اثر باقي ي سعود في عناي - الفصل 8 - مكتملة | روايتك

ياهبـوب الوجع ياهبوب النود يا اجمل سنين ضيف واوجعها ___ ابعد عن الباب ونزلت قربت منه وهي تمسك ايده : خلك قد اختياراتك ضيف رفع حاجبه وهو ياشر للسايق ينزل الاغراض وبهمس: قد خياراتي بس مو قد ثقتس المزيفه ماردت وهي تزيد بمسكتها على ايده شد عليها وهو يدخل فتح باب الصاله وهو ينطق بهدوء: استقبلو ضيفتكم وقفو يطالعونه ب استغراب نطقت رنوه ب استنكار: ماشاءالله مرجعها ب ثالث يوم عزا ضحكة بسخريه ؛ كفوك هالهبوب رفع حاجبه وهو يخزها : مو محتاج رايتس تقدم وهو يدخلها الصاله : خلتس معهم انا طالع رنوه من وراه: تعال وين رايح تعال واجهني هز راسه بيأس منها وسكر الباب بقوه قربت منها بسيل وام رنوه وبدوا يهدونها ويرحبون فيها متمسكه بيدينها بقوه وهي تطالعهم مو متحملينها همست لخالتها: خاله بطلع الغرفه عضت شفاتها رنوه وهي تشوف امها وبسيل معها وطلعت فوق وهي معصبه دقت على باهي وبصراخ: اخوك الخبل رجع خبلته باهي ببرود: ادري وشاورني ووافقت انا وهمام رنوه : ياسلام وانا اخر من يدري باهي : ليه ان شاءالله تبينه ياخذ رايتس امه انتي ولا ابوه رنوه سكرت بوجهه : نفسيات جلست وهي معصبه دخلت بسيل وسكرت الباب بهدوء وقفت قبالها رنوه: ابعدي بسيل جلست بجنبها وهي تكلمها بهدوء: وش استفديتي لمن عصبتي هاه من يستحق عصبيتك وصراخك بعدين ليه زعلانه على ضيف ومصدقه السبب السخيف اللي قاله جدي وانتي مدرسه وعارفه ان كل شي بالدنيا قضاء وقدر وان لكل انسان يوم مكتوب فيه كيف يموت ليه مانتي راضيه بوفاة ابوي وحاطه سببها على ضيف وبتذكير: ازعلي على الكل بس الا اللي وقف معاك وسوا لك كل شي علشان ترجعين توقفين من جديد بكت رنوه بقهر وهي تردد: والله مو زعلانه عليه بس متضايقه مو مستوعبه وفاة ابوي وفجاءه تجي هالزفت معه ليش يرجعها وش يبي فيها وش يبي باللي باعته ولعبت عليه واقفه قبال الباب تسمع رجعت لغرفة ضيف سكرت الباب وقفلته اتجهت للزوايه وجلست وكلام رنوه يتردد بعقلها بايعه ولعبت عليه ضمت رجولها لصدرها وهي تسند راسها على ركبها وتبكي بقهر بالمستشفى واقف قبال باب العنايه غمض عيونه بهدوء وقلبه يرجف وهو يتامل بنته على السرير دخل وتسارعت خطواته وهو يوقف قبالها مسك ايديها الصغيره اجتمعت الدموع بعيونه وهو يتاملها والاجهزه بكل جسمها جلس على ركبه وهو يبكي ويشاهق مسح دموعه بكمه وهو يوقف مره ثانيه قرب الكرسي وجلس عنده وهو يطالعها مد يده المرتجفه ومسح على راسها : ليتني مت يابوتس ولا شفتس بهالمنظر ليتني دريت عنتس قبل لا يصير كل هذا ليتني رددها بصوت مبحوح مسح دموعه وهو يضم ايديها الصغيره لصدره :ياعين ابوتس ياتوق ياعينه مرت الساعات وهو لازال على جلسته ومسكته لايدها واقفين يشوفونهم من عند العنايه نطقت الممرضه: هذا صار له اربع ساعات بس رافض يطلع ردت عليها الدكتوره الثانيه: ولا انا عجزت ادخل اخذ تحاليل بسبته نطق الدكتور وهو جايهم: تجهزوا بينقلون البنت لقسم العنايه خاص وبتكون تحت حراسه مشدده ومو اي احد يدخل عليها بيحددون دكتور وممرضه بس هم اللي يتابعون حالتها شهقت وحده من الممرضات: ليه من هي الدكتور وهو ياشر على ضيف: ابوها ملازم اول والبنت كانت مخطوفه من ارهابي بس حصلها واحد مريض نفسي وطعنها وهم الحين بينقلونها علشان الارهابي اللي خطفها مسجون هينا وله اكثر من قضيه وقد هرب من سجن الجوف وهم خايفين عليها يصير لها شي ولا تنخطف مره ثانيه من الارهابين علشان يتحدون ابوها وينتقمون منه حزنت ملامحهم : ياحرام مسكينه تعداهم وهو يدخل عليهم وقف ضيف وهو يمسح عيونه ويتنحنح الدكتور ب ابتسامه: معك الدكتور زياد بننقل بنتك لقسم خاص وبتكون تحت رعايه خاصه وحراسه مشدده عقد حواجبه ب استغراب: من اللي امر بكذا الدكتور: جتنا اوامر من لواء ممنوع اقول اسمه وجاني خطاب من وزارة الداخليه بهالامر ضيف غمض عيونه بتعب: يصير خير طلع جواله بيتصل عليهم يستفسر بس دق عليه رقم غريب : الو رد عليه اللواء: ياهلا ومرحبا بضيف ضيف ب استغراب : هلابك امر : الحين ماعندك عذر تباشر بنتك ونقلنها بقسم خاص ورعايه خاصه فيها اتوقع جاء الوقت اللي تشيل ايديك من تحقيق فايز وتسلمه لنا مع تقرير شامل لكل قضاياه ولاتنسى تباشر بالمركز باقي كم يوم ضيف بسرعة بديهه: يعني انتم حاطيني بالمركز شكلاً بس صح ولا بالاساس تبوني ارجع للاستخبارات اللواء ب ابتسامه: يعجبني ذكائك بس ضيف عليها ان القضايا اللي بالمركز مهمه جدا ومانبي اي احد يطلع عليها علشان كذا راح تكون هناك واسفين على اللخبطه اللي صارت وياك بس لازم تتنكر بشخصية ضابط شرطه وتجمع لنا المعلومات اللي هناك وتشتغل عليها وبيكون معك ضيف خاص بيستقبلك وبيعلمك كل شي ضيف تنهد: انت شايف ظروفي تسمح اللواء: تسمح بنتك ب امان معنا لاتخاف ولو اضطرينا بنطلعها وبنحطها بمكان سري امان ضيف : على خير ان شاءالله سكر وهو متضايق مو عارف وش يسوي _____ بالبيت جالسين على العتبه: باهي/ تصدق للحين مو مستوعب اللي صار ماكنت احس بيجي يوم ونفقد ابوي همام تنهد بضيق/ ولا انا تدري وش اكثر شي خايف منه يجي يوم وتغيرنا الدنيا على البنات قاطعه باهي/ اللي تربى صح مايتغير ياهمام شد ع ايده والبنات وصايا ابوي وبنحطهم بعيونا همام هز راسه بهدوء وبهمس : باهي لو فكرت اتزوج الحين تهقى امس بتوافق باهي لف عليه : اكيد بتوافق وش يمنعك ماتوافق همام / ماخلصت الجامعه ولاني موظف باهي تعدل بجلسته: اذ بخاطرك وحده وخايف تنخطب اخطبها بس خطبه عاديه وبعد الجامعه توظف واعرس همام بضيق: خايف انرفض واخاف امي ماترضى باهي صفق كتفه: يارجال استخير وعطني العلم والله لا اقنعها واذ ماقدرت عليها انا بيقدر عليها ضيف بعدين ضيف كلمته مسموعه همام ب ابتسامه: من زمان كلمته مسموعه بس الحين صار مكان ابوي باهي هز راسه وهو يوقف: ياخي سلطان ويينه ماشفته همام: خله متضايق ومسكر ع نفسه الغرفه باهي غمز له: شرايك نهبل فيه همام وهو يوقف: مالي خلق مقالبك باهي كشر: مو مقلب بنغير جوه شوي همام: وحنا من غير جونا باهي عض شفته وهو ينزل عقاله: انقلع يانفسيه سمعوا صوت احد يرن جرس الباب عقد حواجبه باهي:غريبه من جاي هالوقت وقف همام معه وهم يتجهون للباب فتح باهي الباب:ياهلا امر من بغيت سعود وهو ينهد :ضيف وينه طالعه همام :طلع من زمان ومارجع ليه سعود : مجالسكم خاليه طالعو لبعض ب استغراب : ايه نطق بتعب: طيب ابعدو شوي ابعدو وهم مستغربين دخل من بينهم وهو يتجهه لاقرب مجلس رجال لحقه باهي وهو معصب : انت هيه مافي احترام لاهل البيت دخل المجلس وهو يجلس على الارض ع طول : اوه ياتعب رفع ايده: انت المفروض تهلي وترحب بالضيف غريب او قريب هذا اسلوب وبتخمين: من اسلوبك واضح انك اخو ضيف من ام وابو ابتسم همام بحماس وجلس قباله:انا اول مره اقابل واحد من اخويان ضيف نفسه حلوه وخاطره طيب دايم اخويانه نفسيه وثقال ابتسم سعود وهو ياشرع باهي اللي واقف يخزهم:ممكن تجيب لي ما ميت عطش وبمزح:ان جبت لي ما قلت لكم سالفتي فز همام يجيب له ما طالع باهي اللي يناظره ب استحقار اشر عليه:اجلس تراني ماني ماخذ من حلالكم شي بعدين انا اليوم جيت مع ضيف بس باللبس شكلي متغير جلس باهي وهو ساكت دخل همام ومعه موية صحه عطاه وجلس جلس يشرب وهو يطالعهم بعد ماخلص:شفيكم وقف باهي :انا بصلح القهوه والشاهي اتجهه للمشب وجلس وهو يطالع سعود وهمام شلون متحسين ويسولفون سعود وهو يمزح معه: اي والله وهذي سالفتي همام وهو يضحك: والله انك كفو ياسعود سعود وهو ياخذ الفنجال من باهي اللي وقف يقهوي: تسلم يمينك ياباهي وبمزح: ماشاءالله اسمائكم متناسقه باهي وهمام ضحك همام: اقول خلني ساكت طول ماني بالمدرسه والكل يعيب علي حمام حمام وانت جاي تقولي متناسقه ابتسم وهو يطالع باهي اللي ابتسم غصبن عنه: اجلس ياباهي فيه سالفه بعلمكم اياها جلس ب اهتمام: وش عندك سعود وهو يطالع الباب: اللي بقوله لكم ضروري ماحد يدري فيه وخصوصا ضيف لان لو درا اني علمتكم اقل شي يسويه فيني يفصل رقبتي عن جسمي انتم تعرفون اخوكم باهي ب اهتمام: ماعليك قول وامن سعود بسخريه: ماشاءالله عند السوالف صرت وش زينك وقبل شوي ودك تذبحني بنظراتك طالعه همام : ماعليك منه بس قل وش صاير بعد ضرب الباب وهو يدخل: سعود هينا ماشاءالله فز سعود واخوانه وملامحهم بهتت دف باهي سعود بالمقدمه سعود وهو يمسح وجهه: هلا هلا بضيف وينك طولت صار لنا ساعه ننتظرك ضيف هو يطالعه بنظرات هاديه: ماشاءالله امداكم تعرفتو على بعض باهي بلع ريقه وهو يطالع نظرات ضيف اللي ماتدري هو سمع شي ولا لا: ايه همام : والله ياحليله خويك عزمنا على بيته وبيسوي لنا فطور بعد طالعه سعود بصدمه : ي نطق باهي بسرعه: ايه والله ياحليله كريم ضيف وهو يخزهم ثلاثتهم: اها طالعهم وبنبره هاديه: لاتتاخرون بالسهر نامو ورانا شغل بكرا همام وباهي بصوت واحد: ان شاءالله طلع وهو مطنش سعود اخذ نفس سعود: اخوكم مرعب الله واعلم تلبسته نعجه وقف وهو يستأذن: يالله اخليكم انا وقفوا وراه: وين وين سعود وهو بيتهرب: برجع البيت انام وراي دوام همام سد الباب: مافي طلعه لين تقول لنا السالفه ولا تاخذنا معك باهي بطرف عين: مو انت منحاش من نسيبك شلون ترجع البيت وهو ينتظرك سعود وهو ياخذ نفس: اخلص من النفسيه يجوني اخوانه سعود: طيب امشو معي علشان لو صار شي تفزعون لي تحمسوا اما هو ضحك بسخريه مايدرون وش بيواجهم لوصلو ___ دخل البيت بهدوء وهو يطالع الصاله طافي نورها ومافي احد تحت دخل المطبخ وهو ياخذ له كوب مويه شرب بهدوء وهو يطالع كل شي حوله تنهد وهو مايبي يواجهها طلع لفوق وهو يمشي على خفيف فتح غرفة البنات ولقاهم نايمين اتجه لغرفة رنوه وبسيل فتح الباب وهو يطالعهم نايمات تنهد وهو يطالع باب غرفته غمض عيونه وهو ياخذ نفس يهدي من عصبيته طق الباب بهدوء فزت وهي توقف وقفت قبال الباب وهي تمسح عيونها فتحته بصمت وتعدته وهي تجلس على طرف السرير دخل وسكر الباب ماطالعها وهو يتجهه للسرير وينسدح من غير لا يتكلم طالعته ب استنكار: ضيف بتكلم معاك تعدل ضيف مارد وهو يحط ذراعه على عيونه هبوب بصوت مكسور: ليش مرجعني دامك ناوي تكسرني وتفشلني قدامهم عاجبك اللي سويته وبحزن: مو هذا الشي اللي كنت منتظرته من ثلاث سنين ليش صاير بهالشكل ليش احس اني اعرفك وما اعرفك ليش متغير علي حط عينك بعيني خلني احس انك ضيف اللي يحبني لف عليها وهو يطالعها بهدوء صدت على طول وهي تبكي تنهدت بصوت مسموع وهو يتعدل : انتي وش تبين بالضبط تبين اجي وامسح على راستس واقول احبتس ولا كان شي صار هزت راسها وهي تشاهق: ايه هذا المفروض يصير انت ماتدري وش صار لي وش شفت وش عانيت منه تدري كم مره ناديتك بالخفا وكم مره حاولت اوصلك ماتدري لانك لاهي بدنيتك نزل من السرير ومابين عيونه الا وشكل توق قرب لها حيل همس ب اذنها: ضيف اللي كان شايلتس بقلبه انسيه ابعد شوي وهو يطالعها : احمدي ربتس انتس للحين على ذمتي لولا عمتس ماكان رجعتس دفها ب اصبعه: اكبري مانتي هبوب اللي اعرفها ولا انا ضيف اللي ياخذتس ب احضانه هبوب وهي تمسح دموعها: لو عارفه ان هذا ماكان انتظرتك طول هالسنين لف عليها ب استنكار: منو اللي انتظر انتي ضحك بسخريه: واضح انتس انتظرتي لدرجه ماتحملتي تجلسين لين تنتهي العده على طول سافرتي ودرستي التخصص اللي انا رافضه اخذ نفس وهو يشوفها تحاول تمسح دموعها بس ماهي قادره من رجفة ايدينها تقدم لها وجلس بجنبها ثبتها وهو ينطق: لانضحك على بعض انتي عشتي حياتس طول بعرض وبنبره موجوعه: ماحد قهرني بهالدنيا كثرتس ياهبوب لدرجه تمنيت انتس رجال علشان اقدر بس اوجعتس مالت شفته وهو يمسح دموعها: بس انتس بنت وبنت كرهتني بكل جنسها ابعد عنها وهو يوقف: لاتعيشين جو اني مرجعتس علشان احبتس وانتي اكثر وحده تعرفين ضيف لاعاف الشي عافه لو هو قدامه وانا يابنت الناس عفت لدرجه اسمتس بكل مره انطقه احس اني استحقر نفسي ولاتساليني ليش نفذت وصية ابوي ورجعتس وانا مالي خاطر فيتس هبوب دنقت راسها وهي تعطيه ظهرها وهي تهمس: طيب عقد حواجبه: وشو طييب ادق على ضاري ياخذتس عند سعود وقف السيار ورا بيته ونزلو وهم يمشون على خفيف سعود وهو يشرح لهم: اذ شفتو جيب اسود قدام الباب علموني باهي مشى من قدام البيت وهو مسوي روحه من عيال الحاره ورجع ع طول وهو يركض : فيه جيب اسود واربع عيال واقفين عنده ضرب راسه سعود: لا شكلهم ناويني رفع ايدينه : حسبي الله عليتس من اخت صدق خفيفه ضحك باهي: عليتس شكل اعداك ضيف همام وهو مستند على الجدار: خلصونا مت برد وش السواة الدنيا معتمه ما اشوف شي سعود وهو ينطق: مالنا الا نتسلق على الجدار باهي دنق وهو يضحك: ههههههههه نتسلق انت صاحي ولا فيك شي همام ب ابتسامه: شكله يلقط اللهجات بسرعه سعود وهو مطنشهم: واحد منكم يركب السياره ويقربها ركبها باهي وهو يقربها للجدار طفى السياره وهو ينزل منها ركب سعود على السياره تمسك بالجدار وهو ينط بسرعه ركب على الحافه وهو ياشر لباهي: واحد منكم بس يجي الثاني يبعد السياره عن البيت علشان مايشكون باهي طالع همام: رح انت وصدقني ادق عليك فيديو اخليك تشوف كل شي همام برفض: مستحيل بتجلسون من غيري باهي وهو يتطلبه: امانه همام بلا مبزره همام وهو يطالعهم بقهر: ساعه بس وراجع لكم ساعه باهي ابتسم: ان شاءالله ركب مثل سعود ونط سعود وهو يحاول يقوم: اهه ياعظامي تكسر باهي وقف بسرعه : ماشاءالله حاط مرتبه هينا شكله مكانك السري هذا سعود وهو يمد ايده لباهي مسكه وهو يوقفه مسك ظهره بوجع: شكلي شيبت وانا ماعندي لا مره ولا عيال ياقرادة حظك ياسعود مسك ضحكته باهي وهو يمشيه: مسكين سعود : ايه تقول مكاني السري مو مكاني السري بس كنت دايم اهرب واذ جيت ارجع صعبه اطيح على الارض بعدين اتكسر رحت جبت مرتبة السرير علشان ما اتعور ما انتهى من كلامه الا وارتطم بشي ضخم وصوت يالله يطلع: اعوذ بالله وش دخلت فيه انا باهي ياباهي _____ قمرااي and أزميرالد like this. فيتامين سي غير متواجد حالياً التوقيع شكراً منتداي الأول و الغالي ... وسام أعتز به رد مع اقتباس قديم 16-08-20, 06:11 PM #3 فيتامين سي مراقبة عامة ومشرفة منتدى الروايات المنقولة alkap ~ الصورة الرمزية فيتامين سي ? العضوٌ??? » 12556 ? التسِجيلٌ » Jun 2008 ? مشَارَ?اتْي » 42,547 ? الًجنِس » ? دولتي » دولتي Saudi Arabia ? مزاجي » مزاجي ? نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute ?? ??? ~ My Mms ~ افتراضي البارت 14 كانت النظره ثواني والشعور سنين . ____ الساعة 3 فجرا جالس بمكتب ابوه حاط ايدينه على راسه بتفكير بهبوب من طلع من عندها وهو مو بخير بعد نظراتها غمض وهو يرجع راسه لورا وبيأس: ليه بهالوقت بذات ليه طالع لدفتر قدامه اخذ قلم وبدا يرسم خطوط ماله معنى بس بيشتت تفكيره بهبوب بغرفته لامه نفسها بالسرير وملامحها صابها جمود اخذت جوالها وهي تطلع كم مره ضاري داق عليها وخوالها وارقام غريبه ردت على الرقم اللي اتصل : الو ضاري بعصبيه: الحين تلبسين عباتس وتطلعييين فاهمه الحين يجيتس عميي هبوب بهدوء: ماني طالعهه وبنفس عصبيته : ليمتى تحددون حياتي لمتى هاه ماني هبوب البزر اللي تحاول ترضيك وترضي ابوك انسو هبوب انسوها فاهم ضاري بقهر:انتي تتدرين ان هالكلب رافع علينا قضية وكلنا بنتوقف حتى ابوك الشايب هبوب ببرود: جزاكم واقل سكرت الجوال وهي ترميه على السرير وقفت وهي تتجه تطلع لها لبس بدلت وهي تاخذ جلالها واتجهت للدورة المياه دخلت غسلت وجهها بتعب وبعدها توضت رجعت للغرفه وهي تفرش سجادتها وبدت تصلي الوتر ___ بنفس الوقت وقف وهو يطلع من المكتب ورجع لفوق دخل الغرفه وهو يشوفها خاشعه بسجودها طلع وهو يتجه للمسجد بما ان مابقي الا كم دقيقه ______ عند سعود طايح بالمجلس ومتكسر : لابارك بعدوك ياباهي باهي اللي مسكها ضحك: ههههههههههههههه انت عمي ماتشوف خزان وش كبره تدعمه سعود وهو يون بوجع وهمام يدلكه: ماشفته الدنيا ظلما باهي / انا شاك انك موظف بالقوات الخاصه سعود اخذ المخده وحذفها عليه: لاتخليني اطلع مواهبي عليك تراني للحين طيب باهي وهو يوقف: لا واللي يرحم والديك خفت وبجديه: الحين جد انت جايبنا معك علشان ننظف سعود ب ابتسامه: ولا وش ابي فيكم عبالكم بيتي ملاهي المره اللي فاتت نظفه ضيف وهالمره عليكم باهي وهمام: انت صادق ضيف ينظف ياشيخ هذا مفتاح سيارته طاح مايجيبه ينظف سعود وهو يتفاخر: والله نظف وعندي بالبيت كاميرات تبون تشوفون هزوا روسهم بحماس سعود وهو يجلس: اسف نظفوا اول وبعدين بوريكم قامو وهم يدخلون البيت معه اشر لهم على الصاله : تراها نظيفه تو منظفين بس فيه حوسه بسيطه تراجعو وهم يطالعونه بغبنه: الحين كل هالحوسه وبسيطه متى بنخلص بالله همام بتطوع: خلاص بس يجي الصباح ادق على شركة تنظيف تنظف لك كل البيت وانت مرتاح سعود وهو يجيب المكانيس: حذفها عليهم يلا رفع ثوبه بحماس: انا واحد احب اشتغل طالعو لبعض : واضح بدوا ينظفون معه وراحت الساعات مابين تنظيف وضحك لين خلصوا تنظيف البيت كله مع المجالس والحوش انسدحو ع بعض بتعب : حسبي الله عليك ياسعود هذا والدور الثاني ماجيناه سعود بهدوء: الدور الثاني اغلبه مسكر من وفاة اهلي مافتحته بس غرفة اختي وغرفتي باهي: الله يرحمهم همام: الله يصبرك حنا ابوي بس واحس الدنيا توقفت قاطعهم دخول ضيف وسلطان ومعه فطور: هاه مجتمعين هينا طالع لاخوانه واشكالهم رايحه فيها: كرفكم طالع لسلطان: سلطان ادخل داخل تلقى المطبخ ع يمينك شوف اول درج فيه اكواب ورقيه جيبهم سلطان بفزه: ابشر طالعهم ساكتين ومتخدرين: ياهو صحصحو سعود وهو يحاول يقوم بس متسدحين عليه: وخرهم عني انا بحالي متكسر ضيف : شوفو معكم لين ثلاث ماتعدلتو مالكم الاستراحه اللي تبونها فزوا بسرعه وهم يوقفون: بالله عليك ياضيف ضيف بشبه ابتسامه: عمري قلت شي وتسذبت فيه همام وباهي: لا طالع لباهي بخصوص: جتك وظيفه باهي : عسكري مستحيل ضيف: تخصص تصوير حوادث بدفاع المدني عقد حواجبه: متاكد ضيف : ايه قدمت لك قبل كم شهر والحين جاك قبول اتسعت ابتسامته: الله يسعدك يارب سعود وقف بعد مادف همام : وش سالفة الاستراحة ضيف: العيال يبون استراحه عائليه تكون لنا وجالس ادور لهم استراحه تعجبهم سعود جلس وهو يوزع الاكل دخل سلطان ومعه الاكواب وبدو يفطورن بهدوء ______________ الظهر رجع البيت مع سلطان بعد ماخلص بعض الاجراءات بالمحكمه جالس بالصاله لحاله دخلو البنات وهم يجلسون قباله ضيف : وش فيكم ايار ونورسين صدو: ولا شي طالع لبسيل الهاديه : بسيل وش صار على شغلك بسيل: برجع ابدا من بكره بتسقبل حجوزات ضيف: اذ ناقصك اي شي علميني التفت على رنوه: للحين زعلانه رنوه : لا بس ماخذه بخاطري ضيف وهو يمسك ايديها: قلبتس الحلو لايشيل على اعز ناسه تركها وهو يوقف : هبوب نزلت بسيل: موجوده بالمطبخ مع امي وخالتي هز راسه وهو يصعد لفوق: لاحد يقعدني على الغدا رنوه :طيب بالمطبخ جالسه تطالع كوب المويه قدامها بسرحان ام همام وهي تهمس لام رنوه: شوفيها من دخلت وهي سرحانه بهالكوب صار لها 3 ساعات خوذيها معتس الغرفه وتكلمي معها ام رنوه بنفس الهمس: وش اتكلم معها البنت بس ساكته وتهز راسها تسمع همسهم مالت شفايفها وقفت وهي تطلع لفوق من غير لاتتكلم معهم دخلت الغرفه وهي تشوفه يبدل وبعدها انسدح نزلت جلالها واخذت بجامتها وبدلت وبعدها طلعت للغرفه وانسدحت على السرير من غير لاتنطق عطته ظهرها اما هو عجز ينام وهي بجنبه لف عليها تنهد بهم ووقف اخذ لحافه وانسدح على الاريكه ينام جلست وهي تنطق بصوت عالي: العايف مايهتم للي عايفه وش عندك فزيت تقل مقروص ارجع نام ماني ماكلتك ترا ضيف بعصبيه: قصري حسك هبوب بنفس البرود : على وش معصب ياعمري وانا صادقه طنشها وهو يرجع يتغطى اخذت نفس قوي بعد ماقررت تغير من شخصيتها تغطت بنفس طريقته وهي مبتسمه _________________ مر يومين بهدوء من غير احداث تذكر تطنيش من ضيف وعصبيه من هبوب طلع ضاري وعمامه ومشوا للسكاكا على طول اليوم الاحد الصباح نزل وهو لابس بدلته وراه هبوب وعليها جلاله رنوه بهمس لباهي: نزلت ست الحسن والدلال يومين ماشفنا وجهها باهي بكره لطاريها: تكفين لاتجبين طاريها تحوم علي تسبدي طالعهم ضيف وهم يفطرون وجلس معهم اما هبوب ابتسمت وهي سامعه كل كلامهم مشت من عندهم ناويه تقهرهم: ضيف تراني طلبت من موقع اجهزة مختصه للقهوه تعرف ماحب القهوه العاديه ياليت تعطيني صرافتك ادفع فيها مسك نفسه بالغصب لايفشلها قدامهم : طيب طلع صرافته وهو يعطيها هبوب اتسعت ابتسامتها وهي تشوف رنوه وباهي منقهرين: يعطيك العافيه ضوضو احتدت ملامحه وهو يشوف رنوه وباهي كاتمين الضحكه حطت رجلها وانحاشت لفوق صادفتها بسيل تغبت ورا ظهر بسيل وهي تشوف ضيف لاحقها بسيل وهي توها صاحيه نوم: ياخي الناس تصبح بورد وانا اصبح بهواش وش فيك جاي معصب ضيف وهو يالله ينطق من القهر: مسويه حالتس قويه اطلعي اشوف هبوب بصوت واطي: ماعيدها والله مد يده وهو يحاول يسحبها بسيل مسكت ايديه: ما اسمح لك تاذي الهير ستايل حقتي ضيف بتعجب: ماشاءالله اشتغلتي بعد من وراي هبوب ابتسمت لين بانت غمازاتها: شرايك كفو صح ضيف بقهر : انا كل شي ممكن اعديه الا انتس تتغافليني فاهمه وبعدين وش ضوضو لا اسمعتس تقولينها امسكتس الباب فاهمه هبوب بنفس الابتسامه: على عيني نزل من الدرج وفكره مشوش منها وقفت وهي تنطق بصوت عالي: انتبه لنفسك ياضوضو ضحكت وهي تنحاش لغرفتها وتقفل الباب كمل ولا كانه سمع شي طلع وسكر الباب بقوه وقتها انفجروا ضحك كلهم وبدت ايار تقلدها: ضوضو اخوي وش كبره وذي تقوله ضوضو مالتت بسس بمركز الشرطه دخل والكل بدا يريحب فيه اتجه للمكتب التفت ولا سعود يدخل وياه : انت هينا سعود: ايه انا الشرطي الثاني اللي بيساعدك هز راسه ضيف برسميه: وبدا يطلع الملفات ويراجعهم وسعود معه بدا يراجع الرزم الثانيه مر وقتهم وهم يراجعون بالملفات دق جوال سعود برقم اخته: الو الرجال: لو سمحت انت اخو رنا .... الى هنا... قمرااي and أزميرالد like this. فيتامين سي غير متواجد حالياً التوقيع شكراً منتداي الأول و الغالي ... وسام أعتز به رد مع اقتباس قديم 16-08-20, 06:13 PM #4 فيتامين سي مراقبة عامة ومشرفة منتدى الروايات المنقولة alkap ~ الصورة الرمزية فيتامين سي ? العضوٌ??? » 12556 ? التسِجيلٌ » Jun 2008 ? مشَارَ?اتْي » 42,547 ? الًجنِس » ? دولتي » دولتي Saudi Arabia ? مزاجي » مزاجي ? نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute ?? ??? ~ My Mms ~ افتراضي البارت15 كيف قلبك نساني. ______ سعود بالمستشفى / شايل بنت اخته الصغيره طالع لرنا اللي تبكي بصمت رفعت راسها وبنبره مكسوره : اسفه سعود صد بوجهه وهو مقهور: لاتقولين اسفه وبكره راكضه ترجعين له تستاهلين ماجاك يكثر ما حذرتك رنا مسحت دموعها : هالمره والله ما ارجع له شف كسر ايدي الله ياخذه اصلا بلغت الشرطه يمديهم مسكوه الحين سعود لف عليها بوجع على حالها: ليه رضيتي على نفسك المهانه وشلون تبيني اواجه الرجال وانا كتم كلامه وهو ينزل بنتها على السرير ويطلع دخل دورة المياه غسل وجهه اكثر من مره يمنع نفسه ان تنزل دموعه على حال اخته مسح عيونه وهو يرص على كفه بقوه طلع وهو يمسح وجهه اخذ نفس ودخل الجناح فتح الستاره وهو ي