خيلان لا نرجو اللقاء ولانرى خليلين الا يرجوان تلاقيا ج 2 - الفصل 6 - مكتملة | روايتك

كانت كل مره تصحى ترفع يدينها جهة بطنها ، وتحصل رأس تركي عليه وتجلس تلعب بشعره وخشمه حتى ينزعج من نومه ويصحى ... والحين بالمثل رفعت يدينها لبطها وألي فقدت رأس تركي فيه ... لكن عوضها ربي وصار بدال تركي ولده ... رفعت عيونها للطاولة ألي عند رأسها ، وأخذت قطعة البسكوت الموجودة فيها ... وأكلت منه بخمول ، لين راحت منها الدوخة ألي تجيها ... وقفت من على السرير وراحت لحتى تبدل لبسها وتنزل عند حلا ... جلست حلا تطقطق على جوالها بعد ما صار كل شيء جاهز ... رفعت رأسها لغيم ألي نازله من فوق بهدوء ويدها على بطنها ... تأملتها لثواني بحنين لأبوها وأمها ، صار لها فتره وهم يجون على بالها بشكل كبير اشتاقت لهم كثير ... ابتسمت لغيم ألي تتحلطم من الوحم ... نزلت رأسها لما تذكرت سبب زواجهم ألي قاله لها أبوها ما قاله لغيم ... للأن تذكر رده لها وقت سألته ليه خبرها ولا خبر غيم ، وقال لها : لأن أنتي مو مثل غيم ، أنتي طول عمرك ترضين بألي يصير لك ولا تعترضين ، وأنا يا أبوك فيني من الوجع ما الله به عليم ... والتزم الصمت لثواني : وما لي خاطر أشوفك ترضين ولا تعرفين بالأسباب... عقدت حواجبها وقتها وقالت بعدم فهم : طيب وغيم لازم تعرف ... هزّ رأسه بالنفي : وتهقين لو عرفت الحين بترجح المنطق والواقع ؟!! وقتها عرفت قصده ، وعرفت الفرق ألي أبوها يشوفه فيهم ، لأنها لو أبوها طلبها بتوافق على طول لعيونه ولا راح تعترض ، بعكس غيم ألي جديًا مو على أي شيء توافق ولازم هي ألي تختار طريقها ، ولا تتنازل على أي شيء ، ولا تسوي شيء هي مو مقتنعه فيه ... وفعلًا هذا ألي صار ، كون أن غيم أختارت تركي برضاها هي ورجحته على غيره !!! بينما هي لان وافقت على سعود بدون اعتراض منها ، لكن بعد مقتنعه بعد ما خبرها أبوها بأسبابه رفعت الجوال لأذنها ، وأشرت للعاملة حتى تفتح الباب ... ، نزلت من السيارة وهي تتأكد من الموقع ، وسرعان ما رفعت رأسها لأحد العاملين ألي عند بوابة القصر ... قالت بهدوء : فلة سعود بن متعب ... أشر لها على الفلة بعد ما عرف أنها ضيفة حرم سعود لأن حلا عطتهم خبر ... توجهت لناحية الفلة بهدوء وتوجس وقت لفت لجهة الصوت ألي طالع ، وكان مجلس الشباب ألي مليان ... رفعت جوالها وهي تطلب رقم حلا ، وسرعان ما جاها الرد وانفتح باب الفلة ... تنهدت براحة وقت شافتهم ، وتقدمت بصراخ وهي تحضنهم ... قالت لها غيم بضحكة : خنقتيني خلاص ... قالت لها غيم بضحكة : خنقتيني خلاص ... بعدت عنها وهي تنزل العباية وقالت بفرح : ما انلام حرام عليكم ، كم لي ما شفتكم ؟!! ردت عليها حلا وهي تمد لها فنجان القهوة : سمي ، وبعدين مو أنتي ألي طول السنه ألي فاتت ما جلستي بالمملكة مالنا صلاح أجل ... قالت بعبط وهي تأخذ ثلاجة القهوة عن حلا ، حتى ما تتعبها بصب القهوة : الواحد يرفهه عن نفسه ... لفت لغيم ألي قالت بذهول : ما يخالف بس مو عشر دول بسنه وحده ، أصلًا ما أعرف عمي شلون وافق لك ... ردت عليها وهي تتجاهل حقيقة سفرها لكل الدول وألي كان سببها الرئيسي أنها تدور عن ألي قتل أبوها ... جديًا توها تستوعب حجم الغباء ألي سوته ، ما تدري ليه كان بضنها أنها راح تطلع ألي قتل أبوها وهي لوحدها بدون أي دعم : خليه يجلس هو معنا عشان يعرف يوافق او لا ... لفت لحلا ألي قالت بهدوء : على طاري عمي ، كيفهم ؟؟ كشرت وقالت وهي تأكل قطعة تشوكلت : ما عليهم ، عايشين بأحسن ما يكون ... رفعت غيم حاجبها ولفت لحلا ألي كانت ردة فعلها بالمثل ، من الضيق ألي واضح عليها ... كملت كلامها بضيق واضح : صدق اشكروا ربي أن عمي ناصر الله يرحمة بعدكم عنهم ... رفعت عيونها لغيم ألي أخذت الفنجان منها وشدت عليها وقالت : تالين ، فيه شيء صاير ؟؟ هزّت رأسها بالنفي وقالت بابتسامه خفيفه : أبدًا ، تعرفين سوالف عمك وعمتك يعني ما يحتاج أكمل ... هزت رأسها غيم بفهم ، ولفت تالين لحلا ألي قالت : وخلود وريم شخبارهم ؟؟ رجعت تالين ظهرها للكنب وقالت : ما عليهم ، ريم تطلقت من زوجها ، وخلود قريب راح تتملك ... قالت حلا بتساؤل : ريم مو توها متزوجة ما كملت سنتين ؟!! هزت تالين رأسها بأيه وهي تأخذ جوالها وقالت : مدري عنها ولا أبي أدري ... ولفت لغيم ألي لابسة قمص طويل على شكل فستان وبالنص حزام خفيف ... ولفت لغيم ألي لابسة قمص طويل على شكل فستان وبالنص حزام خفيف ووجهها خالي من اي زينه ... كملت وهي تفتح الكاميرا وتاخذ لغيم صورة وقالت بعبط يتخلله كلام بالأنقلش: أحلا mama to be والله ... ولفت لحلا بضحكة : معليش يعني حلا خلينا نعتبرك صرتي أم وخلصتي ... ضحكت عليها حلا بخفيف وهي تلف بعيونها ناحية الباب ألي فتحته العاملة ... وابتسمت بود للي دخلت من خلفه ، وقالت : أهلين قمر ، حياك ... عضت قمر شفايفها بحرج لما شافت تالين : هلا حلا ، الله يحيك ... قالت لها غيم لما شافتها منحرجه : أمري تبين شيء ؟؟ هزّت رأسها بالنفي وقالت : كادي جاية ، والبنات بالملحق الكبير ، وجيت حتى أناديكم ... كملت وعيونها على تالين : ما عندي خبر عن ضيفتكم ... ردت عليها حلا وهي تأشر على تالين : أعرفك تالين بنت عمي جعفر ... تقدمت لها قمر وهي تسلم على تالين وقالت : أهلين تالين ، أخبارك ... ردت عليها تالين بفهاوه : أنا بخير ، أنتي كيفك ؟؟ ردت عليها قمر بابتسامه : طيبة طاب حالك ... ولفت لغيم وحلا : بالملحق احنا كلنا ، إذا حابين تعالوا أنتم والحلوة هذه معكم ... قالته وهي تخرج من عندهم ... ولفت تالين وهي تمسك غيم بقوة وقالت : هذه من ؟؟ قالت غيم وهي تشكر من يدها : أي عورتيني ، هذه قمر بنت وليد ... ردت عليها تالين بذهول وهي تتذكر وجه قمر ألي شافته بجوال سلطان : قمر ، ما غيرها ألي طلعوا عليها كلام بالتويتر أنها قتلت زوجها ... هزّت رأسها غيم وقالت بهدوء : أيه هي ... عقدت تالين حواجبها بتفكير ، توها تستوعب ألي صار بروسيا ، وأن قمر ألي كانوا يدورون عنها ما غيرها هذه ألي تو كانت قدامها ، وأن سعود ألي معهم ما كان غير زوج حلا ... رفعت رأسها لحلا ألي قالت : تالين حبيبي عادي تروحين معنا ؟؟ نزلت رأسها للبسها وقالت : مدري لبسي مناسب ولا لا ، ناس أول مره راح أشوفهم ... تأملت حلا لبسها وألي كان بنطلون أبيض هاي ويست ، وعليه تيشيرت أبيض ... عادي بس على تالين ما كان عادي ،خصوصًا مع لون بشرتها المايل للبرونز ، وشعرها البني الكيرلي ... قالت بابتسامه : والله تجنين ، تعالي بس ... ثواني بس وتوجهوا للملحق ألي يضم البنات ... ابتسمت تالين بانشراح وهي تشوف كمية الحياه والروحانية بالقصر ... تمشي وعيونها تطيح على كل الموجودين ، الشباب يلعبون سوني وبلوت بالمجلس حقهم ... والكبار جالسين بدوانية سعود يجمعهم نقاشات كثيره بمواضيع أكثر ... طاحت عيونها على أربع حريم جالسين بأحد الجلسات الخارجية ويتكلمون بكل هدوء ورُقي ... هذا غير العاملين ألي رايحين وجايين ... قالت لحلا وغيم بتأثر للمنظر : ما تنلامون إذا حبيتهم هالكثر ، كمية روحانية بالقصر مو طبيعية... لفت للبنات ألي تقدموا لها وقت دخلوا الملحق ، وبدأت تسلم عليهم بخجل كونها أول مره تشوفهم ... لكن صرخت بفرح وطار الخجل وقالت : نغم !! ردت لها الصرخة نغم وهم يحضنون بعضهم بقوة ... قالت نغم وهي تبعد عن تالين : وحشتيني يا دبه ، وين اختفيتي ؟؟ ردت عليها تالين وقالت بعبط : يا روحي ، أخذ فترة نقاهه بعد الثنوي ... لفوا كلهم لغيم ألي قالت : وحشتينا حيل يا كادي ، من قبل رمضان ما شفناك ... قالت لها كادي بلطف : حبيبي ، ما يوحشك غالي ، أبوي خلص انتدابه بأمريكا وانشغلنا بالنقل ... هزّت رأسها غيم بفهم بعدها قالت : راح تنقلون رسمي بالسعودية ؟ ردت عليها كادي : بابا عمله راح يكون بدبي ، لكن أنا وماما قررنا نستقر بالسعودية ... وكملت بحب لها وعيونها على بطنها الصغير : ومبروك الحمل ، الله يتمم عليك يارب ... ابتسمت لها غيم وآمنت على دعائها ، ولفت لليالي ألي قالت : كيف الحمل معك ؟؟ كشرت وقالت ويدها على بطنها : كويس لو مو الوحام والدوخة والخمول ... كملت وهي تلف على حلا : ما أذكر أنك مثلي بالوحام ... ردت عليها ليالي : يفرق عن كل وحدة ، عاد الله يعين ألي تتوحم ... هزّت رأسها غيم بفهم بعدها قالت وهي تتعبر بملامحها : اهه لا تذكريني ، قبل أمس بالليل متوحمه على أدامامي حق نزومي ، وش يجيبه لي وقتها عاد ؟؟ اتسعت ابتسامتها وقالت وهي تجمع يدينها : وه بس يا فرحتي لما صحيت من بكره بالعيد وحصلت العاملة جابته لي... ميلت قمر شفايفها بهدوء ، ما تدري ليه لوهله بسيطة حست أن صقر له دخل بالموضوع ... ميلت قمر شفايفها بهدوء ، ما تدري ليه لوهله بسيطة حست أن صقر له دخل بالموضوع ... وسرعان ما طارت عقولهم كلهم من صوت السماعة العالي و جنبه نغم منهارة ضحك ... حذفت عليها لمياء الخداديه وقالت بصراخ : يا زفته غيريها ... قصرت نغم من صوت السماعة وقالت بعبط : عاد أنا مشغلتهم خصوصي لك ... كملت عنها هيام وقالت بضحكة : لمياء فرصة عشان تختارين معنا شيلات الزواج وما تنصدمين وقتها ... ردت عليها لمياء بغيض : أيه أنتم بس فكروا تشغلون شيلات ، عشان أنزل وألف سلك السماعة برقبتكم ... رفعت نغم صوت السماعة وهي تلعب حواجبها حتى تغضيها أكثر وقالت : مالك حق ، شيلة بأسم لمياء طويلة عريضة ... وصارت ترقص بعبط وقامت قمر ترقص معها وهم يستهبلون على رأس لمياء ... قالت تالين للمياء بتساؤل بعد ما خلصوا من الأغنية : ليه ما تحبين الشيلات ؟ عدلت لمياء جلستها وقالت بجدية : مو عن ما أحبها ، بس عجزت أستصيغها هذا أولًا ... ميلت شفايفها بهدوء وكملت : ثانيًا ، مو مقتنعة فيها أبدًا ، وألي زاد أن البعض يشوفها بديل للأغاني ، ويجي يقول لك لا تسمع أغاني أسمع شيلات ... ردت عليها توق بهدوء : بس يظل أنها مو مثل الأغاني ... هزّت رأسها لمياء بفهم وقالت : جايز ، لكن أنا ما أشوفه كذا أبدًا ، ما تبي تسمع أغاني أسمع النشيد ألي جد ما فيها أي موسيقى ... كملت بعدها : ما أقول لكم كل الشيلات ما أحبها ، لا فيه شيلات حلوه وأحبها ، وفيه شيلات تنرفزني وبس ... هزت تالين رأسها بفهم لوجهة نظر لمياء ، وبعدها لفت لسحر ألي قالت وهي تأشر بالجوال : قمر ، هذا حسابك صح ... هزّت قمر رأسها بأيه وهي تشوف حسابها القديم بالانستقرام ... كملت سحر وهي تأشر على واحد معها بأحد الصور : وهذا المزيون مين ؟ ردت عليها كادي وهي تأخذ جوالها وتفتح على الانستقرام : هذا ستيڤ ، لحظه ما شفتي شيء؟؟ ولفت عليها الجوال حتى توريها صفحة ستيڤ ... لفت سحر بذهول لقمر وقت شافت أخر صوره مرفقه بالحساب ومعلق تحتها " my one and only " وكانت قمر واقفة مع ستيڤ بالصورة وقت كانوا بالمزاد... قالت سحر بمزح : والله ما تمزحين أنتي ... لفت سحر بذهول لقمر وقت شافت أخر صوره مرفقه بالحساب ومعلق تحتها " my one and only " وكانت قمر واقفة مع ستيڤ بالصورة وقت كانوا بالمزاد ... قالت سحر بمزح : والله ما تمزحين أنتي ... ردت عليها نغم وخي تسحب الجوال وتأشر على صورة : والله ألي ما تمزح صدق ، أنتي تغنين ؟؟ وكانت صورة لقمر وهي تعزف بيانو وستيڤ واقف جنب البيانو ، ومعلق تحتها " my greatest diva "... وقفت سحبت قمر جوالها بضيق داخلي من طروا ستيڤ ، وقالت : أعزف بيانو بس ، وأغني بخفيف ... أخذت نفس وطلعته وقالت : أطلعوا من حسابه ، تراه متوفي ... وسرعان ما حذفت سحر الجوال بخرشة بعد كلام قمر ، وتعالت بعدها أصوات البنات بضحك من ردة فعلها ... قامت توق بعد ما سمعت رنة منبه جوالها وقالت : جايتكم بنات ، بروح أعطي جدتي دواها ... ميلت تالين شفايفها وهي تشوف قمر ترقص وتدندن مع الأغنية بروقان ... همست بداخلها وقت تذكرت سلطان : والله ألي منتي حولها يا خلود ... خرجت توق وهي تتوجه لجدتها ألي جالسة مع منى ومناهل وهاله ... وأخذت الشنطة الصغيرة ألي مع جدتها حتى تعطيها علاجها ... خلصت ولفت راجعه للبنات ، وشتتت عيونها لما طاحت على سعود ألي جالس يكلم بالجوال ، وجالس على سيارته ألي فاتح بابها ومطلع رجل ومدخل الثانية ... ميلت شفايفها لثواني وبعدها لفت برأسها حتى تدور الجوري وينها ... وحصلتها مع جابر ألي يلعب معها سوني ، حصنتها بداخلها بخوف عليها ، مو من جابر لكن من اصاحبة ألي معه ، هي تعرف جابر لكن ما تعرف مين اصحابه ... نتوقف هنا.... لامارا غير متواجد حالياً رد مع اقتباس إضافة رد صفحة 2 من 7 < 1 2 3 4 > الأخيرة » « الموضوع السابق | الموضوع التالي » أدوات الموضوع مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق انواع عرض الموضوع العرض العادي الانتقال إلى العرض العادي العرض المتطور العرض المتطور العرض الشجري الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Trackbacks are متاحة Pingbacks are متاحة Refbacks are متاحة قوانين المنتدى الانتقال السريع منتدى الروايات الطويلة المنقولة الخليجية المكتملة الساعة الآن 06:40 AM -- Rewity_Orginal_1 الاتصال بنا - روايتي - الأرشيف - الأعلى Powered by vBulletin® Copyright ©2000 - 2026, vBulletin Solutions, Inc.