41و42و43و44و45
بارت 41
وتعجب حس لسانه انربط بلع ريقه بصعوبه
_ابو فارس بتلعثام:شششنووو ممم
م ادري..م حس برجوله جثئ ع ركبته.. شافه فارس
وترك أوراقه َقام لـ ابوه
_فارس:بسم الله عليك يبه شنو فيك.. حاول يساعده
لحد م استرخئ ع الكنب...اتصل بالطبيب يفحصه
له ضغطه..وصلو رنيم ومها وام مها للمستشفى.
_مها:تمام رنيم خليكم انتو هنا وانا بشوف
الاستقبال وبسألهم عن تحاليل اُمي اذا طلعت..
هزت رنيم راسها بـ إيجاب وابتسمت إبتسامه
خفيفه توجهت مها للاستقبال
_مها:صباح الخير
_الاستقبال:صباح النور تفضلي كيف اقدر اساعدك
_مها:ااا عندكم خيريه ال** اخذتو منها تحاليل
قبل اسبوع وقلتو الاسبوع الجاي تطلع الا هو اليوم
_الإستقبال:سجلها المدني.. عطتهم مها السجل
وبحثت بالكمبيوتر
_الإستقبال:حولنا تحاليلها لدكتور ثاني
الدكتور سطام في إجازه.
_مها بـ استغراب:شلون حولتو طيب هو موجود
_الاستقبال:تفضلي ف الاستراحه لحد يجي دورك...
خذت مها الرقم. توجهت لرنيم وامها
_رنيم:وشو اطلعت
_مها:مادري يقولون حولوها لدكتور ثاني..
طلال كان بالصاله مرمي نفسه ع الكنب
ويناضر بالسقف دموعه كانت متحجره بعيونه
نزلت اسماء لمحته زفرت بضيق وقربت صوبه
جلست عند راسه وخللت اصابعها بشعره غمض عيونه
وتفكيره برنيم
_اسماء:انسااهااا مالك الا تتقبل الواقع..حاول يتجاهل
صوت اسماء.. فتح عيونه وميل ع جنبه اليسار
وخبئ راسه بصدر اسماء.. حاوطته اسماء بيديها
_طلال:احسني ضايع احسني فاقد لي بلد
_اسماء:كل شي بيمر بتنسئ مع الايام. دفن نفسه
اكثر بحضن اسماء حاول انه يترك تفاكيره وينام..
وصل الطبيب الخاص في ابو فارس فحص له
ضغطه ونسبة سكره فارس كان خايفه ع ابوه
_الطبيب:انخفظ ضغطه شوي وسكره مب طبيعي
حاول انه م يتعرض لـ اي صدمات َاي ضغوطات
خليه يفيق ويود البيت يرتاح فيه اكثر..
_فارس:مشكور دكتور.. ودعه ورد ل ابوه باسه بجبينه
وهو يناضر بعيونه:شلي صاير يبه من سألتك هالسؤال
عمت عليك الدنيا اوووف يارب مب اللي ف بالي
يارب مالك يد فيها...
عند رنيم ومها رنيم كانت. تلعب بتلفونها ومها كانت
تناظر بالداخل والطالع..
_السستر:خيريه ال**....اخذت مها امها
_مها:بتجين معي رنيموه
_رنيم:لا ابنتضركم هنا..
_مها:اممم تعالي معي اخاف لساني يطيح
ع الدكتور الجديد الله يستر.. ضحكت رنيم بعفويه
وخذت شنطتها وتوجهت مع مها..
طقت الباب
_ريان وعيونه ع الكمبيوتر:تفضل....
بارت 42
دخلت مها كانت تدف امها بالكرسي المتحرك
وبعدها دخلت رنيم جت عيونها بعيون ريان
وسرعان م نزلتهم..
_ريان:تفضلو.. أشار بيده ع الكنب
_ريان:خيريه ال**وش المشكله.. عقدت مها
حاجبها وضيقت عيونها جت بتهاوش شدت رنيم
ع يدها وقاطعتها
_رنيم:قبل اسبوع عملت تحليل ووقالو ان التحاليل
تطلع اليوم يوم سألت الإستقبال قالو انهم حولوها
لدكتور ثاني وهي هنا عشان التحاليل بتشوف
وش المشكله..طول الوقت اللي شرحت فيه
رنيم وريان م فارق عيونه عن عيون رنيم
حس شي بقلبه نقزه.
_مها بعصبيه:اي هذي المشكله.. ابتسم ريان نص
ابتسامه
_ريان:تمام.. نزل عيونه يناضر بالأوراق ورد ناضر
برنيم اللي كانت لاهيه وتلعب ب اصابعها
_مها:وش تمام علمنا.. حك ريان راسه بطرف
اصبعه السبابه كان
_ريان:الوالده امكم؟
_رنيم بتعجب:ام صديقتي يعني ام مها صديقتي ليش
مها حست فيه شي مو تمام ناضرت بعيون
رنيم
_ريان:اههااا... رفع سماعة التلفون
_برسلهم الحين عطهم اشعه تلفزيون سريع وارسلهم
لي مع المرافق...قفل السماعه واخذ ملاحظه صغيره
وعطاها مها
_ريان:روحي لعند دكتوره نجود عطيها الورقه هذي..
خذت مها امها جت بتطلع رنيم قاطعها ريان
_ريان:عفوا خليها تروح مع امها وانتي خليك
هنا ممكن؟.. ناضرت رنيم بعيون مها وبلعت ريقها
وجلست ب استسلام.. فتح ريان الباب لمها
وتوجه معاها للمصعد
_ريان:الدور الاول بتلقين قدامك استقبال
عطيهم الورقه بس وهم يتصرفون.. هزت مها راسها
وطلعت المصعد.. رد ريان للغرفته جلس
لمكتبه رنيم كانت مو معطيته اي اهتمام
_ريان:احممم شسمك انتي
_رنيم بتعجب:وش تبي بـ اسمي بعدين ليش جالسه
هنا في استراحه برا بجلس فيهم
_ريان:لالالا فهمتي غلطط بكلمك عشان التحاليل
م حبيت افجع البنت وامها... بلعت رنيم ريقه بصعوبه
وعدلت جلستها
_رنيم:ليشش فيه شي مو كويس
_ريان وعيونه بعيون رنيم:اي.. نزلت رنيم عيونها
_ريان:م ابي افجعكم خليها تطلع من الاشعه اتأكد
عدل.. رنيم كانت منزله عيونها ع الأرض....
طلال بعد يوم متعب حاول انه يغفئ بحضن زوجته
اسماء كانت تلعب بشعره:اهخخخ ياطلال ليتك
معرفتها شلون اخبي غيرتي عليك شلون اخفي
حبي لك اهخخ بس.. اخذت تلفونه بدون لايحس
حاولت تسحب نفسها من عنده حطت له وساده
يكمل نومته عليها... دفته بطانيته وتوجهت
للمطبخ.. فتحت ع السجل ماشافت شي
ردت فتحت ع الواتساب شافت اخر محادثات لهم
قبل ١٤يوم تطمنت وابتسمت لاشعوريا ردت تلفونه..
Like
بارت 43
فارس اخذ ابوه وتوجهو للبيت كانت مسترخي بغرفته
وبحضنه تغريد
_تغريد:اوووه يبه خوفتنا علييك
_ابو فارس بتعب:ههههه مافيني شي يابنتي
_ام فارس:يلا اطلعو خلوه يرتاح
_مريم:نطلع هااا تبين تستوحدين فيه اوووه
كشفتك يمه صرتي مو هينه.. علت الغرفه بضحكاتهم...
وصلت صورة الاشعه لـ ام مها
ناضر فيهم ريان وابتسم بخفه.. دخلت عليهم مها
وبيده ورقة الاشعه
_مها:الله يسامحك دكتور ريان مرسلني تحت والاشعه
فوق ذبحني الدرج بغيت اموتت
_ريان:ههههههه عشان الدكتوره تحت..
طق الباب ودخلت عليهم نجود وهي ممثله الزعل
_نجود:دكتور ريان الاشعه سليمه
_ريان بعدم اهتمام:مشكوره اخت مها ابشرك امك بخير
والتحاليل مافيها شي عندها هشاشه بالعظام
احتمال انها تجلس طول عمرها مقعده
_مها تجمعت دموعها بعيونها:شششلون ي ي ييعني.
_ريان بحنيه:لاتخافين بنعطيها ادويه والحبوب
غيرته لها استمري عليه ان شاء الله كل شي تمام...
خذت الورقه منه وتوجهت للصيدلية...
_نجود:ريان..
_ريان:هلا.. جلست نجود مقابله له
_نجود:انا اسفه... ناضرها ريان بعيونه وابتسم
نص ابتسامه
_ريان:اسفه ع شنو
_نجود:قليت ادبي شوي بس والله العظيم مالي
نيه سيئه... شافت ابتسامة ريان لها ابتسمت حست
براحها
_ريان:تمام اختي ماصار الا كل خير... نجود سرعان
م اختفت ابتسامتها بوزت تجمعت دموعها مسحت
انفها بطرف كفها وطلعتت.....
كوثر كانت بغرفتها وهي منصدمه من الورقه(انا اسف
كنتي لي زوجه ونعم الزوجه رعيتي لي ولدي
وكبرتيه طول٢٤سنه ماانكر وقفتك معي بكل لحظاتي
بس جا الوقت اللي الملم شتات عيالي كتبت نص
املاكي لك والنص الثاني لريان واخته انا آسف)كان
مع الرساله ورقة طلاقها)
_كوثر:شلون هنت عليك ياسلمان اه اه بعد هالعمر تطلقني
ياسلمان الله حسيبك ياسلمان.. طاحت دموعها
ضمت الورقه لصدرها وهي تصيح بنفسها....
رنيم كانت بالصاله تتابع التلفزيون.. جت بجنبها مها
_رنيم بذبول:نامت
_مها:اي عطيتها حبوبها ونامت.. عدلت جلستها وميلت فمها
وهزت رنيم ب كتفها :قولي لي شفيك الخسيس رد يكلمك؟
_رنيم:مها اليوم يوم كنت طالعه من البيت يعني
كنت بجيك جاني طلال..طاحت دموع رنيم ع خدها.
بارت 44
..طاحت دموع رنيم ع خدها
مسحت مها دمعتها
_مها:عيوني يارنيم صدقيني ربي بيعوضك بالي
احسن منه بيعوضك ربي بشخص يتمسك بقلبك
انزين يوم جاك شنو قالك.. بلعت رنيم ريقها وغمضت
عيونها واخذت نفس عميق وزفرته
_رنيم:يبي يرجع لي يبيني نرجع مثل قبل بس
م عطيته فرصه يكمل هالمره كلمته بعقلي
قلت له انت بطريقك وانا بطريقي مقدر
اكمل حياتي مع شخص متزوج.. ضمتها مها
بحضنها وباستها براسها
_مها:زين سويتي ولا تعيشي طول عمرك بتأنيب
ضمير.. مسحت دموعها ب طرف اصبعها وابتسمت
إبتسامه مليانه تعب
_رنيم:برجع البيت الوقت تأخر شوي...
_مها:تمام انتبهيلك اول م توصلين كلميني.. هزت
رنيم رأسها بـ إيجاب ودعتها مها للباب..
__بالمستشفى انتهى دوام ريان وكان بمكتبه
يرتب اوراقه ناضر باالكنبه اللي كانت جالسه
عليها رنيم حس قلبه. نقزه حط يده ع قلبه
واخذ نفس وزفر. _شلي صاير لي يالله.
اخذ تلفونه وخلع جكيته وتوجهه لشقته.
ببيت ابو فارس الكل كان مجتمع بالصاله
ماعدا ابو فارس
_تغريد:فارس متى الحين قررت تسوي الزواج
ترا طالت السالفه ابي اتفشخر وهيك يعني
_مريم:وين طالت تو الناس ان شاء الله ياتغريد
انتي قبله
_تغريد بتقليد:ان شاء الله ياتغريد انتي قبله
يع اصلا الرجال كلهم ملاعنين وتسذبين
وخاينين.. اختفت ابتسامة مريم وبلعت
ريقها رجعت لها سالفه قديمه كتمت نفسها.
ناضر فارس لتغريد بنضرات فزت منها
_فارس:وانتي شدراك ان الرجال خاينين
هااا علميني علميني..
_تغريد:يعني قصدي انه مثل شسمه ذا
المسلسلات يعني يخنون قبل لايتزوجوَن
وبعدين عادي يحبون زوجاتهم كذا كنت اقصد
بس انت الله يهديكك..رفع فارس حاجبه
_فارس:زين انطمي بس انا بطلع انام
حدي منتهي
_ام فارس:تنام الحين مابقى شي ع المغرب..
فارس حك راسه بيده وابتسم بخجل فهمته
تغريد وضحكت بعفويه
_تغريد:يمممه مافهمتيه العاشق الولهان ههههههههههههههههههههههههه هه
.. رماها بالوساده وتوجهه لغرفته..اخذ تلفوونه
وفتح الكام واتصل بساره فيد..
عند رنيم وصلت البيت ومحمد كان متخبي خلف الباب
يراقب حركات رنيم_اووه يارنيم اشوف الزقان
لها فتره مب معك واخيرا كشفتي وش يبي
صدقيني مارح اخليك لحد غيري...
دخلت رنيم البيت افتحت اللمبات رمت شنطتها
وتلفونها ع التسريحه ارتمت ع السرير
كنها طفل غمضت عيونها وغطت وجهها بيدها
_خلاص يارنيم عيشي حياتك وانسيه..
بارت 45
سلمئ حست قلبها مو راضي يهدأ توجهت
لشنطتها م لمحت مفتاح بيت رنيم بلعت ريقها
وصارت ترجف_اوو ياربي لا لا لا يارب م
اخذه محمد! محمد يحببني مستحيل يسويها.
حطت يدها
ع قلبها خذت تلفونها َتوجهت لبيت رنيم..
قرب محمد صوب غرفة رنيم وفتح الباب
بخفيف شافها نايمه ضحك بخبث
وقرب صوبها كانت مستقله ع ظهرها
فتحت عيونها ببطئ لمحت محمد وبققت عيونها
بصدمه جت بتصرخ سرعان م قفز محمد عليها
وحط يده ع فمها وثبت يده الثانيه برقبتها
و رجوله مثبته بين رجولها
_محمد بـ ارتباك:اششش ان صرختي صدقيني
بذبحك هنا ماصدقت وتجيني اللحضه
اللي امسكك فيها واخذ اللي ابيه اووه كل
هالجمال والزين ومحد يلمسها لا لا الصراحه
عيونهم عميانه عليك.. رنيم كانت ترجف تبي تصرخ
وتقاوم لكنها مو قادره تتحرك صار عرقها ينزل
بجبينها وقلبها دقاته سريعه الخوف بعيونها دموعها
كانت تنزل ع خدها.. قرب محمد شفايفه برقبة رنيم
كانت تقاوم وتحاول تضاربه لكنه كان اقوئ.. وصلت
سلمئ للبيت ولمحت سيارة محمد بدا خوفها يزيد
حاولت تفتح الباب لكنه كان مقفل قفزت من نافذة
المطبخ بلعت ريقها وكانت تمشي صوب صوت محمد
والدموع متحجره بعيونها... محمد كان يضرب بخد
رنيم وبنفس الوقت يرجع للقذارته رنيم حست نفسها
ضعيفه.. مو قادره تسوي شي غير انها توكل
امرها لربها غمضت عيونها وهي تصيح بنفسها
اخذت سلمئ سكين وتوجهت صوب غرفة رنيم
دفت الباب بكل قوتها قفز محمد من ع رنيم
ورنيم صرخت بكل قوتها محمد بحركة سريعه اخذ
السكين من يد سلمئ. سلمئ ودموعها بوسط
خدها
_سلمئ:تخونني ياحققير اانا اللي حبيتك وسلمت
لك عمري سويت كل شي لـ اجل ارضيك وانت
جرحتني واوجعتني رح افضحك قدام العالم
كله صدقني رح اخلي سمعتك بكل مكانن.
محمد كشر ع سنونه اخذ السكين وبدون إنذار
غرزه ببطنها شهقت سلمئ وبققتت عيونها
بقوه ناضرت برنيم.. صرخت رنيم بكل قوتها
صارت تصيح وتبكي وصل صراخها لخارج
الحي سحب محمد السكين وكان الدم متناثر
بكل مكان كان مصدوم رمئ السكين بالأرض
وهرب طاحت سلمئ ع الأرض مثل الجثه
الهامده قربت صوبها رنيم وضمتها لصدرها وهي
تصيح
_رنيم بصياح:ساااعدوووني هااااااي تعالللوووو ساعدوني
ياعالم اه ياربي اه... تجمع كل اهل الحي حول بيت
رنيم..