الفصل 1
(( أبي حبك معي يكبر وأبي أهواك أنا أكثر ))**
الكاتبة : عشير المحبه
[الجزء الاول ]
اعرفكم اول شي على العوايل:
عايلة بوسيف:
ام سيف...
بوسيف:متوفي بسبب مرض القلب((من4 سنين))...
سيف:39 سنة متزوج ثنتين الاولى بنت عمه سارة وعندها شوق عمرها 14 سنة..ونجلاء عمرها13 سنة...والثانيه من معارفهم واسمها حمدة ..شوق ونجلاء يكرهوون مرت ابوهم عكس امهم..يشتغل في شركة ابوه..
عبدالله:عمره22 سنة محير حق بنت عمه ويشتغل في قطر للغاز....
محمد:21 سنة ثاني سنة جامعة مغازلجي...بس ما يرضى على اخته..
هند:20 سنه اول سنة جامعة..تحب تقعد مع بنات عمها...
عايله ابو جاسم:
ام جاسم....
ابو جاسم...
جاسم:21 سنة يشتتغل في الشرطه ((قسم مكافحة الجرائم)).. دمه خفيف..يحب ينرفز اخته....
شيخة:20 سنة في الجامعة سنة اولى وتاخذ من صفات اخوها((متعلقة في ابوها واااايد))...
نورة بنت عمي يتيمة هي معانا في البيت مع اخوها خالد لين يحصلون بيت نورة عمرها:18 سنة...وخالد عمره...23 سنة....
عايلة ابو عبدالعزيز:
ام عبدالعزيز...
ابو عبدالعزيز....
عبدالعزيز:25 سنة يشتغل في شركة عمه...
فهد:20 سنة...ثاني سنة في الجامعة....دوم يقعد مع ولد عمه...مغازلجي...
مريم:19 سنة..ثاني ثانوي....
عايلة بو خليفة:
ام خليفة...
ابو خليفة...
خليفة:27 سنة متزوج من وحده اسمها امل....وعندهم نوف 5 سنين وراشد 9 شهور.....يشتغل في التجاره((بره البلاد))...
سارة:30 سن متزوجة من ولد عمها سيف و عندها شوق+نجلاء...
ناصر:20 سنة...ثاني سنة جامعة..دوم مع عيال عمه....
ريم:19 سنة...ثاني ثانوي...((تحب ولد عمها فهد)).....
++++++++++++++++++++++++++
اخليكم مع احداث القصة...
((بيت بوسيف))
هند كانت في غرفتها تذاااكر حق الامتحانات....بس تمللت...طلعت من الغرفة عشان تقول حق امها انها بتطلع.....
هند وهي تصارخ:يمـــــــــــــــــ� �ــــــــــــــــــــــه يمــه...
ام سيف:وصمة تصمج شتبين؟؟
هند ركضت صوب امها:يمه ابي ارووح فيلاجيو...
ام سيف:من بيوديج؟؟
هند:شيخاااني بنت عمي...
ام سيف:زيـــن بس ودي شوق وياااج...
هند:اوكيــــيك...بس نجووول لا...
راحت تركض صوب غرفة شواااقي عشان تقولها....
هند واهي تطق الباب:شوااااااااااااااااا� �اااااااااقي....
شواقي:نعم؟؟
هند واهي تدف الباب عشان تدخل:ترووحين فيلاجيو؟؟؟
شواااقي:ايـــــــــــــــ� �ــــــــه.....بروح..
هند:يلا لبسي بسرعة بس لا تقولين حق اختج...زيـــــــــن؟؟
شواقي:زين...
طلعت هند من عند شواقي عشان تتصل في شيخة.....وتقولها:
هند:الووووو..
شيخة:هلا هنودة...
هند:شلونج؟؟
شيخة:الحمدالله....انتي؟؟؟
هند:ابخيــر.....شخاني؟؟
شيخاني:هلا؟؟؟
هند:تروحين فيلاجيو؟؟؟
شيخة:ممممم...اوكيه...باكلم ابوي وبارد عليج...
هند:اوكيه..باي...
شيخاني:باااااي...
ابو شيخة وافق وراحت هند تلبس...هنودة نزلت تحت:
هند:السلام عليكم...
سيف:عليكم السلام شخبارج؟؟
هند:الحمدالله..وينهم الاهل؟؟
سيف:مادري والله بس هم في البيت...
هند:هههه...ترى شوقاني بتطلع معاااي..
سيف:ايه قالت لي....
هند وهي طالعة:يلا باااي...
سيف:في حفظ الرحمن.....
طلعت بره الحوش انطر شيخاااني...خمس دقايق الا هي متصله عشان نطلع لها...طلعنا انا وشوقاني حق شيخة وتوكلنا على الله...
هنودة وهي تركب:السلام عليكم...
شيخاني:وعليكم السلام.....
تينا ساكتين وشيخة تتكلم في التليفون شوي الا هي مسكرة...
شيخاني:شواقي؟؟؟
شواقي:هاااه؟؟
شيخاني:طلعي لي شريط حلو من الدرج...
شواقي وهي تحوس في الدرج:اوكيه ...هاي حلو مال الوسمي...
شيخاني:هاتيه...
شواقي عطت شخاني الشريط وتمينا نسمع لين رن جوال هند:
هند:الووو
محمد:هلا هند شلونج؟؟؟
هند تستعبط:من معاي؟؟؟
محمد:بلا استهبال...
هند:ويـــــــه مالت عليك....
محمد:انتي ويـــن؟؟؟
هند:انا في فيلاجيو..
محمد:مع من؟؟؟
هند:مع شيخاني وشواااقي...
محمد:اهاا عطيني شواااقي...
هند:ليـــــــــــــــــــ� �ــــش؟؟؟
محمد:مالج خص...
هند:زين....لحظة...
هنودة:شوووقو محمد يبيج...
شواقي:عطيني...
شواااقي:الووو هلا...عمي..
محمد:هلا شلوونج؟؟؟
شوق:بخير ..انت؟؟
محمد:بخير...اقوول الا غريبة وين السانج عنج؟؟؟ههه
شواقي:الساني ما يطلع الا اذا جاف عذر...
محمد:هههههههه...حراام عليج...تقصدين ان انا انرفزج؟؟؟
شوااقي:اي حرام علي...وبعدين((اللبيب بالاشارة يفهم))...
محمد:حسابي معاج في البيت...انزين وحدة تبيج...
شواقي:من...يلا عطني....
حمدة:الوووو..
شواقي:من؟؟؟
حمدة:انا؟؟
شواقي:ايه من انتي؟؟
حمدة:هههه انا حمدة يالبقرة...
شواقي:محد بقرة غيرج...والله
حمدة:باعلم ابوج...
شوق:علمي محد ماسكج...
حمدة:خلاص...باي..
شوق:باااااااااااااااي..
سكرت شوق الجوال وهي معصبة وتمت تسب وتدعي على محمد وحمدة...
هنودة:شفيج؟؟؟
شواااقي:العنز تبي تتهاوش..
شيخاني:هع هع ابي اتهاوش من زمان ماتهاوشت....
هند:اقوولجب ونزلوا قاعدين ساعة في السيارة...
+++++++++
نزلنا فيلاجيو دشينا من صوب المطاعم...
هنوده:اي مطعم؟؟
شيخاني:مممم...خلنا نروح ماكروني...
شواقي:يلا خلصونا انا يوووووعااااااااااااااااان ة...
هنوده:خلاص توكلنا على الله...
رحنا صوب المطعم.....خذ الطلب بس قعدنا سسااااعة لين جابوووه...
شوااقي وهي تاكل:ابي اروووح فيرجين...
هنوده:بس اول شي انصلي وعدين نروح فيرجين....
((بيت ابو جاسم))
قبل لا البنات يروحون فيلاجيو كانت شيخاني جنب ابوها....
شيخاني:هلا يبا شلوونك؟؟
بوجاسم:الحمدالله...انتي يابنيتي؟؟؟
شيخاني:انا الحمدالله...يعلك بالف عافية دووووم مو يوم...((لمته))
((شيخاني كانت متعلقة في ابوها وااااااااااااااااااايد من يوم مانولدت على الدنيا وهي بحضن ابوها ))
بوجاسم:اشوفج كاشخة...
شيخاااني:ايـــه باطلع البنات يبون يروحون فيلاجيو...
بوجاسم:زين انتبهي في الطريــــق...
شيخاني:من عيوني كم بوجاسم عندنا احنا؟؟يله تأخرت عليهم....((تبوس راس ابوها))
بوجاسم:فمان الله...
طلعت شيخاني من عند ابوها ...وهي طالعة جافت اخووها جاسم..
جاسم:شيخااني وين رايحة؟؟
شيخاني:بطلع مع بنات عمي..
جاسم:اوكيه لا تاخرين..
شيخاني:انزين...جاسم انتبه لبوي...اوكيه؟؟
جاسم:لاتحاتين...
شيخة وهي تشغل السيارة:باااي...
((فيلاجيو))
mango هنوده:شيخاني تعالي ابي اروووح
شيخاني:اوك..
وحنا نمشي رن جوال هند وكان المتصل مريم بنت عمي...
هند:الوو...هلا بمريووومه...شخبارج؟؟
مريم: بخير انتي؟؟؟
هند:بخير دامج بخير...وينج؟؟
مريم:انا في بيت عمي بوخليفه...انتي؟؟
هند:انا في فيلاجيو..
مريم:اهاا..من معاج؟؟
هند:شيخاني وشوق...
مريم:ليش ماتقولون لنا؟؟((تستعبط))
هند:مزااااااااااااج...هعهعه عهعهع
مريومه:هههه...يلا بس كنت ابي اسلم عليج من زمان ما جفتج..سلمي عليهم...
هند:يبلغ...يلا باي...
mango وسكرت عن مريم..وحنا نمشي كنا نسولف مع بعض الا شوقي ساكته..يوم وصلنا
دشينا الا شوق تقول:
شوق:عمتي؟؟
هند:هممم؟؟
شواقي:حلوة البلوزه؟؟
هند:ايـه خذيها..
شوق:اوكيك...
خلصنا طلعنا من المحل ورحنا فيرجين ...تونا بندخل الا يرن جوال شيخاني:
شيخاني:الوو..هلا جاسم..
جاسم:شيخاني رجعي بسرعة ابوي في المستشفى..
شيخاني:شنوووو؟ شفيه؟؟
جاسم:طاح علينا..
هند وشوق التفتوا يبون يعرفون شالسالفة؟؟
شيخاني:جاسم اي مستشفى؟؟
جاسم:في مستشفى حمد...
شيخاني:خلاص انا ياية...((سكرت واهي تصيح))..
هند:شيخاني شصاير؟؟
شيخاني وهي اتلمني وتصيح:ابوي في المستشفى ...
قعدت اهديها...وطلعنا بنروح المستشفى...
ركبنا السيارة وشيخاني تسوق واهي تصيح..
هند:خلاص شيخة ماصار الا الخير...
شيخاني وهي تصرخ:ابوووي في المستشفى بين الحيا والموت....
هند هزت راسها بمعنى لا حول ولا قوة الابالله....وصلنا المستشفى ونزلنا...شيخاني تمت ترااكض جنها مينونة تدور الغرفة اللي ابوها فيها..هند راحت عند الدكتور تسأل وين الغرفة؟؟
وطلعنا رايحين فوق وشيخاني تصيح ...انفتح اللفت وطلعنا منه...كان الكل متجمع برع تقريبا وراحت شيخاني تركض حق اخوها وتمت تصيح وهو يهديها وهند وشوق قعدوا عند سيف...
شوق:يبه شصاير شفيه عمي؟؟
سيف:تهاوش مع جاسم وجأه طاح عليهم..
هند:لا حول ولا قوة الا بالله..
((الكل كان على اعصابه وتمينا ساكتين ما نسمع الا شهاق شيخة من كثر ما تصيح...وطلع الدكتور معصب او متوتر..))
الدكتور:الوالد عطاكم عمره..
في هاللحظة شيخة انصدمت وضاجت الدنيا في عيونه وكان حاس انه هو السبب في اللي صار...
وكان فهد توه داش وسمع اللي قاله الدكتور تم منصدم...وشيخاني شاله المستشفى فةق راسها...ام جاسم تكت ساكتة منصدمة من الخبر وكانت دمعاتها تهل بصمت...وفجأة اغمى على شيخااااني وخذوها الغرفة وتمت نص يوم مرقدة...
+++++++++++++++++++++++++++++++++++++
((بيت بوجاسم))العزا
الكل كان لابس اسود والمكان تحول من منور الى مظلم والشي الوحيد اللي منور المكان هو القرآن...هند ومريم وريم كانوا فوق في غرفة شيخة:
هند:خلاص شيخة دموعج مابتسوي شي...
شيخاني:..............
مريومه:شيخة خلاص..
شيخاني: .....هاي ابوي..
هند:بطلع اجيب ماي وجاية...
طلعت هند وتموا ريم ومريم مع شيخااني...
ريماني:اكاه ابو هند متوفي من 4 سنين ماسوت اللي سويتيه..خلاص شيخة خلج قويه...خلي ايمانج بالله قوي....
مريم:في غيرج كانوا يتمنون يعيشون مع ابوهم نص العمر اللي انتي عشتيه معاه...بس هاذي كتبة الله...
دشت هند ومعاها قلاص الماي وعطته شيخة...
هند:شيخاني اشربي هالماي عشان خاطري...
حذت شيخة الماي و هدت شوي ...
شيخاني:مشكورين...
هند:شيخاني عبدالله اخوي يقولج عظم الله اجرج..
شيخة بصوت واطي مبحوح:اجرنا واجره سلمي عليه...
هند:انشالله...يلا مع السلامة عبدالله برع...
الكل:مع السلامة...
طلعت هند من بيت بو جاسم رايحة سيارة عبدالله ...
هند:السلام عليكم...
....:عليكم السلام شتبين جاية سيارتي؟؟؟
هند وهي ترفع راسها:ناااااصر؟؟
ناصر:لاقاصر...ايه ناصر اول مره تشوفيني؟؟
هند:لا بس ليش راكب سيارة عبدالله اخوي؟؟
ناصر:عبود اخوج هناك سيارته هاي سيارتي...اقوول نزلي نزلي ..
هند:انزين آسفة ((وطلعت من السيارة وهي فيها الدمعة ليش ناصر يكلمها جيه؟؟هو معصب؟؟
وراحت مكان ما اشر ناصر وركبت السيارة وهي تصيــــــــــــــح...
عبدالله:هند؟؟شفيج؟؟
هند توهقت تخاف تقول حق عبدالله انها ركبت مع ناصر بالغلط تخاف يعصب فقالت:لا بس شيخاني كاسرة خاطري...
عبدالله:الله يكون بعونها شحالها؟؟
هند:زينه بس احسها مب مصدقة ان ابوها توفى ...
عبدالله:هذا يومه...هند
هند:ادري...شيخاني تسلم عليك..
عبدالله وهو شاق الحلج:الله يسلمها((ابتسم))
هند:انزين ليش واقف؟؟..امش..
عبدالله:هع خذتنا السوالف...
تمينا ساكتين لين ما وصلنا البيت ...
هند:مابتنزل؟؟
عبدالله:لا باروح العزا..
هند:فمان الله..
عبدالله:مع السلامه...
دشيت البيت ومالقيت الا حمدة في الصاله...رحت وقعدت عندها...
هند وهي اتطيح على الكرسي :شخبارج؟؟؟
حمدة: بخير...انتي؟؟
هند:بخير...وينهم؟؟
حمدة:الكل في العزا...ماغير نجالي وشواقي..
هند:عيل وينهم؟؟
حمدة:فوووق..
هند:اوكي انا بارووح فوق..غرفتي..
حمدة:بااي..
راحت هند وحطت راسها ورقدت والساعة 4 الفير قامت هند تغسلت وصلت وطلعت من الغرفة وراحت الصالة ...تمت اتطالع التلفزيون عقب ما كلت لها شي ...تمت تفكر وسرحت الا محمد طالع من الغرفة واستغرب من هند اللي كانت قاعدة...
محمد:اوووه...هنود قاعدة؟؟
هند:هاااه..
محمد:شفيج قاعدة هالحزه؟؟
هند:بس توني قاعدة ...وجيت اطالع التلفزيون..
محمد:اهاا...شفيج سرحانة؟؟
هند:افكر...
محمد:في من؟؟
هند:محد بس افكر..
محمد:محد يفكر في محد...
هند:باقولك بس ما تهاوشني...
محمد:مب مهاوشج..
هند:لا فشيلة..
محمد:قولي عادي...انا اخوج..
هند:اليوم ركبت سيارة ناصر بلغلط على بالي سيارة عبدالله..بس والله ماقصد..
محمد:بس؟؟
هند وهي تهز راسها بمعنى ايـه:اية بس ...هاوشني وعصب علي..
محمد:يمكن كان معصب او زعلان..
هند:مادري..
محمد:عبدالله مايااه؟؟((يغير السالفة))
هند:مادري يمكن...
محمد:يلا قومي نامي لج ساعة بكره جامعة..
هند:ايه اوكيه انت اللي بتوديني؟؟
محمد:ايه بودييج...عاد كيفج عقب الساعة 7:30 بطلع..
هند:هعهعهع انزين خلاص بقوووم..يلا باي
محمد:الناس يقولون تصبح على خير لكن انتي غير ...((يقلد صوتها))باي..
هند:كيفي باااااااااااااااااااااااي ..هع
وردت هند الغرفة عشان ترقد لها كم ساعة قامت على الساعة 6:30 وسبحت ولبست ثيابها على السريع ونزلت..كان الكل قاعد باست امها على راسها وقعدت:
هند:السلام عليكم...
سيف:توالناس ....الناس يسلمون عقب يبوسون راس امهم...
هند:مالك خص متى ما بغيت اسلم باسلم..
سيف تم يطالعها بنظرات بس هي عطته الطااااف وتريقت...
هند:محمد انا بارووح السيارة..
محمد:اوكي وراج جاي..
ركبت هند السيارة وقعدت تتعبث في الراديو لين حصلت القرآن وخلته كان على صوت العجمي...
محمد يوم ركب:حي الله هنود..
هند:الله يحيك..
محمد:شفيج جنج معصبة...
هند:ايه من اخوك الحمار...
محمد:هع سيفاااني؟؟
هند:ايه اونه اكبر مني...
محمد:خليه عنج...
هند:زين..
وصلت هند الجامعة ونزلت...وراحت الكفتريا وتمت على الطاولة لين ما جات حصة رفيجتها وتمت تسولف معاها لين رن
جوالها ...:
هند:الووو..
.....:من؟؟
هند:انت اللي من ..انت اللي متصل..
....:انا ناصر انتي؟؟
هند:انت مالك خص في اسمي..ياقليل الادب..
ناصر:هي انتي انا ناصر ولد عمج...
هند بدون نفس:خيـــر بغيت شي؟؟
ناصر:لابس كنت ابي اقولج آسف ما كنت اقصد بس كنت شوي معصب...
هند:لا عادي .يلا باي..
ناصر:انزين ليش بتسكرين؟؟؟ خلنا انسولف..
هند:مب صاحي؟؟؟....انا بنت عمك..
ناصر:قلتيها بنت عمك..يعني عادي..
هند:لا مب عادي انا مب حلال عليك..يلا يلا باااي..((سكرت التلفون في ويه))
وتم يتصل ناصر على جوال هند بس ماترد عليه...يوم تمللت منه سكرت الجهاز بكبره...
حصة:شيخاني متى بتدااوم؟؟
هند:والله مادري..
حصة:صار لها اسبووع غايبة..
هند:مادري ...باشوفها اليوم..
طلعت هند تنطر محمد وطول...شكله نساها وطلعت جوالها واتصلت حق محمد:
هند وهي معصبة:حمووود...وينك؟؟
محمد:جايج بس الدكتور حابسني...
هند:من ملاغتك..وشطانتك..حشى ياهل...
وخمس دقايق الا محمد عند باب الجامعة...هند توها بتركب السيارة بطلت عيونها يوم جافت ناصر بس عقب طنشته وركبت السيارة ...:
هند:السلام عليكم..
ناصر ومحمد:وعليكم السلام..
ناصر:شخبارج هنود؟؟
هند:الحمدالله..
وتمينا ساكتين انا ومحمد..ةناصر يهذر بجواله ...وصلنا ناصر البيت...بعدين قعدنا نسولف ...وصلنا البيت ...تفريبا الكل كان في البيت راحت هند تغير ملابسها ولبست بنطلون وبلوزه...وقعدنا نتغدا...
كان عبدالله وسيف يتطنزون ..
هند:عبوووود خلاص ...يـــــــــــــه...
سيف:انتي مالج خص احنا مستانسين انتي مالج خص...
هند:جب...خلاص انا بارووح...
هند راحت فوق تتصل في شيخة بس ماردت عليها شيخاااني ...هند حطت الجوال على الطاولة وتنهدت...تمت تلعب في الابتوب وانطق الباب عليها...:
هند:مـــــــــــــــن؟؟
ام سيف:يمه هند قومي نزلي تحت ذاكري حق نجالي...
هند:انشالله يـــمه...((نزلت تحت))
هند:نجالي؟؟
نجالي:نعم عمتي؟؟
هند:شعندج امتحان؟؟
نجالي:عربي...
هند:اهاا...جيبي اغراااضج وتعالي ...
نجالي:اوكيه..
طلعت هنودة وراحت غرفة سارة ..
هند وهي اتطق الباب:ساارووووووووووه...؟؟؟
سارة:خيـــــر؟؟
هند:شفيج؟؟
سارة:مافيني شي...
هند:شخبارج؟؟
سارة:بخير ..انتي؟؟
هند:بخير..شفيج معصبه؟؟
سارة:لا مافيني شي وين حمدوووه؟؟
هند:جنها في بيت اهلها...
سارة:ماقالت لي...((سارة وحمدة يحبون بعض وسارة مازعلت يوم تزوج سيف عليها))..
هند:شدراني...انا بارووح اذاكر حق بنتج...
سارة:نجالي؟؟
هند:ايــه..
سارة:مشكووورة...يزاج الله خير..
هند وهي تستعبط:لاعادي...ولو((راحت حق نجالي))
++++++++++++++++++++++++++++++++++++
((بيت بو عبدالعزيز))
مريم كانت سرحانة تفكر في شيخاااني وفي حالها لان صار لها كم يوم ما تطلع من غرفتها وكله تصيح......فجأة نقزت على صرخة فهد اللي هزت الدنيا...
مريم:ويــــــــــــــــــ� �ــــــــــعة.......ياااا علك بمرة حووولة.....بدال لا تلمك تلم الباب اللي حذاك....
فهد:هع هع هع اسم الله علي...
مريم:جب ...شحفان القطو...
فهد:ههه..ماعلينا من اللي ماخذ عقلج ؟؟؟...اذا رجال كسرت راااااسج....
يالتيس؟؟face مريم:تخسي....شتبي راز ال
فهد:انااااااااااااا؟؟ماعل� �ه بس بتحتاجين...
مريم:هع...فهوودي؟؟
فهد:هااا؟؟...من الحين التمصلح؟؟بس روووووووووووووحي زيـــــــــــــــــــــــ ـــــــــــــن...
مريم:والله حرام عليك ابي اجوووف شيخاني والله تعولر القلب.....هئ هئ....بلييييييييييييييييييي ييييييييييييييييييييييي ييييييز...؟؟
فهد:خلي عزوز يوصلج...
مريم:اسمه عبدالعزيز....زيــن....وانت فهووود....
فهد:رووووحي زيـــــــــــن....انتي مريوم واخوج عزوز...
الاعبدالعزيز داش عليهم..........فهد طبعا انصدم الا مريم تقول:
مريم:كاهو اقوووله؟؟...
فهد يساسر اخته ((مريم)):والله لاقلب السالفة عليج...
عبدالغزيز:هي...انتوا شعندكم تتساسروون؟؟هاااا؟؟؟
فهد:ها ولا شي ......بس اختك الله من الصبح وهي تقول عزوووز وعزوووووووووووز......وانا اقولها اسمه عبدالعزيز..بس مب راضية..لاوتقوول انت فهووود واخوك عزووز...
مريم وهي تشهق:انااااا؟؟والله انك خراااااط....((تلتفت حق عبدالعزيز)) عبدالعزيز والله جذااااب...
عبدالعزيز:ادري حبيبتي انتي مالج خص بهالسوااالف....بس فهد اكيـــــــد اللي قايل هالكلام((التفت حق فهد))صح؟؟
فهد وهو يبلع ريجه:هاا.....لا ..
مريم وهي تساسر فهووود:ها..توديني ولا ازيد كلام من عندي...
فهد:لايامعودة...خلاص بدلي ثيابج ....
مريم:عفيه عليك.....هاي فهووود الحلووو اخوي...
عبدالعزيز:ههههههه...واله انكم يهاااااااااال...هعهع
++++++++++++++++++++++++++++
((بيت ابوخليفة))
ريم كانت تطالع التلفزيون ومرة وحدة الا التليفون يرن ..هي طبعا ما سمعته الا يوم طلعت روووووحه من كثر مايرن..:
ريم:الووووو..
....:هلا ريم شلونج؟؟
ريم:الحمدالله انتي؟؟
.....:الحمدالله يسرج الحال..
ريم:مريووووم..اشتقتلج من زمان ما جفتج...
مريم:حتى انا ....ريم تروحين معاي العزا؟؟حق شيخااني؟؟
ريم:اي صح شلونها الحين؟؟
مريم:حالها لايسر لا عدو ولا صديج....انزين تروحين؟؟
ريم:لحظة باخبر امي وبارد لج خبر....
مريم:بلا باي...
ريم:في حفظ الرحمن...
سكرت ريم من عند مريم وشخطت حق امها تقولها انها تبي تروووح العزا:
ريم:يــــــــــــــــــــ� �ـــــــــــــــمه.....يم ــه...((تستعبط))ماما يا ماما...
ام خليفة:لا الـه الا الله...شفيج حاشرة الدنيا؟؟ها؟؟..............
ريم:هلا بأغلى ام في الدنيا.....((تبوس راس امه))....
ام خليفة:آآآآآآآآآآآآآه منج......خلصي علي شتبين؟؟؟تراني مشغوووله...
ريم:هع هع ......ابي اروووح العزا حق شيخاااني وامها....
ام خليفة:زين روووحي......بس لا تبطين...
ريم:مشكورة بس بعد شي واااااااحد......ممكن؟؟
ام خليفة:شنووووو؟؟
ريم:كلمي اخوووي ناااصر...يوديني حق بيت عمي....
ام خليفة:خخخخخخخخخخ راااحت عليج.....ناصر طلع من خمس دقاااايق.....
ريم:اووووووووووووووووف...زي ن عيل باخلي مريووومه تمر علي....عادي؟؟؟
ام خليفة:من بيوديها؟؟.........
ريم:اكيـــــــد فهد اخوووها .....بس باتغشى يمه والله والله......
ام خليفة:بل بل...خلاص رووووحي....
يمه Thanxsريم:
ام خليفة:يلا روووحي لا تتأخرين على البنت....
ريم:زيـــــــــــــــــــ� �ــــــــــــــــــن..... ..والله...
ام خليفة:هاااا....شقلتي لاييبج بالملاس على راااسج.....والله بناااااااااااااات آخر زمن......
ريم اتصلت حق مريم وقالت لها تمر عليها عشان ترووح معاهم.....وهي مستانسة ان فهد اللي بيوديهم...((تحبه))لا وتسم عمرها...((مينونة فهد)).....ههههههه...
+++++++++++++++++++++
((في السيارة))
كانت ريم تتكلم واااااااااااااااااايد لانها كانت متوترة وفهد كان ساكت يسمع اخته وريم .....لين ريم سمعت اغنية في الراديو تحبها...((سلام العشق)):
ريم:الله....احب هالاغنية...
فهد وهو يناحس ريم ((سكر الاغنية))وهويقووول:والله ماتستحون على ويوهكم......رااايحين عزا وتتسمعون اغااااني....
ريم:هه...هه.....والله انك بايخ...افتح المسجل...
مريم:صح كلام فهد حرااااام عمي توه متوفي واحنا مشغلين الاغاني...
ريم وهي منحرجة:آسفة ماكان قصدي.....
وصلوا بيت عمهم وانزلوا....وفهد كان وده انه يجوووف ويه ريم....هم الثنين يعشقوون بعض...بس محد يدري بالثاني...
دخلوا بيت عمهم كااانوا واااايد حريم وزحمه....على طوووول راااحوا حق شيخاااني حتى بدون مايسلمون:
مريم وهي تطق الباب:شيخاااني....فجي الباب انا مريم...
شيخاااني:....................
ريم:يلا شيخة حبيبتي...فتحي الباب مب زين عليج جي....
تفاجئوا يوم انفتح الباب وطلعت لهم هند:
هند:هلاريم,مريم...
مريم+ريم:اهلين...
مريم:شخبارها شيخاني؟؟
هند:والله هاي حالتها ما ترد على حد .....جنها غتمة..
ريم:مسكينه معاها حق هلي ابوووها.....بعدين هي كانت متعلقة فيه وااااااااااااااااايد.....
مريم: الله يكون بعونها.......
هند+ريم:آآآآمين...
مريم:هند وريم...عادي تخلوني شوي مع شيخااني؟؟....ابي اكلمها...
هند:على راحتج..... انا رايحة تحت حق مرت عمي...
ريم:انا بعد ابي اكلمها...
مريم:بس باكلمها شوي عقب بناديج...
ريم:اووكيــــــــــــه...
ريم وهند انزلوا تحت حق مرت عمهم...دشت مريم حق شيخاني وتموا ساكتين مدة....لين تحجت مريم وقالت:
مريم:هلا شيخة ....شلونج؟؟
شيخااني ودمعاتها تهل بصمت:......................
مريم:شيخاااني خلاص لا تصيحين....
شيخااني:...............
مريم:شيخاااني حرااام عليج اكلي لج شي وشربي ماي وصلي واقري قرآآآآن...ترا امج محتاجتلج بعد....هي ابروحها تحت مع الحريم...
شيخاني وهي تصيح بصوت عالي مسمووع:آآآبي ابوي اشتقت له...
مريم:خلاص...حبيبتي..
شيخة قعدت تلم مريم وكملت صياااح:ابيه...ابيه اشتقت له...انا ماشبعت منه....كله مني انا كنت قاعدة معاااه بس قلتله بارووح فيلاجيو يوم ماات ماكنت عنده...ماكنت يمه...كله مني كان ممكن اني اقعد معاه اكثر.....آآآآآآآآآآآآآآآآآآ� �آآآآآآه..
مريم:زين هاي كتبة الله...
شيخاني:خلاص خلوني بروحي...
مريم:على...راحتج...
طلعت مريم وشيخة ركضت وراها عشان تقفل الباب بس الباب اندز بالقووووووووووووو.....حتى شيخة بغت تطير...
ريم:هلا شيخة....شلونج؟؟..
شيخة:انتوا ما تفهمون؟؟خلوني برووووحي...((قعدت تصيح))..
مريم وهي تسحب ريم:انتي يالهبلة....يالدفشة طيرتي البنت....
ريم:ي يه يه يه...ابي اكلمها...
مريم: بعدين هي الحين تعبانة....
ريم:اوووووووووووووووووووف. ...زيــــــن...
طلعوا وشيخة قفلت الباب من وراهم وانسدحت على السرسر...تتذكر ابوها وغشمرته وتتذكر لين هي توقظه حق صلاة الفير ...لين عصب..لين كان متضايق...الخ..
((برع غرفة شيخة))
نورة راحت حق اخوها خالد من أول ماركب الدري كان معصب.....قالت له نورة:
نورة:شفيك معصب؟؟....
خالد:مب معصب ولا شي...
نوره:زيـــن..شفيك؟؟
خالد:لا بس جاسم يكسر الخاطر....حالته حالة...
نورة:جاسم؟؟؟وينه الحين؟؟
خالد:في غرفته....طلع من الميلس...وخلا الرياييل...
نورة:تصدق حتى شيخة تكسر الخاطر مسكينة....صااارت كلش غير...والهالات السودة من حولين عيونها وضعفت.....قااامت ماتاكل...
خالد وهو رايح:الله يكون بعونهم...
نورة:آآآآمين...
راح خالد غرفته عشااان يرتااح لانه من توفى الوالد وهو مارقد عدل... عاااد نورة ماصدقت على الله انه محد يكون حذاااها عشان تكلم جاسم.....راحت بتطق الباب الا جاسم فاتح الباب بيطلع..:
نوره وهي منصدمة من شكل جاسم:هلا...جاسم....
جاسم وهو يمشي:اهلين...((يكلم عمره بصوت وااطي)):هاذي شتبي؟؟؟.
نورة سمعت جاسم يكلم عمره..بس ماتدري شقال...قالت:جاسم انا قلت يمكن تبي تاكل لك شي لأنك ماكلت من زمااان...
جاسم:لا مشكووورة مابي شي.....إلا وين شيخة؟؟..
نوره وهي مبوزة لان جاسم مطنشها:في غرفتها...قالت ماتبي تشوف احد...
جاسم:...............
جاسم كان ماعطي نورة الطاف لأنها ملغة وملغت عليه الصراااحة....نوره تمت واااقفة مكانها منصدمه أن جاسم ماعطها الطاف....((مطنشها))
جاسم راح صوب غرفة شيخة بس حصل حريم عند الغرفة...
تنحنح جاسم وقال:درب..
ريم:هلا جاسم عظم الله اجرك...
جاسم:اجرنا واجرج...
مريم يوم سمعت اسم(( جااسم)) جاها شعوور غريب ما تدري من شنو؟؟خوف؟؟هل هو شفقة؟؟ماتدري...
بس جاسم قال:ممطن تسوون درب؟؟ابي اكلم شيخة شوي...
مريم:.......