عذبني أنينهآ - الفصل 36 - بقلم للكاتبة هدوئي كارثة - مكتملة | روايتك

الباإأآرت السادس وثلاثين 💖 كانت جالسة تتابع المسلسل وما حسيت عليا جيت. من وراها وصرخت بإذنها : ريييييييم فزيت من مكاني انط من الخوف : يمممما .. وجع ان شاء الله .. وش ذا معندك اسلوب انت .. الواحد يتنحنح يقول بسم الله يقول اي شي مو يدخل على خلق الله كذا .. قربت منها : انا كذا .. عجبك ولا لا وخرته عني : لا والله معجبني .. لازم تغير تصرفاتك فاهم .. جلست عالكنبه : لا يشيخة .. اتغير .. مستحيل انا كذا راكان من يوم ما انخلقت جلست قباله : والله عاد اذا تبي نكمل مع بعض لازم تغير بعض تصرفاتك .. طالعت بعيونها : والله يا ست ريم الحب عمره ما كان باختيار الشخص .. هذه يسمونها مشاعر واحاسيس .. طبعا انتي برا الموضوع .. طالعت في وضحكت : ههههههه شف من يتكلم .. الي يتزوج بنت غصبن عنها يكون عنده مشاعر واحاسيس ما اظن .. طلعت جوالي وطالعت فيها : عاد شسوي .. الحب يحبيبتي .. طالعت في وقمت من مكاني ودخلت الغرفة .. وتذكرت الي صار من اسبوعين .. ( من اسبوعين :- صحيت الصبح وشفت نفسي عالسرير فزيت بسرعه : انا وش اسوي هنا .. كيف جيت هنا قمت رحت ادوره وشفته نايم عالكنبة " معقول نام مكاني .. بس كان دوري لي شالني .. قربت منه وجيت بغطي بس صحى بسرعه .. حسيت باحد فوق راسي صحيت بسرعة وشفتها واقفة قدامي : شصاير .. فيك شي هزيت راسي : لا .. بس كنت بغطيك .. وقفت وطالعت فيها : ما يحتاج .. كنت بقوم اصلا .. اي شسمه جهزي نفسك بنروح عند امي هزيت راسي : اوكي .. اي راكان .. طالعت فيها : هلا قربت منه شوي : شسمه .. انا شسمه كنت ابغى انزل اشتري لي كم حاجة .. طالعت فيها مستغرب : مثل .. توترت منه : ها .. شسمه شي للبنات .. ممكن حسيته خاص وما حبيت اسأل : اوكي .. دخلت وتروشت وطلعت معه : ودني الصيدلية .. هزيت راسي : زين .. رحنا الصيدلية ونزلتها ما حبيت انزل معاها وشفتها جاية ومعها كيس صغير : خلصتي .. هزيت راسي : تقدر تروح .. لفينا ورحنا للبيت : انزلي .. اسمعي قدام امي لا تبينين اي شي فاهمة .. طالعت في مستغربة : لي كذا تتهرب مني .. طالعت فيها : شقصدك .. طالعت في وسكت : خلنا ندخل دخلنا وكانت امه واقفه تنتظرنا : يا هلا وغلا بنور عيني .. حبيت راس امي ويدها : شلوونك يمما .. ام راكان : بخيير بشوفتك يوليدي .. انتو شخباركم اشتقتلكم والله .. سلمت عليها : شلونك عمتي .. ام رامي حضنت الريم : بخير يبنيتي .. وانتي ابتسمت لها : بخير .. نزلت وشفت راكان : رااااكان طالعت بميهاف وحضنتها وقمت الف فيها : شلووونك يا مرجوجة اشتقتلك .. حضنته بقوة : والله وانا اشتقتلك .. فاقدتك بالبيت ياخي لي ما تزورني .. طالعت بريم ومسكت يدها : عاد تزوجت وش ابي بخشتك .. ضربته على صدره : وجع .. انقلع بس ام راكان : ادخل يا عيال .. مسكت يد ريم : مرت اخوي الحلوة .. اسمعي ترا راكان اكبر حقير بهالعالم .. يضحك عالواحد بسهولة يسوي نفسه بريء وهو شرير .. طالعت فيها وابتسمت " شفت هالشي ماله داعي تقولين لي " راكان : يمما وش سويتي لنا غدا ام راكان : سويت ورق عنب طالعت بام راكان بسرعه : ورق عنب .. ام رامي : اي يبنيتي .. تحبينه هزيت راسي : وااجد .. اعشقه ميهاف : عاد تصدقين راكان اخوي قال لامي تسوي .. يقول نفسه في .. بس الحين عرفت مين يبغا ورق العنب .. طالعت في : شلوون عرفت .. ابتسمت لها : حسيت .. تغدينا كلنا سوا وجلسنا عند امي شوي ورجعنا .. حطيت عبايتي واخذت شنطتي ودخلت الغرفة : بستخدم الغرفة شوي .. جلست عالكنبه : خذي راحتك .. دخلت بسرعة واخذت الكاشف ودخلت دورة المياه - اكرمكم الله - " يا رب ما يكون سوا لي شي .. امس نمت كاني ميته ويمكن ما حسيت بشي .. يا رب " شفت النتيجة وكانت سلبية " الحمدالله .. الحمدالله .. اذا كانت ايجابية بتدمر .. " طلعت وكنت ماسكة الجهاز بس الصدمة كان قدامي وحطيته وراي بسرعة : شقاعد تسوي هنا .. طالعت فيها مستغرب : غيرت ثوبي .. شفيك كذا تغير لونك .. كنت احاول اخفي توتري : لا .. عادي .. شفت شي ماسكته ورا ظهرها وتحاول تخبي : وش الي معاك .. حسيت قلبي بيوقف : ولا شي .. مسكت يدها وجيت باخذه : عطيني .. حاولت افك نفسي : راكان فكني .. راكان اخذته منها وطالعت في وانصدمت : كاشف حمل .. شلووون وصل ليدك .. اخذته منه بسرعة : مالك دخل مسكتها من يدها بقوة : رييييم لا تعصبيني .. فكيت نفسي منه وبصراخ : اي كاشف حمل .. كنت خايفة منك .. وفكرت انك سويت لي شي .. عشان كذا اشتريته كنت منصدم من كلامها : انتي مفكرة اني ممكن اسوب لك شي .. طالعت في بحقارة : ولي لا .. انت واحد نذل وتسويها ما استغرب .. قربت منها ومسكت كتوفها : لدرجه ذي ما تثقين فيني ِ.. وصلت معاك تفكرين اني ممكن استغلك .. واسوي فيك شي قذر زي ذا .. شلون قدرتي تفكرين فيني كذا شلووون .. بعدت عنه وبصراخ : وليي ما تسويها ااه .. انت تزوجتني غصبن عني .. لي ما تسويها .. قربت منها وبصراخ : لااااني احببببك .. فهمتي ليي .. احبببك ومستحيل اسوي شي رخيص ودنيء وقذر زي كذا مع اكثر انسانه احبها .. فهمتي لييي .. لاني احبببببك .. فكيتها وطلعت من الغرفة وطلعت من الباب بكبره وانا احس بضيقة .. جلست عالسرير وانا منصدمة من الكلام الي قاله : يحبني .. قال انه يحبني .. راكان يحبني صدق .. وانا فكرت انه .. حطيت يديني على راسي : يا ربي وش سويت انا .. شلوون فكرت كذا شلووووون ..... رجعت البيت الساعة وحده بليل شفتها جالسة عالكنبة ما حبيت اتكلم معاها خليتها ودخلت الغرفة .. دخلت وراه الغرفة : راكان لو سمحت .. طالعت فيها : رييم اطلعي برا .. مو طايق اشوف وجهك اطلعي .. رحت ومسكت يده : تكففى اسمعني .. انا منجد اسفه والله ما كان قصدي .. يعني كنت خايفة .. مدري شلون فكرت كذا بس كنت خايفة .. تكفى لا تزعل مني .. ما ادري شلون سويت كذا .. فكيت يدي منها : على اساس يهمك يعني .. وقفت قدامه : اسمع .. صح اني ما احبك بس ما يهون علي اخليك زعلان الكلام الي قلته الصبح مو زين وما احد يتحمله .. طالعت فيها وضحكت : ههه تصدقين كنت ابغى اقولك اني احبك .. بس تعرفين وش الي يضحك بالموضوع كنت متخيل تردين علي بنفس الشي .. بس اليوم تأكدت ما في امل .. جيت بطلع بس مسكت يدي : اسمعني مقدر اكذب عليك ابدا .. انا ما احبك ولا احس بشي تجاهك .. بس يمكن مع الوقت يتغير .. طالعت بعيونها : تكذبين علي ولا على نفسك .. هزيت راسي ب لا : تكفى خل نحاول .. ننسى كل المشاكل والهواش الي عشنا .. ونحاول نبدا صفحة جديدة .. يعني اذا بنتهاوش نتهاوش هواش بسيط شرايك .. طالعت فيها ورحت من قدامها : بنام عالكنبة وانتي نامي اليوم عالسرير .. هزيت راسي : براحتك .. رحت وجلست عالكنبة " اقول لها احبك تقولي بحاول احبك .. هي لعبه يعني " __________________________________________ طلعنا من المول وكانو عبدالله ونايف جالسين بالكوفي رحنا عندهم : خلصنا .. طالعنا فيهم وكل واحده شايله كيسين علاقل : اشتريتو المول كله وطلعتو .. تسنيم : والله تعبت .. رجولي ما عادت تشيلني قوت : والله وانا احس اني بطيح ميهاف : اتصلت فيني انين تقول خلصت كل شي هي وثامر وما بقى لهم شي عبدالله : كويس نطلع .. جينا بنطلع بس لمحت فارس جاي حسيت قلبي يدق بسرعة .. عبدالله بمزح : فارس وانت بعد بتتسوق طالعت في : تستظرف .. جبت اختي وامي قوموني من النوم عشان يشترون نايف : احمد ربك حنا لنا ثلاث ساعات نتتظر حسيت بنظراتها لي بس ما بينت قدام الشباب : اجل نشوفكم بكرا .. عبدالله ونايف : مع السلامة .. كنت اطالع في بدون لا انتبه على نفسي وما حسيت غير واني طايحة بالارض : ااااااخ .. اوووووف ليين بخوف : ميهاف .. فيك شي طالعت بسرعة وشفتها طايحة كنت بروح لها بس انتبهت ووقفت مكاني قربت منها وهمست بإذنها : بتفضحينا انتي .. طالعت بعهود ووقفت مسكت يد ليين مسكت يد عبدالله : عبدالله نسيت اجيب لانين كعب .. دقيقة بس طالعت فيها وابتسمت : اوكي انتظرك .. رحت بسرعة احاول الحقه شفته واقف قدام واحد من المحلات : فارس .. طالعت بالبنت : هلا اختي عهود : انا عهود .. بنت عم ميهاف .. طالعت فيها مستغرب : في شي عهود : اسمعني اعرف ما يحق لي اتدخل بس اذا هالقصة طالت ميهاف بتدمر .. ميهاف بنت حساسة واجد وانت اول واحد تحبه بصدق .. ميهاف تبين قوية من برا بس هي حساسة واذا صار لها شي بتكون انت السبب .. جيت بتكلم بس ما خلتني : خلني اكمل لو سمحت .. يمكن انت ما تحبها وما تحس بشي تجاها .. عشان كذي ابيك تفهم ميهاف هالشي اذا ما تقدر تكون لها لا تخليها تتوهم لان هالشي بكون دمار كبير لها .. انا قاعده اترجاك اذا ما تقدر تسعد ميهاف لا تخليها تبني احلام معاك بالخيال .. هزيت راسي : انا اسف اذا سببت مشاكل لميهاف بس هي الي حبتني وهي الي قامت تبني احلام لوحدها صدقيني .. طالعت في : وانت الي قربت منها بالعرس .. وانت الي اعطيتها امل بالحب مرا ثانية .. انا مابي اتدخل اكثر من كذا وتصير مشاكل .. اتمنا تفكر بالي سويته مرا ثانية وتكتشف الخطأ الي سويته .. خليته ورجعت للبنات : خلينا نروح طالعت فيها مستغرب : ماجبتي شي طالعت بعبدالله : هاا .. اي ما لقيت رجع كل واحد على بيته ينتظرون يجي بكرا .. __________________________________________ يتجدد اللقآء بكم غداً 😍 السلام عليكم بنات اخباركم صلو على النبي * اللهم صل وسلم على نبينا محمد * يا بنات نزلت لكم بارتين اليوم اتمنى تحبوهم ويعجبوكم وبكرا بإذن الله بنزل لكم بارتين وبعده ويوم السبت بارتين بعد 👌 صدقوني قاعدة احاول اجيب نهاية حلوة وتكون مختلفة عن الباقي وعشان كذا بتحسون انه البارتات هادية شوية بس شوي شوي بتبدا الاحداث تتغير ✌ وكل الي ابي دعمكم وتفاعلكم معايا وبالأخير لا تنسوني انا ووالديني من دعائكم 💖 الى اللقاء 🌷