الفصل 20
الباإأآرت العشرين ❤
نقلنا انين للمستشفى وعالجوها وهي الحين بخير ..
وبعد عدة محاولات راح ضامي للمستشفى والبنات خلاهم عند ثامر وفارس واعطاهم افادته وقال لهم عن كل شي وحاولو يلاقون المكان والبحث للحين مستمر
قامت من النوم بشويش تدور بعيونها وشافت الغرفة مليانه : بسم الله .. وش تسوون كلكم هنا
حضنتها وانا أصيح : يا حيوانه لي كذا سويتي .. تدرين كم بكيت عليكي .. تدرين شصار فيني .. انتي ما وراك الا المصاييب يعني ..
ابتسمت على كلام ميهاف وحضنتها : شايفه حظي
جلست على طرف السرير : شلونك
طالعت بعهود : بخير .. شفيكم كذا تتكلمون .. لا تخافون ما تعقدت هههه
ضحكنا على كلامها : حنا لازم نحط لك حراس خاص فيك عشان ما يصير لك شي ولا تنخطفين
طالعت بليين وضحكت : ميحتاج باخذك معاي ههههه
طالعنا كلنا بليين وضحكنا : ههههههههههههه
ضربتها على كتفها : هههاي سامجه
مسكت يدها : ما امززح صراخها لحاله يخلي الواحد يشرد .. نسيتي وش سويتي يوم هواشة راكان ههههه
عهود ضحكت : هههههههه عاد بهذه صدقتي ههههه
ام نايف : بسكم عاد طقطقه على بنتي
طالعنا ببعض انا وعهود وميهاف وضحكنا : هههههههه
ام راكان : شلونك الحين يبنيتي .. تحسين بوجع
هزيت راسي بالنفي : لا الحمدالله احسن شوي
ام فيصل : الحمد الله على سلامتك يا أنين .. البنات كانو بجون بس قلت ماله داعي الزحمة يوم ترجعين للبيت نزورك كلنا
ابتسمت لام فيصل : الله يسلمك يا خالتي .. عاد والله لو جن كنا بنستمتع بس بنعوضها المرة الجاية ان شاء الله ..
الكل : ان شاء الله
طالعت بعهود : سارة وينهي
جيت بتكلم بس سمعنا صوتها : am her
طالعنا جهة الباب وكانت واقفه وماسكه سلة كبيره
دخلت وحطيت السلة عالطاولة وحضنتها : الحمدالله عسلامتك .. ايشبك انتي ما تخلص مشاكلك ترا طفشنا عاد كل يوم جايينك بالمستشفى
ضحكت لها وحضنتها : قلتها قبل شوي .. حظي الشين والله ههههه
سارة : حزري وش جبت لك
طالعت بالسله : جايبه لي بني ادم داخلها .. كبيره مره
ضحكت لها تسليك : ههها سخيفه .. جبت لك كل انواع الشوكلت .. خصيصا لك ..
عهود : تراها زعلت واجد يوم رحتي .. قامت تصيح
طالعت بسارة : معقوله
طالعت بعهود واضيع الموضوع : ما بتشوفيهم
ام فيصل : يلا حنا بنروح .. انتبهي على نفسك
ام نايف : يلا يا بنات
عهود : يمما حنا بنبقى هنا وبخلي نواف يجينا
ام نايف : بكيفكم
ام راكان : ها ميهاف اكييد بتبقين هنا
ميهاف : اكيييييد ..
طلعو الحريم وما بقى غير البنات بالغرفه .. طبعا كانت كبيرة الغرفة وجلسو يفتحون شوكلت وياكلون ..
سندت راسي عالسرير وتذكرت ضامي : ضاااامي
طالعنا فيها كلنا مستغربين : مييين ضااامي
انين : قصة طويله بعدين اقولكم اياها .. وين عزوز
سارة : مدري مافي احد هنا ..
انين : يا ربي .. شصار معاهم طيب ..
ميهاف : تبيني اتصل براكان اشوفه لك
انين : اي تكفين .. بسرعه
طالعت بأنين " ضااامي .. وين سمعت هالإسم .. كاني سامعته قبل .. وين وين ... ااي امممي ..معقوله نفس الشخص.. ما ظنيت .. "
انين : سارة.. سارة
لفيت على انين بسرعه : هاا ااي ..
انين : شفيك
ساره : لا مافيني شي ..
ميهاف قفلت من راكان : انين .. يقول انه اخوانك مع واحد اسمه ضامي يساعدونه بشي ..
انين : يساعدونه بوشهوو
__________________________________________
واقف اكلم واحد من اخوياي يشتغل بالصحافه : اي نبيك تنشره بسرعه يمكن نلقا اهل هالبنات
الصحفي : خلاص ولا يهمك خل الموضوع عندي
عبدالعزيز : بارك الله فيك .. ما تقصر
الصحفي : اليوم ان شاء هالقصه بتنحل
واقف اطالع فيهم وانا مو عارف وش اسوي
امينه : ضامي ..
طالعت بأمينه : قولي
امينه بخوف : بنرجع هناك ..
طالعت بالبنات وجمعتهم حولي : اسمعوني زين .. هالمكان وكل شي صار معانا هناك نبي ننساه .. فهمتوني ..نبي ننسا كل شي عشنا بهالمكان وما نبي نتذكره ..
سحر بحزن : للأسف ما رح نقدر ننسى
ضامي : لا يا سحر بننسا
طالعت ودمعتي طاحت : يمكن انت تقدر تنسا يا ضامي .. بس الي صار معانا بهالمكان ما رح نن...
قاطعتها بصراخ : رح تنسوووونه
طاحت دموعي : شلووون بننسى بهالسهوله .. هالشي بظل معانا لاخر عمرنا
فرح وهي تخفي دموعها : يمكن نقدر ننسى الضرب يا ضامي .. والاهانه والذل بعد .. بس هالشي مستحيل ننسا .. مستحيل ..
طالعت فيهن ورحت من عندهن ..
كنت واقف اسمع كل كلامهم وانا راحمهم رحت لضامي وحطيت يدي على كتفه : لا تنزل دمعه من عيونك يا ضامي
طالعت في وانا واحد من التوأم : شلوون ما تطيح وكل هالشي يصير مع هالبنات مستحيل احد يتحمله
عبدالرحمن : بس انت تحملته صح .. اسمعني يا ضامي هالشيما كان بيدهن .. وصادقات بعد شلون بينسون الشي الي تعرضن له ..
طالعت في بحزن : شسوي طيب .. اذا اهلهم ما تقبلوهم وين بروحون وين
عبدالرحمن : ويمكن اهلهم يكونون اسعد ناس يوم يشوفون بناتهم
قاطعنا الشرطي محمد : السلام عليكم
ضامي وعبدالرحمن : وعليكم السلام
الشرطي محمد : استاذ ضامي .. ابي امينه وسحر وابتهال ومرام
طالعت في مستغرب : وليي تبيهم
الشرطي : قبل ثلاث سنوات اهل كل وحده تقدم بشكوث فقدان البنات واختطافهم ومواصفاتهن تطابق مواصفات البنات الي معاك ..
طالعت في وطالعت بالبنات : طيب تسنيم وفرح وبثينه ??
محمد : للأسف للحين ما وصلنا لأي احد من اهلهم ..
ضامي : طيب ممكن دقيقه
رحت للبنات وناديت عليهم : سحر امينه مرام ابتهال تعالو عندي ابيكم ..
رحنا كلنا لضامي ووقفنا قدامه : في شي
ضامي : تبون ترجعون لأهلكم ..
سحر : أهلنا .. هم هنا
ضامي : الشرطي بياخذكم لهلكم
تسنيم بفرح : يعني بشوف امي وابوي
طالعت فيها وابتسمت : بصراحه .. انتي وبثينه وفررح للحين ما في خبر
اختفت ابتسامتي وحاولت اكون عاديه : الحمدالله انهم لقو اهلهم ..هم صغار ما يتحملون يبقون بدون اهل ..
ابتهال : طيب وينهم .. ابي اشوفهم
محمد : ربع ساعه كذا وبجون ..
مرام : ضامي وانت
ابتسمت لها : اذا انتو لقيتو اهلكم انا بكون اسعد واحد بالعالم ..
عبدالرحمن : ضامي بكون بخير لا تخافون عليه
فررح بزعل : لو سميه كانت هنا بتكون فرحانه
محمد: سميه و سميرة دفناهم بس باقي مررح للحين بالمستشفى
طالعت في وبحزن : بس خلنا نلاقي اهلها .. وبندفنها
عبدالله من بعيد : عبدالرحمن .. تعال شوووي
رحت للشباب : شفيكم
عبدالعزيز : في واحد اتصل يقول انه اخو وحده اسمها سميره ..
عبدالرحمن بحزن : وش بنقول له الحين
عبدالله : لي .. شصاير
عبدالرحمن : البنت توفت ..
عبدالعزيز : لا حول ولا قوة الا بالله .. ان لله وان اليه راجعون .. انا اقدر اقوله ..
عبدالله : وانا مقدر بعد ..
عبدالرحمن : خلاص انا بكلمه ..
ضامي : شصاير
عبدالله : في واحد من عايلة سميرة اتصل
طالعت فيهم بحزن ورجعت للبنات
عبدالله : والله اني راحمه .. هالمسكين عليه حمل ما يعلم به الا الله
عبدالعزيز : اي والله ..
محمد : شكرا يا شباب عالمساعده .. حنا بناخذ البنات لأهلهم ..
عبدالله : والباقي
محمد : طالع فيهن شلون خايفات .. ويبون يظلون عند ضامي ..
عبدالعزيز : ما في خبر عن اهاليهم طيب
محمد : لا والله .. حنا لقينا هالبنات ضمن سجلات المنطقه .. يمكن هالبنات من مناطق ثانيه
عبدالرحمن : طيب انشرو خبر بكل المناطق يمكن نلاقي اهاليهم
محمد : تكلمت مع كل الاقسام الثانيه وقاعدين يدورون للحين
عبدالعزيز : واذا ما لقيتو شي يدل على اهاليهم
محمد : بنحطهم بدار الايتام
كنت اسم حديثه واول ما قال دار الايتام جنون الانس طلعو بوجهي وهجمت عليه : شقللت .. دااار الايتام ..
مسكنا ضامي بسرعه نفكه عن الشرطي : ضاامي .. ضامي فكككه ..ضاااامي
فكييته وانا حدي معصب : والله لن قلتها مره ثانيه ما يهمني شرطي ولا وزير فاااهم
محمد : انا ما برد عليك لاني عارف الي تمره .. بس اعرف الي سويته غلط .. غلط
عبدالله يهدي الوضع : انت عارف وضعه والحاله الي هو فيها .. لا تاخذ على خاطرك منه
محمد : انا كل قصدي هالبنات يعيشن بمكان مرتب احسن من العيشه ذييك ..
عبدالرحمن : حنا بنتكلم معه .. وان شاء الله بنحل القصه ..
اخذته معي بعيد عنهم : انجنيت انت .. تضرب شرطي
طالعت بعبدالعزيز معصب : لو كان من ما كان ما يحق له يقول كذا قال دار ايتااام
عبدالعزيز : الرجال كان قصده انه ينتبه للبنات
طالعت في معصب : مستعد اربيهن واصرف عليهم ولا يحطوهن بدار الأيتام
طالعت في وبحدة : بصفتك وشو
جلست عالكرسي افكر بجواب لسؤاله : بصفتي وشو
جاهم صوت من وراهم : بصفته اخونا ..
لفينا وشفنا البنات
طالعت بالشاب الي مع ضامي : هالشخص هو اخونا .. اخونا الي ما جابته امنا .. تدري هالشخص شكان يسوي عشانا ..تخيل انه ذبح واحد عشان ما يلمس ولا وحده فينا ..
كملت تسنيم : يمكن ما في شي يربطنا صدق .. بس بعمره ما قال ابي مقابل على حمايتي لكم .. ولا استغلنا ابدا .. ولا تأفأف من حمايتنا .. هالشخص اعتبرنا خواته الحقيقيات .. اعتبرنا من دمه ولحمه ولا قال شي ..
بثينه وهي تصيح : هو سواا اشياء ما يسويها الأخ الحقيقي .. كان لنا اب واخ وام بعد .. شايف هالبنات كلهم اعتبرهم خواته .. لو يخيروني بين اخوي الحقيقي وضامي بدون لا افكر بختاره هو .. لانه هو الوحيد تحملنا بكل مشاكلنا وهو حتى مو مضطر انه يتحمل هالعبء ..
تأثرت من كلامهن : سمعوني يا بنات .. انتو تعتبرون ضامي اخوكم وهالشي مو غلط .. بس حراام .. شلون بيهم فيكم وانتو حتى ما تحلون له .. ما انكر انه ضامي ساعدكم وكان مثل اخ واب بالنسبه لكم كلكم بس هو مو اخوكم ولا ابوكم الحقيقي .. وانتو صغار الحين وما رح تقدرون تفهمون هالكلام .. ابي منكم ما تزعلون من كلامي ذا بس هذه الحقيقه ..
وقفت وطالعت بالبنات : كلام عبدالعزيز حقيقي .. انا مقدر اهتم فيكم بس اقدر اساعدكم .. بلاقي اهاليكم وبتطمن عليكم كل فترة صدقوني .. بس ابيكم تحافظون على صلاتكم وتدعون للبنات الي توفو .. ولا تنسوني من دعائكم زين .. ولا تزوجتو ان شاء الله صدقوني بحضر وبكون اسعد واحد لان البنات الي اهتميت فيهم وربيتهم بكونون عرايس قريب ..
قمنا نصيح من كلامه كان مؤثر جدا : ضامي لا تخلينا تكففى ..
بثينه : ضامي تكففى نبي نبقى معاك ما نبي نروح لمكان .. والله ما بنسوي شي يزعجك .. بس خلينا معك .. حنا معك نحس بالامان وما نخاف ابدا .. انت اخونا ..
تسنيم : والله ما نخاف ابدا .. بالعكس نحس اننا بأمان .. ضامي انت اخونا ..اخونا .. تكففى ..لا تخلينا نروح لدار الايتام تكففى ..
طاحت دموعي وما تحملت : وين بوديكم .. لا عندي لا بيت ولا شغل ولا شي .. كيف بهتم فيكم .. كيف بأكلكم ..
فرح ببكا : مستعدين نعيش معاك عالرصيف بس لا تخلينا ..
لفيت عالجهة الثانية وبصوت كله حزن وكسرة : سامحوني يا بنات مقدر اخذكم معاي .. روحو معاهم يمكن تلاقون اهاليكم وتعيشون احسن عيشة .. وان ان شاء كل فترة اتطمن عليكم .. سامحوني يا بنات .. مقدر اهتم فيكم .. مقدر اخليكم معاي .. سامحوني يا خواتي ..
رحت امشي ودموعي تطيح ضايقه فيني الدنيا وضايق صدري .. مخنوق وقرفان نفسي ومو طايق الارض الي امشي عليها حتى كل ما اسمع صوت البنات ينادون اسمي احس دموعي تتسابق من تطيح قبل ..
قمنا نصيح ونشهق وننادي علىاسمه : ضااامي .. ضاااني تكففى .. لا تخلييينا .. ضااامي .. لا تروووح ضااااااااااامي ..
__________________________________________✳ مر اسبوع وكل واحد لاهي بهمة .. كل شخص عنده شي لاهي فيه ..
* انيين رجعت للبيت والمصايب بدت ??!
* عبدالعزيز ونايف سافرو للندن والحادثه حقتهم ??!
* رامي وغنى يجهزون للعرس حقهم والمفاجأة !!
* راكان واهله قررو تكون الملكه الاسبوع هذا !
* عبدالله تكلم مع ابوه عشان يخطب عهود والرد ?!
* الجد عند رآيه يبي يزوج انين بالطيب او بالغصب !!
* عبدالرحمن ومعالجته لملاك وش بصير ??
* ضامي اشتغل بمساعدة الشباب واهله الي طلعو !?
* سارة تحاول تعرف قصة ضامي وامها ?!
* ام ضامي حطوها بالسجن وتهديدها لمنيرة !!
* سلطان يساعد ابو فارس بالعلاج والنتيجة ?
* الريم تعبانه من سالفة الزواج والحل ?!
* وفارس للحين مو قادر ينسى الين ويبي يرجعها !!
* وميهاف عايشه بعالم الاحلام مع فارس والصدمة !
* ثامر مشغول بالتفتيش يمكن يلاقي دليل !!
* ورنيم للحين على حالتها ويمكن تموت !!
* ليين حياتها كلها بالمنتدى والاعجاب الي انولد ?
* معن يحاول يكسب التحدي الي انعرض عليه ?!
* فرح وتسنيم وسبب موت بثينة ?!
* سديم وحبها الغريب !!
* سحر وانهيارها بسبب ثامر !!!
* عبدالرحمن وطلبه الغريب ?!
* وثامر يبي يساعد ويضحي بحياته ?!
* نواف وتغيره الكبيره !!
* سلطان والحزن الي اعتمر قلبه فجأة !!!
* جنى الحقيقة الي عرفتها وبتغير حالتها
@ تابعوا الأحداث هذه بالبارتات الجاية والى هنا استودعتكم الله الى أن القاكم بإذن الله الاسبوع القادم @
السلام عليكم بنات 🌷
اخباركم علومكم 💕
صلو على النبي * اللهم صل وسلم على نبينا محمد *
اخييييرا .. نزلت لكم بارتين طواااااال وحرييييقة واتمنى ينال اعجابكم وتحبوهم 😘
اتمنى تعذروني لاني تأخرت عليكم بس كان غصب عني وربي بس الحين رجعت لكم وبقووووة بعد واحداث جديدة ومررررة خطييييرة بعد ✌
وبالنهاية اتمنى ما تنسوني من دعائكم انا ووالديني والى اللقاء بالإسبوع القادم ❤
احببببببببببببببببببكم 💖