عذبني أنينهآ - الفصل 35 - بقلم للكاتبة هدوئي كارثة - مكتملة | روايتك

الباإأآرت الخامس وثلاثين 💖 بعد مرور اسبوعين .. بهالاسبوعين صارت احداث كثيرة وبنسترجعها بشويش مع ابطالنا الحلوين .. واقفات كلنا قدام انين الي تصيح ومقطعة نفسها صياح : يا بنت الحلال والله بخير شفيك انتي .. طالعه بميهاف : طيب لي ما يتصل لي ما يطمنا .. انا قلبي مو مطمن .. قوت : انا حاولت اسأل نايف بس يقول ما يدري .. ويقول عبدالعزيز قال بيرجع وراه .. حضنت ميهاف : يعني اكييد صايرله شي .. له ثلاث اسابيع ماندري وينه .. حتى اخواني خايفين بس ما يبينون لي .. جيت بتكلم بس دق جوالي وكان عبدالله : هلا حبيبي .. لا كلنا معاها .. لا تخاف انت .. شلووووون .. متتتى .. اووف كيف نسينا .. خلاص تمام تمام بشوفهم .. سلام .. طالعه بالبنات منصدمة : بناااااات طالعنا كلنا بعهود : شصااااير .. جلست عالكنبة : بكرا .. عرس انين طالعنا ببعض كلنا منصدمين : هاا .. حطيت يدي على راسي : كيف نسيت .. بكرا عرسي .. يا ربي .. وقفت احاول اخبي حزني ولفيت على انين : انا بروح اشوف امي يمكن نلاقي حل للعرس .. طالعت بأريام كان واضح عليها الحزن : زين .. دخلت الغرفة بسرعه : انوون .. اتصل عزوز وهو بخير .. وقفت بسرعه ورحت لسارة : وينه .. لي ما كلمني طيب .. حاولت اني ما اطالع بعيونها : حبيبتي تعرفين شغله كله صعب وما يقدر يتأخر وقال يبيك تتصورين يوم العرس وتودينها له عشان يشوفك .. جلست عالسرير : يعني ما بيجي .. مسكتها من كتوفها : اهم شي تطمنا عليه .. يلا قومي ورانا شغل .. والحين بيجي ثامر طالعت فيها مستغربه : لي بيجي .. ابتسمت لها : عشان تروحون سوا وتختارون كل شي الكوشه والصاله والاشيا هذه .. طالعت فيها : ضروري اروح معه .. ما ابغى مسكتها من يدها : اسمعي يا بنتي ذا زوجك والله ما بيخطفك ولا بياكلك .. شفيك .. طالعت بليين : مدري .. عهود : اوكي بنات لا تنسوني بعد زواجي قريب بعد مابي اعذار .. طالعنا فيها معصبين : لك اسبوعين تذكرينا والله الي عنده زهايمر ما عاد ينسا .. كانه محد غيرك انتي وعبود حقك بيتزوج .. طالعت بسارة : اول شي لا تقولين عبود بس انا اقول .. ثانيا اي محد غيري مبسوط بزواجه .. شوفي انين ماني شايفه فرحه بوجهها عشان كذا قلت احمسكم من الحين .. طالعنا فيها وضحكنا : هههههههههههههههههههه .. ( نرجع لقبل اسبوعين :- .. روحنا كلنا من عند انين .. كنت جالسة احط الغدا مع امي وجا ابوي يكلمني : عهود يببا .. طالعت في : امرني .. ابو نايف : تعالي يبنيتي .. رحت عند ابوي وانا خايفة " معقول بكلمني عن عبدالله " : امرني يالغالي .. ابو نايف : اسمعيني يبنيتي .. انتي كبرتي وما شاء الله عليك كل من يتمناك .. نزلت راسي مستحية : يببا .. ابو نايف : انا كلمت امك وقالت انت كلمها .. وانا قلت اكلمك بدري تعرفين بعد اسبوعين زواج بنت عمك ونبي الفرحة تكون دايما ببيتنا .. عشان كذا يبنيتي .. عبدالله ولد عمك شاريك ويبيك له .. ابتسمت غصبن عني .. ابو نايف : انتي صلي يبنيتي وفكري زين .. وخلنا نرد لهم جواب .. ترا عبدالله يقول اذا وافقت بيتزوجك بكرا .. هنا ضحكت غصبن عني : ههههه ابو نايف : ها يبنيتي .. جيت بتكلم بس قاطعتني ليين : موافقه يباا موافقه .. عهود اختي واعرفها .. طالعت فيها : اشش .. ابو نايف : ابغا اسمع منها هي .. طالعت ببوي وهزيت راسي ب اي .. ابو نايف : موافقه يعني .. نزلت راسي وبصوت دوبه ينسمع : ايوه .. طالعت فيها وفطست ضحك : هههههههههه ما عرفتك والله هههههههه وقفت بسرعه وركضت للغرفة .. ابو نايف ابتسم : على بركة الله .. ليين : يببا انا اقول تكلم عمي الحين ونخليهم يسوون التحاليل بسرعه ما ابيها تزعل .. ابو نايف : معاك حق يبنيتي .. بكلم عمك اليوم ان شاء الله .. ام نايف : ها بشر .. ليين : وافقت وافقت ام نايف : الله يوفقهم .. ابو نايف : نواف وينه .. ما جا امس واليوم ما شفته وينه ذا .. ام نايف : والله يرجال مدري اتصل في ما يرد .. ليين : يببا اتصل بسلطان اكييد يعرف ابو نايف اخذ الجوال وجا بيتصل الا والباب يفتح طالعنا كلنا وكان نواف : السلام عليكم .. طالعنا في كلنا وكان باين التعب على وجهه : وعليكم السلام .. ابو نايف وقف : نواف .. تعال تنهدت ورحت لابوي : هلا يببا ابو نايف انتبه على نواف يمشي بشويش : شفيك .. طالعت بامي : ما فيني شي .. ام نايف ركضت لولدها : شفيك ماسك بطنك .. صايرلك شي طالعه بامي : يمما لا تخافين ما فيني شي .. صدقوني انا بخيير ليين : كيف بخير .. طالع وجهك كييف .. طالعت بليين بعصبية : قلنا ما في شي ابو نايف : وقف اقوول .. شايفني بزر عندك .. تكلم شصاير .. شفيك جلست عالكنبه : ما بيعجبكم الي بقوله ابو نايف للحين ماسك اعصابه : نواف للحين ماسك اعصابي .. تكلم شفييك طالعت فيهم : تبرعت بكليتي .. نزل علينا هالكلام زي المويا الساخنه : شلووووون ابو نايف : شلوووون ام نايف بصدمة : نعمممم ليين كانت واقفه منصدمة .. ابو نايف : تستهبل انت .. وش تبرع .. نواف : يببا تكفى مالي حيل اتكلم .. انا سويت الشي الي كان لازم اسوي .. ما بخلي احد يموت دام اقدر اساعده .. ام نايف بعصبية : وش مساعدته .. تتبرع بكليتك بدون ما ترجع لنا حتى ولا تقول لنا .. شنو حنا ما نعنيلك شي .. طالعت بامي : يمما تكفيين .. خلاص انا بخير والله وشوفيني قدامك ما مت .. نزلت وانا مو فاهمه شي : شفيكم .. لي تصارخون طالعت بعهود وانا للحين مو قادره استوعب شي : نواف تبرع بكليته طالعت فيها بصدمه : شلوووووووون طالعت فيهم : يا جماعة ترا كبرتو الموضوع .. الواحد يقدر يعيش بكليه وحده ترا .. وتكفون سكرو هالسالفه ولا بطلع الحين .. ابو نايف : انتو وشو .. تبون تموتوني يعني .. قربت من ابوي : يببا .. انت علمتنا اذا نقدر شفنا احد محتاج نساعده بدون لا نفكر .. وانا شفته محتاج وساعدته .. يببا يوم شفت دموع امها ما تحملت .. فكرت لو امي بنفس هالموقف وش بتسوي .. يببا الي سويته شي كبير اعرف وكان لازم اقول لكم بس صدقوني ما قدرت افكر ابد .. بسرعه سويت التحاليل وتطابقت وسوينا العملية .. ابو نايف طالع بنواف : بس يوليدي .. قاطعت ابوي : يببا الي حصلته دعاوي هالناس الصادقة وهالشي يكفيني والله .. ام نايف مسكت ولدها : الله يعطيك على قد نيتك .. امش معاي لغرفتك .. عهود امشي سوي لاخوك شوربه عشان يسترجع قوته بسرعه .. حبيت امي على راسها : هذه امي الي اعرفها .. وش كان له لازمه الفيلم الهندي الي الحين .. ام نايف : فيلم هندي اجل .. امش بس ليين : ي ربي شقاعد يصير بهالبيت .. ) __________________________________________ طلعت من غرفتي على صوت ملاك : انتي هيي ما تعرفين تتكلمين بدون لا تصارخين .. الواحد ما ينام ابد هنا ام ثامر : اقول انزل بجيبون الاثاث حق الغرفة اخلص علينا .. وبتروح مع انين واختك عشان تختارون الزينة .. عرسك بكرا .. قلتلك خل نسويهن بدري بس ما تبي .. ابو ثامر : ثامى الصاله جاهزة ينتظرونك بس تختار الزينة خذ اختك ورح بسرعة .. ملاك : بطلع اجهز نفسي .. طالعت فيها : معاك دقيقتين بس ام ثامر : شف نفسك يبيلك ربع ساعه .. اخلص علي وراي شغل انا بعد .. طلعت وغسلت وجهي : البس ثوب ولا عادي .. يلا بلبس عادي تجهزت ونزلت ولقيت امي تكلم العامل : يمما .. ام ثامر : ها ثامر تعال .. ور العمال غرفتك خلهم ينقلون الاثاث بسرعه .. اخذت العمال ووريتهم غرفتي : تكفون بشويش عالاغراض .. ابو ثامر : لا حول ولا قوة الا بالله .. اخلص يوليدي .. ما نبي نتأخر طالعت فيهم : زين زين موب طاير ترا اخذت ملاك ورحنا بالسيارة : اذا بتسوين نفس المره الي فاتت بنزلك بنص الشارع .. ضحكت على كلامه : لي شسويت انا .. طالعت فيها : ملااكو ترا ما امزح ابتسمت له : اوكي اوكي .. بس بخليها تركب جمبك .. ما دخلني طالعت فيها : ملااااك ضربته على كتفه : يا غبي بتصير زوجتك تخيل راكبه انا قدام وهي ورا .. ثامر : زين بس اذا سمعت صوتك او قلتي شي كذا ولا كذا يا ويلك .. هزيت راسي : تمام .. خلاص بسكت .. وصلنا بيتهم ونزلت وكان عبدالرحمن واقف تحت وواضح معصب : زين اورييك يا انين .. واقفه عالدريشة : والله ان ما رحت الحين لانط .. طالعت فيها منصدم " هذه البنت شقاعده تسوي بتنط .. طلعت مجنونة بعد " .. عبدالرحمن : يا بنت الحلال والله ما دخلني .. ساره اخذت الجوال والله انين بصراخ : يا كذاب .. اجل تحب من ورا .. ومين لماااار .. مجنوووون انت مجنوووون .. طالعت فيها معصب : انووووون ترا زودتيها .. اي حب واي خرابيط .. ساره قالت لي خذ تكلم مع اخو البنت وعطه العنوان وش دراني انها بتتكلم معاي .. اااه وانتي تعالي شدخلك اكلم ولا لا .. انين : ما دخلني بس قلتلك انا بزوجك على كيفي صح .. عبدالرحمن : زين زوجيني الي تبيها بس انزلي من عندك يا حماره طالعت في : انا حماره .. والله الحين بكنسل كل شي وبنط من هنا واموت وارتاح منك طالعت فيها : انوووون ابو بجي اذا شافك كذا بعصب عليك انتي .. جيت بتكلم بس انتبهت على واحد واقف تحت ويطالع فيني وباين انه مصدوم " ذا .. ثااااامر " ..من الخرعه طحت لورا : اااااه .. عبدالرحمن بخوف : انييييين .. اول ما سمعنا صوتها ركضنا كلنا داخل : انيييين دخلت غرفتها ولقيتها طايحة تحت عند السرير : انتي بخيير .. طالعت بعبدالرحمن بخوف : والله اسفه ما كان قصدي .. وربي اسفه .. حضنتها بسرعه : خوفيتيني علييك .. طالعت بشويش بثامر احاول اخبي نفسي منه قربت بشويش وقلت لعبدالرحمن : ثامر وراك .. لفيت بسرعه وشفته واقف مع اخته : ثامر .. طالعت في : اسف دخلت بدون اذن .. بس خفت يوم شفتها طاحت .. عبدالرحمن : لا عادي ما في احد هنا كلهم طلعو .. جيت تاخذها .. هزيت راسي : اي .. طالعت بانين : جهزي نفسك وانا انتظرك تحت هزيت راسي : زين .. طلعتت انا وثامر : تعال نجلس بالصاله .. انين : ملاك خلك هنا .. جلست عالسرير وفطست ضحك : ههههههههههههههههه وش ذا الي سويتي ههههههههههههه .. غطيت وجهي بيدي : فضحت نفسي صح .. ملاك : لييتك شفتي وجه ثامر كيف يطالع .. جلست جمب ملاك : وجعع كله من عبدالرحمن طالعت فيها : لي شسوا انين : ساره عندها صديقه اسمها لمار .. وتبي تجي على عرسي بس مو عارفه العنوان وقالت خل احد من اخوانك يكلم اخوي ويعطي العنوان وتكلم عبدالرحمن وواضح البنت خقت عليه وقامت تكلمه .. ملاك : اه .. يلا جهزي نفسك خلنا نطلع ورانا شغل .. لبست عباتي وحطيت طرحتي وطلعنا .. ملاك : وين البنات .. انين : راحو مع اخوي عبود بيشترون فساتين .. ملاك : وانتي شصار معك .. انين : كل شي جاهز وبكرا بجون البنات وبساعدوني باللبس بعد .. ملاك : ثامر جاهزين .. طلعنا مع ثامر انين قدام وانا ورا : انين يعني خلصتي كل شي .. انين : ايوه .. ملاك : معاك صور .. هزيت راسي : اي معايا .. دقيقه .. طلعت جوالي وطالعت بثامر وعطيته ملاك .. اول ما طلعت الجوال تذكرت يوم جبته لها .. ( قبل اسبوع :- اتصلت على عبدالرحمن : دحووم اسمع .. ياخي زين صباح الخير كذا كويس المهم اسمع .. امي قبل شوي تقول لازم اشوف زوجتي واجيب لها هدية يعني مدري عن هالاشيا او كيف اتصرف .. اي يعني بجي اشوفها بس ما اعرف وش اشتري لها انت اكثر واحد يعرف .. شلوون مفهمت .. طيب لو جبت لها جوال جديد .. خلاص بجيب لها جوال وبشوف اذا بيعجبها .. انقلع الي يسمعك يقول ساعدتني يعني .. اوريك .. نزلت بسرعه وشفت ملاك جالسة " ملاك بنت اكيد بتفهم عليا " : ملاك .. طالعت في : نعمم جلست جمبها : يعني كنت ابغاك بموضوع مهم .. انتي بنت صح .. طالعت في بصدمة : شلوووووون مسكت يدها : لا لا لا لا مو زي كذااا انا كان قصدي يعني بتفهمين عالبنات صح وبتفهمين عقولهم .. ملاك افهميني انا متوتر .. طالعت في مستغربه : مو فاهمة .. وضح اكثر مسكت يدها : اسمعيني لا اكسر راسك .. بروح اشوف انين .. قاطعته بسرعه : اهاا .. الحين فهمت طالعت فيها : ملااااك .. ابغى اشتري لها جوال بس يعني مدري وش اشتري معاه او وش اقول يعني ساعديني .. هزيت راسي : اهاا .. اوكي خلاص فهمتك .. انا اقول اشتري لها جوال وحطه بعلبة وغلفها تغليف حلو ورومانسي .. طالعت فيها مستغرب : يعني اقول للرجال غلفها تغليف رومانسي .. طالعت في منصدمه : وشهوو .. ثامر لدرجة انت غبي .. اسمع رح حق فارس هو كان متزوج ويفهم بهالاشيا صح .. رح رح ... تبي تفضحنا انت اكييد .. رح بس ضربتها على راسها ورحت : الحق على الحمار الي جنبك والله .. طلعت ورحت لفارس : الوو .. انا تحت .. ياخي مو وقت نومك انقلع تعال .. فااارس موب ناقصك .. اي بسرعه .. طالعت من الشباك وكان نازل بالبيجاما : احد ينزل كذا وش ذا .. طالعت في بعصبية : مصحيني من صباح الله خير .. وتصارخ بالجوال وتقولي لي نازل كذا .. قلت مات ولا صار في شي .. شفيك .. شتبي طالعت في بتوتر : شسمه .. في شي مهم وابغى مساعدتك .. طالعت في بخوف : ثامر شصاير خوفتني ياخي .. طالعت في : ترا الموضوع جدي .. حسيت بخوف : طيب تكلم .. غمضت عيوني : ابي مكان تغليف هدايا .. طالعت في بعصبية : شلوووون .. تستهبل انت منزلني من الصبح عشان كذا .. طالعت في : طيب شسوي محد غيرك متزوج وانت الوحيد تقدر تساعدني .. طالعت في بعصبية : كانت ساعة نحس يوم تزوجت .. استغفر الله بس .. نزلت راسي : اوكي اسف .. خلاص انزل تنهدت وطالعت في : ثامر ثامر دقيقة .. اطلع ابتسمت له : اعرف ما يهون عليك زعلي .. طلعنا ورحنا اشترينا جوال وغلفنا الهدية ورجعت فارس البيت ورحت بيت عمي نزلت ودقيت الجرس وفتح لي عبدالرحمن : يا حيي الله بالنسيب .. ادخل ادخل .. سلمت عليه ودخلت : شلووونك .. عبدالرحمن : بخيير .. شفت حرمة جالسة " هذه اكيد ام انين " : شلوونك عمتي .. منيرة طالعت في : اي عمه .. مو ناقص غير اكون عمتك .. انصدمت من كلامها وما حبيت ابين هالشي .. طالعت بامي : يممما .. نزلت وانا اسمع اصوات : يمما في شي منيرة طالعت بانين : وصمما ان شاء الله .. اسمعي بتحملك لين تتزوجين وتنقلعين من وجهي ولا مو مصبرني شي ثاني .. فاهمة .. طالعت بثامر مستحية والدموع بعيوني وركضت بسرعة لعبدالرحمن حضنته .. قربت من امي : قبل لا انسا انك امي اطلعي فوق .. منيرة طالعت بثامر : الحين انت مو لاقي اشرف من هذه تتزوجها .. الله يعلم وش سوت عشان تتطلقت او وش شاف منها .. كنت اسمع كلامها ودموعي تطيح واحس بشعور غريب .. عبدالرحمن بصراخ : يمممممممما .. نزلت بسرعه من غرفتي : شصاااير .. ثامر .. عبدالرحمن .. انين شصاير تكلمو .. يمما شصاير احد يقول شي .. كنت قاعد احاول اهدي نفسي من الكلام الي قالته هذه الحرمة : انين تعالي .. خل ندخل طالعت بثامر : اي خذها داخل في كلام لازم اقوله لامي .. مسك يدي ثامر ودخلنا المجلس : انتي بخيير طالعت في وانهرت : والله ما لمسني .. والله ما قرب مني والله والله .. مسكتها بسرعه : انيين .. اشش مابي اسمع هالكلام هالشي خلاص انتهى وماله داعي نتكلم في اكثر فهمتيني .. طالعت في وانا احس بخجل كبير وقفت بسرعه وجيت بطلع بي مسك يدي واعطاني كيس : ذي هدية لك .. خذيها طالعت في : ماله داعي تشفق او تتعاطف معايا .. اعرف انك تزوجتني عشان اخوي عبدالرحمن وعشان تحافظون علي .. وانا مو زعلانة .. الي بزعلني تعاطفك معاي عشان كذا لو سمحت لا تتعاطف معايا لو سمحت .. مسكت دموعي وقمت اركض للغرفة .. جلست عالكنبة افكر بكلامها : كيف عرفت انه عبدالرحمن له علاقة بزواجنا .. دخلت عنده وجلست جمبه : الي صار قبل شوي .. قاطعته بسرعة : انسا .. هالشي مو مهم بس ابغا اعرف كيف انين عرفت انك السبب بزواجنا .. طالعت في بسرعة : شلوووون طالعت في مستغرب : قالت لي اعرف انه عبدالرحمن هو الي قال لك نتزوج وقالت انها مو زعلانة بس كيف عرفت .. وقفت بسرعة : يمكن سمعتنا وحنا نتكلم .. وقفت ومسكت كتفه : عبدالرحمن .. انين حالتها مو زينه .. انت قلت لي كل شي وما خبيت عني بس امك جرحتها بهالكلام .. جلست عالكنبة وانا متضايق : تعرف يا ثامر .. اول مرة تقابلنا كنت قاعد بالزاوية ومضايق .. ويوم سألتك قلت لي ابوك ضربك .. جلست جمبة مستغرب : وش ذكرك الحين طالعت في : تذكر وش قلتلك يومها .. قلتلك امي بعد تضايق اختي وتعذبها بس هي دايما تخبي وتبين انها مبسوطة .. حطيت يدي على كتفه : ويومها صرنا اصحاب .. ونشكي همومنا لبعض .. طالعت بثامر : وانين الحين تتعذب اكثر من الاول يا ثامر .. عشان كذا طلبت منك هالطلب .. عشان كذا تخليت عن كرامتي وطلبت منك تتزوجها .. طالعت في بعصبية : عبدالرحمن .. خلاص ما ابغى اسمع هالكلام مرة ثانية فاهم .. اختك بنت كويسه والله وكل من يتمناها وذا خير لي اني اتزوجها صدقني .. حضنته وانا مرتاح : ياخي والله احبببك ضحكت على كلامه : وانا احبببك بعد هههههه .. ) اخترنا التصاميم والزينة واتفقنا معهم على كل شي : والحين وين تبون تروحون .. ملاك : مدري .. شرايك انين طالعت فيهم محتارة : مدري بكيفكم .. ثامر : نروح نتغدا بمطعم .. ملاك : فكرة حلوة .. امشو رحنا المطعم وجلسنا بقسم العوايل : طيب شتبون تاكلون يا حلوين .. طالعت في : اي شي مو مهم طالعت فيها : انين لا تخافين .. ايش تبغين كنت متوترة وخايفة : مدري .. يعني اطلب انت واطلب لي معاك .. ملاك : في عندهم مكرونا لذيذة هنا .. طالعت بملاك : مع الصلصة .. ملاك : ايووه .. ايش رايك هزيت راسي ب اي ثامر : اوكي .. طلبنا المكرونا وتغدينا .. طالعت فيها : انين .. انين : هلا ثامر : خلصتي كل مقاضي العرس .. هزيت راسي : ايووه .. ما بقى شي ثامر : طيب بشوف البدلة ممكن طالعت في بسرعة : لا لا مستحيل .. طالعت في مستغرب : ليي طيب .. نزلت راسي : لانو مو كويس .. يعني يقولون فال موب كويس .. وبعدين انا متصورة في .. خلاص تشوفه بكرا احسن .. ملاك : بس تصدق يا ثامر .. طالعة تجننن قمر ما شاء الله عليها .. طالعت بملاك : كلي وانتي ساكتة .. انين : بروح دورة المياه .. ملاك : امشي معايا .. قمت من مكاني ورحت معاها وشفته واقف عند الباب " ذا ضامي .. وش يسوي هنا .. " ملاك : في شي .. طالعت فيها : لا لا .. دخلت وطلعت وشفته واقف ومعه بنت : ضامي وش يسوي مع هالبنت .. دقيقة دقيقة ذا فهد ولد عمي وفيصل بعد .. شسالفة .. طالعت بملاك : انتظريني هنا ملاك : وين رايحة خليتها ورحت لهم : ضامي .. طالعنا بأنين : انيين .. طالعت فيهم : شسالفة .. شصاير هنا ضامي : شلوونك انين .. ابتسمت له : بخيير انت شلوونك .. هزيت راسي : بشوفتك بخير استغربت من طريقة كلامه : فهد وفيصل هنا .. فيصل : كنا جايين نتغدا سوا .. طالعت بالبنت الي جمبهم وتحاول تخبي وجهها عني : مين هذه البنت .. فهد : هذه .. شسمه .. اي من الشركة تعرفين بشتغل معاهم وهذه تساعدني بالمرسم .. طالعت فيهم وانا حاسه في شي : متأكدين ما في شي .. حاسه انكم تخبون عليا شي .. طالعت فيها وانا ودي اضمها : انين تكفين روحي من هنا بسرعه طالعت بضامي : ليي طيبب .. عليت صوتي عليها : انييين رووحي خلاااص انصدمت من طريقة كلامه : ضامي .. غمضت عيوني : رووحي لو سمحتي .. جيت بروح بس في شي مسك يدي وما شفت نفسي غير بحضنه : ضااامي .. كلنا انصدمنا من الي صار : ضامي .. جيت وشفت واحد حاضنها : هيي انت .. وخرت عنها بسرعه " يا ربي وش سويت انا " قربت منه : ضااامي .. شقاعد تسوي .. طالعت بضامي : ضامي شسويت انت .. انا متزوجة .. كيف تسوي كذا .. طالعت بملاك : ملاك خذي انين وانتظريني بالسيارة بسرعة .. مسكت يد انين ورحنا .. طالعت بفيصل : ممكن احد يفهمني شصاير هنا .. لفيت عليه : ثامر شسمه .. طالعت بالبنت : انتي اخت انين .. احد يفهمني شصاااير هنا .. فهد : ما في شي .. خلاص مسكت يد ضامي : ضااامي تكلم .. انت شلون تحضن بنت كذا .. تدري لو ما كنت بالمطعم كنت ذبحتك .. شلون تتجرأ .. طالعت في ماسك ضامي وضامي ساكت قربت منه وفكيت يده منه : ثامر فكه .. ما يحق لك تمسك اخوي كذا .. طالعت فيها بسرعة : شلوووووون طالعنا كلنا بسارة : ساااارة طالعت بضامي : شلووون .. مسكت يد ضامي : ضامي اخوي .. توأم انين هالكلام نزل علي كانه مويه حارة : توأم .. انين .. طالعت بسارة : انجنيتي انتي .. مسكت يد ضامي : بالاول والاخير بيعرف .. طالعت في : ثامر انتبه انين تعرف شي او اني اخوها ولا كل شي بيتدمر فاهم .. فيصل : ثامر تكفى لا تسأل عن اي شي .. ولا تجيب سيرة لأنين .. لو سمحت طالعت فيهم مو فاهم شي : انا مو فاهم شي .. سارة : هذه قصة طويلة .. ما رح نقدر نشرحها الحين لو سمحت روح الحين .. طلعت من المطعم وانا احس اني ملخبط " ضامي وانين .. اخوان وتوأم بعد .. بس كيف ومحد يدري غير سارة وفيصل ولي مخبيين القصة هذه .. شسالفه مو فاهم شي ابد .. " __________________________________________ طلعت من غرفتي ونزلت تحت شفت رامي وغنى جالسين : شلونكم يا عصافير .. طالعت بسديم : لي قمتي .. جلست جمب غنى : يا بنتي ما وراك غيري لك اسبوعين فوق راسي .. ما مليتي مني ضحكت عليهم : احمدي ربك يا ست سديم انها مهتمة فيك غيرك مو شايف هالاهتمام سديم : الا سحر وين ما شفتها غنى : سحر راحت مع عمي وعمتي بجيبون تحاليلك ما بتأخرون .. سديم : انا جوعانه .. طالعت فيها وابتسمت : الحين احطلك الغدا ثواني ويجهز .. جيت بقوم بس حسيت بدوخة وطحت عند رجول رامي .. اول ما طاحت صارخت سديم : غنننننى رامي بصراخ : غنننننى شلتها بسرعه وحطيتها عالكنبة : غنوو .. غنوو حبيبتي قومي سديم بخوف : شفيها .. شصار لها جيت بتكلم بس دخلو اهلي : شصاير ام رامي بخوف : شفيها غننى .. شلتها وانا خايف : مدري باخذها المستشفى .. سحر جيبي عبايتها والحقيني بسرعه .. اخذتها السيارة وجت سحر وامي وسديم ورحنا للمستشفى .. سحر : طيب كانت بخير شصار عليها رامي : مدري مدري .. لها فتره تتعب وتدوخ ونفسيتها موب زينه .. ام رامي : الله يستر .. وصلنا المستشفى ونزلنا بسرعه ودخلناها عند الدكتورة وانتظرنا برا .. قربت من امي : يقول تدوخ ونفسيتها مو زينه .. معقول حامل .. ام رامي : مدري يبنيتي .. يمكن طلعت الدكتوره ورحت لها بسرعه : ها بشري .. شفيها مريضة .. الدكتورة ابتسمت : لا تخاف المدام بخير .. يمكن تعبت عشان الحمل طالعت فيها منصدم : حامل .. غنى ام رامي ابتسمت : الحمدالله يا رب .. الحمدالله طالعت بسديم وحضنتها : بنصير عمااات .. وااو دخلت بسرعه وشفتها نايمة عالسرير قربت منها ومسكت يدها : شلوونك .. طالعت في وابتسمت : بخيير .. حطيت يدي على بطنها : وشلون ولدي .. ضحكت على كلامه : ههه يمكن بنت .. طالعت فيها وابتسمت : بنت ولد توأم المهم الخلقة الزينة والصحة ومابي شي ثاني .. مسكت يده وابتسمت : ربي لا يحرمني منك .. ام رامي : ترانا هنا .. طالعت بعمتي ونزلت راسي .. ام رامي : يبنيتي .. ابيك تهتمين بنفسك الحين وما عليك من شي .. سديم : مبروووووك يخوي .. مبروووك غنو سحر حضنت رامي : مبروووك يعين اختك .. مبرووك يا قلبي طالعت بالبنات وضحكت : ما عرفتكم والله محترمات ههههه ام رامي : من اليوم تقعدين وترتاحين طالعت بعمتي ومسكت يد رامي وابتسمت .. سوينا بعض التحليلات ورجعنا البيت .. يتبع ⬅