الفصل 18
وسخه وطلعت لهيثم الي يشرب معها الشاي بالصاله
واشرت له يلحقها
ودخلت للغرفه ودخل وراها وهو يسالها باستغراب شفيها
افنان: تكفو جيب غير هالغساله الغسيل مايوسعهاا وعمتي يومياً تنزل لها ملابسس
هيثم بضيق: يعني كثرو عليك ملابس امي! وهذي نفسها غسالة بيتنا وش فرق زود عني وعنك الا كم روب لها
افنان وبنفس ضيقه: مو مثل مافهمتني بس انا يومياً اغسل واوقات باليوم مرتين وكله لان ما تكفي كل الغسيل
هيثم ويسمع امه تناديه: يصير خير يصير خير
وباس خدها بسرعه وطلع
وضربت افنان رجلها بالارض بقهرررر منه ومنها
وحست الحين وش معنى كلام جوزاء يوم تبي تنقل بالازعاج ولا تجلس دقيقه وحده لهدى الغيوره!
وطلعت للغسيل من جديد تخلصه وهي تبي هاليوم يمشى على خير قبل تنكد عليها اكثر وتنحرم من جمعة اهلها.
'—————————'
رفع طفله بيد ترجججف ومشاعر ابوه غريبه داهمته من اول صرخه صرختها ندى تطلبه يوديها المستشفى!
وقرب اذنه الصغيره من فمه وبدا باذن فيها وبعدها الاذن الثانيه
واخيراً باس راسه بوسه طويله وهو وده بدخله بقلبه!!!
وابتسمت ندى بتعب له وهي تشوف ملامحه اللينه بتعامله مع ولده!
وهمست له: مبروك ولدنا ياصقر
'
'
♥️
'
'
نهاية الفصل.
قمرااي likes this.
لامارا غير متواجد حالياً رد مع اقتباس
قديم 13-02-22, 03:57 PM #8
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
الفصل السادس والخمسون والأخير
'
#يا_شامة_على_وجه_القمر_يا_قم� �ا_ورى_الليل_الضرير
'
'—————————'
صقر وعينه للحين على تفاصيل ولده الصغغغيره: الله يبارك فيك يا ام
ورفع عيونه لها وهو يشوف وجها التعبانن حيل: تسمحين لي اسميه ماهر؟
على خالي الله يرحمه
هزت ندى راسها بايه وهي بس تبي تكسب رضا هالصقرر!
الي خلاص زوجها وابو ولدها وبتكمل معه كل حياتها فحلو يبدون بتفاهم ومحبه والفه! وتكسب رضاه طول العمر
ابتسم صقر ووقف وباس راسها وولده للحين بيده: الله يخليك لي يام ماهررر
وحط ماهر الصغير بحضنها على دق باب الغرفه الي دخل منه ابوه بفرحه: ما شاء الله ما شاء الله الحمدلله على السلامه ومبروككك ماجاكم
باس صقر راسه: يبارك فيك يببه
وقرب محمد من ندى وباس راسها وهو يبارك لها واخذ الصغير منها
وجلس على الكرسي وهو يسمي بالله عليه وهو مو مصدق انه صارر جد اخخيراً!!
وقال صققر بحمماس: ييبه سمميناه ماهرر
محمد بفرح: ما شاء الله خخير ما اخترت يابوك
صقر وعلى نفس الحماس: اييه كنا متفقين على انا وغي
انا وندى
ايه متفقين
واشر على ولده بربكه وهو لخبط الدنيا بالحرفين الي نطقها!
والي تكمل اسم؟ 'غيثاء'!
وانشغلو صقر ومحمد بالصغير ومسحت ندى الدمعه الي هربت من عيونها بسرعه وهي تحس بخيبه امل بقلبهاا تجاهه!. '—————————'
جلسو بالحوش بتعب وهم ما ارتاحو اليوم من الصبح قايمين فالبيت شطف وتنظييف عشان الجمعه الكبيره الي مسويها شامخ! لانه يشوف انه من زمان ما اجتمع مع عياله
وقالت فجر بتعب: كان لازم نغير مكان هالجلسه يعني
كسرتتت ظهري يكفي شطف الحوشش الي ماخلص
سندت غيثاء ظهرها بيدها: وعلى اساس نقلتي شي كله انا حركته
دخل فهد الي جايب التمر من المزرعه: ويينكم يابناتت
غيثاء: وش معك!! دخله للمطبخ
حطه فهد فيه وجاهم وهو يشوف كيف تعبانين: يعطيكم العااافيه
غيثاء: الله يعافيييك
فجر بتعب: متى تزوج وتجي زوجتك تساعدنااا
وقف فهد بسخريه: ومين قال بخلي اسيا تشتغلل وتشطف معك
فجر بضيق: ووش فرقها ان شاء الله
ضحك فهد: اننها زوجتي انااا
ودخل غرفته على ابتسامه غيثاء الي ماتكره اسيا! وحتى بايام المشاكل
وفرحت يوم تمت خطبتها على فهد من شهر!!
وهمست فجر: اجججل عسساي اعرس وارتااح
ضربتها غيثاء لايسمعها فهد ولا امها الي دخلت جايه من بيت الجده واستعجلتهم يقومون يجهزون الناس جايييه
'—————————'
صار الليل ودخل مهيب للغرفه عند مارية الي بكامممل زينها
فستانها الاسود الي مخصر جسمها من فوق وطايح بعدها بقصه واسعه
لشعرها الي بلون الليل الي فتحته على طوله الطوويل
لملامحها الجميله وعيونها المكحله واخيراً للعوده الي شافها تبخر فيها
'
'
'
'—————————'
وقربت له مارية بابتسامه وهي تبخره: ياعساننني ما افقد هالدخله وهالطله رجال حبيبييي والله وسيدهممم
وباست كتفه الي يادوب توصل له.
وقال مهيب: تعالي معي لك شغله
نزلت مارية المبخره وقربت باستغراب: وشو؟
جلسها مهيب على طرف السرير وطلع علبه من درجه وجلس قدامها ورفع رجلها لحضنه
وفتح العلبه وطلع منها الخلخال الذهب
على نظرات مارية المصدومه: خلخالي القدييم! والي كان معك هذاك اليوم
ابتسم مهيب وهو يلفه حول رجلها ويقفله: اييه! حفظته بقلبيي مده طويله وكنت ناوي اعطيك اياه بيوم العرس بس تذكرت اني نسيته بالثوب الاول الي بدلته
واليوم الثاني دورته مالقيته
وخليتهم يقلبون البيت علييه
وجاتني جوزاء من اسبوع قبل تنقل تقول انها لقته باغراضها واكيد خواتي حاطينه بالغلط مايدرون انه مو لها ولقته وهي تعزل
وهذا هو جاء الوقت المناسب البسك اياه واقولك: ياللي جمالك عجب.. يا محلا خلخالك
ايه والله يامحلاك ومحلاه
نزلت مارية رججلها للارض وحضنته بقوه وهو يعرف مشاعرها من حضنها
بذات اذا شدت عليه بذي الطريقه؟ يعني عجز الكلام قدام افعاااله!.
'—————————'
ببيت الجده! كانو الرجال مجتمعين رجال العائله فقط
شامخ وعياله وذياب وهيثم ورامي وابوه وجابر الي صار منهم!.
وكانت كل سوالفهم عن رامي وحادثه الي صارله وقايد وقضيته الي كسبها وفهد الي بيملكون له قريبب
وفجأة دخل عليهم محمد! زوج موضي
وكان بعيونه كلاامم للكل ووراه صقر الي نحفان ومتغيررر
وسلم محمد بصوت عالي وردو عليه السلام
وقرب شامخ بمعزه كبيره لذا الانسان وسلمو على بعض بحححراره وهم يتهامسونن بكلام مافهموه الباقي
وجلس محمد بعد ماحبو راسه
وجلس صقر جنب ابوه بعد ماتسامح من شامخ الي للحين متضايق من دخلته القديمه لبيته! وقال ابوه: ماودكم تباركون لصقر؟ اليوم جاه ولد
تمتمو كلهم بما شاء الله ومبروكك ماجااك ويتربى بعزك
شامخ: ووش سميتوه؟
صقر بهدوء: ماهر على خالي ماهر
تقابلت نظرات ذياب وهيثم بابتسامه وكل واحد يقول سمايته عنده!
وححلف شامخ: والله مايجيب السمايه غيري
هذا ماهر صقر سمي اخووي الله يررحمهه
ترحمو كلهم عليه وهم اسعدتهم سواة صقررر فوق سعادتهم الليله.
'—————————'
وكان الوضع مايختلف كثير ببيت شامخ الي كانو منقسمين جهتين
الحريم جهه والبنات جهه
وماجلست معهم ام غزلان كثير وفضلت ترتاح بغرفه بنتها! وهي للحين تعب السنين ملازمهاا وخايفه من مقابله الناسس!.
وكانت السوالف بين الجده وام قايد وهدى وام رامي الي تحمدو لها بسلامة ولدها!
الي انفجعت عليه مارية وطلعت تشوفه بنفسها وتطمن عليه وهي موفاهمه كيف صار هالحادث
'
'
'—————————'
وجلست افنان عند البنات بعد ماحطت لهم من كل شي
الفطاير والشاهي والمالح وكله
وجلسو سوااالف وهم يحسون انهم فعلاً من زمان عن بعععض وعن هالجلسهه
مارية: ومقررين انا ومهيب نسافر يومين منها عمره ومنها تغيير جو
جوزاء: ايه صحيح! بتدرسين بالمدرسه الجديده
مارية: وديي! بس مهيب متردد بالفكره رغم ان المدرسه قريب حيل!
جمانه: انا ماودي ارجع ادرس احس صعب علي الموضوع بعد الانقطاع الطويل الي عشته
غيثاء: ارجعي شوي شوي و
قاطعها دخول شيماء عليهم والي لقاها قايد بالمطبخ وقالها تبشرهم بولد صقر!
وتوترت شيماء عشان غيثاء
واول ماحست الانظار عليها جلست وقالت: يبشركم خالي قايد
صقر جاه ولده وسماه ماهر
اختلفت ردات الفعل والردود
والي يبارك والي فرح عشان الاسم ووو
وقفت غيثاء بهدوء والانظار عليها وانسحبت من بينهم ودخلت غرفتهااا وهي بحلقها غصه وتبي تبكي! بس ماااافيه دموع اابد
شعور البكه واقف بحلقها بس عجزت تطلعه
تنهدت بضيق ورفعت يدها لحلقها ومسحت على وجها وهي مستغربه هالبرود الي صايببها!!!
بس من يوم قالها ابوها ان فيه من خطبها وهي منقلب حالها
ومانست حلفانها الي حتى ابوها ذكرها فيييه وانها بتوافق على اول خاطب!!
ورجعت بلغت ابوها بموافقتها وهي تحس بمشاعرها بردت وكانها وافقت على ختام حياتها للابد! وصارت ملكتها عليه! ايه تزوجت جابر الي طلب يشوفها ويجلس معها بعد الملكه الصغيره الي صارت!!
وكان هيبه هيبه حضور وشكل وصوت
رجف قللللبها منه بس حست كل هالهيبه تصغر وتتحول لحنان بلمسته وهو يبوس راسها ويبارك لها ملكتهم!
ومن وقتها بدت تنهي صقر وتبدا تتاقلم بحياتها مع الزوج الحقيقي بنظرها!! الي حتى نطقه لاسمها يرجفها!.
والحين توقعت لو بتسمع بخبر ولادة زوجة صقر؟ بتنهار وتبكي وترفض زواجها بعد! وبذات انه مسمي الاسم الي كانت تبيه لولدها!.
بس وش هالي صايبك ياغيثاء؟ معقوله بديتي تميلين له 'تقصد جابر' وين وعدك لقلبكك ضد الرجال!
همست لنفسها ب هالجمله وهي تتعدل لجوزاء الي دخلت عندها وهي شافتها كيف طلعت بوجه مقلووب حاله
بس تطمنت وهي ماتشوف دموعها
جوزاء: ماودك تطلعين؟
هزت غيثاء راسها بايه: جايه
وطلعت وراها وهي تفكر بجابر؟ العريس المستقبلي.
'—————————'
تاخر الوقت والكل بدا يتفرق ووقف شامخ على باب بيته يودع بناته
وطلعت جوزاء وحفيداته الي حبو راسه
شامخ لذياب: الغاليه ب امانتك صونها ياذياب وحافظ عليهااا
شدها ذياب من اكتافها لحضنه: قلتها ياعمي الغاليه! والغاليه فوق راسي وبعيوني هي وبناتهااا
ابتسمو التوأم له بحب حقيقي له كأب!!
'
'
'
'—————————'
ومشو لبيتهم ونظرات شامخ تتبعهم
وطلعت بعدها هدى ونزل شامخ عيونه عنها
وتقدم لها هيثم يسندها وطلعت افنان الي حبت راس ابوها: ادعيلي يبه!
شامخ بحب ل هالبنت الرضيه!: يالله يجعل التوفيق طريقك ويرزقك الذريه الصالحه ويحفظ لك زوجك
تمتمت افنان وهي تحضنه: امممين
وابتسم لها هيثم الي من نظرات شامخ فهم انه يوصيه عليها
ومد لها يده وتمسكت فيها افنان بفرح ومشى هيثم ساند امه وزوجته!.
وقبل يدخل شامخ طلعت جمانه وام رامي لابو رامي ورامي الي ينتظرونهم
ووقفو كلهم على جنب ومسك شامخ جمانه: كيف احوالك يابنتي
حبت جمانه يده وراسه: بخخخير ياعمي الحمدلله
لف شامخ على رامي الي قرب لهم ورجع لف عليها: لو قصر عليك باقل شي! وحسيتي نفسك ماتقدرين على هالحياه؟ تاكدي ان بيتي ييابوككك مفتوح لك بكل وقتتت
حضنت جمانه يده بامتنان لصدقه: ماتقصر ياعممممي الله يخليك لنااا!
وقربت لرامي ومشت معه متجهين للبيت الي مستأجرينه هنا بالديرة دامهم يجونها كثير!
ولين ينتهي البيت الي قرر يبنيه ابو رامي بالديرة لانه يبي يستقر فيها
ودخل شامخ للحوش وهو يشوف عياله وزوجاتهم مجتمعين!
وتوه مودع بناته؟
شعور كبيرر من الحب جالس يكبر بداخله وشكر لله الي رزقه بكل هذي النعم!!!
وطلعو مارية ومهيب لان ابوها ينتظرها برا! وسلمت قبلها على شامخ الي مرتتتاح لان مهيب مرتاح معها! وهمس لها بهذا الشي وابتسمت له بامتنان!! وطلعو لاهلها!
ووقفو غزلان وقايد الي بينامون بالمجلس عشان امها نايمه بغرفتها واستأذنو منهم ودخلو له وعيون شامخ تتبعهم بالدعاء والذكر
وبعدها دخلو بناته لغرفهم وفهد لغرفته
وجلس هو جنب عجوزته الي ومن مده طوله ما حضنها هالحضن! ولمها لصدره وباس راسها
فوزيه بخجل منه: شفيك ياشامخ!
شامخ: الحمدلله اني تزوجتك وانك ام لعيالي وجده لاحفادي
ابتسمت وهي تبي تبعد لايشوفونها عيالها كذا: الحمدلله على كل حال والحمدلله الي زين احوالهم وجمع قلوبهم بخير
وقف شامخ ووقفها معه: اميننن امين
'
'
'
'—————————'
طلعت مارية ومهيب لابوها الي سلمت عليه بحنين وححب
وبعدها شبكت يدها بيد مهيب وتوجهو لبيتهم مشي
وفجأة غير مهيب مساره واتجه للغرفه القديمه!
ويده للحين بيد مارية وهو يتذكر معها كل لحظاتهم بالديرة
حتى لبيت اهل سامر راحو وهي تقوله شلون شافته يتهاوش مع عيسى
ومشو للبقاله الي صادفته فيها
ومرو من المدرسه المحروقه! وهو يقولها كيف كان يراقبها لين توصل غرفتها
ورجعو لبيتهم وهم كل شبر بالديرة يتذكرون فين موقف وذكرى صارت بينهم!!
ودخلو لبيتهم الي صار الحين يحتوي ذكرياتهم المشتته بكل الديرة
صارت ذكرياتهم مابين هالصاله والمطبخ وغرفه النوم
حاوطو حياتهم بسور واضح للكل وهو؟ الزواج والاستقراررر والعائله
واول مادخل مهيب للغرفه لفته له ماريه بهدوء وهي تهمس: مشكور؟
مهيبب: على شنو؟
مارية: على كلامك تو مع ابوي! الكلمتين الي قلتها احتوتني يامهيب
حضنها مهيب بحب: الحمدلله وباذن الله ماتشوفين مني الا كل خيير!
وغمضت عيونها وهي تحاوط ظهره وتتذكر وش قال ابوها قبل يمشون لبيتهم!
'
ابو مارية: سيسالك الله عن دمعتها وصحتها وحياتها وسعادتها يابُني!
مهيب بصدق: اعدك انها لن ترى مني الا كل خير ياعمي!!.
'
شد عليها مهيب ورجعها للواقع على صوته العذب وهو يقول بحب وصدق:
انتِ امتلكتي القلب ومافيه كله!
وانتِ الي اعميتيه عن الناس اجمع!
وانتِ الي شيدتيه وعشتي محله!.
وانتِ الي عمرتيه من الحب اسمع!
مافيه! مثلك بالمخاليق والله!
ولا فيه! مثلي بالمخاليق اطمع!
انا اناني شعور وان كان تبغين ادله!
شوفي قصيدي فيك وشلون يدمع!
شوفي قصيدي فيك وشلون يدله!
شوفي قصيدي فيك وشلون يطلع!
يالله عساني من حنانك ما اوله!
ويالله عساني من امانك ما اطلع!
وابقى محفور فيك وفيه واشر على قلبها
وشاف دمعتها الي نزلت ومسحها وهو يقرب يبوس عيونها وهو يمنعها من البكى!.
ونزلت مارية راسها تدور يدينه وحضنتهم بيدها الصغيره وهي تنزلهم لبطنها وهمست: وبيكون محفور مع ثالثنا!.
وابتسمت وعيونها مغرقه دموع لصدمة الفرح الي شافتها ارتسمت على وجهه قبل مايصرخ بسعاده: حاممل بطفل منيي
هزت مارية راسها بايه وهي تاكدت اليوم!: جزء منك ومني يكبر بداخلي انا مو مصدقه
وحضنها مهيب بقوه: ولا ابوه مصصدق ياراحتته!!.
'
'
'
'—————————'
بعد مرور فترة زمنيه طويلة🍃🍃.
نزلت من سيارة ذياب وهي تودعه هو واخوها الصغيير 'محمد' عشان بتركب مع السواق الي جاي ياخذها ويوصلها لديرة الثانيه عشان تبدا دوامها فيها!
ايه بتدرس بمدرسه لانها ككبرت وبنفسها حلم!
وهو انها تضحي مثل مارية وتكون لباقي القرى مثل الامل الي كانت لهم فيه مارية!
وتوجهت لسياره المركونه وركبت فيها وكان فيه بنتين معها!
وفتحت عيونها بصدمه من صوت وصورة الشخص الي بيسوق فيهم: بسم الله بنتوجه الحين لديرة
همست لنفسها بعدم تصديق: ثائر صديق عمي حسن!
رفعت مها كتوفها بعدم فهم ومشى فيهم ثائر متوجه لديرته الي بيفتحون فيها مدرسه جديده ومها من المدرسات فيها!.
وفتحت دفترها الي تعودت تكتب فيه
وبدت بعائلتهم الصغير والسعيدة
توأمها شيماء المخطوبه واخوهم محمد واختهم ام ال٦شهور مرح
وعمها هيثم وافنان الي جاهم توأم بنت وولد حلوين حلوين!
وجمانه الي تاخر حملهاا وسافرت مع رامي سنين للعلاج والحين راجعه لهم بخبر حمل سعيد!
ولا سامر وساندرين الي صار عندهم اجمممل بنت اخذت جمال امها وقوة ابوها!
'وشهم ولد قايد ماتركها من محارشته! او بداية حب طفوله؟'.
وبعدها انتقلت لبيت جدها شامخ الي توفى بالحج من سنه!
خالها قايد وغزلان الي انتقلو لديرة مع امها هديل
وشهم وشهد
ومهيب ومارية الي جاهم ولدين وينتظرون البنت بالطريق!.
وفهد واسيا الي عندهم بنت مثل القمر!
وغيثاء وجابر الي انتقلت معه خارج الديرة! والي من صوتها وضحكتها يعرفون شكثر ههي حيل مرتاحه!
وولدهم 'عناد' الي اخذ من هيبه ابوه ولطف امه تعلقو فيه حيل
وفجر الي تزوجت حسن! والي جمعت علاقتهم مهاا
واخيراً؟.
انا مها؟؟ رفعت عيونها لثائر الي بسرعه شال عينه عنها وركز بالطريق
ابتسمت مها ورجعت تكتب: واضح لكم وش بتكون بدايتي؟.
'
وبالختام نقول لكل بدايه نهاية وهذي كانت نهاية روايتي!
بس هي بداية لمها وثائر
وبداية لكم قارئاتي
'
'
تمت💎.
7/1/2020
قراءة ممتعة للجميع🤍.
"جوري", duaa.jabar and قمرااي like this.
لامارا غير متواجد حالياً رد مع اقتباس
قديم 13-02-22, 10:15 PM #9
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
الذين يشاهدون محتوى الموضوع الآن : 17 ( الأعضاء 4 والزوار 13)
لامارا*, Lazy4x, yasser20, ترانيم الزمان