلطان استح على وجهك تقول مشاء الله بصوت عالي ..يا شيخ .. اكلتها بعيونك
زياد: انا والا انت يا دكتور يا محترم ما كأنك متزوج وعندك خمس بزران . على الأقل انا لسا ما دخلت دنيا .. لكن انت ويش عذرك ...
يا اخي هذه الانثى الحقيقة .. انوثة .. جمال حياء رزة .. شفت شلون حقرتنا ولا كأنا موجودين ...
سلطان النظرة الأولى حلال ..
زياد: نظرة اولى انت خليت فيها نظرة اولى يا شيخ .. انت اخذت لها نظرة ثلاثية الابعاد....
اقول تتوقع ويش اصلها ... سورية لبنانية . خليجية .. شفت العيون الواسع العسلية والزمام والا حبة
الخال على خدها اليسار .. والا الطول .. ماشاء الله .. ياحظ زوجها فيها .. تصدق انا لوعندي زوجه مثلها ما اطلع من البيت .. نهائي واغمض عيوني عن الحريم كلهم ..
سلطان استح بس خلنا من هذه السوالف .. لا تنسى الغداء عند ماجد ....
زياد : لا ما نسيت ..
بعدها جاء ماجد .. واخذهم معه .. للمطعم الهندي في فندقه .......وجلسوا على الطاولة ... وزياد يقول يا اخي طافك يا ماجد اليوم الصاروخ .. صاروخ من بوليود..
قال زياد حق ماجد عن البنت اللي صادفها في المصعد ووصفها وصف دقيق .. عرف ماجد انه يقصد تاج الزين ... فقال له فكنا من هالسالفة ...المهم ويش صار في المؤتمر ...
سلطان لاحظ تغيير وجه ماجد....وحمد ربه انه ما تكلم عنها ..
سافرت خلود مع اهلها الى الكويت وبقى خالد فقط .. عند تاج الزين .
في اليوم الأخير للدورة ..
يصادف اليوم الأخير للمؤتمر الطبي ..لم يصادف سلطان تاج الزين بعدها .. بعدما اصبحت محاضرات المؤتمر الطبي مسائية .. اما تاج الزين فلقد كانت محاضراتها الفترة الصباحيه ... ولقد بلغها مشعل انه راح يأتي الى لندن لحضور المؤتمر الطبي ...
نكمل غدا باذن الله .... نستودعكم الله الذي لا تضيع ودائعه ..
استغفر الله العظيم *** عدد خلقه *** ورضا نفسه**** وزنة عرشه*** ومداد كلماته *****
بارت ( 2 )
لعله خير =============
المحاضرة اللأخيرة :
=============
: للمحاضرة .موعدها .. الساعه 9ونصف صباحا ... حضرت تاج الزين مبكر كالعادة .. مجهزه
شغلها ...اليوم المحاضرة شيقه ..حضرت الساعة 8 وصعدت للمطاعم .. كان الريوق بوفيه مفتوح وهي مواعده مشعل ..دخل سلطان وزوجته عبير وعياله..وهي تطالع بساعتها .. سلطان جلس على طاوله في الزاويه .. الا وولده ريان ...يركض حق تاج الزين الا قاعدة تتصفح لها كتاب..وقال لها : ثلام عليكم وين الفيث .. انتي وعدتيني ...
قالت تاج الزين وعليكم السلام يا حبيبي بالأول عطني بوثه .. وباسها .. وقالت يا حلوك .. ما احد قال لك انك.عسل ..
ريان : احلى من العثل وين الفيث ..
تاج الزين : موجود عندي فوق بس اخلص منه تأخذه ..
رايان : مو تتدبين علي . الا تكذبين علي
تاج الزين : وعد حبيبي المسلم لما يوعد ما يخلف..
عبير نادت ريان بصوت عالي .. ريان خاف ..
باسته تاج الزين وقالت حبيبي اسمع كلام ماما ... روح افطر
.. راح ريان حق طاولتهم .. وسلطان يطالع فيها ويقول بينه وبين نفسه ويش قصتك .يا الصاروخ. ويش ؟؟احسدك يا ريان يا ليتني مكانك ... ابتسم .. وقال استغفر الله العظيم ..
عبير ما شاء الله ويش فيك توزع ابتسامات ؟؟؟
سلطان : استغفر الله العظيم .. حرام الواحد يبتسم ؟؟؟ افطري .. وانتي ساكته لا تنرفزيني مالي خلق عليك ...
وفي هذه الأثناء دخل مشعل .. ويطالع .. اشرت له تاج الزين نحن هنا ....وجاء صوبها وقامت اتجهت له هلا بالغالي هلا بك عدد مانزل مطر ومرت سحابه .. الحمدلله على السلامه ... منوره لندن .. وباسته على خده اليمين واليسار وحضنته .. يا كثر ما انا مشتاقه لك .. وباس راسها .. وهو يقول انا بعد ..
طبعا مشعل ما لاحظ .. وجود خاله سلطان .. لكن سلطان شاهده .. وهي تحضنه وتبوسه وهو يبوس راسها .. يسمعها تقول هلا بالغالي هلا باهلي كلهم .. يا ريحة ابوي .. شلون الأهل شلون جمايل وبندر وبدر والزين ... .. ليش ما سميتها تاج الزين
مشعل : اكلتيني ... بقشوري خلني اقعد بالأول .. وبعدين تكلمي ..
اولا الله يسلمج يا قلبي ..والأهل بخير ويسلمون عليج ومشتاقين لج كثير .. وبندر وبدر بخير والزين توها مولوده ما صار لها اسبوعين .. وسميتها الزين .. لان عندنا تاج الزين وحده اللي هي انتي .. بس .
تاج الزين متى وصلت ...
مشعل الساعه وحده الفجر وعلى طول جيت الفندق .
.
تاج الزين : يا الله قوم ما تبي تتريق والاويش رايك اختار لك على ذوقي.
مشعل : لا يا معودة .. اذا اخترتي لى انتي راح اموت من الجوع .. اخدم نفسك بنفسك .. اعرفج
كرسون قهوة بحليب وتفاحه ..واخذ يقلدا احافظ على رشاقتي ...ما كأنها البنت اللي قبل تبلع كل شئ قدامها ..
تاج الزين : مليق .. يا الله قوم ..علشان انا عندي بعد محاضرة اكيد راح تحضرها .. يا دكتور
مشعل : يقول هو انا أأدر ااول لك لا .. هو انا اقدر اقول لك لا .
..
واتجهوا نحو طاولة البوفيه ...سلطان .. ما قام يأخذ له اكل جلس على الطاولة .. يطالع في جواله واذنه وعيونه تسرق النظر اتجاه طاولة الزين ومشعل ... ولان مشعل ما لاحظه كان معطيه ظهره بعد ما قاموا مشعل وتاج الزين ..
انتظر سلطان عبير وعيالها .. يجلسون على الطاولة .. وقام هو يأخذ له فطور .. كانت تاج الزين
واقفة عند سلة الفواكهه .. اخذت لها تفاحه وحطتها في صحنها .. وراحت اخذت لها كرسون ... واخذت لها كوب وصبت لها قهوة ..وقف سلطان وراء مشعل ومسك كتفه .. مشعل كان يصب له كوب
حليب .. قال سلطان السلام عليكم ...مشعل فز وقال بسم الله الرحمن الرحيم .... من الخال .؟. الله يقطع ابليسك خرعتني بقى يوقف قلبي ..جذيه الناس تسلم ...وحضنه سلطان.. وقال والله رب صدفه خير من
الف ميعاد...كيف حالك ويش اخبار الأهل .. عساكم بخير .. بروحك .. مشعل ها .... ارتبك ..لا مع الأهل ...
جات تاج الزين هي ما لاحظت سلطان وتقول .. ابو بندر انا ترى رايحه للطاولة لا تتأخر .علي ..
سلطان .. من هذي .. ؟؟؟
مشعل : ارتبك ؟؟؟ قلنا لك الأهل .. ؟؟؟
سلطان الأهل .. خبري انهم بالكويت ...
مشعل : يبه هذي عمتي ؟؟؟ ارتحت الحين ؟؟؟؟ يا الله شوف زوجتك تناظر لا تذبحك الحين .... اشوفك بعدين ..
سلطان : عمتك من .. اللي اعرفه ما عندك الا عمه وحده بس وهذي من وين طلعت ؟؟؟
مشعل : ايه عمه وحده عسى ربي يخليها وهي تاج الزين .. ارتحت هذي تاج الزين عمتي ...عن اذنك والله يخليك لا تحرجني معها ....
سلطان : اشوفك بعدين فيه بينا كلاام ما خلص .. وراح سلطان للطاولة وعيون سلطان تناظر تاج الزين .. اللي كانت لاهية تراجع محاضرتها ..
ولع سلطان نار ... وعبير كانت تراقبه وهو يناظر حق اتجاه الزين ولعت نار ...وقامت وقالت يا الله سلطان شبعنا خلنا نطلع ...
سلطان : ما رد عليها قال روحي وانا الحقكم .. بعدني ما افطرت ..
تعرف عبير طبع سلطان زين اذا كان معصب تتركه .. اخذت عيالها وطلعت .. وقلبها مولع نار من الغيرة ..
مشعل اخذ صنية فطوره وجلس مع تاج الزين .. وقام يسولف معها ووهي تضحك معه .. وتكلموا عن الفن التشكيلي .. ومشعل يقول يا عميمه انتي موهوبه .. بدر وبندر طالعين عليج طول الوقت منبطحين
على لأرض ماسكين كراسات الرسم .. ويرسمون لا وما بقى طوفة في البيت ما ارسموا عليها كانهم فراعنه ..عكس ابوهم اللي حتى ما يعرف يرسم وردة .. ههههه قام يضحك اتذكر حصة الرسم يوم قال
لنا الأستاذ ارسم ا وارسم لك ذاك الواحد الرأس كانه بطيخه والعيون كبر الطماطه والحلج موزة هههههه والحواجب خيوط .. يا دافع البلا ... والرجلين عصا .. الاستاذ شق هدومه وقال يا خراشي انت
كارثة فنيه ...اوعى ترسم مرة تانيه ومن يومها وانا معتزل الرسم ، .قامت تضحك تاج الزين ومشعل معها .....وسلطان ولع.. نار .. هي غيرة .. هي قهر .. ما يدري ايش هي المشاعر بالضبط... بعدها طالعت تاج الزين بساعتها وقالت : هيا بنا الى
القاعه ..ومسك يدها مشعل وطلعوا واتجهوا الى المصاعد ... لحقهم سلطان وركب معهم ....ويناظر مشعل ويناظر تاج الزين .. وهي منزله عينها الأرض ما تدري عنه ...
وصلوا طابق القاعات .. ودخلت تاج الزين ودخل مشعل ..القاعه جلس على آخر طاوله..
.سلطان وقف برا ...وهو مولع نار .. الا وماجد ينادي عليه ... هلا صباح الخير دكتور سلطان ..جابك الله .. تدري ان الدكتور ويليم اعتذر الييوم .. ما فيه محاضرات صباحيه وانا اعزمك لحضور محاضرة ..عند الدكتورة تاج الزين : ويش رايك ..
سلطان : لنا الشرف ما عندي مانع ...
ودخل سلطان القاعه .. مع ماجد.. وتقدم ماجد للمشعل هلا بالشيخ فرصة سعيدة .. نلتقي فيك يا دكتور مشعل ... تعال اعرفك على الدكتور سلطان.....
مشعل قام يضحك .....ههههههه... وينه من زمان اسمع فيه نفسي ااتعرف عليه من
زمان ..
كانت تاج الزين جالسة في المكان المخصص للمحاضر وتجهز شغلها فما انتبهت لهم.
قال ماجد حق سلطان اعرفك على الدكتور مشعل جراحة قلب من الكويت.. مشعل لنا الشرف يا دكتور سلطان نسمع فيك من زمان فرصة سعيدة ...
سلطان يطالع فيه : ويقول انا الأسعد..
اكتمل عدد الحضور .. وبدأت الدكتوره تاج زين بالقاء المحاضرة ..
تاج الزين : بسم الله الرحمن الرحيم والصلاة والسلام على نبينا محمد وعلى آله وصحبه اجمعين ..
وبدأت ..في القاء محاضرتها
*اذا كنت سوف تحلم .. فابدأ الحلم * اذا كانت لديك فكرة فأطلقها* اذا كان لديك طموح فأقر به * اذا كانت لديك مهمة فالتزم بها* اذا كانت هناك مخاطرة فأقدم عليها * اذا كان لديك حب فعبر عنه* اذا كانت لدبك مورد فاستخدمه* اذا كانت هناك وفرة فتقاسمها مع الآخرين *
لتغير حياتك .. ابدأ فورا .. وافعل ذلك بحماس .. ولا تضع اية توقعات *
للأمانة منقول*
المحاضرة كانت ممتعة استفاد منها الكثير ... بعد ان انتهت ..من محاضرتها .. شكرت الجميع على حضورة وتمنت لهم التوفيق بحياتهم. ومن ثم تم توزيع شهادات على المتدربيين .. وصوروا معها
.. ومشعل راز نفسه وقف بجوار تاج الزين ... وسلطان محروق قلبه ..لا وبعد تصور آه يا
قلبي والخبل يصور وفاتح الكشرة ما عنده غيرة ..
حس سلطان انه مخدوع خدعنه جدته مزنة وعمته حصه ما خبرنه عن دراسة تاج الزين لما زارهم اآخر مرة .. سأل عنها قالن له.. ما تقدر تأخذ اجازة .. من دوامها .،. كان يظن ان تاج الزين بعدها البنت .. المتينة .. ذات النفنوف الابيض المنفوش والوجه
الملطخ بالأصباغ ..نعم سمع في مرضها ... ولكن ما اهتم.. فهو قضى عشر سنوات له في امريكا ...وهاهو اليوم في طريقة للعودة للمملكة العربية السعودية .. حضر هو وعائلته .. المؤتمر وبعدها سيعود لبلاده...وتشاء اللأقدار ان يلتقي بها .هنا في لندن.
انتهت المحاضرة وخرج الجميع وبقى سلطان وماجد .. الذي اراد ان يحدثه في موضوع خاص.. بعد ان بلغه مشعل بالمقلب وخبره ان سلطان خاله ....ضحك على نفسه كثيرا .. وكيف استغفله مشعل الذي تميز بخفة الدم وعمل المقالب للآخرين....
عندما عرف انهم من نفس العائلة قرر ماجد انه يفاتح سلطان برغبته بخطبة تاج الزين..اخذه معه لمكتبه وقال : سلطان انت ربيعي .. وانا اليوم ابغاك تتوسط لي عند اهل تاج الزين ..ما دام انتم من نفس العايله ابغى اخطبها ... تذكر لما قلت لك عن البنت اللي مكلت قلبي ..وشغلت بالي .. صراحة هي تاج الزين.. عقل وحياء وقمة بالأخلاق والأدب ..
.
سلطان انصدم يتحدث بينه وبين نفسه ويقول :لا شكلك تبغيني اذبحك .. يا ماجد.. قاعد تطلب مني المساعده في خطبة زوجتي ..تمدحها قدامي .. كمل انت عاشقها .. ايه هذي البنت اللي كان يتكلم عنها ...هذي البنت .. اللي انا شجعته وقلت له اخطبها الشرع حلل اربع خاصة ان سلامة ما حملت لحد الحين ....آه طلعت هذي البنت زوجتي ..
بعد ان انهى ماجد حديثة ....رد عليه سلطان وقال : للاسف مالك نصيب عندنا البنت اهلها زوجها ... حنا بناتنا ما يطلعن برا ...وانت والنعم فيك .. عسى ربي يرزقك في اللي احسن منها .... عن اذنك ....وطلع وهوغصب ماسك اعصابه .
....
وعلى طول ذهب الى جناحه وقال .. حق زوجته تستعد علشان راح يرجعها هي والعيال للسعودية ... وهو راح يلحق فيهم بعد يومين ...
سلطان عنده طيارة خاصة ... سافرت عبير وعيالها وبقى سلطان ... لازم يصفي حسابه مع تاج الزين ..
- ولحد الحين تاج الزين ما عرفت ان ابو ريان هو سلطان .. مشعل ما قال لها ولا هي اهتمت ... هي قاعدة تخطط ترفع قضية خلع سلطان ...... وما تدري ان سلطان يخطط انه يرجعها...
هذا الجمال ما يليق الا فيه .. ولن يسمح لأي رجل انه يأخذه منه ..
نكمل غدا باذن الله .... نستودعكم الله الذي لا تضيع ودائعه ..
استغفر الله العظيم *** عدد خلقه *** ورضا نفسه**** وزنة عرشه*** ومداد كلماته *****
( 3 )
======
كلمات أغنية لعله خير - حمود الخضر
لكل إنسان في الأحزان حكاية صعب ينساها
تفاصيلٍ تهدّ جبال و لادري كيف بشكيها
عزيزة النفس ويكفيها بأن الله مولاها
قبل لا تشتكي همها تحس بحكمته فيها
لعله خير ننطقها ولا ندري بخباياها
على كثر الألم عندي أمل باللي يعافيها
فمهما كان ومهما صار ومهما عيشتي جاها
تهون بدمعتي الشكوى إذا لله ببكيها
يارب إن كنت في الدنيا من اللي ذاق بلواها
فهون بالرضى عندي مشاكلها و بلاويها
يارب اكتب لنا عيشة و ميتة انت ترضاها
و لو دنياي ضاقت بي لعله خير تكفيها
لعله خير ننطقها ولا ندري بخباياها
على كثر الألم عندي أمل باللي يعافيها
فمهما كان ومهما صار ومهما عيشتي جاها
تهون بدمعتي الشكوى إذا لله ببكيها
كلمات وألحان: سيف فاضل
ذهب سلطان الى سكن تاج الزين ... مشعل انتقل من الفندق للسكن معها هي وخالد ابن اخيها لأنهم بعد يومين سوف يعودون الى للكويت .الحبيبه ...
رن جرس الشقه تاج الزين في المطبخ .. تطبخ لهم الغداء .. وخالد ومشعل جالسين بالصاله يشاهدون التلفزيون
....مشعل : من هو المليق اللي يجي هالحزه ... اكيد جارتنا سوزان كل يوم ناطه علينا بدي بندورة بدي زيت شايفتنا بقاله هي وشكلها ..... روح افتح الباب يا خلودي .. والله مالي خلق افتح وتطلع لي وجه العنز ..
.قام خالد وهويتحلطم ..: الله يعين اختي ام بندر عليك ...زين .جاي ..راح يفتح الباب ... فتح الباب الا وسلطان واقف عند الباب
خالد تفجأ .... ووقال له سلطان : ما فيه تفضل والا نسيتم ادب الضيافة بعد وسلوم العرب..
مشعل :اوف .. الخال وطق على رأسه نسيتك الله .. حيه تعال ... ارحب حياك تفضل ..
. ودخل سلطان ... مشعل حب يلطف الجو بالأول رد السلام مثل الناس ....
سلطان :السلام عليكم ... وبعدين هو بقى بينا سلام وين عمتك ...وينها ؟؟؟
وينها بنت الاصول بنت القبايل المتربية ؟؟؟؟؟ اخر زمن يجون الرياجيل يخطبونها مني ؟؟؟
لا واللي يتغزل فيها وفي جمالها الفتان... واللي يقول لو هي زوجتي ما طلعت من البيت .... وينها ؟؟؟
خالد : اقول احترم نفسك ... لا تتكلم على عمتي .... ترى هي اشرف منك ومن شكلك فاهم .. عند تاج الزين وتوقف ترى وراها رياجيل يردون عليك ... والله لأخلي الدم يوصل للركب .فاهم .
. وتقدم خالد باتجاه سلطان ومسكة مع ياقة قميصه وبدأ يضربه .. وعلا صوتهم ومشعل قام يفرق بينهم .
. طلعت تاج الزين تركض من المطبخ .. شعرها يوصل لأردافها لا بسة بنطول جنز وقميص طويل .
..التفت لها سلطان انبهر ..ونزل اييده اللي كان مساك فيها يد خالد سكت وبحلق عيونه .. وهي قامت تعد من 1الى عشرة بسرها وقامت
تستغفر .. وراحت باتجاه خالد ..
وقالت لا تلطخ يدك بذبح واحد ما يستاهل ناكر معروف .. وطالعت بسلطان قبل لا تتكلم عن القبايل
والأصول اسأل نفسك يا ولد الاصول يا ولد القبايل انت تعرفها ؟؟جاي الحين تحاسبني على شنو ؟؟؟
زوجتك توك تدري اني زوجتك ...وينك عني من عشر سنيين ..انت تركتني في اول اسبوع وانحشت .. تاج الزين تكلمه وهي تبكي لهنا توقف يا ولد خالي .. يا ولد الأصول انت ذبحتني من الوريد للوريد ...
دمرتني خليتني بقايا انسانة .... تزوجت وعيلت وانا معلقه .. عشر سنين يا الظالم ما تدري عني ...
الحين جاي تحاسبني على شنو ؟؟؟ شايفني امشي بطريق بطال ...والا مضيعه ديني ومذهبي ؟؟ انت
ويش تعرف عني يا دكتور سلطان.. واخذت تضرب على صدرها وتأشر على قلبها .. هنا تدري في قلبي
نار عشر سنين وانا صابرة لأجل خاطر امي مزنة وامي حصة وخالي مساعد واخوي مناحي اقول خلج يا بنت اطيب منه.. اصبري ان الله مع الصابرين .. انت ويش تعرف عني قولي هاه .-.
..
قولي انت ويش تعرف عن المزيونه ..مثل ما تنادي امي مزنه اسمي ويش تعرف ها.... البنت المتينة اللي تركتها في اول اسبوع من الزواج وانحشت لأمريكا كملت دراستك وتزوجت وعيلت .. وهي
معلقة .. بنت عمرها 17 سنة .. تنصدم صدمة عمرها لكنها ما انكسرت كملت حياتها وكملت دراستها
رغم تعليقات الناس عليها .وتنصدم بوفاة عزوتها وسندها ابوها وانت ما تدري عنها لاهي بحياتك ، ولكنها تحاملت على حزنها وكملت بالرغم من تعليقات الناس على شكلها في نظرهم بنت متينة شينه ما
احد يتقبلها انحاش منها زوجها من اول اسبوع وتزوج عليها وتركها معلقه ..لكنها اصرت تستمر في
حياتها وتحاملت على جروحها..و ودخلت الجامعه وتفوقت بالرغم من كل الظروف ولما اشتغلت جاتها المصيبة الثالثة وانظلمت لكنها صبرت ..وتجيها المصيبة الرابعة تتعرض للسحر وينكسر ظهرها وينك
عنها لما دخلت في الغيبوبة؟ .. وتعرضت للموت وينك عنها وعن امي حصة وهي تشوف بنتها تموت قدام عيونها ؟ ... وينك عنها ؟كنت في امريكا ا صح عايش حياتك سعيد ،وينك عنها وهي تتنقل من
مستشفى لمستشفى حتى تتعالج ..
دريت عنها سألت ..لا يا ولد خالي ..الغالي الظلم ظلمات يوم القيامة .
لهنا ونوقف خلاص طلقني خلني اعيش حياتي ...اعتقد ماهي صعبه عليك ..ولا انا غالية عندك لدرجة انك ما تفرط فييا ... والله سبحانه وتعالى قال: في كتابه الكريم
.. وَإِذَا طَلَّقْتُمُ النَّسَاء فَبَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ سَرِّحُوهُنَّ بِمَعْرُوفٍ وَلاَ تُمْسِكُوهُنَّ ضِرَاراً
لَّتَعْتَدُواْ وَمَن يَفْعَلْ ذَلِكَ فَقَدْ ظَلَمَ نَفْسَهُ وَلاَ تَتَّخِذُوَاْ آيَاتِ اللّهِ هُزُواً وَاذْكُرُواْ نِعْمَتَ اللّهِ عَلَيْكُمْ وَمَا أَنزَلَ
عَلَيْكُمْ مِّنَ الْكِتَابِ وَالْحِكْمَةِ يَعِظُكُم بِهِ وَاتَّقُواْ اللّهَ وَاعْلَمُواْ أَنَّ اللّهَ بِكُلِّ شَيْءٍ عَلِيم. سورة البقرة، الآية231.
والمرأة المعلقة هي المرأة التي لا هي زوجة ولا هي مطلقة . وانا كانت لاني زوجه ولاني مطلقه..
..
سلطان : انا كنت ابغي اطلقك من زمان بس اخوانك ..مبارك . و سعد ارفضوا حلفوا علي ما اطلقك..
وهددوني بطلاق خواتي ...وانا احترت .. اخوانك يقولون .. اذا طلقتها .. راح تروح اموالهم للغريب ..
انا مالي ذنب .. ما اقدر اخرب حياة خواتي علشانك .. ووانتي راضية ما اشتكيت.. لان عاجبك
الوضع .تروحين وتجيين ما احد يحاسبك لأنك على ذمة رجال. هذي انتي كملت دراستك ووعايشة حياتك ووصرتي دكتوره .
..والحين خلاص انا راضي ارجعك وتكملين باقي حياتك معي ...والطلاق نجوم السماء اقرب لك ..
منه .. ما راح اطلق ابد لو تموتين قدامي ... ولا تخلينا نخسر اهلنا ..و اعتقد ان رجعتك اهون من
خراب بيوت خواتي وطلاقهن بعد هذا العمر .. وانت تعرفين اخوك مبارك واخوك سعد اذا قرورا شيء
صعب احد يردهم ...هم كل همهم حلالهم ما يروح للغريب حتى لو تنازلتي ا عن الحلال ، ما راح
يقنعون .. ابد .... انا راح ارجعك .واستعدي ترجعين معي للسعودية وانا راح اكلم اخوانك وابلغهم اني
ابغي ارجع زوجتي .. ... وطلاق احلمي فيه ما دام اسمك ارتبط باسمي ما يفرقنا الا الموت
انتظروني ... نكمل قريبا باذن الله الجزء الأخير ...
***تتوقعون ماذا سيحدث ؟؟؟؟
استغفر الله العظيم واتوب اليه عدد خلقه ***ورضا نفسه ***وزنة عرشه ***ومداد كلماته .***
بارت ( 4 )
بعد ان تركهم سلطان وطلع برا الشقه ... وجلست تاج الزين على الأرض وقامت تبكي بصوبت عالي ...حظنها خالد وضمها لصدره وهو يقول يا الغاالية انتي اكبر من انك تنهارين من اجل انسان حقير اناني ما يحب الا نفسه ..
مشعل : الله يهدي ابوي وعمي سعد... وطلع يبرا يلحق خاله سلطان ... خاف عليه يسوق وهو معصب ....مهما كان يبقى خاله وصديقه ... رجع سلطان للفندق واعصابه مولعه نار ..
.
وعرف ان ماجد سافر لباريس .. يمكن لو كان متواجد في هذه اللحظه كان ذبحه من كثر الحره والغيره اللي في قلبه ... راح تروش ... حتى تهدأ اعصابه ... وقعد يتعوذ من الشيطان الرجيم .... وبعدها قال
خلني ااتوضى واصلي .. ركعتين علشان ارتاح .. بعد ما انهى صلاته ... جلس يفكر ... بينه وبين نفسه اكيد هذا غيره نعم انا اعرف نفسي زين هذي غيرة على عرضي .. وانا اسمع الرياجيل يتغزلون
فيها ..هذي حلالي صار اللي يسوى وما يسوى يتفرج عليها .. والله للبسك النقاب وما اخليكي تطلعين من باب البيت الا بشوري ..، كله من مناحي اللي مشيخها .. البنت قمر قشطه .كيكة . ملكة جمال .. ما اقدر اقول للناس غمضوا عيونكم لا تناظرون لست الحسن والجمال ..ايه يا سلطان هذي اللي تصلح
لك .. هذي الحورية اللي طول عمري اتمناها جمال دلال رقه نعومه ... علم ثقافة قوة شخصية رزة وهيبه.. آه والا الجسم والشعر وحبة الخال اللي على خدها اليسار .. ما شاء الله كل هذا الكنز كان مدفون تحت اطنان الشحوم ... وانا اللي كنت احسد ولدي ريان وهي تبوس فيه
ههههههههههههه...الحين الناس تحسدني عليها .. والله ما اطلقك تهبين نجوم السماء اقرب .. خلني
بس اكلم مبارك .. واغسل مخه ..
كلم سلطان مبارك ..وبلغه في رغبته في انه يرجع تاج الزين ورحب .. وقاله هذي الساعه
المباركه ..وحنا معاك نعين ونعاون ...لو هي ذبيحة ما عشتك ...ابشر.. يا ابو تركي ..
سبحان الله بعض الأخوان يكسرون الأخت ..ومبارك وسعد من هذه النوعيه
مشعل لحق بخاله سلطان وكان ينتظره تحت في اللوبي .. اتصل عليه .. ونزل له سلطان .....
ويش اخبار عمتك : تبكي للحين
مشعل : كلمت خالد .. وقال انها بخير .. وانت الله يهداك اخذتنا بشراع ومجداف ...ما بقى الا تمسك رشاش وتفرغه فينا .. الامور ما تنوخذ بهذه الطريقة .. تبي حرمتك روح الكويت وكلم اهلها .. ماهو تجي بعد عشر سنوات وتذكر انه لك حرمة عندنا.. اعذرني ياخال .. ترى طريقتك غلط .. وتاج الزين
تراها حرمة عاقلة ... ماهي خفيفة علشان تشك فيها .. وتتهجم عليها .. كانها مرتكبة لها شي يغضب الله .
سلطان انت لو تعرف باللي صار كان ما تلومني تتصرف مثلي ويمكن اكثر .. وقاله سالفة زياد وماجد ..
عاد انا ولعت .. ما قدرت اصبر ولا تلومني .. على فكرة انا كلمت ابوك .. ورحب في اني ارجع عمتك .. بس علشان قدركم العالي .. عندي .. راح اجيكم بالكويت مع الوالد ارتحت الحين . ياعمي..
مشعل : طيب وعبير شلون .. تفاتحها بالموضوع
سلطان : انا رجال شوري برأسي وعبير ما لها دخل .. بشيء الحريم ما يمشني على كيفهن والشرع حلل اربع واذا ما عجبها الوضع الباب يفوت جمل ...
بلغ عمتك .... تستعد انا راح اجي الكويت .. ترى انا كنت اتواصل مع ابوي طول السنين اللي فاتت ما قطعت فيه ابد ويشهد الله بس كنت مرتبط بعقود بالمستشفيات ..برا .. وكنت ازورهم فترات بس ولا مرة جابوا طاري تاج الزين لا امي مزنة .
ولا امي حصه . انا كنت ازورهم بالعطل وكنت اظن تاج الزين معها عمرها ما تكلمت ..تلومني اذا عصبت .. حتى انت .. عمرك ما جبت سيرتها لي ...
مشعل : انت ما سألت تبيني انا اعلمك .. المهم الحين استأذن .. لأن باجر راح نسافر ..
سلطان ماهو قلتوا بعد يومين ..
مشعل : لا غيرنا راينا ب اجر باذن الله ... حجزنا على خطوط القطرية .. راح نروح للدوحه ومنها للكويت ...يا الله نستودعك الله ..
يتبع بالبارت (5).......
بارت ( 5 )
العودة الى ارض الوطن الحبيب:
==================
لو عنه بعدنا الشوق يا خذنا حب الوطن فطرة والعيشه فيه جنه ....وتبقى الكويت في عيوني اجمل
وطن .. ها نحن عدنا الى ارض الكويت الحبيبة .. اشتقت لبحرها وبرها وكل ما فيها .. تاج الزين تناظر من نافذة الطائرة .. وتقل يا كثر شوقي لج
وكان مناحي وعائلته في استقبالهم في المطار .. خلود وعمر وعبدالعزيز والجوري والجود .. واحفاده بندر وبدر .. لان جمايل .. والدة من اسبوعين.. وقاعدة في بيت ابوها ...ومن المطار الى منطقة الأندلس
انطلقت سيارتين وحدة يقوها مناحي والثانية ابنه عبدالعزيز .... وطبعا تاج الزين ركبت مع اخوها الغالي مناحي .. وصلت البيت .. اخوها ومنها راحت حق بيتها المجاور والملاصق لبيت اخوها حتى
البيوت مفتوحه على بعضها ... اما حصة والدة تاج الزين مازالت في القصيم .. عند امها الجده مزنة ... وراح تجي بعد اسبوعين أي قبل عرس احمد وخلود في ... .اللي تأجل حتى تطلع جمايل من الأربعين ... ...
ودخلت غرفتها والخدامة تشيل الشناط . .. الغرفة مثل ماهي ما تغيرت عن آخر مرة في اثاثها العنابي وسريرها .. آه تذكرة درج المكتب المقفول ومذكراتها .. عالم الزين الجميل .. راحت للباب وقفلت
الغرفة عليها تخاف تدخل عليها خلود .. وطلعت دفترها وقامت تتأمل الصور ... وبعدها فتحت صفحة جديده .. وسحبت الكرسي وقعدت عليه ومسكت القلم .. وبدأت تكتب..انا اليوم تاج الزين الجديدة ..
اصبحت دكتورة متخصصة في تطويرالذات والتنمية البشرية .. الانسان هو الثروة الحقيقة .. النفس البشرية تحتوي كنوز ثمينة قليل منا يكتشفها ويستفيد منها .. ذات يوم كنت فتاة بدينة .. مدللة غنية .
جمالها مدفون تحت ارطال الدهون ... تتوارى خلف سمنتها في ملابسها الوسيعه .. وتستقبل حياتها وايامها في مرح.. ترى الناس في منظارها .. وقلبها الطيب حتى طعنتها سهام الغدر .. اول حب لنقول
اعجاب كان لسلطان ابن الخال .. االساكن الرياض .. من كثر حب والدتي له احببته .. دايما تقول
سلطان ولدي ربيته .. وانتي لما تكبرين ازوجك سلطان .. من صغري امي زرعت في حب سلطان
وكبرت وانا احلم في سلطان هذا .. وكنت اشوفه فارس ,... غير عن كل الناس ولما نروح في العطلة
عند جدتي مزنة في القصيم اراقب سلطان هذا .. اللي سحرني ... ولكنه لم يكن يبالي في ولم
يلاحظني ..ووكان عند هدف واحد انه يصبح دكتور جراح .. مثل خاله ..ويتزوج من حبيبته عبير .
.. سنوات وسنوات حتى بلغت السابعة عشر من عمري ليقرر والدي زواجي .. رغم ثروتنا الكبيرة الا
انه ما زالت القبيلة تحكما بعاداتها المتأصلة في نفوسنا نتوارثها جيلا بعد جيل .. لا األوم والدي رحمه
الله لقد خشي علي من مبارك وسعد ، .. فانا وحيدته من الأناث وهو قد بلغ منه العمر عتيا ويريد ان
يطمئن علي قبل وفاته ... وعندما تقدم خالي لخطبتي وافق .. سعيدا من يليق بتاج الزين سوى ابن حصة
الذي ربته .. وتمت الملكة وكنت سعيدة جدا في هذا اليوم ووكانت فرحتي اكبر عندما ارتديت فستاني
الأبيض المزين بالزري ..ذو العشرة دنانير .. ثمن بخص...و كان في نظري يضاهي احلى الفساتين التي صممها اكبر مصممي الأزياء بالعالم ... ... الصدمة يوم عرسي ذلك اليوم الذي تنتظره كل انثى .. وتحلم
به .. اسم سلطان كان بلسما على شفاهي ولكن سلطاني لم يكن سلطاني بل لم يرغب في ولم يلاحظني ابدا فأنا قد فرضت عليه . رغما عنه ...وهل يغصب الرجال ؟؟؟ نعم يغصبون خالي حلف عليه.. ويوم
العرس كانت طعنة الرفض قوية جدا .. يقرف مني قالها بلسانه نفسه تشمئز من لمس جسدي .نبذني
وما اصعب احساس النبذ للأنثى .... اسبوع وسافر تاركا خلفه قلبا جريحا ونفسا محطة استطاعتت ان
تلمم اشلائها وتقف من جديد ،على رجلها ، وتعوض ذلك النقص بتفوقها بالدراسة ...انثى منبوذة نعم لم تحظي باعجاب
الرجال .. في الجامعة كنت اسمع التعليقات الجارحة واصمت .. ولا ابالي لم افكربالحب والزواج لأني كنت مقتنعه انني لن اتزوج ابدا فلماذا يطلقني سلطان ما تفرق معي ؟؟؟ سبحان الله وكان مرضي خيرا
لي .سافرت وتعالجت وهأنا اليوم اعود انثى جديدة .. اعتبرته اكبر انتصارا تحدي ذاتي والتغلب على
سمنتي .. رأيت الأأعجاب وفي عيون سلطان والغيرة التي حرقت قلبه ....سبحان الله هذا انت يا
سلطانسعيت وراء عبير وتزوجتها لأنها الرشيقة الجميلة والآن ضاع جمالها خلف الشحوم .. وعدت لي انا بعد ان اصبحت رشيقة .. تعسا لكم يا معشر الرجال يا من ترون ان الأنثى مجرد جسدا ..
وطرق الباب .. عميمه عمه افتحي .... الثنائي المرح الجود والجوري ... نمتي عمه مشتاقين لج ...افتحي الباب
..اغلقت الدفترة واعادته الى الدرج ... وقالت : زين لجظة ثواني بس يا محظوظة ومبروكة .
.
فتحت الباب واندفعوا الثنائي داخل الغرفة ... وجلسوا على السرير ... وقالوا الله عميمه سايرة حلوة واجد .. عميمة وين صوغتنا ...
ضحكت تاج الزين : ابشروا حبيابي هو انا عندي اغلى منكم يا بنات الغالي .. راحت وسحبت شنطة
حمراء كبيرة وقالت هذي الأغراض كلها لكم .. ااشتريت لكم فساتين حق عرس خلود ..والباقي بدلات والعاب ..وشنط .. خل الشغاله توديهم لبيتكم لا تشيلونها انتم ترى ثقيلة عليكم .. ونادت الشغالة ..
رتنا .. تعالي ..
والحين تسمحون تطلعون ابي انام .. .
بعدها براحت تروشت ولبست بيجامتها .. ونامت
وقررت تاج الزين اليوم التالي .. ترتيب غرفتها والتخلص من جميع ملابسها القديمة وحطتها بأكياس
وتبرعت فيها للخيرية .. وبعد قررت تغير ديكور غرفتها ... وتشتري غرفة نوم جديدة.. واختارت لها
غرفة بيضاء من ميداس .. ورق جدران وخلال اسبوع جهزت غرفتها الجميلة .. ودخلت خلود وقالت الله حلوة يا عميمة ما ناقص الا العريس..
تاج الزين تضايقت من خلود... وردت عليها .. الظاهر من يوم قرب عرسج .. تظنين كل البنات ينتظرن المعرس وما في لسانج الا سالفة العرس
خلود: حطت يدها على حلقها .. وقالت آسفه يا عميمة والله ما اقصد طلعت عفوية ..وبعدا رن جوال تاج
الزين ....خلود ردي .... عميمه .. تاج الزين طالعت بالجوال قالت لا رقم قريب ...ما انا برادة وبعد من السعودية ..
رقم امي اعرفه .. خلود عميمه ردي خاف خالتي خزنة قالت انها تبي تتصل تبارك لك وتتحمد لك على السلامة .. رد تاج الزين الو هلا وعليكم السلام ورحمة الله هلا بالصوت ياجده ..
كانت الجدة مزنة ..
الجدة مزنة هلا بك يمي كيف حالك عساكي بخير
ردت تاج الزين : يمة الحمد لله بخير ما ناقصني الا شوفتك .. يا يمه مشتاقة لج واجد . ( كان الجوال
محطوط سبيكر ... ) الجده تقول ما اوحيي زين يابنتي .....(يعني ما اسمع ) ابك ذا ما اعرف لوه..خذه يا امك يا سلطان ...
صكر سلطان السبيكر .. ورد وقال الو ...
.
تاج الزين : ارتبكت وطالعت في خلود ..ما ردت عليه
سلطان : ردي ويش بلاك ؟؟؟
انقص لسانك ؟؟؟ والا مستحية من زوجك ؟؟؟؟ يا دكتوره ؟؟؟
ادري انك تسمعيني .. حبيت ابلغك انا باكر عندكم باذن الله .. وحنا اليوم مسافرين للكويت ..
واستعدي .. انا ناوي ارجعك ... يا الله مع السلامه .... وصكر الجوال
.... مسكت الجوال .. وقعدت على سريرها وطالعت في خلود .. قالت سلطان يقول انهم باجر راح يجي .
.
خلود ...يوه هذا بين انه اقشر قالت لي جمايل ان مشعل خبرها انه زاركم في لندن وخالد طقه طق وانتي غسلتي شراعه ....وانه يبي يرجعك .. غصبن عنك ...
والغريبة ان خالد ما جاب سيرة ابد ولا حتى انتي ...
تاج الزين : خالد ما هو براعي سوالف وبالله عليك هذي سالفة تنقال ؟؟؟ انا خايفة على اخوي مناحي ؟؟؟ واخاف يأثر هذا على زواجج نسيتي ان سلطين خاله ..
.
خلود قعدت على الكنبه اللي مقابل السرير وقالت الله يستر من عمي مبارك لا يخرب زواجي والله انه اقشر ما همه الا الفلوس .. ....استغفر الله العظيم .. عسى ربي يهديه بس هذا اللي اقوله .ويعدي العرس على خير.
تاج الزين : آمين يسمع منج ربنا .. يا الله حلنا نستعد حق باجر .. يبدو انه ستكون هناك مفجأة كبيرة تنظرنا في الغد ؟؟؟؟
تابعوني قريبا ... يا ترى ماذا سيحدث ستكون هناك مفجأة كبيرة ...
لتاج الزين .................
استغفر الله العظيم واتوب اليه *** عدد خلقه ***ورضا نفسه *** وزنة عرشه ***ومداد كلماته **
نستودعكم الله الذي لا تضيع ودائعه ***
وعام هجري سعيد للجميع باذن الله **** ينصر به الله الاسلام والمسلمين ويفرج به عن المكروبين ***
( 6 )
لا تصدقونه يوم قال ناسينـــــي
والله مايقدر ابد يوم ينسانـــــــــــي
انا اتحداه اذا يقدر يخلينــــــــــــــي
مسكين كل ما اصد انا عنه نادانــي
دوم اتغلا ومن كيفه يراضينــــــــي
ويموت لي قلت له حبيت انا ثانـــــــي
هو صار عندي مثل لعبه في يدينـي
من وين ما راح قلبه صار يلقانــــي لا تصدقونه
ما يحبني بس ترى يموت اهو فيني
ياما حلم في وياما اهو تمنانـــــــــي
والمشكله انه وراي يقول ناسينـــي
واني ترجيت واهوه اللي ترجانــــي لا تصدقونه
وصول سلطان للكويت :
================================================== ========
في اليوم التالي وصل سلطان الى الكويت .. برفقة والده مساعد والجدة مزنة والعمة حصة ام تاج الزين في سيارة ... وثلاث سيارات ثانية اشقائه وزوجاتهم وخواته ....
لأن العرس باقي عنه ثلاث اسابيع .. والأهل جأوا زيارة للكويت ولحضور العرس لأن راح يكون هناك عرسين ... عرس احمد وعرس مرزوق .. ولد فهد اخو تاج الزين .. زوج مستورة اخت مشعا راح يأخذ نوره بنت مشعا ..
الضيوف.. راح يقعدون في بيت حصه نصف والنصف الثاني في بيت فهد المجاور لبيت العمه حصه .....
اقام مناحي وليمة عشاء كبيرة ذبح 6 ذبايح ... وعزم عايلة السندان كلها ... واما صالحة بعد اهلها
وصلوا الكويت .. جايين من المدينة المنوره والطايف ..فكان عشاء كبير وقاموا بطلب بوفيه ...... وطبعا الاستعدادات على قدم وساق ....الكل فرحان بفرحة بجمعة القرايب الا انسانة وحده تدعي ربها انه يعدي هذي الليلة على خير ..وهي تاج الزين .
في هذه اللية لبست تاج الزين .. دراعة ماسكة على جسمها موديل هندي لبست عقد من الذهب ..واساور. مكياج هندي .. شكلها طلع كأنها ممثلة من ممثلات بوليود.... شعرها مسوية تسرحية امها خايفه عليها من عيون الحريم قالت لا تفلين شعرج .. شكلها روعة فتنة تمشي على الأرض.. وجالسين بالصالة عشاء الحريم في بيت حصة والرجال في بيت مناحي سلطان وقف عند مدخل الصلاة وينادي يا ولد درب درب : قالت مستورة ادخل ما فيه احد غريب كلنا محارمك ..
دخل الصالة وعيونه تناظر للغزال اللي واقف يقهوي الحريم : جاء يسلم على ...ام صالحة ...
غزيل ...وهي اخت الجدة مزنه ....هلا بالغالي .. ادخل ما بوه احد غريب .. قالت الجده مزنه لسلطان اللي اخذ السلام حجة حتى يشوف تاج الزين ارحب يا بعد عمري الله حيوه .. هلا بالغالي هلا بالشيخ سلطان ... اجلس يمي يا قلبي .. المزيونه تعالي قهوي رجلك ... انحرجت تاج الزين من جدتها ولكن ما حبت تبين ضعفها له تقدمت وصبت له فنجال القهوة وعطته واخذه منها وتعمد يسمك اطراف اصابعها اللي مزينتها بالمناكير العنابي ونقش الحناء على يدها زادها جمال .. ولما تحركت شاف الخلخال في رجالها .. قاعد يقول بينه وبين نفسه هذي ناوية تذبحني .. آه يا قلبي .. بعدها جت مها بنت مشعا ..
عطتها تاج الزين الدلة وقالت قهوي خالج انا ابي اروح اشوف الشغلات بالمطبخ .... وطلعت تاج الزين وعيون سلطان تتبعها ....والجده مزنة تمسك يده وتهمس له تقول قلت لك لا تلومني وانا امك يوم ان حلفت عليك انك ما تطلقه، تذكر يوم قلت لك هذي مهرة اصيلة .. سلطان : معك حق يا جده ..يلوم الله من يلومك ، انشهد انها مهرة اصيلة ..
يتبع....
Like
أميرالز likes this.
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 22-10-16, 03:48 PM #28
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
تابع....
سلطان يراقب تاج الزين اللي اخذت صينية المباخر والعطور تبي تحطها في الغرفة اللي مجهزينها للقعدة بعد العشاء .. كانت الغرفة ولها بابين .. باب يطل
داخل الصالة .. والباب الثاني على مدخل البيت الخارجي المطل على الحديقة .... طلع سلطان بعد ما استأذن ...من الصالة واتجه للباب الخارجي ودخل داخل الغرفة وبعدين قفل الباب وتخبأ خلف الباب
الثاني .. باب الغرفة الداخلي .. دخلت تاج الزين وهي تحمل الصنية اللي فيها المباخر والعطور .. وراحت حطتهم على الطاولة ...سلطان قفل الباب .. تاج الزين كانت معطيته ظهرها تشم عطر رجالي قوي ... التفتت .. شافت سلطان يقفل الباب عليهم واقترب منها وحضنها من اخلف وضمها لصدره وهي
تقاوم ...انفك شعرها وانسدل على ظهرها . وهو مستمتع بمقاومتها .. ويقول صدقت امي مزنة يوم قالت مهرة .. اصيلة .. وانا واللي راح اعسفك يا بنت العمة .. وهي تدفعه تبي تنحاش وحاوط خصرها بيده وهو يقول انا قدرك .سمعتي يا.المزيونه ودفن راسه بشعرها .وعدل راسها وناظر فيها .. وقبلها قبلة طويلة .. وباس وخدها اليمين واليسار .. وضمها له وباس رقبتها.... وقال انت لي .. ملكي
حلالي ...
يسمعون طرقات على الباب ....صوت مها وهي تقول عمه المزيونة افتحي الباب الله يهداج .... جبت المناديل المعطرة .كل هذا خوف على الغرفة.. من الجهال يلعبون فيها ..سلطان :اوف جات هادمة
اللذات ... وقف ومسك راسها .. ورد وقبلها قبلة ثانية طويلة .. وسحبها وهي مثل الريشة لعند الباب الخارجي وقال : الود ودي اخبيك في قلبي بين ضلوعي بعيد عن عيون الناس كلها ما ابغى احد يشوفك اغار عليك من نفسي ومن الناس كلها ...
باسها على خدها وفتح الباب وطلع ..
تاج الزين جلست على الكنبة اللي عند الباب نفسها مقطوع وقلبها يدق بسرعه . وعظامها تتراجف .وهي تقول بينها وبين نفسها يمه جرئ ما حسبت حساب انه يدخل الغرفة .....مها تطق الباب افتحي يوه خلاص شكلج نمتي بالغرفة راح احط المناديل على المغاسل ... راحت مها .. عدلت تاج
الزين شكلها .. وبعدين فتحت الباب وراحت للمغاسل .شافت شكلها معفوس والروج انمسح ..والشعر مفلول غسلت وجهها ... واخذت منديل ومسحت وجهها تشعر بالقرف منه .،.وحذفت المنديل بسلة المهملات وطلعت حق الدور الثاني .. راحت لغرفتها وقفلت الباب ونزلت ملابسها .. وراحت تتروش .. الماء يريح الأعصاب والنفس وهي تشعر نفسها مشمئزة من سلطان وقبلته تريد ان تزيل لمسات سلطان .....
اما سلطان اتجه للدوانية .. وجلس وهو يوزع ابتسامات .. شعور جميل آه حس انه انتصر عليها باقي اروضك يا المزيونه .. جلس مشعل بجواره ويش عنده الخال يوزع ابتسامات كأنه في دعاية اسنان .. اقول يا الحبيب قبل ما تدخل ليه ما مسحت الروج العنابي اللي عالى دشداشتك ..هههههههههه ما خبر امي مزنة والا غزيل يحطن الروج .. حتى الديرم ما يعرفنه ... فشلتنا قدام الرياجيل يا شيخ خلنا نطلع بهدوء واعطيك ثوب من عندي والله لو يشوفك خالد اللي يذبحك ويضيع دمك بين القبايل ... سحب يد سلطان وطلعوا برا .....حتى يغير سلطان ملابسه .
بدلت تاج الزين ملابسها وحطت مكياج خفيف ونزلت ..رن جوالها .. النوري يتصل بك .. رفعت السماعه .. قالت لها النوري السلام عليكم يا قلبي بسرعه ا حنا تحت عند باب الصالة .. ونزلت تاج الزين بسرعه .. طلعت في وجهها .. . مها .. عمه ليش بدلتي ... تاج الزين الجمرة طاحت على بدلتي وحرقتها ...
في هذه اللحظة وصلوا صديقات تاج الزين .. الجازي وامها والنوري وامها والسوري .. ساره وامها وام سعود بناتها .. جاءوا بعد صلاة العشاء.. وفرحت تاج الزين في شوفة صديقات العمر ... خاصة انها تريد المساعدة من صديقتها الحبيبه النوري المحاميه .. وتأخذ رايها في رفع قضية خلع سلطان..
مها : أي والله عيون الحريم عليج الحمدلله يا عميمه على السلامة ..
ومها بخور السوق انشرت بين الحريم ان الجمرة طاحت على تاج الزين .... بدخلة مشعل اللي صاعد فوق يأخذ حق خاله دشداشه يسعمهن يقولن عين ما ذكرت الله ....
وهو يقول عسى ربي يهديكم ويصلح ما بينكم .. اشوف الخال يوزع ابتسامات والله ما انت هين ...يا ابو تركي ..
النوري : صج خطاج االسوء يا قلبي وام سعود تقول عين ما صلت على النبي .. تاج الزين : خطاج اللاش .. اخذت يدها وقالت حياكم .. يا مرحبا ودخلوا الصالة عند الحريم .. واخذت تاج الزين يد النوري وطلعت للحديقة بيتهم يطل على شارعين .. والشارع الخلفي .. خاص في مدخل النساء فيه حديقة فيها جلسه شعبيه .. يغطيها عريش مزين بالفوانيس التراثيه وكراسي مفروشه في سدو .... اخذت تاج الزين النوري وقالت ها ويش صار على موضوعنا ..
يتبع.....
Like
أميرالز likes this.
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 22-10-16, 04:05 PM #29
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
تابع.....
النوري : طال عمرج تم .. كلمت المستشار اللي يشتغل معي في المكتب وقال ان قضيتج راح نكسبها باذن الله .. خاصة ان زواجج من سلطان مجرد حبر على ورق.
.
تاج الزين يسمع منج ربنا .. ويش المطلوب مني الحين
النوري : امرج يوم الأحد باذن الله ونروح لمجمع المحاكم بالرقعي ادارة التوثيقات .. وتوكليني .. عاد وانا ذيك الساعه اعفس لج الدينا على سلطين واخليه يطلقج
ورجله فوق رقبته وقامن يضحكن ..
واللي لم تكن تعلم عنه تاج الزين ان مها كان الفضول ذابحها وتبعتهن للحديقة.. وتخبأت في دورة المياه الملاصقه للقعدة الشعبيه وسمعت كل الحديث الدائر بين الصديقات يوم خلصن .. طلعت من دورة المياه و بعد ما دخلن داخل الصالة .
.. طلعت وفي قلبها نار... تبي تخلعين خالي والمسكين متولع فيج انا اشهد انج عوبه مثل ما قالت
امي ... والله ما اكون مها بنت مشعا اذا ما خربت عليج .
ماذا ستفعل مها ؟؟؟؟ وهل ستخرب على تاج الزين حياتها ؟؟؟
وهل ستخبر امها مشعا ؟؟ وخالها سلطان وكيف ستكون ردة فعلهم ؟؟؟
هل سترفع تاج الزين القضية ؟؟؟؟
واذا رفعتها هل ستكسبها ؟؟؟؟ خاصة وان النوري اكدت لها ان القضية لصالح تاج الزين لان زواجهم معلق من 10 سنوات ومجرد حبر على ورق ..
في البارت القادم باذن الله .. نلتقي ..
نستودعكم الله الذي لا تضيع ودائعه ........................
لا اله الا الله سبحانك اني كنت من الظالمين استغفرك ربي واتوب اليك ***********
رجاء لا تلهيكم الروايات عن الصلاة ولا تشغلكم عن ذكر الله ..
وتقبلوا تحياتي ****