الثامن
قصص وروايات 📚📖:
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *السجينة.tt*
*❴🔢❵الـــبـــــــــــ❴8️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#السجينة
#بقلم_نداء_الصوالحي
#الجزء_السابع
تلاشت ابتسامتي بس شفت ابو قاسم طالع من الغرفة.. جنيت.. حسيت انه كل يلي عملتو راح عالفاضي.. ومافي عندي صبر لأستنى لليلة تانية..
اختنقت ورميت حالي عالسرير.. كنت بتمنى يخلص كل شي هلء..
كنت رح ابكي بس رفعت راسي اول ما سمعت صوت باب غرفتي وابو قاسم رجع فات
كان جاي عم يركض ويضحك وحامل بايدو قزازة باين انها شمبانيا
انصدمت لما شفتا لانه ولا مرة شفت ابو قاسم بيشربا
رهف: شو هاد!
ابو قاسم: متل ما انتي شايفة
تجاهلني ومشي لحد السرير حط الكاستين وصب بكل كاسة شوي ما تعدى الربع..
حملهم وجابهم لعندي وانا بعدني صافنة فيه
ابو قاسم: خدي تفضلي
رهف: شو! لا لا مابدي
ابو قاسم: لك خدي هاد للكيف.. ما بنحكالو لأ
رهف: خلص ابو قاسم مابدي اشربه بلا ما انزعلك الليلة لاني مو معتادة عليه
ابو قاسم: ايه والله كلامك صحيح.. طب خلص لكان هاا.. هاا
مسك الكاستين وشربهن كل وحدة ع دفعة.. حطهن ع جنب وبلش ليلته و غوايته ليعذب فيني
كان عم يتلذذ في الضرب والتعذيب والاهانة والاغتصاب
حاولت اتحمل واتعمدت استسلم وخليه يئذيني كتير لوقت ما عاد قدرت.. اطلعت ع التحفة يلي بجنب السرير وقت بلشت خطط جبتا من تحت وحطيتا بغرفتي اخترت اتقل واكبر وحدة بالفيلا.. حاولت امسكها بس ما كنت قادرة طولها بسببه.. حسيت بانه الخطة رح تفشل.. لما للحظة تخيلت انه خلص فشلت ورح ابقى عمري هيك اندفعت مرة وحدة واخدت التحفة وخبطتها ع راسو بكل قوتي
اول ما خبطتو وقع عالسرير من جنبي بدون اي حركة.. ارتعبت وقمت من محلي لبست تيابي واتصلت ع الشرطة واعطيتهن العنوان متل ما خبرني يامن.. بقيت قاعدة عم ابكي واطلع في شكله يلي كان بيوحي انه مات.. الدم غرق السرير.. حسيت قلبي رح يوقف من الخوف ومن الذنب.. ماعرفت الي عملتو صح ولا لأ.. بس ما كان بايدي حل تاني.. كان لازم خلص على السجان حتى اهرب من هالسجن..
تمنيت يكون ما مات وينقذوه.. اتذكرت الموبايل يلي فيه الرسائل ورقم يامن قمت ركضت جبته وكسرته وكسرت السيم يلي فيه ورميتهن ورجعت لمحلي وانا عم ارجف.. بعد شي دقايق سمعت صوت سيارات الشرطة.. شوي تانية وسمعت صوتهن عم يقربو من الغرفة وصوت الحارس عم يدلهم علينا
نبضات قلبي كانت عم تزيد وجسمي كلو برد من الخوف.. خبطو الباب وفاتو لجوا كان عددهم كبير.. اخدوني وطلعنا وطلبو اسعاف وبقيو عناصر بالبيت ليحققو بالي صار
_
بعد التحقيق :
الظابط: هاد كل شي!!
رهف: اي سيدي.. هي كل يلي صار والله ماكذبت بشي والله
الظابط: ماشي هلء بس تخلص التحقيقات بنشوف
بعد ماخلص الظابط تحقيق معي وبعد ما خبرتو عن كل شي صار فيني.. كيف تزوجت ابو قاسم وكيف باعوني بيت عمتي وشو كان يعمل فيني ابو قاسم وشو عملو اهلو فيني وانه ليلتها من الوجع والتعذيب ما قدرت الا دافع عن حالي..
بلغت عن جوز عمتي وعن ابو قاسم يلي مابعرف اذا بعدو عايش او مات.. وطلبت عين محامي واتصلت ع يامن وخبرتو يتولى القضية
اخدوني ع سجن النسا وفوتوني ع الزنزانة ليكملو تحقيق بالقضية..
كانت هي مرة فوت فيها ع سجن.. غرفة 4 امتار فيها اكتر من 15 صبية وحمام بالزاوية
اطلعت حوالي بخوف وقلق وقرف
سماح: اهلا وسهلا قومو يا بنات اجتنا ضيفة جديدة ههههههه
شو اسمك ياحلوة
تجاهلتا ومشيت لحد ما وصلت لزاوية فاضية قعدت عالارض وقربت رجليي ع صدري
سماح: عم احكي معك ولي
رهف: رهف.. اسمي رهف
سماح: وشو جابك لهون يابعدي
رهف: مااااادخلك حلي عني
سماح: لك بتصرخي بوجهي.. قوووومو بنات ورجوني شغلكن
بثواني كانو هاجمين عليي اكتر من 5 بنات ومعهن سماح.. شي يدفشني ببطني وشي ع وجهي وشي ع ظهري.. رغم قوة الضرب بس كإني ما توجعت كتير صرخت شوي بس ما طلع صوتي يمكن لانو جسمي اعتاد عالضرب والاهانة ومانو شي جديد علي
تعبو مني وبس بعدو عني.. قربت لحدي صبية قومتني لوصلتني لعند الحمام بلشت تغسلي وجهي وتمسح الدم يلي نازل من تمي
تمارا: انتي منيحة!
رهف: اي شكراً الك خلص مافيني شي
تمارا: تعي اقعدي حدي هون.. خدي هالمكان الك لتنامي فيه.. انا تمارا
رهف: انا رهف.. تشرفت فيكي
تمارا: شو الي جابك لهون باينتك بنت عالم وناس
رهف: الدنيا والناس الظالمة يلي جابتني لهون
تمارا: يعني مانك مجرمة
رهف: هههههه
كنت رح قلا اني مجرمة وجيت لاني حاولت اقتل شخص.. بس اتذكرت كل شي صار معي.. انا ماني مجرمة.. انا دافعت عن حالي وخلصت جسمي وروحي من الهلاك
انا انسانة غدرت فيها الدنيا واقرب الناس الها.. انسانة انباعت برخص التراب لناس ما بتستحقها. جار عليها الزمن والقدر لعب لعبته معها.. وصفيت من سجن لسجن ورايحة ل قدر مجهول
___
بعد اربع ايام من التحقيق والاجراءات اللازمة اجتني اول زيارة..
طلعت ركض لشوف مين يلي جاي لعندي.. توقعت يكون يامن.. وفعلاً كان هوي.. كنت عم انتطره بفارغ الصبر لأعرف منه شو صار
اول ماشفته ركضنا ع بعض وحضنته بقوة كبيرة. بكيت كتير وهوا بكي معي.. حاول يهديني لوقت ما هديت وقعدنا
يامن: كيفك طمنيني عنك
رهف: انت يلي طمني شو صارر
يامن: اطمني كل شي ماشي تمام لهلء
رهف: ابو قاسم!
يامن: الله يرحمه
رهف: شوووو!!!
حطيت ايدي ع وجهي وبلشت ابكي.. ما كان بدي اياه يموت.. حسيت بالذنب والخوف وتأنيب الضمير.. انا بحياتي ما عملت شي ولا أذيت حد.. كيف بلحظة اقتل روح
بقي يامن يهدديني ويفهمني انه الي صار كان حلنا الوحيد وانه بيستاهل يلي صار فيه ولو ما عملت هيك كنت هلء تحت رحمته وعم يعذبني متل كل يوم
رهف: وعيلته شو عملو
يامن: ولا شي لحد هلء.. بس خايف من سكوتهم ومن يلي بدهن يعملوه
رهف: فيهن يعملو شي!
يامن: مابعرف.. يمكن يوكلو محامي دفاع عن قضية القتل
رهف: شوو!
يامن: ماتخافي حالياً المحكمة بتنظر للقضية دفاع عن النفس بس لسا بدي قدم شواهد وثبوتات حتى نثبت براءتك
رهف: شو رح تعمل
يامن: خلص رهف هاد شغلي لا تقلقي
بلشت الايام تمر.. والاشهر.. بلشت اعتاد ع السجن وع البنات يلي معي.. علاقتي ب تمارا كانت كل يوم عم تكبر.. صرنا متل الاخوات.. طول الوقت سوا..
كل شهر كان تتم جلسة محاكمة يطلبو فيها طرف عيلته ل ابو قاسم تأجيل ليوفرو ادلة وهالشي تعبني كتير.. بس كان طول الوقت يامن جنبي.. كنت شوفه كل اسبوع مرة.. ييجي لعندي يجبلي اكل وتياب وكل شي بحتاجه ويخبرني كل المستجدات.. كان يخبرني عن عمتي الي طول الوقت تسال عني وتبكي وندمانة ع كل شي عملته.. وانه عم تحاول تيجي لعندي بس ناصر مانعها.. وعن مرتو لابو قاسم وولاده يلي عم يلاحقو القضية ويحاولو يثبتو عليي التهمة وحبسي..
يامن طمني انه التأخير هاد لصالحي لانه عم يدور حالياً ع كل البنات يلي اتزوجهن ابو قاسم من قبلي ليشهدو معي.. وانه هالشي رح يقوي موقفي بالقضية
مرت الشهور بصعوبة ووجع ووحدة وخوف.. السجن يلي مافي راحة ولا نوم ولا سعادة.. بس فيه ذل ووجع واهانة
_____
رجعت الورقة يلي فيها رقم الحساب لجيبتي وسندت راسي عالحيط.. هي اخر ليلة.. وبهالليلة بالذات ما نمت ولا غمضتلي عين.. عم اتذكر كل التفاصيل.. الحلوة والبشعة.. الايام الي بكيت فيها.. حاولت اتذكر اوقات ضحكت فيها بس ما عم اتذكر شي
بعد وفاة امي وابي مافي عندي ذكريات بتشمل السعـادة..
_____
كنت واقفة بالمحكمة بقلب الزنزانة.. لابسة تياب السجن وبايدي كلبشات وبرجلي كمان كلبشات.. واقفة وماسكة السياج بايدي وعم اطلع حواليي
ناصر يلي شفته بعد كل هالسنين وعم يطلع عليي بشماتة.. نظرات عيونه يلي ملاهن الحقد والكره بعد كل شي عملو فيني لسا ما ندم!
اخلاص مرتو لابو قاسم.. بنته وولاده.. يامن يلي عم يطلع فيني ويطمني بعيونه..
فات القاضي وكل يلي معه وأذنو لتبدا الجلسة..
مرت ساعات من الخوف والتوتر.. قدم فيهم يامن كل طاقتو ليساعدني
بعد ما جاب الحارس.. وخالة فاطمة.. وكل البنات يلي اتزوجهن ابو قاسم.. بعد ما شهدو معي عن افعال ابو قاسم ورغبته الدنيئة والاذية يلي كان يسببلي اياها..
بعد ما حاول محامي الدفاع الي وكلوه اهله لابو قاسم يثبت عكس هالشي ويثبت انه شروع بالقتل.. ما طلع معهن اي شي ولا قدر يقدم اي دليل
حكمتلي المحكمة بالبراءة.. وتم قفل القضية دفاعاً عن النفس..
____
بعد اتمام الاجراءات وتوديع تمارا وكل يلي معي طلعت ..
كنت قاعدة انا ويامن بجنينة ما بتبعد كتير عن السجن.. قعدت اطلع بالسما وشم هوا نظيف.. وسرحانة وساكتة والدموع عم انزل لوحدا
يامن: لشو البكي هلء.. خلص كل شي انتهى
رهف: عم ابكي ع الحال يلي وصلتله
يامن: بتعرفي لشو وصلتي
رهف: ايه.. مجرمة ورد سجون ههههه
يامن: لا..
رهف: لكان لشو وصلت
يامن: اصغر مليونيرة
رهف: ههههههه لك اييه كنت نسيت
طالعت الورقة من جيبي.. وطلعنا انا ويامن ع البنك.. كشفت ع الحساب يلي طلع 2 مليون دولار..
يامن: شو رح تعملي هلء.. بدك تسحبي منهن
رهف: مو هلء.. عندي مشوار بس خلصو رح بسحبهن
يامن: لوين
رهف: مشي عالطريق بخبرك
طلعت انا ويامن بعد ما سألنا عن عنوان بيته لابو قاسم.. طلبنا من الحارس يفوتنا لجوا ويخبر اخلاص خانوم انه نحنا جينا فتنا لجوا الفيلا وقعدنا ننطر ع الكنب ونحنا عم نطلع حوالينا بكل مكان..
يامن: لك انتي مجنونة ليه جبتينا لهون
رهف: لاقطع اي شي بوصلني بهالعيلة
ونحنا عم نحكي نزلت من فوق اخلاص وهي معصبة وجاي عم تسب وتلعن.. وجاي وراها ولادها يلي متل خيالا عم شوفن معها بكل وقت
اخلاص: لك يا حقيرة الك عين تيجي لهون بعد ما قتلتيه
رهف: انا ما قتلتو.. انا كنا عم دافع عن حالي منه
اخلاص: لك مو عليي ياكلبة.. شو بدك.. جاية لتاخدي حقك مو
قاسم: والله والي اسمه الله لو بدا تنطبق السما ع الارض ما بتنولي قرش واحد من مال ابي
اطلعت بيامن واضحكنا.. وبعدا رجعت اطلعت ب اخلاص وحكيت بتحدي
#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*