الفصل 4
الجزء الرابع
{.. مع الذكـــــــرى ).
.
عمـــــــــــــــــــــــ ـــر
مرو اربع شهور من تزوج مالك وانا متردد وخايف احس اني جبان............صليت الاستخاره وما حسيت بشي...عدتها ثلاث مرات وبرضو ما حسيت بأي شي..........توكلت على الله .......ليش ما اضبط الشقه و اثثها ..اضبط نفسي والقى شغله ثابته غير الانشاد ...وبعدها اتفرغ لها ...اخطبها واتزوجها .........اااااااااه يا ساره ...قلبي عليك يالغاليه...غمضت عيوني استحضر اجمل ذكريات حياتي ...........
(((((((((: مااااااااااالك بالله تكفى
عمر : مالك يالله عطها
مالك بعصبيه : سوووووويرررر ..انقلعي
ساره مصره ومتمسكه بذراعه : حبيبي ملوووكي يالله حبيبي
مالك تنهد وناظرني بقهر : كله منك ياالدب يللا انت عطها
ابتسمت وناديتها ابيها من الله : سارونه تعالي عندي انا اعطيك
ساره تناظر مالك وتبوسه على خده ..: ازعجتك وانت عليك اختبار ااااااسفه
كنت متكي على المركه وحاطها تحت ابطي وثاني رجولي...قربت مني وجلست بحضني ..بين ثنية رجولي وصدري...
بستها على راسها وعطيتها من حلويات سعد الدين اللي معاي ...اخذتها وقعدت جنبي...كانت عيوني تتبعها باهتمام...
مشكله عند مالك ما يذاكر الا عند شوكلاته فاخره وغامقه ولاااااازم يكون بها مراره...... ورفض يعطي اخته لان عندنا اختبار ادب... وماالك والادب عشق ..
كانت ساره بسادس ابتدائي...يعني بنت ع اول فتوتها...كنت اتأمل ملامحها الصغيره وابتسم لبرائتها وشقاوتها اللذيذه...
مالك بحزم : خلاص ساره قومي نبي نذاكر........ساره تتجه لمالك وتبوسه على راسه : احبك لا تزعل اسفه
ضحكت على كلامها وبقلبي كل يوم تكبر ذرة الغلا اللي اشيلها لها ..........
من اول ثالث ثنوي وابوي حالته حاله..ارسلنا تقاريره براا وردوا علينا بعد شهرين بس ابوي رفض الا يأجل الموعد عشان اروح معاه ...........
استلمت وثيقة التخرج وعلى طووول للمطار....
بالمطاار كان همي اقول لصديق عمري عن اللي بقلبي
: مالك مادري متى ارجع بس بالله لي عندك طلب
مالك وعيونه مغرقه دموع ..: انت تأمر امر يالغالي
ابتسمت وقلت له : ما ابيك تزعل مني ..وعد؟؟
ابتسم وقال : وعد
: اممممممممم ساره لا تزوجها ابيها لي ...انا مستعد اخطبها من الحين ..واستنها لييين ما تخلص الجامعه
كانت ابتسامة مالك تتسع وقال : والله لو هي بيدي هي لك ....بسسسسس اول شي بدري على هالسالفه .......وثاني شي اذا هي من نصيبك بتاخذها ان شاء الله..طول بالك يالغالي
عضيت على شفتي وقلت له : مالك اسألك بالله لا تقطعني ..ابرسلك ع الايميل طيب...وحتى الجوال كل يوووم اربعاء الساعه 12 بالليل بادق عليك
ماالك ضمني وهو يقول : بافقدك ...يااخوي
: وانا اكثر يالغالي ........... الله لا يحرمني منك)))))))))))))))))
عضيت اصبعي بحركه معتادها لا سرحت ...اذكر لما دق علي مالك نااااسي وصيتي وقولي
((((((مالك : السلام عليكم
: وعليكم السلام هلا هلا وش صاير بالدنيا مالك بجلالة قدره دااااق علي خير ان شاااء الله
مالك : الخير بوجهك يالغالي ......وااااااااااو مستانس حدددددددي
: فرحني معاك انت ووجهك..
مالك : اختي الغاليه وافقت على ولد عمي تركي اللي امه وابوه مطلقين..تذكره صح ........يالله يا عمووور شـ كثر مستانس
ظليت ساكت من الصدمه..
مالك : عمووووور الو الو معاي
: مالك سألتها
مالك : ايييييي ووافقت
: عني انا؟؟؟ سألتها ؟؟؟قلت لها يا مالك؟
مالك : هاه ...عمر الزواج قسمه ونصيب
صرخت عليه وانا بحياتي ما سويتها : سألتها والا لأ؟؟؟؟؟؟؟؟؟؟
مالك بهدووووووء: بصراحه بصراحه .........لأ
قلت بهدوء وقهر : لييييش انا قايل لك اني قريب بـ ارجع وو..............
قاطعني مالك: خلاص عمور البنت وافقت وهالكلام ما منه فايده الحين........
قلت بقهر : صح صح صح ما منه فايده ..بسسسسسسسسسس انااااا انااا...........
سكت قبل لاقولها ...قبل لاعترف لاخوها الغيور الحبيب حبيبها صديقي اخوي...قبل لاعترف بحبي...
مالك بعد صمت وانا دموعي تنزل دموعي اللي ما عرفت طريقها على خدودي الا بوفاة ابوي...: عمر اذكر الله ...البنت بدالها الف بنت ...لا تتضايق بسبي يالغالي..تكفى
تنهدت وقلت وانا احاول اعدل صوتي : احمممم ...لا تخاف انا ما ازعل منك يالطيب يالحبيب..يا اخوي ....مع السلامه
مالك : بحفظ الرحمن"))))))))))
كانت هالمكالمه = القشه التي قصمت ظهر البعير=بكيت غربتي ...بكيت حبي.........انفجرت عندي كل الذكريات اللي تجمعني فيها..
لعبها
ضحكها
ابتسامتها
ادري كانت صغيره بس حبيتها وكنت مكتفي بهالحب وما ناظرت غيرها ابددددد.......
يوم أن كنا صغارا .. كان في القلب أمل..
كنا نلهو لا نبالي .. أينما كان الزلل..
كانت الأرض نشيدا.. فيها ألحان الصبا..
تسكب الألحان شعرا.. عبقريا لا يمل..
ياترى كانت خيالا يوم كنا نمتطي. ظهر صنوان الأماني..
أم تراها لم تزل..أم تراها لم تزل..
كنت اردد الانشوده من اعماااااق قلبي...........
لمـــــــــــــــــــــــ ــار
انسدحت جنب ولدي ..اريح شوي بعد عناااء الشغل والمطبخ .....الشغاله صايره تقهر ..لان امي مقعده ...صارت تشتغل على كيفها...ناظرت ولدي ...مغمض عيونه بسلام ...تذكرت خطبة مالك ..يومها كنت منسدحه واتأمل بولدي..
تتخيلون اني ثلاث شهووور مادري عنه ...انهيار عصبي...بعدها بكىىى بالليل والنهار بشكل متواصل.....عشان كذااا تعلق ولدي بمالك ...كان يعطيه الشغاله ...تغير له وترضعه ..وهو يقضي ثلاث ارباع اليوم معه.........
عدتي اللي قضيتها بكى ودموع وقهر ....ساره اللي محتاجه سند ...ساندتني ........وقفت معي ...بالحلوه وبالمره..........بالشهر الرابع ..جابو لي ولدي ..صار ما يعرفني ...بسب جفاي ..طول عمرها قلة حيلتي بالمواقف الصعبه تغلبني....
اتذكر زيييييييين هذاك اليوم ............طلع يوسف من الساعه ثمان ونص كالعاده ...للساعه 11 بالليل ما يرد ولا اتصل ...عشت بقلق ...تحول لاكبر كابوس كنت خايفه تجيه نوبة ضيقة التنفس وهو لحاله.........ظليت قاعده على كراسي الاستقبال وانا ادعي المولى يحفظه من كل مكروه ...كانت هذيك الليله اللي استرجعت فيها كل كلامه وآلامه...صابته عين وصار يكرهني .. طول ما قرى على نفسه ..الين النتيجه..
(((يوسف وهو يمسك يدي ويجلسني جنبه : لماااار انا اسف ..لاني ما رديت عليك ..لماا اتأخرت وما انتظمت بالقرايه على نفسي من العين اللي صابتني...العين صارت................. سرطان بالرئه
نفضت يده وقمت مفجوووعه : انت قلتي لي هالكحه وضيق النفس اللي يجيك ربو...
هز راسه بلأ وهو يحط يدينه على راسه ويتكي بكوعه على ركبه: سرطان ويتطور بشكل مخيف..
رفع راسه وناظرني بعيونه الذبلانه...على الرغم من كل عيوبه اعشقه ..: لماااار ..لا تحرمين امي منك...لماار.. وافقي عليه.. هو اب لاحمد اكثر مني حتى الاسم هو سماااه...امانه عليك توافقين عشان خاطري...
قلت بقهر وعصبيه : انت مجنوووووووووون شـ هـ الكلام يا يوسف ..انت واااعي للي تقوله..ووو..
اختفى صوتي وسط شهقاتي..وصدمتي..ليش ما قال ليش ما نطق ...ليش ما خلاني اوقف معه بمحنته...
يوسف وقف وقال ببرود : انا قلت لك اللي بقلبي..انا احبك ..وعاذرك لاني عارفك منصدمه..ما عندي شي اقوله الا اني اوصيك على نفسك ..وعلى حمودي خلي مالك يربيه ...ابيه يطلع بقوته بعناده الايجابي..باخلاقه بـ التزامه ...مالك رجال ينحط ع اليمين ..هذاا عضيدي الغالي ما لي عنه غناة..)))))))
طلع من الغرفه وخلاني ببحر ثاير امواجه تضربني بدون هواده...بنفس اليوم رجع بدري وعبر لي عن اسفه بطريقته الخاصه....كنت خايفه تايهه...
بعدها باسبوع تقريبا.. وحال يوسف من ردي لاردى ..ولمااا كنت استناه بصالة الاستقبال ..دخل مالك ..لحاله ..تغطيت بسرعه وقلت له
: مالك..
انتبه لي وهو عاقد حواجبه : نعم ..
قلت والالم يعصرني واحس ان بطني بينفجر من المغص..: ي يو يوسف تــأخر وووو ما يرد علي
طلع جواله ..وظل اصابعه تضغط عليه ..ثواني وطلع ..يركض..كان قلبي حاس صاير له شي...للصبح وانا بمكاني وولدي يرضع من صدري فما تحركت ابد...وجوالي شغال باعادة الاتصال على " حبيــ ابو احمد ـــبي "..الصبح ع الساعه ثمان طلع عمي لشغله وشافني استفسر مني عن قعدتي خاصه اني بنفس اللبس من امس ..تحججت بانو موجاييني نوم وباقعد هنا عشان ولدي ما يقعد ابوه و امي قعدت معي وهي حاسه انو مالك متضايق...جلسنا مع بعض والجووو مشحوووووون توتر وقلق..
الساعه 9
الساعه 10
الساعه 11
الساعه 12
آذان الظهر
لا مالك مبين ولا يوسف يرد.....قولوني تقطع من المغص ..دخل مالك البيت بعد الساعه 1 وشوي..عيونه حمر وشكله مبهدل ع الاخير..همست بصدمه وانا اناظره ناسيه نفسي
: مات !
مسح على وجهه كدليل انه متوتر ..وقال بصوت هادي : يمااا .. يوسف سوى حادث ..هو بالعنايه المركزه الحين ..ادعي له ..
جلست بكل قوتي ع الكنبه القريبه ارخيت نقابي ..همست
: مالك الله يخليك قل الحقيقه ..مات صح؟
مالك ما ناظرني ابد ..عيونه لامه اللي سمت عليه وحضن اكتافها..:لا ان شاء الله بسسس ادعو له ..حالته صعبه..
:شلون صار الحادث؟؟؟
مالك على نفس الوضعيه : مجمع الكباري..قلبت سيارته..احم احم ..يماا الله يخليك لاتبكين ادعي له..
:شـ وداه هناك ..
مالك وهو يتعدانا : راح لعمي يسأل عن تركي..قال لي قبل لايروح..بس ما لقى احد..حسب مكالمتي له ..قال لي انه بيروح الراشد ويبي يروح تويز ار اص او اي محل العاب..
غريبه يا دنيانا
كيف الالم سكن باقوانا
كيف الحزن استوطن سمانا
يا كيف الجرح ابتلانا
ما تذكر ولده الا لحظاته الاخيره...لا تستغربون يوسف ما يحب الاطفال بس حبه لولده فطري كل فتره يشيله ويلاعبه ..كنوع من التغيير لا غير ...
مالك هو اللي يحبه..هو اللي سماه ..هو اذن باذنه..هو اللي جاب لي سريره وبطانيته الاولى ...الله يرزقه باللي تعرف قيمته وتصونه...
اااه قعد يوسف ساعتين بعد ما درينا وبعدها مااات...كان مالك ينام عند عمر...وانا بالبدايه صار لي انهيار عصبي...رجعت البيت بعدها بيومين ومن هاليومين ...وانا لا ليلي ليل و لا نهاري نهار....بكيته ...بكيت حبه ...بكيت نفسي ...بكيت قلبي ...لمااا بكيته.........انقطعت عن الدنيا..حتى ولدي ما عاد فيني حيل اشيله..احتواه مالك لمااا امي صار بها شلل ..قالو لنا ان اللي فيها نفسي ...يا رب يا كريم.........
سمعت صوت عالي وكنه مالك يصارخ...قمت وانا اتعوذ من الشيطاان ..مشيت ببطء..وفتحت باب المكتب اللي كان يصدر منه الانين...
شفت مالك نايم ويصارخ ......::عمرر لالا عمووووووووور ..عمر
كان هدوووء البيت والرخام يساعد ان صدى صوته يوصلني......هزيته وناديته
: مالك انت تحلم مالك مالك
مالك وهو نايم ومستمر : رااااح مثل يوسف راح وخلاني ..عمر عمر
: بسم الله علييك مالك......
اخذت كوب المويه اللي واصل لنصه وبللت اصابعي ورشيت على رقبته وجانب من وجهه
فتح عيونه ..وجلس وهو نص نايم..هزيته : مالك انت تحلم ..تعوذ من ابليس تعوذ من ابليس
ناظرني وسألني : عمرر وينه
: تعوذ من الشيطان ..حلم اللي شفته حلم ....تعوذ من الشيطان..
ابتسم : حلم !! يعني عمررر هنااا مااا
قاطعته وانا اشد يده عشان يقوم : مالك قوم غسل وجهك وتعوذ من الشيطان..
قام ووصلته لباب الحمام ورجعت لولدي ...انسدحت جنبه الليله ملكة فاطمه...لازم اريح بشرتي من الصبح قعدت اليوم ....
غفيت وصحيت على صوت مالك : هلا بابي حبيبي انتا حبيبي
ناظرته كان يلاعب حمودي وهم قاعدين ع طرف السرير بعيدين شوي عني..وحمودي يسولف عليه : بابا كوووتآآآ
مالك يبتسم له : الحين بابا الحين..
ناظرني وابتسم..يا ناس عليه ابتسامه غصب عني اردها له...ابتسمت ردا على ابتسامته..كانو قاعدين بجهة مالك قربت لولدي..وشديته صرت قاعده جنب مالك بمسافه..وولدي مسوي لجه..بوسته زي العاده وقمت وانا اتحرك على ركبي من ورى ماالك....مسكني مالك من معصمي لما استقرت رجولي على الارض ...لفيت له مستغربه..طوال هالشهور ما حاول حتى محاوله انه يقرب لي....
قال بهمس : لا تبوسين ولدك قدامي ..مفهوم
حركت يدي بانزعاج وقلت : طيب ابعد ..
بسسسس هووو سحبني وجلسني وقرررب ..صارت انفاسه الحاره تلفح وجهي.......ابتعدت بسرعه ..... وقلت اذكره
: و الوعد..
كتفني ..قرب شفايفه من خدي وقال : مو مشكله..
باسني على خدي بسرعه وطلع ...........كنت متوتره ومنحرجه ومعصبه...اففف ولدي قاعد ..سكرت باب الغرفه بالمفتاح ودخلت الحمام وبسرعه تحممت وطلعت ..كان ياذن العصر وانا اتحمم..لبست فستان لنص الساق بكم قصير ..عشان المكياج والمشغل وهالسواليف...
صليت وقريت اذكار المساء..شعري مبلل ووجهي احمر من العصبيه..وولدي مسوي لجه ..بابا بابا غثثثني..خليته يصيح عااادي اقدر اتحمله...طلعت فستاني واكسسوارتي..وجهزتهم بشنطه صغيره ..كنت ارمي رمي من العصبيه ...وقفت وعديت للعشره..شهيق زفير اااااااااه .....استغفر الله استغفر الله.......ناظرت عمري بالمرايه ..يع النحف مو شي عليا..لمست خدي .. انتبهت على لون خدودي اللي صار احممممممر...كرهت نفسي...طلعت وولدي يركض قبلي ..نزلت من الدرج...وانا شايلته..بس وقفت بنص الدرج لاني شفت مالك ..واقف عند الباب وباين انه يبي يطلع...كان يناظرني نفس النظره اللي ما افهمها....نزلت عيوني بسرعه وجهي احس انه ولللللللع..كملت طريقي ..دخلت المجلس..سلمت وجلست جنب امي باين انها متضايقه ..
: يمااا سلامات شكلك تعبانه ..امممممممم تبين نقعد بالبيت عاادي ترى!!
ام مالك : لا يمااا مو تعبانه .بسسس رجلك تعبان ..الظاهر ضرب مخه...افففف
ابتسمت ..عرفت قصدها : ليه يمااا شـ سوى..
ناظرتني ..عقدت حواجبها بانزعاج : هاه ..بعدين اقولك..
مسكت يدها الحنونه وقلت :يمااا اذا....
قاطعني بدخوله المفاجئ وصوته العالي : خلصوني متى تبون تروحون المشغل ...فايزه حرقت جوالي ..وانتي وين جوالك ؟؟
رديت وانا عيوني للارض ...: فوق
قال بنفس النبره العاليه : وش يسوي فوق .. روحي روحي نادي ساره وألبسي بسرعه...
رفعت نظري لامي وشفتها تناظرنا وهي فاتحه عيونها للاخير ومقوسه فمها ..وااااضح مو عاجبها الوضع ..ابتسمت وقلت لها
: اجيب عباتك يمااا والا اوديك غرفتك
امي ناظرتني باستغراب وقالت بعدم رضى : روحي يماا رجلك معصب ..بس تنزلين جيبي عباتي..
التفت له شفته يتجه لحمودي ويبتسم له ..ما احد يعرف لك يا مالك ..ساعه هاااادي وملاك وساعه اعوذ بالله ..استغفر الله..
انتبهت على صوته : مطوله تتأملين ...اخلصي يالله
: يالله ..عن اذنكم...
طلعت بسرعه وناديت ساره ...
مــــــــــــــــــــالك
وصلت امي لعمتي ولمار وساره للمشغل .........دقيت على عمور رد بعد ثاني رنه...
" هلا والله ..هلا بالطش والرش ..
:هلا بك زود ..امممم وينك
عمر : امممم بالبيت
: اها طييييييييب ما تجي للعزيمه
عمر : سسسسوري نووووو
: اففففففففف زين ابي امرك بالليل ابي اسهر عندك ..عندك شي؟؟؟
عمر : يا هلا ومسهلا ...اجل ابجيب المقاضي...
:هههههههههههههههههههههههه� � اجل خلص بالليل الوعــ...بالليل نلتقي سلاااااااااااااااااام
عمر : يا هلا والله مع السلامه "
رديت البيت وتروشت ..ناظرت المكان..كانت اقرب من انفاسي .........بسسسسسسس اخخخخخخ تقهررر هالبنت ...سمعت صوت جوالي...رديت بدون ما اشوف ....اخيه.. خقييت .........عليها نعووووووومه
" سلام
: وعليكم السلاااااااااام
لمار : ااااااااا خلصنا تجي
: إي اجي ليه ما اجي ...بس استنو ربع ساعه ..
لمار : لا تتأخر ..عشان..فاطمه
قاطعتها وانا ارمي الروب وابدى لبس : حاااااضر انا بالبيت ألبس واجيكم..
لمار : طيب ..مع السلامه ..
: في امان الكريم .."
لبست بسرعه وكن كلامها اوامر ..........تعطرت ..لالا تروشت بالعطر ترويش...عدلت شماغي ..ناظرت نفسي ..فديتني والله اني حلووو ..بسم الله عليا...طلعت بسرعه ...لما وقفت عند المشغل ..دقيت على رقمها ..
" هلا
: هلا بك ...اطلعو
لمار : طيب"
سكرت بسرعه ..ثواني وطلعت ميزت زولها بينهن ...طولها وسط وعبايتها ما فيها شي يميزيها ..بس عرفتها ..ركبت قدام ..تعرفون شـ كثر مستانس ..... يعني هي تعتبر نفسها زوجه لي..
....: ماااااااااااااااالك
قلت بنرفزه: بسم الله االرحمن الرحيم .خيييييييير.. وبعدين وش جايبك معنا وين رجلك انتي؟؟!!
فايزه : الخير بوجهك ..صار لنا ساعه راكبات ..والمكياج ساح ...والاستشوار راح فيها بسبتك
قلت وانا احرك السياره بعصبيه ياكرهي لي يناديني والا يضربني وانا سرحان ..
: مو من بعد البيت يا مدام فايزه ...
فايزه : طيب طيب اسفين ..بس استعجل فطوم مسويه لجه وصجه بالبيت ...
سألت باهتمام : ليه يا حظي؟؟
فايزه : متخلفه ..وش دراني عنها ..
رديت بحزم : احترمي حالك ..تراها اختك الكبيره ..
فايزه : يؤ يؤ يؤ ما لقينا نتكلم عليها الا قدامك
رديت بعصببيه : انكتمي
فايزه : ليش طيب اني قلت انك ما ترضى عليها ..وانت فعلا ما ترضى عليها
: اووووووووهووووو عاااد ... سدي حلقك احسن لك ...
سمعت همهمت ساره وهي تحضن حالها..سكت..وانا اتعوذ من الشيطان واستغفر ...احس اني صاير شراره ..ما اصدق احد يزعلني عشان انفجر...وصلنا بيت عمتي ..نزلت فايزه وساره ودخلن ...يا ناس فايزه في اغبى منها...يعني لمار معها شنطه وولدها نايم بحضنها ..وهي ما معها شي ولا استنتها ولا ساعدتها..ناظرتها وفيني ابتسامه ..ما تحركت ..
: ليش ما تنزلين !؟
بهدوء قالت : ثاني مره رجاءاً امسك اعصابك لا صارت ساره موجوده..
التفت الجهه الثانيه وانا اتنهد..
سمعتها تهمس : حمودي ..ماما ..قوووم ماما ...حمود..
التفت عليها ....ودنقت عليه لان راسه قريب مني وبسته ..تعرفون صار راسي بحضنها..ابعدت بسرعه وانا احاول اسحبه..لحضني..
: هاتيه انا انزله لك..
رفعته ومسكت يديها بيدي لما عطتني اياه ..ناظرت عيونها ..اللي حجبهن الغطا الخفيف ..وهي بعد ناظرتني..بس نظراتها بارده ما فيها حياة..كل هذا صار بثواني ..سحبت ايديها البارده من ايدي ...وشالت شنطتها ونزلت..
رحت االديوانيه بعد ما رجعت اخذت حمودي من يدي.. شفت ابوي يكلم بالجوال :" يا رجل انت شـ خسران.......... افففففففف منك يا مشاري كيفك مع السلامه ..زين زين "
سكر وناظرني ..قال بقهر واحباط : اخوووي ...هز راسه بلا وهو يزم شفايفه
ابتسمت وقلت : يبااا ما تعودت
ابوي : اخ يا مالك ..كل الاخوان ظهر وسند ...الا اخوي ..يكسر الظهر..
: اذكر الله يبااا .. كنك ما تعودت عليه يعني ..
هز راسه بعدم رضى وقام : انا رايح اشيك على العشا ..
دقيت على االمطبخ من تليفون الديوانيه ..ردت الشغاله
" يس بابا
: خلي ماما فايزه او نهله جيب قهوه رجال
....: ملووووك بالله تعال لفاطمه ..زهقتنا
رديت باستغراب : من انتي ؟؟ وش دراك اني مالك
....: يوووه انا نهله ..وسمعت صوتك تو يللا بالله تعاااال
تنهدت : في احد عندكم
نهله : ما في غير اهلك
: زين جاي "
رحت باتجاه الفيلا وفتحت الباب الرئيسي..تنحنحت وانا ادخل ..طلت علي عمتي وسلمت عليها وباركت لها ..
سألتها : وين البنات يقو..
ما كملت كلمتي الا بيد تجرني..التفت على ...نهله اللي كانت تقول : تعال اخلص من هنا
طلعت فوق ودخلتني على ثاني غرفه ..دقيت الباب قبل ودخلت..لقيتها منسدحه ومتغطيه كلها بالبطانيه وتشاهق ..قربت منها مُكره ............
: احم احم ..فطووم..
رفعت الغطا وانفجعت من شكلها ..يعني مو بس عيونها حمر خدودها وحتى جفونها منتفخه....رمت نفسها علي.......حقير انا حقير.............همست وانا احاول ابعدها
: فطومه شفيك يا قلبي ليش كل هذااا..
فاطمه تشاهق وهي تتكلم وما زالت بحضني : ليه ..يغصبوني..والله ما ..سويت شي ..حرام عليهم ..
تكلمت معها..وحاولت اهديها..بس ظلت تبكي على صدر ي.....حاولت ابعدها ..استحقرت نفسي ..بس هي متمسكه فيني....انفتح الباب .............ودخلت ................لماااااااااار....ما دري مبين علي اني متورط والا لأ...بس اللي باين لي ..ان لمار منصدمه من المنظر وحسيتها ..........متقرفه......من نظرت عينها لتعابير وجهها.....
لفت بتطلع بس قلت بقل صبر : ام احمد ...تعالي
كان تنفسي واضح ..وكنت متأكد ان وجهي احمر .........
- تتوقعون ايش ردة فعل لمار ؟؟
-عمر هل راح يخطب ساره ؟؟
-هل ساره راح توافق عليه في حال خطبها ؟
[/size][/b]
Like
قمرااي likes this.