51و52و53و54و55
بارت 51
_ساره:اي زين بنام. قفل فارس تلفونه واتصل
بخويه مازن..
رنيم حاولت تصبر وتتخطئ كل اللي واجهته
بالحياه وبسنه وحده
طق باب الغرفه خذت الشيله وغطت شعرها
_مها:تفضل
_الشرطي:ممكن تخلينا بروحنا مع رنيم.. هزت
مها راسها وطلعت قرب الشرطي صوب
رنيم وبدا ياخذ منها معلومات عن الحادثه اللي
صارت.. حكت لهم رنيم كل شي بالتفصيل ودموعها
اللي ماوقفت وشهقاتها المتواصله
_الشرطي:زين اختي ليش تبكين الحين رح ناخذ
حقك وحق اختك والبحث مازال جاري عن
محمد الخسيس الحين بسالك سؤال وجاوبني
بصراحه اتفقنا. يوم قرب صوبك النذل
تقرب ل اماكن تضررتي فيها منه يعني... قاطعته
رنيم:ل ل لالا.. كتب الشرطي ملحظاته وتركها
وطلع حاولت رنيم انها تنام عشان تنسى كل شي صار
لها..مها كانت تلعب بفونها فجأه وصلهاا مسج من
رقم غريب استغربت ناضرت برنيم اللي كانت
نايمه بتعب دفتها بشرشف وتوجهت للمر
_مها:الو مين معي.. سمعت صوته وتصلبت
بمكانها بلعت ريقها وحطت يدها براسها
. نعم طلال شتبي شايف الوقت مناسب
عشان تدق بعدين وش تبي خلاص انتهى..
قاطعها بعصبيته:مممهااا اشششش
طمنيني عن رنيم شلونها وش قالو
_مها:رنيم زي مو شايف للحين بصدمتها
لو انك م طلعت لها ووهتمها بحبك المزيف
ماكان صار اللي صار والحين لو سمحت
بقفل ولا ترجع تدق مره ثانيه ويويلك تقرب
صوب رنيم ففاهممم. قفلت بوجهه وردت
لعد رنيم..
طلال كان واقف قدام باب المستشفى لا
هو قادر يدخل ولا هو قادر يمشي
تنهدت وطلع سيارته...
... ريان اسند راسه ع سريره وبيده الصوره
غفت عيونه بدون لايحس...
بداية يوم جديد بدايه جديده بـ احداث
ثانيه ومشاكل جديده
السبت الساعه7:43ص
مها نايمه ورنيم خذت لها دوش وبدلت لبس
المستشفى ناضرت بمها وابتسمت بتعب
وقفت قدام النافذه وتنهدت بحزن
غمضت عيونها. يارب خفف عني هالايام
يارب طلعني من كل اللي قاعد يصير يارب.
وجهها كان شاحب تمام وصلها بوكيه ورد وعلبه
شوكليت شافت الضرف فتحته. :الحمد لله على
سلامتك جعلها اخر الاوجاع
طلال..
كشرت ع سنونه ورمت الورد بسلة الزباله رفعت شعرها
وناضرت للسقف فتحت مها عيونها وابتسمت بحنيه
_مها:يوووه وانا اشوف الدنيا منوره صباح الخير
يالحب.. ابتسمت رنيم نص ابتسامه:صباح النور
يلا قومي خلينا نطلع من هنا روحي طقت لي
اسبوع بموت من المستشفى.. مها استغربت من
اسلوب رنيم المتغير حاولت م تبين لها
بارت 52
ابتسمت وهزت راسها
بـ إيجاب.. جمعو اغراضهم وتوجهو
صوب البيت رنيم طول الطريق وهي شارده
لمحها خالد بالمرايا
_خالد:احممم رنيم شرايك نجنب مطعم
قبل لا نرد البيت.. رنيم بتعب:امم مالي خلق
وصلوني البيت وكملو انت ومها
_مها:اي بيت بتسكنين عندي انا وامي
فاهمهه واصلا البيت مقفل من قبل
الشرطه للحين جالسين ياخذذون إجراءات
الحادثه.. تنهدت رنيم وكتمت شهقاتها..
تغريد كانت بغرفتها تجهز اغراضها
استعداد لبكرا اول يوم لها بالجامعه
طق باب غرفتها ودخل عليها ابوها
وبحنيه:شتسوين يبه
_تغريد بـ ابتسامه:امم جالس اتجهز بكرا
تصدق يبه احسني خايفه ومتوتره
يعني مدري شلون بوااجهه اول يوم ناس
جديده نظام جديد وكلشي جديد.. قرب صوبها
وضمها لصدره:تصدقين يوم اني كنت
موضف بالطوارئ كنت اتمنى اني دكتور
جراحه يعني كنت اشوف الدكاتره رايحين
جايين كانت اشوف الارتباكات عليهم
_تغريد بعفويه:زين يبه ليه تركت الطوارئ
واسست شركه مالها اي ترابط بالطب..
تغيرات نظرات ابو فارس وعدل جلسته
:ااااا يلا اترككك بروحك كملي شغلك..
تركها وطلع وعلامات الارتباك بوجهه
ريان كان مقابل الصوره ودموعه م جفت
قرب صوبه سلمان وجلس مقابل له:ريان
لمتى بتظل حزين صدقني الحزن مايفيد
شي الحزن مايرد امك ولا يدور ع اختك..
تنهد ريان بحزن وغمض عيونه وهو يحاول
يستجمع نفسه:يبه فاقد لي قلب مو انسان
احسني جسد بدون روح يبه ابي شي ينسيني
كل الي سمعته.. قرب صوبه سلمان وشبك
يديه بيدين ولده وبحنيه:انت قوي تقدر تتخطئ
عمري ماارح اسامح نفسي اني شتتك انت واختك
عن بعض.. ضمه لصدره وهو يحاول يخفي
اوجاعه وجروح قلبه اللي عيت تنجبر..
وصلت رنيم البيت ورمت نفسها ب اطرف
كنبه غمضت عيونها وهي تدعي ربها انها
تتخطى كل شي حاولت انها تنسى الماضي
وتناظر لقدام حاولت تكون قويه وماتضعف
بلحظه حاولت انها تنام وترمي أفكارها المبعثره
خلف ظهرها.. مها وخالد كانو بالصاله قربت
صوبهن ام مها وابتسمت وهي تأشر لمها
ب اصبعها بمعنى تبون اكل مها بـ ابتسام:لا
يمه حبيبتي تبين تنامين انتي اوديك غرفتك.
ردت عليها بمعنى انها تبي جنب رنيم..
دخلت مها للمطبخ ورن تلفونها ناظرت
وزفرت بضيق قفلت بوجهه و رد دق ثاني
ردت مها بعصبيه وهي تراقب خالد:شتبي
شتبي الله ياخد شرك وياخد اليوم الي عرفناك
فيه خخيير خييير نعم شعندك...
Like
بارت 53
_طلال:مها انا ماني اصغر عيالك لا تنافخين
ابي اطمن ع رنيم كاني اشحذك طول الوقت
مها بعصبيه:مالك شغل برنيم اقول انت
م عندك زوجه م عندك عيال تقابلهم خير
نعم شتبي فيها خلاص خلاص انتـ....قاطعها
خالد يسحب التلفون من يدها:ان عرفتك تدق
مره ثانيه ع الرقم ذا ولا تقرب صوب مها ورنيم
صدقني مارح تلوم الا نفسك فااهممم.. قفل بوجهه
مها تحاول تهدي ع خالد:اووف حبيبي ماله
داعي تعصب كذا وتتنرفز خله يولي مارح يلقى
شي غيره الاهانه لوجهه حتى رنيم مارح تعطيه
وجهه انا اعرفها..
تسريع الأحداث بدون حدث مهم.
الاحد الساعه6:12ص
صحت تغريد واخذت دوش سريع طلعت لبست لبس
الطب اول يوم لها بالجامعه فتحت شعرها ولبست
عدساتها واكسسوارات خفيفه حطت. ماسكرا
وروج عودي خفيف اخذت لها عطر انثوي وابتسمت
لشكلها.. خذت شنطتها وطلعت..
فارس كان النوم مغطي عيونه كان مسترخي ع
الكنب بالصاله لابس بجامته شافته امه وضحكت
:الولد ذا بـ يجلطني قلنا بيتزوج يعقل الظاهر
بيجنن البنت ههه
_مريم:هههههههههههههههههههه ههههههههههههههههههههه
يمه ماعليه انتي اتركي كل شي وشوفي نومته
شلون الحين يجي ابوي يشوفه كذا مارح يخليه..
نزلت لهم تغريد كنها ملاك نازل من السماء مريم بعفويه
:الله ﷲ وش ذا الزين طالعه خقه
_ام فارس:بسم الله عليك يمه تحصني
طالعه قمر ماشاء الله عليك الله يحرصك...
ريان فتح عيونه رغم الساعات القليلة اللي
نام فيها الا انه حاول يستجمع عقله ونفسه اخذ
له دوش وبدل ملابسه ناظر ابوه اللي نايم ترك
له ملاحظه صغيره ع طاولته وتركه وتوجهه
للجامعه...ابو فارس طلع من غرفته ناظر
ببناته اللي كانو حول طاولة الطعام منتظرينه عكس
فارس اللي نايم :الله ذا وش عنده نايم للحين
ولا نايم هنا نعم ياشيخ فارس. فز فارس ع صوت
ابوه مو قادر يفتح عيونه فركهم وهو يناظر
بتغريد عدل جلسته يتحقق فيها:عوووذه وش
عندك كل هالالوان حاطتهم بوجهكك..تغريد
وهي تقلده:اقولك قم بس ابيك انت توديني
يلا...انتهو من فطورهم وكل واحد رح لشغله
وصلت تغريد للجامعه كانت مو عارفه اي شي
ولا عارفه اي مكان بلغت ريقها وهي تتلفت
يمين وشمال ناظرت بتلفونها لقاعتها مشت
صوبها لحد م وصلت ماهي الا دقايق ويدخل
عليهم ريان والابتسامة شاقه وجهه.
ريان:Good morning.. ماحب يكون
ثقيل عليهم من اول يوم حاب يعرف عن نفسسه
_Hello, you're the first day.بعرفكم
عن نفسي وباذن الله اكون عليكم خفيف
معاكمDr. Rea.باذن الله اعطيكم اسهل
ماده And I will be a brother before I am not a doctorاي شي تحتاجونه انا موجودGood luck to you.
تركهم وطلع..
مها وخالد كانو ع احر من الجمر م خلو مكان
م دوره ع رنيم اللي من صحو وهي مو مبينه
_مها بخوف:البنت ذي بتجنني والله ياربي ماصار
فيها شي وربك خايفه عليهاا المشكله م ترد ع تلفونها
ولا قالت وين رايحه اههخخ يارببي انها تكون
بخير....
بارت 54
فارس كان بالشركه يرتب اوراقه
وصلت رساله من ساره لكن ماانتبه لها
دخل عليه ابوه:فارس وش صار ع الختم
اللي حولته لك.
_فارس:يبه لازم نخلص االاوراق هذي بالأول
بعدها نبدا ع الشراكه الثانيه عشان لانخسر
اسهمنا ترا عطيتهم 60٪..
خذتهم السوالف في امور شركتهم.
تسريع الأحداث بعد يوم متعب لتغريد
ردت للبيت وحكت لـمريم كل الي صار
ارتمت بغرفتها وفتحت تلفونها ع حساب
الدكتور ريان وبدت تسترجع المعلومات اللي ذكرها
الساعه9:52م مها وخالد منتظرين طلة
رنيم اللي من الصبح مو دارين عنها حيه ولاميته
:اوف اوف يارب بس مو اللي بالي صار
_خالد:مهاوي اذكري الله ان شاء الله مافيها
الا العافيه.. مهاا بدموع:وين وين للحين ماشرفت
من الساعه ٧الصبح ماندري عـ.. قاطعهم دخول
رنيم الكل ناظر فيها بعلامات التعجب والاستغراب
ناظرت فيهم رنيم بنظرات عفويه وضحكت بخفه
:وش فيكم بسم الله.. قربت صوبها مهاا وعطتها
كف بنص وجهها وببكئ:وينك ياتبن مت من الخوف
لا تردين ولا تتصلين وينك تخيلت كل شي
براسي.. ابتسمت رنيم نص ابتسامه وضمت مها
:انا مو رنيم الاوله لاتخافين كنت بالنادي طول الوقت
.. مها بتعجب:بالنادي! بس مو من عوايدك تسجلي
بنادي شلي صار. رنيم وهي تبعد عن مها:زين
شرايك تسوين لنا شاي واقولكم وش اللي براسي
.. خالد ومها ناظرو ببعض بكل استغراب
وانبهار...
ريان كان ع اللابتوب يكمل شغله ويرصد اعماله
من المستشفى. دخل عليه ابوه وابتسم:كيف يومك
ريان بعدم اهتمام:زين ماعليه تعرفت ع طلاب
السنه التحضيرية بعد اسبوع رح يبدأ كلشي
.. قرب سلمان صوبه وجلس خلفه
كان يلعب ب اصابعه ب ارتباك:احممم اقول
ريان اااااء شسمه ذا امم سجلت
الشركه بـ اسمك.. عم الصمت بينهم
بلع ريان ريقه وزفر بضيق.. رمش عيونه
بسرعه و....
Like
بارت 55
وسرعان مالف ع ابوه وبعيونه دموع
متحجره:ييبه اعتقد تكلمنا بالموضوع
قبل كذا ماابي شي يذكرني بـ ب كوثر
زين يبه يوم اتذكر احس نفسي تموت
احس كل شي بداخلي يحترق يبه مابي
شي تكفى سكر ع موضوع الشركه.. ابو
ريان حس نفسه انخنق من رد ريان له
تنفس بصعوبه وتركه وطلع..رنيم كانت
بالصاله مقابله لخالد ومها وام مها
بيدها كوب شاي حطته ع الطاوله
وتنهدت وابتسمت وقفت:زين اسمعوني
بدون خوف بدون هواش بدون ذعر اتفقنا
_مها:رنيم تكفين ترا بديت اخاف الصدق
_رنيم:انزين اسمعو سجلت بنادي تمام
بطلع من كل اللي عشته بخلي الماضي وراي
مارح اعيش طول عمري فيه.تجمعت دموع
رنيم غورت عيونها كملت بمكابر. يعني بالنهايه
كلنا بنموت بنعيش صدمات حياتنا العمر مره
وحياتنا مره ماندري شلي بصير بس مستحيل
اعيش ع وجع قلبي وكسوره طحت برجع اوقف
من جديد باخذ دم امي بالاول ومن بعدها
باخذ دم اختي ونهايتها بسلم نفسي ع الاقل
لمت بعدين اكون منجزه تكون عداله موجوده
كلشي يضهر الحقيقه اللي مختفيه تضهر
مابي مساعددة احد ولا ابي نصيحة احد
مع احترامي لكم جالسه اقول لكم بس
عشان تعرفون لكني بسوي هالشي يعني بسويه
تمام...طاحت دموع رنيم بوسط خده حستها
مثل سكين جرح اطراف خدها غمضت عيونها
بقوه وفتحتهم اخذت نفس عميق وتركتهم..
مها كانت بصدمه ناظرت بعيون امها المليانه دموع
:ييمه تكفين كلميها قولي لها فهميها
الشرطه لٓـ..قاطعها خالد وهو يشد ع يدها
_اتركيها من عرفت رنيم ولا اذكر مره بحياتي
انها انهزمت خليها براحتها بوقف معاها
وبكون لها جدار من وراها مو بس انا انتي
وعمتي وكلنا رح نكون لنا سسنند.. مها حست
نفسها عاجزه... وقفت رنيم قدام النافذه
وتناظر بالسماء وتفكر دموعها م وقفت
:ااه يبه لو انك موجود ماكان صار اللي صار
لو كان معي سند ماكنت ضعت بالدنيا
ذي انا عجزت وتعبت والله تعبت.
غطت عيونها بطرف ايدها وبكت بنفسها
حست قلبها عصرها وروحها انحرقت من
داخلها..
Like
لامارا غير متواجد حالياً أضافة تقييم إلى لامارا تقرير بمشاركة سيئة