الفصل 42
الباإأآرت 42 💖
صحيت الصبح وطالعت بالساعة كانت 11:30 : اووف يا ..
طلعت من الحمام - اكرمكم الله - وشفتها تتقلب : صحيتي اخيرا ..
طالعت بعهود : صاحية بدري اشوفك ..
هزيت راسي : بنطلع انا وعبدالله نتغدا ونجيب اثاث البيت ..
ليين : امي غريبة ما صبحت علينا ..
عهود : امي تحت تتكلم مع ابوي .. وقالت لما ليين تصحا خلها تنزل ..
طالعت فيها مستغربة : وش السالفة
عهود : مدري والله ..
ليين : بدخل اتروش وبعدها بنزل ..
طلعت من الغرفة وشفت نواف نازل : بسم الله وش صاير بالدنيا .. ليين صاحية بدري ونواف بعد احد قاري عليكم ..
طالعت فيها وانا فيني نوم : عهود ترا ماني شايف وجهك انقلعي لاتوطا ببطنك ..
ضربته على كتفه : شفيك بهزر معاك ..
طالعت فيها بنص عين : انقلعي من وجهي لارتكب جريمة ..
وصلنا عند امي : يمما شوفي ولدك يقول بيرتكب فيني جريمة ..
ام نايف : انتي للحين ما خلصتي ..
عهود : لا يمما خلصت بس باقي البس عباتي ..
نواف : على ويين ان شاء الله
ام نايف : بتروح مع زوجها يختارون الاثاث ..
ابو نايف : نواف بسألك عن واحد .. معن ولد عم ثامر ..
جلست قبال ابوي : معن معن .. اي اي تذكرته شفيه بعد ..
ابو نايف : الولد شلونه .. اخلاقه تعامله
نواف : والله يا يببا الولد شفته انا وتكلمت معاه محترم وكويس .. بس ما نقدر نحكم عليه كذا خل نسأل احد يقرب له .. بس لي تسأل
ابو نايف : امه تبغا اختك له قلت نسأل عنه
نواف : خلاص يببا انا بسأل عنه وبقول لك ..
ام نايف : يعني اكلم ليين ولا شلوون
نواف : انا اقول كلميها من ناحيتي مطمن منه ..
ابو نايف : وانت يا نواف ..
طالعت ببوي بسرعة : شفيني يببا ..
ابو نايف : امك كلمتني عشان زواجك ..
نواف : طيب
ابو نايف : خل امك تكلم الجماعة ونشوف ..
قمت حبيت راس ابوي وامي : ربي لا يحرمني منكم .. اجل استودعناكم بروح المستشفى وبشوف سلطان بعد ..
ام نايف : انتبه على نفسك يمما ..
طلعت الغرفة وشفت ليين تمشط شعرها : الحقيي يتكلمون عن زواجك تحت
طالعت فيها بصدمة : شلووووون ..
قربت منها : تدرين منو .. اسمه معن اخو ريم مرت راكان اتذكره
انصدمت بزيادة لما قالت معن : معن .. وانا .. وزواج .. شلووون
طالعت فيها مستغربة : شفيك يا بنتي ..
طالعت بعهود وكان راسي يلف وطحت عند رجولها بدون لا انتبه ..
اول ما طاحت قمت اصارخ : لييييييييين .. لييين قووومي ... يمممممما يبببببا تعااالو .. لييين تكفييين قووومي .. نواااااف ..
ركضت على غرفة البنات وشفت ليين طايحة : شصاااير ..
طالعت بنواف وانا اصيح : مدري .. والله مدري طاحت كذا ..
شلتها بين يديني وطلعت ولحقتني عهود بسرعة : ليين .. لييين حبيبتي شفييك .. لييين
ام نايف بخوف : يممما بنتي شفيها .. لييين
ابو نايف : نواف شفيها اختك ..
طلعت بدون لا اكلم احد وركبت بالسيارة وطلعت بسرعة وتركتهم وراي ..
وصلت عندهم ولقيتهم طالعين كلهم وعهود تبكي نزلت بسرعة : عهوود شفييك .. ولي طالعة كذا .. شصااير عمي عمتي ..
ابو نايف : ليين طاحت واخذها نواف بدون لا يتكلم ولا يقول شي ..
طالعت بعهود : روحي جيبي عباتك بسرعة خلنا نلحقهن اركضي ..
ركضت داخل انا وامي واخذت عباتي وتذكرت انه ليين طلعت بدون عباة اخذت عبايتها وطلعت انا وامي وابوي مع عبدالله ..
ام نايف تصيح : يا ربي بنتي شفييها ..
كنت ماسكة امي : يمما لا تخافين .. ما فيها شي ما فيها شي ..
وصلنا المستشفى ونزلنا ولحقنا نواف داخل : ويينهم .. وين راحو
عبدالله : لا تخافين .. الحين نلاقيهم
شفتهم واقفين عند الاستقبال : شصاير ..
طالعت بسلطان : وين نلاقي نواف
سلطان : نواف للحين ما جا اصلا
ابو نايف : ليين طاحت علينا ونواف جابها الحين .. وين نلاقيهم
سلطان : دقيقة تعالو معاي ..
لحقنا سلطان ودق جوالي : عبدالرحمن مو فاضي الحين اكلمك بعدين .. زين زين سلام
وصلنا لغرفة ودخل سلطان وبعد خمس دقايق طلع : نواف داخل الحين بيطلع ..
ابو نايف : شصار لها يوليدي ..
سلطان : والله مدري يا عمي .. الحين نواف يطلع ويطمنكم .. استأذنكم انا عندي شغل
عبدالله : خذ راحتك ..
طلعت من الغرفة : عهود جبتي عباتها
طالعت بنواف : طمنا بالاول شفيها ..
نواف : ما فيها شي بس عندها جفاف ..
ام نايف : جفاف وشو بعد
نواف : الحين بعطيها فيتامينات ويمما اهم شي تشرب مويا وااجد
ام نايف : اقدر ادخل عندها ..
نواف : اي .. بروح اغير ملابسي واجي انا
عبدالله : الحمدالله على سلامتها ..
نواف : عهود ماله داعي الزحمة هنا .. الحين بتطلع مع امي وابوي وانتي ارجعي مع عبدالله ..
عبدالله : اي صح ..
عهود : زيين .. بس بدخل اتطمن واجي ..
__________________________________________
صحيت الصبح واحس اني مكسرة قمت من مكاني وشفته نايم تحركت بشويش اطالع بالساعه : يا ربي وش ذا .. فاتتني صلاة الفجر ..
قمت ورحت الحمام - اكرمكم الله - تروشت وغيرت ملابسي وطلعت بس ما لقيته : بسم الله وين راح .. ما غبت عشر دقايق ..
جيت من وراها : تدوريني ..
نقزت من مكاني : يممما ..
طالعت فيها وضحكت : شفيك شفيك هذا انا ..
وخرت عنه شوي : خوفتني ..
اخذت المنشفة عن الكنبة : طلبت فطوى الحين بجيبونه خدمة الغرف زين ..
هزيت راسي : وين بتروح ..
طالعت فيها وابتسمت : بنزل اتزلج .. بتروش يا انين شفييك ..
وقفت قدام المرايا وبديت امشط شعري ودق باب الغرفة حطيت جلال الصلاة وفتحت الباب بس استغربت كان رجال واقف : تفضل اخوي ..
الرجال : ثامر موجود ..
انين : ايوه .. بس مو فاضي الحين
مديت الظرف : اعطيه هالظرف ..
اخذت منه الظرف : ان شاء الله ..
سكرت الباب ودخلت شفته يسرح شعره : ثامر وصلك هالظرف ..
اخذته منها وفتحته وطاحت منه ورقة ومحرمة مليانة دم ..
اول ما طاحت المحرمة صارخت : يممما .. وش ذاااا ثامر ..
مسكت انين بسرعة : اشش انين .. لا تخافين انا هنا معاك ..
فتحت الورقة وكان مكتوب فيها بالدم " انا رجعت " : وش ذي السخافة ..
مسكت يده : وش ذا .. دم صح .. ثامر شصاير .. مين ذول
حضنتها بدون شعور : لا تخافين .. مو شي مهم .. يمكن العيال يمزحون معاي
طالعت في بسرعة : شايفني بزر قدامك .. لا تكذب عليا ..
جيت بتكلم بس دق جوال انين مسكت يدها : انتبهي تقولين لاحد زين ..
طالعت في وهزيت راسي وفتحت الجوال : الو ميهاف .. بخير وانتي .. مبرووك .. وش اقول يعني .. ميهاف مو فا.. شلوووووون .. متتى .. هي بخييير .. طيب لما توصلين كلميني .. الا دقيقة مين العريس .. مستحييييل .. طيب طيب سلام
طالعت فيها : شصايير
حطيت الجوال عالطاولة : فارس بيتزوج ميهاف
طالعت فيها بصدمة : شلووون
قمت اطالع في مو فاهمة شي جا بقوم بس مسكت يده : ثامر .. لو سمحت انتبه على نفسك
ابتسمت لها : لا تخافين ..
وقفت وطالعت في : ما عندك اعداء صح
جيت بتكلم بس جوالي دق : هلا فارس .. شصاير .. شلووووووون .. انت متأكد .. وانا وصلتني وحده نفس الشي .. شلوون كذا .. طيب خلاص اسمع انت رح وانا بلحق .. سلام
طالعت في : فارس جايته وحده بعد ..
طالعت في وهزيت راسي : انين .. اقول لو نرجع البيت احسن .. عشان اكون مطمن عليك اكثر عند امي ..
هزيت راسي : احسن كذا ..
مسكت يدها : بس بطلب منك طلب واحد امي وملاك ما يعرفون شي ابد .. لو سمحتي
انين : طيب ..
ثامر : جهزي شناطك وخلينا نفطر ونطلع بسرعة
__________________________________________
كنت طالعة من غرفتي وشفت ابوي : يببا تبي شي
ابو فارس بتعب : لا يا يبنيتي بس كنت بروح دورة المياه - اكرمكم الله -
مسكت يد ابوي : انا اوصلك .. يببا شفيك لي كذا قمت تتعب بسرعة
ابو فارس : ما فيني شي يا بنيتي .. وين رايحة انتي ..
جنى : بروح مع معن ..
ابو فارس : خلاص يا بنيتي انتي روحي وانا اكمل بسرعة يلا ..
ابتسمت لابوي ونزلت لمعن : شفيك تبتسم ..
ام فارس : اخوك جننا يبي يتزوج وانا كلمت الحرمة وللحين ما ردو خبر وفوق كل ذا فارس اخوك جنني وخلاني اكلم ام راكان والحرمة قالت بتشوف زوجها وبتكلمنا ..
طالعت بامي : عيالك شفيهم يبون يتزوجون هههه يحسبون الزواج لعب عيال
ام فارس : والله مدري عنهم ..
معن : اقول اخلصي علي وراي مشاوير ..
رحت مع معن : غريبة جاي معاي للمستشفى
طالعت فيها : والله لو امي ما اصرت ما طالعت بوجهك اسكتي بس ..
ضربته على كتفه : حيوان يعني مو جاي عشاني ..
طالعت فيها : جنوو مو ناقصك ..
طالعت في : الا معن بسألك .. شصاير بينك وبيت فارس الكل ملاحظ عليكم انكم ما تكلمون بعض شصاير ..
وقفت السيارة : اسبقيني بصف السيارة وبلحقك يلا بسرعة ..
نزلت وانا عارفة انه ما يبي يقول : براحتك ..
دخلت المستشفى وشفت عهود قدامي : السلام عليكم ..
عهود : وعليكم السلام .. جنى صح
هزيت راسي : اي .. عسا ما شر شفيك
عهود : لا والله ما فيني شي بس ليين تعبت وجبناها للمستشفى .. وانتي وش جايبك
جنى : جيت مع معن اخوي عندي اوراق باخذها وبروح للجامعة ..
عهود : اجل ما اعطلك ..
جنى : مع السلامة ..
طلعت وشفت الدكتور سلطان واقف يتكلم مع واحد من الدكاترة : السلام عليكم دكتور ..
طالعت فيها : اهلا جنى .. مشغول الحين اسبقيني على غرفتي وانا الحين بجي ..
جنى : اوكي ..
دخلت المستشفى وشفتها قدامي " ليين .. شقاعده تسوي هنا "
ام نايف : انتبهي على نفسك يا بنيتي ..
جيت بتكلم مع امي وشفته واقف يطالعني " معن .. شقاعد يسوي هنا .. يا ربي وش ذا "
طلعت مع امي وابوي وكان يطالعني وكنا اطالع في لين اختفى عن عيوني ..
كنت بطلع انا وعهود وشفت معن : عهود انتظريني شوي ..
عبدالله : معن وش تسوي هنا ..
طالعت بعبدالله : هلا جبت اختي بتاخذ اوراق ..
عبدالله : حسبت احد صاير له شي ..
معن : لا لتخاف كلنا بخير ..
عبدالله : اجل استأذنك ..
جلست عالكرسي الي عند الاستقبال : وش الي صاير معاها .. لي جت المستشفى .. معقولة مريضة او فيها شي .. يمكن تعبت من العرس امس .. معن خلاص عاد ..
دخلت غرفة الدكتور وجيت بجلس بس شفت ملف مكتوب علية اسم ابوي مرمي على الطاولة وبين قوسين مكتوب " ابو فارس " اخذت الملف وفتحته وقمت اقرا في ومن الصدمة طاح الملف من يدي وطحت عالكرسي : م..ستحيل .. لا لا ذا كذب .. ابوي ما في شي .. ابو بخير
وقفت وطلعت من الغرفة بسرعة ونزلت شفت معن جالس عالكرسي : معن خل نطلع بسرعة ..
وقفت وطالعت فيها : جنى شفيك .. انتي بخير
طالعت في وقمت اصارخ : قلتلك خلنا نمشي ..
طالعت فيها مستغرب : طيب طيب بنروح .. امشي بس لا تصارخين
طلعت قدامه وانا حابسة دموعي وصلنا للسيارة وطلعت فيها ورحنا البيت بدون لا اتكلم ..
__________________________________________
كنت جالسة واشرب كوفي وافكر بياسر " يا ربي وين راح من امس ما شفته .. معقوله رجع السعودية .. "
جيت وجلست جمبها : ساره اشتئتلك كتير ..
طالعت ب ليان ( طبعا هي سورية بس عايشة بلندن ) : وانا بعد
ليان : لي زعلانه
طالعت فيها : مو زعلانة عادي .. انتي وش اخبارك
ليان : على حطة ايدك .. الشلة كانت نائصه بدونك حتى الشباب كل يوم كانو بيسألو عنك وين ساره ايمتا رح ترجع ..
طالعت فيها : ليان تكفين ما ابغا اشوف اي احد .. كرهانتهم كلهم واحد واحد ..
ليان : نصحتك من الاول ونبهتك ما تروحي مع هيك شكيلات بس ما رديتي عليي
حطيت راسي عالطاولة : يا ريتك مسكتيني من شعري ولا خليتيني امشي معاهم ..
ليان : احكيلي شو صاير حبيبتي مين مزعلك ..
طاحت دمعتي غصبن عني : ياسر .. عرف كل شي يعني انا قلتله عن كل شي ومن يوم نزلنا من الطيارة ما شفته ..
حطيت ايدي على كتفه : يا حياتي انتي .. خلاص لا تبكي طيب .. انتي كنتي طايشة وهلا تعلمتي وما في حدا ما بيغلط مو هيك .. اسمعيني انسي هيك شكيلات لك حتى جولي انسيها هي مو منيحة لك البنت استغفر الله الواحد ما بدو يحكي عندو شرف وعرض كمان ..
حضنتها وقمت اصيح : شلون يا ليان شلوون غلطتي مو هيينه .. انا بنت وسويت شي كبير .. انا خسرت كل شي خلاص خسرت ..
مسكت ايده : انتي .. يعني رحتي مع حدا .. بس لا تفهميني غلط .. صار شي هيك ولا هيك
طالعت فيها : لا والله والله العظيم انا للحين ما سويت شي زي كذا .. والله العظيم ..
حضنتها : طيب طيب خلص لا عاد تبكي .. اسمعيني هلا بعد المحاضرة رح تروحي معي عالبيت ماشي حبيبتي ..
طالعت فيها : خلصت محاضراتي انا .. اصلا اليوم ما كان عندي شي كثير ..
ليان : سووبر .. يلا خلينا نروح عالبيت .. امي عامله غدا حلو اليوم ..
قمت معاها ولمحته واقف عند البوابة ركضت بسرعة ورحت له : ياسر اسمعني لو سمحت .. لو سمحت لا تسوي فيني كذا ..
طالعت فيها وواضح انها كانت تبكي : ما بقى شي اسمعه منك يا سارة ..
مسكت يده : ياسر ارجوك لا تسوي فيني كذا .. لو سمحت .. خلنا نقعد ونتفاهم
طالعت فيها : نتفاهم .. سارة انتي ما كسرتي صحن ولا مزهرية انتي سويتي شي .. حتى مقدر اقوله .. انتي مو بس كسرتي قلبي انتي حطمتي بيدينك .. كسرتي كل شي كان بيننا ..
كنت ساكته اسمع كل كلامه واصيح ..
ما تحملت شوفه هيك وحكيت : ليش هيك عم تعمل معه .. لك هيي بتحبك ما عم تشوف هالشي بعيونه ما عم تشوف الحب الي بئلبه ..
طالعت بلبنت : الا شايف حبها .. بس كل ما اطالع فيها اتذكر الكلام الي قالته .. واتذكر خيانتها .. اتذكر كل شي صار ..
مسكت يده : ياسر ارجوك لا تسوي فيني كذا .. لا تدمرني بهالطريقة .. لو سمحت ..
فكيت يدي منها : تصدقين يا سارة فكرت بالي صار وطلعت مو احسن منك .. اكتشفت انه احنا الاثنين دمرنا بعض بدوت لا ننتبه ..
ليان : انا بئول تروحو على مكان هادي وتتفاهمو هيك ما رح تفهمو على بعض ولا رح تحلو شي .. روحو احكو وتفاهمو احسن شي ..
طالعت بالبنت وكلامها كان صح : امشي ..
رحت معاه للسيارة وطلعنا ظلينا نفتر لين وصلنا البحر ..
نزلت من السيارة وجلست عالكرسي ..
نزلت وراه وانا اصيح وجلست قبالة : ياسر صدقني اني احبك .. والله وامووت فيك وما في غيرك بقلبي ومستحيل يكون احد غيرك بقلبي .. والله يوم جيت هنا مدري وش الي صار شفت البنات واندمجت معاهم واختلطت فيهم .. وقمنا نطلع ونجي وشوي شوي قمت اتعود على جوهم لين صرت منهم .. بس والله العظيم محد لمس مني شعره ..
قاطعتها بصراخ : اسسككتتتيييي ..
سكت بسرعة وزاد بكاي ..
وقفت وقمت اروح واجي وانا معصب واحس كل الدنيا ضايقه فيني طالعت فيها وجلست على الارض قبالها : سارة لي سويتي فيني كذا .. نقول انا كنت حيوان وكلب وما اخاف الله وبايع حياتي بريال ومو حاس بالي يصير فيني .. انتي وش كان عذرك وش صار لك عشان تسوين بنفسك كذا .. لييي يا سارة لييييي ..
طالعت في وعيوني خلاص راحت من البكا : معندي عذر ..
طالعت فيها ووقفت : معندك عذر .. سارة حنا يمكن نكون نحب بعض ..
قاطعته بسرعة : يمكن .. يعني انت مو متأكد اذا تحبني ولالا .. يعني قمت تشك ..
ياسر : تدرين وش الي مكرهني فيك الحين .. انك يوم كنتي تكلميني تطلعين معاهم .. شلوون قدرتي تسوي فيني كذا شلون .. وفوق كل ذا تقولين انك تحبيني ..
نزلت راسي لاني معندي شي اقوله ..
طالعت فيها : انا وانتي مستحيل نكون مع بعض .. انتي كنتي تخونيني حتى لما كنا مع بعض .. وانا ما كنت احسن منك كنت اخونك وانا احبك .. يعني احنا الاثنين احقر من بعض .. عشان كذا احسن لنا نفترق عن بعض ونبعد عن بعض احسن .. انا بسافر امريكا اليوم بليل .. وانتي كملي دراستك وانتبهي على نفسك ..
طالعت في منصدمة : امريكا .. بتسافر
لفيت عنها : وفي طلب اخير حاب اطلبه منك ..
كنت اطالعه انتظر طلبه...
طالعت بعيونها : ممكن تلبسين حجابك هنا بعد ..
طاحو دموعي ورا بعض : لا ترووح ..
قربت منها وحضنتها لصدري لآخر مرة : هذه اخر مرة بشوفك فيها .. انتبهي على نفسك
كنت حاضنته بقوة واصيح : لا تروح وتخليني ..
بستها على راسها : لا تنسين اني احببك .. ولا زلت احببك وبتم احببك يا سارة ..
مسكت يده وانا اصيح : وانا احببك .. وبتم احببك ليين اخر يوم بحياتي ..
فكيتها ورحت بدون لا اطالع وراي ..
طحت على ركبي وانا اصييح : اناوالسبب .. استاهل ربي عاقبني على كل شي سويته بحياتي .. انا استاهل .. استاهل ..
وقفت ورحت لبيت ليان : ليياااان .. لياااان
طلعت وشفتا واقفه برا وعم تبكي نزلت بسرعة وفتحت الباب : سارة شو في ..
حضنتها بقوة : بيتركني وبسافر .. بروح امريكا .. تخلى عني يا ليان ..
مسكته من ايده ودخلته معي البيت ولغرفتي تحديدا : تعالي حبيبتي .. ادخلي على الحمام وتحممي وانا رح حضرلك اواعي ..
جلست عالسرير : ربي عاقبني ي ليان .. ياسر خلاني وراح ولا عاد بيرجع .. خلاص كل شي انتهى وانا السبب في ..
حضنتها وانا رح ابكي معاها : سارة حبيبتي هالشي قسمة ونصيب .. وياسر مو نصيبك .. اطلعي فيني فوتي ( ادخلي ) تحممي ورح اعملك شي تاكلي ماشي عمري ..
هزيت راسي : ماشي .
دخلت الحمام وتروشت وطلعت شفتها حاطه صينية الاكل : ماله داعي كل ذا ..
ابتسمت لها : كيف هيك ما بصير .. يلا لازم تاكلي مشان هلا نقرر شو رح تعملي .. يلا
جلست جمبها وقمنا ناكل ..
__________________________________________
جالسات بالصالة يتكلمون عن زواج ليين ..
ام راكان : والله عاد لو تسمعين مني يا خيتي زوجيها هالعايلة محترمة والله ..
ام نايف : انتي وافقتي على زواج ميهاف ..
ام راكان : ابو راكان قال ما عنده اي مشكلة الولد زين وكويس بس منتظرين ميهاف ..
ام نايف : نواف قال اصبرو شوي احسن ..
ام راكان : اقول لو تم هالعرس نسويهم مع بعض ونفرح بدل الفرحة فرحتين ..
ام نايف : اي والله صادقة .. بشوف انا ابو نايف وبنقرر عاد ..
نزلت وانا اشوفهم مجتمعين : شصاير هنا وراكم كذا تتكلمون بهدوء ..
ام راكان : شلونها ليين ..
ميهاف : احسن الحين .. واكلت كل اكلها .. يووو صح نسيت اطمن انين ..
ام نايف : ليكون قلتي لها ..
هزيت راسي : ايووه .. ليي
ام راكان : البنت تزوجت امس وانتي متصله عليها اليوم مجنونة انتي ..
ميهاف : يمما شفيك ترا عادي .. الحين بطلع اكلمها تلاقيها خايفة ..
طلعت بسرعة ودخلت على الغرفة : نسيت اكلم انين ..
ليين : لا تقولين لها خلها تتهنا بشهر العسل ..
طالعت فيها : لتكوني صدقتي انتي بعد انهم بروحو شهر عسل .. كل ذا عشان ما حد يشك فيهم ولا هم كل واحد بوادي ..
ليين : مفهمت ..
جلست قبالها : يا غبية انين وثامر مو زوجين اصليين .. فهمتي يعني ما يتصرفون كزوج وزوجة حقيقي ..
طالعت فيها بصدمة : يعني ما صار شي بينهم ..
رفعت حواجبي : ولا ممكن يصير ..
ليين : مو مصدقة .. شلون كذا
حطيت يدي على كتفها : ذا الي صار عاد ..
ليين : اوكي اتصلي خلنا نطمن عليها ..
اتصلنا على انين : الوو
* انين : هلا بنات
* ليين : شلوونك
* انين : بخير وانتي طمنيني ..
* ليين : بخير بخير لا تخافين ..
* انين : ها بشروني شصاير ..
* ميهاف : كبرنا وبنتزوج يبنتي ..
* انين : مين بيتزوج بعد
* ليين : انا بس بعدني ما اعطيت موافقتي ..
* انين : وااو الشلة كلها بتروح .. مين سعيد الحظ
* ميهاف تضحك : حق المول الي طاح فوقها ..
* انين : معن اخو الريم ..
* ليين : اي هو ..
* ميهاف : انون فارس يبي يتزوجني ..
* انين : انتي عاد مدري شصار كذا فجأة ..
* ميهاف : مدري بس محتارة
* انين : احسن شي صلو استخارة .. الا عهود وين
* ليين : راحت مع عبدالله بيجيبون الاثاث
* ميهاف : بتجين يوم العرس
* انين : لا ما بجي شرايك انتي ..
* ميهاف : زين زين لا تستلميني
* انين : اتصلت فيكم سارة
* ليين : لا والله
* ميهاف : لا تخافين بحاول اتكلم معاها واقولك
* انين : اوكي .. بسكر الحين
* ليين وميهاف : مع السلامة
* انين : مع السلامة
__________________________________________
طلعت وكان سلطان ينتظرني برا : عسا ما تأخرت عليك يا قلبي ..
طالعت في : لا ابد خذ راحتك دكتور نواف حنا عايشين لخدمتك ..
ركبت جمبه : خلاص خلاص بتذلني بهالمشوار
طالعت في بنص عين : نواف لك نص ساعة لاطعني برا هنا وكل ما اتصل فيك تقولي ثواني ثواني .. شاصير لك
نواف : بصراحة سمعت شي مو قادر استوعبه للحين يا سلطان ..
طالعت في : وش سمعت بعد
نواف : ادري ما يصير اتدخل بس مدري قلت لازم اقولك ..
سلطان : تكلم طيب ..
نواف : انين وثامر ..
طالعت في بسرعة : شصاير ..
نواف : مو زوج وزوجة زي الكل ..
وقفت السيارة بسرعة : شقصدك يعني ..
نواف : مدري متزوجين غصب ولا شلون .. سمعت البنات يقولون انه ما بينهم شي ..
طالعت بنواف : يمكن فهمت غلط
نواف : يمكن ..
حركت السيارة وطلعنا للمستشفى " يعني هي وثامر ما في شي بينهم .. لي تزوجو طيب .. وش السالفة شصاير " ..
نواف : صار معاك شي جديد ..
سلطان : مفهمت ..
نواف : بعلاج ابو فارس ..
سلطان : لا والله .. للأسف المرض قاعد ينهي حياته بشويش وهو رافض انه يخضع للكيماوي ..
نواف : تعرف الكيماوي مو الكل يحبه ..
سلطان : بش هالشي لصالحه ..
نواف : سلطان انت لازم تعلم عياله حرام كذا ..
سلطان : والله ودي يا نواف بس هو رافض .. يقول انه هو بعلمهم بس للحين مو قادر يقول لهم شي .. مدري وش اسوي ..
نواف : من ناحيتي اشوف تعلمهم انت احسن ..
سلطان : بيزعل مني اذا علمتهم ..
نواف : يزعل احسن ما يموت وهم ما يدرون عن شي ..
سلطان : بشوف ..
وصلنا المستشفى ونزلنا وكل واحد راح لشغله ..
__________________________________________
اخترنا نص الاثاث وباقي كم شغلة صغيرة ونخلص : واااو الاثاث يجنن ..
عبدالله : كويس عجبك ..
مسكت يده : يا قلبي والله يجننون .. مو مصدقه متى نخلص بيتنا ونكون في ..
ابتسمت لها : قريب .. قريب .. يلا خلينا نكمل باقي الاغراض ما نبي نتأخر قلنا بنتغدا وراح علينا الغدا خلينا نتعشى على الاقل
طالعت بعبدالله : عبدالله بسألك .. معن ذا كويس
طالعت فيها بسرعة : وش الي كويس بعد
مسكت يده : اووف ما كان قصدي كذا .. يعني هو يبي يتزوج ليين اختي فقلت اسأل عنه ..
عبدالله : معن يبي يتزوج ليين ..
عهود : اي .. لي مستغرب كذا
طالعت فيها وضحكت : والله ليين ما انساها ابد كانت تسوي مصايب .. شلون بيتحملها مدري والله هههه
طالعت في وضحكت : المشكلة للحين ماعندها مخ تفكر في ولا تعرف تسوي شي بدون لا تجيب العيد بس هو الي بيتزوج يتحمل ..
عبدالله : بس اطمنك من ناحية معن .. انا اضمنه لك والله انه رجال طيب وكويس واخلاقة زينة وكفوو بعد ..
عهود : بتكلم مع ابوي اليوم ونشوف ..
عبدالله : شصاير الكل بيتزوج هالسنة
طالعت في وضحكت : تبي الصدمة عاد ..
طالعت فيها : وشوو ..
مسكت يده : خوييك فارس يبغا يتزوج ميهاف
طالعت فيها بصدمة : لا عاد .. مستحيل
عهود : اي والله ..
عبدالله : وميهاف وافقت ..
عهود : ميهاف ما صدقت اصلا .. تبي الصراحة هي تحبه من زمان واخيرا تحقق حلمها ..
طالعت فيها : شلون وافق .. واليين طيب
طالعت في باستغراب : اليين .. مين اليين
طالعتها باستغراب : ما تعرفين .. فارس كان متزوج من قبل ..
انصدمت من الي قاله : شلوووون ..
عبدالله : اي بس هي خدعته وتركته بعدين
عهود : وهو يحبها ..
عبدالله : للحين يفكر فيها .. هذه خطوة جريئة من فارس كان يقول ما بتزوج ابدا
طالعت بعبدالله وابتسمت " يعني هو عشان كذا كان يرفض ميهاف .. بس لي وافق الحين يتزوجها .. اقول لميهاف ولا لا .. احس ماله داعي بخرب عليها فرحتها كذا .. لا جا الوقت المناسب بقول لها احسن عشان يكون في مجال لها "
ضربتها على كتفها : وين سرحتي
طالعت بعبدالله : معاك معاك ..
مسكت يدها ودخلنا المطعم ..
__________________________________________
طلعت من الحمام وانا احس معدتي بتتفجر : ااخ يا ربي شصاير .. وش ذا
طالعت فيها ورحت بسرعة : ها حبيبتي شفيك ..
مسكت يد نايف : مدري احس معدتي فيها شي ودايخة ..
طالعت فيها : طيب وش اسوي الحين .. شرايك نروح للمستشفى
جلست عالكنبة : نايف تعبانة ..
طالعت فيها ومسكت يدها عالمستشفى بسرعة ..
___________________________________________
انتظروني بكرا 💞
السلام عليكم بنات 😌
اخباركم 👌
صلو على النبي * اللهم صل وسلم على نبينا محمد *
بنوتاتي الحلوات نزلت بكم بارتين اليوم اتمنى تحبونهم ويعجبوكم 😍