96و97و98و99و100
بارت 96
رفعت ام فارس يدها ع شعر تغريد
وهي تطبطب ع يدها:ادري انك ماخذه
بخاطرك ع فارس بس مهما كان
هذا اخوك الكبير.
_تغريد:يمه فارس تغير طلع منه انسان
ثاني فارس ماصار فارس اللي يحسب
لكلمته الف حساب قبل لاتطلع يمه فارس
فعللا مثل ماقالو عنه جلمود وماأخطاؤ
يوم انهم يسمونه..
_ام فارس:الله يعين مادري وش اقول
ووش اسوي له لكن ماضنتي يرد مثل
ماكان عقب اللي صار له ماضي..
________تسريع الأحداث______
الساعه11:25ص
رنيم كانت بسيارتها لابسه نضارتها
الشمسيه والخوف مسيطرها عكس الي
مبينه خارجها انها شجاعه
انتضرت الساعه تجي لـ 30 دقيقه
بلعت ريقها بخوف ناضرت درج السياره
وفتحته كان بداخله مسدس خذته وهي
ترجف خبته بشطنتها وبراسها ازعاج
وكلام.. طقت نافذت سيارتها فزت بخوف
ومسكت ع قلبها اللي كان ينبض بقوه.
فتحت النافذه:نعم
_العسكري:ممنوع وقوف السياره هنا
حركيها قبل لاتاخذها السطحه.. هزت
راسها وحركت سيارتها للجههه الثانيه
نزلت وهي تلتفت يمين وشمال والخوف
مسيطر عليها كليا َوقفت ع جهة السور
وبيدها الضرف..
سرعان م وصل ريان وجت عيونه بعيون
رنيم لثواني وَعئ ع نفسه وهي يبتسم
بتفشال..
وصل ابو ريان وشاف ولده وتعجب:ريان
شعندك هنا..
_ريان:هااا وانا بسألك نفس السؤال تعال
يبه شنو ذا.. فتح الضرف وهو موجهه لوجه
ابوه.. ابو ريان بعقد حاجب:وصلك انت بعد
مادري مين هذا شوف.. ريان اللي كان
مستغرب من نفس الضرف اللي معه نفسه
مع ابوه رنيم سمعت حديثهم وهي
مصنمه بتسأل ومتردده حست شي
نقزها... اخذت نفس عميق وقررت
انها تكتفي بالصمت..
_ريان:يبه شسالفه هذي منو معك طيب..
ناضرهه ابوه وبلع ريقه تجمع العرق
بجبينه.. ضحك. ريان بخفه:وااي يبه
تخيل تطلع بالاخبار وبكل مكان يقولون
سلمان الشاجري عايش قصة حُب..
بققت رنيم عيونها وهي تسمع لفت ع ريان
وابوها وتجمعت دموعها بعيونها حست بشعور
غريب بلعت ريقها بكل صعوبه حست لسانها
انربط:ابوي هذا لا يمكن مشبهه لاا
هاشش رنيم اهجدي....
_ابو ريان بتوتر:اقول ريان شكل ماعنده
سالفه يلا مشينا...قاطعه صوتها:سلمان.
صنم بمكانه حس شعر جسمه وقف
وقلبه رمش اكثر من مره وهو يسمع الصوت
______
بارت 97
لف عيونه لها وهو يناضرها جت
عيونه بعيونها:كككوثر..
قربت صوبه وناضرت لريان..
رنيم كانت معطيتهم ضهرها وتلعب
بتلفونها لكن كل حكيهم بـ اذنها.
_ريان:يمه شلونك. ابتسمت كوثر
بحنيه رغم ان ريان مو ولدها لكن
حطته بعيونها صارت له ام فعلا:عيون
امك انا بخير شلونك انت.. ضمته
وباسته براسه َتنهدت. سلمان حس ماله
وجهه يناضر لها نزلت راسها لعيونه
ورفعت ذقنه:شلونك..
هز سلمان راسه بمعنى بخير...
كوثر ماحبت تضغط عليهم التفت لرنيم
اللي كانت خارج القصه:رنيم؟.
بققت رنيم عيونها وبلعت ريقها لفت لكوثر
وناضرت بسلمان وريان وردت ناضرت لكوثر
:نعم.. اخذت كوثر نفس عميق..
وحست نفسها متوتره شوي الكل كان متعجب
من كوثر رنيم اللي كانت مثل الغريبه بينهم.
_ادري انه مو مكان مناسب اتكلم عنه لكم
بس بقولكم ع شي ويمكن هالشي يكون صدمه
لكم ههه مثل ماكان لي طبعا....
_ريان:يمه شسالفه من وصلني هالضرف وانا
ابد مو فاهم شي.
_كوثر:الحين بتفهم.. قاطعتهم رنيم بكفكفه:
عن اذنكم..مسكت كوثر بيدها و:لحضه كل
القصه تخصك انتي.... طلعت ورقه من
شنتطتها وعطت سلمان اللي كان ملخبط
مو فاهم شي رنيم وريان كانو مثل
المتفرجين بالصوره ناضرو ببعض وسرعان
مانزلت عيونهم.. بدا سلمان يرجف ويشوف
الورقه حس مثل الماء البارد نزل بجسمه
نزلت دمعته منحدره ع خده طاحت الورقه من
يده
قرب صوب رنيم اللي كانت منصدمه وبنفس
الوقت خايفه ناضر فيها بعيونه المليانه دموع
بشعور حزن مخالطه فرح ضمها لصدره
بقوه انصدم ريان من تصرف ابوه مو فاهم
شي كان.. ناضر لكوثر ورد ناضر لـ ابوه.
_سلمان:سامحيني يابنيتي.. وانهار
بين يديها رنيم حست قلبها انصعر طاحت
دموعها بدون صوت من سمعت هالكلمه
عرفت انه ابوها كانت دموع تطيح
بدون صوت كنها تقول وينك عني كل
هالسنين وينك عني يوم جاء وقت تحديد
المصير انا الحزين اللي ماشكئ لوعة لياليه
انا الحزين اللي اوقف بعز انكساره..
جثت ع رجولها وهي تصيح بحضن ابوها
اللي ماشافته من صغرها هي تبكي وابوها
يبكي اثنينهم متأثرين ببعض شدها لحضنه
اقوئ وكنه يقول انا ذخرك وجدارك انا
بيتك وسندك ان ماكنت لك اب بكون لك
وطن.......
_____تسريع الأحداث______
سلمان اخذ بنته لشقته عقب
ماعرف انها ساكنه بجنبه حس دنياه
ضاقت ريان انهار كليا يوم عرف اخته
ورغم مصادفته لها الا انه ماخطر بباله
يوم من الأيام بتكون هي نفسها..
حكت لهم كوثر انها هي من تحرت عن
رنيم لحد مالقتها واللي أكد لها انهها بنت
سلمان تحليل الأبوه
بارت 98
_______
وانها ف السعوديه من شهرين
لكن مابينت لححد عن سبب
بحثها لرنيم جمعت ابو ببنته عقب
21سنه سلمان حكئ لبنته قصة
امها يوم تركها وفهمها ان سلمئ مو
اختها ماعندها الا اخو واحد وهو ريان.
رنيم تقبلت الوضع رغم انها كانت
حالفها انها ماتسامح ابوها لكن بلحضه
نست وتقبلت حست انها محتاجه لعائله
محتاجه لـاهل....
"" بــــــــــــعــــــــــد مــــــــــرور شــــــــــهــــــــــر""
&عائلة عبدالله(ابو فارس)
عبدالله استمر بقيام الشركه لحد مارجعت
مثل اول واقوئ وقفت من جديد وانشهرت
من سمعتها قرر انها يكون هو المدير العام
لشركته رد روتينه القديم مثل ماكان
مع بيته وشركته.. نفس التنضيم
نفس الطمأنينة...
فارس نفس حالته ماتغير بشي نفس
جلموده نفس اسلوبه..
تغريد اكملت المستوى الأول وحصلت
ع درجه عاليه بفضل الله ثم بفضل ريان...
سالم ومريم وصلو لـ اخر حدود الطلاق..
&عائلة سلمان(ابو ريان)
سلمان ترك وضيفته ورد لشركته
قرر انه يرجع يبني عائله من جديد
اخذ فلة بقيمة مليون ريال من افخم
فلات الرياض يبي يستقر فيها هو وعياله.
وقفت شركته واصبحت من اكبر الشركات
المنافسه.. عين رنيم مديره العام لشركته.
.. كوثر ردت لزوجها سلمان وولدها
ريان استقرت حياتها..
رنيم تغيرت حياتها عقب كل اللي عاشته.
من رعب بلحضه تغريت حياتها للاحسن
صارت تنام براحه وتقوم براحه تروح وتجي
وهي في راحه اخفت سرها ورمته في بير
ماله قاع... استقرت بشركة ابوها..
ريان وصل لـ اخر حدود العشق قرر
يعترف بحبه واللي يصير يصير..
_____
بداية يوم جديد بـ احداثه الجديده
فتحت عيونها ع صوت المنبهه.
طفته وناضرت بالساعه7:00ص
رغم تكاسلها الا انها حاولت تقوم
فركت عيونها ونزلت رجولها للارض.
قامت اخذت دوش سريع وبدلت ملابسها
وقفت قدام المرايه تمشط شعرها
طق باب غرفتها
_رنيم:تفضل.
_ريان بنرفزه:اي بتفضل غصبن عليك..
ضحكت ع شكله قرب صوبها وطبع
لها قُبلها بخدها وجلس ع سريرها
وتنهد:اممم بقولتس شي يابنت..
لفت له عطول وحطت رجل ع رجل
وناضرت بعيونه:قول ياعين اختك
_ريان:اموح لعينها... حك راسه بخجل
:اممم بس لاتصارخين اسمعي انا احب
وحده.. ضحكت رنيم ع شكله
وصفقت بيدها:ماشاءالله من متى
ومين هي نروح نخطبها لك..
______
بارت 99
ضحك ريان بخجل:مدري كيف افهمتس
يعني انا مدري كيف اتأكد منها اذا تحبني
او لا شلون افهمي يابنت افهميني يعني..
عقدت رنيم حاجبها:اي فاهمتك بس
الحب مايجي الا بعد الزواج وش اتأكد
منها تحبني ولا لا بتعرفك بعدين اكثر
واكيدد بتحبك..زفر ريان ومد بوزه:انتي
للحين عايشه بعصر القديمين
ابي اجرب معاها حُب ابيها تتعلق فيني نفس
مااني متعلق فيها وبعدين الزواج..
ضحكت نص ضحك وعطته ضهرها
اخذت نفس وبلعت ريقها:وش تبي
بالحب ماوراه الا وجع قلب اذا
تبي تحب فعلا اطلبي يدها من ابوها
وبعدها اعلن حبك التملكي بكل راحه
واطمئنان.. صفق ريان بيده
وهو منبهر من كلام اخته:اوووهههه
يابنت سلمان طلعتي درر وانا مادري
ليش انتي مجربه يعني؟..
قاطعهم دخول كوثر:يلا انزلو الفطور جاهز
ريان ع شغلك سريع وانتي ابوك يبيك.
تركتهم وطلعت..
______
فارس كان نايم مايدري وين ارضه من
سماه فز ع صوت ابوه وهو يدفع
الباب بكل قوته فرك عيونه بكسل
وعقد حاجبه..
عبدالله بعصبيه:للحين نايم انت قوم
قوم قامت قيامتك قوممم..
انبطح ع بطنه وغطئ نفسه ببطانيته
وبكل برود:اذا انتهيت اسحب الباب
وراك.. عبدالله حس نفسه بـ يموت
من تصرفات ولده غمض عيونه بغضب
وشد ع قبظة يده وزفر بنفسه:اللهم
طولك ياروح يارب صبرك لا ارتكب
في هالولد جريمه.... تركه وطلع
تغريد كانت بغرفتها تعدل شعرها
دخل عليها ابوها لاحضت عليه
علامات الغضب لفت له:يبه
شفيك.
_عبدالله:اخوك اخوك بيذبحني
لاشغل ولا مشغله الليل مادري وين
ارضه والنهار نووم انا تعبت من هالولد..
قربت صوبه وباسته بجبينه وابتسمت:
ماعليه يبه انت اتركه ولا تتعبت نفسك
عشانه صدقني بيتغير ويرجع مثل ماكان
واحسن..
_عبدالله:ان شاء الله ان شاء الله ابنتضرك
بالسياره لاتتاخرين.. هزت راسها بـ إيجاب
ورد تضبط بشعرها..
بارت 100
اخذت شنطتها ورشت عطر خفيف
خذت هدية ريان وابتسمت لاشعوريا
خبتها بشنتطها وارسلت له
مسج قفلت تلفونها وطلعت..
______
خالد كان نايم فتحت مها
عيونها بوجهه خالد ابتسمت
بحب وقربت صوبه باسته
حست نفسها تعبانه بطنها موجععها
مو قادره تقوم نزلت رجولها بتوقف
حست بدوار شديد راسها يدور
جتها دوخه:خخالد خخخخخ الد..
فتح خالد عيونه ع صوتها سرعان
م وقف واخذها بجنبه:شفيك
_مها:مادري احسني مو طبيعيه راسي
وبطني موجعني اليوم مرا..
_خالد بخوف:زين الحين اخذ
دوش سريع واخذك للمستشفى..
استرخت ع سريرها وهي متألمه
لكنها مكابره..
_______
انتهت رنيم من نفسها لبست
عبايتها وغطت شعرها بالشيله
اخذت شنطتها ونظارتها الشمسيه
جت بتفتح الباب وتطلع سرعان
م سبقتها كوثر وسكرت الباب
سحبت رنيم ب كتفها والصقتها
بالجدار انصدمت رنيم من تصرفها
رفع حواجبها بتعجب
كوثر واضح من نظراتها الخبيثه:اسمعي
لاتحسبين يوم اني جمعتك بـ ابوك
عشان تتملكين كل شي فهمتي
جمعتك عشان لايضيع ولدي وزوجي
مو شفقه عليك ترا ويكون بعلمك
الشركه بوسوس له لحد ماينقلها بـاسمي
وبعدها بضرب خشمك واطردك من هالبيت...
بلعت رنيم ريقها وفهمت مقصد رنيم
دفت يدها وناضرتها بـاستحقار:الحمد لله
والشكر انو ماهمنا فلوس والشركه هذا
حلم ابليس بالجنه... تركتها وطلعت
كوثر حست نفسها انقهرت:هين هين يارنيم
وطلع لك لسان والله طيب يصير خير...
______تسريع الأحداث_____
وصلت رنيم للشركه َجلست ع مكتبها
وهي تراجع المستندات واوراق الربح
خلال الشهر.. طق باب غرفتها.
ردت بعدم اهتمام:تفضل.
_السكرتيرة:صباح الخير استاذه رنيم
فيه شخص برا يبي يكلمك بموضوع
مبعرف شو سألته انه ماخذ موعد
حكئ لا ومابعرف اذا بخيله يفوت او
لا
_رنيم:الله الله مين ذي زين زين
يمكن ابوي يعرفه خليه يدخل...
_____
خالد ومها كانو بالعيادة.
عملت الممرضه تحليل:نص ساعه
يطلع التحليل وخبركو شو المشكله
انتضرو بالاستراحه..
اخذ خالد بيد مها وساعدها لحد م وصلت
قسم النساء وجلست ع الكرسي. تنتضر
دورها....
____