الفصل الرابع
قصص وروايات 📚📖:
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *السجينة.tt*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#السجينة
#بقلم_نداء_الصوالحي
#الجزء_الثالث
كنت عم اطلع بملامح رنا يلي متلبكة وعم تهرب بعيونها عني.. ماقدرت اعرف منها شي. هربت بلا ما تجاوبني مين ابو قاسم وشو جاي يعمل هون
وليه انا الي بدي استقبلو..!
للحظة خطر ببالي يكون حد من معارف ابي او رفقة مع اهلي.. تشجعت للحظة وقمت غير تيابي
طالعت من خزانتي فستان بني لبسته وحطيت شال واخدت نفس وطلعت لبرا.. لقيت عمتي بالمطبخ عم تعمل قهوة.. فتت لعندها وانا مكسورة وقلبي عم يوجعني وقفت جنبها وماحكيت شي
اطلعت فيني من فوق لتحت ورجعت كملت عمايل القهوة
فدوى: هلء بس نادي عليكي بتجيبي القهوة وبتيجي ع غرفة الضيافة
رهف: حاضر.. بس مين ابو قاسم
فدوى: رفيق عمك ناصر
رهف: ايه! وبيعرف بابا شي او بعرفني شي
فدوى: ومنين بدو يعرفكن
رهف: لكان ليه بدي اطلع قابله
فدوى: هلء بتعرفي كل شي.. انا رايحة بعد شوي بتيجي لا تتأخري
طلعت عمتي من المطبخ وتركتني بحيرتي.. بقيت فكر مين هوي وشو بدي اطلع اعمل عندهن لوقت ما نادت عليي عمتي
حملت صنية القهوة ورحت ع غرفة الضيافة
رديت السلام واطلعت فيهن كان جوز عمتي ناصر وعمتي قاعدين بالواجهة وبجنبهن رجال بعمر الخمسين او اكتر.. باين عليه الهيبة والعز. تيابه انيقة وشكله مرتاح مادياً ونفسياً
اطلع فيني من فوق لتحت وابتسم واطلع ع ناصر وهزله بالرضا وهوا عم يحرك بايديه بالسبحة..
قدمتلهن القهوة ورحت قعدت ع جنب..
ناصر: وهي رهف.. شو رايك ابو قاسم
ابو قاسم: اي ما شاء الله ماشاء الله.. تبارك الخالق
فدوى: ان شاء الله تكون متل ما بتتمنى
ابو قاسم: ايه واكتر كمان
كنت عم اطلع فيهن وانا مو فاهمة شو الي عم يحكوه وليه لاعجبه..
ناصر: لكان قومي يامرة خلينا نترك العرسان لوحدهن شوي
حسيت قلبي انقبض ونفسي داق.. ما قدرت احكي شي.. الكلام علق بحلقي وما قدرت ابلع ريقي بس سمعت كلمة عرسان
طلعو عمتي وناصر لبرا وبقيت انا وابو قاسم لوحدنا.. قام من محلو واجا قعد حدي.. خفت ارفع وشي واطلع فيه.. بقيت حاطة عيوني بالارض وكل جسمي عم يرتعش.. انقهرت من الموقف يلي حطوني فيه.. كيف هيك بجيبوني بهي الطريقة وجايبينلي رجال اكبر من ابي..
ابو قاسم: كيفك ياحلوة
رهف: _
ابو قاسم: عم قلك كيفك.. ردي عليي
ماقدرت احكي شي كنت قرفانة اطلع في وشه ولا اسمع صوته..
ابو قاسم: باينتك خجلانة.. لا تخجلي مني عن قريب رح نتزوج ولازم نشيل حاجز الخجل من هلء مو
ما قدرت اكتم دمعتي وصرت ابكي بشكل هستيري وبخوف.. ابو قاسم ارتعب من شكلي وبلش ينادي ع ناصر وعمتي.. فاتو لعنا بسرعة وبس شافوني عم ابكي سحبني ناصر لبرا الغرفة من ايدي بقوة وبقيت عمتي تعتذر لابو قاسم ع الي صار وتفهمه
ناصر: لك انتي بدك تفضحينا مع الرجال.. غبيييية
رهف:_
ناصر: لك حاج تبكي اخرسي شبك
رهف: ما بدي اتزوج مين قلك بدي اتزووج
ناصر: ليه هي الشغلة بكيفك
رهف: لكان بكيف مين! انا مابدي اتزوج بعدين هاد اكبر منك ومن ابي كيف بدك تزوجني ايااه
ناصر: لك انتي صاححلك.. معو مصاري بتعيشك 100 سنة لقدام متل الاميرات
رهف: مابدي مصاري ومابدي اتزوج
ناصر: ايه لتكوني مفكرة ماني فاهمك وفاهم مخططك.. يامن لا تحلمي زوجك اياه
رهف: بس انا
ناصر: بدون بس.. انتي رح تتزوجي ابو قاسم ورح يمشي كل شي تمام.. لانه لو ما تزوجتي من ابو قاسم هادا.. رح زوجك لابو قاسم تاني ويمكن يكون اكبر وابشع لهيك اسكتي ومابدي مشاكل
رهف: لك حرام عليك.. ياامن ما رح يسمحلك
ناصر: يامن ما بيسترجي يعمل شي ولا يكسر كلمتي
رهف: بس ما رح يسمحلك تزوجني لهالرجال
ناصر: ايه بس يعرف انك انتي يلي بدك اياه ورح تموتي ع مصرياته اكيد ما رح يطلع بايده شي
رهف: ماا رح يصدقك
ناصر: بنشوف.. يلا هلء بسرعة غسليلي وشك وتعي اعتذري من الرجال
رهف: حسبي الله عليك
ناصر: اخرسي وبلا لعي فاضي يلا
طلعت عمتي لعنا وهيا عم تسال شو صار وليه بكيت وحاولت تهديني..
ناصر: لا ما تقلقي هي بس اشتاقت لابوها وامها وكانت بتتمنى يكونو معها بهاللحظة مو هيك رهف
رهف:_
فدوى: يعني ما في شي تاني!
ناصر: لا شو بدو يكون.. بكرة بس تتزوج وتشوف العز ع اصوله رح تتشكرني كتير
فدوى: طب يلا رهف فوتي غسلي وتعي اقعدي مع خطيبك واتعرفي عليه
اطلعت بعمتي يلي متل الجدبة وما بتفكر بشي.. وبتركض ورا كلام زوجها بكل شي.. لو قلها روحي ارمي حالك بالبحر لعيشي بتروح
غسلت ورجعت لعندهن واعتذرت من ابو قاسم وقعدت حده.. كملت القعدة وانا ساكتة وعم اطلع فيهم وهني يحكو ويتفقو ع كل التفاصيل
بعد ساعة استأذن ابو قاسم وطلع ورحت انا ع غرفتي غيرت تيابي وقعدت ع السرير ابكي واتحسر ع حظي والمكان يلي رمتني فيه هالحياة
فاتت عمتي لعندي وهي عم تبتسم.. شافتني عم ابكي قعدت حكي وحكت بصوت عم يرجف
فدوى: بعرف انك زعلانة مني ويمكن ما رح تسامحيني بحياتك.. بس بدي منك تسمعي يلي رح قلك عليه
بعرف انه انتي بريئة ومابتعملي شي من يلي اتبلاه عليكي ناصر.. بس انا ما فيني كذبه.. مافيني رد عليه ودافع.. انا ضعيفة وما الي سند متلي متلك.. سندي الوحيد يلي كان هوا ابوكي.. وهلء راح
بعرف ظلمتك.. بس لو وقفت بوجهه ووقفت بصفك كان قلعك وقلعني انا كمان.. وكنا ما رح نلاقي مطرح نتدارى فيه.. لهيك لازم تتفهمي يلي عملته.. عملت هيك مشان احميكي واحمي حالي
رهف: وابو قاسم!!!!!.. عمتي حرام لا تعملي فيني هيك
فدوى: لا مو حرام.. الحرام انك ترفضي هيك فرصة وتبقي هون.. ناصر وانا بعرفه ما رح يهدى وحيزوجك.. اذا مو لقاسم لاي واحد غيره..
بعرف انك انتي ويامن بتحبو بعض.. بس هالشي من المستحيلات.. ناصر ما رح يوافق لو ع قطع رقبته
لهيك رهف بترجاكي تفهمي يلي عم اعمله.. انتي لازم تتزوجي ابو قاسم وتطلعي من هالبيت.. ابو قاسم ماناقصه شي.. بيت واملاك ومال وعز وجاه. رح يعيشك حياة بتحلم فيها اي صبية..رح تشوفي الكون كله بعيونه.. الخدم والسيارات وكل شي رح يكون تحت ايديكي
رهف: بس انا ماابدي انا بحب يامن.. انا مابدي مال ولا جاه.. مابدي قصور وخدم.. بدي ابقى هون حتى لو تحت رحمة عمي ناصر
قامت عمتي وخبطت الطاولة بعصبية.. نقزت واطلعت فيها بخوف.. كانت عم تحكي بمزيج من الخوف والعصبية
فدوى: موو ع كيفك.. رح تتزوجي وكل شي انتهى.. جهزي حالك هالاسبوعين كل شي رح يخلص قبل ما يرجع يامن
رهف: يامن!! ليه وينه يامن!! ما رح يرجع من الشغل اليوم!
عمتي!!! عمتي!!!
طلعت وتركتني عم فكر بكلمتها.. انا كنت ماسكة اعصابي لحد هلء وما انهرت لاني ناطرة يامن.. كنت متأكدة مستحيل هالشغلة تتم وانه ما رح يوافق ابداً .. بس طلع مو هون! وما رح يرجع لاسبوعين.. ومابيعرف بشي!
رميت حالي عالارض وانهرت بالبكي.. املي الوحيد كان بعيد عني.. انا خلصت اتورطت ومافي مجال غير اني اتزوج ابو قاسم..
___
بعد 12 يوم من محاولاتي باني اتواصل مع يامن واعرف هوي وين ماقدرت.. استسلمت للامر الواقع وتأكدت انه خلص كل شي انتهى هلء
كتبت كتابي ع ابو قاسم ودفع مهري شرينا الدهب وعمتي جهزتلي شوية تياب ولوازم الزواج..باقي يومين ع زواجي.. ويامن لسا ما رجع ولا دري بالموضوع كله.. بقيت باخر يومين ع امل انه ييجي ويخلصني من هالورطة ما اجا..
بنات عمتي طول الوقت كانو عم يبكو ومو هاين عليهن حالي بس ما كان بايدهن يعملو شي.. حتى هني ما بيعرفو وين يامن راح.. كل يلي بيعرفوه انه ناصر بعته لمكان ومارجع لهلء..
عمتي طول الوقت عم تحسسني انه هاد الصح وهاد الي لازم اعمله وتحاول بكل الطرق تقنعني.
وناصر يلي كان مبسوط وباين انه مستفاد كتير من هالجوازة وقابض مبلغ مرتب كتير من ابو قاسم..
اما ابو قاسم ف هاد اللغز الي لهلء ما قدرت حله.. رجال رفيق جوز عمتي اجا اتقدملي ومابعرف عنه شي تاني..
بييجي لعندي كل يومين جايب هدايا واعراض بيسلم وبيروح ع طول..
رجال بعمر 57 متل ما قالتلي عمتي انه وحيد وعنده شركات واملاك وعنده فيلا ووضعه فوق الريح..
الي ريحني وطمن بالي انه وحيد وهالشي رح يخليني اقدر اتأقلم ع هالحياة يلي بدي انتقل عليها.. انه مافي حد يشاركني بحياتي..
يوم فرحي الي ما كان فرح.. كان قعدة بالبيت عالساكت ما كان في حد.. انا وعمتي وزوجها وبنات عمتي وابو قاسم واخوه الي من عمرو..
لبستني عمتي فستان فرايحي جابلي اياه ابو قاسم هدية.. وبعتلي كوافير ع البيت زبطتلي شعري وعملتلي ميك اب ناعم.. طلعت حلوة كتير بملامح حزينة وبائسة..
كانت من اصعب لحظات حياتي.. كنت عم اموت الف موتة وانا قاعدة بجنب ابو قاسم.. كنت عم اتخيل بعد شوي كيف بدي روح معه عالبيت.. كيف بدي قرب منه ولا يقرب مني.. مو متخيلة هالشي يصير
للحظة تذكرت يامن وكنت رح موت من البكي.. اتذكرت طفولتي معه كبري معه حبي اله.. اتذكرت حنانه.. بس لمته لمته كتيير لانه تركني ولهلء ما فكر يتصل يطمن عليي.. حتى ما كلف خاطرو وخبرني انه رح يغيب كل عالوقت..
اتذكرت وجه امي.. وجه ابي تذكرت حبهم وحنانهم.. وجعني قلبي.. تمنيت يرجعو بس بهي اللحظة ويشوفو شو عم يعملو فيني عمتي وجوزها.. تمنيت ييجو هلء وينقذوني من هالطريق المجهول يلي رح فوت فيه..
_
نزلت من السيارة وانا عم اطلع حواليا عالسرايا يلي بدي عيش فيها.. بيت ولا بالاحلام.. اشبه بالقصر.. فات ابو قاسم قبلي وانا مشيت وراه.. فتنا لجوا ونادى ابو قاسم ع وحدة اسمها فاطمة.. ست مو كبيرة كتير بالعمر باين انها بالاربعينات وشكلا هي مدبرة البيت.. رحبت فيني وعرفها عليي وطلب منها تحضرلنا عشا..
ابو قاسم: مشي معي نطلع لفوق
رهف: حاضر
لحقته ع الدرج يلي بنص البيت وبيطلع بشكل دائري ع قسم تاني فوق.. كان الخوف عم يتسلل لقلبي كل ما نقرب نوصل غرفتنا.. اول ما فتت الغرفة قفل الباب.. ارتعبت شوي بس بعدا ما حبيت بين خوفي.. وصلت لعند السرير لاقعد وغير تيابي بس ما لحقت اعمل شي.. كان جاي لعندي متل الطور الهايج يلي شاف اللون الاحمر قدامو وماعاد شاف غيرو..
حاولت بعد عنه وصرخ.. بس ما قدرت
رغم كبر سنه.. بس كانت فيه عافية وصحة عن عشر شباب
كان عم يلمسني بطريقة وحشية ومؤذية.. قطعلي تيابي بشكل شرس وما رحمني باول ليلة الي معه..
وبعد هديك اللحظة ما عدت تذكرت شي..
#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵