101و102و103و104و105
بارت 101
____
وصلت تغريد للمستشفى تنهدت وابتسمت
جت بتنزل قاطعها ابوها:لاتتاخرين بوديك
عند بنات عمتك وبطلع وراي مليون شغله
.. ميلت تغريد فمها بعفويه:الله يسامحك
يبه الحين من يوم م انولدت حتى اليوم
متئ اخرتك هااا.. ضحك عبدالله ع دلعها
وأشار بيده تنزل نزلت تغريد متوجهه
لغرفة ريان. ريان كان متوتر بشكل
نجود كانت جالسه ع الكرسي وتراقب
تصرفاته رفعت حاجبها:اوووه دكتور
ريان واضح هالضيف مهم مرا دام
التوتر ذذا كله عشانه. ريان بعدم اهتمام
:اي اي.. ورد يرتب مكتبه وتاره يعدل
شعره وتاره يناضر شكله بالمراية.. رن
تلفونه واسرع له حس قلبه توقف
رجفان غير طبيعي ناضر بنجود
و ببرائه:وصصصللتت.. شمخت
نجود بعيونها وفمها وزفرت بنرفزه
:اوووف اجل استئدن دام ضيفك
الغالي والمهم وصل. طلعت بدون
لاتسمع رده طلعت وبداخلها نيران
تشتعل طاحت دمعتها ومسحتها
كشرت ع سنونها:ههيين هيين
هالحب اللي انا ادوره من شهور جا
بعيونك بيوم معاها هين ياريان...
______
رنيم كانت ع المكتب دخل عليها.
ابوها َبيده قاتو والموظفين من حوله
كلهم كان يرددون:هابي بيرثدي تو يو
هابي بيرثدي تو يو سنه حلوه ياجميل
ابتسمت بحنيه وتجمعت الدموع بعيونها
وهي ناسيه ان اليوم اكملت 21سنه
طاحت دموعها وحده ورا الثانيه
وهي تشوف ميلادها الـ21بوجود
ابوها حولها عمر جديد حياه جديده
دخلت اخفت ماضيها ومسحته من ذاكرتها
وانهت حزنها وبدت بشكل ثاني.
قرب صوبها سلمان:كل سنه وانتي بخير
كل سنه وانتي بنتي وطفلتي كل سنه
وانتي معي وجنبي وحولي ياغلاي.. ضحكت
رنيم بفرح وخالطه بكاء ضمت ابوها بكل
قوتها وهي تردد:الحمدلله عقب الصبر 20سنه
عوضني الله فيك وفي وجودك من جديد يبه..
________
خالد ومها كانو منتضرين صدور النتائج
ماهي الا نص ساعه وتجيهم الممرضه بأمر
يتوجهون للدكتوره دخل خالد وفتح الباب
لمها دخلت مها وجلست ع الكرسي وخلفها
خالد رافع يدينه ع اكتاف مها..
ابتسمت الدكتوره:عندك أطفال يامدام مها.
ضحكت مها نص ابتسامه وهزت راسها بمعنى
لا..ناضر خالد بعيون مها ورد ناضر للدكتوره
:طيب الف مبروك بعد 9 شهور هايجيكم
بيبي...
____
Like
بارت 102
.فتحت مها فمها بصدمه وطاحت دمعتها
بدون لا تلامس خدها.. خالد اللي كان منصدم
بالأكثر وبفهاوهه:شششلون يعني دكتوره
بعد 9شهَور شلوون يعني.. ضحكت الدكتوره
ع فهاوته جت بتتكلم وقفت مها مقابله
لخالد وبضحكه فرح مخالطها دموع:بتصير
ابو يعني يالخبل.. بقق عيونه بقوه وضحك
بخباله وشعور ماينوصف بقلبه صرخ
بطفوله:الللللللههههه ياربي ياربي ياربي
بحلم صح لا لا الحمد لله.. وضم مها لصدره
وهو مو مصدق انه اخذ حبيبة قلبه وبنفس
الوقت بيجيه اول مولود منها ضمها وهو
يحمد ربه مليون مره ع النعمه اللي هو فيها..
_______
دخلت تغريد باب المستشفى وتتلفت يمين
وشمال تدور ع ريان جاها الصوت من خلفها
:تغررييد.. لفت ع صوت ريان وابتسمت قربت
صوبه ومدت يدها تسلم عليه.. ريان الي كان
هايم بعيونها الكبيره وبشفايفها المليانه كان
يتأمل بجمالها عاشق لخلقتها:اهلين تو مانور
المكان تفضلي.. سحبت تغريد يدها وضحكت
بـثقل:لا مشكور جيت بقولك شي وبمشي
ابوي منتضرني..
_ريان بهيمان:زين تفضلي مكتبي شلون هنا
ع الواقف.
_تغريد:لا مشكور لا تتعب نفسك امم
اول شي الف شكر والله ماقصرت معي
لو الله ثم انت كان م نجحت بالمستوئ
فعلا انا مدينه لك بنجاح ماقصرت معي دكتور
والشكر قليل بحقك وربك.. ريان اللي الابتسامه
مافارقته وعيونه اللي مافارقت عيونها كان
يتأمل فيها وفي وجهها اللي خلقه الله
ملاك يناضرها بحُب.. دخلت تغريد
يدها بشنطتها وطلعت الساعه اللي كانت
مغلفتها خصيصا لريان كشكر له:امم
هذي هديه بسيطه مني لك دكتور ريان
مع انها مو بمقامك تستاهل اكثر والله
بس المعذره واتمنى تتقبلها مني.. ريان
اللي كان مو قادر يمسك نفسه بيحس
شوي ويضمها لصدره ويهمس لها شلوون
مغُرم فيها..لوحت تغريد بيده بوجهه
ريان وعئ ع نفسه وبفهاووهه:هاا..
ضحكت تغريد بخفه ع حركته:رزقني
الله بـ اخ واحد وسبحانه جاب لي اخ
ثاني فعلا ياريان اعذرني ع كلمة دكتور
كنت لي اخو اللي ماجبته امي.. اختفت
ابتسامة ريان رمشت عيونه وكلمتها
ترن بذونه اخو ماجبته امه حس قلبه
احتر وجسمه احتر اكثر نزل عيونه وهو
يحاول يشوف له مخرج حس عقله مو معاها
مسكت يده وسلمته الهديه شكرته ومشت.
____
صحئ فارس ع ازعاج اتصالاته رفع السماعه
وهو بنومه رد بصوته المليان نوم:هههمممممم.
رفع راسه وفرك عيونه:طيب ثواني
اكون عندكم قفل تلفونه ورماه بجنبه تثاوب
وحك شعره.. جا بيقوم لمح غلاف كتابه
المحترق بلع ريقه ولعق شفايفه:احرقتي
قلبي في هالكتاب ياجعلني احرق روحك
____
Like
بارت 103
رفع راسه
للسقف وهو يناضر فيه:م انتهى
الحساب الي بينا. كشر ع سنونه
وبحقد اكثر:يااارنييم سلمان..
توجهه لدورة المياه...
___نسترجع الأحداث____
بنفس الساعه وبنفس اليوم
اللي هربت فيه رنيم من محمد
تستنجد بمكان فارس المهجور
هجم عليها كانت تصرخ لكن
لا حياه لمن تنادي فعل فعلته فيها
استنجدت لكن بدون صوت
فعليا فارس بتلك اللحظه كان
نمر كان وحش يدور ع فريسته
بدا يكرز برقبة رنيم اللي تصيح
وتحاول تنسحب منه لكنه اقوئ منها
كان يضرب فيها ورد يكرز برقبتها
صرخت صرخه وفجاءه انقطع
صوتها هدا المكان دفته من عليها
ووقفت بصعوبه بشكلها المتبهذل
وشعرها المتناثر ملابسها
اللي تقطعت منه ناضرت لفارس اللي كان
منصدم من نفسه منزل راسه للارض من
فعلته شهقت وارتعشت وبصعوبه:ااا
الله اااا االله يححـ... فجأة طاحت فاقده
لوعيها طاحت بدون لاتحس اللي حولها
فز فارس بخوف قرب صوبها وهو يرجف
قلبها بطرف رجله لكن بدون استجابه
اخذ كتابه وركض للسياره هارب من
نفسه هارب من اللي عمله...
طلع سيارته ووانطفت نيرانه ماكنه
عمل شي رفع تلفونه:شوف لي اخبارها
السواق ماخذها للمستشفى ابي
اعرف اسمها وابوها ومين ههي شوفو
لي كلشي متعلق فيها.قفل تلفونه
وعض شفته:هذا قليل اللي شفتيه
باقي قدامك ايام بتشوفينها..
من اللحضه اللي انوخذ فيها شرف
رنيم ماترك. فارس مراقبتها ولايوم
عرف كل حياتها من السنه ل20سنه
_____نرجع لـواقعنا______
تغريد طلعت لـ ابوها اللي ماكنت
مهتمه لحب ريان ونضراته لها..
ريان انترك قلبه وتحطم بتلك اللحضه
حس انه بدون شعور شرد عقله ناضر
للساعه وفتحها شاف الورقه:رب اخ
لم. تلده أمُي.. تنهدت بحزن وتوجهه
لمكتبه حس انه مكسور قلب وخاطر
نجود ماتركته ولا لحضه راقبت كل
حركاته وتصرفاته دخل مكتبه ورمئ
الساعه ع الطاوله وقف قدام النافذه
وبحلقه غصه بداخله انكسارر
راقبته نجود من خلف الباب بدون لا
ينتبهه لها:اهههخ بس حب من طرف
واحد مثل طعنت سكين ينغرز بنفس
المكان اوف ياربي واخيرا حسيت بشعوري
ياريان حسيت بحرقة قلبي كل يوم.
بارت 104
رن تلفونه رفع السماعه كان رئيس الاطباء
معطي اجتماع فوري لكل الدكاترة والممرضين
عدل نفسه ورفع السماعه السلكيه برقبته
وتوجهه للقسم. اختبت نجود لحد ماتاكدت
انه اختفى ودخلت الغرفة اخذت الساعه
والورقه وضحكة بـ استهتار:والله وطلعتي
منتي هينه هذي نهايه الي يحبك تعامليه
كنه اخوك ياجعل مشاعرك ماتتهز له...
______
فرحة خالد ومها اللي كانو حاسين الدنيا
مو شايلتهم من زود فرحتهم كانو بالسياره
وخالد اللي مو عارف يعبر عن فرحته كان
رافع صوت المسجل اغنية تامر حسني(حلم
سنين) ومها مخالطه عيونها دموع فرح
اكتفت بالابتسامة والحيا والسعاده اللي
بقلبها** حبت وتزوجت حبيب قلبها والحين
بيصير ابو ولدها...
_____
رنيم كانت بمكتبها بين اوراقها
فجأه انزفت من خشمها وحست بصداع
مو طبيعي رفعت المناديل ع خشمها
واسندت راسها ع الكرسي رافعه لفوق.
بكل مره يتكرر عليها الصداع لكن لاول
مره تنزف من خشمها توجهت لدورة المياه
ومسحت خشمها وهي تناضر شكلها بالمرأة
:بسم وش فيني مو راضي يوقف..
اتصلت بالسكرتيره تجلب لها ثلج..
بعد وقت وقف نزيفها...
______تسريع الاحداث______
الساعه9:30م
فارس بمكان شبهه مهجور غرفه
واسعه وفيها خردوات كانت بوسط
مزرعة جالس ع كرسي وقدامه
اثنين من الشباب سُمر وضخمين
_الرجل1:هذا اللي قدرنا ناخذه عنها
والحين هي بالرياض وببيت ابوها
وهم بعد امها متوفيه من 3سنين تقريبا
ومتربيه مع عمتها زوجة ابوها.
_فارس بخبث:واااي وااااي يارنيم
قربت نهايتك يابنت الـ****.. ناضر
فيهم ورد ناضر بكتابه وبنبرة
كلها حقد:لاتسون لها شي راقبوها
ابي ادق التفاصيل عليها... طلعو
الرجال وتركو فارس بين شياطين
خبثه.
____
ببيت ابو ريان الكل كان ع طاولة
العشاء عكس ريان اللي كان موجود
جسديا وعقله شارد بمكان ثاني..
كوثر اللي نضرات الكرهه بعيونها
ماتركت رنيم ولا ثانيه عكس رنيم
الي متجاهله نضرات كوثر لها.
_سلمان:اكرمكم الله وسفره
دائمه الحين ابي اناام حدي تعبان
اقول وش سويتي اليوم بالشركه.
_رنيم:عوافي يبه.. امم ماسويت
شي حسبت المداخلات الجديده تبع
الشهر الماضي و... جت بتكمل ردت نزفت
من جديد..
____
_سلمان:بسم الله عليك بنيتي بسم الله عليك.
ارفعي راسك ع فوق.. ريان بشرود اخذ المناديل
ورفعها بخشم رنيم طلب ثلج بدون اهتمام
وبدون احساس..
_رنيم:تمام اترك ريان شوي ويوقف
شكله من البرد الصبح كمان جا كذا ووقف..
اخذ ريان نفس وزفره:عن اذنكم بنام..
تركهم وتوجهه لغرفته..
_سلمان:الله الله وش فيه ذا اليوم
مو ع بعضه
_كوثر بتلميح:ااي مو ع بعضه
معطي الشركه. لبنيه تديرها..
_سلمان:ياكوثر وش دخل الحين الشركه
روحي شوفيه روحي...شمخت بعيونها
وتوجهت لريان قرب سلمان صوب رنيم
ومسك بيدها لحد م وصلت للكنب
:شلون الحين بيوقف ولاشسالفه تعالي
اخذك الصيدليه..
_رنيم:لا يبه مافيني شي الحين يوقف.
اخذ لي بنادول وبنام..إبتسم وباسها
بجبينها تركها وتوجهه لغرفته....
______
تغريد كانت بغرفتها وكعادتها تلعب بتلفونها.
رن شافت الرقم تجاهلت الاتصال
ماهي الا ثواني وتوصلها رساله.
فتحتها وكانت هديتها الي جلبتها لريان
مرميه بالزبالة ومكتوب عليها(قبل
لاتفكرين تهدين احد شوفي بالأول هو بحاجتها
ولا لا شوفي بالأول هو مرتبط وعينه
ملينه بغيرك عشان لا تنكسرين اكثر) بلعت
تغريد ريقها حست بشي بقلبها قفلت تلفونها
ورمته بجنبها زفرت بقهر:ااش اششش
اهدي انا الغلطاننه قددمته له لكنه مايستاهل
ياجعلك بالف حره...
____
ريان كان واقف قدام النافذه وعقله عند تغريد
كل مايتذكر كلامها يتمنى الأرض تنشق وتبلعه.
طق باب غرفته تكلم بعدم اي اهتمام:تفضل.
دخلت رنيم وقربت صوبه ناضرت فيه.
وابتسمت بحنيه:شفيك اليوم كنت بكلمك
بس مابغيت احرجكك.. ريان اللي
كان مكسور خاطر:تخيلي تقوللي اخوي
عكسي انا..
_رنيم:للحين تقصد اللي تحبها طيب
وش قلت لك الصبح قبل لاتطلع قلت لاتعـ..
قاطعها ريان وهو يشد ع يدينها:مااعترفت
تخيلي انها متصله فيني وكنت بطير من فرحتي
شوي الا تجي بيدها هديه وتقولي اخوي
ماقدرت انطق بحرف يارنيم تخيلي ان
قلبي بغى يطلع من مكانه ويطيح بالأرض
قدامها..جت بتتكلم قاطعهم دخول
كوثر رتبت رنيم ع كتف ريان وابتسمت
تركته وطلعت ناضرت بكوثر وابتسمت نص
ابتسامه وتوجهت صوب غرفتها..
______
Like
بارت 105
ارتمت ع سريرها واتصلت بمها حست
انها من زمان عنها اشتاقت لها بكثير
اتصلت فيها ماردت...دخلت ع المحادثات
تشوف وش جديد وش قديم نزلت
للمحادثات القديمه وصلت ع اسم طلال
تنهدت وبدت تقرا الحروف القديمه
بدت تقرا كل الوعود الكاذبه هيضها الحنين
من جديد.. تجمعت دموعها بعيونها وهي
تذكر ايامها معه:للحين باقي بقلبك ولانستني
للحين باقي تحبني ولا افنيتني؟.
مسحت دموعها حست نفسها صدعت...
قفلت تلفونها اخذت مسكن وحاولت انها
تنام...
____بداية يوم جديد____
الساعه 7:22ص
رد البيت بعد غياب يومه كله مو حاسب
حساب احد ولا مفكر وجودد احد جاء
بيطلع غرفته وقفه الصوت الحاد
زفر بضيق وحاول يتمالك نفسه
_فارس:نعم يبه.. قرب عبدالله صوبه
ورفع اصابعه بوجهه وبعصبيه:فاارس
ترا ساكت متحملك وساكت وينك لحد الحين
هااا ويننككك بتفضحني بين الناس وينك انتت
فارس بنفس نبزة صراخه:يبه يبه ترا انا مو
بزر كم مره قلت لك لا تسألني ولا تحاسبني
ع شي ماتدري عنه رجال وراشد وبالغ شتبي
فيني كل شوي تسأل وينك وينك.. نزلت تغريد
ع صراخهم وطلعت ام فارس من غرفتها
مفزوعه ع صوتهم.. رففع ابو فارس يده
بوجهه فارس وعطاه كف عم الهدو والصمت
لثواني مسك فارس فكه لثانيه وهو يتذكر نفس
الكف اللي جاه يوم احترقت الشركه..
ناضر بعيون ابوه وتجمعت دموعه:جزاك الله خير
يبه اعتبرني ميت بالنسبه لك اعتبر فارس ممسوح
عن الوجود.. تركه وطلع لسيارته تارك خلفه
مناداة امه له وصياح اخته عليه..
_ام فارس:الله يصلحك ياابو فارس
ليش ليش ماتتمسك نفسك لو يوم
بدون صراخ عليه
_ابو فارس:خليه يترجل وبعدها يجيني للبيت
ذا دام انه راسي يشم الهوا لا يجي للبيت فاهممممه..
تركهم ورد غرفته.. ناضرت تغريد بـ امها
بقلة حيله...
____
فتحت مريم عيونها ناضرت جنبها مالمحت
سالم ناضرت للساعه وفركت عيونها بنعاس..
دخل عليها سالم وبيده صحن فيه كاسة
حليب وبيضتين ورغيف خبز
_سالم بُحب:صباح الخير.. مريم
بتعجب ضحكت:صباح النور وش فيه
شكل احد لعب بالاعدادات.. ترك الفطور ع الطاوله
وقرب صوبها طبع لها بوسه مطوله بطرف خدها
_ليش يعني مااندلع حبيبتي؟
ميلت راسها:الا دلعني وشوي تطلع حرتك فيني
حفضتك ترا..ضحك سالم بخفه وتنهد:بدلي
ملابسك وتعالي ابيك بموضوع ووشسمه رولا
بالحديقه مع الخدامه افطرت وطلعت...هزت
مريم راسها وتوجهت لدورة المياه..
ماهي الا دقايق وطلعت بدلت ملابسها
حطت مرطب خفيف رفعت شعرها اي
كلام ناضرت بسالم اللي كان يتأمل فيها
وبكل حركاتها وكنه اول مره يشوفها
من 6سنين جت عيونها بعيونه وابتسم
بحُب.. ضحكت مريم ع شكله الطفولي
رشت عطر خفيف وقربت صوبه رفعت
رجولها ع السرير قرب سالم منها اكثر
طبع لها بوسه برقبتها وهو يستنشق
عطرها.. مريم اللي كانت مستغربه
من تصرفه دفته بخفيف:تمماااام وش
فيه ادخل بالموضوع يلا..اخذ نفس عميق
وزفره بـ ارتياح.. قرب من دولاب ملابسه
وطلع من داخله صندوق تركه بحضن مريم
ناضرته مريم وحست بضيق بداخلها
متأكده انه للحين متعلق بحبه القديم
للحين متعلق بريحتها..
_سالم:ابي انهي كل شي بداخلي
ابي ابدا من جديد.. رفعت مريم عيونها
لعيون سالم اللي كانت دموعها تنزل لاشعوريا
ماتدري شعور حزن ولا شعور فرح. جت
بتتكلم رفع اصبعه ع فمها:اششش
خليني اكمل. بكل مره تجيبين الطاري
يضيق خلقي واهاوشك واكسرك بدون ذنب
لكن هالمره ابيك تصدقين قلبي انه مارح
يحن مارح يرجع اوعدك يامريم نعيش
من جديد بصفحه جديده مافيها ماضي
بس حاضر ومستقبل ابي اخت وابي اخو
لرولا اتركي كل الحبوب اللي جبرتك تاخذينه..
فتح الصندوق وطلع منه اوراق من سنين
اوراق ماضيه وذكرئ حزينه اخذهم
للسيفون>>اكرمكن الله. وسحب عليهم.
وقفتت مريم من بين دموعها وضمته
بكل قوتها شدها لحضنه وهو يعتذر منها
مليون مره ع كل اللي بدر منه.
____نسترجع الأحداث____
قبل 6سنوات بالضبط
يوم زفاف مريم وسالم اللي سالم
خذها تسد فراغه عقب م افترق
عن حبيبته بدا قصة حب وانتهت
بالفشل بدت شكوك بعد اسبوعين من زواجه
من الجوهره ام رولا خلفت له رولا
وتركتها بحضنه رضيعه وراحت عنه
اختفت لحد الآن تزوج بمريم وحكئ
لها قصته مع حبيبة قلبه تعلق فيها
لست سنوات مثلت مريم ع اهلها دور الحامل
سافرت مع سالم لخارج المملكه لمدة9شهور
ونصف ممثله فيها دور الحامل حبت سالم
من قلبها رغم تحملها لكسرة القلب منه لكنه
صبرت سنين صارت امُ لطفله مو لها مثلت
لها الامومة كذبت ع اهلها انها بنتها..
سالم اللي جبرها ماتتكلم جبرها ماتشكي
جبرها ماتنجب غصبن عليها لكنها صبرت
عشان مشاعرها تجاه سالم مرت سنين
وشهور ايام وتعودت ع اللي شافته..
قرر سالم انه ينهي كل الي فقده من 6
سنين في يوم قرر ينسى ماضيه
ويعيش مع زوجته وبنته..
(قصة سالم ورولا بـ اختصار☝🏼
رولا مو بنت مريم مافيه احد يعرف
عن قصتهم الا مريم ورولا مفكره ان
مريم امها)
Like