الخامس
قصص وروايات 📚📖:
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *السجينة.tt*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#السجينة
#بقلم_نداء_الصوالحي
#الجزء_الرابع
حسيت حالي متل الذليلة.. قطعة رخيصة وانباعت لتاجر ما بيعرف الله.. كنت بلحظة مفكرة اتأقلم ع حياتي وحاول أتأقلم مع ابو قاسم
بس بعد يلي عملو ليلتها.. سكر اي طريق بقلبي كنت مفكرة اني افتحه..
بعد ما عمل يلي بده اياه سحب حالو بدون مايحكي ولا حرف ورجع لبس تيابو ع طول وطلع من البيت.. بقيت محلي عم ابكي.. وابكي وابكي.. ومافي شي قدر يوقف البكي
بكيت ع حظي وحياتي والمصيبة يلي وقعت فوق راسي
بكيت من الوجع.. ما قدرت قوم من محلي ولا اتحرك.. بعد دقايق اجت لعندي فاطمة حاملة العشا معها.. حطته ع جنب واجت اخدتني بحنية وركزتني لقدرت توصلني ع الحمام.. كانت عم تطلع فيي بشفقة وحزن.. متل يلي عارفة شو الي انا وقعت فيه وعم تعزيني..
ما حكيت معها شي غسلت وغيرت تيابي ورجعت ع غرفتي.. طلبت مني اكل ما قدرت وطلبت منها ترفعو.. رحت نمت نوم عن سنة بحالها من الوجع الجسدي والنفسي يلي حسيت فيه..
فقت تاني نهار الصبح ع امل لاقي ابو قاسم جاي.. يحكي معي او يعتذرلي او يبرر يلي صار.. بس ما اجا..
بقيت هيك لاخر النهار عم انطره.. لوقت ما استسلمت وفتت ع غرفتي حتى نام..
بس قبل ما اغفى سمعت صوت باب غرفتي انفتح وشفت ابو قاسم فايت.. اطلعت فيه لحاول احكي معه..
ابو قاسم: مسا الخير.. كيفك اليوم
رهف: ____
استغربت من بروده.. حاولت اتجاهله وارجع كمل نومي بس كنت غلطانة.. نقزت لما حسيته رجع يعيد الكرة يلي صارت ليلة امبارح..حاولت بعدو عني كمان مرة بس برضو ما قدرت..
وعمل يلي عملو متل قبل وتركني وراح.. ولوين ما بعرف
رجعت بكيت اكتر من قبل واتوجعت اكتر من قبل.. قمت قفلت الباب ورجعت مطرحي.. ما كان بدي ترجع تيجي فاطمة لعندي وشوف نظرات الشفقة بعيونها مرة تانية..
بعد ساعة ونص من البكي هديت.. قمت تحمتت وغيرت تيابي ونمت
الصبح تاني نهار كنت فايقة ومقررة اعرف اي شي عن ابو قاسم.. ليه بيعمل هيك.. ليه بيعاملني متل الجارية وبيتركني ومابعود يرجع لعندي
نزلت صبحت ع فاطمة وطلبت منها تعمل فطور.. بعد شوي اجت لعندي وحضرت كل شي
فاطمة: بتعيزي شي تاني
رهف: لا سلامتك.. اقعدي افطري معي
فاطمة: لا بنتي صحة وعافية مافيني
رهف: بس انا مابحب اكل لوحدي.. بدي تتعودي تشاركيني الله يخليكي
فاطمة: بخاف البيك بيقلعني
رهف: وشو بدو يعرفو لا تقلقي تعي اقعدي خلينا ناكل سوا
افطرنا انا وست فاطمة وبعد ما خصلنا قامت عملت قهوة واجت لتشربها معي
رهف: احكيلي عن ابو قاسم
فاطمة: شو احكيلك.. مابعرف شي
رهف: ايا شي.. ليه هيك عم يعمل معي.. ولا كإني زوجته.. وين بروح وبيتركني.. طب ليه ما فيه ولا تلفون او موبايل بالبيت.. حتى باب الفيلا مقفول من برا.. حاسة حالي بسجن
فاطمة: والله مابعرف شي ياخانوم مابعرف
رهف: خلص خالة مابدي اضغط عليكي
كملت شرب قهوة ونحنا ساكتين.. نطرت المسا لشوف ابو قاسم رح ييجي متل كل يوم ولا لأ وفعلاً اجا وصار متل مابصير كل مرة..
مر اسبوع ع هالحالة وانا بلشت اتعب ومل.. لهلء ما شفت بيت عمتي ولا حتى يامن. مابعرف شو صار معه.. عرف ولا لأ.. تخلى عني ولا لأ.. ليه اختفى وماعاد اله حس ولا خبر.. حتى عمتي ما كلفت حالها لتطمن عليي..
بليلة قبل ما يروح وقفت بوجهه من خنقتي وبلشت صرخ فيه
دبحني بروده دبحتني تصرفاته الغريبة
رهف: لك تعااا لهوون.. شوو هاد.. لك انت ما بتفهم ما بتحس.. ما عندك غير هالشغلة لتعملها وترجع تتركني.. طب اناا شو بحياتك هلء!! رح ابقى هيك
وهوا عم يلبس تيابه بدون مبالاة
ابو قاسم: ليكون مو عاجبك.. بيت ما بتحلم فيه اي بنت.. خدم ولبس ومجوهرات.. تلفزيون بعرض الحيط كله.. كل شي متوفر وبييجي لحد عندك
رهف: بس انا مابدي كل هاد.. بدي عمتي بدي بنات عمتي بدي شوفهم.. ليه ما عم يتواصلو معي.. ليه ما في تلفون ولا اي شي اقدر اتواصل فيه لك حتى الفيلا كلا مقفوولة ومانعني اطلع لبرا
ابو قاسم: عمتك وجوزها باعوكي من وقت ما قبضو المصاري وبيعرفو انه مافيكي تتواصلي معهن من بعد ماتصيري هون.. وماتخافي انا بطمنهن عليكي ع طول شو بدك تاني
رهف: شو يعني! انا رح ابقى هيك محبوسة هون متل السجينة! بس تاركني لرغباتك ونزواتك
ابو قاسم: ايه.. هاد الموجود.. وهلء بعدي عن طريقي خليني ارجع ع بيتي
رهف: بيتك!!
ابو قاسم: هههه ليه عموو ناصر ماخبرك انه الي بيت وعيلة وولاد.. ولا مفكرة حالك الزوجة الاولى والاخيرة
رهف: انت شو عم تحكي
ابو قاسم: متل ما سمعتي.. انا رجال متزوج وعندي ولاد واحفاد كمان يكون بعلمك.. بس ماتخافي ماحدا بيعرف عنك.. يعني انتي زوجتي برضو وهي بيتك ورح تضلي معززة مكرمة هون
رهف: ولييه تزوجتني اذا عندك زوجة وولاد شو بدك في وحدة من دور بناتك شوو
ابو قاسم: فيكي تقولي بحب جدد شبابي كل فترة
رهف: شو كل فترة شوو عم تقصد
ابو قاسم: ولا شي لا تصرعي راسي بحكيك.. الي عندي خبرتك اياه.. هي البيت خدي راحتك فيه واي شي بنقصك اطلبيه.. وغير هيك ما الك عندي.. بخاطرك
طلع وتركني بحيرتي وغبائي وصدمتي وكسرتي.. تركني بعد ما موتني.. شو انا الي عملته بحالي
رجعت ابكي متل اول.. بس البكي ماكان يفيد بشي
دعيت كتير ع ناصر يلي كان السبب بكل شي.. كنت متاكدة انه كاذب ع عمتو ومو مخبرها حقيقة ابو قاسم ولا عن عيلته
اتذكرت يامن.. شو هلء عم يعمل.. معقول عرف شو صار فيني!.. معقول كذبو عليه وخبروه اني تزوجت برضايي! معقول صدقهن؟!
ضليت ابكي وفكر بالحال يلي وصلتله.. ماعرفت شو اعمل.. ما كان عندي حل غير اني استسلم للامر الواقع واقبل بالي انكتب عليي..
____
مر شهر ع زواجي من ابو قاسم وكل شي متل ما هوا.. مافي شي تغير.. لساتو مابييجي لعندي الا كل ليلة بيئذيني وبيروح.. وحابسني بهالبيت الكبير.. ولهلء ما بعرف شي عن حدا ولا عن يامن..
اليوم كنت قاعدة عم اشرب قهوة الصبح بكير ولسا عم فكر بكلمة ابو قاسم وقت قلي بجدد شبابي كل فترة
ماعرفت شو قصدو بس ما خطر ببالي الا انه بتزوج وبطلق..
حسيت بالراحة لما اتخيلت اني اطلق منه.. حسيت بأمل فات جواتي.. بكفي اني ما رح قضي عمري كله هون.. بالاخر رح يمل مني ويطلقني..
اجت لعندي فاطمة وانا عم فكر
فاطمة: تفطري هلء ولا بكير
رهف: لا يسلمو مو جاي ع بالي
فاطمة: متل مابدك خانوم
رهف: خالة فاطمة ماتحكيلي خانوم انا بعمر بناتك
فاطمة: مابعرف يمكن لاني اعتدت ع هالشي
رهف: اعتدتي تحكي خانوم لكل صبية بتزوجها ابو قاسم!
فاطمة: اه! شو! لا مو هيك
رهف: هههه لك خلص خالة ما تتوتري.. انا عرفت.. ابو قاسم خبرني الليلة يلي فاتت
فاطمة: والله مابعرف شو بدي قلك
رهف: ما تقولي شي.. نصيب وانكتب عليي شو بدي اعمل
فاطمة: بس انتي غيرهن كلهن ياخانوم
رهف: كيف غيرهن مافهمت
فاطمة: مابعرف شو بدي قلك
رهف: لك احكي لشو الخوف
فاطمة: يعني انا لاول مرة بشوف البيك بهي الحالة.. صراحة اتزوج من قبلك اكتر من مرة.. بكل مرة ما كان يقعد اكتر من 3 او 4 ايام وبالكتير اسبوع وبطلقها
رهف: اسبوووع!!!
فاطمة: اي والله متل ما عم قلك.. ما بعرف هوا عم يعتبر الشغلة هواية وحلال ولا شو مابعررف والله.. بس يلي بعرفو انك اول وحدة تبقي هالمدة وبييجي كل يوم لعندك.. حتى
رهف: حتى شو
فاطمة: طول الوقت بوصيني عليكي وبتصل كتير بالنهار ليسأل عنك
رهف: هههههه لا تقولي انه حبني.. ع اساس بنحكي ولا بنقعد سوا حتى يعرفني ويحبني
فاطمة: مابعرف بس عالاكيد مانو معتبرك متل يلي قبل.. لكان طلقك بعد اسبوع او اسبوعين
رهف: شو يعني احتمال ما يطلقني!
فاطمة: انتي بدك تطلقي!
رهف: لكان مفكرة اني بتمنى ضل هون ع طول.. انا مو عايشة.. حاسة حالي بسجن.. وحيدة بمكان مو مكاني.. انا بدي اتطلق اليوم قبل بكرة وارتاح من هالعيشة هي
فاطمة: ووين بدك تروحي! الك حد هون!
رهف: كان الي.. قبل مايبيعوني بالرخيص.. هلء ما الي حدا.. بس حتى لو مافي حد ما بضل هون.. لو بدي عيش بالشارع.. عالاقل بالشارع في هوا في عالم في صوت.. مو متل هون
فاطمة: الله يريح قلبك وبالك ي بنتي
رهف: اخ ياخالة الي قديه ماسمعت كلمة بنتي.. الله يرحمك ياامي
فاطمة: الله يرحمها حبيبتي ويعوضك خير
رهف: يارب ياخالة يارب
_
وانا عم احضر فيلم وقرقط بصوابعي من الملل والتعب والخنقة.. فات ابو قاسم رد السلام وشلح جاكيت البدلة..
قمت بكل هدوء سلمت عليه وقعدت ع السرير..
يمكن اعتدت ع هالشي وصار روتين يومي.. تعذيب ووحشية وقسوة بأكتر شغلة لازم تكون بحب وحنان..
بطلت قاوم ولا ابعد.. بس ضل ابكي من تم ساكت ولملم حالي وامسح دموعي..
ليلتها سحب حالي بهدوء ك العادة وطلع وما رجع..
بعد ربع ساعة رجعت لمحلي كمل الفيلم وكإنه الي صار هلء اتبخر وإختفى
كإنه ما اجا لعندي ولا لمسني ولا شفتو
كنت عم احضر بالفيلم وانا مو مركزة وعقلي بشي تاني
بفكر بكل شي صار معي بأقل من سنة.. ليه هيك صار.. شو ذنبي بكل هاد
معقول ربي كاتبلي هالعذاب هاد كله
طب وين نصيبي من الفرح.. من السعادة.. ما الي نصيب منهم بهالحياة!!
مليت وقمت طفيت التلفزيون ورميت حالي ع السرير حتى نام.. بس سمعت صوت نقر ع باب غرفتي.. توقعت تكون فاطمة لانه بالبيت كله ما بكون الا انا واياها
رهف: مين هون!! فاطمة!!!
اطلعت بالساعة كانت 11ونص بالليل وفاطمة هلء بتكون رجعت ع بيتها وبضل لحالي ومافي حد معي الا حارس الفيلا من برا..
اتوقعت يكون ابو قاسم رجع وبدو شي بس اذا اجا ابو قاسم ما بدق ع الباب ولا بنقر نقر خفيف هيك بفوت لوحده.. خفت وترددت قوم.. بس رجعت ضحكت ع حالي انه حتى لو حرامي ما بدق وبستأذن مني كان فات لوحده .. اتاكدت وقتها انها فاطمة وشكلا لسا مو رايحة ع بيتها..
قمت من مكاني ورحت لافتح الباب.. بحلقت عيوني اول ما فتحت باب غرفتي وشفت مين جاي لعندي
غبت عني الوعي بثواني وماعدت حسيت ع حالي
_ #يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡