عذبني أنينهآ - الفصل 45 - بقلم للكاتبة هدوئي كارثة - مكتملة | روايتك

البارتات الأخيرة 💖 كنت جاي عند امي اخذ اشياء وشفتها منسدحة عالكنبة : جنو وش تسوين هنا .. عدلت جلستي وطالعت بفارس : ولا شي مليت من غرفتي وجيت اجلس هنا جلست جمبها : جنى شصاير لك فترة متغيرة ولا قمنا نشوفك بالبيت كله حابسه روحك بالغرفة وجالسة وش الي صاير طالعت في ابتسمت : ما فيني شي صدقني بس كذا يمكن تعب من الجامعة طالعت فيها بنص عين : لك شهرين ما رحتي الجامعة تكذبين على مين وقفت وانا ماسكة نفسي : فارس خلاص عاد هو تحقيق يعني وقت ما احب بروح الجامعة جت بتروح بس مسكت يدها : جنى قوليلي شصاير معاك عشان افهم فكيت يدي ورحت الغرفة وقفلت لباب وراي وطحت اصيح : وش بسوي يا ربي .. لاني قادرة اساعد ابوي ولا اعلم اخواني .. وش بسوي والله تعبت من هالحمل كل يوم اشوف عذاب ابوي بعيوني واسكت ما يكفي اكون معاه لازم اعلمهم كلهم بس شلوون .. انا نفسي مو مصدقة وش بقول لهم .. دق جوالي واخذته وكانت ريم اختي مستحت دموعي ورديت : هلا رييم .. بخير وانتي .. لي صوتك تعبان كذا .. شلون ما في شي .. لا محد عندي .. خلاص شوي وبجيك .. تمام .. مع السلامة يقلبي قفلت منها ورحت لبست عباتي ونزلت : يمما بروح عند ريم اختي ام فارس : عسا ما شر جنى : لا تخافين يمما ما في شي بس كذا نتسلا شوي وبجي ام فارس : زين يمما لا تتأخرين جنى : ان شاء الله .. رحت مع السواق لبيت ريم " يا رب ساعدني اتحمل وما اقول شي .. مابي ازعجها " السواق : وصلنا مدام جنى : انت رح الحين ولما اتصل فيك تجي السواق : ان شاء الله نزلت ولقيتها واقفة عند الباب : وش تسوين طالعت فيها وابتسمت : كنت موصية على حلو دخلنا البيت : اول مرة اجي على بيتك بعد الزواج بس الحق ينقال البيت يهبل ابتسمت لها : اي والله حلو جنى : خلنا نجلس ريم : جنو لي كذا ضعفانة طالعت بريم اخفي حزني : عادي حبيبتي احافظ على جسمي طالعت فيها بتفحص : جنو ترا وراك شي كبير قولي فضفضي طالعت بريم : اول شي فضفضي انتي طالعت فيها وتنهدت : وش اقول يا جنى .. تعبت من حياتي هذه جنى : عايشة كانك ملكة وتعبتي .. ضحكت غصبن عني : اي ملكة يا بنتي .. انا سجينة هذا البيت وسجاني مو هنا طالعت بعيونها : ريمو لا تنكرين انك تحبين راكان وهو يحبك طالعت فيها : اي احبه بس الي سوا فيني مو قليل يعني مو قادرة اقوله اني احبه مسكت يدها : مو ضروري تقولينه لانه واضح بعيونك الحب ابتسمت لها : طيب لي نكابر ونجرح بعض دايما ونصارخ على بعض طالعت فيها وضحكت : ببساطة لانكم انتو الاثنين عنيدين يعني لما واحد فيكم يكابر الثاني ما يتحمل ويكابر وبكذا تبدا الشرارة تكبر لين تصير حريقة كبييييرة ريم : بصراحة كلامك صحيح جنى : عشان كذا لازم تتنازلين شوي طالعت فيها بنص عين : ولي هو ما يتنازل جنى : ريم ترا مو تحدي الحب يحتاج تضحي عشان الي تحبه وتتنازل شوي ريم : يا قلبي انتي لي ما تزوجتي للحين الي يسمعك يقول متزوجة ثلاث مرات من قبل طالعت فيها وضحكت : ههههههه ادور الي يفهمني يا ماما الريم تضحك : خلاص بكلم ابوي ينزل اعلان زواج ههههه اول ما قالت ابوي حسيت بشعور غريب : ابوي .. ما ظنيت طالعت فيها وضحكت : شفيك امزح .. تخيلي اقول لابوي شي زي كذا هههههههه طالعت فيها وطاحت دمعتي : حتى لو مزح .. ابوي ما بكون موجود اصلا طالعت فيها باستغراب : جنو شفيك قلبتيها دراما كنت امزح فجأة قمت اصيح بقوة وحضنت ريم : رييم .. انا اسفة والله مقدرت اسوي شي .. مقدرت اساعدة او اكون معاه سامحيني .. رفعت راسها : جنى خوفتيني شصاير طالعت فيها : ابوي يا رييم .. ابوي بيموت نزلت يدي عن وجهها بدون شعور حسيت كاني انشليت ساعتها : ش.. شلو..ن كان بكائي يزداد شوي شوي : ابوي مريض يا رييم معه ذاك المرض .. ابوي باقي له اشهر قليلة او حتى ايام مدري .. طالعت فيها وبصراخ : وش قاعده تخربطين انتي .. اي مرض واي موت واي استهبال .. ابوي ما فيه شي فاهمة ما في شي دفنت راسي بحضنها وانا اصيح ( من شهرين :- وصلت البيت بسرعة وركضت لغرفتي رميت نفسي عالسرير وقمت اصيح : يا ربي يطلع كل شي غلط يا ربي اكوون غلطانة .. يا رب اكون غلطانة .. وقفت بسرعة ورحت مكتب ابوي فتحت الباب وشفته جالس مقابل الدريشة قربت بشويش قعدت علارض جمبه وكنت اصيح : لي ما علمتنا ابو فارس طالع بجنى : وش اعلمكم يا بنيتي ما في شي اقوله طالعت ببوي وانا اصيح : يببا انا عرفت كل شي وشفت ملفك بعد وقريته ابو فارس : جنى يببا لا تقولين لاخوانك حضنت ابوي وانهرت : يبببا تكففى لا تخلينا وتروح .. يبببا تكففى .. مقدر اعيش بدونك .. انت كل حياتي تكفى قول انه كذب قول انه كل شي كذب .. يبببا قووول تكففى ابو فارس طاحت دمعته : سامحيني يبنيتي والله كان ودي اقول انه غلط واني بخير بس للأسف .. ما في امل طالعت ببوي : يببا بنحاول .. الحين الحين الطب تطور وفي علاج لكل شي .. يببا يببا تكفى خلنا نسافر وتتعالج برا ابو فارس مسك يد بنته : جنى ما في مهرب من حكمة رب العالمين .. واذا يومي قرب محد بيمنعه يبنيتي .. حضنت ابوي بقوة : لا لا لا مستحيل مستحيل .. انت بتعيش وبتكون معانا وبتشوفني لما اتزوج .. كنت دايم تقول نفسي اشوف زواج توأمي .. شفت غنى تزوجت باقي انا ومعن .. يببا تكففى خلنا نحاول .. خلنا نحاول .. ابو فارس : قاعد احاول يبنيتي .. واتعالج بالكيماوي بس المرض وصل لمرحلة كبيرة .. طحت عند رجول ابوي وانا اصيح : يبببا لا تخلينا .. لا تخليينا يببا والله ما اقدر اعيش بدووونك والله ما اقدر اعيش بدوونك ابو فارس مسك يد بنته : اسمعيني يا جنى ذا بكون السر حقنا .. محد بيعرف في من اخوانك او امك ولا اي مخلوق .. هزيت راسي وانا اصيح وحضنته ) طالعت فيها وقمت اصيح : لييي ما قلتي لي ما علمتينا مسكت يدها : ما تجرأت ولا قدرت والله وقفت وانا اصيح : وش الحين وش بنسوي مسحت دموعي : ريم محد بيعرف بهالشي ابوي وعدني انه بيجمعنا كلنا ويقول لنا بس موب الحين بيصبر شوي .. جيت بتكلم بس دق جوال غنى : الوو .. تمام تعال خلاص .. مع السلامة حطيت جوالي عالطاولة وطالعت بريم : ريم حبيبتي انتبهي احد يعرف او تغلطين قدام فارس ومعن بشي لو سمحتي .. انا بروح الحين مستعجلة وانتي انتبهي على نفسك اوكي .. حضنتها وانا حابسة دموعي لين طلعت من الباب ورحت لغرفتي دخلت وطحت بنص الغرفة اصيح : ابوووي بيروووح مني .. ابوي بيرووح مني .. يا رب لالا لا ابوووي لاااا .. __________________________________________ كنا جالسين بالصالة كلنا نتكلم عن البيبي الي جاي : طيب وش بنسمي .. ام رامي : والله عاد انا ما بتدخل سحر : اذا كانت بنت سموها سحر رامي : لا لا ما ابغا .. بسميها يامور طالعت في بنص عين : لا يشيخ تحسبني غبية ما اعرف شي .. ام رامي : سموها حلا غنى : اي حلو سحر : لا قديم رامي : طيب اذا ولد ام رامي : قلبي يقول انها بنت سحر : وانا بعد اقول بنت رامي : انا قلبي يقولي ولد طالعت فيهم وضحكت : هههههههه شوي شوي للحين بالشهر الثالث يجماعة ام رامي : اهم شي الخلقة الزينة الصحة تقومين بالسلامة وكل شي يجيبة ربي حلو سحر : اميين يا رب ام رامي : الا سديم ما اتصلت سحر : لا تلاقينها مستانسة بشهر العسل رامي : تصدقون اشتقت لها سحر : وانا بعد ابو رامي نزل : ها اشوفكم مجتمعين ام رامي : نختار اسم لحفيدنا .. ابو رامي ضحك : هههه هو يجي او تجي وحنا بنختار احلى اسم .. ام رامي : احط لك تتعشا ابو رامي : لا لا شبعان الحمدالله سحر : استأذنكم يا جماعة بروح ارتاح .. تصبحون على خير غنى وقفت : وانا والله تعبت وبرتاح شوي طلعنا انا وغنى على غرفتي : برتب الغرفة شوي شوفي شلون حالتها .. غنى : خلاص بساعدك .. ابتسمت لها : اوكي .. بدينا نرتب الغرفة والي ما تبغا ترمي .. شفت لوحة ورا الخزانة ورحت اخذتها : حلوة هاللوحة من وين طالعت فيها مستغربة : من وين هذه غنى : شفتها ورا الخزانة اخذتها منها وطالعت باللوحة : هذه .. اي صح تذكرت من زمان هذه واحد رسمني يوم كنت عالبحر وعطاني اياها طالعت باللوحة : بس بصراحة الرسمة حلوة .. صحيح بدون الوان بس جميلة اخذتها وعلقتها فوق سريري : لو الاقي هالشخص بخلي يرسم لي بغرفتي .. تعرفين احب الرسم وكذا بس ولا مرة جربت حظي غنى : جربي ارسمي وشوفي اذا ضبط معاكي شي ادخلي دورات طالعت فيها وضحكت : ههههه هالمواهب مالها وجود هنا .. انسي خلاص خلصنا روحي ارتاحي الحين لا تتعبين نفسك وااجد ابتسمت لها : اوكي تصبحين على خير ..