عذبني أنينهآ - الفصل 6 - بقلم للكاتبة هدوئي كارثة - مكتملة | روايتك

الباأإٱآرت الساأإٱآدس 💖 صدقت لو قلت لك مأني بناسيك و كذبت لو قلت لكك راح حبك أنا كل دقيقه أقول الحين أخليك و يرد صدى صوتي أحلم وربك إلا الكرامهه لو تبتعد مَ راح أجيك و إلا الوفا مو لازم يصير جنبكك روح و تؤكل عسى ربي يخليك مقدر أعاند كبريائي و أردك بضل أردد على دوم طاريك أيام حلوههَ كانت أيام حبكك ★ قبل عدة اشهر ★ كنت ماشي بسيارتي واكلم ثامر وفجأة طلعت قدامي بنت ومن كثر ما تخربطت دعمتها البنت بصراخ : ااااااااه وقفت بسرعه وظليت دقيقتين اطالع حولي استوعب وش صار نزلت بسرعه ورحت لها لقيتها طايحه علارض ركضت لها : انتي بخير لفيت عليه وانا معصبه : ما تشوووف انت بغيب تدعمني يا غبي فتحت عيوني وطالعت فيها صح اني غلطان بس لي تغلط : اقووول يا بنت مو بقصدي دعمتك ايشبك تغلطين وقفت وانا معصبه : لما تقوم تدعم بخلق الله شتبيني اسوي لك ااه اصفقلك مثلا مسحت على وجهي : شتبين الحين اوديك المستشفى مثلا البنت بصراخ : لا مابي مستشفى ابيك تنقلع قلت وانا معصب : اقووول يا بنت لا تغلطين احسنلك محترمك لانك بنت مشيت عنه : كويس الي عندك احترام -وراحت - ظليت اطالع فيها وشفت بطاقة طايحه منها واخذتها وكانت بطاقة احوال : اليين جاسم ال... حششا مو بنت ..وشلون بعطيها البطاقه لحقتها بسرعه وشفتها بتركب بسيارة : يا بنت ..يا بنت طالعت في ولقيته نفسه : هذا وش يبي ..نعم قلت بهمس " نعامة ترفسك " : بطاقتك انخرشت ليكون شاف صورتي : هاا بطاقتي ابتسمت لما شفتها خايفه : لا بطاقتي يعني نزلت من السيارة وانا اشوفها تكلم شاب : الين لفيت على اخوي : شوي واجيك طالعت بالشاب الي معها وكاني اعرفه : فارس طالعت بالشاب وانا ما اعرفه : اي فارس رحت له وابتسمت : شلوونك يولد وينك ما حبيت احرجه بس ما عرفت : والله اني مشبه عليك ... ابتسمت له : كسار نسيتني طالعت في مستغرب : كسااار وش صاير فيك ضحكت وانا عارف انه للحين مستغرب مني : ظرووف يخووك ..ثامر شلونه وعبدالرحمن وعبدالعزيز وعبدالله زمان عنكم فارس : والله بهالدنيا ياخي الشغل شاغلنا كسار : الله يوفقك ..اكلمك ورانا جلسات فارس : افاا عليك تنور ودعت كسار ورحت للسيارة ولقيت ست مكالمات من ثامر : هلاااا ..شفيك ..لا مو حادث بس صدمت بنت ..لا تخاف ما صار فيها شي تقول جني ..ما عليك تعرف من شفت ..كسار ..اي الي كان بدفعتنا ..اي ..قلتله لنا جلسه ..خلاص اوصل واكلمك ..سلام رحت مع كسار وانا ابتسم : هااا شلوون كسار ابتسم : عجبتيني ضحكت انا وكسار وكملنا طريقنا للبيت ________________________________ @ نرجع لمسار الرواية @ جالسين بالاستراحه وكل واحد تغدينا وصلينا الظهر وجو الشباب وجالسين يغيرون الجو لنا ساعه نحاول فيهم نغير جوهم بس علفاضي عصبت عليهم : ياخي انا عمري ما ترجيت احد بس مو متعود عليكم كذا ابيكم تضحكون انتو ما تعرفون قد ايش افرح لا شفتكم فرحانين تكفوون لا تزعلون اضحكو وان شاء الله كل شي يتحسن سمعوني انا فاشل بالتعبير بس الي ابي اقوله لكم ان كل شي بينحل ان شاء الله طالعنا كلنا بسلطان الي بعمره ما شفنا كذا متأثر حبيت اطقطق على سلطان : سلطان متأثر مرة طالعت بفهد بنص عين : كل تبن بس زين حسيت اننا زودناها ولازن نغير جونا : توأمي طالعنا بعبدالرحمن : نعمم قمت ورحت مديت لهم يدي : امسكو يدي مسكنا يد عبدالرحمن وقمنا : شفييك عبدالرحمن : ابيكم تغيرون النفسية نبي نخلي الكل يشوف التوأم السعيد مابي نوري الناس اننا حزينين واذا على انين ان شاء الله بنحل قصتها كل واحد بيرجع شغله وننشغل ونسوي كل شي بس اهم شي ننسى كل شي وما نبي شي يأثر علينا طالعنا بعبدالرحمن وكلامه صدق : صحيح عبدالعزيز : انا برجع الشركة واشغل نفسي عبدالله : وانا بعد اهم شي انسا كل شي صار قمت من فرحتي ارقص : اخييرا كذا ابيكم بهالمناسبة بنصور سناب تعالو هنا فتحنا جوالاتنا كل وقمنا نصور سنابات وننشر فيصل : بروح الحين انا عبدالرحمن : وانا عندي حاله بتابعها عبدالله : وانا وعزوز عندنا شوية شغل سلطان ونواف : وحنا بنخلص شغلنا نايف : راكان تخاويني راكان رد : عالموت افاا عليك افترقو الشباب وكل من سرا لشغله .. ________________________________ طايحه بنص الغرفه بطرحتها وبدموعها بدت تصحى شوي شوي ...قمت وانا احس بوجع بكل جسمي من الضرب الي امس وقفت بصعوبه ورحت لشنطتي واخذت لي بجاما ودخلت الحمام - اكرمكم الله - تروشت وطلعت ولبست جلالي وصليت الظهر وحاولت افتح الباب بس مقفل رتبت الغرفه قد ما اقدر ونظفتها وجلست على السرير افكر بمستقبلي ووش بصير فيني الحين مع ياسر صحيت من النوم وانا مفكك الف وطالعت حولي وكانت الغرفه ظلام طلعت ورحت المطبخ وما عرفت وش اكل وجيت برجع غرفتي بس تذكرت انها محبوسه بالغرفه رحت لها وفتحت الباب حسيت ان في حد عند الباب وفجأة انفتح نقزت من مكاني وقلبي بوقف من الخوف طالعت فيها لقيتها جالسه بنص السرير وباين انها خايفه : اقوول قومي سوي فطور بسرعه طالعت في وانا خايفه : وين المطبخ فتحت الباب ع كبره : تحت قومي تحركي قمت بشويش ورحت اتجاه الباب بس خفت امر من جنبه انتظرت حتى يروح وطلعت : يا رب ساعدني وش بسوي الحين .. رحت المطبخ وطالعت بالثلاجه وكانت فاظيه والخزاين فاضية المطبخ بكبره فاضي وما عرفت وش اسوي ... شفتها واقفه وتاكل بأظافرها : شفيييك نقزت بسرعه ولفيت عليه : م..مافي ش..شي ياسر : لا حوووول وش هالغبنه ..زين بروح افطر برا تريحت يوم قال كذا حتى لو اموت من الجوع هنا لحالي ولا اشوفه قدامي لبست وطلعت وخليتها لحالها بالفلله قمت الف بالفلله وكانت كبيرة واجد ( اول ما تدخل تلاقي صاله كبييييرة تصميم كلاسيكي والدرج بنص ولونه ذهبي والجهة اليمين في المطبخ طبعا المطبخ فخخم وكبير تطلع من المطبخ تلقى غرفة الخدم طبعا كبيرة وفوق في غرف كثيرة وتصميمهن بسيط ويجذب الناظر والثريات كبيرة بكل الفلله والدور الثالث فاضي ما في شي لان ما حد يسكن في ..الحديقه تجننن كلها عشب اخضر وبالنص في مسبح كبير وفي ورود بس ذبلانه لان ما حد يعتني فيهم وفي الجهة الثانية من الفلله في زي شلال كبير وطوايل وكراسي وفي غرفتين يمكن للسواقين والملحق كان كبييير ) هذه مواصفات فلله ياسر .. شفت الغبار بكل مكان قلت خليني اتسلا شوي رحت جبت مويا وبديت انظف بالفلله بديت بالدور الثالث كان كبير بس قدرت اخلصه وقمت اغني وانا انظف : الي سرا ليلة الجمعه وعلى وله عز الله ان ليلة فراقه دروس وعبر الله يسهل خطا رجله ويغفر خطاه .....خذ كل شي وعطاني خنجر من جفا .... مدري لي حسيت اني ببكي كل ما اسمع هالشيلة يذكر علي عزوز اخوي مدري لي اتذكره خلصت الدور الثالث ونزلت للدور الثاني وبديت انظف حسيت ان ظهري انكسر بس قلت انظف وش وراي نظفت الغرفه كلها ووصلت عند اخر غرفه جيت بدخل بس الباب عيا لا يفتح دفيته شوي ودخلت كانت غرفه كبيرة شوي وكانت حلووة وااجد جذبني تصميم الغرفه شفت في اوراق كثيرة مرمية علارض وصور وملابس بديت ارتب فيهم وطبعا الاوراق ما عرفت وين احطها رحت وجبت صندق من الي عندي وحطيتهن كلهن داخل والصور والخزانه نظفتها ورتبت الملابس داخل الخزانه وكنستها ومستحتها ورتبت السرير وفتحت الدريشه عشان تتهوا شوي طلعت وسكرتها ونظفت الممر الطويل ومسحت الدرج وخلصت منه دخلت للمطبخ وبديت ارتبه وبعدين غرفة الخدم والصالة خليتها اخر شي لانها تجي اربع غرف مع بعض رتبت الكنب ونفظته ومسحتها ومسحت المزهريات والتلفزيون كان كبير وااجد بعد تعب ساعات رميت نفسي عالكنبة وما حسيت الا وانا نايمه وما دريت عن شي ابدا ..... ________________________________ رحت المكتب عشان اشوف اخر التطورات بالقضية الي ماسكها وتذكرت ان في موعد لملاك اختي ورجعت للبيت لقيت امي جالسه بالصاله : هلا بالغالية شلوونك ام ثامر : الحمد الله يا يمما انت شلونك رحت حبيت راس امي : بخير دامك بخير يا قلبي شقاعده تسوين ام ثامر : والله يا يمما كنت بروح الجمعية الحريم بسوون اجتماع ولازم اكون معهم مسكت يدها وحبيتها : الله يحفظك ويديمك لنا يا يمما انتبهي لنفسك زين انا باخذ ملاك الحين ام ثامر استغربت : وين بتاخذها يا ثامر قمت ورحت غرفة ملاك اختي دقيت الباب بس ما ردت : ملاك ..ملووكه ..ملاك ظليت انادي بس ما ردت فتحت الباب لقيتها جالسه وتلعب بألعاب رنيم اختي مدري وش اسوي رنيم بغيبوبه وملاك حالتها صعبه : ملاك لفيت جهة الباب وشفت ثامر : ثامر ادخل دخلت وقفلت الباب وراي : شقاعده تسوين مسكت العاب رنيم : اشوف العاب رورو اذكر يوم كان عمرها اربع سنوات امي شرت لها هاللعبه وانا عجبتني قمت اخذتها منها وهي قامت تبكي بقووة وبصوت عالي وانت جيت ضربتني واخذتها مني وعطيتها رنيم ..يومها كرهت رنيم وقلت اني ما رح اكلمها ابدا ... حسيت ان الدنيا ضاقت فيني بعد هالكلام الي سمعته من ملاك : ملاك طاحت دموعي بدون ما احس : ليتها ترجع والله اعطيها كل الالعاب والله بس ترجع والله حضنتها بقوة وانا دمعتي طاحت مني حسيت اني ما اقدر اساعد اختي ابدا : ملاك تحبيني طالعت بثامر وابتسمت : كيف ما احبك ثامر : اجل ابيك تسوين شي عشاني ملاك : وش هو ثامر : قومي البسي وانزلي انتظرك حسيت ان وراه شي : مابي مالي نفس ثامر : خلاص يا ملاك عشاني هزيت راسي بشويش : زين حضنتها وطلعت برا الغرفه ولقيت امي عند الدرج : شفيك يمما لي واقفه هنا ام ثامر : وين بتاخذ ملاك عرفت ان امي بتعصب بس لازم تعرف : باخذها للدكتور نفسي ام ثامر عصبت : وش هالكلام يا ثامر ااه تبي الناس تقول بنت سالم تروح دكتور نفسي عرفت ان امي تفكر بكلام الناس : يمما تفكرين بكلام الناس اكثر من صحة بنتك سمعت كلامهم وحسيت بضيقه كبيرة : جاهزة ام ثامر بحدة : ملاك ما بتروح يا ثامر ثامر بحده اكثر : يممما باخذها وما حد بوقف بطريقي ...ومابي اسمع اي شي ..ملاك امشي مسكت يد ملاك وطلعنا من البيت ورحنا للعيادة حقت عبدالرحمن ملاك : بتاخذني لدكتور نفسي لفيت عليها وهزيت راسي ملاك : يعني انا الحين مجنونه بنظركم طالعت فيها : ملاك مو شرط تكونين مجنونه هو بس بساعدك مو اكثر استغربت لما قال بساعدك : يعني هو رجال ثامر : اي رجال وهو صديقي وانا اعرفه زين وصلنا للعيادة حقت عبدالرحمن ولقيتها مفتوحه : اشواا انه فاتح ... دخلنا ولقيت السكرتيرة : لو سمحتي اختي عبدالرحمن موجود داخل السكرتيرة : اي موجود ..استاز ثامر صحيح ثامر : اي .. السكرتيرة : تواني بس دخلت السكرتيرة وطلعت : استاذة ملاك سالم تدخل طالعت بالسكرتيرة مستغرب : مقدر ادخل السكرتيرة : اسفه بس قال بس الانسه ملاك تدخل هزيت راسي ولفيت لملاك : ملاك ادخلي لا تخافين انا هنا واقف برا خفت افوت لحالي ومسكت يد ثامر بس هو مسك يدي : لا تخافين ادخلي دخلت الغرفه وكان في مكتب ورجال قاعد علكرسي ومعطيني ظهره ترددت وما عرفت وش اسوي : أأنا جييت ..قصدي دخلت سمعت انفاسها كانت تتنفس بسرعه باين انها خايفه ..لفيت عليها وطالعت بعيونها ما كانت متنقبه : ملاك صح هزيت راسي وانا حسيت ان بديت اعرق : اي عبدالرحمن : اجلسي لي واقفه حسيت حالي داخله عند الادارة مو عند دكتور ما تكلمت ابد كان يطالع فيني بنظرات غريبه حبيت اخوفها بالأول ابي اشوف كيف طبيعتها باين انها من النوع الخواف وتخاف بسرعه وبحركه مفاجأة ضربت بيدي علمكتب : ملااااك فزيت بسرعه من مكاني ورجعت خطوتين ورا بهالحظة شفت قدامي كسار مدري كيف : ووخخر وخخر عني ..لا تقرب والله ان قربت ..وخخر حسيت اني تسرعت بهالحركة واضح انها تعبانه وتحسبني شخص ثاني طريقة كلامها وتأتأتها وحركات جسمها : ملاك اهدي انا اسمي عبدالرحمن لا تخافين مسحت على وجهي وسميت بالله : بسم الله عبدالرحمن : تعالي معاي استغربت من طلبه ما تكلمت ورحت معه فتح باب بالغرفه ودخلنا كان في صاله كبيرة زي صالة بيتنا استغربت لي جايبني هنا خفت فكرت انه بسوي فيني شي بس ما تكلمت ظليت ساكته عبدالرحمن : شرااايك في ..هنا بنقعد نتكلم طبعا ما حد يعرف بهالمكان غيرك ..خلك هنا شوي بطلع اشوف ثامر وارجع ما بطول طلعت اكلم ثامر وتركتها تتفحص المكان براحتها وتشوفه : ثامر وقفت وشفته مبتسم : ها بشر عبدالرحمن : ان شاء الله كل شي بكون بخير ثامر : وين هي Like لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة قديم 02-02-17, 10:39 PM #15 لامارا مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام الصورة الرمزية لامارا ? العضوٌ??? » 216 ? التسِجيلٌ » Dec 2007 ? مشَارَ?اتْي » 87,661 ? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute افتراضي عبدالرحمن : داخل ..انت الحين تقدر تروح يعني ما عاد له داعي تبقى حطيت يدي عكتفه : اختي بأمانتك يا عبدالرحمن ابتسمت وحطيت يدي عيده : افاا عليك اختك اختي يا ثامر .. قمت اتفحص المكان واشوف الصاله كان تصميمها مجنون شوي يعني اللون الي على الحيطان ولون الكنب والاضواء قربت شوي وشفت صورة كبيرة فيها ثلاث اشخاص يشبهون بعض وااجد وبالنص في بنت ما شاء الله عليها تجنن كانو حاضنينها توقعت انها اختهم ...كان في مطبخ صغير ..يعني لما جينا استغربت كبر العيادة يعني عيادة بهالحجم اكيد وراها شي دخلت من وراها شفتها واقفه قدام صورتنا انا وعزوز وعبود وانين : ذول توأئمي واختي لفيت عليه وطالعت في بس ما تكلمت عبدالرحمن : مو ناوية تقولين شي طالعت في وصديت عنه عبدالرحمن : ترا الكلام ببلاش ظليت اطالع بالصورة بدون ما اكلمه عبدالرحمن : تعالي اجلسي هنا رحت وجلست مكان ما قال لي حسيت انها ما تبي تتكلم فسرته خوف لان مو سهله تروح دكتور نفسي : ملاك كم عمرك رديت عليه ببرود : اربعه وعشرين ابتسمت انها ردت علي رغم برودتها : طولة العمر ان شاء الله طالعت في مستغربه من تصرفاته عبدالرحمن : طيب يا ملاك الحين بصير جدي اسمعيني انا هنا ما رح اعالجك انا بساعدك انا دخلت هالمجال لاني احب اساعد الناس اما قصة العلاج والكلام ذا ما يمشي معاي احب اساعد الناس بطريقتي اكيد استغربتي ليي ما في سرير وموسيقى هادية واطفي النور زي بالافلام لان هذه طريقة صارت قديمه الحين انا بساعدك بطريقتي ..اول شي بعرفك على نفسي وبعدين انتي بتعرفيني على نفسك ..اسمي عبدالرحمن عمري سته وعشرين سنه عندي توأمين عبدالله وعبدالعزيز واختين انين وسارة عايشين مع امي وابوي درست بايطاليا علم نفس والحين مثل ما تشوفين انا طبيب نفسي بس ما احب هاللقب ...واش بعد ..اي مو متزوج ولا خاطب ولا شي ..احب الفلله نوعا ما واحب امزح بس مو دايما ..ومع الوقت بتتعرفين علي وعلى شخصيتي ..هذا انا طالعت في مستغربه شلون يقدر يتكلم كذا وما يتعب ابدا بش قررت اني ما اتكلم عرفت انها ما تبي تتكلم : طيب يا ملاك ما تبين تتكلمين طالعت في : انا مابي اتعالج عبدالرحمن بشك : انتي اصلا مو مريضه انصدمت من كلامه : شقصدك حبيت اني اكتشفها : وش هو اللون الي تحبي ملاك : الابيض عبدالرحمن : تعرفين وش ابرز صفات اللون الابيض ..الجبن، والخوف، وعدم التصور ..انتي خوافه والخوف مسيطر على قلبك يا ملاك ملاك : مابي اتعالج عبدالرحمن : بس انا بحاول وبعرف وش مشكلتك انين لي تحاولين تغطين نفسك باللون الابيض تعرفين وش بعد من صفات اللون الابيض النقاء والصفاء لي مو قادر اشوف هالصفات فيك طالعت في : اسمي ملاك مو انين ما انتبهت على نفسي ابدا : ملاك اسف ..والحين ما تبين نبدا ملاك : نبدا ب ايش عبدالرحمن : تكلمي عن نفسك ..اسمعي حنا بنحدد ساعه وحده باليوم وحنا لنا نص ساعه ما تكلمنا عن شي ابدا وبعد شوي بجي ثامر ولازم تتكلمين ملاك : ما متعودة اتكلم قدام احد غريب عبدالرحمن : اااها فهمت يعني مو متعودة علي بعد ..زين في وقت قدامنا نتعرف على بعض وتتعودين علي ..طيب ملاك علميني وش كنتي تسوين من سنه بمثل هالتوقيت استغربت سؤاله بس جاوبت : كنت انا ورنيم نجلس بالمطبخ نسوي كيك كنا نحب نسوي كيك ..يعني ما كنت اسوي شي مهم بحياتي كل وقتي مع رنيم او نايمه او عالجوال اخيرا تكلمت وانا استغليت الفرصه : من رنيم ملاك ابتسمت : اختي رنيم ..بصراحه كانت اختي وصديقتي كل شي نسوي مع بعض كل شي حتى الصلاة نصلي مع بعض كانت حياتنا مريحه وما فيها اي مشاكل عبدالرحمن : طيب وينهي الحين اختفت ابتسامة ملاك : راحت ..مدري ..هي مو موجودة ..يمكن ماتت ويمكن عايشة ما فهمت شي ابدا : طيب من تحبين اكثر ابوك ولا امك احترت بجوابي واخذت وقت افكر : مدري عبدالرحمن : وش افسر كلمة مدري يعني من كثر ما تحبينهم ما تقدرين تقولين من تحبين اكثر ولا محتارة من تحبين اكثر ملاك : يمكن محتارة من احب فيهم ..ابوي سبب دمار حياتي انا ورنيم وامي ما يهمها الا المجمع والاجتماعات وكلام الناس عبدالرحمن : طيب ثامر ملاك : ثامر هو الاب الروحي لي مو بس اخ هو الملاك الحارس حقي بكل شي يساعدني ويوقف معاي ثامر هو كل شي بحياتي ولو يطلب عيوني عطيته عبدالرحمن : طيب ملاك لي ما تزوجتي للحين انقلب وجهي وحسيت ان لو كملت ببدا اصيح : مابي اتكلم بشي خلاص حسيت ان في شي غريب : لي طيب وش صار الحين كنتي تتكلمين ملاك : قلت مابي اتكلم بهالقصه عبدالرحمن : براحتك بس بظل احاول معك ملاك : مابي تحاول ومابي شي ابدا عبدالرحمن : طيب لي تخفين خوفك بالصراخ ملاك بصراخ : ماني خوافه عبدالرحمن : الا خوافه والخوف بعيونك ملاك بحده : قلتلك ماني خوافه ماني خوافه حسيت لو زودتها شوي بتفقد اعصابها : زين خلاص هدي ..هدي قمت ارجف مو بردانه بس للحظة حسيت ان كسار قدامي مدري لي اتخيله كسار عبدالرحمن : ثامر بيجي الحين ..بعد يومين لنا موعد ثاني طلعت من الصاله ودخلت المكتب : ماني جايه ابتسمت على طريقتها : بتجين يا ملاك لان لو ما جيتي بدمرين نفسك بيدك لفيت عليه وانا مستغربه من طريقة كلامه كانه يعرف وش فيني كانه يعرف وجعي ... دخلت المكتب ولقيتهم جالسين : السلام عليكم ملاك وعبدالرحمن : وعليكم السلان ورحمة الله وبركاته ثامر : هاا خلصتو عبدالرحمن : لا باقي ..بعد يومين في جلسه ثامر : خلاص اجل بعد يومين اجيبها عبدالرحمن : ثامر اتمنى بعد ما توصل اختك تتصل فيني في شي لازم نتكلم في استغربت من طريقة كلام عبدالرحمن : زين ________________________________ كنا شابكات مع بعض وجالسات نشكي لبعض ميهاف بحزن : وش قاعده تسوي الحين يا ترا ليين : معقوله يضربها عهود بقهر : مو معقوله الا اكييد ميهاف : بنات خايفه يسوي فيها شي عهود : الله يسامح جدي وعمي دمرو حياتها ليين : بنات انا شفت منيرة تضحك امس ميهاف بكره : اكييد فرحانه الحيه عهود : لا حول ولا قوة الا بالله ليين : وش بنسوي الحين ميهاف : مدري يا بنات مدري عهود : ميهاف اكلمك زين نايف يناديني ميهاف : زين خذي راحتك تركت ليين وميهاف عالجوال ورحت اشوف نايف : تناااديني نايف بعصبية : لي سااعه انادي وينك نزلت عن الدرج وانا اشوفه معصب : كنت اكلم ميهاف شتبي الحين نايف : تعالي ابيك بموضوع عهود : وش الموضوع نايف بتردد : شسمن يعني ..انا كنت ابي ..بصراحه قررت اخطب فتحت عيوني ع كبرهن : قررت وشوو يمكن ما سمعت زين ..عيد عيد عرفت انها بتسوي كذا : نوييت اخطب عهود : تبي تخطب ..يعني تبي تتزوج طالعتها بنص عين : عهود ناوية تنجلدين ضحكت على شكله : هههه لا لا خلاص ..بس من هي لاحظت انها مو مبسوطه حتى ضحكتها مو نفس ضحكة عهود الي اعرفها : اول شي تكلمي ايشبك زعلانه انا ونايف نفهم على بعض مرات : مو مهم اهم شي قولي من هي الي يتخطبها عرفت انها ما تبي تتكلم بس ما حبيت اضغط عليها : انتي تعرفينها طالعت في مستغربه : اعرفها ..ميهاف ..ولا سارة نايف : وجعع لاولا وحده قوت بنت عمي علي اختفت ابتسامتي يوم سمعت اسم قوت : قووت بنت عمي علي .. لاحظت عليها كيف تغيرت : ليي مو زينه عهود : قوت طاحت من عيني من يوم ما وقفت بصف ياسر ومن يوم كرهت انين نايف : بس يمكن لها اسبابها عهود : اندري ان لها اسبابها وما قلت شي بس الي سوته يوم العرس غير نظرتي لها كليا ..اسمعني يا نايف انا مو ضد هالبنت لكن انا مو قادرة اسامح قوت على الي سوته رغم ان قلبها طيب وحبابه بس انا مدري في شي تغير فيني اتجاها ..بس كزوجه يمكن ما بتلقا احسن منها ..انت شف رأي امي واذا انت تبيها ربي يوفقك ويهنيك ان شاء الله ..انا خليت البنات ينتظروني عالجوال بروح هزيت راسي لها وتركتها ورحت لامي اكلمها طلعت بسرعه للغرفه ولقيت ليين متسندحه وتكلم ميهاف شبكت معهن ودخلت عالخط : بناااات لكم عندي خببببر نااااااار ميهاف : وش هو ليين : يا نذله انا جمبك وما تعلميني عهود : اخوي نايف ناوي يخطب ميهاف وليين مع بعض : منن هيي عهود : حززري ميهاف بتحلطم : قووولي عااد ليين : من هيي عهود : قوت ليين بصدمة : قوووت ميهاف : بنت عمي علي عهود : يب يب ليين : مدري يعني ...-وسكتت- ميهاف : عاد انا زعلانه منها او مدري بس احس ان قوت تغيرت ________________________________ قاعده تصيح من امس ودمعتها ما وقفت : قووت يا قلبي خلاص لا تبكين قوت تصيح : انا السبب ..انا السبب اريام : وش دخلك انتي لك من امس تقولين انا السبب انا السبب وش دخلك قوت تصيح : يوم كنا بنروح بيت جدي سمعت ياسر يتكلم مع واحد ويقوله يبي بنت صغيرة ومن هالكلام بس ظليت ساكته قلت يمكن يتغير ويوم تكلم قدام جدي ان بيتغير قلت اكييد بيتغير وانا بساعده بس بدون ما يحس لاني اعرف ياسر يكره احد يساعده بس علفاضي وانا ما اكره انين والله بس من عصبيتي على ياسر كرهتها ولو ما قفلت الباب على البنات كان الحين هي ما تزوجت ياسر ما كان راحت للموت برجولها وانا الي وديتها انا السبب يا اريااام انا السبب انا انا .... حضنتها وانا مو عارفه وش اقول يعني كل شي صار بسرعه لدرجة اننا حكمنا على انين قبل لنعرفها بس حنا نعرف ياسر من سنوات وما سوينا شي ظلمنا البنت والحين ظلموها اكثر مع ياسر كنت واقف عند الباب وسمعت كل كلامهم فتحت الباب ودخلت : ما توقعت قووت الطيبه بيوم تسوي كذا ..شلون قدرتي تسوي كذا يا قووت شلون طالعت بفهد وانا احاول اشرح موقفي بس ما لقيت كلمات تنقذني : فهد تكفى اسمعني والله مدري وش اقول والله انا ندمانه والله مدري وش اقول والله اريام : فهد لا تزودها مو شايف حالتها من امس وهي تبكي فهد : والبنت الي بتكمل حياتها بدموع وعذاب وش وضعها دخلت الغرفه على اصواتهم : وضع من فهد بطفش : والله طفشت من هالبيت ومشاكله كل يوم اكتشف شي بواحد فيكم فيصل مستغرب : قووت لي تبكين وفهد شفيك شصاير فهد : اختك قووت كانت تعرف بكل شي قبل زواج ياسر بس ما تكلمت وسمعته بس ظلت ساكته وبسببها البنت المسكينه بتعاني الحين فيصل : قووت مسحي دموعك وانتي غلطي صح بس ما في فايدة من هالبكا ما برجع شي ابدا وانسي كل شي وانت يا فهد ابوي لا يدري بشي لانه لو عرف بيقلب البيت فوق روسنا اريام مسكت قوت : خلاص هدي ..بعد يومين بيجي ياسر مع انين وتقدرين تستسمحين منها وخلاص تنحل المشكله فيصل : خلاص فكوها عاد وش ذا فهد : بروح ارسم طفشت فيصل باستهبال : رح رح يا فنان زمانك فهد : قسم بالله قهر خربت سفرة لندن بسبب هالزواج الخايس فيصل : شرايك نروح جده فهد : الحين فيصل : اي نشوف الشباب ونروح طفش فهد : فكرة مو سيئة نروح لي لا ..بجيب الواني وبرسم هناك البحر هناك يجنن فيصل ضحك : هههه زين بكلم الشباب ________________________________ راكب سيارتي وافحط شمال يمين ودورة وامشي السيارة على عجلتين وخربت كفرات السيارة وطبعا في كثير يبون يتحدوني وخسرو الي شخص واحد للحين العداوة بيني وبينه نزلت من سيارتي ورحت له : تودي شباب يضربوني غدر وانت تشرد طالعت في ووقفت قدامه : مو سالم الي يشرد فاهم راكان : شكلك ما تعلمت من الجلد الي انجلدته سالم بتحدي : اشوفك واثق من نفسك وين ثقتك يوم طرحوك ثلاث بزران راكان بثقة : ما تعودت يجوني من ورا لاني دايما اجلد من قدام مو من عاداتي اطالع وراي سالم : قدامك وقت يا راكان وخل اشوف وش بتسوي راكان : اخر فرصه لك هالمرة هزمتني تاخذ هالسيارة هزمتك مابي اشوف وجهك بهالمنطقه ابدا سالم : وانا قبلت ركبت سيارتي وهو ركب سيارته وبدينا السباق مع تفحيط بس بدون ما نحتك ببعض كان مرة هو يسبق ومرة انا بس اخر شي سبقته ووصلت قبله نزلت من سيارتي ورحت له : ثاني مرة لا تتحدا الي اكبر منك ولا تخلي رقبتك تطلع فوق وااجد عشان ما تنكسر سالم : بروح يا راكان بس ما خلصنا باقي قدامنا وقت باقي ... ضحكت ورحت سيارتي ولقيت فيصل يتصل : اررررحب بالامير ي هلا ..لا والله افحط لي ..افاااا راكان يخسر ما هقيت تفكر كذا ..هههه ..جده ..ليي..ما وراي شي ..زين اشوفكم ..لا بروح اتروش واريح واقابلكم بالاستراحه ..زين ..مع السلامه ________________________________ جالس اطقطق بالجوال مدري وش اسوي غنى ما ترد على مكالماتي ولا تبي تكلمني Like لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة قديم 02-02-17, 10:40 PM #16 لامارا مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام الصورة الرمزية لامارا ? العضوٌ??? » 216 ? التسِجيلٌ » Dec 2007 ? مشَارَ?اتْي » 87,661 ? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute افتراضي انا لي فترة قمت افقد اعصابي بسرعه حتى سحر زعلتها مني دخلت غرفته لقيته سرحان : وش تسوي طالعت بسديم وصديت : ولا شي شتبين سديم : لي كذا زعلان رامي : سديم تكفين فكيني سديم : غنى ما ترد عليك طالعت فيها منصدم : هاا شلوون طالعت بعيونه : يمكن ما اعرف مصايبك انت وسحر بس اكشفكم انحرجت منها وما عرفت وش اجاوبها سديم : رامي حتى لو تحبها ما يصير تسوي كذا حرااام تحبها رح بيت عمي واخطبها وانسا كل خلافاتك اذا كنت صدق تحبها رامي : انسا وش سوا فارس بسهولة بسببه انفضحنا سديم : لا تنسى يا رامي ان هو بعد كان ضحية صح يعني مو لازم ننسى الشخص مقابل خطأ ولا مو مقصود ..وانت اكثر واحد تدري فزعات فارس لك ومو بس فارس حتى ثامر كان يساعدك بس انت عشان شي بسيط نسيت كل شي وخليت عيونك على الخطأ بدل ما توقف مع اخوانك وعيال عمك خليتهم وصرت ضدهم انت والزمان اسمعني يا رامي انت اكبر مني بس انا الي ابي اوصلك اياه لا تخلي شي يأثر على علاقتك بعيال عمك ولا تدمر قلوب متعلقه ببعض وانت تعرف وش اقصد خلصت كلامي وطلعت من غرفته ورحت لسحر اشوف وش مشكلتها حسيت اني مصلحه اجتماعيه دقيت الباب ودخلت : سحر طلعت راسي من تحت البطانية : على الاقل استأذني ..شتبين سديم : ابي اسولف معك شوي سحر : اقعدي طيب تنتظري اذن يعني سديم : اقوول لا يكثر ..ايشبك لك يومين ما طلعتي من مقرك وش السالفه امي تسأل عليك وابوي بعد شصاير عليكم انتو سحر : ما فيني شي يا قلبي بس تعبانه شوي وابي ارتاح سديم : شلون ما فيك شي وتعبانه ايشبك سندت راسي عالسرير : رامي وينه سديم : بغرفته الحين جيت من عنده سحر : اهاا .. ظلينا دقيقتين نطالع ببعض واحنا ساكتات دخلت امي الغرفه وهي ماسكه صينية الاكل قمت بسرعه ورحت لامي : يممت لي جبتي الصينيه هنا كان نديتي علينا وحنا نزلنا ام رامي : يا حبيبتي باين عليكن تعبانات سحر : يا قلبي انتي ..سديم حطي الصينيه باكل سديم : لا يا حبيبتي هذه لي انا يلا من هنا سحر تتمسكن : يمما شوفيها ام رامي اخذت الصينيه منهن : اقعدو قدامي قعدنا قدام امي انا وسديم : انا اول سديم : لا انا اول سحر : انا اول ام رامي : بنات خلاص كل وحده دور بدينا ناكل من يد امي ونتسابق عاللقمه انا وسديم وفرحنا كاننا بزران دخلت الغرفه ولقيتهم يتسابقون : طيب اقدر اشارك ولا مالي شي هنا ام رامي : تعال امي رامي : يمما لك خمسة وعشرين سنه بالسعودية ما تعلمتي تتكلمين سعودي ام رامي ابتسمت : الا اتكلم سعودي بس احب اتكلم لبناني سحر ضحكت : اللللعب امي تتكلم لغتين هههه رامي : طيب باكل معاكم عرفت ان رامي جاي يصالحني بس انا بتغلا : لو سمحت قمم عن فراشي ام رامي : اهااا لو سمحت ..شصاير بينكم رامي وسحر مع بعض : ولا شي طالعنا ببعض وكل واحد فينا يبي يتكلم مع الثاني بس تعرفون كبرياء والكلام ذا رامي : والله عاد ذا بيت ابوي واقدر اقعد وين ما ابي يا ست سحر سحر : وذا بيت ابوي بعد وذي غرفتي يا سيد رامي المحترم كنا نطالع فيهم ونبتسم كنهم توم وجيري ( تعرف وش يعني يكون عندك اخ او اخت تفهمك تساعدك تضحكك وتلعب معك كل شخص عنده شخص غالي بس احيانا لما يكون عندك اخ او اخت تحس غلا الكون في تحبون بعض وتخافون على بعض بس الي ظاهر هواشاتكم وتبينون لبعض انكم تكرهون بعض بس وقت الجد يبان الحب وتبان الفزعه ...شعور الاخوة شعور لا تستطيع ان تعبر عنه بالحروف لان تخاف ان تقصر بحقه الحروف شعور الاخوة رابط روحي رابط حب خفي بين قلبين يخافون على بعض ... هذا شعور الاخوة الحقيقي ......!! ^_^ #كتابتي ) ________________________________ دخلت الفلله وانا طفشان مو عارف وش اسوي طالعت بالفلله وفكرت نفسي داخل الفلله الغلط : هذه فللتي ..بس .. ما فهمت شي طلعت شي ورجعت شي ثاني كانت تلق لق ومرتبه وما فيها شي مو مرتب كل شي يجنن طلعت الدور الثاني وشفته والثالث بعد : الحين هي نظفت كل ذا لحالها ..بس وينهي ..وين راحت .. قمت ادور عليها بكل الغرف وبالطابق الي فوق والمطبخ والصاله والحديقه : انييين ..انييين انييين وين رحتي انييين ..وين راحت هذه انييييين طلعي احسن لك فاهمه ..وييين رحتي انيييين ... دخلت الصاله ورحت بجلس عالكنبه وشفت نعالها - وانتو بكرامه - ولفيت عالجهة الثانيه وشفتها نايمه كانها طفله حاطه يد تحت راسها ويد عبطنها وشعرها مغطي وجهها وكان نفسها صعب باين عليها التعب يعني صوتي كان عالي وهي ما قامت اكييد كانت تعبانه فللله ثلاث دور وبهالكبر وبهالغرف شلون نظفتها لوحدها ما عرفت وش اسوي اصحيها ولا اخليها نايمه قلت بهمس : انيين انيين انين انين بنوم : امممم عزوز بس شوي تكفى عصبت من اسم عزوز مدري لي مسكتها من كتفها وشلتها بسرعه : انييييييين فزيت من مكاني مخترعه حسيت قلبي برجولي طالعت حولي ما في شي وطالعت قدامي ولقيت المتوحش قدامي قمت افرك بعيوني : شتبي بنام مسكتها من يدها ووقفتها : اقووول لا تسوين فيها الدلوعه فااهمه افررك وجهك هنا ..جبت اغراض نزليهم من السيارة ورتبيهم بالمطبخ وسوي اكل للحين ما اكلت هزيت راسي ورحت للمطبخ وانا منقهرة منه قمت ارتب بالاشياء وبديت اسوي اكل وكنت كل شي اسرح واصحى على صوت صراخه مدري لمتى بتحمله خلصت الغدا ورحت حطيته له : تفضل طالعت فيها ورحت للطاولة عشان اكل وبديت اكل بس شكلها مخربطه وحاطه سكر بدل الملح : وش ذااا ااااه فزيت من صراخه : شصاير .. مسكتها من شعرها : حاطه سكككر هااا كنت اتوجع من مسكته لشعري كان يشد بقوة : ياسر توجعني فككني تكفى ضربتها كف وطاحت من قوته : وش تبين تسوين مثلا اااه انتي هنا خدامه عندي فاهمه وتسوين الي اقولك عليه فااااااهمه قمت اصيح على حظي : فككني ..فكك شعري مدري لي قمت اضرب فيها بقوة : انتي سبب مشاكلي كلهااا انتي لازم تمووتين انين بترجي : فككني تككفى يا ياسر وخخر مسكت الشوربة ومدري كيف طاوعني قلبي وكبيته على يدها قمت اصارخ من الوجع : ااااااااه يدي ااااااااه خليتها مرمية على الارض وطلعت من الفلله لميت الي بقا من كرامتي وطلعت لغرفتي غسلت يدي ودورت ثلج وحطيت على يدي كانت تحرقني بقوة وقمت اصيح حتى ما عندي جوال اتصل على اخواني او على البنات فجأة وانا قاعده دخل الغرفه وبصراخ : قومي بنرجع للبيت بنروح بيت ابوي قووممممي قمت وانا دموعي على خدي لميت هدومي وحطيتهن بشنطة ورحت معه للسيارة ياسر بحده : اسمعي وش بقووول اذا سمعت كلمة بينك وبين اي احد هناااك بذبحك فاهمه او اذا قلتي لاحد عن اي شي فاهمه هزيت راسي وانا ابكي وما لقيت جواب ارد عليه الكلام عندي خلص رحنا بيت ابوي ووصلنا نزلت انا واياها : انتبهي فاااهمه هزيت راسي وظليت ساكته دقيت الجرس وفتحت لي الخدامه دخلت وانين وراي : وين امي وابوي الخدامه : في صاله رحت لهم الصاله : السلام عليكم الكل استغرب : وعليكم السلام ابو فيصل : ياسر ما سافرت انت ياسر : لا يببا انين ما تبي تسافر طالعت في منصدمه من ثقته بالكلام ابو فيصل : كان سافرتو لكم اسبوع علاقل ياسر : والله عاد يببا مدري ..بس نعوضها ما تحملت اشوف هالشي : انا بطلع ياسر : وين يا فهود عصبت من كلمته هذه : اول شي اسمي فهد وثاني شي كلام لا تتكلم معي فاهم طالعت بفهد الي من زمان ما حد فينا يطيق الثاني : ما ذبحناك والله فهد : تبين شي يمما ام فيصل : الله يوفقك يمما نزلنا من فوق وشفنا ياسر : ياااااسر طالعت بقوت واريام : هلا والله شوفته تخليني اخاف رحت لانين : شلونك طالعت بقوت : كيف بكون يعني اريام : انين تعالي معانا فوق قاطعتهم وانا عارف لي بياخذونها : اسف يا اختي زوجتي بتبقى معاي ما ابقى بدونها انصدمنا من طريقة ياسر المبالغه كان مبين انه يسوي كذا قدامنا وتعابير وجهه فضحته اريام : براحتك ..قوت تعالي نروح نكمل شغل طلعت مع ياسر على الجناح حقه وعرفت انه بيضربني ضربتها وطاحت عالسرير : وش قلت لك انا ااه قمت اصيح لان ما بيدي حيله وش بسوي يعني بضربه قمت اضرب فيها لين حسيت براحه احس براحه كبيرة وانا اضرب فيها طلعت جوالي ياسر بصراخ : والله ما ترتاحين ابدا اتصلت براشد : الوو راااشد ..ابيك تجهز لي شي مضبط ..راسي بينفجر ..زين جايك رميتها علارض وطلعت من الغرفه كنت مكورة نفسي عالارض واسأل نفسي لمتى بتحمل هالذل الي انا في ..لمتى بظل كذا الكل يضربني وقت ما يبي ..انا شخصيتي ضعيفه وهالشي خلا الكل يتحكم فيني انا السبب بهالشي انا خليت من نفسي لعبه لهم ... ________________________________جالس افرفر بهالاوراق موب عارف وش اسوي احس كل شي حولي مضايقني انين مدري وش علومها والنذل ياسر مدري وش يسوي فيها لازم الاقي حل واخلي يطلقها لو اضطريت اني اسوي اي شي عشان يطلقها بسوي اهم شي ما تبقى عنده .. دخلت المكتب شفته يطالع حوض السمك وباين انه سرحان : عزوووز ..عزووز طالعت بعبدالله بنص عين : شتبي عبدالله : قمم بنروح جده حطيت راسي علمكتب : ماني رايح عبدالله : كيفك برووح انا وبجيب هديه لانين ما كنت صاحي ابدا فيني نوم ومضايق : زيين رووح وانتبه لنفسك واي شي يصير معاك اتصل فيني فاهم ولا تسوي شي غلط زيين ابتسمت على خوفه وحبه لي : ترا عمري سته وعشرين موب ست سنوات يا توأمي طالعت في وعيوني حمرا من النوم : اقوول ضف وجهك لاقوم افركه بالارض ضحكت عليه : هههه زين زين سلام ابتسمت له : سلام .. انا وعبدالله وعبدالرحمن نتشابه بالشكل بس تفكيرنا واطباعنا غير ..مثلا عبدالله مسالم ما يحب يمد يده بس احيانا ينجبر يضرب يحب كل الي حوله وما يحب يزعل احد فيهم ..عبدالرحمن اخوي شديد ووقت الجد جد ما عنده استهبال شديد بأوامره وحريص جدا بس اذا ضحك تنسا همومك ..انا عصبي وااجد يمكن لاني عقولة الدكتور مختلف عنهم شوي انا من يوم كنت صغير عندي مشكله بالقلب بس خفيفه ما تضر ابدا الحمد الله بس انا اتعب نفسي رغم حرص عبدالرحمن الشديد بس قدرت ادخن واعصب واسوي كل شي انا ممنوع منه ..مدري لي ..حبيت بنت وحده بحياتي وهي اريام بنت عمي حبيتها من اول مرة شفتها في بس الحين مدري لي تغير داخلي شي ..اخاف اكرهها بسبب كرهي لاخوها اخاف يجي يوم واكرهك يا اريام ...... ________________________________ نروح لمكان مختلف وشخصية جديدة :- ★ لندن ..مدينة الضباب ..مدينة العشاق بنظري انا علاقل ★ جالسه عطرف الطاولة ببنطلونها المشقوق والتيشيرت الاسود الي لابسته صابغه شعرها اشقر وحاطه اكسسوار بخشمها واذونها من فوق لتحت : جوولي تعاالي هنا رحت لها وانا معصبه : انتي شلون تطلعين مع تركي ااه شلوون ابتسمت وشلت السيجارة من فمي : حبيبتي هو اصلا ما يطيق يشوف وجهك عشان كذا انسحبي بكرامتك عصبت عليها مع انها صديقتي : ااه يا جليلة الحيا تخونيني انا رفيجتج زين يا سارة الايام بينا ضحكت ضحكتي المعتادة : ههههه مع السلامه جيت ولقيتها جالسه على طرف الطاوله : هلا بالغلا هلا والله هلا بقلبي هلا بروحي هلا بريحة هلي هلا وهلا وهلا طالعت في بنص عين ووقفت : اقوول لا يكثر وليلة ما تسوي بيننا شي ..وثاني شي انا ما طلعت معاك عشان عيونك سويت كذا عشان اقهر جولي والحين رح من هنا احسنلك فاهم ومابي اشوف وجهك ابدا مسكتها من يدها وقربتها لي : ترا موب هالسهوله يا سوسو وراك وراك نفظت يده عنه بقرف : وخخر اقووول خليته ورحت بطريقي للجامعة شفتها واقفه عند البوابه وتنتظرني : هاا شلوون تمثيلي ابتسمت لها : واااو تهبليين تهقين صدق غمزت لها وضحكت : يصدق لي ما يصدق حضنتها بقوة : واااي سارة حسيت قلبي بيوقف والله طالعت فيها ومسكتها من شعرها : جولي حبيبتي طالما انتي مع سارة لا مجال للخوف جولي بحزن : بعد يومين سفرتك للسعودية حسيت ان معدتي انقلبت من هالسالفه : يرحم امك غيري السالفه موب ناقصني غث زيادة جولي : لا تنسيني تعلميني بكل شي يصير وياج فاهمه سارة : زين زين زين زين غثيتيني باكل لي لقمه واروح لكلاس جولي : زين كلي كلي سارة 20 ( طويلة وضعيفة شعرها قصير حلوة بس اخلاقها شينه تشبه امها نسخه منها حياتها كلها فلله وشباب ورقص وكلام فاضي تكره احد ياخذ شي يخصها والي يعجبها تجيبه ما تحب احد يستفزها لانها تنتقم منه شر انتقام ) ________________________________ جالس بغرفني طفشان فارس نايم والتوأم مدري وينهم والريم Like لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة قديم 02-02-17, 10:41 PM #17 لامارا مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام الصورة الرمزية لامارا ? العضوٌ??? » 216 ? التسِجيلٌ » Dec 2007 ? مشَارَ?اتْي » 87,661 ? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute افتراضي جالسه مع امي وانا لحالي ومو عارف وش اسوي قلت انزل اقعد مع امي تحت نزلت وشفتهم يضحكون : الله يديم الضحك يا رب والوناسه ..شلونك يالغاليه ام فارس : هلا تو ما نورت الصاله وين ما نشوفك يا وليدي ترا حتى حنى نشتاق لك ابتسمت لامي : يمما وش هالكلام الي يسمعك يقول ما اجي البيت ابد ام فارس : والله يمما هذا الي يصير اشوفك بالاسبوع مرة والحين فارس مدري وين ملتهي دايما من محكمة لمحكمة وانت ما يندرا عنك معن : يمما تراني بالاستراحه وين بكون يعني قمت بدون لاتكلم ورحت المطبخ عشان اجهز الكيك الي سويته لهم قطعته وحطيته بالصحون وخذته : سويت لكم كيكة تجننننن طالعت فيها متفاجأ : وبالشوكلت بعد قارية افكاري الريم ضحكت : افااا عليك اعجبك ام فارس : والله بنيتي عندها نفس حلو بالطبخ وتلائم تكون طباخه والله حبيت انرفزها شوي : الحين هذه نفسها حلو سحبت صحن الكيك من يده : اجل رح كل برا رجعت سحبته من يدها : من قال ان نفسك موب حلو الا يجننن والله بس خليني اكمل اكل عشان بمووت من الجوع ام فارس : خسا الجوع اي والله الريم : يمما في دورات يسوون فيها مسابقات للطبخ افكر اشترك فيها ام فارس : ولي لا يمما انتي موهوبه ويحق لك الريم : افكر افتح مطعم واسمي مطعم الريم معن ابتسم : وانا المدييير طالعت في ورفعت حاجبي : عفواا من انت فتحت عيوني وطالعتها : افاا يا الريم كذا ابتسمت وقلت وعيوني بعيونه : كذا واكثر ام فارس : خلاص انا بكلم ابوك وبنفتح لك مطعم حرام موهبتك تروح كذا قمت حضنت امي بقوة : احببببش يمما معن : غنو وجنو وين نزلنا من فوق وسمعنا اسامينا : نحن هنا معن : وينكم لكم فترة ذابحكم العلم قعدت واخذت قطعة كيك : حبيبي هالترم ما في ضحك مابي اعيد معن : وانتي يا غنى وش وضعك غمزتله وضحكت : اعجببك يا بيه معن : امحححق البنت تتكلم مصري غنى تضحك : تعلمت من سواقنا هههه جنى : الا معن شرايك تاخذنا للسوق الريم : اي تكفى والله ملينا غنى : بليييز معن والله لنا يومين ندرس قلت اوديهن بس ابي انرفزهن : بوسو يدي اول عشان اوديكم عصبت عليه ووقفت : اقول حمادة ارحم قومو نروح معه وقفتها وعرفت انها عصبت : ريوووم انتظري امززح معاك شفييك خلاص تجهزو بوديكم وقفنا انا وجنى بسرعه : ثواااني ..امشي ريوم رحنا غرفنا وقمنا نتجهز ومعن راح يتروش ويجهز نفسه ________________________________ جالس انتظر بسيارتي ميهاف تنزل خربت علي ام الطلعه اتصلت فيها وانا معصب : ويينك ..معك دقيقه ولا بروح ..بسرعه قفلت الهاتف وانا معصب كنا انا والعيال نجهز لطلعة جده وخربت علي ميهاف تبي السوق الحين طلعت من البيت وانا عارفه اني بنسب الحين الي اقول بس الله يستر : جييت كنت معصب عليها واااجد : لي ما شفتي سلطان ما في غير بهالبيت ميهاف : سلطان بالمستشفى وابوي وامي راحو بيت عمي علي وانا لحالي بالبيت واتفقت انا وليين نروح السوق مع بعض عشان يعني ما امل وابقى لحالي فهمت علي طالعت فيها بعصبية : وليين من بجيبها ااه عرفت ان بعصب كذا : هاا لا هي بتلاقيني هناك لا تخاف رجعت وجهي للطريق : حسبت ..معكم نص ساعه بس غيرها لا هزيت راسي وانا ساكته لاني لو جادلته يمكن ينزلني بنص الشارع هنا رحنا السوق ووصلنا وطلبت من راكان ينزل معي يغير جو ونزل معي : شرايك نشتري لك ملابس جديدة كنت قاعد اطقطق بالجوال : هاا لا مابي ميهاف بإلحاح : ليي نشتري لك وش عليك طالعت فيها بنص عين : شتبين بالضبط انتي ابتسمت له : ولا شي ابي اخوي يكون كاشخ شفتهم واقفين عند محل العطورات رحت لهم وباين انهم متهاوشين كلعاده : السلام عليكم راكان وميهاف : وعليكم السلام ليين : شلوونكم ميهاف : الحمد الله وانتي راكان : بخير ليين : ها نروح نتسوق ميهاف : اي يلا مشينا راكان : بدخل الحمام وبعدين بقعد هنا زين هزيت راسي ورحت مع ليين نتمشى والي يعجبنا نشتري : عهود لي ما جت ليين بحزن : ما تبي زعلانه ميهاف : تصدقين اني امس ما نمت قمت ابكي اشتقت اتكلم مع انين ليين : وانا بعد قمت اطالع بالصور الي تصورناها يوم عرسها كانت ملاك ميهاف : وش اقول والله قههر دخلت الحمام وقمت اضبط بشعري وخطر ببالي اصور نفسي مدري لي اخذت جوالي وصورت نفسي طبعا انا ما كنت اتميلح يعني بس كنت حلو دخلت الحمام بسرعه كنت مستعجله بسرعه ويوم دخلت لقيت واحد بوجهي ومن كثر مو مضطرة على الحمام عصبت : انت هيي جاي تتميلح بحمام البنات ااه وش دخلك هنا ما تخجل على نفسك ما تستحي انت ما عندك احترام ابدا تدخل حمام البنات يا قليل الحيا رفعت حاجبي وطالعت فيها مستغرب : عفوا يا حبيبتي هذا حمام الرجال فتحت فمي على كبره : اياا قليل الحيا يلي ما تستحي حبيبتي بعينك يا قليل الحيا حبيبتي من وين لوين حبيبتي يا نذل يا الي ما تستحي قربت منها ومسكت يدها وحطيتها ورا ظهرها وقربتها مني طبعا لابسه نقاب : اذا سمعت صوتك بصير شي موب زين يام لسان حاولت افك نفسي منه بس مو قادرة مثبتني زين : يا نذل فكني يا كلب شلون تلمسني يا حيوان فككني لاصرخ والم عليك الناس ضحكت وقربت منها : حبيبتي انتي بحمام الرجال يعني لو صارختي بتطيح براسك يا ماما حسيت اني بصيح بس قاعده اسوي نفسي قويه : فكككني طييب بطلع ثبتها اقوى وتعمدت اني اوجعها وبحركة فجائية رفعت نقابها " سبحان من سواها تجنننن " حسيت اني رخيصه لحظتها ماسكني ورفع نقابي دفيته بيدي الثانيه وبقهر ضربته كف : يا كللب شلون تلمس نقابي يا حيوان وقفت مكاني انا راكان شلون تتجرأ تضربني مسكتها من يدها وبقوة : قد الكف ناظرت بعيونه بتحدي : انا الريم وقد التحدي دفيتها على ورا وصقعت بالحيط : نشوف طلعت من الحمام وانا اضبط نقابي وشفت معن يكلم غنى وجنى : اذا خلصتو نقدر نروح معن : وش ذا ما صارت كل ذا بالحمام الريم : اسفه تأخرت شوي ..نروح جيت بروح بس شفت راكان : راكان شلونك ابتسمت لمعن ورحت له : هلا وغلا بمعن معن : شلونك يا رجال وينك راكان : والله بهالدنيا نلعب تحديات - وطالعت فيها بدون لا ينتبه معن - لاحظت نظراته لي وكنت خايفه معن يلاحظ معن : وش التحديات للحين بالتفحيط راكان : مالي غيره وانا اخوك ..بشوف الاهل عندي سفره لجده معن : اجازة يعني راكان ابتسم : لا بنروح مع الشباب ملل معن : الله يوفقكم اجل ..مع السلامه راكان : مع السلامه رحت اقعد بالكوفي والبنات يتسوقون ليين : يا ربي هالفستان يجنننن ميهاف : اي والله يجنن طالعي فتحته من ورا ليين : هذا ينلبس على حفله حتى شوفي ميهاف : اي والله فتحته وتصميمه ليين : شرايك نشوفه كم ميهاف : امشي رحت بس جوالي طاح : ييي جوالي طاح ميهاف : لحقي بسرعه طاح مع الدرج نزلت مع الدرج بس عباتي مسكت بالدرج وجيت اطيح وبصراخ : اااااااااه شفتها بطيح وجيت بمسك يدها بس في واحد سبقني ومسك يدها بس ما قدر يمسكها وطاحو فوق بعض على الدرج حسيت اني بطيح بس المشكله الشاب الي طاح فوقي وتحدرجنا عن الدرج : ااااه ..راسي اااااه شفتها بطيح قلت اساعدها بس انا طحت فوقها والدرج يتحرك لين صرنا تحت والناس تطالع فينا طحت علارض وانا احس كل جسمي تكسر بس اكثر الوجع بيدي يمكن انكسرت : اااه يدي سمعتها تصيح رحت لها بسرعه : انتي بخير ليين تصيح : ييدي توجعني يددي نزلت بسرعه لها : ليين ليين انتي بخير قومي كنت قاعده اتوجع بقوة يدي توجعني : يدي توجعني تكفين سوي شي ميهاف : بتصل براكان دقيقه شفنا تحت قاعد عند بنت نزلنا له : معن شصاير شفييك جالس هنا وش الي صاير معن : المسكينه كانت بطيح فمسكتها بس طحنا انا واياها ويمكن يدها انكسرت جيت بسرعه وشفتها طايحه : مييهاف شصاير شفييها ليين ميهاف : طاحت من الدرج ويدها انكسرت راكان : طيب ساعديني نشيلها للمستشفى معن : الحمد الله على سلامتها راكان : الله يسلمك اخذنا ليين للمستشفى واتصلت على نايف وطبعا اختربت سفرة جدة واخترب ام ام الموود حقي الي يروح مع البنات على السوق لازم يكون عنده صبر ايوب جالسه على سرير المستشفى وانا ميته من الاحراج الي صار ما قدرت اتحمل منظرها كان وجهها احمر احمر وقمت اضحك : هههههههههههههههه ااخ كانت لقطه رومانسيه على طريقة اكشن هههه طالعت فيها وانا معصبه : يا جعلها بعدوينك زين انا بمووت من احراجي وانتي فرحانه يا ربي ما في احساس ابدا والله بموت من خجلي طحت قدام الف شخص يا ربي وش هالحظ الي عندي قمت اضحك على منظرها : هههههه ترا البطل الي انقذك اسمه معن ليين : الله يعطي العافيه على الاقل ساعدني مو مثل بعض الناس يضحكون يا جعلك ماني قايله بس ميهاف : طيب طيب يلا قومي بنروح نايف وراكان برا قمنا انا وميهاف وطلعنا شفتها طالعه رحت لها بسرعه : انتي بخير ليين : يا قلبي لا تخاف انا بخير نايف : انتي ما تنتبهين ابدا وش ذا ليين : نايف تكفى لا تزيدها يكفي اني بموت من احراجي حضنتها وانا عارف انها زعلانه : خلاص تعالي البيت يا قلبي لا تزعلين ليين : بس جوالي مدري وينهو شلته من شنطتي : هذا هو جبته معي اخذت جوالي ورحت مع نايف البيت ________________________________ جالسه بالغرفه اصيح يدي تحرقني واجد ومو عارفه وش اسوي دخلت الحمام وشفت معجون الاسنان سمعت ان يخفف شوي اخذت منه وحطيته على يدي وكان الوجع يزيد علي كل شوي سمعت دق باب ورحت افتحه لقيت قوت واريام عند الباب مسحت دموعي بسرعه شفنا دموعها وطالعنا بيدها : شصاير معك لفيت وجهي بسرعه ومسحت دموعي زين مسكت يدها وشفت اثار الحرق : ياسر سوا فييك كذاا سحبت يدي من قوت : لا ..ان..يعني .. دمعتي طاحت ومدري لي حضنتها : انا اسفه انا اسفه ساامحيني تكفيين سامحيني يا انين سامحيني والله ندمانه والله سامحيني تكفين مسكت قوت ومسحت دموعها : لا تعتذرين هذا نصيبي من الحياة قمت ورحت جبت علبة الاسعافات الاولية ورجعت للغرفه : هاتي يدك انين : اريام مال... قاطعتها وسحبت يدها وحطيت عليها حق الحروق ولفيتها لها : اذا سألك ياسر قولي انك لقيتيها بغرفته عشان ما يسوي لك شي هزيت راسي وانا دموعي تطيح : تعبت والله جلسنا علارض احنا الثلاثة ونسمع انين : اشتقت لاخواني واشتقت لغرفتي تعبت وانا مالي يومين متزوجه حرق يدي وضربني ليي والله تعبت وش ذنبي انا وش ذنبي وش كنت واقفه عند الباب اسمع حديثها ما توقعت ان ولدي يسوي كذا بزوجته يحرقها ويضربها الله يستر وش بسوي بعد وقررت اني انهي هذه المهزله لانها لو دامت يمكن يموت البنت ورحت لغرفتي مسحت دموعي : بنات لازم تطلعون الحين مابي ياسر يشوفكم هنا طالعت فيها : تبين تكلمين اخوك لفيت على اريام بسرعه : اقدر اكلمه هزيت راسي واخذت جوالي وحطيت رقم عبدالعزيز واتصلت عليه : الوو ..انا اريام ..دقيقه دقيقه في حد بكلمك عبدالعزيز : مابي اكلمك او اسمع شي اريام : عبدالعزيز شفيك شي مهم انا ما دخلني بالشي الي صار لي تظلمني عبدالعزيز : الي تبين انك طلعتي مثل اخوك حزت بخاطري هالكلمة : انين تبي تكلمك استغربت وش جاب انين لاريام : انين وين سمعت صوته ودموعي قامت تنزل : عزوز يوم سمعت صوتها مدري لي حسيت اني بصيح : انيين قمت اصيح بقوة : عزوز اشتقتلك والله جا ببالي اروح الحين واجيبها : انين لا تصيحين تكفين والله احرق العالم لاجل دموعك لا تصيحين مدري شلون قدرت اقوله كذا : عزوز ابي اطلع من هنا تعبت يا عزوز تعبت والله والله تعبت عبدالعزيز بحده : انتي امسحي دموعك وانا بحل كل شي زين اعتمدي علي خلي ثقتك فيني كبيرة زين مسحت دموعي وسكرت الجوال واعطيته اريام : لا تزعلين منه ترا لما يعصب ما يعرف وش يقول رغم الحزن الي فيني حاولت ابين انه ما يهمني : اصلا ما يهمني .. دخلت الغرفه وشفتهن جالسات معها : وش تسوون هنا انتوو وقفنا بسرعه يوم شفنا ياسر : يااسر رحت مسكت يد انين : انتو اطلعو برا ومابي اشوفكم هنا مرة ثانيه مفهوم طلعنا بسرعه عشان ما يعصب علينا طالعت ب انين وضربتها كف : قلتلك مابي اشوفك تتكلمين مع احد هنا صح طحت على السرير وانا ماسكه وجهي مسكتها من شعرها وانا معصب : انتي جيتيني بلوووة على راسي مدري متى بتخلص منك ومن قرفك يا بنت الحرام قمت اصيح : فككني انا قرفتك انا مابيك فكني فككني طالعت فيها بعصبيه : انا تقولين لي قرفانه مني يا بنت الكلب انا اوريك ....... ___________________________________________ انتظروني بكرااااا يا حلويين 😎🌹