اثر باقي ي سعود في عناي - الفصل 9 - مكتملة | روايتك

وطلع للصاله وهو يشوف البنات جالسين : بنات ماوراكم دوام ايار نفخت بطفش: الا بس ماتعشينا ام رنوه : يويلي يالتسذوب والعشاء اللي حطيته لكم وشو ايار: مرقوق وانا ما احبه ما احد اكل غير البزران ورنوه صح نورسين نورسين بخجل: ايه ام همام بهواش: والله من زود الدلع نقلب فيكن وعيتن ضيف وهو مبتسم:هدي ياخاله بعدين ايار ونورسين بناتي لو يبون عيوني يبشرون فيها بسيل بغيره: عشتو وانا ضحك بصوت عالي: عيني اليمين التفت على رنوه الساكته: وهذي لها القلب كله : تبون مطعم يجيكم ولا تبون ترحون وقفت ايار: بنروح الله يخليك طقت تسبدونا ضيف: يلا تجهزوا بوديكم فزوا مستانسات طالع لبسيل: يلا قومي بسيل وهي شايله البنت: لا ماني رايحه جيبو لي معكم هز راسه: ابشري نزلو البنات متحمسين طالع لعبايتهم وسكت بالسياره: ضيف ب اسلوب هادي: ايار ونورسين ابوي وش كان دايم ينصحكم فيه ايار : اشياء كثير ضيف : مثل ايار : مانطول صوتنا على اخوانا الكبار نحترم امي وخالتي اذ طلعنا نلبس عبايات راس لانه مايحب الكتف ضيف : يعني تدرون ان كذا ابوي بيزعل منكم مو معناته انه راح على الدنيا خلاص ننسى وش كان يحب ويقول لازم نرضيه حتى وهو بالقبر لانه يحس فيكم لانكم قطعه من قلبه مايحب انكم تتزعلون يبيكم دايم على قلب واحد صح ايار دنقت راسها: صح بس دايم البنات لبسهم كذا التفت على نورسين: انتي نفس كلامها نورسين : مرات البنات يسون شي غلط ونضطر نسويه علشان مانتفشل وحنا ندري انه غلط ضيف: وهو بالاساس خطا صح ايار ونورسين: صح ضيف: علشان كذا ماعليكم من البنات والناس عليكم من انفسكم وتربيتكم انتم على صح ماسويتو خطا علشان كذا ابيكم دايم تهتمون بكلام ابوي ابوي قبل لايموت كان دايم يوصي عليكم ويخاف عليكم لازم تخافون عليه علشان راح يتحاسب على افعالكم ايار : ان شاءالله ماراح نعيدها ضيف بتصحيح: انا ماكلمتكم علشان اخوفكم ولا اهاوشكم ابيكم يوم تلبسونها تكونون مقتنعين انكم مسوين شي صح وماعليكم من نظرة الناس مو ذنبنا اذ الناس تغيرت صح ولا انا غلطان ايار ونورسين : صح ابتسم : يلا وصلنا ياحلوات نزلو تقدم وهو يمسك ايد ايار وايد نورسين ودخلو يتعشون ______ مرت 3 ساعات بالمجلس انسدح سعود على الفراش وهو شبه مستانس ان فيه احد يهتم فيه ويخاف عليه شوي انفتح الباب ولا باهي معه فراشه حذف فراشه بجنب سعود: معليش بيتنا سعود وهو يتعدل : حياك حياك انا عجزت انام باهيي: للحين ضيفوه مارجع سعود: ضايع طول عمره باهي بمزح: صدقت الله يعين تعبت وانا اربيه دخل همام بفراشه: سعود تستقبلني ببيتنا سعود وهو يوقف: يليل يهالبيت انتم جايبيني انام ولا تذلوني همام: معاش من يذلك وباهي موجود باهي وهو يحذفه بمخده: هيه لاتدخلني معكم انا ماعرفكم سعود: الحين ليه ماتجبون اياد وريان ينامون عندي باهي: اقول نام ناقصين بزارين حنا سمعو فتحت الباب سعود وهو يرجع لفراشه بسرعه: ضيف جاء نامو بسرعه دخلو فرشهم وهم يمثلون النوم دخل مع البنات وهو جايب حلويات ووجبات لخواته وخالاته وهبوب: نزل الاغراض بالصاله ام رنوه: ليه ياضيف تكلف على نفسك ضيف: شدعوه خاله تراهم بناتي لا تخسرت ولا شي ايار وهي تحضنه بفرحه: عسى ربي مايحرمنا منك طالع لنورسين على جنب مد يده وهو يحضنهم كلهم: امين ولايحرمني منكم بسيل : ايه لنا الله ضيف: هههههه شكلك ماشفتي جوالك بسيل: لا ليه ضيف : انا واحد احب اعدل ابعد وهو ينطق: بروح للعيال جايب لهم وجبات معي اتجهه للمجلس فتح الباب وهو يشغل النور : ماشاءالله نايمين ماحد رد عليه ضيف : اقول قومو جايب لكم عشاء سعود: والله اخوانك ماخلوني انام ضيف وهو ينزل الاغراض: تعشو ونامو وراكم صلاة الفجر سعود: ابشر طلع وهو يرجع لداخل باهي: زال الخطر همام: ايه زال سعود : حسيت نفسي بمعسكر امشو ناكل بس ----- طلع لفوق ومعه اكل لها فتح الباب ودخل وهو يقفل الباب وقف عند راسها نزل الاكل على الطاوله و بهدوء: هبوب هبوب قعدت وهي تطالع فيه ب استغراب: نعم ضيف: صحصحي وتعشي هبوب وهي تتعدل : طيب لف بيطلع بس مسكت ايده: وين رايح ضيف بنبره هاديه: بنزل انام عند العيال هبوب وهي تطالع له: طيب حط عيني بعينك لاتصد بعيونك عني ضيف وهو ينزل ايدينها بهدوء: انا طالع اذ احتجتي شي ارسل لي طالعت زوله وهو يطلع : حسبي الله عليك طالعت بالاكل من غير نفس ورجعت تنام نزل وهو يمشي بهدوء علشان مايحسون عليه اخذ لبسه العسكري وطلع من الباب الثاني ركب سيارته واتجه للمستشفى بالمستشفى دخل جناح بنته نزل اغراضه وجلس على الكرسي قريب منها مسك كفوفها وبدا يسولف لها عن يومه واللي صار له الين مانزل راسه على السرير ومتمسك ب ايدينها غفت عيونه وهو يتأملها طلعت بعد ماشافته نام فتحت باب الجناح وهي تتنفس بصعوبه: اوف منين طلعت لي طلعت جوالها اللي ماسكت ردت : الو الممرضه: دكتوره اماني وينك الدكتور معصب يبيك اماني: جايه جايه ________ الصباح لبس ملابس الداوم وحب راسها وهو يهمس: لاتطولين بالنوم على ابوتس اتجه للبيت وهو يطلع الملف ودخل المجلس وهو يشغل النور وبدا يصحي سعود: قوم ورانا اجتماع سعود دفه برجله: ابعد اقولك ضيف : اوه هذ ماله الا حل واحد اخذ كوب المويه وهو يكبه كله على وجهه فز منخرع: وش صار التفت لضيف: روح ياشيخ الله ياخذ حقي منك ضيف وهو يطلع: اخلص علي ورانا اجتماع ركب سيارته وهو يتجه لمركز الضباط ___________ مر يومهم بشكل عادي سلم الملفات وبدوا بالخطه واساسياتها بليل رجعو وهم تعبانين سعود: احس اني شيبت من قو القضايا ضيف : انا ودي انام مثل الخلق بس وقف السياره ونزلو للبيت ضيف ب استغراب: وش هالسياره سعود: يمكن فيه ضيوف عندكم نغزه قلبه وهو يدخل اتجه سعود للمجلس اما ضيف دخل وهو يسمع اصوات عاليه داخل هبوب بصراخ: اتركيني ماني رايحه معكم منين تفهمون منار ببكى: امشي اقولتس ابوي تعبان يبي شوفتس رنوه وهي تشوف ضيف بيدخل: ارجع وراك منار هينا ضغط على كفه بقوه وبصوت عالي: فكينا من شرتس يامنار دامني للحين ساكت على فعايلتس منار : انت اللي فكينا من شرك مابقى احد من عمامك مادخلته التوقيف مستانس انك مدخل الشيبان السجن والحين بتحرمنا من هبوب ضيف : علوم الحريم هذي مالي خص فيها مير ابعدي عن مرتي لا والله مايردني شي عنتس منار وهي بصوت عالي : وش بتسوي بتجيب الشرطه علي ضيف بنص ابتسامه: طيب يامنار وبصوت حاول يكون هادي وهو حاس ان هبوب خايفه : هبوب تعالي معليتس منها تطالع ظهره بعيون غرقانه دموع: ماقدر ماسكتني ضيف وهو يطلع جواله اتصل على عبدالعزيز وبصوت مقهور: عاد نفسك رجال وانت مخلي مرتك تناطحني تعال ضفها تعبت من مشاكلكم وشركم معك دقايق ياعبدالعزيز ان ماجيت واخذتها والله لا اوريها شغلها سكر جواله وهو يتكلم بصوت مقهور: ان مافكيتيها يامنار ورب البيت قاطعته: طول عمرك تحلف ماشفنا فعايلك بعدين مو انت اللي تمد يديك على حرمه صرخ بقوه: هبوب اقسم بالله ان ماجيتي لا اطلع الحره كلها بهالخبله اللي معتس دفتها وهي تجيه مسك ايديها وبصوت عالي: عبدالعزيز اللي جايه من وراه الحين جاي وبيتلتس عبالتس مادري انتس جايه بتخربين على اختس وبتاخذين البنت بس اقسم بالله ان ماخليتس تتمنين شوفتها منوه ولا تحصلينها ي منار وانتي عارفه فعايلي سحب هبوب معه ودخلها مكتب ابوه وهو ينطق: خلتس هينا ويويلتس تتطلعين دخلن خوات ضيف فوق وجاء عبدالعزيز وهو يسحبها ويهاوشها قدام ضيف مسح على وجهه بضيق وهو مايدري وين يروح رجع لمكتب ابوه انرسمت على ملامحه الاستنكار وهو يشوفها نايمه : لا والله هذي مو صايحه نزل جاكيته وهو يغطيها وطلع لغرفته بدل ملابسه ونزل للمكتب قفل الباب وهو يرسل لبسيل ماحد يزعجه انسدح على الكنبه المقابله لها وهو يحاول ينام بالمجلس جالسين باهي وهمام وسعود وعيال اخته وسلطان باهي : سعود شرايك نطلع ننتمشى سعود وهو نعسان: والله فيني نوم بس محترم سلطان والتؤام باهي وهو يشوفهم علو السوني يلعبون: اجل امش نام ببيتك سعود وهو منسدح ومسند راسه على المركى: اقولك مافيني حيل ياباهي متكسر همام: خله اليوم كرفه ضيف سعود وهو يحط طاقيته على وجهه: ياليت تخففون اصواتكم باهي وهو يهمس لهمام: اقول عبدالعزيز وش جايبه همام: صارت هوشه قبل شوي باهي : وش صاير بدا يقوله همام السالفه كلها باهي بقهر: ياربي بيجلطون ضيف هذولا همام بملامح حزينه؛ بكرا لازم كلنا نروح المحكمه بيقسمون الورث بينا بس البيت ماندري وش يصير فيه باهي : البيت ذخر لنا مستحيل نبيعه ماراح نتعرضه همام: اتمنى كلهم يكونون نفس الراي باهي بخوف: ياخوفي من رنوه شايشه همام: تهبى ماتقدر تسوي شي الاغلبيه مايبون يبعونه _________ الصباح ارسل لسعود ان اليوم اجازه صحى وهو يشوف هبوب على نومتها قرب منها وهو يحط يديه بيشوف تتنفس ولا : الحمدالله طلع وهو حاس نفسه مرتاح : خاله طلعت ام رنوه وهي معها خبز وشاي واكل جلست وهي تفرش السفره جلس يساعدها ضيف: الله يريحة الخبز تشهي ام رنوه وهي تصب له حليب: هذا حالته بالشتاء خبز حار وحليب ولبنه ضحك ضيف: ايه والله صدقتي وين البنات وخالتي ام رنوه: خالتك ام همام قاعده تسوي لها مصابيب والبنات نايمين مافي الا بسيل جالسه وارسلت له الحين بتجي ضيف: اجلت موعد المحكمه ام رنوه: زين ماسويت ضيف : فكرت فيها ماله داعي ابوي توه متوفي ماعد شهر اجلته لبعد خمس شهور الحمدالله راتبي مكفينا ويزود ام رنوه: كثر الله خيرك يالغالي ماتقصر ابتسم وهو يفطر معها بعدها وقف: يلا انا عندي كم مشوار بخلصه وارجع لاتسون غدا بجيب لكم من برا ام رنوه: ان شاءالله بعد ماطلع بربع ساعه دخل همام وهو يركض: ضيف وينه ام رنوه: بسم الله وش فيك متبهذل همام بصوت مهتز: لاتقولين انه راح تكفين لاتقولين ____ الى هنا. قمرااي and أزميرالد like this. فيتامين سي غير متواجد حالياً التوقيع شكراً منتداي الأول و الغالي ... وسام أعتز به رد مع اقتباس قديم 29-09-20, 07:06 AM #7 فيتامين سي مراقبة عامة ومشرفة منتدى الروايات المنقولة alkap ~ الصورة الرمزية فيتامين سي ? العضوٌ??? » 12556 ? التسِجيلٌ » Jun 2008 ? مشَارَ?اتْي » 42,547 ? الًجنِس » ? دولتي » دولتي Saudi Arabia ? مزاجي » مزاجي ? نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute ?? ??? ~ My Mms ~ افتراضي البارت17 أن حكى غصب عليهم يسكتون ‏وان سكت تسكت معه كل الرياض ______ طلع يصحي باهي : باهي قم قم باهي دفه : شتبي همام : عمي جاي ياخذ هبوب باهي بضيق: وانا وش دخلني بنته وكيفه همام: بس ضيف والله بينجن لو درى باهي جلس وهو يلتفت لسعود بس مالقاه: سعود وين راح همام بعصبيه: انا اكلمك عن عمك وانت تدور لي سعود باهي طالعه:ضيف ما انجن يوم تلوها ثاني يوم من عرسهم تبيه ينجن الحين بعدين بنته وكيفه اخذها تركها وضيف ماهو خبل اكيد حاسب حساب لكل شي همام حط شماغه ع كتفه: خلنا نشيل حوستنا الحين بيجون وانا بحاول اشغل عمي لين يرد علي ضيف ولا يجي دخل سعود وهو ياخذ جوالاته ومفاتيحه: شباب استأذن انا عندي كم مشوار همام بعجله: اذ شفت ضيف قله يرد على جواله سعود : طيب بالمستشفى جالس عندها يسولف عليها كأنها تسمعه او تفهم فيه بدا يقص عليها كيف حب هبوب وكيف كانت ايامهم طول وهو يسولف بس سكت وهو يردف: هذا جدك ماكتفى منها قبل وجاي يبيها الحين حب ايدها وهو يهمس لها: بس ابوتس ياتوق ماراح يتركهم حب راسها وهو يطلع اما بالبيت كان بيتهم مختبص فوق تحت يدورون هبوب وينها واخوانه وقفو عند الباب ينتظرون دخلت عمامهم بالوقت اللي وقفت سياراتهم عند الباب وقفت سيارته معترضه قربهم طلع يصرخ ضاري: خبل انت بغيت تدعمنا نزل وهو مايشوف الا الشرار بعيونه : على ووين مدرعمين عمه: نبي بنتنا ياضيف ضيف وهو يوقف قبال الباب: تهبون تاخذونها من وسط بيتي مالكم بنت عندي عمه بقهر: انت وش تبي منقلب علينا فرعون ضيف وهو يطالع سيارات عياله اللي نزلو التفت لضاري: ضف اخوانك وابوك وارجع مكان ماجيت ياضاري ضاري وهو يتصدد: انا مالي دخل ابوي يبيها ضيف : معكم لين العشره اذ ماتحركتو من قدام البيت والله ماتصبحون الا وانتم بالمركز رجعو بيركبون سياراتهم بس وقف مبهوت وهو يطالع اللي طلعت تركض طالعه من الباب الخلفي ماعليها الاجاكيت ضيف وبصوت عالي تبكي: ضاري خذني معك ضاري لاتخليني هينا ضاري ركض لها ضاري وهو يغطي وجهها بشماغه ضمها وهو يمسح على راسها: باخذتس ماني مخليتس عند هالمجنون ضيف صد وهو يشوف نظرات الشماته فيهم: خذوها وخلوها معلقه عندكم لاطلاق ولازواج التفت عليها وهو يقولها بصوت عالي: مالتس رجعه يابنت ابوتس خلتس معلقه عندهم وتوق بجيب لها بنت الشيوخ اللي تسواتس وتسوا اهلتس كلهم انتفض جسدها الضعيف بعد ماذكر اسم توق وتهديده بزواجه من الغير التفت لعمه اللي مدنق : وانت ياعمي لك منا الوصل وقول لجدي نهاية هالاسبوع بنجيكم وقله عيال راجي طالبينك الوصل من كبيرهم ضيف لين اصغرهم عمه وهو مفتشل منه: ان شاءالله فتح الباب : بتدخلون حياكم تقهوا عندي وبعدها امشوا التفت لضاري وهو يبتسم: الا هاللي معك مالها دخله لبيتي ضفها لمكان يلوق فيها وفيك دخل وهو يرحب فيهم ودخلو وراه وهم مستغربين من كل اللي صار استقبلوهم اخوانه وقلطوهم بالمجلس الكبير جلس بمقدمة المجلس وهو يسولف مع عمه بود عمه ب استغراب : توك بتفجرنا والحين تسولف وتضحك ضيف ب ابتسامه: انتم اهلي وعزوتي ومالي احد غيركم اما عصبيتي كانت علشان هبوب بس خلاص بنتك هم وزال سكت عمه مستغرب اما اخوانه كانو مستغربين اكثر منهم ضيفهم وبعدها طلعو ناوين يمشون للسكاكا اما هو دخل داخل وارسل همام يجيب لهم غداء استقبلنه خالاته : هاه وش صار عسى ماتذابحتو ضيف وهو يبتسم غصب: ليه نتذابح جلس بصاله وجلسو حوله خالاته ورنوه وبسيل : ابد ضيفتهم واخذو بنتهم وطلبت منهم الوصل بنهاية هذولا اهلنا مالنا مفر منهم بكره وش يقولون علينا الناس عيال الراجي قاطعين وهذا لايرضي الله ولا رسوله ام رنوه: والله انك شيخهم ياضيف ابتسم بوجع : نهاية الاسبوع بنمشي لهم ووصيت عيال عمي يرتبون بيتنا القديم وعطيتهم المفاتيح بنسير عليهم وناخذ اللي بخاطرهم تعبنا من البعد بكره لاسمح الله لو صار لي شي من بيوقف معكم مالكم غيرهم طالعته رنوه وهي رافعه حاجبها: لايكون كل هذا علشان اللي ماتنسمى هبوب ضيف تعدل بجلسته وهو يطنشها: بسيل اذا ماعليك امر وقفي الطلبات علشان الخميس بنمشي بسيل: ان شاءالله وقف وهو ينادي ام رنوه تجي معه بالمجلس الصغير: خاله ام رنوه جلست بجنبه: سم فيه شي مضايقك ضيف ب ابتسامه : لا والله بس فيه خطاطيب ام رنوه: لمنو ضيف: رنوه كلمني تخبرين مقرن ال.. اللي اهله يعرفونكم ام رنوه: ايه امه عشيرتي ضيف: ايه كلمني اليوم وقالي اهله مستحين يخطبون يخافون يخطبون وترفض ام رنوه: خلاص بشاورها وارد لك خبر ضيف مسك ايدها: وبسيل بعد واحد من جماعتنا بسكاكا كلمني يقول اذ موافقين بنجيكم ام رنوه :منو لايكون ولد صالح ضيف:ايه هو بنفسه دق علي وقالي ابتسمت ام رنوه :بشاورهن واقولك ضيف وهو يوقف:الله يوفقهم طلع حواله ولا جاته رساله من سطام يعزمه على قهوه ____ سعود بالمستشفى: رنا: ليه ماجبت العيال معك سعود : ليه اجيبهم انتي الحين بتطلعين رنا: بطلع لا قالو لي اسبوع سعود/ بطلعك على مسؤوليتي وانا بنفسي اهتم فيك بلا مستشفى بلاهم رنا وهي تمسك ذراعه: وهه ياناس يخليلي هالسعود وعساني افرح فيك وبعيالك يارب سعود بتكشيره : اخلصي بس تعبت وانا اشيل قشتس رنا بضحكه: قشتس من معديك بعد سعود: رنا يلا ماعندي وقت بنمر ناخذ عيالك بعد رنا: طيب طيب سعود طلع برا الغرفه : الو الشرطي: نسيبك وقع على ورقة الطلاق مع دفع النفقات كامله وكتب تعهد انه مايتعرض لامرته ولا لعياله ولا ياخذهم منها حتى لو قررت تاخذ غيره ابتسم سعود وخطته مشت مثل ماهو يبي: ياشيخ الله يسعدك على هالخبر الحلو الشرطي: بيبقى بالتوقيف كم شهر علشان ضربه لمرته سعود: حلو حلو سكر والفرحه مو شايلته _____ عند باهي ركب سيارته واتجهه للمستشفى بعد ماشاف ورقة نقل توق بمكتب ابوه وصل المستشفى وهو يسال الاستقبال ردت الموظفه:مو عندنا باهي :اقولتس هينا بالقسم الامني هذي الورقه وانا عمها الموظفه :ممنوع اي احد يدخل هالقسم اماني جت وهي تشوفهم يتهاوشون: ورني بطاقتك باهي طالعها ومدها :هه انا عمها اماني هي تاشر له يجي :اسمع انا بدخلك عليها باهي: جزاتس الله خير اماني : بس امانه مو تقول اني دخلتك بدخل بالسر مشت لمكتبها طلعت وهي تعطيه بالطو ابيض : البسه وامش معي دخلت القسم المشدد وهي تمشي وتتكلم: هذي غرفتها يادكتور حارس الامن: وين وين ممنوع احد يدخل اماني: شدعوه هذا دكتورتها مو احد ثاني حارس الامن :عطني بطاقتك اماني: ياشيخ دايم يجي بعدين وش هالتعقيد وش بيصير يعني بيفحصها ويطلع حار الامن مسك راسه من كثر ماتتكلم: خلاص ادخلو دخلو هو دخل للغرفه اما هي وقفت عند الباب وقف عند سريرها مصدوم وهو يطالعها : يعني كل شي صار صدق! بالبيت : لبسو عباياتهم وراحو مع همام السوق رنوه : بنات اليوم بنفلها سامعين البنات بحماس : ايه همام: الله يعيني بسس وبهمس: كفو رنوه غيرتي جوهم رنوه بنفس الهمس: افا عليك الحين اذ ماخليتهم يطلعون اللي بخاطرهم ما اكون رنوه بالبيت بس بسيل جالسه مع خالاتها استحت تروح وتخليهم جلست تسولف وتضحك معهم دق جوالها وردت: الو البنت: تكفين بسيل مكيجيني ادري موقفه بس والله مابي اروح لغيرك وانا اعرف شغلك بسيل ب استغراب من اصرارها: معليش اختي انا موقفه وما استقبل الا ناس قليله وناس اعرفها البنت ببكي: امانه اليوم زواجي ومابي غيرك تكفين الله يرحم ابوك ويدخله الجنه طالعت لخالاتها : امها: وافقي شكلها متبلشه تنهدت وهي تنطق: الساعه الحين3 ماتجي اربع العصر الا وانتي عندي ولا وما راح استقبلك البنت: طيب طيب سكرت وهي توقف: بروح ابدل واشوف اغراضي وش ناقصني التفت ع امها وخالتها: تعالو معي اذ جت مابي اجلس معها لحالنا احس مو مرتاحه لها امها: ابشري _________ ببيت سطام مجتمعين ضيف ومقرن وسطام: مقرن وهو يقهوي ضيف: سم ضيف: سم الله عدوك جلس وهو يطالع لضيف بنظرات مستغربه ضيف وهو يشرب قهوته طالع لمقرن وبعدها لسطام اللي يناظرون له : وش صاير لكم سطام وهو يتعدل: وش عرفك بالملازم سعود ضيف بنص ابتسامه:من متى تتدخلون بمعارفي مقرن: ضيف حنا نعرفك من زمان وانت انسان مو اجتماعي او تمون على احد بسرعه هذي مثل مانت مع سعود ضيف : مافيه اكثر من معارفي يامقرن ولولا معارفي ماصرتو بهالمناصب ولا انا غلطان مقرن: مانت غلطان ابوك ماشاءالله مافيه احد مايعرفه والكل يعرفك ويعرفه ومعارفكم ماينعدون بس انت تعرف هالسعود وش وراه ومن اهله وكيف كانت حياته كل اللي نعرفهم نعرفهم ونعرف منين جاينن وش اصلهم وفصلهم بس خويك ماتعرف الا اسمه ودخلته بيتك ضيف : سامعين عنه شي سطام : وش حدود معرفتك فيه وين اهله ضيف وهو ينزل الفنجال: مثل حدود معرفتك بمقرن وقف وهو ينطق: كثر الله خيركم جاء بيطلع بس وقفته كلمة مقرن اللي خلت جسمه ينتفض : سعود السيف وش يذكرك فيه هالاسم __ الى هنا.. قمرااي and أزميرالد like this. فيتامين سي غير متواجد حالياً التوقيع شكراً منتداي الأول و الغالي ... وسام أعتز به رد مع اقتباس قديم 29-09-20, 07:09 AM #8 فيتامين سي مراقبة عامة ومشرفة منتدى الروايات المنقولة alkap ~ الصورة الرمزية فيتامين سي ? العضوٌ??? » 12556 ? التسِجيلٌ » Jun 2008 ? مشَارَ?اتْي » 42,547 ? الًجنِس » ? دولتي » دولتي Saudi Arabia ? مزاجي » مزاجي ? نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute ?? ??? ~ My Mms ~ افتراضي البارت18 هل يَشتكي جُرحهُ أم يَشتكي أرقه؟ ___ سعود السيف وش يذكرك فيه هالاسم كمل مشيته من غير لايرد عليه ركبت السياره وانا ماني عارف اجاوب مقرن ولا سطام انا اللي دايم كنت انبش عن كل شخص اعرفه بالاخير انخدع بهالشكل ومن منو من سعود سعود الضحوك اللي صدره رحب لي ولاخواني مصدوم قليله بحقي كيف نسيت هالاسم وهالعايله كيف خدعني ب انه مايعرفني وهو عارف كل شي عني مسحت وجهي اكثر من مره اخلص من هبوب وتطلع لي سالفة سعود بس هين ياسعود انا وراك والزمن طويل ______ بالبيت: بسيل دخلت قسم الميكب الخاص فيها ومعها ام همام ام همام عدلت برقعها وعليها عباتها ضحكت بسيل وهي تشوفها متستره: خاله وش فيك تراهم حريم اللي بيدخلون ام همام : ولو يابنتي ماحب اكشف وجهي عند اخد غريب بسيل ببتسامه غريبه عليها: الله يديمك لنا ياخاله انتهت من جملتها على دخلت حرمه ومعها بنت صغيره بالعمر بسيل مارتحت لها: السلام تفضلي الحرمه دفت البنت : هذي العروس مو انا طارت عيون بسيل؛ هذي صغيره وش امكيج فيها الحرمه بلعله: اقول مكيجيها واخلصي فلوس ودفعنا لك وش تبين بعد بسيل وهي تلتفت للبنت: كم عمرك البنت بصوت يرجف:16 بسيل طالعت للحرمه: انتي امها الحرمه بعصبيه: وانتي وشدخلس مكيجيها وفكينا مابقى وقت بسيل برفض : ماني مكيجتها وفلوسك اللي تقولين عنها ماجتني اساساً خذيها وتفضلي برا الحرمه بلعله: انتي بعقلس مكيجيها واخلصي علينا اخوانها برا ينتظرونها بسيل بصرخه : اقول مو انتي تامريني اسوي لها ولا تفضلي بكرامتك احسن لك برا يسمع الصراخ توتر مايدري يدخل ولا سعود من جهة حوش الرجال كان فيه باب صغير يطل على حوش الحريم واللي فيه قسم بسيل ارسل لهمام وباهي بس ماحد رد وقف بين البابين وهو ينطق بصوت عالي: يا ام ضيف وش صاير عندكم ام همام اللي تكلمت: انت منو سعود: انا خوي ضيف والعيال ام همام بعد مادخلت ام رنوه واشتد النقاش بينهم وبين بسيل : ياوليدي افزع وجيب ضيف هالحرمه مو ناويتها على خير طلع جواله برجفه وهو يتصل على ضيف رد بعد مده: هلا سعود: انت وينك بعيد ولا ضيف: ايه بعيد ليه سعود: انا جيت اخذ اغراضي عندكم وصارت هوشه حريم تعال من اليوم ادق على اخوانك ماحد يرد ضيف : يلا جايك بالطريق سكر منه وهو يسمع ام همام تناديه يفكهم من شر الحرمه قدام الباب دفتها الحرمه بصراخ: ياحقيره بسيل وهي ترفع نفسها : ما الحقير الا انتي برا بيتي ماتفهمين انتي لفت على امها وجهها كله مخمش وحالتها حاله: دقي على الشرطه الحين ماحست الا باللي تسحبه برا الغرفه طلعتها الحوش من غير لاغطا ولاشي صرخت بقهر بسيل وهي تشوف المره ماسكتها بكل قوتها وخالتها تحاول تفكها وامها معها الحرمه بصراخ وهي تنادي اخوانها يجون ثارت اعصابه وهو يسمع اصوات الرجال وبسيل تصيح وهي تحاول تستر نفسها تدخل وهو يصرخ : برا ماتفهمين انتي سحب بكل قوته بسيل منها وهو يرمي عليها شماغه دفها بقوه على الحرمه اللي واقفه وراه وتبكي : ادخلن وقفلن الباب لاحد يطلع لين تجي الشرطه ركب وهو يشوفها بتنحاش قفل الباب وهو يوقف قدامه: وريني شلون بتنحاشين دقايق وجاء ضيف ومعه اخوانه دخلو وهم يركضون شافهم سعود واشر على الحرمه والبنت اللي صايره بزوايه: هذي لقيتها تجر اختكم بتطلعها لاخوانها تصرفوا معها باهي نزل عقله : وان اخو رنوه جايه وقفهم ضيف وهو يخزها بقوه: الشرطه بالطريق لاحد يتدخل همام بصراخ: هذي مجرره اختي قدام اخوانها وتبيني اتركها ضيف اتركني عليها ولا والله راح اموت من ا