الفصل الثالث
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *السجينة.tt*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#السجينة
#بقلم_نداء_الصوالحي
#الجزء_الآۆلْ
ك العصفور ذو الجناح المكسور.. لا يعرف الطيران.. ولا يعرف طريق العودة
تعرض ل مصيبة.. فقد أعز ما يملك.. كسر جناحه.. وبقي وحيداً تائهاً لا يعرف اي اتجاه يسلك
لكن كان لابد له ان يسلك اتجاه ويمضي في طريقه
سلك الطريق.. ولكنه لم يعرف ان الطريق الذي سلكه س يؤدي به الي حافة الهاوية
او قد يؤدي به الي حائط مسدود..
لكن..! قد يبقى هناك أمل بأن يشفى جناحه ويتمكن من الطيران ويجد مخرجاً من تلك الطرق دون الحاجة من ان يكمل السير فيها ❤
__
(غرفة كبيرة.. حيطان باللون الأبيض.. رفوف مليانة بالكتب ومصفوفة بطريقة منظمة.. مكتب كبير باللون الأسود.. وكرسي مكسو بالجلد.. وانا قاعدة عليه وعم دور فيه وأطلع بالسقف
اندق باب المكتب وقفت حركة ولهف قلبي لما فات لعندي ببدلتو الرسمية وابتسامته الهادية وشخصيته الجذابة.. قمت من محلي بكل خفة وركضت لعندو متل الطفلة لضمو بقوة )
سماح: لك قوووومي يخرب بيتك كل هاد نووم
فقت من النوم ع صوت خشن ودفشة قوية ع كتفي..
رهف: بسم الله.. لك حلي عنا بقى شو بدك فيني تركيني نااام.. يخرب بيتك فيقتيني من احلى حلم
سماح: قوومي انقلعي حاج نوم واحلام.. مفكرة حالك بفندق خمس نجوم.. نحنا بسجن حبيبتي
رهف: اووف شو بدك هلء!!
سماح: دورك اليوم بتنظيف الحمام
رهف: شووو لا مو دوري قبل يومين كان عليي الدور
سماح: اي واليوم انا جاي ع بالي خليه دورك.. عندك مانع
رهف: لا ما عندي
سماح: ايه حسبت
رهف: اووف ايمتى اخلص بقى
راحت سماح وهيا عم تهز بجسما الضخم يلي بيوزن 200 كيلو وانا قمت عن الأرض من المتر يلي حددتو بالفحم وبنام فيه.. نفضت تيابي يلي بلبسهم كل يوم انا وكل يلي معي.. حملت ممسحة وسطل وفتت ع الحمام يلي بالزاوية بنفس غرفة السجن وبلشت نضف فيه.. ما كان فيني اعترض ولا امانع.. سماح هي متل ابليس عالاكيد مطرودة من الجنة ومن رحمة ربي من كتر ما هيي سيئة وعليها جرائم وممكن لو لفظت كلمة لأ كنت هلء عم أبكي من وجع القتلة يلي رح آخدها..
لهيك من تم ساكت بعمل يلي بتملينا عليه حتى لو ظلم..
خلصت تنظيف وغسلت ايدي ووجهي ورجعت قعدت محلي
غمضت عيوني وحاولت ارجع نام ماقدرت.. كانت لسا تفاصيل الحلم بعقلي
الحلم يلي بنطر فيه من 6 شهور.. قرب يتحقق
ما بقي شي
مكتبي الخاص.. بيتي الخاص.. حياة العز والرفاهية.. هوا نضيف وراحة بال وانا واياه وبس
ماضل حاجز لكل احلامي غير الحكم.. خايفة كتير ومابدي الدنيا تقفل بوجهي متل زمان
باقي 4 ايام ع اخر جلسة بالمحكمة ورح يصدر الحكم النهائي بقضيتي.. بس هوا طمني كتير.. خبرني انه عالاكيد رح آخد براءة.. بيكفي الشهور يلي قضيتها هون..والله تعبت.. تعبت
غفيت وانا عم فكر بالايام يلي جاية.. وبأهم يوم بحياتي يلي ما بقيلو شي
كانت عم تمر الايام ببطئ شديد.. اليوم عم يمر كإنه سنة.. وكل ماقرب يوم محاكمتي حس النهار بيطوول والليل ما بيخلص.. كنت قضيها سكوت وهدوء وتفكير ع غير عادتي.. حتى كل يلي معي بالسجن حسو عليي.. شكو اني مخبية عليهن شي.. لانه فعلاً لهلء ما حدن فيهم بيعرف انا ليه جيت لهون وشو السبب وايمتى رح اطلع
فتت مجهولة الهوية ورح اطلع منه مجهولة
كل يلي بيعرفوه عني انه اسمي رهف وعمري 24 سنة غير هيك ماحدا بيعرف شي
لهيك فئة كبيرة كانت تكرهني بالسجن وتحكي عني وتألف اشكال الوان وفئة تانية كانو من طينتي وبراءتي ومرميين ظلم..
قبل محاكمتي بيوم كنت قاعدة مع تمارا البنت يلي تعرفت عليها من وقت جيتي وتعلقنا انا واياها ببعض.. صرنا رفقات وصرت بعرف عنها كل شي من تاني نهار قضيته معها.. بس هيي لهلء مابتعرف عني شي متلها متل الباقي وهالشي كان مدايقني ومحسسني بالذنب طول الوقت.. كنت كتير حابة خبرها حكايتي وماخبي عليها بس كان في شي بيمنعني طول الوقت..
تمارا: بشو عم تفكري الك كم يوم مو على بعضك
رهف: ممم ولا شي
تمارا: متأكدة ما في شي!
رهف: مابعرف
تمارا: كيف رهوف ما بتعرفي! يا ايه يا لا هههه
اطلعت بعيونها الطفولية وتذكرت حكايتها.. بنت لقيطة ربيت بملجأ ووقعت بين ايدين ناس مابيعرفو الرحمة ورموها ع الطريق الوسخ لتأدي قذارتهم الي عم يعتبروها شغل وبيزنس.. وانمسكت هيا وغيرها وانزتو بالحبوس وماحدا سال عني ودور ع حالهم
كانت كل ماتحكي حكايتها تصعب عليي وحس قديش في ناس ظالمة وقديش فيه مصايب بهالدنيا
بس نفتح عيونا منيح رح نتأكد انه بكل قلب فيه غصة وجوا كل شخص فيه قصة.. وكل واحد مفكر مصيبتو هي اكبر مصيبة بس لما يسمع مصيبة غيرو بهون عليه كل يلي صابه..
وهاد الي صار معي من وقت الي فتت هون شفت فعلاً قديه في ناس مظلومة والسجن مو مكانها الصحيح..
رهف: تمارا لو طلعت من هون رح تشتاقيلي
تمارا: شو اشتقلك! لك انا ما بعرف منين الله بعتلك لعندي.. بموت لو بعدتي عني
رهف: بس انا احتمال اطلع هاليومين
تمارا: شووو
رهف: بتعرفي انا حبيتك كتير واعتبرتك اخت وصديقة.. ومافيني خبي عليكي اكتر من هيك.. انا محاكمتي بكرة.. ادعيلي اخد براءة
تمارا:_
[٨/٢، ٥:٥٣ م] ملاك♥: رهف: لك لا تدعي علي .. والله والله الك عليي لو طلعت من هون ما اتركك ولا لحظة وضل زورك طول الوقت وجبلك كل شي نفسك فيه بس ادعيلي
تمارا: هههههه
رهف: وبس تطلعي من هون رح اخدك لعندي وعيشك حياة اكبر من الي بتحلمي فيها
تمارا: هلء ماشي انا مصدقتك انه ما رح تتخلي عني بس لا تزوديها وتخليني فكر انك رح تطلعي من هون عالجنة وتلاقي كل شي بيستناكي
رهف: ههههه ليه لا.. قولي ان شاء الله
تمارا: ههههه هلء ما بدك تحكيلي شو الي جابك لهون
رهف: بس تطلعي من هون وجيبك لعندي رح نحكي كتير
تمارا: ااخ هاد اذا طلعت
رهف: ماتخافي رح تطالعك من هون اول ما رتب اموري
تمارا: هههه اي رح استنى معروفك سيادة الوزيرة
رهف: اضحكي اضحكي.. بكرة ما رح تعرفي كيف تتشكريني
تمارا/رهف: ههههههه
بقينا انا وتمارا سهرانين ونحكي ونضحك سوا وانا عم خطط وارسم شو رح اعمل بس اطلع من هون..
طالعت من جيبي الورقة يلي معي من ست شهور وما تركتها ولا لحظة.. مسجل فيها رقم حسابي بالبنك الرقم يلي حفظتو اكتر من اسمي.. ابتسمت وانا عم اقرأ بالرقم واضحكت من كل قلبي..
تمارا: ع شو عم تضحكي
رهف: رح ييجي يوم وتعرفي
تمارا: ايه مااشي
تعبت تمارا وبلشت تغمض عيونها لوقت ما رمت حالها وغطت بسابع نومة.. ضحكت ع شكلها حطيت ايدي تحت راسي وتمددت لنام بس بلحظة اتلاشت كل الابتسامة والفرح من ملامحي.. فاقت الغصة الي جوات قلبي.. تجمعت الدموع بعيوني وبلشت اتذكر التفاصيل كلها.. مابنسى شي.. بتذكر كل يلي صار كإنه عم عيشه هلء..
قمت من محلي واطلعت ع البنات يلي نايمين.. كل وحدة ماخدة جنب ونايمة فيه.. اكتر من 15 بنت بزنزانة وحدة حجمها ما بتعدى اربع امتار
بس إتأكدت انه الكل نايم ومافي حد عم يتقلب.. مشيت باتجاه الحمام وطالعت دفتر صغير وقلم كنت مخبياهم بشق بقلب الحيط..
رجعت لمحلي وقعدت وحطيت مخدة بحضني وفتحت الدفتر وبلشت اكتب
ما كنت حابة احكي لتمارا شي.. بس كنت محتاجة اكتب وطلع يلي جواتي.. وتمارا هي الشخص الوحيد يلي بستحق يقرأ كل يلي بدي أكتبه..
بس رجعت ترددت كتير وخفت أكتب شي.. رجفت ايدي ووقع القلم منها..
سكرت الدفتر ورجعت تمددت وانا عم اتذكر هداك اليوم.. وقت تركوني وراحو وصفيت لحالي بدنيا كلها ذئاب..
____
#قبل_عامين
رهف: حاسة قلبي رح يوقف.. مو مصدقة يلي صار.. بلحظة وبغمضة عين يموتو.. والتنين سوا!! ليه ياربي.. ليه!!
ليه ما تركتلي بس واحد منهن عيش معه
لمين بدي ابقى!.. شو بدي ساوي بهالدنيا
طب ليه ما اخدتني معهن ياربي
ولاء: استغفر الله العظيم.. حبيبتي استهدي بالله لا تضلي تبكي
رهف: مو قادرة يا ولاء مو بايدي حاسة روحي رح تطلع.. لك امي وابي راحوو وتركوووني شوو اعمل بحاالي كيف بدي عيش.. ما الي حدن غيرهم
رنا: لا تقوولي هيك نحنا معك وما رح نتركك بكفي بكي والله قطعتي قلبي
رميت حالي بحضن ولاء وكملت بكي.. ضليت ابكي لوقت ما حسيت بدو يصير انفجار براسي.. تعبت كتير وصوتي راح..
اليوم تالت يوم العزا بعد ما توفو امي وابي بحادث سير..
كانو جايين يحضرو حفلة تخرجي.. كنت لابسة عباية التخرج وعم استنى فيهم ع نار
كل البنات اهلهن اجو واحتفلو وباركولهن واتصورو معهن وانا لسا عم انطر جيتهم.. وهني جايين لعندي وقبل لا يوصلو قلبت فيهن السيارة ع الطريق
نطرتهن يومها كتير لوقت ما وصلني خبر وفاتهن..
رجعت ع بيت اهلي مكسورة.. وحيدة.. مجروحة
مافي اي دوا بالعالم فيه يداويني.. ولا شي ممكن يعوضني عنهم
...
المسا خلص العزا وبلشو يضبو ويرفعو كل شي وانا مطرحي بدون اي حركة..
الناس بلشت تنسحب شوي شوي لوقت ما صفيت لوحدي مع عمتي فدوى وبناتها ولاء ورنا الي ما تركوني ولا ثانية
فدوى: قومي ياعمتي خدي دوش وارتاحي الك ثلاث ايام ع نفس التياب ونفس القعدة مابصير هيك
رهف: عمتي شو اتحمم شوو ارتاح انا بدي موت.. هيك برتااح
قربت لعندي واخدتني بحضنها وهي عم تطبطب عليي
فدوى: بعيد الشر عن قلبك لا تقولي هيك حبيبتي والله ياروحي حاسة فيكي اخي الله يرحمو وامك غاليين علينا متل ماهما غاليين عليكي ووجعي متل وجعك بس مابصير هيك هي ارادة ربنا ولا اعتراض على حكمه لهيك استهدي بالله وقولي الحمدلله
رهف: الحمدلله
فدوى: يلا قومي ياروحي اعملي متل ماقلتلك وانا والبنات بنكمل ترتيب وبعدا بنلحقك لنام
رهف: ماشي عمتي
مسحت دموعي بكم جاكيتي وقمت من محلي وجريت حالي جر.. حاسة هم كبير وارتمى فوق ظهري.. بس وجود عمتي وبناتها ويامن حدي كان كفيل بانه يهون عليي
يمكن لانه اعتدت ع وجودهم وما الي غيرهم بهالبلد خلاني اتعلق فيهم..
بعد ما تحمتت وغيرت تيابي هربت لغرفتي وتمددت ع سريري وضميت رجليي ع صدري ونمت وانا عم ابكي
__
فقت تاني نهار ع صوت يامن الحنون يلي اعتدت عليه.. فتحت عيوني شفته واقف قبالي وعم يهمسلي همس
اطلعت فيه ولا ارادي ابتسمتله رغم الوجع يلي جواتي
يامن: يسعدلي هالصباح
رهف: وصباحك يامن
عدلت حالي وقعدت وركزت ضهري
يامن: كيف صرتي ان شاء الله احسن
[٨/٢، ٥:٥٣ م] ملاك♥: رهف: منين بدي كون احسن
يامن: ما اتحسنتي من شوفتي
رهف: بسببك انت بس انا لهلء صامدة
يامن: رهف بعرف الي صار صعب وصدمة كبيرة الك وللكل بس ما بدي ضل شوفك هيك.. مابدي تضل هالعيون عم تبكي.. انا بجنبك وما رح اتركك لاخر نفس فيني.. بس اتحملي واقوي مشاني
اتجمعت الدموع بعيوني ونزلت راسي وحكيت بصوت عم يرجف
رهف: معقول ما رح تتركني
يامن:اتركك!!! لك والله بوعدك ابقى العمر كله بجنبك
كلام يامن ريحني كتير وبينزل متل البرد ع قلبي.. بحس بالراحة والامان بوجوده
من وانا صغيرة كنت شوف فيه الاخ والصديق والرفيق والحبيب وكل شي ممكن احتاجه
يامن ابن عمتي فدوى عمرو 27 سنة وبيشتغل محامي بمكتب محاماة.. بيكبرني ب8 سنين وبعاملني بكل حب وحنية من وقت ما وعيت ع هالدنيا
الكل بيعرف انه علاقتنا اخوة مودة صداقة.. بس الي بيني وبين يامن اكبر من انه توصفه الكلمات
كنا متل روحين وانخلقو لبعض بصورة بريئة وطاهرة وصادقة..
#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*ر