عذبني أنينهآ - الفصل 43 - بقلم للكاتبة هدوئي كارثة - مكتملة | روايتك

البارت 43 💖 بعد مرور شهرين :- جالسة عالكنبة واطالع في : يعني الحين تعاند طالعت فيها : قوت خلاص عاد قلت لا يعني لا وقفت ورحت عنده : نايف تكففى كلهم بروحو تخيل الكل الا انا ليي كذا .. مسكت يدها وحطيتها على بطنها : عشان الي ببطنك يا مدام سويت نفسي اصيح : يعني بروح اركض والعب انا .. نايف حبيبي افهمني الكل بيطلعون الا احنا خلنا نروح واوعدك اني ما بقوم بظل جالسة تكففى تكفففى .. طالعت فيها : قووت .. قربت منه وبست خده : عشاني .. حبيبي بليييز وافق ونغير جو بعد حبيبي .. ابتسمت لها : بس اذا شفتك تتحركين والله باخذك ونرجع للبيت فاهمة .. حضنته بقوة : اوكي اوكي .. فكيتها ووقفت : بطلع الحين اشوف الشباب عندي شغل مهم بالشركة وارجع لك .. قوت : اوكي وانا بجهز شنطنا طلعت من البيت ودقيت عليه : السلام عليكم .. اي ابغا اكلمه لو سمحت .. اوكي .. معاك .. بس قوله ضروري لازم اكلمه .. يا حيوان ويينك .. الكل هنا يدورون عليك .. اي يحسبون صار لك شي .. ما دخلني انا اذا ما رجعت بعد يومين وربي لا امشي لعبدالرحمن واقوله كل شي وانت تصرف بعدين .. اي ما دخلني .. سلام .. جلست بالسيارة : انا لازم اسوي شي .. مقدر اخلي عزوز كذا ولا اخوانه بيروحون فرنسا يدورون عليه .. كل الحق علي انا سمحت له يبقى .. لازم افكر زين .. __________________________________________ جالسة انا وملاك بالحديقة : بتجين معانا ملاك : مدري والله .. مقدر اخلي امي لحالها انين : بس عمتي قالت بتروح لخالتك صح ملاك : بكلم ابوي ونشوف .. انين : ملاك بسألك سؤال بس لا تزعلين مني .. ملاك : اسألي يا قلبي .. انين : يوم تهاوشتو انتو وثامر قلتي له انت السبب بكل شي مفهمت .. وش الي سبب في نزلت راسي : ما كان لازم اقول هالكلام .. حطيت يدي على كتفها : لا تخافين قوليلي انا بسمعك .. طالعت فيها : تذكرين يوم جيتو علبيت .. (#من شهرين :- دخلنا البيت انا وثامر وكانو الكل ينتظرونا : السلام عليكم الكل : وعليكم السلام ام ثامر : تو ما نور البيت والله حبيت راس امي : منور بوجودك يالغالية ابو ثامر : شلونك يبنيتي .. ابتسمت لعمي : بخير يا عمي .. وانت شلونك ابو ثامر : بخير بشوفتكم .. ام ثامر : شلوونك يا عروسة .. حبيت راس عمتي : بخير وانتي شلونك عمتي .. ام ثامر : وش ذي عمتي .. قوليلي يمما ولا ما استاهل .. طالعت فيها وابتسمت : الا تستاهلين .. ملاك : توقعتكم سافرتو .. ثامر : كنا بنسافر بس ما صار نصيب .. ام ثامر : احسن بعد تجلسون معايا هنا ثامر : يمما بطلع احط الشنط بالغرفة .. طالعت في : الحين بجي وبرتبهم .. ام ثامر : الخدامة ترتبهم لك يبنيتي .. ابتسمت لها : مو كذا احب ارتبهم بنفسي .. ملاك : اوكي وانا اساعدك ايشرايك هزيت راسي : اوكي تعالي .. جيت بروح بس ناداني ثامر : ملاك ابغاك شوي .. انين انتي اطلعي وهي بتلحقك ام ثامر : تعالي اوريك غرفتك .. طلعت امي وانين مع بعض وابوي طلع من البيت طالعت بملاك : جاوبيني بصراحة .. طالعت في مستغربة : شصاير .. ثامر : وش قلتي لعبدالرحمن .. طالعت في بصدمة : مفهمت .. ثامر : ملاك يوم تعالجتي طلعت النتيجة كويسة وابتعدتي عن الحبوب بس للحين في شي ناقص بالقصة .. طالعت في بخوف : ما في شي .. مسكت يدها : ملاك شايفتني غبي .. كسار وش دخله بحادث رنيم .. فكيت يدي منه : مدري .. مدري طالعت فيها : قاعده تكذبين علي .. نسيتي اني اخوك ولا شلون طالعت في وانا اصيح : وانت نست انك السبب بكل شي صار .. انت السبب يا ثامر لا تنسا لو ما وافقت على زواجي من كسار ما صار فينا الي صار .. انت السبب بكل شي .. طالعت في ونزلت راسي : معاك حق انا السبب .. خليتها وطلعت من البيت كله .. جلست عالكنبة : وش الي قلته .. وش الي قلته يا ربي .. كنت واقفة اطالع فيهم من فوق " وش الي صاير .. وش مسوي ثامر " نزلت تحت وجلست جمب ملاك : ملاك شصاير لي تبكين .. طالعت بأنين : لما يجي ثامر لا تخلينه مضايق ممكن .. انا متأكدة انه ما رح يكلمني ابد بس انتي لا تخلينه مضايق .. طالعت فيها مو فاهمة شي .. ) طالعت فيها منصدمة : ملاك وش الي تقولينه .. شلون كذا صار مسحت دموعي : وانا قلت لاخوك كل شي ومو قادره اقول لثامر هالشي .. وقفت بسرعة وانا ارجف : ثامر .. طالعت فيها : انتبهي ثامر يعرف شي .. طالعت فيها : ثامر .. وراك طالعت وراي بسرعة ووقفت : ثامر .. قربت منها مسكتها من يدها : وش الي قلتيه .. كل ذا صاير وانا اخر من يعرف .. ليي خبيتي عني ليييي .. قمت اصيح بقوة : ثامر والله ما قدرت .. وش بقولك يعني زوجي كان يبي يتغتصب اختي وابوي سكت عن هالشي والله كان صعب علي .. جلست عالكرسي مو قادر استوعب شي : ابوي كان يدري بكل شي وساكت خليتوني زي الغبي بينكم مو داري عن شي .. جلست عالارض قباله : ثامر ابوي هددني والله مو بيدي والله .. طالعت فيها بسرعة : هددك .. وقفت بسرعة وركضت غرفتي وثامر يلحق فيني : ملاك وقفي .. ملاااااااك .. قفلت باب الغرفة وانا بدوامة بكا " وش الي سوتيه وش اليي سوووووويته انا.. دمرت كل شي .. دمرت كل شي " جلست اضرب بالباب بس عييت لا تفتح .. كنت واقفة ورا وخايفة يصير له شي قربت منه ومسكت يده : ثامر اهدا .. دفيتها عني لدرجة انها طاحت عالارض : انتي لا تدخلين فاهمة خلك برا الموضوع .. يكفي انك نزلتي على راسي زي المصيبة مو داري وش اسوي فيك .. خلك برا الموضوع .. طالعت في بصدمة والدموع بعيني وقفت ورحت غرفتي وقفلت الباب وراي : انا مصيبة على راسك .. لي متحملني للحين طلقني وخلص .. طحت عند الباب وانا اصيح : الله يسامحك يا عبدالرحمن .. الله يسامحك وش سويت فيني .. خليتني عالة على شخص ما يبيني .. طلعت من البيت وركبت سيارتي وطاحت دمعتي غصبن عني : خواتي كانو بروحون مني بسببي .. ما قدرت احميهم ولا قدرت اسوي لهم شي .. ليييي لييي ليييي .. حركت السيارة ورحت لعبدالرحمن .. __________________________________________ دخلت المطبخ وشفتها جالسة تنظف : ميهاف .. اول ما سمعت اسمي منه حسيت بشعور غريب بس ما رضيت ارد عليه .. قربت منها مسكت يدها : ميهاف لو سمحتي .. فكيت يدي منه : شتبغا بعد باقي شي ما سويته .. طالعت فيها : ميهاف ملاحظة لنا شهر متزوجين وانتي ما كلمتيني حتى .. طاحت دمعتي غصبن عني : وش باقي عشان اقوله لك .. خلاص يا سيد فارس انت ربحت بحرب القلوب هذه .. مسكت يدها : ميهاف خلاص عاد .. فكيت يدي منه : طلقني .. طالعت فيها منصدم : وشووو .. بعدت عنه : احسن شي انك تطلقني .. لا انت قادر تحبني ولا انا قادرة انسا الي سويته فيني .. طلعت الغرفة ورميت نفسي عالسرير : الله يلعن اليوم الي حبيتك في .. الله يلعن اليوم الي حبيتك فييي .. ( من شهر تقريبا :- .. نزلت وجلست عند امي : يمما انا فكرت .. وموافقة ام راكان : متأكدة يبنيتي .. هزيت راسي : اي يمما .. ام راكان : خلاص بكلم ابوك ونرد للجماعة .. ام راكان كلمت ابو راكان وردو للجماعة انهم موافقين وحددو موعد الملكة بعد اسبوع من الحين ولان فارس ما يبغا زواج كبير خلو عائلي .. البنات كلهم تجمعو عند ميهاف عشان يساعدونها .. انين : وااو بتتزوجين مو مصدقة .. طالعت بأنين : ولا انا والله .. عهود : ترا الزواج مو سهل مسؤولية كبيرة .. أنين : تزوجت وتبي تعطينا محاضرات .. قوت : انين شلون الزواج معاك .. انين : الحمدالله مرتاحة .. طالعن بليين : وليين شلون الزواج معاك .. طالعت فيهم وابتسمت غصب : كويس .. مرتاحة قوت : باقي اريام وسارة وتكتمل الشلة .. اريام : لا يا ماما انا شايلة الزواج من راسي .. قوت : كذابة .. انين : وش الي كذابة .. قوت : امي تقول في عريس لأريام .. أنس ولد خالتي امينة يبيها .. طالعت بأريام منصدمة : شلووون .. طالعنا كلنا بأريام : منجد طالعت فيهم : لا ما رح اتزوج .. قوت : ابوي قال بفكر .. ميهاف : ترا اليوم زواجي .. نسيتو طالعت ميهاف : بنخليك الحين .. ميهاف : لا تتأخرون .. طالعنا فيها وضحكنا : ههههههههههههه نزلنا تحت وكانو الحريم جالسات واهل العريس : بنات خلونا ننادي خالتي عشان تنزل ميهاف هي .. احسن شرايكم عهود : اي احسن .. راحت ام راكان ونزلت ميهاف وجلسو البنات جمبها : ودي ارقص .. طالعنا بقوت : اقعدي احسن لك .. قوت : اووف بنات .. اريام : قومي ليين .. طالعت فيهم : مالي نفس .. ميهاف سامحيني حبيبتي تعبانة بروح البيت .. ميهاف : لا يا قلبي عادي .. طلعت ليين وكملو البنات سهرتهم ورقصو مع ميهاف وانبسطو .. ام راكان : ميهاف يمما زوجك بروح يلا .. وقفت وطالعت بالبنات : مابي اصيح .. يا ويلكم بتصيحون طالعنا فيها وحضناها : لا تنسينا الحين .. طالعت فيهم وبمزح : الا بنساكم وبنسا ايامي وياكم هههههه ضربتها على كتفها : اهجدي يا يبنت .. حضنت انين : بشتاق لكم .. طلعت ميهاف بعد ما ودعت الكل وراحت مع فارس على بيتهم .. وصلنا البيت ونزلت معاه بس طول الوقت كان ساكت " وش في ساكت .. معقول صاير معاه شي مضايقة .. " دخلت الغرفة وجلست عالكنبة .. طالعت فيها : انتي اجلسي خلك هنا الليلة وانا بنام بالغرفة الثانية .. طالعت في مو فاهمة شي : شلوون يعني .. فارس : انتي الحين ادخلي بدلي ملابسك .. هزيت راسي : ان شاء الله .. طلعت من الغرفة وجلست عالكنبة : يا ربي وش بسوي الحين .. البنت تحسبن احبها وانا طول الوقت اشوف وجه الين فيها .. شلون بنام بالغرفة نفسها .. حتى اني ما غيرت الاثاث وش بقول للبنت الحين .. اووف يا فارس وش الي سويته انت .. بتكسر قلب البنت بيوم عرسها .. طلعت من الحمام - اكرمكم الله - ولبست بجامتي وشفته تأخر ما جا فتحت الخزانة ارتب اغراضي بس شفت فيها علبة حمرا متوسطة ابتسمت غصبن عني : جايب لي هدية .. كنت عارفة انه يحبني ومو عارف يقول .. يا قلبي .. اخذت العلبة وجلست عالسرير وفتحتها بس استغربت يوم شفت فيها صور : صور .. بس صورنا للحين ما طلعت .. اخذت الصور وقمت اشوفها وانصدمت يوم شفت صور فارس مع بنت ثانية بيوم زواجهم وصور ثانية برحلات : وش ذا .. مستحيل دخلت الغرفة وشفتها جالسة عالسرير : ميهاف .. طالعت في وانا اصيح وقمت اصارخ : لييي تزوجتني طييب .. ليييي طالعت فيها مستغرب : ميهاف شفييك .. رميت الصور بوجهه : شفييني .. ما فيني شي بس عرفت الحين كل شي .. عرفت لي ما كنت تبيني ولا كنت تحبني .. طيب لي تزوجتني .. لييي طالعت بالصور كانت مرمية بكل مكان : مين سمح لك تفتحين هالعلبة .. قربت منه وقمت اخذ بالصور وارميها بوجهه : محد سمح لي .. تعرف لي لان من غبائي وسذاجتي حسبته هدية لي .. عرفت الحين .. مسكت يدها بسرعة : ميهاف اهدي .. بعدت عنه بسرعة : ليي سويت فيني كذا .. لييي كذبت علي لي ما قلت لي انك متزوج وما تقدر تحبني لييييي .. نزلت راسي : انا منجد اعتذر لك ما كنت ابغا تعرفين بهالطريقة وبيوم عرسك .. قاطعته وقمت اضحك وابكي بنفس الوقت : هههههه بيوم عرسي قلتلي كان لازم اعرف من الاول انك متزوج .. انا غبييية انا حمارة الي حبيتك كان لازم اسمع كلام انين وانساك .. طالعت فيها : ميهاف لا تصارخين .. طالعت في وقمت اصيح : وش بتسوي يعني .. بطلقني الحين وش بتسوي اذا صارخت بصارخ وبعلي صوتي بخلي الكل يسمع زوجي وش مسوي فيني .. ما كملت كلامي الا والكف نازل على وجهي وطحت علارض .. طالعت فيها وبعصبية : لما تهدين نتفاهم .. طلعت من الغرفة وهي قضت طول الليل تبكي ما كنت اسمع غير صوت شهقاتها وانينها الي طالع من الغرفة " وش سويت انا .. احد يسوي الي سويته انا اضرب زوجتي بليلة عرسها .. وانا الغلطان من الاصل هذه غلطتي انا .. عذبني انينها الي كنت اسمعه وما قدرت اسوي شي " ) ⭐ فارس وميهاف حياتهم كانت كذا من شهر ما يتكلمون مع بعض وكل ما يقول لها تروح عند اهلها تزورهم ترفض ورفضت تروح معه عند اهله وطول وقتها بالغرفة وفارس طول يومه برا البيت وبآخر الليل يجي ينام بالغرفة الي جمب غرفة ميهاف وحياتهم كذا ماشية ⭐ __________________________________________ طلعت من غرفتي ورحت لغرفة فهد : فهود ممكن ادخل .. فهد : ادخلي دخلت الغرفة وشفته يرتب شنطته : وين بتروح طالعت فيها : بروح المرسم .. تبين شي طالعت في : بروح معاك ممكن .. والله طفشت وانا هنا واحس اني شوي وبتحنط مع هالأثاث ابتسمت لها : جهزي نفسك والحقيني تحت .. طلعت من الغرفة ورحت غرفتي بسرعة وجهزت نفسي وكنت باخذ شيلتي من الخزانة بس طاحت الصورة طالعت فيها واخذتها : وينك الحين .. وينك لي كذا رحت ولا ودعتني .. طاحت دمعتي الي كنت حابستها : لك شهور غايب ولا شفتك .. كل ما اشوف اخوانك احسبك واحد منهم لي كذا تعذب قلبي معاك لي .. ابوي يبي يزوجني بس انا ما ابغا .. تكفى ارجع بسرعة وخذني يا عبدالعزيز ارجوك .. رجعت الصورة مكانها ونزلت تحت وشفت امي وابوي جالسين يتكلمون : يببا بروح مع فهد للمرسم ما بتأخر .. ابو فيصل : اريام ابغاك شوي .. طالعت ببوي : سم يببا .. ابو فيصل : يبنيتي الناس يبغون منا جواب وش صار معاك فكرتي .. طالعت ببوي : بس يببا ما ابغا اتزوج ابو فيصل : يبنيتي الرجال كويس واخلاقه زينة .. ما اشوف في شي ينرفض .. ام فيصل ابتسمت : البنت موافقة موافقة يرجال بس هي مستحية .. طالعت بامي : يممما ابو فيصل : يا بنيتي انا عارف مصلحتكي .. ام فيصل : بكلم ام انس وبقول لها موافقين .. وين بتلاقين شخص مثله .. طالعت بامي وابوي وطلعت بسرعة .. ابو فيصل : ها وافقت لا شلون .. ام فيصل : بنتي وعارفتها .. برد لهم انا .. ركبت مع فهد وانا احس بغصة : بتروح ترسم بالمرسم .. فهد : لا باخد كم حاجة وبروح للشط .. طالعت في : بروح معاك .. احس اني مضايقة فهد : اوكي .. رحنا للمرسم وبعدها للشط .. __________________________________________ دخلت غرفة عبدالرحمن : فاضي .. طالعت بضامي : اي تعال .. جبت الملفات ضامي : اي , بس ثامر يبغاك تحت .. طالعت في مستغرب : يبغاني لي ما طلع فوق ضامي : مدري والله .. اخذت جوالي ومفاتيحي : عط فيصل هلاوراق وخله يراجعهن .. ضامي : ولا يهمك .. طلعت من الغرفة ورحت لفيصل : غريبة فاتح باب غرفتك .. طالعت بضامي : عادي والله .. مديت له الملف : راجع هالاوراق ضروري .. اخذتهن منه : في اي خبر عن عبدالعزيز .. ضامي : لا والله للحين .. فيصل : لي تأخر كذا .. لو انه هنا كنا قدرنا نحل موضوعنا ضامي : فيصل بسألك عن انين .. فيصل : لا تخاف عليها مرتاحة ومبسوطة مع زوجها انت لا تخاف .. جلست قباله : شلون ما تبيني اخاف .. فيصل : اسمع بكرا بنطلع كلنا للشاليهات والشاليه كبير واجد .. تعال معانا طالعت في : وش بياخذني معاكم فيصل : بتجي معانا وكذا فرصة تشوف انين .. ضامي : بفكر .. فيصل : خلنا نخلص هالملفات ونطلع نتغدا من الصبح ما اكلت شي .. ضامي : طيب انت خلص الي عندك وانا عندي كم شغلة مع نايف بخلصها واجيك .. فيصل : اوكي .. جيت بطلع بس وقفني فيصل : ضامي راكان ما جا للحين .. ضامي : لا والله سافر من اسبوع وقال بيرجع يوم الجمعة ذا .. فيصل : اجل خلص شغلك وتعال .. طلعت من المكتب ورحت مكتبي وجلست اشتغل وعقلي مشغول بأنين .. __________________________________________ كنت جالسة ارتب شنطي وطاحت دمعتي غصبن عني " لي صار فيني كذا انا السبي انا دمرت كل شي بسبب غبائي " ( من شهر ونص تقريباً :- واقفة قدام المرايا ومبسوطة : وااو بنات مو مصدقة اليوم زواج .. عهود : يا قلبي انتي .. ميهاف : طالعة قمر والله .. قوت : انا مو فاهمة لي ما تبين عرس عهود : لان ابو معن تعبان .. ميهاف : اي والله عمي تعبان واجد طالعنا بميهاف وضحكنا : هههههههههههههههه اريام : يا قلبي عمك كذا .. عهود : خليها فرحانة .. ليين : تخيلو يا بنات انا وميهاف متزوجين اخوان واااااو .. طالعت فيها فرحانة : يلعنم الفللة والله هههههه قوت : عز الله راحو العرسان اريام : الله يستر بس .. ليين : اووف يا لا انين ولا سارة هنا عهود : سارة عاد عذرها معاها بس انين مدري لي ما جت .. ميهاف : اتصلت فيها وقالت اعتذري لي من ليين وقولي لها اني مقدر اجي عندي ظرف .. ليين : الله يستر وش صاير عندها .. اريام : كل خير ان شاء الله .. ام نايف دخلت : يا بنات يلا انزلو .. الناس وصلت وانتي يا ليين انتبهي تقولين شي وخلك ساكتة يبنيتي .. طالعت بامي : يمما ام نايف : لاني عارفتك لسانك متبري منك طالعنا بليين كلنا وقمنا نضحك : هههههههههه نزلنا كلنا تحت مع ليين وكانو الكل جالس تحت وبعد شوي طلعت ليين مع معن .. طالعت فيها : وش ذا الجمال كله .. نزلت راسي وان بموت من الخجل : تسلم .. مسكت يدها : اخييرا تزوجنا طالعت في مستغربة بس ما تكلمت .. طلعنا بالسيارة ورحنا لمكان كان معن محضرة : وش ذا .. طالعت فيها وابتسمت : هنا بنقضي شهر عسلنا كان شاليه كبير وكله اضواء والبحر قباله : المكان هنا يجنن ابتسمت لها وشلتها : بوجودك صار احلا كان قلبي يدق بسرعة : معن نزلني وش تسوي نزلني امشي لوحدي طالعت فيها وضحكت : كنتي تبين زوج رومانسي وجاك واحد رومانسي ابتسمت ونزلت راسي بس تذكرت شي " انا ما قلت لمعن اني ابي زوج رومانسي حتى ما تكلمنا بشي زي كذا " : شلوون عرفت اني ابي زوج رومانسي طالعت في : اعرف كل شي .. استغربت من جوابه ونزلني بالصالة : ها عجبك البيت هزيت راسي : حلو والله مسكت يدها : اليوم انتي ما بتفكرين بأي أحد لا بنات عمك ولا اختك .. بتفكرين بس بنفسك .. بتفكرين بليين وبس طالعت في باستغراب : معن انت قاعد تتكلم بشكل غريب .. يعني مدري كانت جالسة عالكنبة وجلست علارض قبالها : ليين بقولك شي بس ما بتزعلين .. طالعت في وابتسمت : كيف ازعل من زوجي حبيبي علمني .. مسكت يدها : تحبيني من قلبك .. شديت على يده : ما حبيت احد غيرك .. ولا بحب يعني انت مدري المهم حبيتك ضحكت وطالعت بعيونها : ابيك تسامحيني طالعت في مو فاهمة شي : مفهمت ابتسمت لها : ليين انا بصراحة سويت شي غبي شوي يعني مدري كيف بقوله لك .. خفت من كلامة : معن قاعد تخوفني .. مسكت يدها : انا كنت اعرفك من زمان .. يعني من قبل لامي تقرر تخطبك لي نزلت راسي مستحية : اعرف يوم طحنا بالمول وانكسرت يدي .. طالعت فيها : لا ما قصدت كذا .. انا كنت اعرفك من المنتدى طالعت في بسرعة : شلوووون يعني .. مسكت يدها : انا كنت المشرف .. ويوم تكلمت معاك كان كل شي مخطط له طالعت في مو فاهمة اي شي : معن مو فاهمة شي .. شقصدك يعني طالعت بعيونها : انا الي كنت اتكلم معاك بشخصية نور المزيفة .. طالعن في بصدمة ووقفت بسرعة : شل.. شلون .. نور .. انت .. كيف كذا مسكت يدها : اجلسي بفهمك كل شي .. فكيت يدي منه : وش بتفهمني .. انا انا بعثت صورتي انا شلوووون سوييييت كذا .. وخخر لا تلمسني .. مسكتها من كتفها : صدقيني كل شي كان لعبة بس حبيتك والله وقفلت المسن كله وقلت لامي تخطبك لي والله .. بعدت عنه بسرعة وانا اصيح : لعبة كنت لعبة لك انا ِ.. شلووون فكرت فيني كذااا .. شلوووون قدرت تسوي فيني هالشي .. انت انت دمرتني .. وجاي تقولي هالشي بليلة عرسي .. مسكتها وجلسنا عالكنبة : ليين صدقيني انا احبك والله .. وقلت لفارس اخوي كل شي وهو زعل مني وقالي كلام يجرح .. بس والله حبيتك ومحيت الصورة من عندي والله وقلت لامي تخطبك لي لاني والله اعرف انك بنت طيبة وتنحبي بسرعة وما تحبين احد يستغلك .. طالعت في وانا اصيح : ليي سويت فيني هالشي .. لي كسرت قلبي بليلة عرسي لييي .. طالعت فيها : صدقيني واحد من اخوياي تحداني وقال انها تبلك كل الشباب ولما جيتك بصفتي المشرف ما كلمتيني وقلت اجيها بصفتي بنت وانت وثقتي فيني وقلتي لي كل شي عنك وارسلتي لي صورتك وهنا حسيت اني قاعد اسوي شي غلط واني استغلك وطلعت من المسن وقلت لامي تخطبك لي لاني حبيتك والله حبيتك يا ليين صدقيني ما قصدت اسوي كذ فيك واجرحك صدقيني والله .. وقفت بسرعة وبعدت عنه : وش اصدق شلوون .. وخخر عني ولا تحاول تقرب مني .. طلعت بسرعة عالدرج واول باب شفته دخلته كانت غرفة النوم وكانت مليانة شموع وورود طحت عند الباب وانا اصيح : لييي يا ربي لييي .. الحين تعاقبت يعني زوجتني الشخص الي كان بدمر حياتي ِ.. الشخص الي استغلني .. الي ضحك علي وكذب علي .. وش بسوي الحين .. انا زوجته الحين .. لي حبيته ليي .. وفوق كل ذا كنت اتكلم عنه مع نور وكنت اقول لها كل شي عن بنات عمي واخر شي يطلع هو نور .. لييي كنت غبية كذا وما كنت افكر .. ليييي .. وقفت وقمت اطفي بالشموع واي شي قدامي اكسره : الله يلعنك يا معن .. الله ياخذك .. الله لا يسامحك يا رب .. طحت علارض وانا منهارة .. الله ياخذني انا لاني مشيت ورا غبائي .. ركضت فوق بسرعة وفتحت الباب وكانت طايحة بالنص وكل شي مخرب عندها ركضت لها ومسكتها : لييين حبيبتي .. تكفيين اهدي .. خلاص هدي .. اهدي .. وخرت عنه : لا تلمسني لا تحاول تقرب مني .. جيت بقرب منها بس هي رجعت ورا وطاحت علارض : اااه .. ركضت ومسكتها : ليين .. خلاص اهدي كنت احاول افك نفسي منه بس كان ماسكني من ورا وحاضني : وخخر عني .. فكني .. وخخخر عني وخخخخر كنت ماسكها زين : اهدي بفكك .. كنت احاول اقوم بس علفاضي لين استسلمت وقمت اصيح : اكرهك .. اكرهك .. كنت اسمع كلامها وانا احس بضيقة كبيرة : سامحيني يا ليين .. سامحيني كان يتكلم وانا اتكلم بنفس الوقت كنت اصيح واصارخ وهو يتكلم بهدوء لين تعبت ونمت بحضنه وانا مو منتبهه .. صحيت الصبح وكنت نايمة عالسرير طالعت حولي وتذكرت وش صار امس قمت بسرعة وشفته نايم عالكنبة وقفت ودخلت تروشت وغيرت ملابسي ولبست عباتي وجيت بطلع بس وقفني : لييين .. وين رايحة .. طالعت في بكره : بروح بيت اهلي وقفت بسرعة ومسكتها : ليين لا تنجنين .. اجلسي خلنا نتفاهم فكيت يدي منه : ما ابغا اتكلم معاك ابد .. بروح بيت اهلي وورقتي توصلني مسكت يدها بقوة : ليين لا تخليني اعصب الحين ارجعي اجلسي احسن لك طالعت في وقمت اصارخ : بتخليني هنا بالغصب يعني ولا بتضربني .. طالعت فيها : اعرف انك معصبة ومضايقة مني ومو طايقة تشوفين وجهي بس اذا رحتي الحين وش بقولون الناس عنا فكرتي بهالشي .. طالعت في : اخر شي ممكن افكر كلام الناس .. انا مستحيل اقعد معاك بنفس البيت طالعت فيها وتنهدت : طيب خلاص بنطلق بس موب الحين بعد اربع شهور من زواجنا عشان محد يشك بشي واذا سألونا لي تطلقنا بنقول لهم ما اتفقنا وما قدرنا نتفاهم .. طالعت في ونزلت دمعتي غصبن عني : عشان اهلي موافقة وبتحمل العيشة معاك اربع شهور لين ما اتطلق وارتاح جت بتروح بس مسكت يدها : بس ابيك تعرفين شي واحد اني احبك وبتم احبك واعرف انك تحبيني بعد بس انا مو زعلان منك لاني اعرف الي سويته شي حقير وما ينحمل ابد .. طالعت في وانا اصيح : تدري لو انك قايل لي هالشي قبل زواجنا يمكن تحملته .. بس بيوم عرسي وتقوله وانت تبتسم هالشي يجرح .. جا بيتكلم خليته ورحت .. جلست عالكنبة : استاهل والله استاهل .. ) ⭐ ليين من بعد ما عرفت الحقيقة ما تتكلم مع معن الا للضرورة وما تنام بنفس الغرفة معاه هو بغرفة وهي بغرفة .. هم الاثنين يحبون بعض بس كبرياء ليين اكبر من هالحب وباقي ثلاث شهور عشان يتطلقون وليين تعدهم بالثانية ومعن يتمنا الوقت يوقف ولا يتطلقون ⭐ دخلت الغرفة وشفتها تحط بالشنط : جاهزة هزيت راسي : اي كل شي جاهز معايا .. طالعت فيها : العيال غيرو الخطة بنروح نكشت بالبر بقولون فيها مطر هالإيام والشباب قالو ودهم يروحون طالعت في : مو مهم .. قربت منها ومسكت يدها : ليين طالعت في والدموع بعيوني : معن لا تعذبني اكثر من كذا حضنتها بقوة وانا ما ودي افكها أبدا : سامحيني .. وخلينا نبدا صفحة جديدة كان ودي احضنه اقوله ودي اكون معه وابدا معه صفحة جديدة بس مقدرت بعدت عنه بسرعة وطلعت من الغرفة .. __________________________________________ جالسين على السيارة : لي ما علمتني طالعت في : كنت خايف عليك نزلت وطالعت في : كنت بتحمل حطيت يدي على كتفه : انا اكثر شخص عارفك يا ثامر ما كنت بتتحمل وكنت بتلوم نفسك على كل شي صار .. جلست عالرصيف : لاني انا السبب يا عبدالرحمن لي مو قادر تفهم .. طالعت في : انت مالك دخل فاهم .. كل شي صار للأسف بسبب ابوك مو اكثر وقفت وطالعت في : ابوي مهدد ملاك اختي .. عبدالرحمن " يا ربي وش بسوي الحين " : شلون يعني ?? طالعت بعبدالرحمن : انت تعرف لفيت عنه : لا ما اعرف وقفت قدامة : مهددها فيني صح .. طالعت في : مفهمت طالعت في وابتسمت : انت تعرف اني مو ولده صح وعشان كذا ما علمتني .. طالعت في بصدمة : شلوون من وين عرفت حضنت عبدالرحمن : كنت عارف من قبل وفارس يدري بعد حضنته وانا مو عارف وش اسوي : ثامر اسمعني والله ما كان ودي اخبي عنك شي بس ما قدرت والله ما تجرأت اعلمك .. طالعت في ودمعتي عطرف عيني : انا ولد اختهم يعني ولد عمتهم مو ولد عمهم .. امي وابوي توفو بحادث جلسنا عالرصيف وقام يقولي كل شي .. ( من ثلاث سنوات :- فارس : طيب لي تبغا هالأوراق ثامر : عشان توظيفي انا مو لاقيهم عندي وسألت ابوي وقالي بالخزنة .. فارس : بس خزنة عمي مليانة اوراق شلون بتلاقيهم بينهم .. ثامر : ابوي قال انهم بملف احمر فتحنا الخزنة وقمنا ندور على ملف احمر وفارس لقا واحد قام يدور في فتحت الملف وقمت ادور بالأوراق بس تفاجأت يوم شفت بطاقة احوال مكتوب عليها " آمال امين ال.. شلون كذا .. هذه عمتي آمال بس ابوي قال انها مسافرة وعايشة مع زوجها بأمريكا .. " وبعد ما دورت لقيت صور عمتي مع زوجها ومعهم ولد صغير وانصدمت يوم شفت الصور " هذا ثامر .. شلون ثامر .. ومكتوب هنا " ثامر امين ال.. " طاح الملف من يدي وطالعت بثامر " مستحيل .. مستحيل ثامر ولد عمتي آمال " يعني عمتي ميتة مو مسافرة .. طالعت بفارس : لقيت شي طالعت بثامر واخذت الملف بسرعة : شلوون .. لا ما لقيت شي سحبت منه الملف وفتحته وقمت ادور في : شلوون وش ذا مسكت يد ثامر : ثامر اهدا .. ما في شي طالعه بفارس وانا منصدم : امي وابوي ميتين .. يعني انا مو منهم ملاك ورنيم مو خواتي .. وش هالكلام كذب .. كذب انا متأكد انا متأكد حضنت ثامر : خلاص ثامر لا تصيح لا تصيح طالعت بفارس : انا مو ولدهم انا مو ولدهم يا فارس .. امي مو امي وابوي مو ابوي يعني عايش حياتي كذب بكذب حضنته بقوة : ثامر هالكلام م بيطلع من الغرفة فاهم احنا الاثنين بنكون ماسكين هالسر انت فاهمني ولا لا احنا الاثنين بندفن هالسر هنا .. طالعت في : شلوون بطالع بوجه ملاك ورنيم وامي وابوي شلوووووووون .. مسكت وطالعت في : ملاك ورنيم خواتك .. وعمي سالم ومرت عمي مرام امك وابوك انت فاهمني فاهمني يا ثامر .. طالعت في وطلعت من المكتب بسرعة .. رجعت كل شي مكانة ولحقته رحنا لمكان هادي عشان يهدا واتفقنا هالشي يكون سر بيننا ) طالعت في : ثامر اختك تطلقت من كسار ورنيم عطت ردة فعل .. يعني في امل وهالسر بتم بيننا اتفقنا .. هزيت راسي : ان شاء الله .. حطيت يدي على كتفه : غيرنا البرنامج بنروح للبر احسن .. جب انين وتعال بكرا طالعت في وتذكرت انين " شلون نسيتها .. انا خبصت معاها قبل لا طلعت من البيت " : دحوم بروح الحين نسيت شي مهم .. ركبت سيارتي ورحت للبيت __________________________________________