الفصل الثاني
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *السجينة.tt*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
وقوف يامن بصفي بكل مرة كان يبني عداوة بيني وبين عمتي وجوزها.. انا ما كنت اتدخل ولا رد عليهم.. حتى ما كنت دافع عن حالي.. كنت ابلع الزلط ومشي..
بس يامن ما كان يسكت وع طول ياخدلي حقي ويدافع عني.. بنات عمتي كانو بحالهن وما بقدرو يتدخلو بشي متل حالاتي..
بس جوز عمتي ما هدي بالو.. كنت بعرف من قبل ما اجي ع هالبيت انه ما رح كمل فيه مدة طويلة.. يمكن اولها شفق عليي بس كنت بعرف رح ييجي يوم ويقلعني بالعافية..
جوز عمتي كان انسان منافق.. مصلحجي وطفس.. كان طول الوقت يلزق لابي الله يرحمه ودائماً يستلف منه مصاري وياخد منه كل شي بيحتاجه.. وابي ما كان يقصر بسبب اخته الي ما كانت تهون عليه..
وكنت لما روح لعندهم ما يسترجى يدايقتي ولا يحسسني انه متقل من وجودي بس نظراته كانت كفيلة بإني افهم كرهه الي.. ولحتى الان مابعرف شو السبب.. بس كنت دائماً اتوقع بسبب ابي وامي يلي كان يغار منهن كتير
بعد ما مر 7 شهور ع وجودي ببيت عمتي.. المشاكل كانت عم تتضاعف.. قربي من يامن كمان عم يتضاعف.. والمسافة بيني وبين عمتي عم تكبر بسبب كلام وزن جوزها طول الوقت.. بس كانت بالنهاية توقفه وتمنعه من مدايقتي
لمرة بوقت المسا كنت قاعدة عالاسطوح عم احكي انا ويامن.. كنا قاعدين ببراءة وبهدوء
انا قاعدة ع كرسي هزار من الخيرزان.. ويامن قاعد ع الارض قبالي..
كنت عم اطلع بالسما الصافية والقمر المضوي بهالعتمة كلها.. وعم احكي ليامن عن ابي وامي وقديه اشتقتلهم والدمعة عم تتجمع بعيوني
يامن: خلص رهوف حاج حكي بيوجع القلب.. خبريني شي تاني بترجاكي
رهف: ااخ شو بدي خبرك كل يلي عندي هون بهالقلب وجع.. تعب.. حزن
يامن: يعني مافي حب!
اتوترت ونزلت راسي ورجعت بعدا اطلعت فيه
رهف: امبلا فيه
يامن: لمين!
رهف: للكل.. لماما وبابا.. الك لعمتي ولخواتك يعني بحب الكل انا
يامن: ايه بعرف بتحبي الكل.. انا مابقصد الحب هاد.. بسال عن الحب التاني
رهف: ليه فيه انواع من الحب ههههه
يامن: اي طبعاً.. في حب ابوي.. حب اخوي.. حب صداقة.. حب الحبيب العشق والهوى
رهف: ههههه اوف كل هاد
يامن: رهف بعرف انك بتحبيني
رهف: لكان خلص ليه عم تسأل
يامن: لانك ولا مرة اعترفتي
رهف: بس ييجي الوقت المناسب
يامن: هلء انسب وقت
رهف: لا يامن.. ما بجوز هالشي.. بس يربطنا شي بالحلال وقتا رح خبرك كل شي حابب تعرفه
يامن: عن قريب رهف.. قريب كتيير
ابتسمنا لبعض ورجعنا اطلعنا عالقمر وباللحظة نفسها فات لعنا ناصر وصرخ بصوت عالي خلاني فز من محلي من الرعبة
ناصر: لك الله يخرب بيييتكن
يامن: شووو فيه ابي
ناصر: لك ياوسخين بدكن تفضحونا هوون عالاسطوح
رهف: عمو شوو فيه
ناصر: اخرسي يا قليلة الترباية
اجت عمتي وولاء ورنا ركض ع صوت صراخ عمي يلي اجا بدون سبب..
ولاء: شوو فيه لك ليه عم تصرخو
ناصر: تعو شوفو بنت خالكن المحترمة شو عم تعمل مع اخوكي
فدوى: لك ناصر شو عم تحكي
ناصر: اي وانتي كمان تعي شوفي بنت اخوكي يلي بلتينا فيها
يامن: ابي انت شو عم تحكي نحنا كنا قاعدين عم نحكي ماعملنا شي
رنا: شو عم يعملو مافهمنا
ناصر: لك كانت قاعدة بحضنو الحقيرة وعم تتوددلو بطريقة وقحة
رهف: شوووو اناا!!!
ناصر: لكن اناا
يامن: ابي هالحكي ماصااار لا تفتري علينا
ناصر: اخرس ياكلب عم تكذبني.. شفتكن بعيوني هدوول
فدوى: لك يخرب بيتك يارهف من حالك بالاول جوزي وهلء ابني
رهف: عمتي اقسم بالله هالحكي مو صحيح
ناصر: لك ما تحلفي انتي الله متبري منك يافاجرة ايه مو من قلة ربنا اخد امك وابوكي لحتى ما يشوفو هالبلاوي يلي بتعمليها
رهف: لك حراااام عليك ليه عم تتبلى عليي
يامن: اناا مابسمحلك تحكي هيك رهف اشرف من الشرف ونحنا ماعملنا شي كنا قاعدين عم نحكي
فدوى: ياامن
يامن: والله ياامي متل ماعم قلك ماصاار شي
فدوى: شوو يعني ابوك بدو يتبلى عليكن.. شووو مصلحتو ااه
ولاء: امي يمكن صادقين
ناصر: انقلعي لجوا انتي واختك ما تحكو شي.. بسررعة
انربط لساني وكنت واقفة مطرحي بدون ماقدم ولا أخر.. خفت كتير وحسيت اني ضعيفة.. القط اكل لساني وماعدت حلفت ولا دافعت.. بقي يامن يتخانق مع امه وابوه ويحاول يشرح يلي صار ويقنع عمتي انه هالشي ماصار بس مااقتنعت وصدقت كلام جوزها بسهولة..
رحت ع غرفتي مذلولة بعد ماسمعت شتايم وسب بيفرم القلب من عمتي وجوزها.. قفلت ع حالي وبقيت ابكي الليل بطوله
حاول يامن كتير ييجي لعندي بس ماقدرت فوته ولا احكي معه بعد يلي صار.. كنت بعرف انه عم يتعذب ويبكي ومو هاين عليه يحكو عني.. بس حسيت انه بالنهاية ما رح يقدر يحميني منهن وما رح يقدر يغضبهن بسببي..
تاني يوم بقيت بغرفتي ما طلعت منها بنوب.. حاولو اكتر من مرة يفوتو لعندي بس كنت موجوعة ومجروحة من يلي صار امبارح.. حاولت بعدا اتماسك ومشي يلي صار وحاول اتناسى..
الساعة 5 بعد العصر اجت لعندي رنا فتحتلا الباب وفاتت وهيا وعم تفرك بايديها بتوتر وفي بتمها حكي
رهف: تعي فوتي شو في رنا.. بس ما تكوني جاية تشتميني كمان
[٨/٢، ٥:٥٤ م] ملاك♥: رنا: لا والله يارهف اعوذ بالله..
رهف: عم امزح معك
رنا: انتي بتعرفي غلاتك عنا مو
رهف: اي بعرف
رنا: بعرف بابا عم يزودها الله يسامحه وماما ع طول عم تصدقو وتركض وراه امانة لا تزعلي
رهف: خلص رنا بغلاتي عندك مو حابة ضل احكي بالموضوع.. تعي اقعدي
رنا: لا عليي وظايف بدي روح كملهن.. بس جيت لخبرك انه هلء جايين الك ضيوف وماما طلبت مني فوت وخبرك تجهزي حالك لتستقبليهن
رهف: لشو استقبلهن.. ومين هالضيوف
رنا: ابو قاسم
رهف: مين هاد ابو قاسم!!!
#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*