الفصل 9
الباأإٱآرت التاأإٱآسع 💖
بعد مرور اسبوعين :-
جالسة بغرفتي افكر باللي قاله لي ابوي ومحتارة وش اسوي ...
( كنا جالسات انا واريام ودخل ابوي : السلام عليكم
وقفنا انا واريام بسرعه : وعليكم السلام يببا تفضل ..
ابو فيصل : شلونكم يا بنات
طالعنا انا واريام ببعض : الحمد الله يببا
ابو فيصل : قوت يببا ابيك بموضوع مهم
خفت من ابوي مدري لي : سم يببا امرني
ابو فيصل : يبنيتي انتي كبرتي ونصيبك جاك
طالعت بأريام بسرعه : نصيبي ..!!
ابو فيصل : طالعيني يبنيتي موب اختك ..يبنيتي ولد عمك نايف طالب يدك على سنة الله ورسولة والرجال والنعم في واخلاق تشهد له وموب ناقصه شي ويشتغل وعنده فلله له هو وعمك فاتحني بالموضوع ويبيك لنايف
ترددت وما عرفت وش اسوي او وش اقول : يعني يببا القرار لي انا الحين ..
ابو فيصل : يبنيتي انا غصبت اخوك وشفتي وش الي صار عشان كذا بخلي القرار لك وانتي صلي وخذي وقتك وفكري زين
ابتسمت لان ابوي عطاني راحتي : ان شاء الله يببا بصلي استخارة وارد لكم جواب ...
ابو فيصل : اجل يبنيتي انتظرك ..الحين بروح اشوف اخوك بالمستشفى ..
وقفنا انا واريام : مع السلامه يببا
اريام : واااو يعني انتي ونايف ..صراحه لايقين على بعض ..تذكرين من يوم كنتو صغار مع بعض
توترت من اريام : اسكتي يرحم امك هذا يوم كنا صغار الحين كبرنا بس مدري محتارة
اريام : سوي مثل ما قال لك ابوي صلي واستخيري واذا ارتحتي وافقي لان نايف ولد عمي مو كل مرة بتلقين رجال مثله صدقيني
قوت : بروح اشوف امي ..
اريام : بجي معك )
دخلت الغرفه ولقيتها فاهية قمت ضربتها بالمخده : قووووت
فزيت من مكاني : نعنبو ابليسك يا نذل قلبي طاح وش ذا ما عندك اسلوب انت
ضحكت على شكلها : هههه شوي شوي ايشبك
مسكت المخده وضربتها على فيصل : انقلع برا
جلست على طرف السرير : وش تفكرين في
طالعت بفيصل : افكر بموضوعي ..يعني مدري محتارة وخايفه
فيصل : قوت نايف رجال والنعم في والاحسن انه ولد عمك يعني ما في شي يخوف لي محتارة
قوت : خايفه مدري لي
فيصل : صليتي
هزيت راسي ب اي
فيصل : وش صار
قوت : مدري مرتاحه وخايفه بنفس الوقت
فيصل : سمعي مني وقولي موافقه لانه ما بتلقين شخص مثل نايف ..
قوت : متأكد
هزيت راسي وانا مبتسم
قوت : ابوي تحت
فيصل : اي تحت
قوت : طيب تعال معاي
مسكت يدها : مشينا يا عروسه
نزلنا انا وفيصل وكان ابوي جالس تحت مع امي واريام وفهد : يباا
ابو فيصل : هلا يا بنيتي
جلست جمب ابوي : يببا كنت ..شسمه ابي اكلمك بموضوع
ابو فيصل : عيوني لك يبنيتي وش تبين
حبيت راس ابوي : يا قلبي انتي شسمه كنت
ابو فيصل : وش يبنيتي تكلمي
قوت : يببا انا موافقه ..
ابو فيصل : هذه الساعه المباركه يبنيتي
ام فيصل : ما بغيتي يمما
اريام : وااااو قوت بتتزوجين
فهد : مبروووك
استحيت من اخواني : الله يبارك فيكم
ابو فيصل : خلاص بكلم اخوي وبنجهز كل شي
قوت : الي تشوفه يببا
ابو فيصل حط يده على راس بنته : الله يهنيكم يبنيتي
نزلت راسي وانا بموت من الخجل
________________________________
نزلت من غرفتي وشفتهم جالسين يفطرون : صباح الخير
منيرة وسارة : صباح النور
عبدالرحمن : عزوز وعبود وين
منيرة : راحو الشغل وانت لي متأخر
عبدالرحمن : امس طول الليل كنت عند انين عشان كذا تأخرت
سارة : ولي ما في غيرك يعني
طالعت بسارة : سوير مابي اسمع صوتك فاهمه ولا بصير شي من صباح الله
منيرة : اختك ما قالت شي ايشبك عليها
طالعت بامي وبسارة : طبعا لو ما عطيتيها حريتها ما صار كذا
منيرة : عبدالرحمن لا تنسا هذه اختك من امك ابوك من مثل ذيك جعلها ما تصحى بس
ضربت الطاولة بيدي : يممما ..استغفر الله بس انا بطلع افطر برا احسنلي
خليتهم وطلعت غرفتي وتذكرت وش صار من اسبوعين
( قبل اسبوعين :-
طالعت بسلطان ووجهه ما يتفسر : شصاير تكلم لي كذا وجهك انين شفيها
سلطان : بصراحه انين صار عندها نزيف داخلي والضربة اثرت على الاعصاب عندها ..
رحت لسلطان : تكلم زين شصاير عليها
سلطان : شباب هي الحين صاحيه بس من التحاليل تبين انها تعرضت لنوبة اعصاب قوية مما ادى انه الاعصاب عندها تتأذى وعشان نساعدها بنخليها تحت المراقبه لين نشوف انها تحسنت طبعا لازم تعرفون انها ممنوع تعصب او تتضايق وممنوع تصارخ لان هالشي بسوي ضغط على الدماغ والاعصاب ويمكن ...تتأذى بشكل كبير
جلست عالكرسي : يعني شلون ..ما فهمت شي ابدا هي بخير الحين ولا لا
سلطان : حاليا هي تحت المراقبه وان شاء الله تتحسن عن قريب ..ابيكم تكونون اقوياء وتدعمونها عشان تتحسن اكثر
طالعت باللي بالمستشفى : اشوف وقفتكم هنا ما بتسوي شي ..نايف ونواف تقدرون تروحون خلاص ما له داعي تبقون هنا ..
نواف : انا دوامي بيبدا الحين نايف خذ عهود وليين للبيت
نايف : زين اذا احتجتو شي اتصلو فيني
عهود : ميهاف تعالي نوصلك معنا
مسحت دموعي ووقفت : لا بظل هنا ما بتركها
سلطان : ميهاف انتي تعبانه ولازم ترتاحين
طالعت على انين من الشباك : قلت لكم ما بخليها لاحد يجادلني ..انين محتاجتني
عبدالرحمن : خلاص خلها هنا لازم احد يبقى انا والشباب عندنا شغل ولازم نروح
راكان : وين بتروحون
عبدالله : في شي بننهي ..نروح
راكان : بروح معاكم
عبدالرحمن : زين بس اذا تكلمت
راكان : ما بقول شي
سلطان : عبدالرحمن انت كبير وواعي لا تسوي شي تندم عليه
ثامر : عبدالرحمن انتبه
حطيت يدي عكتف ثامر : لا تخاف ..فارس تقدرون تروحون ومشكور على وقفتكم معانا وما قصرتو ومن جد طلعتو رجال وينشد الظهر بكم
حضنت عبدالرحمن : افاا عليك جميلي ببطنك ليوم الدين
طالعت في وضربته : ياخي طول عمرك نذل ..يلا بنطلع
طلعو الشباب كلهم وما بقى غير ميهاف وسلطان ونواف بالمستشفى )
صحيت على صوت الجوال يدق وكان فيصل : هلا فيصل ..اي لي ..خلاص انتظرني جايك ..اي عرفته ..ما بتأخر ..
سكرت من فيصل كان يبيني اروح اجيبه سيارته طفت ..جهزت نفسي وطلعت ...
________________________________
خلصنا اجتماعنا انا وعبدالله ورحنا المكتب حقي : اسمع ابي هالتصميم يكون جاهز
عبدالله : بس ما بنلحق تعرف المطعم الي بيفتح لازم ننسق معاه
عبدالعزيز : طيب خلاص بتصل بصاحب المطعم ونشوفه طبعا التصميم عليك انت والعلاقات العامه بتدبر امرها زين
دخل راكان : السلام عليكم
الشباب : وعليكم السلام
راكان : شباب شصار بالتصميم
عبدالله : انا خلصت نص الشغل باقي نتواصل مع صاحب المطعم ..
راكان : اهاا خلاص انا بتدبر امره ..وشصار على الاجتماع
عبدالعزيز : وقعنا العقد وتصميم المستشفى بكون لعبدالله وبيتصمم بلندن طبعا كل شي بيختاره عبدالله
سلمت على عبدالله : مبرووك وبتسافر لندن
هزيت راسي : اي بسافر لندن بس موب الحين
راكان : اجل ممكن تعطوني الرقم عشان اقدر اخلص شغلي واروح انام لان فيني نوم الف
مديت له الملف : هذا هو الملف وفي كل التفاصيل الي تحتاجها
طلعت ورحت مكتبي وخليت الشباب بمكتبهم
عبدالله : فيصل ما جا للشركه
عبدالعزيز : لا ما شفته
عبدالله : ياخي مدري احسه متغير
عبدالعزيز : معاك حق بعد الي صار ما عاد يتكلم معنا واجد
عبدالله : تهقي غلطنا يومها
عبدالعزيز : كم مرة وانت تسأل هالسؤال
عبدالله : بس موب حلوة نسلم ولد عمنا للمستشفى
عبدالعزيز : لا تنسا انه مريض ويستحق
( قبل اسبوعين :-
عبدالله : في شي بننهي ..نروح
طلعنا انا وعبدالرحمن وعبدالعزيز وراكان : ممكن اعرف وين بنروح
عبدالرحمن : بنكون مشرفين على روحت ياسر للمستشفى
انصدمت من كلام عبدالرحمن : معقوله
عبدالرحمن : اي
راكان : وعمي علي وافق
عبدالرحمن : موب رايه اصلا وبعدين هالشي ما حد بيعرف في لانه المستشفى عنده سرية تامه يعني بس حنا نعرف
راكان : مو قادر اصدق ..
عبدالعزيز : كان لازم نسلمه للشرطه
عبدالرحمن : لا هو مريض وبيتعالج بس الشرطه ما بندخلها
راكان : ابوك يدري
عبدالله : اي يدري ..طبعا رفض بس عبدالعزيز يعرف يتصرف زين مع ابوي
راكان : يوم رحت لعمي عشان اقوله عن انين اول شي خطر على باله الشركة ..بصراحه تفاجأت لهدرجة الشركة اهم من بنته
عبدالعزيز : هذا هو ابوي يا راكان الشركه اهم من اي شي عنده
عبدالرحمن : نزلو يلا ..
نزلنا ودقينا الجرس وفتح لنا فهد : ارحبببووو
عبدالرحمن : ابوك هنا
استغربت من جيتهم كذا بدري : اي في شي
عبدالرحمن : فهد تكفى نبي نكلمه ولحالنا بدون حريم
هزيت راسي وانا مستغرب : زين دقيقه تفضلو للمجلس وبنجيكم
دخلنا المجلس وبعد كم دقيقه دخل عمي وفيصل وفهد
ابو فيصل : شلونكم يا عيال
الشباب : الحمد الله بخير يا عمي ..انت شلونك
ابو فيصل : الحمد الله بخير ..شصاير
عبدالرحمن : عمي انت تعرف كل شي ..الي ياسر سوا بأنين اختي ما بمر كذا ..وبصراحه حنا كنا مقررين نكلم الشرطه ..
ابو فيصل بصدمه : الشرطه ..تبي تجيب الشرطه لولدي يا عبدالرحمن
عبدالله : عمي عبدالرحمن ما كمل كلامه ..قال كنا مقررين بس غيرنا راينا ..وقررنا شي ثاني قررنا نتواصل مع المستشفى ونخلي ياسر يتعالج ..لان ولدك يا عمي صار خطر على الي حوله ويمكن يأذي اي احد ..وحتى خواته
ابو فيصل : شقصدك يا عبدالله
عبدالله : يعني لا سمح الله يجي يوم وياسر يأذي وحده من خواته شبتسوي وقتها ..
فهد : يببا كلامهم صح ..ما نضمن واحد متعاطي وكل يوم نسمع شي يصدم
ابو فيصل : انتو شصاير لكم تبون تفضحونا تبون يقولون ولد علي ال...يتعالج وش بقولون عنا ااه
ضحكت بإستهزاء : هههه الاول خايف عالشركه والثاني خايف على اسمه ..ما فكرتو تخافون عالبنت الي كان ممكن تموت ولا ما تهمكم ابدا ..واذا خايف احد يعرف ارتاح يا عمي لان هالشي بظل سري وما حد بيعرف وياسر بكون مرتاح هناك لا تخاف عليه
ابوفيصل بصراخ : انسووو هالشي فاهمين
واقف عالباب ويسمع كل كلامهم دخل وهو يروح شمال ويمين : تبون تودوني للمستشفى اجل ..واذا مابي اروح وش بتسوون
فيصل بصراخ : بتروح للمستشفى وغصب
طالعنا في وعيونه حمرا ويحك بخشمه ويحك بجسمه : الحين تأمن بذا ببيتك ..عمي حنا خيرناك يا المستشفى او السجن انت اختار ...واي نسيت اقولك عندك خمس دقايق شوي ويوصلون ياخذونه
ابو فيصل " المستشفى او السجن . اذا خذو للسجن بينتشر الخبر بس يقولون ان المستشفى سرية .." : زين خلي يتعالج بس هالشي بظل بيننا وما حد بيعرف بهالشي ..
ابتسمت وعرفت انه عمي بوافق لانه يخاف على سمعته : اجل يا استاذ ياسر تجهز عشان تروح تتعالج
طالعت فيهم وانا اضحك : هه اتعالج ..مساكين ترا ما بتكسبون شي ..
جا بيطلع بس مسكته من يده : باقي شي بعد
طالعنا بعبدالعزيز : وش الي باقي
عبدالعزيز : لازن تطلق انين ..والحين
انصدمنا من طلبه
ياسر ضحك : اطلقها ..واذا ما سويتها
طالعت بعمي وبياسر : اذا ما طلقها بتصل بالشرطه واقول لهم كل شي عاد لا عبدالله ولا عبدالرحمن ولا ابوي يقدر يتحكمون فيني لاني اسوي الي براسي تتدمر اسم العايله تنفضحون هالشي ما يهمني عشان كذا يا عمي خل ولدك يطلق بهدوء احسن لا يصير شي موب زين وانت ادرى باللي بيصير وعاد ماله داعي اقول لكم انه ما عندي عقل واسوي الي يعجبني
ابو فيصل : ياسر طلقها ..انت بتتعالج يوليدي والبنت يعني ..لازم تشوف حياتها ..
ياسر : زين بطلقها ..
عبدالعزيز : ما يحتاج كل هالشي جهزت كل شي انا والورقه جاهزة وخلاص ..
ياسر : زين ورقتها بتوصلها ..
دخلت الخدامة : بابا في رجال يبغا بابا ياسر
ابو فيصل : خلي يدخل هنا
الخدامة : اوكي بابا
طلعت الخدامة ودخلو ثلاث رجال : السلام عليكم
الكل : وعليكم السلام
عبدالرحمن : هلا استاذ حمد
حمد : شلونك يا عبدالرحمن
عبدالرحمن : الحمد الله ..استاذ حمد هذا ياسر
طالعنا كلنا بياسر وبحمد : لا تخافون هالشي سري وما حد بيعرف في
ابو فيصل : طيب ممكن تنتظرون شوي عشان يسلم على امه
حمد : اكيد خذ راحتك حنا هنا ننتظر
مسكت ياسر من يدينه وخذيته لامي : يمما
ام فيصل : يوليدي وش الي صاير من ذولي
طالعت بامي وانا خايف من ردة فعلها : يمما ..ذولي بياخذون ياسر ..يتعالج
ام فيصل بصدمة : شلووون
اريام : يتعالج ..وين
فيصل : المستشفى ..يمما هالشي بساعده
ياسر : لا تسوون زعلانين علي وخايفين ترا كلها كم شهر واجيكم ما في شي
ام فيصل : يمما ياسر
طالعت بامي : يمما خلاص عاد ..فيصل بجهز شنطتي
مسكته من يده : بروح معاك
فكيت يد فيصل
: عمري 25 موب خمس سنوات يعني ادل غرفتي وينهي
ابتسمت له : بس ابي اكون معك
طلعت غرفتي وكان معي فيصل وجهزت شنطتي وكل شي يخصني حطيته معاي : انا جاهز
مسكت يد ياسر : ياسر ..ابيك تسامحني يخوي اعرف هالشي بيضايقك وبزعلك بس صدقني حنا سوينا كذا بس عشان نساعدك ونبي مصلحتك ونبيك ترجع بصحة وبخير
طالعت بفيصل وابتسمت وحسيت لاول مرة اتكلم مع اخوي بدون هواش وكره : ان شاء الله كل شي يتصلح
نزلنا وركبت مع الشباب الي جو خذوني بعد ما ودعت امي وخواتي وابوي
عبدالرحمن : حنا اسفين يا عمي بس هالشي كان لازم انت تسوي من زمان بس للأسف ..
عبدالله : ترا جدي وجدتي بالعمرة وما يدرون عن شي والاحسن انهم ما يدرون واذا سألو قولو لهم ما اتفقو وتطلقو وياسر سافر
فيصل : عبدالرحمن سامحنا الي صار بإختك شي كبير بس حنا ما لنا دخل بشي ابدا ..حنا اسفين
عبدالرحمن : قد قلتها لك من قبل يا فيصل انتو مالكم دخل المذنب اخذ جزاه وخلاص ..حنا بنروح الحين ..استودعناكم )
عبدالله : عبدالرحمن وين
عبدالعزيز : بالبيت ..بروح المستشفى تجي
عبدالله : بشوف راكان واخلص الي عندي واجيك زين
عبدالعزيز : زين
طلع عبدالعزيز وظليت انا اخلص شغلي
________________________________
جالسه تقلب بالقنوات ومعصبه : الحين هذه انين مو ناوية تموت وتفكنا يعني ولا شلون
منيرة : والله يبنيتي مدري عنها قطه بسبع ارواح هالساحرة
سارة : حتى اخواني لهم اسبوعين ما شفتهم يجو اخر الليل ويروحون من الفجر عشانها حتى استقبال ما استقبلوني مثل الناس
( قبل اسبوعين :-
دخلنا البيت ولقينا امي واقفه بالصاله : السلام عليكم
منيرة بضحك وكره : ها بشرو ماتت ولا بعدها
كنت شايف جنون الانس والجن قدامي : يمما صلي على النبي وتعوذي من ابليس تراني موب شايف شي من العصبيه عشان كذا خلك ساكته احسن ..بطلع غرفتي اتروش وانام شوي وبعدها بروح المستشفى
عبدالله : وانا بعد امش
منيرة : دقيقه دقيقه وسارة من بجيبها من المطار
طالعت بامي : اذا ربنا ما خيب ظني عندنا خمس سيارات يا يمما اختاري الي تبيها وخلي السواق يجيب بنتك
منيرة : عبدالرحمن شهالكلام هذه اختكم
عبدالرحمن : يمما ترا ماني شايف شي بطلع ارتاح وبعدها اروح للمستشفى
طلعنا على غرفتنا وامي ظلت تحت
منيرة بحقد : اجل تخلون بنتي عشان هذه الساحرة زين يا انين اوريك
رحت مع السواق للمطار استقبل سارة
واقفه بالمطار من نص ساعه انتظر احد يجيني ودق جوالي وكانت امي : يمما وينك
منيرة : انا انتظرك برا تعالي يلا
سارة : يلا جايتك
طلعت وقمت ادور على السيارة لين لقيتها : قلتي لي بجون اخواني لي جيتي انتي
منيرة : اخوانك موب فاضيين لك عند الي ما تتسما انين هذه
طالعت بامي مستغربه : انين لي شفيها
منيرة : ان شاء الله تموت وارتاح منها بالمستشفى طايحه بس يقولون حالتها خطيرة
سارة : وش الي صاير معها
منيرة : ياسر كان بيذبحها تعرفينه مجنون
انصدمت يوم قالت ياسر : ياسر ..وش دخله
منيرة : ييوو نسيت اعلمك ..ياسر وانين تزوجو من يومين بس هو سود عيشتها
طالعت بامي مصدومه : ياسر تزوج ..وانين
منيرة : اي تزوجها ..شفيك كذا
لفيت وجهي عالجهة الثانية : ما فيني شي تعب بسيط ..متى نوصل ابي ارقد
منيرة : شوي ما بنطول
وصلنا البيت ونزلت : بطلع غرفتي ..برقد
طلعت غرفتي وفكيت عباتي ورميتها وجلست عالسرير " انين وياسر تزوجو ..ياسر تزوج انين .."
سارة ببكا : يعني انين وياسر تزوجو
لاول مرة بحياتي افقد شي يخصني من ثلاث سنين وانا وياسر نتواصل ونحب بعض وهو كل شي بحياتي وتجي هذه انين تاخذه مني ليي يا ياسر لي تاخذها لييي تخليني اناا وتاخذها ..بس بس وش وصلها للمستشفى ..معقوله حامل وحالتها خطيرة ..لا لا امي قالت من يومين يعني ما لحقت بس امي قالت حالتها خطيرة وموت ومدري وشهو ..وش الي صاير ..وياسر له اسبوع ما اتصل فيني كيف ما حسيت كيف ما عرفت ان صاير شي ..اخذت جوالي واتصلت عليه بس خطه مغلق ...يا ربي لي مو قاعد يرد )
صحيت على صوت امي تناديني : هاا يمما
منيرة : شبلاك انتي لي ساعه اناديك شصارلك
طالعت بامي : لا تخافين يمما ..بس بطلع غرفتي ..تبين شي
منيرة : لا يبنيتي بس كنت ابي اقولك اليوم بجون الحريم ابيك تتضبطين زين
هزيت راسي وطلعت غرفتي
________________________________
حاطه اللاب قدامي وقاعده افرفر دخلت جنى تكلم نفسها : بسم الله الرحمن الرحيم شصاير تكلمين نفسك
جنى بعصبية : ابي اعرف الحين انتحر عشان ترتاحون مني ولا شلون
غنى : افاا وتخليني ما هقيتها منك
طالعت بغنى بنص عين : سماجة
ضحكت ورحت لها : تكلمي شصاير لي معصبه
جنى : قلت لمعن اني بروح عشان اشوف الجامعة وكذا قال لي بعدين
غنى : وش الي مزعجك يعني
جنى : ابوي كلمني وقال لي في دكتور يعرفه بيساعدني ولازم اشوفه عشان الجامعة
غنى : اهاا والدكتور ذا وش اسمه
جنى : اسمه ..تصدقين نسيت ..يا ربي وش كان وش كان ..اي اي سلطان سلطان
غنى : سلطان ..طيب كلمي ابوي
جنى : ابوي تعبان ونايم وقلبي مو مطاوعني اتعبه اكثر
غنى : جنو ما تلاحظين ابوي متغير هالكم يوم
جنى : شقصدك يعني ..اشوفه عادي
غنى : مدري صاير يتعب كثير وما يروح الشغل حاسه في شي غريب ..معقوله في مشكله بالشغل مزعجه ابوي
جنى : لا ما ظنيت بس ابوي رجال كبير الله يطول بعمره وبهالسن طبيعي يتعب شوي
غنى : يمكن ..طيب انتي روحي خذي اذن من امي وروحي مع السواق معن ذا ضايع
جنى : اوكي انتبهي لنفسك زين
طلعت من الغرفه ورحت لامي وكلمتها بالموضوع وسمحت لي اطلع ورحت مع السواق للجامعة وبعدها للمستشفى
رجعت للاب وانا طفشانه ودق جوالي وطالعت بالرقم وتغيرت ملامح وجهي احترت ارد ولا لا بس رديت : الوو ..الحمد الله انت شلونك ..لا لحالي ..هاا لا ما في شي ..لو سمحت لا عاد تتصل ..انا مدري خايفه وهالشي حرام ..تكفى خلاص ..حنا لنا سنه وانت بس توعدني وللحين ما صار شي ..رامي لو سمحت حاول تفهم رغبتي انا تعبت ..بتكلمه ..من جد ..انا ابيك توفي بوعدك لي بس مابي شي ثاني ..والحين لازم اسكر مشغوله ..مع السلامه
سكرت منه وانا زعلانه لاني كلمته كذا بس وش اسوي هالشي الي نسوي حرام ..يشهد علي الله اني ما قد شفته ولا شافني مدري حتى كيف حبينا بعض ..يا رب اذا كان خير لي قربه لي واذا كان شره خله خير وقربه اكثر
________________________________
كنت بالشركة ومحتار ادق عليها ولا لا بس بالاخير دقيت مشتاق لها لي فترة ما سمعت صوتها دقيت عليها وردت اول ما قالت الوو حسيت قلبي فز من مكانه : شلونك ..انا بخير عندك احد ..طيب شفيك خايفه ..اشتقتلك ..-انصدمت يوم قالت لي لا عاد تتصل مرة ثانيه - غنى شصاير شفيك في شي ..انا ادري بس انا احبك يا غنى ..انا اعرف انك مليتي وانا وعدتك ..انا عارف بس صدقيني كل شي بينحل ..عارف انك تعبتي عشان كذا قررت اكلم ابوي ..اي بكلمه ..اي من جد شفيك ..وانا بوفي بوعدي لك وبنتزوج ان شاء الله ..خذي راحتك ..مع السلامه
صار لنا سنة على هذه الحالة سنة وحنا نحاول سنة وحنا نكلم بعض ..والله اني ما قد جا ببالي اطلب صورة لها لان الصورة الي ببالي احلى كل ما اتذكرها وهي صغيرة وتلعب احس اني ودي اروح واخطفها وما اخلي احد بهالكون يشوفها او يلمسها ..حبيتها من صوتها حبيتها من بحتها ..حبيتها من طيبتها ..اعرف عنها كل شي وتعرف عني كل شي ..لن تضايقت تجيني ولن تضايقت اجيها نفضفض لبعض ونسولف لبعض ..حتى يوم تهاوشنا انا وفارس هي سمعتني وما خلتني وتفهمت وجهة نظري ..غنى هي كل شي بحياتي مستعد اسوي لها اي شي تبيه ..ومستحيل اتخيلها مع واحد ثاني غيري ومستحيل اتخيل نفسي مع وحده غيرها ..انا لازم اكلم ابوي بسرعه ..
طلعت من مكتبي ورحت لمكتب ابوي : يببا
ابو رامي : ادخل يوليدي
رامي : شخبارك يلغالي
ابو رامي : بخير ..شتبي
رامي : يبا في موضوع بكلمك في
ابو رامي : وش هالموضوع الي ما يتأجل للبيت وجايني هنا للمكتب
رامي : يببا بصراحه ..انا مدري كيف بقولك بس انا ابي ..ابي اتزوج ..
ابو رامي ابتسم : هذه الساعه لمباركه يوليدي
انا كنت بتكلم معاك بهالشي بعد ..وانا لقيت لك البنت الي تناسبك يوليدي
بهالحظة فرحت وخفت من كلام ابوي : شقصدك يببا يعني ما فهمت من البنت المناسبه لي ..!؟!
ابو رامي : الريم بنت عمك بنت ما شاء الله عليها وتناسبك
وقفت بسرعه وانصدمت من كلام ابوي : هاا الريم ..بس يببا انا ما ابيها ..
ابو رامي : ولي ما تبيها وش شايف عالبنت
مسخت وجهي واستغفرت : استغفر الله العظيم يببا وش وش شايف عالبنت اقولك ما ابيها يعني شايف عليها شي ..بس انا ابي غنى بنت عمي يببا مابي الريم ..الريم مثل اختي بس يببا انا ابي غنى
ابو رامي : وش بعمرك ذا بتاخذ هالبزر انجنيت
رامي : ييبا وش هالكلام اي بزر يببا ولي يرحم والديك لا تعذبني لي سنه ابي افاتحك بهالموضوع لا تعقده لي تكفى يببا
ابو رامي : وانا قلت الي عندي يا رامي اذا تبي تتزوج بتاخذ الريم بنت عمك
رامي بعصبية : بس يببا انا ما ابيها
ابو رامي : رامي لا ترفع صوتك
ابوي قاعد ياخذ حياتي مني بهالحظة : وربي شاهد على كلامي يببا غير غنى ما اخذ لو اظل طول عمري بدون زواج ..والله ما اخذ غيرها
طلعت من المكتب وانا معصب وطلعت من الشركة بكبرها ولقيت بطريقي فارس
فارس : وين وين ايشبك معصب كذا
طالعت بفارس وانا حدي معصب : تكفى يا فارس وخخر عن طريقي ماني برايق وربي
مسكت يده : طيب علمني شفيك
مدري كيف فقدت اعصابي : يحسبني بزر عنده يزوجني غصب عني هذه حياتي وانا حر فيها اتزوج الي ابيها انا احبها احبها لي ما احد يفهمني وما اقدر اتزوج وحده غيرها
اخذته من يدينه وطلعته برا الشركة : هي هي شفيك فضحتنا تصارخ بنص الشركه ..امش نروح اي مكان ونتلكم في
فكيت يدي من فارس : ابي اظل لحالي تكفى
خليت فارس لحاله ورحت لسيارتي ومدري وين بتاخذني الدروب ....
تفاجأت منه حسيته معصب وباين صاير معه شي كايد الوكاد عمي بيغصبه على شي كبير الله يستر ..
( قبل اسبوعين :-
طلعت انا وثامر من المستشفى : بتصل برامي شرايك تجي معاي
ثامر : لا تكفى اخاف اذا شفته نتهاوش وانا بغنى عن هالشي ماني ناقص راسي مليان
فارس : لا لتخاف انا معاكم وما بصير شي ان شاء الله
ثامر : شتبي توصله انت من الاخر عطني
لفيت وجهي : ابي المياه ترجع لمجاريها
اتصلت برامي واتفقنا نجتمع بالاستراحه
فارس : الاستراحه هيا
ضحكت على طريقة فارس : هههه لنا ست شهور ما دخلنا استراحتنا من يوم تهاوشنا
فارس : اي تلاقيها حايسه الحين
ثامر : ياخي سوق بشويش ماني مستغني عن عمري ابي اعيش
فارس : عاد وش اسوي ركبت مع الشخص الغلط يا حبيبي
طالعت في وضربته : قبي امشي بس
ضحكت عليه : ههه انت قبي
وبعد مشوار طويل وصلنا للاستراحه وشفناها مفتوحه : رامي وصل قبلنا
فارس : ثامر لا تتكلم ابد حتى لو عصب
ثامر : لتكون نسيت اننا اكبر منه
فارس : زين يا شايب تكلم عن نفسك انا بعدني صغير ماني كبير
ثامر : اي اي امش بس
دخلنا الاستراحه وشفنا رامي قاعد يرتب فيها : لنا ست شهور ما دخلناها
كنت قاعد ارتب فيها وحسيت بوجودهم : اي لازم نجيب عامل الحالة هنا موب زينه
ثامر : عادي حنا نرتبها ..موب اول مرة
مدري وش صار لي يوم سمعت جملة ثامر : ليت ترجع ايام زمان ..يمكن كل شي بكون مرتب واحسن من الحين
رحت لرامي وحطيت يدي عكتفه : عادي نسوي اشياء من جديدة موب صعبه
لفيت على فارس وابتسمت : تصدق يوم دخلتها حسيت بشي غريب ..تذكرت يوم كنا ننام هنا ونفطر ونتغدا ونتعشى ..ونلعب بلايستيشن كانت ايام تجننن
فارس : حنا غلطنا ولازم نتحمل غلطنا
رامي : انا جيت هنا عشان اقولكم شي بصراحه انا غلطت معاكم وااجد وشككت فيكم ونسيت اننا عيال عم واخوة ولازم تكون قلوبنا على بعض مو ضد بعض ..عشان كذا ابيكم تسامحوني علاقل انا اس...
قاطعت رامي : توك تقول عيال عم واخوان عشان كذا ماله داعي تعتذر وكل شي بيرجع مثل اول واحسن بعد
رحت له وحطيت يدي عكتفه : اسمعني يا رامي الغلط الي صار انت مالك دخل في هذا كان غلطنا حنا بس الحين لازم نصلح هذا الغلط هو راح ونسو الناس بس اثره باقي للحين ومأثر علينا كلنا عشان كذا لازم ...ياخي والله مدري كيف اشرحلك انا ما اعرف اشرح واتأثر عشان كذا انسا كل شي ولا تفكر في زين خلاص
ضربت ثامر على ظهره : ياخي انت
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 20-02-17, 07:05 AM #24
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
عديم احساس وش هالبرود الي انت في قال ما اعرف اتأثر قال كل تبن بس
رامي : الله يعين زوجتك بس
رحت وانسدحت : من قال اني بتزوج اصلا
طالعت ثامر " الله يستر بس " : شقصدك
ثامر : قصدي يا استاذ رامي ان الزواج محيته من قاموسي لاني اكتشفت انه يبط المرارة
رامي : يعني ما حبيت ابدا
ضحكت على كلمة رامي : هههههههه ثامر يحب اذا حب هذه معجزة ..يا بابا هذا حب حياته المحكمة والقضايا يعني اذا حب هذه لازم تؤرخ بالكتب اقولك لي
رامي : لي
فارس : لان البنت الي بطيح مع ثامر كانها طايحه مع واحد فوق الناقه قدييييييم وميت الاحاسيس والقلب ميت وما يفكر غير بالشغل
ضحكت على مناقرتهم : لهدرجة يا ثامر
فارس : واكثر
ثامر : وانت وش اخبارك يا استاذ فارس
اختفت ضحكة فارس : انا تجربتي كانت سيئه
ثامر : طبعا لانك اكثر شخص يختار قلط
ضربته بالمسند : اقول لا يكثر زين
رامي : زين يالربع بروح اشوف شغلي
ثامر : وانا بنام مفكك الف
فارس : وانا بعد بنام
رامي : استودعناكم الله )
________________________________
واقفه انا وامي وجنى نشوف المطعم : تواصلنا مع شركة مصممين وبيحلون كل القصه يمما
ام فارس : بس يا بنيتي انتبهي قلتلك جيبي اجانب احسن
الريم : يمما وش هالكلام يعني بالسعودية ما في شغل حلو ..انا ابي كل شي سعودي
ام فارس : يبنيتي ما قصدت كذا بس التصميم الاجنبي يجننن
جنى : بس يمما هالشركة تصميمها حلو وتجنن وتتعامل مع اجانب بعد عندهم فرع بلندن وناجح مررة
ام فارس : وش يعرفك انتي
جنى : يمما شلون وش عرفني اكييد سمعتي بشركة الانين للتصميم وهذه شركة ناجحه مررررررررة وتصميماتها بسيطة وفاخرة بنفس الوقت
ام فارس : الا سمعت عنها طيب متى بتكلميهم
الريم : كلمتهم بس السكرتيرة قالت لي انهم بإجتماع وبيتواصلون معي بعد ما يخلصون
دق جوالي وكان رقم غريب : يمكن هم ..يمما انتي روحي وانا بخلص شغلي واجيكم : الوو
اول ما قالت الوو تفاجأت انها بنت : هلا اختي ممكن صاحب المطعم
الريم : تفضل اخوي انا صاحبة المطعم
استغربت لان عبدالله قالي شب : انا اسمي راكان من شركة الانين للتصميم واتواصل معك عشان نحدد موعد ونقدر نتكلم
الريم : هلا اخوي تشرفت فيك ..اذا يناسبك انا الحين بالمطعم وتقدر تمرني ونخلص شغلنا
راكان : لي لا خلاص ممكن العنوان
الريم : اي اكيييد ثواني طريق ...........
سكرت الخط منه وقعدت الف بالمطعم واشوفه واتفحصه : الله يحفظك لي يببا ساعدتني واجد اني الاقي مطعم وابدا شغلي الخاص فيني ..
جاني العامل : لو سمحتي مدام
طالعت في : وش ذي مدام انسه
العامل : سوري ..في واحد يبيك
طلعت برا وشفته واقف معطيني ظهره : هلا استاذ راكان تفضل
لفيت عليها وطالعت فيها
لما لف علي انصدمت من الي واقف قدامي : انتت ..مستحيييل
ضحكت على منظرها : شرايك ..مفاجأة صح
( قبل قليل :-
اخذت الملف ورحت مكتبي وقمت اشوف الاسم : الريم خالد ال ...
هذه نفسها ..اخت معن ..والله وطحتي بين يديني ..انا لازم اضبط هالعقد ..ههه خل نشوف وش بتسوين الحين يا ..الريم تحديتيني وبنشوف الحين مين بيكسب التحدي ههههه )
انصدمت لما شفته قدامي : شجابك انت هنا
قربت منها : جاي اشوف محلك الحلو
خفت من طريقة كلامه : انا مابي منك شي
عرفت انها خافت : سمعيني انا الحين بشغل يعني مالي دخل بأي شي جاي اشوف المحل واطلع مالي دخل فيك وبمشاكلك عشان كذا يا انسه ريم خليني اشوف شغلي
طالعت في : وانا مو موافقه
راكان : انتي مجبورة توافقين ما عندك حل ثاني
الريم " يا ربي وش بسوي انا ابي هالمشروع يتم بس هذا شكله بخرب علي بس هو قالي انه يبي يشتغل وش اسوي الحين " : وش يثبت لي انك بتساعدني ومت بتخرب علي
شلت نظارتي وطالعت فيها : سمعيني يا بنت ماني مجبور اشرح لك اكثر على فكرة انا موب خسران شي انتي بتخسرين عشان كذا اختاري يا توقعين العقد يا اروح واشوف لي شخص ثاني
الريم : طيب طيب خلاص ..بنوقع
راكان " ههه والله وطحتي يا ريم ..ماني نذل اخرب سمعتك او اسوي شي بس الي بسوي بخليك تندمين عالكف الي تجرأتي وعطيتيني اياه " : هذا العقد وقعي وتقدرين تتواصلين مع المحامي والشباب بزبطون لك التصميم وبيبدون شغل بعد يومين اذا يناسبك
هزيت راسي : ما في اي مشكله
وقعنا العقد وخلصنا ورحت حطيته بالسيارة ورجعت لها : ترا الحين الشغل انتهى
طالعت في بسرعه : شقصدك
قربت منها : سمعيني انا ماني مسوي شي لا تخريب سمعة ولا شي بس كل الي ابي اخليك تندمين على هالكف الي ضربتيني اياه عشان كذا كوني جاهزة للمفاجأة الي بتجيك الليلة
انصدمت من كلامه : شلون ..مفاجأة والليلة
طلعت من المكان وخليتها بخوفها ..للصراحه ما كان بصير شي بس كنت بخليها خايفه
________________________________
صحيت بشويش وراسي يوجعني شفت سلطان واقف عند راسي ومعه اوراق : مووية ابي موويا ..مووية
رحت وجبت لها موية : خذي شربي
شربت وطالعت بسلطان : كم الساعة
سلطان : الساعه الحين ثنتين ونص
سندت راسي ورا : عبدالله ما جا
سلطان : لا للحين ما جا عبدالرحمن راح البيت الصبح كان تعبان وخليته يروح
هزيت راسي : راسي يوجعني احسه ثقيل
سلطان : لا تخافين ما في شي ..انتي لازم تحمدين الله على كل شي صار معك وبعد هالحادث انك عايشه
ابتستمت وحطيت يديني على وجهي : الحمد الله دائما وابدا الحمد الله ..ميهاف روحت
سلطان : انيين ترا انتي صاحية من يومين بس والكل كان هنا ولهم اسبوعين ينتظرون عشان كذا خلهم يرتاحون ويجونك لا تخافين
انين : امي وابوي ما جو
زعلت عليها يوم قالت كذا : ودي اقولك جو بس ..انا اسف
طاحت دمعتي ومسحتها بسرعه : مشكور يا سلطان وقفت معي واهتميت فيني وما خليتني لحالي
سلطان : هالشي مو لازم يأثر عليكي خلك قوية و ترا انتي بحسبة اختي ميهاف ومعزتك من معزتها
طالعت فيه وضحكت : معزة ولا غنم ههههه
طالعتها بنص عين : تراها سامجه وبعدين اشوف سماجتك زادت من امس والحين نامي عشان ترتاحين
نزلت راسي علمخده وغمضت عيوني ودخلت بنوم عميق
طلعت من غرفتها وانا قلبي يتقطع على حالتها : اااخ يا انين وش اقولك ..الله يعينك بس مقدر اقولك وش الي بصير
( قبل اسبوع :-
عبدالله : لي مجمعنا هنا شصاير
سلطان : شباب انا جمعتكم هنا عشان اقولكم شي ..انين صحت وهي صاحيه وما فيها شي بس عندها اعراض جانبية مثل يمكن تنسا بعض اشياء وتتعرض لنوبات عصبية اذا عصبت واعصابها الحين تعبانه يعني احنا لازم نساعدها بطريقه غير مباشرة ولازم نعطيها الحرية وتكون دايما مرتاحه
عبدالرحمن : يعني هالنوبات بتجيها دايما
سلطان : لا موب دايما ..اسمعوني الاعصاب عندها تضررت من الضرب الي حصلته عالراس واذا زعلت وعصبت هالشي بيضرها وبتصير تصارخ بطريقة غريبه ويمكن تفقد اعصابها وما عاد تسيطر على نفسها وتفقد الوعي بالاخير
عبدالعزيز : طيب في علاج
سلطان : اي في علاج ..لازم تظل هادية وما تتضايق ومع العلاج النفسي تتحسن بس ما اوعدكم تتحسن بين يوم وليلة بتاخذ فترة
عبدالله : طيب هي الحين بتتذكرنا
سلطان : اي بتذكر بس يمكن تنسا اشياء بسيطه موب اكثر
عبدالله : طيب سلطان انت متأكد انها بترجع زينه
سلطان : انتو ادعو لها ووكلو امركم لله وبإذن الله تتحسن وترجع بخير
عبدالرحمن : لو سمحت سلطان هالشي لازم يظل بيننا وما حد يدري به لو سمحت
سلطان : افاا عليك ماله داعي توصي )
________________________________
رجعنا البيت انا وعبدالعزيز : الحين امي بتستلمنا وبتبدا تسأل
عبدالعزيز : اسمع ندخل بهدوء زين
دخلنا وشفنا الخدم حايسين : شصاير هنا
الخدامه : ماما منيرة سوي حفله هنا
عبدالله : يا لييييييل حفله
عبدالعزيز : اسمع بروح اتروش واتجهز واطلع
عبدالله : زين امش نروح سوا
طلعنا غرفتنا وجهزنا ملابسنا : كانت انين تجهز ملابسنا قبل لا نجي
عبدالله : ما توقعت بيوم اجي غرفتي وانين مو وراي تبي مني اتعشا معها
عبدالعزيز : ان شاء الله ترد بالسلامة
عبدالله : ان شاء الله يا رب ..بدخل قبلك
مسكته من جاكيته : تراني اكبر منك
فكيت نفسي ولفيت عليه : بس دقيقه
ضربته على وجهة : دقيقة تفرق بعد ..انا بدخل
________________________________
اجتمعنا على العشا كلنا وكنا قاعدين انا ونواف وعهود وليين
ام نايف : شفيكم جالسين كذا
ابو نايف : في خبر لكم
ام نايف : وشهو
ابو نايف طالع بنايف : عمك عطاني الموافقه اليوم
ام نايف : بشر وش قال
عهود : لي من تقدر ترفض اخوي
ابو نايف : ابشركم البنت وافقت وان شاء الله بكرا نروح ونخطبها لك
طالعت بنواف ولقيته يخزني بنظراته : شفيك
نواف : سلامتك ما فيني شي
ليين : انا بطلع غرفتي بنام تعبانه
ابو نايف : تبين احد يوديك للطبيب
هزيت راسي ب لا : بنام وبرتاح
طلعت غرفتي ودخلت المنتدى كان نكي
« فَتَّشْت فِي صَدْرِي عَلَيْك / وَلْقَانِي !!
طِفْل ٍ يُفَضّفِض لِلْعَصَافِيْر ... شَكْوَاي !! »
وقاعده ادردش مع البنات واشوف وش في شي جديد بالمنتدى وجاتني رسالة من نك غريب كان
مَعَاك ابِذِكّر ضِحْكَة الْلِي نَسَانِي !!
لَعَلِّي أَنْسَى ..ضَيِّقَة ٍ دَاخِل حَشَاي ! : السلام عليكم
« فَتَّشْت فِي صَدْرِي عَلَيْك / وَلْقَانِي !!
طِفْل ٍ يُفَضّفِض لِلْعَصَافِيْر ... شَكْوَاي !! » : وعليكم السلام
مَعَاك ابِذِكّر ضِحْكَة الْلِي نَسَانِي !!
لَعَلِّي أَنْسَى ..ضَيِّقَة ٍ دَاخِل حَشَاي ! : وش القصة اختي لي مسوية ضجة هنا
« فَتَّشْت فِي صَدْرِي عَلَيْك / وَلْقَانِي !!
طِفْل ٍ يُفَضّفِض لِلْعَصَافِيْر ... شَكْوَاي !! » : عفوا بس من انت يعني عشان اقولك
مَعَاك ابِذِكّر ضِحْكَة الْلِي نَسَانِي !!
لَعَلِّي أَنْسَى ..ضَيِّقَة ٍ دَاخِل حَشَاي ! : انا المشرف هنا وشفت هوشتك مع البنت الثانية وش القصة البنت تشكت عليك وسوت ابلاغ وانا يوم شفت مشاركاتك ما هقيت انك من النوع الي يسوي مشاكل عشان كذا قلت استفسر منك
« فَتَّشْت فِي صَدْرِي عَلَيْك / وَلْقَانِي !!
طِفْل ٍ يُفَضّفِض لِلْعَصَافِيْر ... شَكْوَاي !! » : اها لا ما في شي هذه بنت عمي وهواشتنا هبال بنات ما في شي وهي تحدتني وقالت ببلغ بس ما توقعت تسويها ..
مَعَاك ابِذِكّر ضِحْكَة الْلِي نَسَانِي !!
لَعَلِّي أَنْسَى ..ضَيِّقَة ٍ دَاخِل حَشَاي ! : اختي اتمنى تحاولون ما تستهبلون عشان ما يأثر عليكم ويضركم واسف على الازعاج
« فَتَّشْت فِي صَدْرِي عَلَيْك / وَلْقَانِي !!
طِفْل ٍ يُفَضّفِض لِلْعَصَافِيْر ... شَكْوَاي !! » : لا ما صار شي مشكور ...
قفلت منه ودخلت المنتدى وحطيت مشاركة جديدة
@ حتى لو رحَلْت ..
ورحلَت معك كل أطيافك
بين يدي لازالت بقاياك
أقلبها كل حين
وأحتضن رُفاتها بين يدي
أهمس لها لعلها تسمعني
وتهدهد بعضا من رجفاتي
يحرقني أنين الذكرى
ويحرق جثمان صلابة ادعاء
ويذرو عطر زهور يانعة
بدا ذبولها يعصف برونقها
وتأخذني الذكرى
لأاول يوم
ذكرى اول همس
أول حرف
أول عطر
حتى آخر جنون !!
يبعثرني حنيني اليك
تبعثرني ترهاتي عنك
يؤلمني ذاك القصي حين يتذكرك انت فقط دون سواك
في عيونهم ارى طيفك
همسك
و جنون ضحكاتك
احتجتك ذات مساء
وهمست لنفسي
أترا يعلم انني أحتاجه
أترا هنا يتفقد ذكرياتي معه
أيأخذه الحنين الي
فبدا لي طيفك
واجتاحتني همساتك
فاحتضنت نفسي
ولملمت مابقي مني
وسخرية القدر تتلقفني
تابعي طريقك
فلا حاجة لك بما مضى
فعزف القدر قد ابتدى
ليكشف أقنعة طال ضمورها ! @
وسكرت المنتدى وحطيت راسي علمخدة وظليت افكر ..مدري وش افكر في بس تخيلت اني لقيت فارس احلامي وتزوجنا وظليت كذا لين دخت ونمت ....
________________________________
سفروني عشان اتعالج وقالو بالسعودية لو بقيت بفضح ابوي ..فيصل يتصل فيني ويتطمن علي دايما ..العلاج هنا كويس وفادني وبصراحه كل الي صار معاي بسبب بنت وحده ..سارة بنت عمي ..
كنا انا وياها نحب بعض بصراحه مدري هو حب هو هبال بس كان كل يومي اقضي معها نتكلم دايما مع بعض نصحا وننام على صوت بعض طبعا سواليف سخيفه وكلها عني وعنها ووش تسوي بلندن ودراستها وكانت تعرف اني اتعاطى بس ما قالت شي ..للحين افكر اذا انا احبها ولا لا او اذا هي تحبني ولا نستني
ويوم قالو انهم بزوجوني انين عصبت وهي مالها دخل كرهتها بالساعه الي انولدت فيها ضربتها وحرقتها وجرحتها وكنت بذبحها وهي
ما لها دخل بشي ..مدري لي حملتها كل شي وهي بعد كانت مغصوبه مثلي ..انا سبب دمار حياتي واصحابي الي كانو معاي ويعطوني السم ذا ماحد فيهم جا تطمن عني حتى ..اصحابي الي تهاوشت مع ابوي عشانهم اصحابي الي كرهت اخواني عشانهم ..كل ذا واخر شي ولا واحد وقف جنبي منهم ..اصلا استاهل كل الي صار لي ..انا حتى صلاة ما اعرف اصلي ..لا قرآن ولا اذكار كيف ربنا بيهديني ..انا اتبعت سكة الشيطان ..والشيطان اغواني واتبعت الغلط ..زنيت وسرقت من امي وسويت كل شي حرام وهذه جزاتي الحين ..انا لازم اغير طريقة حياتي واصير انسان ثاني ..انا غلطت بما فيه الكفاية ..كلام عبدالعزيز حقيقي كيف كنت بأمن على خواتي وانا بحالتي الي كنت فيها ..لا حول ولا قوة الا بالله ..انا برجع السعودية الاسبوع ذا لازم احاول اقابل انين واعتذر منها ولازم اغير حياتي كلها وابعد عن كل الحرام الي كنت في ..يا رب انك تهديني وتسامحني عن كل شي سويته ..يا رب سامحني .............
________________________________
نزلت من الدرج وهي لابسه الفستان الأخضر الطويل الكاشف من الصدر والظهر ومخليه شعرها طول وحاطه مكياج خفيف مع الاكسسوارات الثقيلة والغالية وكانت مثل النجمة الساطعة بالحفلة
منيرة : هذه بنتي سارة توها راده من السفر مالها اسبوعين
ام حمد : ما شاء الله يا منيرة بنتك حلوة
ام مشعل : اي والله الله يحميها
طالعت بالحريم ولفيت على امي : بشوف اذا كل شي جاهز
خليتهم ورحت للمطبخ " وينك يا ياسر ..وين اختفيت قالو بتتعالج بالسعودية لي سافرت ..لي سافرت يا ياسر لي ..اااه وش بسوي الحين لازم اتحمل صديقات امي ذول وبناتهم الله يعيني بس " : ماري تعشو
ماري : اي تغدو وهلا رح يتحلو
سارة : طيب جهزي الكيك وحطي بالصحون وضبطي عالطاولة برا زين
ماري : حاضر
طلعت عالحديقة واتصلت بجولي : شلوونك ..ماني بخير ..ياسر سافر مدري وين ..جولي ترا ما امزح ..ابعدي عن الكلب الي عندك وكلميني زين ..ااها عنده بالبيت انتي ..جعلكم بالموت زين ..خلاص انقلعي ..لا مابي سلام
سكرت من جولي وتنفست بصعوبه " انا لازم اغير حياتي من يوم جيت السعودية وانا ما طلعت لازم اطلع واغير جو ..خلني اشوف احد من العيال الي كنت اتسلا معهم مرررة طفش "
________________________________
احيانا ترغمك الحياة على مصاحبة اناس تعتقد انهم سيئين ولكن من خلال مصادقتك لهم تكتشف انهم افضل ممن كنت تعتقد ..فبعض الافكار تخطر لك من العدم وتصدقها لكن حين تفكر بها وتراها عالحقيقة تكتشف انها مجرد اوهام لا وجود لها ...
عندما قررت كتابة هذه الرواية وجدت انني اكتب عن نفسي في بعض الشخصيات فكل شخصية في هذه الرواية تحمل جزء بسيط من شخصيتي ...
وايضا بعض الشخصيات تحمل جزء بسيط من معاناتي بهذه الطريقة استطيع ان اخفف من المي وتفكيري وارهاقي وايضا بهذه الرواية قد بذلت كل ما بوسعي لكي اجد ضالتي ...
________________________________
جالسة بالصالة اطالع الساعة كانت وحده الصبح وكنت خايفه من المفاجأة الي بيعطيني اياها راكان ..كنت ارجف من الخوف
نزلت من غرفتي وشفتها جالسه بالصالة قلت اخوفها شوي رحت من وراها وصرخت : رييم
نقزت من مكاني اصارخ : يمممما يمممما يممما
حطيت يدي على فمها بسرعه : اص بتفضحينا شفيييك هذا انا معن يا حمارة
قمت ارجف زيادة ودموعي تنزل : وخخر عني
فكيتها وطالعت فيها كانت خايفه وااجد وترجف وتصيح : رييم شفيك ترا كنت امزح
حضنت معن بقوة : خايفه . معن خايفه
خفت عليها بقوة بسبب ضمتها لي : رييم شصاير معك تكلمي لي كذا خايفه وترجفين
مسحت دموعي وطالعت بمعن : ما في شي بس كنت اتابع فيلم رعب وانت خوفتني
حضنتها وحبيت راسها : يا قلبي سامحيني اخر مرة خلاص ..امشي نامي وارتاحي لا تخافين مجرد فيلم
طالعت بمعن وابتسمت : يا حظها الي بتتزوجك اخذت قلب طيب وكبير ويحب بصدق ونقاء
مسحت على شعرها : وياحظ الي بياخذك بنت عاقلة وطيوبه وتفكيرها واعي وتحب كل الي حواليها ..والحين يا انسه رييم الى النوم
هزيت راسي وطلعت عالدرج وانا عيوني على الباب والمفاجأة الي بتجي وانا بدخل غرفتي سمعت صوت الجرس قلبي كان بوقف من الخوف ورحت نزلت بسرعه وشفت معن ماسك كيس بيده وبخوف : مععن وش ذا
طالعت فيها ولونها مخطوف : ايشبك وصيت على بيتزا تاكلين
حطيت يدي على قلبي وتنفست بصعوبه : لا مابي ..تصبح على خير
معن : وانتي بخير
دخلت غرفتي وجلست عالسرير وحطيت يديني على وجهي : يا ربي وش بسوي الحين خايفه يسوي شي والله خايفه ..يا ربي ساعدني ..وش بسوي الحين لازم اسوي شي
قمت اصيح من الخوف وقررت اتصل في لازم احل هالموضوع ..اخذت جوالي واتصلت فيه
جالس بغرفتي وجوالي دق اول ما شفته قمت اضحك وعرفت انها خايفه : مو من عادات البنت المحترمة تتصل بشاب الساعه وحده ولا وش رايك
حسيت بقهر من كلامه وبصعوبه قدرت اكتم شهقاتي : شتبي مني ..لو سمحت خلاص
حسيت شي غريب بصوتها : معقوله للحين تنتظرين المفاجأة لهدرجة خوافه انتي
طاحت دمعتي : راكان تكفى خلاص وخر عني والله اني اسفه والله وخلاص انا اسفه لاني ضربتك وجعل يدي بالكسر ولا انمدت زين بس خلاص وخخر عني تكففى
كان باين من صوتها انها تبكي وبكلامها مدري وش سوت بقلبي : ما في لا مفاجأة ولا شي ارتاحي ..
تنفست بإرتياح : مشكور مشكور
ابتسمت وكملت : في صدمة بتصير ..بس عاد الحل بيدك انتي
وقفت دقيقة استوعب كلامه : شلوون
وقفت قدام الدريشه : بكرا تعرفين بس تذكري انا اكره كلمة لا عشان كذا خلك منتبه زين
سكرت الخط ابي اخليها تفكر وش بصير فيها
انصدمت من كلامه ومن طريقته وحطيت جوالي عالتسريحة ورجعت سريري تمددت وطاحت دموعي " انا استاهل الي يصير فيني استاهل انا السبب انا السبب بكل شي صار فيني استاهل ..استاهل ..استاااااهل "
________________________________
@ صباح جديد ويوم جديد على ابطالنا @
قمنا صلينا الفجر وجهزنا انفسنا ورحنا لانين لانها اليوم بترجع البيت : عبود ..عبود
قاعد البس جزمتي اكرمكم الله وهذا ينادي من الصبح : ياخي انت ماسك بإسمي من الصبح شتبي تكلم شصاير شفيك
طالعت في كاني مصدوم : شفيك ياخي اكلتني بقشوري كنت بقولك اننا بنروح المزرعه ونظل كم يوم شرايك
عجبتني الفكرة وطالعت بعبدالرحمن : شرايك
عبدالرحمن : لي لا ..علاقل انين تغير جو
فتحت الباب وسمعتهم يتكلمون عن مزرعه وشي زي كذا : وش تتكلمون عنه
طالعنا بسارة مستغربين : وش جابك غريبه
جلست علكرسي اطالع فيهم : عادي اخواني
عبدالرحمن : تبين شي
سارة : وين بتروحون
عبدالرحمن : بنروح نجيب انين ونروح للمزرعه تغير جو
انقهرت منهم ومت اهتمامهم : كانكم زودتوها شوي على فكرة انا اختكم موب هذيك
طالعت فيها وتمالكت اعصابي بالقوة
عبدالرحمن : سوير لا اسمعك تقولين عنها شي
عصبت بزيادة : اكييد ساحرتكم هذه تحبونها اكثر مني انا ..تحبون بنت الحرام اكثر مني
وبصرخة هزت البيت : ساااااااارة
نقزت من مكاني عبدالعزيز يخوف اذا عصب بس سويت نفسي قوية : عصبت لاني قلت الصدق
قربت منها ودفيتها برا الغرفه : يوم تتعلمين الادب وشلون تحترمين اختك واخوانك تدخلين هالغرفه فاهمة ..والحين لا اشوفك دخلتي لاكسر رجولك فاهمه
منيرة جت : عبدالعزيز شفيك على اختك
طالعت بامي : شوفيها شلون تتكلم عن ان..
سكت وطالعت بامي : اي نسيت بقول حق منو اصلا امي نفسها تكره انين وش بتوقع منها
منيرة : عبدالعزيز لا تنسى ان سارة اختك ولها حق عليكم اكثر من هذيك فاهم يعني سارة هي احق بكل شي
مسحت على وجهي واستغفرت الله : استغفرك يا ربي واتوب اليك ..صدقيني يا يما بجي اليوم الي تدورينها وما تلقينها بس اقولك بتلقين من ..بتلقين انين ونشوف وش بتسوين وقتها ..شباب بطلع احس الجو هنا كتم علي ..واي نسيت اقولك ..بعد ما نخلص من المستشفى بناخذ انين للمزرعه تغير جو ..والحين استودعتكم الله
طلعنا كلنا بدون لا نكلم امي وكل واحد بقلبه حزن كبير من هذه الحالة " الله يصلحك يا يما ويهديك ..لا حول ولا قوة الا بالله ..لا حول ولا قوة الا بالله "
________________________________
صحيت وصليت الفجر ونزلت تحت لقيت عهود وامي وابوي جالسين يفطرون : صباحكم نور وسرور يا احلا عيلة
ابو نايف : اشوف الحين مصحصحه وتمام
ابتسمت وصبيت لي شاي : الحمد الله احسن
عهود : يببا شرايك نروح للمزرعة اليوم
ليين : اي يببا المزرعة الكبيرة لنا فترة ما رحنا وبعد كل الي صار معانا لازم نروح نغير جو
ام نايف : اشوفها فكرة كويسه وهناك تتكلمون عن خطبة نايف وقوت شرايك
ابو نايف : خلاص اشوف عمانك ونروح
عهود : الحين الحين تكفى يببا تكفى الحين
ابو نايف : حاضر الحين اتصل فيهم ..
ابو نايف اخذ جوال واتصل على ابو راكان : صباح الخير ..شلونك ..والله نفطر ..كل خير كل خير ..بس العيال هنا يبون يروحون للمزرعه شرايك ..اي نروح يومين ..الشركة ماهي بطايرة ياخوي ..اجل بشوف الباقي ..فمان الله
عهود : ها شقال
ابو نايف : بروح بس بشوف اعمامك الباقيين
اتصلنا بالكل وعزمناهم
دخلنا البيت : صباح الخير يببا
ابو نايف : صباح النور
الشباب : صباح الخير يمما
ام نايف : صباح النور يوليدي
عهود : شباب تجهزو بنروح للمزرعه
استغربت من قال لهم : من علمكم عبدالله اتصل فيكم
طالعت بنايف : وش دخل عبدالله
نايف : اتصل فيني عبدالله يقول انهم بروحون للمزرعه وعازمنا كلنا هناك
ضحكت على هالموقف الي صار : ههههه حتى حنا عزمنا الكل ..جا ببالي نروح للمزرعه
نواف : كلمتو الكل
ليين : يب يب
نايف : اجل يببا شرايك نسوي الخطبه بالمزرعه وناسه وتغيير جو
حطيت راسي عالطاولة وقمت اضحك : ههههه ترا كذا كنا مخططين هههههه
ضحكت على شكل عهود : طيب روحي رتبي خشتك كانك عجوز بتموت ههههههههه
مسكت المعلقه وضربتها على نايف : كل تبن
ابو نايف : طيب سمعوني انتو جهزو اغراضكم حق يومين ثلاث ايام بس زين ..بروح للشركة اخلص الشغل الي عندي وارجع ..
نواف : وانا بروح للمستشفى عندي مريض اذا خلصت الحقكم
ليين : اوكي بروح الحين اجهز اغراضي
قمت ورحت لنايف : نايف
لفيت على عهود : سمي
ابتسمت له : سم الله عدوك ..بس كنا بسأل انين بتجي للمزرعه ولا شلون
مسحت على شعرها : اي بتجي ..يلا جهزي نفسك بسرعه تعرفيني ما انتظر
هزيت راسي ورحت غرفتي اجهز نفسي
________________________________
رتبت الصحون مع امي وطلعت غرفة رامي اشوفه لي ما نزل يفطر معنا دخلت الغرفه ولقيت السرير مرتب : معقوله رامي للحين ما جا ..اقول لامي ولا شلون ..
نزلت ورحت شفت امي بالصاله : يمما ..
ام رامي : شو حبيبتي
توترت شوي لان مو من عادات رامي ينام برا البيت : بصراحه .. يمما رامي مو بغرفته او بالاصح موب بغرفته
ام رامي وقفت : كيف يعني ..مو بغرفته
هزيت راسي ب لا
ام رامي طلعت غرفة رامي : وين راح ..اذا بنام برا البيت بقول لي مو من عادته ما يعلمني
طلعت من غرفتي وشفت امي واقفه قدام غرفة رامي هي وسحر : شصاير هنا
سحر : رامي موب بغرفته
سديم : شلون يعني ..اكييد عند اصحابه
ام رامي : كان بعلمني مو من عادته ما يخبرني ابو رامي : شصاير هنا
ام رامي بخوف : رامي مو بالبيت ما بعرف وين هو او وين نام
ابو رامي : هذا رجال يعني ما ينخاف عليه
سحر : يمما طولي بالك ..بتصل في
رحت غرفتي اتصل في بس كان يرن يرن واخر شي عطاني مغلق : وش الي صاير
ام رامي : شصار
استغربت من الشي الي صار : كان يرن بس اخر شي عطاني مغلق
ابو رامي : حتى ما جا الشركه
ام رامي : يا ربي شو صاير معو من عادته
سحر : بروح غرفتي انا ..
دخلت غرفتي وسكرت الباب وراي واتصلت بغنى يمكن تعرف : الوو ..شلونك غنى ..اسفه صحيتك من النوم بس بسألك ..تعرفين رامي وين ..لا لا ما في شي ..بس دخلت غرفته وما لقيته قلت يمكن تعرفين ..غنى لا تخوفيني اذا تعرفين شي تكلمي ..لي شصار امس ..طيب ..لا ما اظن هالسبب يمكن في شي ثاني ..طيب سمعيني اذا اتصل فيك كلميني امي خايفه عليه زين ..انتبهي عنفسك ..مع السلامه ..ولا يمهك ..سلام
يا ربي وين راح هالمجنون ....
________________________________
كنا قاعدين انا ومعن وفارس وجنى وامي وابوي نفطر
فارس : انتي غنى ولا جنى
ضحكت على فارس : انت اعرف
معن : جنى ..من قرادتها
فارس : غنى وينهي لي ما جت
جنى : نايمة بغرفتها
ابو فارس : قومي
صحيها تفطر يبنيتي
جيت بقوم بس وقفني فارس : انا بروح خلك
قمت من مكاني ورحت لغرفة غنى
كنت نايمة وصحاني الجوال وبدون ما اطالع رديت : هلا ..بخير سحر ..لا عادي وش صاير ..-فزيت بسرعه من نومي - رامي لي شفيه ..شلون ما في شي وتسألين عنه شصاير ..يا ربي ليكون سوا شي بنفسه ..امس يمكن عشان امس ..طلبت منه لا عاد يتصل فيني ويكلم عمي وابوي احسن من هالشي ..وش طيب خايفه سوا بنفسه شي عشان كذا ..طيب وش بسوي الحين ..زين اذا صار شي اكلمك ..وانتي بعد ..اذا صار شي كلميني زين ..سلام
وقفت بسرعه وفتحت الدريشه : يا ربي لا يكون الي فبالي ..يا رب يا رب ..رامي تكفى لا تسوي شي مجنون
اندق باب غرفتي : تفضل
دخلت غرفتها : الفطور جاهز نزلي اذا تبين
لاحظت ان فارس في شي : في شي
هزيت راسي ب لا : يلا بسرعه افطري
نزلت تحت وخليت فارس فوق
وقفت دقيقتين مكاني استوعب الي سمعته معقوله هالشي ..وسمعت صوت رسالة على جوال غنى ما ترددت رحت وفتحها كان رقم مو مسجل
( غنى ..الي بقوله لك يمكن يزعلك ..انا كلمت ابوي بس صار شي ما توقعته الي صار ان ابوي يبيني اخطب اختك الكبيرة وانا بعمري ما فكرت فيها ..سامحيني اذا زعلتك بيوم ويشهد علي ربي يا غنى ان حبك بظل بقلبي ومستحيل اتزوج غيرك لو بهجر الديرة كلها عشان كذا انا بكلم ابوي وبسافر اي مكاني ومابي اتزوج اختك لان هالشي بكون اعلان لموتنا انا وانتي ..وصدقيني للحين ما ندمت اني ما طلبت منك صورة لان مابي اتعذب اكثر ..احبببك يا اغلا ما خلق ربي ويا بزرتي المجنونه انتبهي لنفسك زين ..رامي 💔❤😔)
سكرت الرساله وانا مصدوم من الي قريته وسمعته وشفته " رامي وغنى يحبون بعض وعمي يبي يتزوج الريم اختي ..وانا اقول لي غنى دايما مع سحر اثر الكل يعرف ..وش اسوي الحين مقدر اظلم غنى ورامي وادمر حياة الريم ..رامي حاط السفر بباله الحين وش اسوي .."
جنى : ساعه عشان تصحين انتي
طالعت بجنى : شتبين
جنى : فارس له ساعه طالع لغرفتك يصحيك
انصدمت من كلام جنى : يعني هو ما طلع الحين
جنى : لا ..له ربع ساعه طالع لك
طاحت المعلقه من يدي وطلعت اركض لغرفتي
ابو فارس : شفيها غنى
جنى : مدري يببا
معن : قومي شوفيها لي قاعده
قمت بسرعه وطلعت ورا غنى
انتبهت لريم الي جالسه كانها مو موجودة : ريموو شفيك ..لي ساكته
طالعت بمعن وابتسمت ابتسامه صفرا : ما في شي ..يببا بيبدون شغل هاليومين هذه ..ابيك تكون موجود تكفى
ابو فارس : ان شاء الله يبنيتي
معن : انفع انا اكون موجود
الريم : اكيييد ينفع
معن : يببا بطلع الحين بروح اشوف واحد من الربع
ابو فارس : يوليدي انتبه من ربعك لا يخربونك
معن : افاا يبو فارس تشك بولدك ..لا تخاف يبوي هذا واحد اسمه راكان شاب كويس وانت تعرف ابوه ما يحتاج يعني
حسيت بخوف من اسم راكان وخفت اكثر من لقائه مع معن " الله يستر ..الله يستر "
ابو فارس : بس انتبه بعد يوليدي
حبيت راس ابوي وامي وطلعت
قمت من مكاني وجيت بروح بس وقفني ابوي : يببا رييم
طالعت على ابوي : امرني يالغالي
ابو فارس : تعالي ابيك
رحت لابوي وجلست جمبه : امرني في شي
ابو فارس حط يده على راس الريم : شصاير يبنيتي لي اشوف وردتي ذبلانه وتعبانه
حضنت ابوي بقوة : يببا ..تكفى لا تخليني والله انا من بعدك اضيع ..مابي شي غيرك بهالدنيا ومابي شي غير رضاك تكفى يببا لا تخليني وقف معي وساندني وادعمني بكل شي ولا تخليني ابدا
ابو رامي طاحت دمعته " غصبن عني يبنيتي غصبن عني بتركم موب كيفي " : سمعيني يا بنيتي انتي الحين كبيرة ومستقله وان شاء الله قريب بتتزوجين ..الي ابي اقولك اياه لا تعلقين نفسك بأحد زين علقي قلبك برب العالمين لان الكل بهالعالم ممكن يتخلا عنك الا ربنا دام انتي معلقه امالك ومقوية ايمانك هو الوحيد الي ما بيتخلا عنك يبنيتي ..قوي ايمانك بالله وصدقيني ما حد بهالعالم ممكن يأذيك او يسوي لك شي
كلام ابوي عطاني شوية قوة وخلاني اتشجع : يببا ..احبببببببك والله
حبيت راس ابوي ومسحت دموعي : والحين بروح اجهز نفسي عشان اكمل شغلي
ابو فارس ابتسم ووقف : وانا بروح للشركة
طلعت غرفتي بس سمعت صوت بكا جاي من غرفة غنى ورحت لها فتحت الغرفه وشفت غنى طايحه علارض تبكي وجنى قاعده عالسرير وفارس جالس عالكرسي خفت ودخلت بسرعه : شصاااير هنا
وقفت بسرعه وحضنت ريم
خفت يوم حضنتني جنى : جنوو شصاير
دموعي طاحن وبهمس : عمي ابو رامي يبي يخطبك لرامي وغنى عرفت وقاعده تصيح
انصدمت من الي قالته لي جنى وما عرفت وش اسوي
وقفت ومسحت دموعي : انا مو زعلانه ان رامي بيخطب غيري الي مزعلني انها اختي
وقفت وحضنتها : غنوو انتي تعرفين الي سويته حرام وغلط وما كان لازم تسوينه ويمكن هالشي قسمة ونصيب
فكيت نفسي من فارس : انا غلطت وصلحت غلطي ..والحين ممكن تعطيني جوالي
مديت لها جوالها : تفضلي
اخذت جوالي وفكيت البطاقة وكسرتها ورميت جوالي من الدريشه ورحت لريم : تصدقين احس بشعور غريب ..مدري وشلون افسره لك ..انتي اختي حبيبتي وبتظلين كذا لو مهما جرى ..ولا شي يقدر يفرقني عنك لا حب ولا زواج ولا شي
فكيت جنى ومسكت غنى من كتفها : اصحي يا ماما شصايرلك من قال اني بقبل اصلا ..حبيبتي شفيك انا بديت شغلي يعني بديت أسس حياتي اكيد ما رح ادمر كل شي عشان زواج ..غنوو انتي ما رح تفهميني بس صدقيني لو لك نصيب انتي ورامي ولا شي بفرقكم لا انا ولا اي شي ..والحين اسمحو لي بروح اتجهز وانزل لمطعمي عندي شغل وااجد ..وفارس تكفى غير الموود هنا وابي منك لا صار هالشي تلغي لاني مستحيل اقبل ..مستحيل يا فارس
طلعت من الغرفه ورحت غرفتي وخليتهم
جلست عالسرير افكر باللي رح يصير ..
فارس : سمعتي وش قالت يعني ارتاحي والحين غسلي وجهك وانا ان شاء الله بحل كل شي ..
حضنت فارس : مشكور يا فارس ..مشكور
فارس : بس ابيك ما تتأملين وااجد زين
هزيت راسي وابتسمت له ...
_____________________________________
انتظروني بكرا الجمعة ..💖😊
السلام عليكم بنات 🌹
اخباركم 😊
صلو على النبي ★ اللهم صل على نبينا محمد ★
اضطريت انزل لكم البارت اليوم لان عندي ظروف وبإذن الله بكرا اكمل لكم 🌸
استمتعوا بالقراآءة بهالجو الحلو 💖
ولا تنسوني انا ووالديني من دعائكم بهالمطر 👌✌
Like
لامارا غير متواجد حالياً أضافة تقييم إلى لامارا تقرير بمشاركة سيئة