السادس
قصص وروايات 📚📖:
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *السجينة.tt*
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#السجينة
#بقلم_نداء_الصوالحي
#الجزء_الخامس
فتحت عيوني ع حد بيرش مي ع وجهي وبحاول يفيقني.. رجعت اطلعت فيه.. واطلعت بحالي وانا نايمة عالسرير وهوا قاعد حدي وبفيق فيني
ركزت حالي بسرعة وبعدت عنه
رهف: يامن انت شو جابك لهون.. كيف اجيت.. وشو بدك مني
يامن: هلء هيك بتستقبليني
رهف: كيف بدك اياني استقبلك! جاي هلء وبعد شو.. وبهي الطريقة!!
قمت من محلي وفتحت بابا غرفتي
رهف: تفضل اطلع لبرا ولا بقى تورجيني وجهك.. انا ست متزوجة ومابسمحلك تفوت عليي هيك.. ولولا العشرة والقرابة كنت هلء طلبتلك الشرطة
يامن: الي هالحكي يارهف.. الي!
قعدت عالارض بضعف.. ما قدرت قاوم اكتر من هيك ولا كابر ع حالي.. صرت ابكي.. ابكي بقهر وذل.. بكيت وصوتي عم يعلى
قرب مني وقعد عالارض حدي.. حاول يهديني بس دفشته وبعدت عنه
رهف: بعد عني انت واحد كذااب.. كذااب.. وعدتني ما تتخلى عني.. وعدتني تبقى معي لاخر نفس.. وتركتني باول طريق
تركتهن يزوجوني.. سمحتلهن يبيعوني
وين كنت وقت الي كنت محتاجاك وييين كنت
ليه سمحتلهن يعملو فيني هيك
ليييه ليييه
يامن: اقسم بربي ما كنت بعررف اقسملك بالي خلقني غصب من عني.. ابي بعتني ع مكان ع اساس جيبله غراض وحجزوني شباب هنيك.. ماقدرت اطلع ولا انزل بقيت اسبوعين وانا هنيك ما كنت شوف حدا.. اخدو مني موبايلي وكل شي كان معي.. لوقت اتصل فيني ابي وخبرني كل شي وانا هنيك وانه هوا ورا هالشي
كنت عم موت الف موتة.. حاولت اهرب واوصلك حاولت اقتل حالي ولا اتركك تروحي هيك.. بس شو اعمل.. ماقدرت اجي لعندك والله ماقدرت
بعد ما تزوجتي رجعوني ع البيت.. كسرت كل شي شفته قدامي واتخانقت انا وابي وامي وطلعت من البيت كله.. ولهلء ما رجعت لعندهن
الي اكتر من شهر عم دور ع مكانك وما لقيت اي حد بيعرفلك طريق
كإنك اتبخرتي وإختفيتي.. لوقت ما قدرت اوصل ل هاد ابو قاسم وضليت راقبه لعرفتك هالعنوان..ما كنت متاكد انه هون او لا.. بس ما كان عندي خيار غير اني فوت وخاطر لأتأكد
واول ما طلع من عندك الليلة بقيت انطر لتأكدت انه راح وفتت خطيفة من الجنينة.. صدقيني غصب من عني
رهف: الله لا يسامحكن الله لا يسامحكن
يامن: بترجاكي لا تبكي وربي لدفع ابي التمن غالي ع الي عملو فيكي
رهف: خلص يامن بعد شوو.. بعد شوو.. انت مابتعرف شي.. مابتعرف شو عم يصير معي
يامن: مابدي اعرف شي بكفي الي عم شوفو بعيونك هلء.. رهف انا بحبك وما بتخلى عنك والله لو عرفت وقتها ما كنت سمحتلهن يعملو هيك.. اوثقي فيني رح صلح كل شي
رهف: مافي شي يتصلح.. وانا مافيني شوفك ولا احكي معك.. لو عرف ابو قاسم رح يقتلني ويقتلك.. بترجاك روح ولا بقى ترجع
يامن: ما رح روح.. مابدي اتركك
رهف: يااامن روووح بترجاك بكفيني الي فيني
يامن: طب اهدي هلء وسامحيني بترجاكي سامحيني.. رح ضل اطمن عليكي.. رح روح هلء بس راجع
طلع يامن من عندي.. وبقيت مطرحي عم ابكي.. انقهرت كتيير.. انقهرت من الظلم من الناس يلي ما في بقلوبها رحمة.. كنت حاسة انه يامن ما تخلى عني.. بس ليه ما قاوم! معقول ماقدر يوصلي الا هلء!! معقوول!
قمت غسلت وجهي وحاولت نام.. ماقدرت.. صورة يامن وصوته ما فارقوني.. اشتقتله كتير.. مابعرف بشو حسيت بس شفته
ارتحت.. حسيت بالامان.. بالامل من جديد رغم صعوبة الموقف يلي انا فيه هلء..
___
تاني نهار كنت عم جهز حالي الصبح لانزل لتحت وشوف خالة فاطمة.. فتح باب غرفتي وفات ابو قاسم ع غير عادته.. اول مرة بييجي لهون بهالوقت بكير..
كملت لبسي ووقفت لاحكي معه.. كان متوتر ومبلوش.. وعم يروح وييجي بمكانه
خفت اساله شو فيه او شو الي جابك لهون يعمل معي خناقة او يقرب مني بعز النهار..
ضليت واقفة عم اطلع عليه لوقت ما وقف لوحده وقرب مني
ابو قاسم: مرتي عرفت
رهف: بشو! بزواجنا!
ابو قاسم: ايه
رهف: طب شو رح تعمل
ابو قاسم: مابعرف مابعرف
رهف: عادي طلقني متل يلي قبلي
ابو قاسم: طلقك! لا لا مافيني
رهف: ليه ما فيك.. طلقني بلا ما يصير مشاكل وتخسر مرتك وولادك
ابو قاسم: لا انا مو خايف اخسرهن.. هني ما بيقدرو يعملو شي ولا يبعدو عني.. انا خايف ع شي تاني
رهف: ع شو!!!
ابو قاسم: خايف عليكي
رهف: شوو! وانا شو دخلني؟ ومن شو لتخاف عليي
ابو قاسم: خلص ولا شي ولا شي
رهف: كيف ولا شي.. ممكن يصيرلي شي وانا هوون!
ابو قاسم: لا مابصرلك شي انا رايح.. بس احتياط انتبهي ع حالك هاليومين يمكن ما اقدر اجي لعندك ليهدى الوضع بالبيت.. وانا وصيت فاطمة تضل عندك هالليلتين
رهف: لك ولشووو كل هاد طلقني واخلاص من القصة
ابو قاسم: لاا شو طلقك.. انا بعد ما وصلت لطلبي والشي يلي بناسبني طلقك هيك بسهولة! لا ما بصير.. يلا انا رايح سلام
طلع من الغرفة وانا عم الحق فيه وحاول اقنعه بالطلاق بس ما كان عم يرد عليي ولا يسمعلي لوقت ماوصلت لباب البيت وطلع وقفله.. حسيت حالي رح اختنق مسكت التحفة يلي ع الانتريه بجنب المدخل وخبطا بالارض اجت ميت شقفة..
عالصوت اجت فاطمة ركض من المطبخ
فاطمة: شو في يابنتي بسم الله شو الي كسرها
ركضت لا ارادي لعندا وحضنتا وقعدت ابكي.. كنت محتاجة حضن ابكي فيه.. محتاجة قلب دافي يحس فيني ويسمعني.. وما كان عندي هالحد.. فاطمة رغم انها غريبة عني بس كانت الاحن عليي من كل الاشخاص يلي عرفتهن بحياتي..
سكتت وشدت عليي بايديها وقعدت تتلمس ع شعري وتقرأ عليي قرآن لوقت هديت
فاطمة: اعملك كاسة ليمون!
رهف: لا خالة مابدي انا منيحة
فاطمة: شو يلي صار يابنتي مو معقول تضلي تبكي هيك والله قطعتي قلبي.. شو حكايتك انتي.. وينهن اهلك عنك
بس جابت سيرة اهلي رجعت ابكي اقوى من قبل..
رهف: ااخ ياخالة هوا لو اهلي عايشين كان شفتيني هون هلء
قعدت انا واياها وبلشت خبرها حكايتي من وقت وفاة اهلي لليوم هاد.. كانت عم تسمع فيني وتبكي وتمسح دموعها وترجع تبكي
حاولت تخفف عني وتدعيلي.. بس ما كان بايدها شي تاني..
ارتحت شوي بس حكيت معها حسيت انه في شي رفع عني وعن قلبي ولو بشي بسيط
_
كنت على اعصابي طول الوقت.. خايفة يصير شي او حدا من اهل ابو قاسم ييجي لهون بس عتمت الدنيا واجا الليل ارتاح بالي وحسيت انه ما رح يصير شي والامور مشيت تمام..
طلبت من خالة فاطمة ترجع عبيتها وتشوف زوجها وولادها واني بخير.. بعد محاولات مني لما وافقت.. وبس طلعت انا رحت ع غرفتي..
ثواني وكان الباب عم يدق.. عرفت انه يامن قمت من محلي وفتحت باب غرفتي.. شفته واقف وحاطط ايديه بجيبه.. ابتسمت لا ارادي بس شفته..
يامن: مسا الخير
رهف: لك مو خبرتك لا تيجي لهون.. شو بدك
يامن: جاي لشوفك.. مشتقلك.. انا ما صدقتك لقيتك
رهف: لك خبرتك ماااتيجي
يامن: ماقدرت.. لقيت رجليي جابوني لهون
رهف: طب مشي نقعد برا
مشيت انا ويامن لنزلنا لتحت وقعدنا ب غرفة الضيافة.. بقينا ساكتين وكل واحد فينا مو عارف منين بدو يبلش حكي.. بس للحظة اتذكرت دخلته لهون
رهف: لك انت كيف بتفوت هيك بسهولة..ماشافك الحارس
يامن: لا ما شافني.. لا تخافي الي طرقي الخاصة
رهف: مممم وهي الطرق ليه ما ظهرت وقت كان ابوك حاجزك لما زوجني
يامن: لك بشو احلفلك حاولت ورب الكعبة حااولت كنت رح مووت حالي حتى اوصلك بس هوا السبب الله لا يسامحه مابعرف ليه عمل هيك
رهف: خلص يامن مصدقتك
يامن: لساتك بتحبيني!
انتفضت من مكاني وقلبي كان رح يطلع من محلو.. كان بدي قله اني بحبه.. بعشقه.. وكنت عم استناه باللحظة والثانية..بس ماقدرت احكي شي
رهف: مو وقته هالحكي.. انا ع ذمة رجال وهالشي ما بصير.. اصلا قعدتنا هون سوا ما بتصير
يامن: مابدك تشوفيني
رهف: بس مو بهالطريقة افهم عليي
يامن: متل مابدك رهف.. انا ما رح ارجع لهون بس انا موجود.. ورح ابقى حواليكي.. خدي هاد مني الك..
طالع من جيبة موبايل واعطاني اياه
رهف: شو هاد
يامن: خديه وخليه معك.. انا سيفت عليه رقمي وقت بتحتاجيني دقيلي فوراً
رهف: ماشي يسلمو
يامن: انا رح روح بدك شي
رهف: سلامتك
يامن: بخاطرك
رهف: الله معك
طلع وكان متل المكسور الخاطر.. بس شو كان ناطر مني.. انا صحيح بحبه.. وبكره ابو قاسم ومابطيقه بس مافيني قابل واحد من وراه وجوات بيته.. يامن رح يضل بقلبي.. بس للاقي حل لحياتي هي
___
كانت ليلة صعبة كتير.. ماقدرت نام ليلتها من التفكير والبكي والوحدة والخوف.. كنت حاسة اني ارتميت ع الجحيم بيوم وليلة..
تاني نهار فقت ع صوت خالة فاطمة وهي عم تخاكيني مرعوبة
فاطمة: يابنتي.. رهف.. رهف.. فيقي
رهف: صباح الخير خالة.. شبك!!
فاطمة: قومي بنتي غسلي وغيري تيابك لتشوفي
رهف: لك شو بدي شوف
قمت من ع السرير فتت ع حمام غرفتي غسلت وشي وبقيت بالبجامة ما غيرتا.. رجعت لبرا ما لقيت خالة فاطمة.. لبست حفايتي ونزلت لتحت لقيتا واقفة ع باب الفيلا من جوا وفاتحة شق صغير وعم تطلع منو والارتباك باين عليها
رهف: لك خالة شوو في
قربت لعندها بس سمعت صوت صراخ برا من الفيلا وقفت حدها واطلعت.. لقيت ست وصبية وشبين واقفين عم يخانقو الحارس وبدهن يفوتو وهوا عم يحاول يمنعهن بس ماقدر وتعدوه وفاتو عالجنينة
متت من الرعبة وحسيت انهن عيلته لابو قاسم..
فاطمة: شوفي يابنتي هالمصيبة جايين لهوون
رهف: خالتي بعدي سكري سكري الباب
قبل ما نسكر الباب كانو واصلين لعنا ودفشو الباب علينا بقوة
___ #يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵