الفصل 15
الباأإٱآرت الخامس عشر 💖
دخلت الغرفه لقيتها تضحك : وش يضحكك
مسكت يد ميهاف : تعالي اقعدي اعلمك
طالعت بليين مستغربه : شصاير
ليين : تعرفين اني صرت المشرفه بالمنتدى صح .. في مشرف ثاني تكلمنا مع بعض من يومين .. يعني هو كويس كذا حسيته .. بس قبل شوي جننته ههههه
طالعتها بنص عين : طيب .. بعدين
مسكت يد ميهاف مرة ثانيه : ولا شي .. بس اسأل نفسي يعني .. يعني في حب كذا
اول ما قالت كذا ضحكت : هههههههههه حب منجدك انتي هههههههههه استغفر الله
ضربتها على كتفها : وش يعني .. مثلا لي لا
جيت بتكلم بس دخلت عهود بسرعه : بناات
لفينا عليها بسرعه : نعممم
طالعت فيهم بصدمة : راكان بيخطب
وقفنا انا وليين بسرعه : راكان اخوي بيخطب
هزيت راسي ب اي : من .. ومتى .. وكيف
رفعت كتفي : مدري الحين سمعتهم يتكلمون
نزلت بسرعه تحت ولقيت امي جالسه : يمما صدق الي سمعته .. راكان اخوي بيخطب
ام راكان : اي يبنيتي .. يبي يخطب
قربت من امي : طيب من هي البنت
ام راكان : مدري بس اسمها ريم .. يقول ان ابوك وابوها ربع
ركزت بالإسم كاني سمعته من قبل : رييم ..
رحت المطبخ فتحت الثلاجه واخذت عصير برتقال وقطعة كيك وقمت اكل بس سمعت صوت احد برا .. قمت بشويش وطلعت لقيت واحد معطيني ظهره ويكلم بالجوال ...
كنت قاعد اكلم الشركة يقولون لي ان التغى عقد مطعم الرييم : طيب ما قالولك لي .. زين انت كمل بموضوع لندن .. اي بسافر بعد يومين ثلاثه .. لا لا بحضر ملكة ولد عمي وبطلع .. خلاص اكلمك بالتفاصيل بعدين زين بس لا تنسى الي قلتلك عليه ...
من صوته عرفت انه عبدالله .. مدري شلون اوصف حالي اذا شفته او سمعت صوته .. يعني زمان ما جا ببالي اني ممكن احب واحد من عيال عمي بس مدري ومتى وكيف وشلون عبدالله دخل قلبي ..
لفيت وانصدمت فيها واقفه قدامي وباين انها فاهية قربت منها وصفقت : بنت
نقزت من مكاني وانا اطالع في : هاا .. اي كيف
ابتسمت عليها : شفيك .. خفتي
هزيت راسي ب اي
طالعت فيها : اسم الله عليك .. انين شلونها
ابتسمت له : بخير .. يعني احسن من قبل
حطيت جوالي بمخباي : وش تسوين هنا
للحين مبستمه وما انتهت لنفسي : اشوفك
طالعت بعيونها : تشوفيني
هزيت راسي ب اي : اي .. اشوفك ..
ضحكت عليها : هههه عهود
اول ما قال اسمي فتحت عيوني : شقلت انا .. لا لا مو شي .. شسمه انا كنت ابي .. كنت اكل وبعدها شفتك .. وجيت لك .. يعني انا...
قاطعتها : اشش خلاص خلاص .. شفيك .. اعرف انا اصلا حلوو وكل البنات يخقون علي مو شي جديد
فتحت عيوني : شلووون يعني .. في بنات .. يعني تعرف بنات
نزلت راسي وانا اضحك : الا اعرف .. يعني معاي بالشركه .. وبلندن .. اكييد في بنات وكلهن يخقون علي ويبون يكلموني
توترت شوي من كلامه : وانت .. يعني تكلمهم
طالعت فيها بحدة : شرايك .. اكلمهم
لفيت راسي شمال ويمين : وش دخلني انا
ابتسمت لها : تذكرين وش قلتي لي زمان
طالعت في مستغربه : انا .. متى
حطيت عيني بعينها : يوم كنتي بالثانويه
حطيت يدي على راسي : انا .. ما اذكر
طالعت بالشجر وابتسمت : كنتي بأول ثانوي وكانو صديقاتك يحاولون يتكلمون معاي .. يومها جيتي وقلتي لي اذا شفتك تتكلم مع بنت يا ويلك
حطيت يدي على فمي : انااا .. مو متذكرة
ما توقعتها تنسى ابدا : عادي .. تصير
طالعت في : يعني .. انت .. ت..تتح..ب
هزيت راسي ب اي
حسيت قلبي يدق بسرعه وحسيت اني بصيح مدري لي بس كان ودي اعرف : من هي ..
مدري شصار فيني اول مرة اتكلم معها كذي واذا بعلمها يمكن هي ما تتقبل : يمكن انتي تعرفينها .. بس خايف اذا علمتها ما تتقبل
حطيت يدي على قلبي : ولي ما تتقبل .. يعني انت .. كويس وزين .. يعني ما في شي يخليها ترفض .. واذا رفضت تكون مجنونه .. انا لازم اروح الحين
وقفتها بسرعه " يمكن صار الوقت " : طيب اسمعي دقيقه .. بنت .. عهود ..
طالعت في وانا دموعي بطرف عيني : نعمم
قربت منها : ما تبين تعرفين من هي
مسكت نفسي عشان ما اصيح : من هي ..
ابتسمت لها : انتي تعرفينها .. يعني ابيك تقعدين معها وتخلينها تفكر زين
نزلت راسي وانا حاسه ان قلبي انكسر مدري شلون فقدت اعصابي : وتبي مني بعد اقعد معها واخليها تفكر .. ما عندك احساس انت .. ما فكرت وش بحس في انا .. ااه .. وش بكون احساسي .. اسمع انا بروح لاني لو بقيت هنا شوي بقول اشياء مو بوقتها ...
معقوله هي بعد طيب شلون بتأكد : طيب شفيك عصبتي كذا .. كل الي ابي خلينها تفكر
عهود : مابي اقعد مع احد ولا شي
عبدالله : عهوود انتظري طيب .. انتي .. يعني تحسين شي .. يعني انتي ...
عهود : لو كنت منتبه لي بتعرف من زمان
ابتسمت لها : وانتي لو كنتي منتبها لي بتعرفين من زمان
طالعت في بسرعه
طالعت بعيونها : كل عام وانتي بخير ..
تفاجأت من قال لي كذا : شلووون
طلعت من مخباي علبه سودا صغيرة : الوقت موب مناسب بس هالمرة ما بخليها عند باب البيت بعطيك اياها بيدك
انصدمت من كلامه : مستحييييل
هزيت راسي ب اي : شفتي ..
عهود : انت الي كنت تحط الهدايا .. شلون ..
رفعت كتفي : سحر ..
اخذت العلبه وفتحتها وفتحتها وكانت عبارة عن قلب صغير من الماس كان شكله خيالي مررة ويلمع : مو مصدقه .. انا اكييد احلم صح
قربت منها وحضنتها : اخييرا بيتحقق حلمنا
كنت ارجف ومو مصدقه : مو قادرة اصدق
________________________________
دخلت المطبخ وشفتها جالسه وتطالع الباب قربت منها وضربتها : عهووووود
فزيت من مكاني : عبدالله ..
طالعت فيها مستغربه : عبدالله .. من قصدك اخوي عبدالله
طالعت بأنين وطالعت بنفسي وركضت بسرعه جهة الباب وما لقيت احد " كل ذا خيال "
رحت لها : عهود شفيك .. صاير شي
لفيت على انين : انا مو مصدقه
حطيت يدي على كتفها ومديت لها علبه : خذي هذه لك .. جابها العامل يقول عطوها لمدام عهود
طالعت بالعلبه بسرعه : مستحييل ..
انين : وشو
سحبت العلبه بسرعه وفتحها وكان فيها قلب وفي حرفين a لاصقات ببعض
اخذت السلسله منها : وااااو .. تجننن
اخذتها بسرعه وطلعت اركض : وينه .. وينه
طلعت عند المجلس وما كان في احد ورحت عند المزرعه ورا وكان جالس بس شلون بتأكد اذا هو ولا توأمه .. يا ربي وش بسوي بس فجأة جا اتصال
عبدالله : هلا .. شلووون .. التغى العقد .. ليي .. طيب الحين انا موب فاضي .. اكلمك بعدين .. اي اي جهز الفندق بسافر .. يومين ثلاثه .. زين
فتحت عيوني بسرعه : نفس الي صار
قربت منه اركض بسرعه : انت .. انت شلون ..
وقفت بسرعه : عهوود شجابك هنا
مديت له العلبه : هذه جابتني
طالعت فيها مستغرب : هذه .. وشو
طالعت في : لا تسوي نفسك موب عارف شي انا انا شفت كل شي .. ما رح تصدقني بس انا انا شفتك .. انت علمتني .. انت الي كنت تجيب لي الهدايا طول الخمس سنوات .. انا عرفت .. لي لي ما علمتني لييي
نزلت راسي بسرعه " هذه شلون عرفت " : وش قاعده تخربطين .. انا ما جبت شي
طالعت في وانا كنت فرحانه : انت ما تدري وش الي سويته لي انت .. انت رديت لي الحياة .. عبدالله انا اليوم بقولك كل شي بقلبي .. لو تقبلت ولا لا .. انا مدري شلون كذا صار .. بس خلاص اذا ما قلت بمووووت .. انا .. انا .. احبك .. ومن سنتين لا لا من سنه يعني سنه سنتين كذا .. بس مدري كيف .. اخر شي كنت اتوقعه اني احب واحد من عيال عمي .. انا انا مدري شلون كل ذا صار صدقني .. بس اخيرا عرفت جوابك ..
طالعت فيها مصدوم : انتي .. صاحيه
ضحكت من قلبي : هههههه اخيييرا
وفجأة سمعنا احد يصفق ولفينا : انييين
قربت منهم : بصراحه .. كنت حاسه ..
طالعت بأنين وعهود : ادخلو الحين
حضنت عبدالله اخوي : لا تخلي شي بقلبك لان لن فات الأوان كل شي بيتغير
ابتسمت لأنين : يلا ادخلو
مسكت يد عهود : امشي
رحت مع انين ولفيت على عبدالله والي فرحني ان كان مبتسم لي " اخيييرا "
طالعت فيها : يعني ما كنتي بتعلميني
حضنت انين بقوة : ما رح تصدقين وش الي صار معاي .. كل شي بدا كحلم .. يعني انا شفت كل هالشي .. مو قادرة اشرح لك
دخلو ميهاف وليين وكملو سوالف
________________________________
جالس جمب ابوي موب عارف شلون اقوله : يببا .. ابيك بموضوع
ابو راكان : تكلم يوليدي
تنفست بصعوبه : يببا .. انا ابي اتزوج .. والبنت موجودة .. وهي ما شاء الله اخلاق .. ويمكن يببا انت تعرف ابوها .. خالد عبدالغنى ال ...
ابو راكان : اي اعرف ابوها .. بس يوليدي انت متأكد الزواج موب لعبه
راكان : لا يببا انا ابيها .. وشاريها .. وابيك تتكلم مع ابو البنت .. انا قلت لامي وتبيك تتكلم مع ابوها عشان تقدر تخبطها لي
ابو راكان : خلاص اكلم ابوها .. دقيقه وين جوالي ..
عطيت ابوي جوالي : خذ جوالي .. الرقم مسجل عندي
ابو راكان اتصل على ابو فارس : السلام عليكم .. شلونك يبو فارس .. معاك ابو راكان .. اي اي راشد .. ههه وقت طويل .. كل خير كل خير .. والله ولدي الكبير راكان يبي يتزوج .. وحنا قاصدينكم .. لو توافقون نجيب الحريم ونجي .. خلاص خذو وقتكم وحنا نتتظر .. فمان الله
راكان : ها يببا بشر
ابو راكان : بشروك بالجنة .. الرجال بياخذ راي بنته وعايلته بالأول .. يعني مو كذا بسرعه
حبيت راس ابوي : الله لا يحرمنا منك يالغالي
الجد " عبدالرحمن " : شفيك يولد
ابو راكان : الرجال بيخطب فرحان
ابو نايف : وش القصه الشباب كلهم عزمو على الزواج .. من قايل لهم انه مهرجان دبي للترفيه
الشباب مع بعض ضحكو : هههههههههههههههههه
الجد : ومن هذه البنت
ابو راكان : يببا تعرف خالد عبدالغني ..
الجد : اي اي اعرفه .. وش دخله
ابو راكان : بنته يببا
الجد : وبنات عمك .. شناقصهم يراكان
طالعت بجدي " لا حوول بنبدا " : ما بهم شي يا جد بس انا اعتبرهم خواتي موب اكثر
ابو راكان : يببا هذه حياتهم .. لا ندمر حياتهم
الجد : هم يدمرون حياتهم ..
ابو فيصل : يببا .. الزواج قسمه ونصيب موب غصب .. شفت شسويت بهالبنت وياسر واخرتهم طلاق .. يا يبببا لا تغصب احد عالزواج كل شي بالغصب الا الزواج
الجد : بتعلموني وش اسوي بعد ..
ابو عبدالرحمن : لا يببا استغفر الله من قال كذا بس حنا نقول انه نخلي الشباب ياخذون راحتهم ونغصبهم ..
طالعت بأبوي واعمامي " والله ما عرفتكم .. وينكم يوم غصبتم انين على ياسر " : انا بطلع
الجد : وين يا عبدالله
طالعت بجدي : بروح اكلم واحد من الربع
طلعت من المجلس ويوم وصلت المسبح شفت انين وسارة واقفات يتكلمون .. طبعا سمعت كلامهم وحسيته صدق .. بس الي نرفزني امي يوم ضربت سارة وانين حطت الحق عليها ...
________________________________
واقفه انا واريام نطالع بالفساتين الي اشتريناها ملكتي بكرا ولازم اكون جاهزة وفجأة دخلو البنات : السلام عليكم
قوت واريام : وعليكم السلام
انين : ها يا عروسه جاهزة
طالعت بأنين وهزيت راسي : اي
انا وميهاف ولين طالعنا ببعض وقمنا نضحك : ههههههههه قوت مستحيه مصدق ههههههههه
ابتسمت لهم : ابيكم تساعدوني وش البس
انين : الاحمر
ميهاف : الاسود
ليين : الابيض
اريام : الذهبي
عهود : البنفسجي
طالعت فيهن بصدمه : نعمممممممممم
طالعنا ببعض كلنا وضحكنا : ههههههههههههههه
جلست عالسرير : الملكه بكرا وانتو تلعبون
قربت منها وحطيت يدي على كتفها : الاحمر حلو صدقيني
اخذت الفستان من انين وطالعت بالمرآيه حلوو بس ..
قاطعتها بسرعه : بس وشو
طالعت بانين : مو تحسينه مبالغ في
ابتسمت لها : عاد تعرفون اني ما افهم بهالشي بس يعني احسه حلو ما به شي
قوت : لا لا مو قصدي كذا ..
طالعت فيها : صدقيني ما في شي معاك حق
ليين : بس بصراحه حلو الفستان
ميهاف : وملائم لك
اريام : وتصميمه رهيييب .. بروح اجيب جوالي وارجع دقيقه
طلعت اجيب جوالي وشفته واقف قدام الدرج يلعب بالجوال : ممنوع توقف هنا في بنات يمرون من هنا
طالعت فيها ولفيت وجهي : بروح الحين .. انين وين .. شلونها
طالعت في : قبل شوي كنتو تلعبون مع بعض كويسه وبخير
ابتسمت وانا اشوف عصبيتها وحزنها : شفيك
حطيت يدي على الدرج : ما فيني شي
طالعت فيها : شوي شوي كل ذا كره
ضحكت ضحكه سخريه : تصدق حاولت اكرهك مقدرت .. بس البركه فيك انت قدرت
عبدالعزيز : حاولت اكرهك ما قدرت شسوي
جيت بروح بس وقفت : صدقني كل شي بيتغير .. وبجي اليوم الي بقول كنت احبك
نزلت من الدرج : حلم ابليس بالجنه يا اريام
دخلت الغرفه بسرعه : بنات انا احس اني تعبانه .. بروح ارتاح زين
وقفت بسرعه وبصراخ : ويين حراام عليكم بكرا ملكتي .. شي يتهاوش عالفستان وشي عالكعب وشي عالشعر وانتي بتروحين تنامي
هزيت راسي : طيب خلاص لا تصيحين
اخذت الفساتين كلها وحطيتها بالخزانه
ميهاف : لي حطيتيها بالخزانه
انين : ابي ارتاح من كل هالشي واريحكم
قوت : يا ربي شفيكم
انين : سمعيني الحين الغرفه كلها توتر لازن نطلع كل الطاقه السلبية الي هنا
ليين : شلون
انين : اول شي نرتب الغرفه زين وندخل هواء نقي ونرتاح شوي ونقسم الاشياء عشان بكرا ما نتوتر زين
بدينا نرتب الغرفه وكل شي بمكانه ونرش عطر قلنا تتحسن النفسيه وخلصنا كل شي وجلسنا نرتب الفساتين ونجربها واحد واحد
________________________________
دخلت الصالة ولقيت جدتي جالسه : السلام عليكم يا جده
الجده : وعليكم السلام هلا بنايف هلا تعال
رحت حبيت راس جدتي : والله مستعجل يا جده .. بس ابيكم تنادون لي قوت بسرعه
الجده : شتبي فيها
نايف : ابيها بموضوع
الجده : ماري .. ماري .. ماري تعالي
ماري : تفضلي مدام
الجده : نادي قوت بسرعه
ماري : حاضر
ماري جت بتطلع بس قوت كانت نازله : جده جده .. جده اركضي .. قصدي اب..
وقفت بسرعه يوم شفته واقف : نايف
الجده : شوي شوي لا تطيحين .. شفيك
قوت : كنت ابيك تشوفين الفستان ..
نايف : قوت ابيك بموضوع
هزيت راسي
نايف : تعالي معاي شوي
رحت ورا ودخلنا الصاله الثانيه : قعدي
جلست وطالعت في : شصاير
طالعت فيها : بصراحه في كم شي ابيك تعرفينهم .. انا بعد الملكه بسافر مع عبدالله ولد عمي للندن .. هو بروح بعد يومين بس انا بطول شوي .. ويمكن اتأخر بعد عن موعد العرس .. اذا تبين نقدر نسوي الملكه بدون عرس .. يعني بس العايله او اذا جيت من السفر نسوي العرس ..
نزلت راسي " اففف وش هالموقف .. وش بسوي الحين .. يعني ابي عرس " : نقدر نسوي بعد ما ترجع .. لانه في اشياء عندي موب جاهزة بعد
نايف : زين .. براحتك
هزيت راسي : مشكور
طالعت فيها : بس بعد العرس بنسكن عند امي .. لين تخلص الڤله حقتي
طالعت في وابتسمت وهزيت راسي
نايف : يعني موافقه
ابتسمت له : اي
وقفت وجيت بطلع : انتبهي لنفسك ..
________________________________
كانت واقفه على حفة جبل عاااالي ولابسه فستان عرسها وتصيح بقوة وفجأة طاحت
سلطان بصراخ : انييييييييييييين
فزيت من نومي بسرعه وطالعت حولي اخذت المويا وشربتها : اعوذ بالله من الشيطان الرجيم .. اعوذ بالله من الشيطان الرجيم
دخلت الغرفه بسرعه : شفيييك
طالعت براكان : ما في شي .. بس تحلمت
راكان : شكلك شايف حلم يخوف تصارخ
هزيت راسي : حلم يخوف ..
راكان : هذه احلام الشيطان .. قم يلا صل الظهر ما بقى شي ويأذن العصر .. قممم
قمت ورحت غسلت وجهي وطالعت بنفسي بالمرآيه " انيين اطلعي من راسي .. خلاص " وجاني اتصال : الوو .. هلا .. شلوووون .. زين زين .. خلاص خلاص جااايكم بسرعه .. سلام
توضيت وصليت وطلعت بسرعه لدرجة اني ضربت بفيصل ولد عمي : اسف .. اسف .. اسف مستعجل .. لاااااا العجل مبنشر .. شلووون
مسكته من كتفه : اول شي اهدا .. وعلمني شفيك لي مستعجل
سلطان : عندي حاله مستعجله ولازم اروح بسرعه .. دقيقه دقيقه تعال وصلني
فيصل : زين زين اطلع
رحنا انا وفيصل ووصلت المستشفى : شصار
الممرضه : دكتور رنيم ما بعرف شبها
دخلت بسرعه الغرفه وفيصل واقف برا
كنت واقف برا اطالع بسلطان يسوي صدمات لببنت .. وكان باين انه خايف ...
________________________________
#شكرا_يا_الله_على_كل_شئ
★ولا تنسون ان الكره والحقد سبب في دمار حياتك عشان كذا خلي قلبك ابيض وخليك مبتسم دائما على الاقل ان لم تفعل شي تجزا عليه فقد ابتسمت لان الابتسامه صدقة 😃
★ الأحداث القادمة :-
٭٭ الريم : انت منت رجال انت .. انت نذل
٭٭ عبدالرحمن : انتي لازم تتذكرين يا ملاك
٭٭ ثامر : رنييم .. رنييم مستحييييييييل
٭٭ انين : بس انا مابي اتزوج خلاص تكفى
٭٭ عهود : اي .. موافقه .. موافقه
٭٭ منيرة : الخطه ماشيه زين .. طلعتي ذكيه
السلام عليكم بنات 🌹
اخباركم
صلو على النبي ★ اللهم صل وسلم على نبينا محمد ★
نزلت لكم بارتين اليوم اتمنى يعجبوكم وتحبونهم وابي شي جديد وما صار اتمنى ينال استحسانكم 😇
وما اوصيكم عاد هالله هالله بالتعليقات ابي اشوف افكاركم للأحداث واشوف شلون بتحاولون تحلون لغز روايتي ✌
صدقوني قاعده اسوي كل شي اقدر عليه عشان اسوي روايه مختلفه وما انكتب مثلها من قبل لاني ابي شي مختلف ومميز بعد واتمنى تحبونها 💕
وفالختام لا تنسوني انا ووالديني من دعائكم واليوم ليلة الجمعة تذكروني بدعوة خفيفة منكم وموعدنا الاسبوع القادم بإذن الله الساعه 9:30 مساءً استودعتكم الله 💖
يا حبببببنننننيييييلللللكككك كممممم 😻
Like