الفصل 28
البـارت الثـامن والعشـرون ( 1 - 2 )
--------------------------------------------------
فتح باب البيت لمشعل وطلع وشاف ميثم اللي كان يسولف مع مشعل ... رفع راسه وناظره وابتسم وقام بسرعه وسلم عليه ..
ميثم ابتسم : اخباارك وائل ؟
وائل ابتسم : تماام وين رحت انت ؟
ميثم : كنت مسافر
وائل : مرره طولت .. لك فقده
ميثم ابتسم : الله يسلمك ماتفقد غالي
مشعل رفع حاجبه وابتسم : اما هذا ميثم اللي مزعجنا فيه
ميثم ضحك : شف مايعرف يجامل ابد ذا !
مشعل ضحك : لا جد مدري وش مسوي بأخوي اقلقنا فيك
ميثم ابتسم : يااجعله يسلم ..
مشعل : ااي حياك اقلط
ميثم : الله يحييك بس هيثم نايم وانا دايخ ومنهد حيلي بروح انام بس .. يلا تآمر على شيء وائل
وائل ابتسم : سلامتك بس لا تطول زي اول
ميثم ضحك : لا ان شاء الله مو رايح
مشعل رفع حاجبه وتكتف : شف وانا طيب ما امر على شيء ؟
ميثم ضحك : افهمها ياخي تعبنا واحنا نسلك
مشعل ضحك ودف وائل جوا البيت : الله ياخذك انقلع انقلع بس الشرهه على اللي يبي يضيفك ( وخبط بباب البيت بقوه وهو كاتم ضحكته )
ميثم ضحك وركب السياره وتنهد بتعب ..
--------------------------------------------------
جلست على طاولة الطعام ورفعت راسها وتنهدت : ماكلمت احمد بالموضوع ؟
رفع راسه وعقد حواجبه : اقول له عن الموضوع بالجوال !! بعدين نجود مثل بنتي مستحيل اغصبها على شيء .. متى مابغت تتزوج الله يوفقها .. بس حالياً لا البنت توها صغيره
نواف ابتسم وحط كاس العصير على الطاوله ..
ابو احمد لف لنواف وبابتسامه خفيفه : وين اخوك ؟
نواف : نايم
ابو احمد ضحك: تضايق من كلام امك شكله هالعاشق
ام احمد رفعت حاجبها : يتضايق من ايش ؟ ماقلت شيء غلط .. متى ماتعدل انا موافقه بس يبيها وهو بهالحركات لا والف لا يكفي البنت يتيمه ماهي ناقصة له بعد ..
نواف عقد حواجبه : يمه انتي ماتدرين عن شيء .. نايف والله ويعز نجود ومايحب يضايقها ابد تعني له كل شيء هي اصلاً ..
ام احمد تنهدت : سكر السالفه ..
اسيل دخلت وابتسمت : مسااء لخير ..
--------------------------------------------------
تأففت بملل وبتسليك : طيب طيب خلاص ان شاء الله بكره عندك
عهود ابتسمت بخبث : ااي هذا الكلام اللي ابغى اسمعه
نجود رفعت حاجبها بقهر : سمعتيه وخلصنا ممكن تقلبين وجهك ؟ ( وسكرت جوالها ورمته بالتسريحه ومسكت راسها بيديها من الصداع : هالتعب أثر فيني صايره ازبد بزياده عسى ما اتكفخ بعدين بس ( وضحكت ورمت نفسها على السرير بتعب والتفكير مشغل بالها )
--------------------------------------------------
التفتت لأم جواهر وابتسمت : انا قصدي مشاعل وجواهر الله يرزقها ويوفقها ..
ام جواهر لوت فمها : مشاعل رافضه .. تعرفين من بعد ماطلق ولدك بنت خالد .. قالوا انه مريض .. وهي بصراحه قالت ما ابغى اتزوج مريض ! اما بنتي جواهر بسم الله عليها ( وابتسمت ) تقول ماهمني كلام هالناس .. وثامر معروف ماشاء الله بأخلاقه ..
ام ثامر عقدت حواجبها : اييش ولدي مريض !! من قايل لك هالكلام ؟
ام جواهر: كلن يقوله من بعد ماطلق زوجته ..
ام ثامر : انقطع نصيبهم !! ولا البنت الله يوفقها ماشفنا منها شيء وولدي ثامر ماهو مريض وولا شيء بس ماكتب ربي لهم نصيب !
ام جواهر تنهدت : مدري عاد بس اقول لك يعني
جواهر تنهدت ورفعت حاجبها : اذا تبغين تتأكدين بنفسك ؟ كلمي مشاعل وشوفي ..
ام ثامر بقهر : نادي مشاعل اذا ماعليك أمر
جواهر قامت وهي منقهره ورقت لغرفة مشاعل .. فتحت الباب ولقتها نايمه .. ابتسمت بخبث .. ونزلت للصاله وجلست وتنهدت : بصراحه يا ام ثامر حاولت معاها بس مارضت تنزل ونامت .. تقول مابي ولدهم مُراهق او فيه بلاء ولا صاحي يطلق زوجته قبل الزواج نفسه وقبل مايسافرون وهو ماشاف منها وولا شيء !
ام ثامر وقفت وبقهر : حسبي الله ونعم الوكيل ! ولدي مافيه الا العافيه .. وماهي واقفه الدنيا على مشاعل .. الف بنت يتمنونه
جواهر ابتسمت وقاطعتها وبدلع ماسخ : وانتي الصادقه ياخالتي ولا وحده بعقلها ترفض ثامر الـ###### الكل يشهد على اخلاقه ( وبنفسها ) وفلوسه بعد '
ام ثامر تنرفزت وسفهت جواهر وطلعت ..
ام جواهر بصوت عالي : انتظـــري يا ام عبدالله والله احنا شارينكم والنعم وسبعة انعام فيكم ولو تبغين بنتي جواهر لولدك ابد مانردك اعتبريها بنتك يالغاليه ..
--------------------------------------------------
انزعجت من جوالها اللي يرن .. خذته وردت بدون ماتشوف الاسم وبنعاس : همم
فواز ضحك وتنهد : صبـاح الخير .. انتي فأي مكان خيشة نوم دايم ..
منار ابتسمت وعدلت جلستها : حرام عليك مالي الا ( وناظرت ساعتها وضحكت ) 7 ساعات نايمه بس وااي صح صباح النور
فواز ضحك : بس ؟ صراحه شويه كان زدتيها بعد
منار : كان ودي بس انت دقيت وصحيتني ..
فواز ابتسم وتنهد : ماعلينا المهم ( وبهمس ) اشتقت لك .( وابتسم ) ماودك ترجعين يعني وترحميني شوي ؟
منار استحت وابتسمت : ما امداني جايه
فواز رفع حاجبه : بتكملين اسبوع وتقولين ما امداك بعد ! الا بأي يوم بترجعين ؟
منار : امم مدري بس اتوقع الاثنين ..
فواز : يعني بعد زواج وداد بأسبوع ؟
منار عقدت حواجبها : زواج وداد الاسبوع الجاي !!
فواز تنهد : اييه الله يوفقهم
منار تنهدت : ليش ماقلت لي .. مو لاحقه عليه حسافه ..
فواز بابتسامه خفيفه : ماعليه بتشوفينها اذا رجعتي ان شاء الله ..
منار : ان شاء الله ، الله يوفقهم ويسعدهم .. فواز لحظه بس بأروح اتروش واذا خلصت دقيت عليك ان شاء الله ..
--------------------------------------------------
لف لجنبه وشافها نايمه وابتسم .. نزل من السياره وسكر الباب ومشى لبابها فتحه وشالها وقفل سيارته ومشى للبيت .. سمع صوت وراه عالي : فااااارس فاااارس
فتحت عيونها بإنزعاج من صوت احمد طاحت عيونها على فارس .. عقدت حواجبها واستوعبت انه شايلها وشهقت : فااارس نزززلني
فارس ضحك : مافيه
أليس ضربت صدره بيدها الصغيره : فاارس قلت لك نززلني نززلني والله لأعلم طلاال ترا
فارس ابتسم : تدرين وين احنا فيه ؟
أليس بعناد : مابي اعرف المهم نزلني ( وبلقافه ) لا لحظه وين احنا فيه ؟
فارس ضحك على عفويتها : طلعنا من العاصمه
أليس بغباء : ااي طالعين من زمان ومن السعوديه بكبرها بعد ..
فارس مات من الضحك : لااا يالسبيكه قصدي طلعنا من واشنطن هههههههههههههههههههههههه
أليس تفشلت من ضحكه العالي .. وبخجل : نزلني
فارس ضحك : لاا هههههههههههههههههه
اليس بقهر : لا تضحك
فارس ضحك بصوت عالي : غبائك يضحك معليش
اليس : مو غبيه انا ومافيه شيء يضحك .. قلبك ميت اصلاً
فارس نزلها بس مسكها من كتوفها وقربها له ورفع حاجبه باستغراب : ميت ؟
اليس لوت فمها بملل : ااي جدتي دايم اذا شافت احد يضحك كثير قالت قلبك ميت بس ترا مدري وش معناها اذا رجعت سألتها ان شاء الله ( وبعفويه ) بس بشرط تقول لي وين احنا فيه ؟ ( وبسرعه ) وماتضحك بعد
فارس ماقدر يمسك نفسه من الضحك .. وهذا اللي قهر أليس زياده ..
طلال قرب من عندهم وابتسم : ألوسي ماودك تشوفين ابوك ؟
أليس فزت وبفرح : الا وينه ؟
طلال مسك يدها ودخلوا المستشفى .. ودخلوا وراهم احمد وفارس .... مشى طلال لأحدى الغرف طق الباب وفتحه وشاف اخوه ماسك دبدوب صغير ومبتسم ..
أليس تجمعت الدموع بعيونها رفعت راسها وناظرت طلال ..
طلال تنهد وابتسم وبهمس : هذا ابوك يا أليس
بلعت ريقها ودقات قلبها كل مالها وتزيد من الخوف والتوتر .. قربت من عند ابوها .. جلست قدامه ونزلت دموعها ..
ناظرها وعطاها المناديل وهو راحمها ..
أليس انفجرت من الصياح وطاحت بحضنه ..
استغرب وخاف منها .. ناظر طلال وهو مستغرب ..
طلال تنهد ونزل راسه بضيق
فارس عرف ان ابو أليس ابكم واصم من حركاته .. قرب من عنده وجلس جنبه ... وقام يأشر له ويعلمه بلغة الاشاره ان أليس بنته ..
طلال بضيق : لا تحاول يافارس .. ماراح يفهمك ابداً .. بس راح يتعاطف مع أليس .. ( وتنهد ) زيي انا ما يدري اني اخوه مع اني سنين وانا معاه ودايم اكلمه بلغة الاشاره ... بس يعتبرني كـ صديق كل ماشافني ابتسم ويتعاطف معي كثير وما يحب يضايقني بـ ولا شيء ! وحتى لو هزأته وصارخت عليه يبتسم لي وكأني امدحه وماقلت له شيء ابد ..
احمد باستغراب : مو هذي اعراض متلازمه داون !
طلال : تشبه لأعراضها شوي يمكن بس متلازمه داون من ولادته .. اخوي من بعد وفاة زوجته الله يرحمها ..
فارس تنهد بحزن وناظر ابو أليس اللي كان يناظرها وهو راحمها وهي تبكي بحضنه وشهقاتها تتعالى ..
--------------------------------------------------
رفع راسه وعقد حواجبه وباستغراب : السعوديه ؟
ريان تنهد : ااي .. بس قبل نشوف وين هنادي وجوري .. من امس ندور عنهم ونسأل ومالقيناهم
رواف باستغراب : من متى وهم مفقودين ؟
ريان : من كم يوم وهالفالحه جودي توها تقول
رواف ابتسم على طاري جودي : ريان اعذرني بس لازم اسكر اللحين .. واذا تبغى مساعده او اي شيء لا يردك الا لسانك
ريان تنهد وابتسم : لا عادي وانا اخوك الله يجزاك خير .. مع السلامه ( وسكر الخط )
--------------------------------------------------
* انــا اعـــرف من هـــو ! *
التفتوا للصوت وهم مستغربين واستغربوا اكثر يوم شافوها ..
مجهول باستغراب : كيف تعرفينه ؟
جوري ابتسمت : شفته يكلم احدى الحراس عن الجثه اللي طاحت عليهم من الدولاب ..
انري باستغراب : كيف ؟ ومتى حصل هذا ؟
مجهول ابتسم ابتسامه واسعه وبحماس : لحـظه فهمت .. ( وناظر انري ) عطني جوالي بسرعه
انري عطاه الجوال وهو مستغرب ..
مجهول دق على ماكس بسرعه ..
انري ناظر جوري ورفع حاجبه : هل انتي متأكده ؟ وهل لديك أدله كافيه ؟
جوري هزت راسها وابتسمت : نعم صدقني .. كل الأدله تنعكس عليه .. وجرائمه واضحه كوضوح الشمس .. ولكنه ذكي للغايه حين تصرف بها بكل حـذر ..
--------------------------------------------------
وقف قدامه وضحك بسخريه : مُحـاوله بـادت بالفشل .. ذكـي بخطواتك الأولى ولكنك ختمتها بغبائك ! ..... قتلت اخاك ورميته بإحدى غرف الدور الثالث .. وأدعيت بأن هذا البيت مهجور ! ويوجد به من الأشباح فقط كي تُرعب الناس .... قتلت اخاك الثاني غيرةً من منصبه وتفضيل اباك له في كل شيء .. امرت احدى الحراس بقطع الكهرباء وتمثيل الخوف والدهشه .. دخلت الغرفه من السُلم الأسفل الموصل للغرفه .. وقتلته وشاركت معك بالجريمه الخـادمه .. ( وابتسم بسخريه ) التي أدعت الصُراخ والخوف والبكاء وعندما نزلنا للأسفل .. ركضت بسرعه لكي تُخبر الحراس .... حاولت قتل ستيفن لأنه كاد ان يكشف امرك بمحاولة دخوله للغرفه الموجود فيها الجثه بالدولاب .. ولكن يوجد من سبقك وطعنه غيضاً منه ..... دخلت القصر وتفاجأت بالفتاة التي كانت بالغرفه .. ( وباستغراب ) المُريب بالأمر انك لم تُقرب منها وتطعنها كي لا تكشف امرك !! ..... جمعت المجرمين تقريباً كلهم اليوم ... وحاولت الخروج من القريه .. واخبار الحراس بأنك قد اختطفت او قُتلت من احدى المُجرمين .. حينها ستكون كل التُهم والأدله على الموجودين بالمكان وانت ستتخلص منها بكل سهوله .... وقوف الحُراس والخدم معك ساعدك كثيراً .. ولكن ليس كُلياً ! ( وابتسم بسخريه ) الأشباح التي كانت تخرج ليلاً وتُرعب سكان هذه القريه .. هم الحُراس الذين كانوا يصيغون لأوامرك لكي يرعبون اهل القريه .... الشيء الوحيد الذي ادركته منك انك شخص مُستهتر ورُبما مريض نفسي ومجنون !
رفع راسه وابتسم : ذكيٌ يا هذا .. ليس لكشفك لأمري .. بس لكي توهم الجميع ان ستيفن ليس الشاب المجهول !
انصدم ماكس وبلع ريقه خصوصاً يوم سمع اصوات الحاضرين ودهشتهم ..
ضحك بسخريه : وذكيٌ مجهول ايضاً بتقمس احدى الاشخاص لشخصية ستيفن .. ووقوفه معنا الآن !
ضحك وهو يصوب المسدس على راسه : صحيح كلامك .. ولكن ليس له فائدةٌ حالاً .. ( وأوهمهم بطلق الرصاصه على الشاب اللي غمض عيونه بخوف من الموت .. لكن الرصاصه جت على رجل السفاح اللي طاح على الأرض )
صرخ احدى الحاضرين : غبي لا تستخدم السلاح وانت لا تعرفه !
مجهول ضحك : بـلا أعرفه اكثر منك .. ( ومشى لعند السفاح وجلس على اطراف اصابعه وضحك ) هذه ليست اخر مره تراني فيها ايها الخادم ... ولكن بحركه فقط قدرت ان انهي مصيرك بالزنزانه ! ( ووقف وهو يسمع ونّانات الشرطه .. ورجال الشرطه اللي قبضوا على الشاب صاحب الحفله .. والسفاح )
انري قرب منه وباستغراب : ماااذا ليست هذه اخر مرةٍ ايضاً !! الا تلاحظ انك بكل مرةٌ تظهر لنا بمصيبه أخرى !
مجهول ضحك : لا لا المره الأخيره ليست قضيه .. بل هي زياره للسجن لهم .. لوحدي طبعاً
ماكس عقد حواجبه باستغراب : زياره !
مجهول ابتسم بسخريه وتركهم ومشى بتعب من ألم ظهره اللي بيذبحه ..
ماكس باستغراب : ما قصدُه ؟
انري بغموض : لا ادري !
--------------------------------------------------
دفه للغرفه ودخل وسكر الباب وقفله .. ناظره ورفع حاجبه وباستغراب : نعم حبيبي سلامات ؟
علاوي ابتسم وجلس على طرف السرير : لا بس بسألك
ياسر تكتف وباستغراب : وش عندك اخلص ؟
علاوي تنهد : ذاك اليوم وانا رايح للمطار وقفني واحد وقام يتكلم ( وباستغراب ) اتوقع عنك ! يقول انه قاتل مدري مين ؟ ومروج للمخدرات
ضحك بصوت عالي وبسخريه : ياحليله ماطفش هذا ؟ للحين صامد ؟
علاوي عقد حواجبه باستغراب : يعني تعرفه ؟
ياسر تنهد : ااي اعرفه كان خويي اول الله لا يعيدها من ايام ..
علاوي انصدم : خويك ؟ لحظه خلها على جنب هذي بس اي قتل يقصد
ياسر تنهد بندم : كان يسوق السياره وانا معه كان مسرع وجاء شاب بيقطع الشارع وصدمه وتوفى .. انا دخلت العنايه وقتها وهو رحمه من ربي جاه رضوض بس .. طبعاً لازم يدفع الديه ووقتها كانوا يمرون بأزمة ديون .. سجنوه حتى دفعها .. ومن طلع وهو يدور اي شيء علي .. حتى كان يبغى يطيحني بالمخدرات .. ( وابتسم ) صح اني كنت سبيكه احياناً وبآخذها بس يزيد كان معي ويعصب ويتهاوش معه دايم .. حتى حلف ما اطلع معه .. لدرجة وصلت فيه يحط الحبوب بسيارتي ويدق على الشرطه .. كنت بأتوهق بس الحمدلله عمي راشد كان واقف معاي هذيك الفتره .. وقدر يطلعني من هالمشكله بكل سهوله وسجنوه على ترويجه للمخدرات سنين
علاوي ابتسم : ع شان كذا حاقد عليك ؟ ( وتنهد بخوف ) بس والله جد خفت عليك منه .. انتبه لنفسك يا اخوي
ياسر ضحك : تدري مين تكلم انت ؟ يـاسر بن خالد يابابا مابقى الا بزران وينصحونا بعد ماتنعطى وجه ( وحاس شعر علاوي الناعم بسخريه وطلع برا الغرفه )
علاوي كشر وبقهر : بثر وسامج استغفر الله بس ! الشرهه على اللي يكلمه
--------------------------------------------------
ابتسمت وهي تسكر ازرار قميصه الابيض : وش تبغى حبيبي ؟
محمد ابتسم : ابغى ترجعين للبيت ياماما .. مثل اول نصير كلنا مع بعض انا وانتي وبابا ومراد
منى نزلت راسها وسكتت
غاده تنهدت وابتسمت : ان شاء الله راح ترجع قريب حبيبي
منى ناظرت غاده وعقدت حواجبها : ومن قال لك ؟
غاده ضحكت : بلاش مكابره اعرفك عدل منيّوه
منى ابتسمت ابتسامه خفيفه ونزلت راسها
محمد بفرح : يعني جد ماما بترجعين ؟
غاده ابتسمت : ان شاء الله بترجع .. وترجعون كلكم مع بعض مثل اول واحسن ان شاء الله
--------------------------------------------------
تنهد ووقف ورفع راسه ناظر راكان وابتسم : ألم بسيط مو زي قبل يعني الحمدلله
سعود تنهد وجلس على مكتبه : الدكتور اللي رحت له فاشل مره وكويس انك جيت لهالمستشفى .. بصراحه لو اني بدالك ارفع شكوى عليه
انس عقد حواجبه باستغراب : ليش ؟
سعود : كاتب ان فيك احتكاك بالركبه !! وانا سويت لك كذا فحص مافيك احتكاك ابد ! والمشكله انك مستمر على علاجاته الحمدلله بس ماجاك شيء بالكبد والكلى ..
راكان باستغراب : يعني مافيه احتكاك ؟
سعود تنهد ورفع راسه : لا كان كسر والحمدلله ألتم بعد الجبس وفكيناه .. هو فيه هشاشة عظام بس وبالنسبه لعمره هي حاله نادره ومو معروفة السبب ولا تعني من أي نقص في مستوى الهرمون أو الفيتامينات.
راكان عقد حواجبه : اجل وش سبب ضعف العظام ؟
سعود : مو معروف لحد اللحين بس ان شاء الله علاجه سهل ..
لازم تتناول الأطعمه اللي تحتوي على نسب عاليه من الكالسيوم وفيتامين د .. زي الحليب والأجبان والفواكه .. ولازم تقوم برياضه مجهده شوي يعني .. وطبعاً بنسوي لك كذا دراسه لنعرف حالته اذا كان كسر بسبة نقص من الفيتامينات او مرضي معين .. مع اني احس انه كسر بسبة نقص من الفيتامينات .... وطبعاً فيه كثير علاجات طبيه الحمدلله بس راح اسوي لك كذا فحص وقياس وان شاء الله أقدر اشخّص لك المرض واعالجه لك .. بس بأعطيك كذا دواء لازم تلتزم بمواعيده
راكان ضحك : ياكثر بربرتك
سعود ضحك : اوص بس على الاقل احسن منك يادبشه
انس كان بيتكلم الا بالباب اللي انفتح بقوه ودخلوا الشباب .. مهند نقز وجلس جنب انس وبفرح : ششفت مبااراة امس ؟
انس ابتسم : ااي اكييد وكان ودي احضر والله الزبده لعييب والله بطل ..
سعود انصدم : اماا اللاعب مهند !
مهند ابتسم ورفع راسه : هلا والله
سعود : تصدق عاد امس حاضر المباراة .. كنت بأطلع خلاص قلت اكيد بننهزم بس قلبت النتيجه انت ومؤيد ابدعتووا والله
مهند ابتسم : الله يسلمك يابعدي
يزيد : هااه اخلصوا وش تبون الفطور ؟
سلطان : والله اني مشتهي كبده وش رايكم بس نروح للثمامه ؟
عزوز : لحظه وش دخل الكبده بالثمامه
بسام ضحك : توني بأقوله
سلطان : ههههههههههههههههه لا بس من زمان ماطلعنا للبر وكشتنا
تركي : ااي واليوم بعد الجو مغيم
مشاري : الجو مغيم وتبغانا نطلع صاحي انت ؟
هلال : ابد جهز العزبه بس وماعليك منهم
خالد ضحك : حسافه عاد كنت ناوي اعزمكم على فطور بمطعم راقي وكذا بس يلا شكل فطورنا اليوم من يد سلطان
مهند لف له : يااارجل وش يد سلطان لا تصرف بس ويلا مشينا
فيصل : ااي بعد وبمناسبة انس فك الجبس
انس ابتسم : لا وبعد ابشرك صار مافيني احتكاك الحمدلله ( ولف لسعود وراكان وابتسم ) بس شوفوا لازم تعزمونهم
راكان ضحك : ااي اكييد بعد ماودك يعني
سعود ضحك : لا بالعافيه عليكم وراي شغل اليوم ( وناظر راكان بطرف عينه )
راكان ضحك : احسن من قال لك ترمي كل شغلك علي وانت عارفني مبزوط ههههههههههههههههههه
يزيد ضحك : اببد كلكم امشوا بس بمناسبة ايش ؟
خالد ضحك وعدل وقفته : شبكتي طبعاً
مهند : اجل اعزم دحيم ع شان تاخذها معك اليوم شف اضبط وضعك بعد ههههههههههههههههه
خالد ابتسم : جبتهاا والله انك كفو بس المشكله هالخيشه نايم
سعود عقد حواجبه وابتسم : دحيم ايش ؟
خالد : الـ######
سعود ضحك : شكيت يوم سمعتك تقول دحيم وشبكتي .... اجل زوجتك ودحيم عيال خالي ..
خالد : لاا عااد ؟
سعود ضحك : والله
مهند : مع احترامي لعيالتكم الكريمه بس كل ماقابلنا واحد صار ينتمي لها وش السالفه ؟
فهد ضحك : هههههههههههههههههه من ججد ماشاء الله شف موسى ومعاذ واحمد وعبدالرحمن من قبل نعرفه واللحين هالدكتور بعد
سعود ضحك : ااي احمد وموسى عيال خوالي ومعاذ ولد خالتي .. اذكروا ربكم بس لااا اله الاا الله بسم الله علينا
يزيد : ياعيال عطوه غسالكم لا يصير فيهم شيء ويقلقنا عاد
تركي : من جد بعدين يحط حرته باخيي المسيكين
فهد : خاالد اي مطعم بس ؟
خالد ابتسم : ابد آمروا يابعدي مادام الرواتب توها نازله .. وعارف اني بطلع وانا مفلس منكم ..
سلمان : احمد ربك يارجال انها فطور مو عشاء بعد
بسام ضحك : نعم وش شايفنا انت ؟ ههههههههههههههههههههه
--------------------------------------------------
رفعت راسها وناظرت وجد وتنهدت : مازن يعتذر لك
وجد بسخريه : وهو يفيد الاعتذار ؟ ولا بيصحح غلطته ؟ على العموم الله يسامحه ويحلله ماشلت عليه
مجد بضيق : يعتذر لك كثير بالوصيه .. يقول كنت طايش وقتها بس ان شاء الله غلطتي راح اصححها حي ولا ميت ( وباستغراب ) بس مافهمت كيف ميت ؟
وجد عقدت حواجبها وتنهدت : الله يرحمه بس ( وخذت شنطتها وتنهدت وبابتسامه خفيفه ) يلا مع السلامه حبيبتي برجع لبيتنا
مجد وقفت وسلمت عليها ووصلتها للباب ودخلت ..
--------------------------------------------------
ناظره بصدمه : اييش تتزوجهاا !!
مروان تنهد : وش اسوي يعني ؟ بأستر عليها ..
احمد بلل شفاته : الله بيوفقها ان شاء الله .. زواجك منها ماراح يصحح غلطة مازن صدقني بالعكس بيكرهك فيه وهي بعد بتكرهه زياده ..
مروان تنهد : كان سكران وقتها
احمد بصدمه : يشرب اول ؟
مروان : مرتين شرب بس .. صدقني هو ما وده حتى يتندم بعدين أشد الندم بس اخوياه هالسملق ..
احمد : ماهو عذر اذا على الاخوياء كان كل الشباب دجه اللحين
مروان نزل راسه بضيق : بس تاب خلاص الله يغفر له ويرحمه ..
احمد تنهد : الله يرحمه ويسكنه فسيح جناته وفكر زين بقرارك لا تتندم بعدين ..
--------------------------------------------------
بعـد اسبـوع تقـريباً .. بيـوم ملكة امـواج ..
وقف وناظر ابوه وبقهر : يعني مصمم ؟
ابو يوسف وهو يشرب الشاهي وببرود : طبعاً ولا تتعب نفسك ماراح ارفض الا اذا هي ما وافقت
يوسف بصدمه : يعني امواج موافقه وراضيه !
ابو يوسف بسخريه : ااي بنتي تعرف مصلحتها بسم الله عليها
ابو لميس تنهد وابتسم : جاء ابو رعد يا اخوي ..
يوسف انقهر وناظر عمه : حتى انت واقف معه ؟
ابو لميس تنهد : البنت راضيه خلاص ما اقدر امنعها
يوسف مشى للدرج وبقهر : بروح اكلمها مو بعقلها هذي
ابو لميس مسك يده : ماتدري يا يوسف يمكن ربي يوفقها مع ابو رعد ويكون افضل من الشباب كلهم اللي تقدموا لها ! شف الرسول صلى الله عليه وسلم وعائشه وفرق العمر اللي بينهم ... مو مهم العمر وانا عمك المهم ان ربي يوفقهم ان شاء الله
يوسف بقهر : فرق من عائشه والرسول عليه الصلاة والسلام .. بعدين انت لو تقدم لبنتك بتوافق ؟ ( وبسخريه ) ولا ترضاها على بنات اخوانك بس بناتك لا !
ابو لميس ابتسم : بوافق طبعاً ! انا ماكنت ادري عن ابو رعد واخلاقه وتواضعه وانصدمت يوم جلست معه .. اللي يشوفه يعطيه اصغر من عمره بكثيير وغير اخلاقه اللي الكل يشهد عليها ..
يوسف تنهد بعصبيه : بكيفكم ماراح تستوعبون كلامي الا اذا شفتوها راجعه بكره وهي مطلقه ( ورقى بسرعه )
ابو لميس كشر : استغفر الله الله يهديك بس
-------------------------------------------------
ضحكت ورفعت راسها وناظرته من الشباك وشهقت : هذا ولده !
وجدان وقفت جنبها وضحكت : لا هذا هو نفسه محمد
فاتن بصدمه : والله شكله تعطينه 29 مو 38 !!
لميس ضحكت : ليش ؟
فاتن : طويل وجسمه حلو ماهو اللي سمين ولا معصقل .. وولا مشيب بعد ( وضحكت ) لا ومحدد الذقن خليجي كشخه هههههههههههههههه خلاص امواج باخذه انا يكفي انه مطخطخ بس .. اعرف لك وحده معاي بالجامعه جميله جميله مرره ماشاء الله اخر شيء عاد تزوجت واحد كبير عمره بالستينات وتغار عليه بعد بس ع شان جيبه الوسيع ..
لميس ابتسمت : ااي اقول لها حتى انا صديقتي متزوجه ارمل بالاربعينات وعايشه حياتها معاه .. تقول اهم شيء عاقل .. ( وضحكت ) ويموت فيها بعد ، هي كل شيء عنده ..
امواج تنهدت بتعب : اقول اسكتوا بنام مانمت اليوم
عبير ضحكت : ههههههههههههههههه وش جوها ذي ؟
لميس تنهدت : بنات امشوا نطلع برا
وجدان : خلي هالخبله تقوم وتلبس بس و
لميس قاطعتها وسحبتها وطلعتها برا ولفت لأمواج وتنهدت : قبل شوي دقيت على بابا يقول المملك جاء وشوي ويجيبون الكتاب لك ان شاء فألبسي من اللحين .. الله يوفقك ( وابتسمت وطلعت وسكرت الباب )
امواج تنهدت وسندت ظهرها على الكرسي وغمضت عيونها : كل شيء مر بسرعه مو معقوله اللي قاعد يصير ودي ارفض بس مدري ليش متردده .. هي خاربه من الاول يا امواج ( وضحكت بسخريه ووقفت )
------------------------------------------------
سلم على اخوه وتنهد بتعب : يلا بالله ودني البيت منتهي وبنام
عمر رفع حاجبه : الا جد بكره زواجك !
عناد كشر : ااي ان شاء الله
عمر ابتسم : واليوم زواج بنت عمي امواج عاد تخيل من زوجها ؟
عناد باستغراب : مين بعد ؟
عمر : ابو رعد ( وضحك )
عناد ابتسم : والنعم فيه وسبعة انعام
عمر ناظره بصدمه : لا بالله كل العايله انهبلوا !! يقول لك الرجال عمره 38 !
عناد ضحك : والله لا شفته ان تحسب عمره بـ30 او 29 محافظ على لياقته وشكله أنيق ماشاء الله .. وغير هذا سنع واخلاق وتواضع والله لو انه متقدم لعبير ما ارفضه ابد .. الرجال مايعيبه الا اخلاقه ..
عمر لوى فمه : بصراحه ماشفته بس كلكم تمدحون اخلاقه ( وتنهد ) على العموم الله يوفقهم ( وعقد حواجبه وابتسم ) من الخبله بينهم هالتوأم ؟
عناد ضحك : امواج ، وجدان هاديه وناعمه من يومها صغيره
عمر غمز له : من يومها صغيره يعني شايفها اللحين ؟
عناد ضحك : لا والله بس اذكر وانا صغير كانت دايم امواج تجلس معانا وتستهبل دايم تتكي معانا ابد كأنها ولد .. عكس وجدان كانت دايم مع البنات ودلوعه بزياده لو رشيتها بالمويه ماتت من الصياح .. كانوا دايم يتهاوشون ونضحك عليهم
عمر ابتسم : الله يعين ابو رعد عليها اجل ههههههههههههههههههههه
--------------------------------------------------
رفعت راسها وتنهدت ونزلت من السياره مو مستوعبه لحد اللحين تحس انها بحلم ! معقوله اللي قاعد يصير ! تزوجت وببيتي اللحين .. رفعت راسها وناظرت القصر وهي مدهوشه بفخامته .. فخم فخم فخم بمعنى الكلمه .. شافت محمد اللي فتح لها البوابه الكبيره وابتسم : تفضلي ولا ما ودك تدخلين ؟
تنهدت ودخلت وناظرت القصر وأنبهرت من الأثاث والديكورات .. انتبهت لولد صغير جالس مع خدامه ويلعب بألعابه شاف محمد وركض له .. محمد ضحك وحضنه وشاله .. لف لأمواج وابتسم وتنهد : هذا ولدي الصغير جـواد .. ( ولف لجواد ) هذي ماما اللي قلت لك عنها
جواد بعفويه : بس رعد يقول ماما راحت للجنه وماراح ترجع ابد
محمد تنهد بضيق : يمزح معاك ..
........: لا ما امزح ! هذي الحقيقه .. لو لفيت العالم كله مالقيت مثل طيبة امي ولا راح تلقى اصلاً امي مالها شبيه الله يرحمها ..
محمد رفع راسه وشاف رعد اللي كان معطيهم ظهره ورقى الدرج ..... وبحزم : رعــد
رعد وقف وتكتف والتفت لأبوه وتنهد : قلت شيء غلط يبه ؟
جواد وقف قدام امواج وابتسم بعفويه : شو اسمك ؟
امواج ابتسمت ونزلت نفسها لمستواه وحضنته : امواج حبيبي
رعد بسخريه : لا تتصنعين الطيبه .. وانتي ماجيتي هنا الا ع شان الجيب الوسيع ..
امواج ضحكت بقوه : هههههههههههههههههههه اذا انت شايف نفسك كذا وانت تلاحق عيال الامراء فلا تحسب كل الناس مثلك .. وكلن يرا الناس بعين طبعه
انقهر منها كان بيرد .. بس رن جوالها وطلعته وردت وطنشت رعد .... انقهر زياده ومشى لغرفته بسرعه ..
جواد راح لمربيته وجلس يلعب معاها ..
امواج تنهدت بعد ماخلصت من المكالمه وسكرت جوالها ودخلته بشنطتها ..
ابو رعد تنهد : امـواج
امواج لفت له وهي ساكته ..
ابو رعد : ماعليك من رعد من بعد وفاة امه الله يرحمها وهو متغير ومنقلب 180 درجه .. على العموم اي طلب واي شيء تبغينه لا يردك الا لسانك .... بصراحه ما ابغى منك الا طلب واحد بس ..
امواج عقدت حواجبها : واللي هو ؟
ابو رعد ناظر ولده جواد وتنهد : تهتمين بولدي جواد غير هذا ما ابي شيء ابد .... ( وبسرعه ) لا تحسبيني ماخذك ع شان تهتمين بولدي لا والله مو هذا قصدي !! .... بس انا سفراتي كثيره والخدم بصراحه اخاف على ولدي منهم ومن بلاويهم .. وان شاء الله ماتخيبين ظني فيك ..
امواج تنهدت : ان شاء الله بس قبل ابغى غرفه لي لحالي ! ويومياً ترا بزور اهلي .. وبكمل دراستي بعد .. يعني مشاوير اهلي والجامعه اتمنى محد يتدخل فيها ويمنعني منها !
ابو رعد ابتسم : واعتبريه صار من اللحين .. سايقك تحت امرك .. وجناحك كامل خاص فيك .. ماتبغين تشوفينه اللحين ؟
امواج ابتسمت : الا .. ( ومشت وراه للاصنصير وهي مرتبكه )
--------------------------------------------------
تنهدت وجلست جنبه وحطت الصينيه على الطاوله .. صبت له القهوه ومدتها له وابتسمت : يلا عاد روّق شوي
يوسف تنهد وخذ الفنجال وحطه على الطاوله : والله اني شايل همها .. ابوي ماغصبها على كلامها بس باين انها متضايقه وماودها .. ودي اعرف ليش بس
سديم بهدوء : امواج كبيره وهي ادرى بمصلحة نفسها .. وانت اليوم شفتهم كلهم يمدحون اخلاقه .. ( وتنهدت وخذت جوالها وسندت ظهرها على الكنب )
يوسف تنهد وانسدح على فخذها وغمض عيونه بتعب ..
--------------------------------------------------
ردت وتكلمت بسرعه وبخوف : اموواااج كيفك ؟
امواج تنهدت وابتسمت : الحمدلله بخير
وجدان تنهدت بإرتياح : والله خايفه عليك .. وش سويتي من دخلتي هاا ؟
امواج ضحكت : عادي ماصار شيء رحت لجناحي وبس
وجدان رفعت حاجبها باستغراب : معقوله ماقال لك شيء ؟
امواج : اذا جيتي بكره ان شاء الله قلت لك اللحين دايخه ومنتهيه
وجدان : وين اجي ؟
امواج تنهدت : بلا تناحه يا كمخه تجين لبيتي وين بعد ؟
وجدان ضحكت : للحين مو مصدقه انك تزوجتي ! بيتي بعد يوووه الله يرحم ايام زمان ههههههههههههههههههه
امواج ضحكت : راايقه الزبده تعالي الظهر ..
وجدان ابتسمت : اوكِ خلاص اتركك تنامين .. بس قلت اطمن عليك يلا مع السلامه قلبي
امواج بابتسامه خفيفه : مع السلامه ( وسكرت من وجدان وانسدحت على السرير وغطت بنوم عمييق من التعب والإرهاق )
-------------------------------------------------
نزل من السياره على بواري سيارات عيال عمه وضحكهم وتعزيزهم ومزحهم له .... تقريباً اليوم كله ما اشغل باله الا الشركه .. اما زواجه فما اهتم له ابد ابد ... دخل وسلم على اخوان وداد وخوالها اللي كانوا يستقبلونهم ودخل جوا مع ابوه وعمانه وعيال عمه اللي وراه .. سلم على كل الموجودين وجلس بصدر المجلس ... جاء عنده عمر وهو متشقق من الفرحه : عناد قم شوي بنصور معاك
عناد وقف وابتسم ابتسامه خفيفه وصور مع عيال عمه ... يحس فرحتهم اكثر من فرحته ... ما كأن زواجه اليوم ابد ! .... تنهد وغمض عيونه من صداع راسه ..
--------------------------------------------------
طلعت من البيت وركبت الأودي العنّابيه .... بتروح مع سديم لزواج عناد ... تنهدت وسكرت الباب وبصوت خفيف وناعم : السلام ..
......: وعليكم السلام
سديم ابتسمت : اخبارك هديل ؟
هديل ابتسمت : بخير الحمدلله وانتي اخبارك ؟
سديم : الحمدلله تمام ( ولفت لأخوها وضحكت ) ياعمري بتداوم اليوم ؟
تأفف بقهر : علي مناوبه .. واقول لخويي الحمار يمسكها عني مادامه بيداوم بس الحمار حمار ..
رفعت راسها باستغراب وانصدمت يوم شافته لابس البدله الخضراء وفوقها البالطو .. عرفت انه سليمان .. توترت ونزلت راسها وتندمت انها ركبت معاه ..
سليمان حس بنظراتها وابتسم ..
وصلوا لقصر ابو حمود ... وقف السياره عند باب الحريم .. نزلت من السياره بسرعه وتفكيرها كله بأمل ..
سليمان ضحك ومسك شنطتها والتفت لها وبصوت عالي تقريباً : ياا هـديييل
هديل التفت له باستغراب ..
سليمان ابتسم ومد لها شنطتها : نسيتيها
هديل كتمت ضحكتها وتفشلت وخذت شنطتها
سديم ضحكت : ماش تهوجس اليوم الاخت ..
--------------------------------------------------
تأففت وهي تهز رجولها بسرعه وبقهر : اموااج يااحيووانه اخلصي تو داقه علي فاتن تقول وينكم
امواج تنهدت ببرود وباست جواد مع خده وحضنته : اخبار حبيبي ؟
جواد ابتسم : تمام .. بتروحين ؟
امواج ابتسمت وتنهدت : ااي حبيبي تبي شيء ؟
جواد ابتسم : ااي لا تتأخرين ع شان تشوفين معي الفلم ( ولف لمربيته وبعفويه ) متى يبدا
ابتسمت له : الساعه 1 والإعاده 11 الصباح
امواج : مايصير حبيبي متأخر الوقت .. لازم تنام من 10
جواد : بس ويكند اليوم
امواج : ولو لازم تنام بدري ياشاطر .. ع شان تكبر بسرعه وتصير قوي واذا قمت الصباح ان شاء الله قومتك معاي نشوف الاعاده ( وابتسمت )
جواد ابتسم وتنهد : طيب
امواج اشرت على خدها : مافيه بوسه ؟
جواد ضحك وباس خدها ..
وجدان ابتسمت : الله وش عندي امواج !! ( وابتسمت ) بس صدق كيووت هالولد هااادي ومؤدب يازينه ( ووقفت قدامه ) وش اسمك ياشاطر ؟
جواد ابتسم : جواد
وجدان قبصت خده : حيااتي يازيينه ماشاء الله
امواج ابتسمت ولبست عبايتها : يلا مشينا تأخرنا ( ولفت لمربيته ) انتبهي له زيين ! واذا جت 11 وديه لغرفته ونوميه ( وابتسمت لجواد ) خلاص يابطل ؟
جواد هز راسه وابتسم ..
امواج تنهدت وابتسمت : يلا وجدان انتظرك برا مع السلامه جواد ( وابتسمت لهم وطلعت )
--------------------------------------------------
انصدمت يوم شافت وداد !! ماتوقعتها زوجة عناد ابد ابد !! فزت بسرعه وراحت لعندها وجلست معاها وابتسمت ابتسامه واسعه : ماااني مصدقه
وداد تنهدت : ليش ؟
مدى : انتي زوجة ولد عمي ! وناسه ( وكشرت ) بس الله يعينك عليه صراحه نفسيه
وداد لوت فمها : العايله بكبرها ماتنبغى ونفسيه ماحبكة عليه بس
مدى انقهرت بس سكتت
وداد طنشتها وقامت لعند سلمى وصديقاتها ..
--------------------------------------------------
جلست على الارض وفصخت الكعب وبتعب : يووه تعبت احس طلعت حرتي كلها
بتول : قوومي حسبي الله على ابليسك لا تفشلينا
عبير بعدم اهتمام : محد فيه وسعي صدرك
وجدان تنهدت : اشتقت لأليس
امواج ابتسمت : من جد طولت مره هذا ثالث اسبوع لها يمكن
لميس ابتسمت : لا ابشركم بكره راح ترجع ان شاء الله ..
نجود شهقت : اححلفي ؟ الوصخه ماقالت لي
عبير فزت بسرعه يوم شافت ام وداد دخلت وصقعت بالطاوله وطاحت والبنات ماتوا من الضحك عليها
امواج : ههههههههههههههههههههههههه ه ياااقلبيه جبتي لنفسك الشقى
نجود : ههههههههههههههههههه احسن خلي الزحف ينفعك
عبير ماتدري تصيح ولا تضحك .. مسكت رجلها وبألم : والله تعوور ياحمير
فاتن : انقطع الخلخال حسافه
عبير فتحت عيونها على الاخر : شف الكلبه هذا همها !
اريج وقفت وضحكت : اقوول قوموا بس نتعشى عيب كل شوي ينادونا اصلاً انا ماعلي منكم بروح اتعشى ميته من الجوع بس وحده تجي معاي
لجين : همها كرشتها بس
اريج ضحكت : كلي تبن ( ومدت يدها لامواج ) ميجو حياتي قومي معاي
امواج ضحكت : الله من المصلحه ( وقامت معاها .... راحوا للمغاسل يغسلون واريج كانت تغني بصوتها الناعم والمبحوح ) دخلت ام الاء وابتسمت واريج تفشلت وسوت نفسها تعدل شعرها اما امواج ماتت من الضحك ..
ام الاء التفت له وابتسمت : انتي بنت مين ؟
اريج ابتسمت : بنت ابراهيم الـ#######
ام الاء ابتسمت : والنعم فيك والله .. انتي من طرف العريس يعني ؟
اريج ابتسمت : الله ينعم بحالك .. ااي
ام الاء ابتسمت ولفت للمغسله وغسلت يدينها ..
واريج طلعت بسرعه .. امواج ضحكت : لحظه ارييج نسيتي جوالك ( ولحقتها )
دخلت اختها وضحكت : وش عندك ؟
ام الاء ابتسمت : عاجبتني هالبنت ماشاء الله ..
عقدت حواجبها باستغراب والتفتت : اي وحده ؟
ام الاء : اللي لابسه اوف وايت
ابتسمت ولفت لأختها : ااي مملوحه وأنيقه .. بس بتخطبينها لمين ؟ ( وغمزت لها وضحكت )
--------------------------------------------------
نزلت من الدرج وخذت عبايتها من الخدامه .. تحاول تبطي خطواتها ماتبي تروح له .. ماتمنت بهالوقت الا ابوها بجنبها ترمي نفسها بحضنه وتشتكي له من كل شيء صار لها ... رفعت راسها وناظرت اخوانها اللي كانوا مبتسمين ويسولفون وانتبهوا لها وابتسموا وقاموا يعلقون ويمدحونها .. ما عدا فواز اللي كان لاف وجهه من شافها مع انه اكثر واحد خايف عليها ..
وقفت قدامه وبلعت ريقها : لعلمك اللي تسميها فضيحه ! تراها بسببكم مو بسببي وبس !! من اهتمامكم الزايد فيني .. فاهمين الدلع والاهتمام غلط والله غلط .. لا شفت صديقاتي اذا دقوا عليهم اخوانهم يتطمنون عليهم ومايوديهم ويجيبهم الا هم من خوفهم عليهم .. اذا جت 11 رجعوا لبيوتهم .. اما انا ( وتجمعت الدموع بعيونها ) اتمنى مره بس اسمعكم تقولون لا بنوديك احنا مو السواق !!! ما ادري كيف قلوبكم تثقون بهالسواويق اللي ما ادري وين تجيبونهم وتخلونهم يودوني لكل مشاويري حتى لو اقصى الرياض وحتى لو بآخر الليل !! محد خلاني ادور اهتمام هالناس الا انتم !! لو انكم مهتمين فيني صدق كان ماشفتوني قربت هالطريق حتى ! مطنشيني وتاركيني بعدين تلوموني يوم سلكت هالطريق ! ( وناظرت امها وبغصه ) حتى انتي يا يمه .. كلكم والله كلكم مسؤولين يوم القيامه عن امانة ابوي اللي ضيعتوها .... ( ومسحت دمعتها بسرعه ) الله يسامحكم بس يا اللي تسمون اهل .. ( ولبست نقابها وخذت شنطتها وطلعت بسرعه وماتركت لهم اي فرصه حتى يكلمونها .. سكرت الباب بقوه وركبت السياره وهي تحاول ماتبين شهقاتها اللي خنقتها )
--------------------------------------------------
استغرب من سكوتها من اليوم وهو يرمي عليها بكلماته وهي ساكته وتناظر الشباك .. حتى مو مبين عليها العصبيه او القهر ! معقوله تغيرت وعقلت ؟ ( ابتسم بسخريه ووقف السياره .. ازعجه اخوه عمر يبي يسوق السياره عنه بما انه عريس اليوم بس كان رافض .... نزل من السياره وعطى المفتاح للعامل يدخل السياره للكراج .... حسّت وداد اخيراً ونزلت من السياره ودخلت معاه الفندق .... ركبوا الاصنصير وراحوا لجناحهم دخلوا وسكر الباب وقفله وهي راحت لأحدى الغرف بخطوات سريعه وقفلت الباب ورمت نفسها على السرير ودموعها على خدها ..
مشى لعناد للغرفه طق الباب اكثر من مره بس ما ردت عليه .. معه المفتاح بس ما اهتم لها ابد .. انسدح على الكنب بتعب وطلع جواله وهو مطنشها ..
------------------------------------------------
طلعت من غرفتها وهي تتأفف بقهر : نغغغم عن السخاافه وجيبي لاابي !
نغم ضحكت : ماافيه الا لما تنزلين معي للسوبر ماركت
دلع تأففت : وربي مالي خلقك عطيني ايااه وراي بحث لاازم اسلمه بكره للدكتور ..
خجل رفعت راسها وبفضاوه : دلع وش احسن الجامعه هنا ولا بالسعوديه ؟
دلع تنهدت وجلست على الكنب وابتسمت : صح ان هالجامعه افضل شكل يعني واكبر وافخم بس اختلاط .. جد تحسين ان ربي ما حرم شيء الا لمصلحتنا .. اذا شفت نظرات الشباب ولا بالقاعه او حتى لو عندي بريك .. ما اقدر اخذ راحتي ابد .. اما بالرياض كنت عادي اصارخ واضحك واستهبل مع صديقاتي وعادي مو حرام اشد الانتباه لي وولا شيء .. ( وتنهدت ) بس يلا الحمدلله هانت كم سنه واتخرج ان شاء الله
خجل ابتسمت : فهذي صدقتي والله
نغم جلست على طرف الكنب واللاب بحضنها : الا وش تخصصك ؟
دلع ابتسمت : صيدله
نغم ضحكت : اتحدااك !! مو مبين انك دافوره
دلع ضحكت : والله .. وانتي وش تخصصك ؟
نغم تنهدت : كيمياء .. وخجل علم نفس .. ولحن قانون
دلع شهقت : اماا لحن قاانون !!
خجل ضحكت : والله انتظري بس تخلص .. وراح تصير مُحاميه ان شاء الله
دلع ابتسمت : بعذرها اجل مره شاطره بالقانون والمحامي جاسم اللي ساعدها وهذيك المحاميه بعد نورا اتوقع ..
نغم ابتسمت : ااي زُملائها بالجامعه ..
دلع ابتسمت وتنهدت : الله يوفقها يارب ( ورفعت حاجبها ) ها بتعطيني ولا لا ؟
خجل ابتسمت : خلاص عطيها وانا بروح معاك
نغم ابتسمت ورمت اللاب على الكنب وحضنت خجل : يخلييلي بس
--------------------------------------------------
عقد حواجبه بصدمه !! معقوله صحيح الكلام اللي يقوله سطام !! ومين اللي من عمانه كان متعاون مع ابو انس بصفقاته : سطام معقوله ؟ بصراحه انا صرت ما اصدقه من بعد اللي صار
سطام تنهد : عاد هذا الشيء الوحيد اللي المفروض تصدقه منه
عناد تنهد ومسك راسه بيده من الصداع ..
سطام : انا متأكد انه كان متعاون معه بعد مالعب عليه ابو انس وخذ الفلوس كلها .. على العموم تقدر ترفع قضيه عليه .. وتسوي صفقات مع شركات كبيره راح يجيك الربح اكثر وان شاء الله بتقوم الشركه بعدها ..
عناد تنهد : ان شاء الله بكره الصباح بأروح المحكمه
سطام : انا انصحك تسوي صفقه مع شركة عيال حمود الـ####### على حسب كلامك انك تعرفهم ولا ؟ المهم شركتهم لها شهره بالبلد بشكل ماتتوقعه ..
عناد كشر وبسخريه : ااي هذا اللي ناقص
سطام استغرب بس سكت
عناد لمح وداد اللي راحت المطبخ وتنهد : يلا اجل اكلمك بوقت ثاني ان شاء الله مع السلامه
سطام : ان شاء الله مع السلامه ( وسكر الخط )
وقف عناد وراح للمطبخ وشافها تتأفف من القزاز اللي انكسر وجرح يدها ....خذ كاس وصب له مويه وجلس على الكرسي وهو يناظرها ببرود
وقفت وتأففت وغسلت يدينها وبقهر : اعوذ بالله يعني حتى ماكلفت على نفسك تسمّي ؟
ضحك بسخريه : اسمّي عليك ؟ قطو ابو سبع ارواح ماينخاف عليك ..
كتم ضحكته وابتسم وهو يبي يستفزها : ترا ماطلبت من المطعم قلت شبعان ومايحتاج ولا ؟
وداد رفعت حاجبها وبقهر : والمطلوب يعني ؟ اقوم اشمر اكمامي واطبخ لك ؟
عناد ابتسم بسخريه : هو هذا الواجب عليك مو مطلوب وبس .. لكني شبعان صراحه ( وضحك وطلع برا المطبخ وراح لجناحه )
وداد تأففت بقهر : سخيف استغفر الله ما ادري كيف بأصبر عليه ... ( طلعت من المطبخ وشافت طاولة الطعام فوقها العشاء استغربت وتنهدت : ما ادري وش وضعه هالولد جد !! هف ماعلي منه جوعانه ( سحبت الكرسي وجلست تتعشى )
عناد ابتسم وانسدح على السرير .... يحب ينرفز اي شخص قدامه ... وهو لا قلت له شيء ابرد ماعنده واحياناً يقلب الدنيا كلها عليك ماعنده حل وسط ... زي ماقالوا اخوانه او اغلب اللي يعرفونه " نفسيـه "
--------------------------------------------------
تنهدت ورفعت راسها وهي تناظر الطريق : بصراحه ما ادري كيف وافق دحوم ! والله لو درا ابوي ان يكفخه
خالد ضحك : ههههههههههههههههه ماسك عليه شيء وذليت ام امه عليه .. ما يقدر يقول لي لا اللحين
ندى بوزت : حراام عليك .. ( ولفت له ) الا وش ماسك عليه ؟
خالد ضحك : عاد الحريم واللقافه
ندى تنهدت : الشرهه على اللي تكلمك
خالد وقف السياره ومسك يدها وابتسم والتفت لها : الا ترا بكره بتروحين معاي نشوف اثاث للبيت ( وابتسم ليساره ) هذا هو
ندى التفتت لجهته وشهقت : اتحدااك بنسكن هنا !!
خالد ابتسم : ااي ليش ؟
ندى عقدت حواجبها : هالحي نااار كيف قدرت تشتري فيه ؟
خالد ضحك : افاا وراك مستحقرتني ؟ المهم ماعليك وش رايك بالبيت ؟
ندى ابتسمت بإعجاب : حلو مره ماتوقعتك ذويق لهالدرجه بس كأنه كبير علينا ؟
خالد تنهد : تراك جالسه تحطميني من ركبتي !
ندى ضحكت : اسفه حبيبي بس مدري انصدمت ماتوقعت
خالد تنهد وابتسم ابتسامه واسعه : ياااقلبيه مابغيتي تنطقينها
.. ( وحط يدها على يسار صدره على قلبه وابتسم وتنهد ) جننتيني نديش
ندى ضحكت بخجل : لا يطلع قلبك بس
خالد رفع حاجبه : شف ولا همها ؟ ( وحرك السياره لبيت ابو عبدالرحمن )
ندى كتمت ضحكتها حتى وقف السياره ..
باس يدها وابتسم لها : مع السلامه حبيبتي انتبهي على نفسك تصبحين على خير ..
ندى ابتسمت : وانت من اهله ( وفتحت الباب والتفتت له ) الا صح خلودي
خالد ابتسم : عيونه
ندى : احبك ( ونزلت بسرعه وسكرت الباب .. ودخلت البيت اللي كان مفتوح ودحوم واقف عند الباب ويطقطق بجواله )
خالد ابتسم وتنهد كان وده يحضنها من الفرحه بس ماعطته فرصه ابد .. فتح شباك الأودي ومر من عند دحوم وابتسم : مع السلامه وتصبح على خير .. وادخل وسكر الباب وراك الله يصلحك ..
دحوم رفع راسه وضحك : انتظرك تجيبها يالحيوان .. وانت من اهله مع السلامه يالنسيب ( وابتسم له ودخل وسكر الباب )
--------------------------------------------------
انتهـى البـارت $
عـارفه الاحداث مُمله ومرت بسرعه بس امس ماكان لي نفس اكتب ابد ابد وهذا اللي طلع معي العوض بالبارت الجاي ان شاء الله ..
حبايب قلبي اللي ردوا بالبارت اللي قبل وكتبوا التوقعات ومتحمسين معاي جعلكم بجناته بس ♡ احبكم والله شكراً شكراً ومعليش اسفه مارديت على ردودكم بس اليوم مشغوله وكويس لقيت وقت انزل فيه البارت وحتى اسفه ما اقدر ارسل لبروفايل كل وحده عن البارت .. اسفه اسفه بس مشغوله اليوم !
اللهـم صـلِّ وسلم على مُحمـد وعلـى آله وصحبه آجمعين ♡
البـارت الثـامن والعشـرون ( 2 - 2 )
--------------------------------------------------
تنهد ومسك يدها وشبك اصابعه باصابعها ولف لها وابتسم : وش فيك ؟
أليس تنهدت بضيق : حالة ابوي ضيقت صدري
فارس : ان شاء الله يتحسن
أليس رفعت راسها : الا فارس بعد الزواج ( وبخجل ) راح نجلس بامريكا بعد ؟
فارس تنهد وابتسم : ااي ان شاء الله بنجلس سنه و7 شهور ..
أليس عقدت حواجبها : بواشنطن ؟
فارس : لا كاليفورنيا احب هالولايه .. كنت مبتعث فيها
اليس ابتسمت وسكتت ..
شوي وقرب من عندهم احمد وابتسم : يلا مشينا نادوا على رحلتنا ....
مشينا للبوابه ودخلنا الطياره .... تنهدت وجلست عند الشباك وتجمعت الدموع بعيوني مو مصدقه اني بترك ابوي بعد ماتعودت عليه بس ان شاء الله بأرجع لعنده مره ثانيه وماراح افارقه ابد ...
شافها سرحانه فقرب من عندها وربط حزامها وتنهد ومسك المجله يتصفحها ..
ابتسمت أليس ومسكت يده وسندت راسها على كتفه العريض ... سفرتهم لواشنطن غيرت اشياء كثييره بعلاقتهم وكل هذا بفضل الله .. بديت اقتنع ان المحبه مُمكن تجي بعد الكره ..
--------------------------------------------------
صبت له القهوه ومدت الفنجال له وابتسمت : الا ع طاري الزواج .. امس لقيت لك بنت تهبل ماشاء الله ياراكان
راكان ضحك : ماشاء الله تدورين لي من اللحين ؟
ام الاء ابتسمت : ااي قال لي عمك فواز ( وناظرت فواز وابتسمت )
راكان ناظر فواز وضحك : ماصدق عاد
فواز ضحك : هذا جزاي ؟ خلاص خليه ينطق لين يشيب
راكان : ههههههههههههههههه لا لا نمزح يارجال
فواز ابتسم : من بنته ؟
ام الاء : بنت ابراهيم الـ######
فواز : بنت عم عناد اجل ؟
ام الاء : ااي بس والله البنت تجنن ماشاء الله ..
فواز : والنعم فيهم هالعايله والله ..
عبدالاله خبط يده بفخذ فواز وابتسم : كويس نزلت .. من بعد كلام وداد امس وانت متربع بغرفتك
فواز تنهد بضيق : أثر علي كلامها صدقت بكل كلمه قالتها .. رحت لهم اليوم وقال لي عناد انها نايمه ورجعت
عبدالكريم تنهد : يارجال مالقت لها عذر لصقتها فيك ! عجيب والله اذا شدينا شكَوا واذا دلعناهم شكَوا بعد !! والله العاقله لو تحطها بوسط ناس كلهم صايعين ماراح تصيع معاهم خل عنك بس !
فواز نزل راسه وتنهد وسكت ..
عبدالاله ابتسم وبهدوء : ماعليه وانا اخوك ان شاء الله اذا رجعت نصحح غلطتنا معاها ... هي غلطت واحنا غلطنا والحمدلله على كل حال ..
--------------------------------------------------
فتحت عيونها وشافت فارس اللي كان قدامها وابتسم لها : مابغيتي يلا قومي وصلنا الحمدلله على السلامه
اليس رمشت عيونها اكثر من مره : للرياض !
فارس ضحك : ااي
احمد ضحك : ياشيخ بسابع نومه البنت بعذرها ماحست
أليس ابتسمت وقامت معاهم ...... وتفكيرها كله بأبوها .. ركبوا السياره وطول الطريق فارس يسولف مع احمد وأليس ساكته وتفكر بابوها وطلال .... وصلوا للبيت ...... رفعت راسها وابتسمت .. اشتاقت لأهلها لهبال نجود ونواف ونايف وطيبته واسيل الدلوعه وامها ونصايحها وحنانها وابوها وجديته وصرامته واحمد اللي مسوي فاهم لكل شيء وهو من جنبها .. بسفرتها ماقعدت معه كثير .. لأنها اذا قامت هو نايم واذا نامت هو قايم ... نرلت من السياره .. وشافت نواف اللي فتح الباب وحضن احمد وسلم عليه ..
دخلت البيت وحضنت نواف من الفرحه وبسرعه ركضت للصاله وهم يضحكون عليها وعلى طول نطت بحضن امها وتمسكت فيها
نواف ضحك : هييه قوومي سلمي يامال المنيب قايله
ام احمد بحنان : خلها وانا امك ( ومسحت على شعرها ) اخبارك يابنتي ؟
اليس ابتسمت : بخير وحشتيني ماما كثيير وربي
ابو احمد ابتسم : وين الزينه ؟
أليس ابتسمت وحضنت ابوها وحبت راسه : مساك الله بالخير بابا
ابو احمد ابتسم : مساك الله بالنور يابنتي شحالك ؟
اليس : تمام الحمدلله وانت طمني عنك ؟
ابو احمد : بخير يابنتي الحمدلله
نايف ابتسم ونزل من الدرج : وانا اقوول السعوديه بكبرها اليوم منوووره
أليس ابتسمت ابتسامه واسعه وبفرح : ناااايفي
--------------------------------------------------
بعد ماسلمت على اهلها وسولفت معاهم .. رقت فوق تريح وتسلم على نجود .. فتحت الباب بقوه وبفرح : نجييييده
نجود رفعت راسها وابتسمت بفرح : أليسسسوه وحششتيني
أليس حضنتها : حبييبة قلبي مايوحشك غاالي ( وجلست معاها على السرير وابتسمت ) ااي اخبارك وش مسويه ووش عندك كاشخه ؟
نجود ضحكت : بروح لعند صديقتي .. الحمدلله بخير وانتي اخبارك وكيف ابوك وفروس ؟
أليس ضحكت : اسمه فارس الحمدلله كلنا بخير ..
نجود ضحكت : بععد ونغار ؟ ( ورن جوالها وتنهدت ) بروح اللحين واذا رجعت جلست معك تحقيييق من رحتي لين جيتي
أليس ضحكت : اوكي طيب مع السلامه
نجود ابتسمت وخذت شنطتها ونقابها وعبايتها لبستها ونزلت ..
--------------------------------------------------
وصلت للبيت ونزلت وسلمت على عهود وجلست تسولف معاها شوي بالصاله ..
عهود ابتسمت بخبث : معليش حبيبتي بس وش رايك نرقى للغرفه ؟
نجود ابتسمت وتنهدت : اوك .. وين غرفتك ؟
عهود : اول ماترقين ثاني غرفه على اليمين
مشت نجود للدرج ورقت وتذكرت شنطتها اللي نستها تحت .. شافت مافيه احد بالصاله ونزلت تجيب شنطتها .. سمعت صوت قريب من عندها من مجلس الحريم اللي بجنب الصاله .. قربت بلقافه وسمعت ..
تأففت وبقهر : ياالسبيكه انا وصفت لها عن غرفتك انت ادخل الغرفه واقفل الباب وخلصنا
رفع حاجبه بخبث : طيب لا تزعجيني ..
ضحكت بسخريه : رح رح بس انت لا تسمعنا اللحين ونروح فيها ..
انصــدمت وبسرعه خذت عبايتها وشنطتها وطلعت برا للحديقه والدموع متجمعه بعيونها .. ماتوقعت عهود توصل لهالوقاحه !!! لو مانست شنطتها كان صار اللي صار وراحت فيها !!!
--------------------------------------------------
ابتسم ورفع راسه وناظر ميثم : ابداً ماتوقعت راح يصير لهيثم هالتحسن كله بيومين ! الحمدلله يارب .. مايحتاج يجي للمستشفى بعد هالفحص
ميثم ابتسم بفرح : يعني الحمدلله تشافى من مرضه ؟
الدكتور ابتسم : ااي الحمدلله .. سويت له كذا فحص للتأكد .. والحمدلله كلها نتايجه سليمه
ميثم ابتسم ابتسامه واسعه : الحمدلله ( ووقف وسلم على الدكتور ) يعطيك العافيه دكتور ماقصرت
الدكتور ابتسم : الله يعافيك يا ابني
ابتسم له ميثم وطلع برا مكتبه ونزل للكوفي اللي كان فيه هيثم يطلب له .. قال له يجيب له كابتشينو ع شان مايسمع الدكتور ويتضايق بس طلع العكس تماماً الحمدلله ..
--------------------------------------------------
شالت مُراد اللي كان يصيح وتنهدت بتعب وجلسته على الطاوله : خلااص حبيبي خلااص
مها تنهدت : منى فاقد ابوه لا تلومينه
محمد بسرعه : حتى انا ابغى بابا ( وناظر امه وبضيق )
غاده ابتسمت : اصلاً اليوم بتروح لبيتها
مها ناظرت منى وابتسمت بفرح : والله ؟
منى ابتسمت ونزلت راسها وسكتت ..
مها بصوت عالي وبفرح : مسساااعد مسسااعد
مساعد جاء لعندهم وتنهد : هلا
مها ابتسمت : ودّ منى لبيتها
مساعد ناظر منى وابتسم ابتسامه واسعه : الحممدلله .. وانا اخوك تجملي ع شان هالحلوين ..
غيداء جت وهي تركض وبيدها عباية وشنطة منى وضحكت : هااه شوفي صفيت شنطتك وهذي عبايتك
منى ضحكت : افاا طرده محترمه
غيداء بسرعه : لا والله مو قصـ
منى قاطعتها وضحكت : امزح امزح .. ( ولفت لمحمد ) يلا حبيبي ؟
محمد ابتسم ابتسامه واسعه ومسك يد خاله وطلع معاه وهو يسولف ..
ودعت منى خواتها ومها وخذت شنطتها وطلعت وفتحت الباب وركب السياره وطول الوقت تفكر وسرحانه .... مساعد كان يسولف محمد وهو يدعي لأخته .. وقف عند الباب ولف لها وابتسم : الله يوفقك ياختي وييسر لك امورك ..
تنهدت وابتسمت له وسلمت عليه .. وشالت مراد اما محمد فركض بسرعه للباب وطقه وشوي وفتحته الخدامه ....
منى ابتسمت : فيه احد ؟
الخدامه ابتسمت : لا ماما ..
منى تنهدت ومشت للدرج ورقت لجناحها وقدامها محمد اللي كان مبسوط ..
--------------------------------------------------
خذت جوالها ودقت بسرعه على تليفون البيت .... شوي وجاها صوته الهادئ " الو ؟ " انفجرت من الصياح وهي خايفه : نااايف تكففى تعاال خذني
نايف بخوف وباستغراب : نججود وش فيك ؟
نجود ودموعها على خدها : مدري تعاال خذني الله يخليك
نايف : هدي شوي اخذك من وين ؟
نجود : قل لنواف يعطيك الوصف ( وبلعت ريقها بخوف وسكرت الخط وهي تسمع بخطوات قريبه من عندها ...... جلست على الارض بخوف وهي تحاول تكتم شهقاتها ربع ساعه تقريباً الا ويرن جوالها .. قامت بسرعه وطلعت برا البيت .. شافها وركض وراها : هيييه لحظظه انتي
نجود خافت ومشت بخطوات سريعه لسيارة نايف وفتحت الباب اللي ورا وركبت وغطت يدينها بوجهها وهي تصيح ..
نايف انقهر من الشاب اللي قرب من سيارته ... نزل من السياره وبقهر : نعم خير اخوي بغيت شيء ؟
بلع ريقه بخوف : هاااه لا لا ولا شيء ( ومشى لسيارته بسرعه وحرك )
نايف فتح باب نجود وبخوف : وشش فيك تكلممي ؟ احد قايل لك شيء
نجود وهي تشاهق : مدري
نايف بعصبيه : وشلون ماتدرين ؟ نلعب احنا ؟ ( تأفف وفتح الباب وركب وحرك السياره )
نجود بضعف : اسفه
نايف تنهد وبقهر : على ؟
نجود بارتباك : مدري
نايف ابتسم ربع ابتسامه وبلل شفاته : نُكته ..
نجود نزلت راسها وهي تفرك يدينها بقوه بتوتر ..
نايف لاحظ عليها بس ماتكلم لأنها منهاره وماراح يطلع منها بولا شيء يفيده ..
--------------------------------------------------
فتحت الباب يوم وصلوا البيت ونزلت بسرعه ودخلت البيت وراحت لغرفتها .... استغرب ابوها منها وقام يناديها بس ماردت عليه ... شاف نايف اللي دخل البيت والتفت له وبخوف : وش فيها نجود وانا ابوك ؟
نايف تنهد : توفت زميلتها
ابو احمد بضيق : الله يرحمها ويغفر لها ويسكنها فسيح جناته
نايف تندم انه كذب على ابوه بس ماله الا كذا : امين يارب الا يبه ( وابتسم )
ابو احمد عقد حواجبه باستغراب : وش عندك بعد ؟
نايف بابتسامه واسعه : متى ناوي تخطب لي نجود ؟
ابو احمد ضحك : يا انك فاضي بعد .. السنه الجايه ان شاء الله
نايف كشر : بعيييد يبه مرره
ابو احمد تنهد : الزواج مسؤوليه وانا ابوك وتوها صغيره البنت
نايف بنفسه " اما السنه الجايه يايبه معليش " : ان شاء الله
--------------------------------------------------
دخل وهو يدندن ومشى للصاله .. شاف امواج اللي كانت تلعب فيفا مع جواد ابتسم وصفر على هدفها : كبيييييره
امواج ابتسمت ولفت له باستغراب ..
نط جنبها وسحب اليد من جواد وهو يلعب : لحظه لحظه نعيد المباراة
جواد ابتسم : سيف متى رجعت ؟
سيف ابتسم : توني راجع ..
جواد ناظر امواج وابتسم : هذا اخوي سيف
امواج ابتسمت وماعلقت ..
سيف سحب اليد منها : تبغين تشلسي ؟
امواج : ااي عادي ماتفرق معي بكل الأنديه داعستك داعستك
سيف ضحك : مصدقه عمرك ( سمع صوت ابوه اللي يناديه ) سيييف سيييف ججواااد امووااج ..
قاموا وراحوا لعنده وسيف حب راس ابوه وابتسم له اما جواد فركض وحضن ابوه اللي شاله ..
ابو رعد تنهد : انا مسافر لسان فرانسيسكو ما ودي والله بس الامير ملزّم مرره .. على العموم اذا بغيتوا اي شيء لا يردكم الا لسانكم ..
رعد كشر : وهذا يبه متى تفتك منه ؟ كل شوي وطالعت له سفره
ابو رعد تنهد : مو لعبث وانا ابوك مريض الرجال
رعد لوى فمه وسكت
امواج : الله يشفيه ويعافيه ..
ابو رعد ابتسم : امين يارب يلا اجل تامرون على شيء ؟
رعد وسيف : سلامتك
ابو رعد : الله يسلمكم مع السلامه ( وطلع برا البيت ووراه خدامتين معاهم شناطه )
سيف لف لأمواج وابتسم : لحظه من انتي ؟
امواج ضحكت : بدددري ؟
رعد بسخريه : المدام ..
سيف عقد حواجبه ولف لرعد : زوجة ابوي ؟
رعد هز راسه وهو مكشر ..
سيف ابتسم : صغيره مره ياحليلك كم عمرك ؟
امواج بابتسامه خفيفه : 19
سيف ابتسم : العمر كله يارب انا اكبر منك بسنه عمري 20 ( ولف لرعد ) ورعيدووه 21 وجواد 4 سنوات
امواج ابتسمت : العمر كله ان شاء الله
سيف راح للصاله ونط على الكنب : ااي صصح تعاالي يلاا بتبدا المباراة
امواج ابتسمت وراحت لعنده وجلست جنبه وهي تلعب ومتحمسه وتضحك على تعليقات سيف .. وجواد جالس بوسطهم ويلعب بآيباده .. بيومين بس عرفت نفسيات هالبيت .. رعد مزاجي ونفسيه ومن شافته وهو يرمي عليها من كلماته بس ماعطته وجه .. اما سيف فخبل يذكرها بموسى اخوها من رجته وهباله .. وجواد هاادي ومؤدب وبحاله تعلقت فيه مرره ..
--------------------------------------------------
ضحكوا ودخلوا البيت شافوا خواتهم جالسين على الارض .. جودي فزت بسرعه من شافتهم وبخوف : انتوا بخير ؟
جوري ابتسمت : ااي الحمدلله
جودي : وين كنتوا فيه طول هالمده ؟ خوفتوني عليكم مابقى مكان مادورناكم فيه
هنادي تنهدت : عند صديقتي بقريه بعيده عن هنا .. والحمدلله هذانا قدامك ومافينا الا العافيه
جودي ابتسمت : الحمدلله المره الثانيه لا تروحون مكان الا وانتم قايلين لي .. على العموم ( وتنهدت ) بكره بنسافر للسعوديه
هنادي بصدمه : اماا اتحدااك !
جوري بفرح : واخيييراً بنرجع مع عمي صح ؟
جودي ابتسمت : ااي ان شاء الله
هنادي تذكرت شيء وابتسمت : انا رايحه
جودي عقدت حواجبها : لوين بعد ما امداك داخله ؟
هنادي ضحكت : لياسمين تبيني
جودي ابتسمت : اوك انتبهي لنفسك ولا تتأخرين !
هنادي ابتسمت : ان شاء الله ( وفتحت الباب الخشبي المتكسر وطلعت )
------------------------------------------------
تنهد ورفع راسه وبقهر : بسسااام ههد لااا يصيير فيناا شيء
مهند ضحك : والله مُتعه
يزيد ابتسم : خلنا نشوف الرالي
علاوي ابتسم ولف وراه وضحك : والله يا أننا بنتصفق من ياسر ورانا
بسام ابتسم ودعس اكثر على الطبلون كله ..
يزيد شهق : هيييه لا تفلهاا عااد .. مابعت عمري ترا
باسل بصراخ وبعصبيه : والله والله ان ماهديت ان انزل عليك واعلمك
بسام ضحك وهد شوي على السياره ووقف بالمحطه ..
مهند لف ليمينه وشاف الملعب وابتسم : بروح العب معاهم ( ونزل من السياره وراح للملعب )
علاوي ضحك : ذاب الميانه اخوي ..
باسل ابتسم بسخريه : كلكم حتى شف اخوك الخبل يكلم اللي قدامه كالعاده شكله يبي يتقاوم معه
يزيد ضحك : لا عاد فلّها الله يصلحه
علاوي ابتسم وفتح الباب ونزل للملعب ..
--------------------------------------------------
تنهد وقطع حاجز الصمت اللي بينهم : عارف ان اللي سواه زوج امي فيني مو سهل عليك ( ورفع راسه وابتسم ) بس مهما صار يايبه تظل امي وجنتي لا تحرمني منها يالغالي
ابو عبدالله بصدمه : ووش دراك انت ؟
عبدالله ضحك بخفّه : من مصادري الخاصه .... حتى بيت خالي عرفته .. يعني رايح رايح ان شاء الله الله لا يعوقني بشر
ابو عبدالله بسرعه : الله لا يسامحك ان رحت له !
رفع راسه وعقد حواجبه : وصلت لدرجة انك تدعي علي !
ابو عبدالله نزل راسه وبندم : استغفر الله بس ..
عبدالله تنهد وطلع برا الصاله ورقى لغرفته بضيق ..
--------------------------------------------------
ناظر اخوه وجلس على اطراف اصابعه وربت على كتفه وبضيق : خلاص يانواف قم وادع له الدموع ماراح ترجعه ولا تفيده !
نواف مسك دموعه بشماغه وبصوت مبحوح : ليومك ماني مصدق يا نايف .. اشتقت لسواليفه ومزحه وذباته علينا .. ( وتنهد وسكت )
نايف : كلنا ماشين على هالطريق وانا اخوك الله يغفر لنا ويعفوا عنا بس ( ورفع راسه وناظر المقبره وبضيق ) ماكملت سنه وامتلت يارب رحمتك
نواف تنهد بحزن : يقول لك باليوم الواحد بالرياض يدفنون 82 ميت واكثر احياناً ..
نايف بضيق : الله يغفرلهم ويرحمهم ويسكنهم فسيح جناته .. يلا ما ودك نمشي ؟
نواف وقف وتنهد ومشى مع نايف ومع خطوه وخطوه يتذكر ضحكات مـازن .. يا الله قد ايش هالدنيا فانيه امس كان معانا واليوم بقبره .. ياارب انك ترحمه وتغفر له وتجعل قبره روضه من رياض الجنه ..
--------------------------------------------------
حطت الكاس على الطاوله ورفعت راسها وابتسمت : سمّي هنادي وش بغيتي ؟
هنادي بللت شفاتها وبهدوء : اقول لك عن الحقيقه بس
ياسمين عقدت حواجبها : اي حقيقه ؟
هنادي : اننا اخوات
ياسمين ابتسمت : ااي طبعاً كلكم والله مثل خواتي
هنادي ضحكت وبسخريه : خوات بالدم ..
ياسمين عقدت حواجبها باستغراب : مافهمتك !! بيننا قرابه يعني ؟
هنادي تنهدت : امك كانت متزوجه ابوي الله يرحمه .. وصارت مشكله بينهم بسبة الفقر اللي كانوا عايشين فيه وتطلقوا وتزوجت ابوك ..!
ياسمين بصدمه : معقووله !!
هنادي ضحكت بسخريه وسكتت
ياسمين وقفت وبقهر : بروح اناديها
هنادي مسكت يدها بهدوء : لا مابي اشوفها !
ياسمين عقدت حواجبها باستغراب : بتظل امك !! ولازم تشوفينها ولا بتأثمين ( وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا ) حتى لو كانت الأم كافره لازم تبرين فيها ..
هنادي بضيق : بعدين اليوم مالي خلق بس قبل ما اسافر حبيت اقول لك
ياسمين ابتسمت بفرح : ورربي موو مصصدقه ان لي خوات ! ومثلكم بعد يااحظي اجل اسمعي اليوم نادي خواتي وبتنامون كلكم عندي
هنادي ضحكت : ياحبي لك ياسمين بس والله بكره رحلتنا الصباح اسفه
ياسمين ابتسمت : عاادي تنامون اليوم بس وبكره تروحون الله يحفظكم
هنادي ابتسمت : بشوف ان شاء الله يلا تآمرين على شيء ؟
ياسمين : سلامتك
هنادي : الله يسلمك مع السلامه ( وتنهدت وطلعت برا وهي متضايقه )
--------------------------------------------------
تأفف وهو عارف انها تعانده ... طق الباب بقوه وبعصبيه : وداااد اخلصصي محد شايفك ترا مو رايحه لزواج والله
وداد فتحت الباب وتنهدت : بس بروح لأهلي
عناد ضحك بسخريه : ااي هيهات
وداد رفعت حاجبها : ليش انت مو رايح لأهلك ؟
عناد : رحت ورجعت
وداد رفعت حاجبها : طيب مثل ماشفت اهلك ابغى اشوف اهلي انا بعد
عناد ببرود : بعدين مو اللحين
وداد بعصبيه : مو جالسين هناك 6 شهور !! تبغاني اجلس 6 شهور وانا مو شايفه اهلي !
عناد بقهر : هيييه لا ترفعين صوتك لا اقص لسانك .. احتمال 6 شهور على حسب شغلي
وداد تأففت وتحلطمت وسكتت وهي عارفه ان لو تكلمت معاه لين بكره ماراح يغير رايه سبحان الله ماخذ من اسمه نصيب كبيير بعد !
طلع برا الجناح وطلعت هي وراه ..... نزلوا وركبوا السياره وحركوا للمطار .... الصمت سايد بينهم بالسياره وبالمطار بعد ...... لين نادوا على رحلتهم ... وقامت معاه وتنهدت .. مشوا للبوابه ودخلوا وركبوا الطياره جلست عند الشباك وتنهدت وبهمس : بالله هذي صباحية عرسان ؟
عناد سمعها وضحك بسخريه : احمدي ربك راحمك بزياده ومعطيك وجه .. ولا امثالك مايطلعون برا غرفهم حتى
وداد بقهر : يعني تقنعني اننا رايحين لشهر عسل هااه ؟ مستعده احلف لك ع شان شغلك ولا كان انطقينا بالرياض
عناد بسخريه : احلفي لأنها هذي الحقيقه .. مو بس تنطقين بالرياض .. تنطقين وتخيسين بالغرفه بعد يـابنت محمد
وداد عصبت وانقهرت بس ماردت عليه وهي تهز رجلها بعصبيه ..
عناد ضحك : هدي اعصابك الحق ماينزعل منه توك ماشفتي شيء بعد لاحقه على الغثى
--------------------------------------------------
رفع راسه يوم سمع صوت الباب .. شاف محمد اللي ركض له ابتسم وحضنه وما امداه يتكلم الا وقاطعه من الفرحه : باابا ماما رجعت هي ومُراد
ابتسم بفرح وعدل جلسته .. شافها دخلت وتنهدت وحطت مراد على الارض وخذت شنطتها ودخلت لغرفتها بسرعه وقفلت الباب ماتركت له مجال ابد حتى يكلمها ..
ابتسم وشال مراد من الارض وحضنه بقوه مشتااق له بيكمل شهر وزياده يمكن ماشافه ..
مراد ضحك لأبوه .. وعبدالاله ابتسم وقبص خده : ياازين مُرادي ياناس .
محمد ابتسم : صار يعرف يحَبي بابا
عبدالاله اتسعت ابتسامته وحط مراد على الارض ورمى مفتاحه بعيد شوي عنه وضحك وهو يشوفه يروح لمفتاحه ..
محمد جلس بحضن ابوه وضحك ..
عبدالاله ابتسم : اخبار ماما ؟
محمد ابتسم : تمام
عبدالاله تنهد ورفع راسه وناظر غرفتها يحس ماله وجه يكلمها حتى ..
تنهدت وخذت الايفون وشحنته وجلست عند التسريحه تحوس بشعرها الناعم بملل ... شوي وانفتح الباب ودخل عبدالاله اللي بيده مراد النايم
محمد قرب من عند امه وهمس لها : مراد نام
منى ضحكت وباست خده ووقفت وخذت مُراد من عبدالاله
عبدالاله تنهد ونزل راسه : مُنـى
منى حطت مراد على السرير ولحفته ودخلت الحمام ( الله يكرمكم )
عبدالاله تأفف وخبط بقبضة يده على الجدار : وهي عطتني فرصه حتى ع شان اكلمها ؟!
--------------------------------------------------
تربعت بالأرض وضحكت : اهوون من امواج الدبشه تخيلي كنا بالسوق بالدرج الكهربائي انا اسولف معاها وهي سرحانه ماهي لمّي الاخت وصلنا ومشيت .. وهي متنحه ماحست شوي الا وتدبج بالارض دبجه محترمه ههههههههههههههههههه
امواج ضحكت : يالككلبه هالأشياء ماتنقاال عند هالجحلط بيمسكونها علي لين اموت واتحلل
أليس ضحكت : انا بواشنطن يومي مع عمي طلال .. قال لي بروح اشتري لنا ايس كريم خليك هنا قلت طيب .. وراح وطول الزبده عجبني المحل اللي كان قدامي بلايزه حلوه .. واقوم وادخل واروح للمحل الثاني وابد مترت المحلات كلها حتى طلعت للشوارع الثانيه وانا مو حاسه بنفسي .. المشكله شنطتي فوق الطاوله ماخذتها .. رجع طلال ودق علي اكثر من مره وشاف شنطتي وتوهق وضاق صدره وقام يحوس ويصارخ ينادي علي .. وانا يوم حسيت اني ضعت اروح عند هالامريكان واكلمهم بلغة الاشاره على اساس اني بكماء لأني دبشه بالانقلش .. بس اشوا شفت سعوديه مع اهلها وقلت لها باخذ جوالك بدق على عمي ... ( وابتسمت ) وطبعاً تهزأت منه ومن فارس ومن احمد تهزيئ محترم صح انهم حيوانين بس استاهل
البنات ضحكوا عليها : ههههههههههههههههههه خبلله .. منتهيه .. تدربي راسها وبس .. وووالخ
أليس ضحكت : على تبن الشرهه على اللي يقول لكم ..
--------------------------------------------------
رفعت راسها وتنهدت بملل : خالد
خالد ابتسم : عيونه وقلبه وحياته
ندى ضحكت : الله الله كل هذا لي ؟
خالد : قلييل بحقك مررره بعد
ندى استحت ونزلت راسها وأشرت على الكنب اللي كان بجنبهم : وش رايك فيه للصاله ؟ شكله نااعم مرره ( ومشت للكنب وجلست )
خالد جلس جنبها ولصق فيها مره وبابتسامه : ااي حلو بس لونه ماش مو مره !
ندى تنهدت بتعب وسندت راسها لا شعورياً ع كتفه وتنهدت : يووه تعبت والله
خالد حط يده على كتفها والوضع عااجبه وما وده تقوم ابد : حتى انا ذوقك صعب
ندى بعّدت عنه وتخصرت بدلع : لا والله ! مين اللي كل شوي يقول لونه خايس لونه فاتح لونه قاتم نازل مرتفع !!
خالد ضحك عليها بقوه : هههههههههههههههههه شفتي اني ابغى لك الزين
ندى لوت فمها بملل : الا ما ودك تشتري يا بخيل !
خالد ضحك : ولو قلت لك اني شاري اصلاً !
ندى شهقت : كذااااب !
خالد كتم ضحكته : وش استفيد من الكذب يعني ؟ شاري من زماان ( وخذ جواله وفتحه وهو يدخل ع ألبوم الصور ) قربي وراك بعدتي ؟
ندى استحت : عييب قدام الناس
خالد ألتفت يمين ويسار ورجع يناظر جواله : ماهم لمّك وكلهم بنتين !
ندى : لا كذا زين اشوف
خالد بعناد : اجل ماني موريك الصور
ندى : احسن من قال اني ابي اشوفها !
خالد بمزح : والله يا عليه لوون ازرق مع فوشي مع اخضر مع اصفر يخقق كأنه قوس قزح
ندى بصدمه : ووالله لأرمييه لو صار لونه كذا !! ورني ورني صورته
خالد : مو تقولين مابي اشوفه ؟
ندى بدلع : خااالد خلاص عاد
خالد بحب : وانا من مجنني غيرك يا قلب خالد ؟ ( ووراها الصور ) هذا مجلس الحريم وهذا الرجال وهذا الصاله اللي تحت وهذي الصاله اللي فوق .. وش رايك ؟
ندى أنبهرت بجد من ذوق خالد ناظرته وابتسمت : ذوويق ماشاء الله عليك مرره مرره حلو بس تعال ما دامك شاريه من زمان ليش جايبني هنا ؟
خالد ضحك : خالي بالليالله وافق على الاثاث .. يعني تتوقعين لو قلت له بتمشى معاها بيوافق ؟
ندى ضحكت : احلف ؟ نتمشى بالمحلات
خالد ابتسم ووقف : يالنصابه هذا رابع محل دخلناه لو انه سوق كان ما مليتي ولا تعبتي ( وقلد صوتها ) يووه تعبت
ندى ضحكت : تكففى لا تحاول تنعم صوتك
خالد ابتسم ومد يده لها ووقف : يلا امشي بس
ندى ابتسمت : لوين ؟
خالد : نروح نتعشى بعدين نمشي بالممشى
ندى ابتسمت ووقفت : طيب ( وشبكت اصابعها باصابعه ومشت معاه )
--------------------------------------------------
جلست جنب جدتها وهي تهديها ومستغربه من صياحها .. تكلمت بعد ماشافتها هدت شوي وباستغراب : ماذا حصل ؟
مسحت دموعها وبضيق : عمُكِ مُصاب بالإيدز
أمل انصصدمت ! وبلعت ريقها : معقوووله !!! أينُه الآن ؟
نزلت راسها ودموعها على خدها : بالمستشفى ..
أمل بلعت ريقها بضيق ووقفت وخذت عبايتها وطرحتها وطلعت
جدتها بصوت عالي مبحوح من الصياح : الى أين ؟
امل : للمستشفى ( وفتحت الباب وطلعت )
--------------------------------------------------
دخل ومر من عند الزنزانه ووقف عند الباب وضحك : بأيامٍ بسيطه .. قبضت عليكم ورميتكم بالسجن .. وأيامٌ بسيطةٌ ايضاً وينحكم عليكم بالعدم من الجرائم التي فعلتموها !
وقف وضرب قبضة يده على الجدار : سوف تندم صدقني !
ضحك بقوه : أندم على ماذا بالضبط ؟ بالأساس لن تروني بعد اليوم ولن تستطيعون اصلاً
ناظره باستغراب وكأنه مافهمه ..
ابتسم بغموض وبسخريه : لا يُهمني الآن ولكن جئت أتطمن على حالكم ( وضحك ) ومنها الى الأسوء ان شاء الله !
مافهم كلامه الاخير لأنه تكلمه بالعامي ..
ناظرهم بسخريه وضحك : هيا وداعاً ياحمقى ( وضحك وطلع برا وهو يدندن ومتعمد يعلي صوته ع شان يقهرهم .... ) تنهد ولوى فمه : للحين احس مابردت حرتي بس خلاص فليتها ... بروح أرتب شنطتي بس ع شان رحلتي للسعوديه ( وابتسم وطلع برا المركز وركب سيارته )
--------------------------------------------------
تأففت بملل ورمت جوالها على الكنب ... ناظرته وابتسمت : ماشبعت ؟
سيف ضحك وشرق وقام يكحكح : الله ياخذك انتي وعيونك كح كح كح
امواج ماتت من الضحك وهي تطق ظهره : بسم الله عليك
سيف شرب المويه ووقف ومسك يدها : تعالي ( ووقف )
امواج ابتسمت ووقفت : لـ وين طيب ؟
سيف ما رد عليها ونادى جواد ومشى للاصنصير .... اللي نزلهم للقبو ..... انفتح الاصنصير وابتسمت امواج بدهشه من اللي قدامها كان القبو كبير جداً جداً جداً .. وفخم .. كان كله صالات رياضيه ويتوسطها المسبح الكبير .. وبجنبه الكراسي .. والخدم اللي ينظفون المكان ..
سيف ابتسم والتفت لها : كيف ؟
امواج ابتسمت بإعجاب : جممميل مرررره مرررره
سيف ابتسم ومسك يدها ومشى للسير وهو يضحك : تصدقين ؟ لا انا ولا رعد ما نهتم بكمال الاجسام ولا الرياضه بعكس ابوي مرره .. ( وابتسم ) هو اللي حببنا فيها كان يومياً العصر يسحبنا كلنا لتحت ( وناظر الكراسي اللي عند المسبح وبضيق ) كنت اسبح مع ابوي وهو معاه جواد يغطسه بالمويه شوي بس ورعد جالس بحضن امي ويسولف معاها ويضحكون ( وتنهد ) ياليت ترجع هذيك الايام .. اللحين ابوي ينشغل بسفرياته .. واذا نزل هنا تذكر امي وخلاص يضيق صدره ويقوم .. ورعد ابد من بعد ماتوفت امي الله يرحمها ماطب هالمكان .. ودايم مع اخوياه نادر اشوفه في البيت .. ( وناظر جواد اللي كان يسولف مع الخادمه ويشرب العصير وابتسم بهدوء ) بس انا وجواد اللي ننزل ومو كثير بعد ..
امواج تضايقت : الله يرحمها ويغفر لها
سيف تنهد بضيق : امين ( ولف لها وابتسم ) بروح اسبح بس تسبحين معاي ؟
امواج استحت : لا سلامات
سيف بترجي : تكفيين امواجوه
امواج رفعت حاجبها : امواج يالطيب مو اصغر عيالك
سيف ضحك : عادي اعتبرك اختي الصغيره
امواج فتحت عيونها على الاخر : ششف !
سيف ضحك : لا جد انا اكبر منك بسنه !
امواج بقهر : 6 شهور مو سنه !
سيف : عموماً كم عمرك ؟ 19 صح ؟
امواج : و6 شهور
سيف ضحك ودخل لغرفة التبديل يغير ملابسه ..
اما امواج راحت للكرسي وتنهدت وابتسمت : حبيبي ؟ ( وناظرت جواد )
سيف ضحك وبصوت عالي لأنها بعيده عنه : مساافر
امواج استحت : كل تبن ( وشالت جواد اللي جاء عندها وحطته بحضنها )
جواد ابتسم : ماما امواج ابي اسبح ؟
امواج تنهدت : مع مين ؟
جواد ناظر سيف اللي قرب من عندهم وهو يدندن : مع سيف
امواج ابتسمت : لا حبيبي اخاف عليك .. رخمه اخوك مايقدر يـ
سيف وقف وراها وقاطعها وحاس شعرها : هييه من الرخمه ؟
امواج ضحكت ولفت له : ياحيوان حست شعري
سيف ضحك وطب في المسبح : تعاال جججواد
الخادمه ابتسمت : شو بدك تشربي ؟
امواج ناظرتها وابتسمت : شُكراً مابي شيء ( ومسكت يد جواد ) تعال أغير ملابسك ع شان تسبح ..
--------------------------------------------------
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 16-05-14, 05:27 AM #83
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
--------------------------------------------------
ابتسمت ورفعت راسها وهي تناظر المطار اول مره بحياتها تدخله .. لفت لأخواتها وابتسمت : جممميل صح ؟
كادي دفتها وبهمس : اوص لا تفشلينا يقولون اول مره يدخلون المطار
جوري ضحكت : وهذي الحقيقه
كادي ابتسمت : بس ولو لا تبينين ( وابتسمت ) صراحه للحين مو مصدقه ان صار لنا اهل واخيراً راح نعيش زي الناس مو مشكوك فوضعنا وولا شيء
ورود ابتسمت وهي تناظر زهور اللي كانت مستانسه وتضحك مع ريان .. ولفت لخواتها : الا غريبه فيه وحده منثبره اليوم ؟
لفوا وناظروا هنادي اللي كانت سرحانه وضحكوا
جوري ابتسمت وغمزت لها : تفكرين بمين هااه اعترفي ؟
كادي غمزت لها : اللي ماخذ عقلك يتهنى به
هنادي ببرود : محد تطمنوا ( وراحت لدورة المياه الله يكرمكم )
جودي باستغراب : وش فيها ؟
جوري تنهدت : مدري بروح لها ( ولحقتها )
--------------------------------------------------
وصلوا للندن وركبوا مع التاكسي اللي نزلهم للفندق .... نزلوا وراحوا لجناحهم .... رفعت راسها وداد وناظرت الجناح بالأساس الفندق فخم فخم فخم .. ابتسمت وتنهدت ولفت لعناد وبترجي : عنااد ابي اطلع تكفى مافيني نوم
عناد رفع حاجبه : لحالك ؟
وداد ابتسمت : ماراح اطول شوي بس
عناد بسخريه : اقول روحي لغرفتك بس الله يصلحك .. تشاخر بالطياره وتجي هنا وتقول مافيني نوم بعد
وداد رفعت حاجبها بقهر : ما شاخرت ! الشرهه على اللي يكلمك ( وتأففت وراحت لغرفتها وخبطت الباب بقوه )
عناد بصوت عالي : هييه لاا يججي البااب شيء ترااه اغلى منك ( وضحك بسخريه ورمى نفسه على الكنب بتعب وبنعاس )
--------------------------------------------------
طلع من غرفته بعد نومه طويله وهو يدندن ... شافها جالسه بالصاله وتطقطق بجوالها ..: ألبسي عبايتك والحقيني ( وطلع برا الجناح )
وداد ماصدقت تطلع خذت عبايتها ولبستها وطلعت وراه .. نزلوا لتحت وهم يمشون بالطريق شافوا كوفي على الشارع ... ابتسم عناد وسلم على الرجال وقعد على الكرسي .. ناظر وداد وأشر لها تجلس على الكرسي اللي جنبه ..
سحبت الكرسي وبعدته شوي عن طاولتهم ع شان تصير بعيده شوي عن سطام ....
جلسوا عناد وسطام يتكلمون عن الشركه ..
طفشت وداد وجاها النوم .. وقفت وخذت شنطتها ورجعت للفندق ودخلت الجناح وناامت ..
عناد التفت لجنبه باستغراب : وين راحت ذي ؟
سطام تنهد : شفتها خذت شنطتها وراحت
عناد بعصبيه : اييش ؟ وين طست فيه بعد ؟ ( وقام بعصبيه وجلس يدور عنها .. ومن عصبيته نسى يدق عليها )
--------------------------------------------------
تنهد ورفع راسه وناظر حسان وابتسم : وش فيك ؟
حسان تنهد وبترجي : تكفى لا ترجع والله بأفقدك ياخي
مجهول ضحك : حبيبي والله .. انت تعال للرياض عاد
حسان تنهد وابتسم : بشوف ان شاء الله
مجهول ناظر ساعته باقي 10 دقايق على رحلته ووقف وسلم على حسان : يلا مع السلامه وانتبه لنفسك
حسان ابتسم : اخر مره بتجي لألمانيا ؟
مجهول ابتسم وتنهد : اخر مره اجيها بأسم مجهول ..
حسان عقد حواجبه : وش قصدك ؟
مجهول : بجيها زياره بس مو بالمجهول ..
حسان ابتسم : طيب يالمجهول قبل سفرتك قل لـ
شارل قاطعه وهو يتقدم له وماسك الجريده ورفع راسه وناظر مجهول : هذا كلامك !!!
مجهول ضحك : ااي
شارل ابتسم : تصدق الحُراس يحوسون بالمطار .. يتوقعونك بتسوي جريمه قبل ماتسافر .. على العموم ايش تقصد بـ B.K.N
مجهول ضحك وناظر انري اللي ابتسم : للعقول الفاهمه هذي
انري ابتسم : لو تربط الأحداث ببعض .. ستكتشف معناها
مجهول تنهد : يلا بتقلع الطياره مع السلامه ( وسلم عليهم واحد واحد وودعهم .. وخذ شنطته ومشى )
انري ابتسم وبهدوء : في ليلة كمال القمـر .. قبض على اهم رجال العصابه ... كتب مقاله عن نفسه بإحدى اهم جرائد وختمها بـ B.K.N
شارل ضحك وابتسم : اهااا فهمت اللحين وفهمت بعد ليش جابوا مقاله بجرايد شيكاغو ..
حسان عقد حواجبه : شيكاغو !! هالسنه كلها وهو بألمانيا !
شارل ابتسم : بس قبل كان بشيكاغو .. عاشر المجرمين صدق هناك .. ف ع شان كذا بأيام قليله قدر يقبض على اهم رجال العصابه ..
حسان : كان مُجرم !!
انري بسرعه : لا لا لا لم يكن مجرم ! ولكن كان حُلمه القبض على المجرمين .. قُلت له ان يذهب لمركز الشرطه ويساعدهم لكنه رفض ( وابتسم ) قال أريد ان اقبض عليهم بطريقتي الخاصه
حسان باستغراب : بس طريقته مشبوهه !
شارب ابتسم وتنهد : على كلامه راح يرجع ان شاء الله ويقول لنا عن كل شيء عنه واذا مارجع ( وناظر انري ورفع حاجبه ) عندنا البروفيسور .. بس صدق تعال هو راح لشيكاغو وهالسنه المانيا قبل وين بعد ؟
انري تنهد : ذهب للوس انجلوس وهُناك عصابتين من اقوى العصابات عالمياً ..
حسان قاطعه : معليش قاطعتك بس اول شيء راح للوس انجلوس ؟
انري : كلا .. بشيكاغو ثم سانت لويس ثم لوس انجلوس ثم أنتقل لالمانيا ..
شارل رفع حاجبه : مو شيكاغو جرايمها اكثر من سانت لويس ؟
انري بخوف : كـلا سانت لويس تعد اول اخطر مدن امريكا من ناحية الاجرام !! لا ادري كيف مكث فيها مجهول ؟
حسان باستغراب : طيب كيف كان وضعه مع العصابات بسانت لويس ؟
انري ابتسم : كان تقريباً يريد ان يرى اخطر عصابه عصابة Ms13 واستطاع ان يراهم ..
حسان شهق : قبض عليهم !!
انري هز راسه وتنهد : لا اخطر عصابه هذه ..
حسان ابتسم : ودي اشوفه واستقعد له والله وراه دواهي هالولد
شارل ضحك : من جد مع اخطر العصابات ما ادري وش جوه مايخاف ذا ؟
حسان عقد حواجبه : الا صح انت التقيت به وين ؟
شارل تنهد : بألمانيا مثلك ..
حسان ابتسم وناظر انري : وانت ؟
انري تنهد : بشيكاغو منذ ان اتى اليها ولكن برحلته لسانت لويس لم اذهب معه لأنه لم يخبرني .. ولكن ذهبت معه للوس انجلوس وألمانيا ( وابتسم ) مجهـول اسطـوره اسطـوره اسطـوره بذكائه !
--------------------------------------------------
قال له سطام يروح للفندق يمكنها رجعت .. راح للفندق واعصابه رايحه فيها .. فتح باب الجناح بقوه ومشى للغرفه بخطوات سريعه فتح الباب وشاف الغرفه ظلاام وباارده وهي نايمه على السرير تطمن وشغل اللمبات وطفى المكيف وشال اللحاف عنها وبصراخ : قووووومي
وداد فزت بسرعه وبخوف وهي تفرك عيونها : وش فيك ؟
عناد بعصبيه : انتتي كييف ترجعيين ومااتقوولين لي !!! وانتي عارفه ان هالمدينه كلها جرايم والانجليز بلاويهم كثييره !! تحسسبين مااوراك احد ع شان تقومين تدجين وترجعين لحالك ؟
وداد قاطعته وبقهر : لحظه لحظه حسن الفاظك اول شيء ! وش تدجين ؟ بعدين حافظه لندن انا من كثر ما اجيها مايحتاج تقول لي .. وشفتك مشغول مع الرجال وقمت قلت ماله داعي اقول له
عناد بعصبيه : واذا حفظتيها خلااص مرفووع عنك القلم ؟ عذر اقبح من ذنب !!! شوفي هالمره بعديها بمزاجي بس والله المره الثانيه ياوداد ان عتبتي بس باب الجنااح ان تشوفين شيء مايسرّك !! ( وبسخريه ) خليك عاقله واسمعي الكلام ترا العناد مايفيد فااهمه ؟ سايبه الدنيا وموسعه صدرها الشرهه على اللي يطلعك ولا اشكالك مايعتبون بيوتهم بعد !! ( وبصراخ ) فااهمه ؟
وداد تأففت وماردت عليه
مسك يدها ولواها على ظهرها وبعصبيه : اكللمم ميين اناا ؟
وداد بقهر : اترركني خلاااص ماسوت علي ترا الكوفي بالشارع اللي فيه الفندق نفسه لييش مكبر السالفه ؟
عناد بعصبيه : وبععد صامده للحين ؟
وداد بقهر : فاااهمه فاااهمه وربي فهممت خلااص فكني
عناد دفها بقهر وطلع برا الغرفه وخبط الباب بقووه ..
وداد جلست على طرف السرير وبقهر : ووججع ( لفت لجوالها اللي يرن ... خذته وردت وتنهدت ) : الو ؟
ميساء ابتسمت : اهليين ودادي اخبارك ؟
وداد تنهدت بضيق : زففت من حفره لدحديره ..
ميساء ضحكت : لأنك تعاندين وتكابرين كالعاده صح ؟
وداد عقدت حواجبها : ليش بعد وش تبغين اسوي ؟
ميساء ابتسمت : عطيه على جوه اذا كان معصب ولا تعاندينه ولا تردين عليه .. خليك هااديه معاه واسلوبك حلو حسسيه شوي برجولته
وداد ضحكت بسخريه : وش عندها الاخت ؟ الرجوله بشهامته وقوته واخلاقه .. عمرها ماكانت بجبروت وعصبيه ..! اذا كان اسلوبه حلو يبشر ( وكشرت ) واذا كان زفت مثله انا ازفت ( وحطت رجل على رجل وتنهدت ) قد ما اخذ قد ما اعطي وماعندي شيء اخسره حالياً ( وضحكت بسخريه )
ميساء تنهدت : استغفر الله الله يهديك بس ويصلح ما بينكم ..
المهم امك متقطع قلبها عليك ردي عليها
وداد تنهدت : مالي خلق لأحد حتى انتي شوي وبقفل بأتروش وبنام ..
ميساء ابتسمت وضحكت : ماتجامل ابد اوك حبيبتي اترك مع السلامه واذا قمتي دقي على امك والله هي قايلة لي دقي عليها يمكن ترد عليك مرره خايفه عليك .. وزي ماقلت لك هالله هالله بالاسلوب الزين والسناعه
وداد : ان شاء الله ( وابتسمت بسخريه ) وزي ماقلت لك على حسب معاملة اللي معاي
ميساء ابتسمت : الله سبحانه يقول وعاملهم بالتي هي احسن
انتي تمثلين نفسك بكلامك ماتمثلين اللي قدامك !! على العموم يلا بااي
وداد تنهدت بملل : بااي ( وسكرت منها وقامت وقفلت الباب ومشت للدولاب تاخذ ملابسها )
--------------------------------------------------
دخل البيت مع باسل وهو مستغرب : معقوله للحين محد جاء ؟
باسل ابتسم : مدري عنهم
شوي الا وتشتغل كل الانوار والشباب يصفقون لخالد ..
خالد رفع راسه وابتسم ابتسامه واسعه
الشباب : الفف مبروووك الزوااج يااقدع .. مبروووك خوويلد .. ووالخ من التبريكات
خالد ضحك وناظر فيصل : حسبي الله على ابليسك امتليت ورق ( ومسح على شعره وملابسه وابتسم وهو يرفع راسه ) الله يباارك فيكم وعقبالكم حباايب قلبي ( وناظر باسل ورفع حاجبه ) وانت ليش ماقلت لي هااه ؟
باسل ضحك : حبينا نخليها سبرايز .. طبعاً هذي بمناسبة توديع العزوبيه زواجك بعد يومين ( وغمز له وابتسم ) الله يوفقك ويسعدك ياارب
خالد ضحك : يااحبي لكم بس جعلكم تسلمون العقبال لكم ان شاء الله
يزيد ابتسم وبصوت عالي : خووويلد تعاال هناا قطع الكيكه ( ولف لمهند ) طف اللمبات
مشاري ركض لعندهم : لحظه لحظه توني القى الولاعه
خالد ناظر الطاوله وابتسم .. كان كل شيء مرتب وجميل جميل .. البالونات الذهبي والابيض ماليه الصاله .. الكيكه الكبييره وعليها الدبله .. العصيرات والحلويات ،، والهدايا اللي كانوا حاطينها على جنب بطاوله خاصه فيها ... الزينه بكل مكان .. والشباب يعلقون ويمزحون معاه ... ابتسم ودعى بداخله لهم .. ربي عوضه عن امه واخوانه بأخوياه وعيال خواله اللي لو مدحهم ماخلص من مدحه .. وقفاتهم معاه كثييره من يومه بالابتدائي ..
مد مشاري له السكينه وهو مبتسم ويعزز له ويضحك
خالد ضحك وقطع الكيكه على اصوات تصفيقهم العالي وابتسم : احررجتووني والله معاكم
مهند ضحك : مابينا مابينا وانا اخوك
علاوي ضحك : خاالد يا انهم مجهزين لك هديه ولا اروع !!
ميثم ضحك : شووووتووه ذاا ماايعررف يسسكت !!
هيثم ضحك : فضييحه الله ياخذك
عزوز : انت ماااتعرف تنطم لا اله الا الله ؟
بسام : ودك من يهفه بهالدّله
خالد ابتسم وحط يده على كتف علاوي وحب راسه : اللي بأمه خير يمد يده عليه بس
علاوي ضحك : تعلممممووا تعلممووا ياامال الصمرقع .. الله لا يخليني بس
باسل ضحك : استانس ماصدق احد يوقف معاه
يزيد ابتسم وتنهد : ماكان ودي اللحين بس عندنا واحد مايعرف
يسكت على العموم تفضل ( ومد له علبه ذهبيه وابتسم ) قبل ماتفتحها امش برا ( ومشى معاه للحوش والشباب وراه )
مهند وبسام وقفوا قدامه : يلا افتحها ( وناظروا بعض وضحكوا )
خالد ضحك : لاا اله الا الله غطيتوا ع الحوش كله ( وفتح العلبه وشاف مفتاح سيارة فراري انصدم ورفع راسه )
مهند وبسام : تتتتررررا ( ووخروا عنه وضحكوا على تصفيق الشباب له ..
خالد انصدم من الفراري HD وضحك
يزيد ضحك : الولد قمط هههههههههههههههههه
خالد ابتسم : لا جد صدمتوني ، مرره كثير علي والله .. مشكورين والله مشكورين الله يسعدكم
علاوي ابتسم : افتح افتح السياره بس وخذ لي لفّه فيها
خالد ضحك : يلا تعال ( وفتح الباب وركب السياره )
فهد : خلاص انا مستعد اخطب من اليوم وبكره زواجي بس تجيبون لي فراري ؟
عزوز ضحك : هههههههههههههههههه لا تفلها عاد
مهند ابتسم : انت اعرس بس وابشر
سلطان : سجل ياتاريخ مهند يمدح فهد
مهند ضحك : مامدحته بس عارفه مستحيل يعرس الا اذا صك الثلاثين فعطيته على جوه هههههههههههههههههههه
--------------------------------------------------
ابتسمت وجلست جنب بنات عمها : ششكراً حباايبي والله فاجئتوني
أليس ضحكت : انا قمطت يوم نزلت وشفت البيت ظلام .. بس والله جد الله يسعدكم مثل ما اسعدتوني مررره شكراً
لميس ابتسمت : تستاهلون اكثر
عبير ضحكت ووقفت : يلا من تقوم معي ترقص ؟ حللوا هاليوم نديش بعد يومين زواجك وبعد زواجك بيومين أليس صح ؟
أليس ابتسمت : لا 4 ايام
وجدان ضحكت : يلاا نديش قومي اليوم بنستقعد لك قبل ماياخذك خويلد
ندى ابتسمت على طاريه ... ووقفت ورقصت مع عبير ووجدان ..
والبنات يصفقون لهم ويعلقون كلهم رقصهم حلو بس ندى افضل .. اما بالرقص المصري بدّعت فيه وجدان ..
--------------------------------------------------
باليـوم الثـاني .. وبالعشـاء وبسيـارة دحـوم تحديداً !
ناظرت وجد وتنهدت وهمست لها : ماودي انزل
وجد ضحكت : انزلي انزلي بس ..
ندى ابتسمت : اجل رقعي لي خلاص ؟
وجد بابتسامه : ان شاء الله
دحوم تنهد وناظر ساعته : ندى لا تطولين .. وترا انا بروح لأخوياي يعني اللي بيجيبك السواق او ابوي ..
ندى ابتسمت : ان شاء الله يلا مع السلامه
دحوم ووجد : مع السلامه ..
نزلت من السياره ودخلت بيتها .. كان ظلاام والتكييف بارد .. استغربت وشغلت اللمبات .. شافت خالد نايم بالكنب على الصاله .. ابتسمت ورقت لغرفتها فوق وفصخت عبايتها وعدلت شكلها ونزلت ..... راحت لعنده تقومه ع شان يروح لسريره .. لأن نومته على الكنب مو مريحه ابد .. هزته كذا مره بس ماحس .. حطت يدها على جبينه وخافت : كأن حرارته مرتفعه ؟
ابتسم ومسك يدها وبتعب : هلا بالحب .. ( وعدل جلسته وتنهد وابتسم ) متى جيتي ؟
ندى ابتسمت : قبل خمس دقايق يمكن ..
خالد ضحك : وافقت خالتي ؟
ندى ضحكت : الله ياخذ ابليسك يا أني كلت تهزيئه .. توك تشوفين عفشك ووالخ .. حتى انسدت نفسيتي قلت مو رايحه
خالد رفع حاجبه وابتسم : ووش اللي غير رايك ؟
ندى استحت من نظراته ونزلت راسها : وِجد
خالد ضحك : علييناا ؟
ندى بتصريف : الزبده وش فيك نايم بالصاله ؟
خالد تنهد وحط راسه على صدرها : دخلت البيت وتعيجزت اروح للغرفه ونمت هنا ماطولت ( وناظر الساعه ) يمكن نص ساعه بس
ندى ابتسمت ومسكت يده : اجل يلا قم نم بغرفتك .. ( وباستغراب ) الا صح ليش مانمت عند جدتك ؟
خالد تنهد : بنات عماني يجتمعون عندها كثير هالأيام وتعقدوا مني ماغير بجلالاتهم يمشون .. قلت اجي هنا أريح لي ولهم .... وكنا بعد امس مجتمعين بمخطط قريب من هنا وسهرنا لين الصباح عاد خلاص طار النوم مني .. يمكن لي 28 ساعه مانمت ( وتثاوب بنعاس )
ندى ابتسمت : طيب يلا قم بلا عجز ونم فوق اريح لك ..
خالد : مافيني نوم
ندى عقدت حواجبها : كيف مافيك وانت دايخ ؟
خالد حط يده على صدره وتنهد بضيق : مدري هالأيام فيني ضيقه ما اعرف انام منها
ندى بخوف : ضيقه ؟ بسم الله عليك .. طيب ماجربت تنام على صوت القرآن ؟
خالد تنهد بتعب : لا ..
ندى بعدته عنها بحنان .. وقامت تجيب جوالها .. جت لعنده وشغلت جوالها على صوت ماهر المعيقلي سورة البقره وابتسمت : دايم اذا تضايقت شغلت المسجل بغرفتي ونمت على صوت القرآن والله تحس برااحه ..
خالد ابتسم : طيب تعالي ..
ندى تنهدت : بروح ارتب ملابسي ..
خالد : بعدين لاحقه تونا 7
ندى جت لعنده وخذت جوالها الثاني وجلست على الكنب : وش بغيت ؟
خالد غمض عيونه بتعب وسند راسه على صدرها ..
ندى استحت بس رحمته وماحبت تزعجه ... خذت جوالها وانشغلت فيه بالبرامج .. وخالد بساابع نوومه ..
والسـاعه 11 ....
رفعت راسها بملل وناظرت الساعه .. لفت لخالد وبعدته عنها بشويش وجابت الوساده وحطتها تحت راسه .. ورقت فوق وجابت له مفرش وغطته .. مشت للمطبخ وجلست ترتب الاغراض ..... ندى من النوع اللي يحب شيء اسمه طبخ .. تستمتع فيه مرره ... تذكرت ان خالد يحب الباستا وقبل كم يوم يقول انه مشتهيها ... ابتسمت وردت على جوالها اللي كان يدق : هلا وِجد هاا جبتي الاغراض ؟
وجد : ااي السواق عند الباب افتحي له ..
ندى تنهدت : طيب شوي بس يلا بااي ( وسكرت منها وطلعت برا للحوش فتحت الباب وخذت الاغراض من السواق وسكرت الباب ومشت للمطبخ ....)
قام على صوت جواله اللي يرن فتح عيونه وحط جواله على الصامت ورقى لغرفته .. تروش وغير ملابسه ولبس تيشيرت كحلي ضيق على جسمه وبارز عضلاته .. وشورت بيج .. وجزمه ' تكرمون ' نايك كحلي .. رجع شعره الناعم على ورا ولبس ساعته على السريع وتعطر نص العطر وابتسم وخذ جواله ونزل من الدرج .. دخل المطبخ وشافها معطيته ظهرها .. ابتسم وحضنها مع ورا : حبي وش تسوين ؟
ندى ابتسمت : باستا .. ( وبعدت عنه بخجل )
خالد ابتسم : والله اني مشتهيها .. ( وضحك ) بس لحظه وش جوك ؟ قبل زواجك بيومين تطبخين لي ؟
ندى ضحكت : مدري بس لا تستغرب من شيء يعني .. اذا مسك فراسي شيء خلاص .. الا كيف نومتك ان شاء الله ارتحت ؟
خالد ابتسم : ارتحت وبس ؟ يكفي اني نمت بحضنك يالبى ( وابتسم وغمز لها )
ندى استحت وسكتت ..
خالد ضحك ودق على يزيد اللي داق عليه اكثر من مره ولهى بالسواليف معه ..
ندى خلصت الباستا ورتبت طاولة الطعام .. تذكرت جوالها وانها حاطته على السايلنت وشهقت وراحت للصاله وخذت جوالها لقت 6 مكالمات من دحوم و11 مكالمه من وجد ضحكت ودقت عليها : معلييش معلييش نسيت جوالي على السايلنت
وجد تنهدت بقهر : تدرين كم الساعه ؟
ندى لوت فمها بعدم اهتمام : لا كم ؟
وجد : وحده الا ربع وانتي للحين حضرتك ماخلصتي وش تبين اقول لأبوي بالله ؟
ندى شهقت : اماا عااد !! خلااص تعاالي خلصت اصلاً
وجد تنهدت : مشوار الطريق بس وجايتك تجهزي يلا سلام
ندى ابتسمت : ان شاء الله مع السلامه ( وسكرت من جوالها .. وحست بيدين خالد اللي حاوطت كتوفها .. تنهدت بخجل : خاالد وش عندك اليوم ؟ ( وبعدت يدينه عنها )
خالد ضحك وحضنها بقوه وهمس لها : مشتـاق لك .. يابطئ هالأيام بس ..
ندى بلعت ريقها وبتوتر : خالد بعد شوي تكفى
خالد ابتسم وبعد عنها ..
ندى رن جوالها وكانت وجد .. ابتسمت وخذت عبايتها ..
خالد : بتطلعين ؟
ندى ابتسمت : ااي مع السلامه
خالد مسك يدينها وقربها له : مافيه روحه الا ببوسه ( وغمز لها )
ندى بخجل : بعد عني تكفى
خالد بعناد : لا ابي بوسه قبل ..
ندى تنهدت بخجل وقربت من عند خده وباسته بسرعه وخذت طرحتها ونقابها لكنه كان اسرع منها وحضنها وباسها مع خدها : يالبييه احبك احبك نديش .
ندى ابتسمت وبعدت عنه بخجل : ترا العشاء على طاولة الطعام .. مع السلامه ( وخذت شنطتها وطلعت وماتركت له فرصه ابد .. ركبت السياره ولفت لوجد وتنهدت : معليش طولت عليك
وجد بملل : بنجاملك ياعروسه ومو قايلين لك شيء هالمره ( وضحكت )
--------------------------------------------------
وقف عند التلفزيون وتكتف بعناد : بتعطيني شاحني ولا كيف ؟
مهند بصراخ : بسسسااموووه يالككلب بعععد
بسام كتم ضحكته : عطني شاحني قبل ..
هلال ابتسم : كفووو بسساام لحظظه خلني اسجل هدف قبل بالله
بسام طفى البلازما وضحك وهج بسرعه قبل ما يتصفق ..
مهند ركض وراه وبقهر : والله مااا اتركك يالككلب يالححيواان ..
هلال ضحكت ولف يزيد : وين خالد ؟
يزيد اللي كان منسدح ويدندن : مابعرفش واللهِ
خالد دخل وجاء بسام وراه بسرعه وهو ميت من الضحك : خوويلد فكني منه تكفى
مهند بصراخ : منييب تااركك وححلفت
بسام بصوت عالي : انت اللي باادي ومااخذ شاحني قبل بعد
مهند بقهر : طييب يالككلب بعطيك بس مو تفصله علي
باسل لف ليزيد وتنهد : بسام ومهند توم وجيري فلقوا راسي قسم بالله
يزيد ضحك : خلاص المفروض تعودت على هواشهم ..الله يحلل علاوي وياسر عندهم
هلال ضحك : الا عايلتكم مضروبه .. ياسر وعلاوي واحياناً بندر .. ومهند وبسام .. الله يصبر اخيي بس
باسل تنهد : من ججد ياسر وعلاوي وبندر الصباح ومهند وبسام في الليل ابد يناوبون عن بعض ياارب صبرك
خالد دخل وضحك : السلام
هلال ويزيد وباسل : هلا والله وعليكم السلام
شوي ودخلوا بسام ومهند ..
مهند ابتسم : والله يا ان رونالدو بدّع بالمباراة
بسام ابتسم : حتى غاريث بيل شفت هدفه ؟ مجنووون
هلال تنح : وين اللي تو يتهاوشون ؟
باسل تنهد : عاادي ابد بزارين يتهاوشون ويتكافخون بعدين يجونك يضحكون
مهند ضحك : لا ترا الشيء اللي مو مختلفين فيه مدريد بس يالبى
بسام ابتسم : الملكي يعني بالله فيه احد بعقله يكرهه ؟
باسل لوى فمه : على تبن بس انا ما اواطنه مكتفي بحب برشا
بسام : انا اتوقع قلت واحد بعقله انت واحد مجنون ماعليك حرج
هلال ضحك : فطااارت ههههههههههههههههههههه
--------------------------------------------------
رفعت راسها وناظرت نفسها بالمـرايه .. مـرت الأيام بشكـل سريع جـداً ... بس كانت من اجمل الأيام بالنسبـه لها ... اليوم يوم زواجهـا .. اليوم راح تنزف للي ملـك قلبها وقدر ينسيها فارس وطوايفه .... اليـوم بتروح لحبيبها المجنـون بضحكته وجرئته وغمزاته .. ابتسمت وهي تشوف وجد اللي دخلت : يااعمري ياختي والله رحمتك من الظهر وهي تحوس فيك
ندى ابتسمت : ماعجبني شغلها صديقتها احسن منها ..
وجد ناظرت ساعتها وتنهدت : لازم تخلصك بدري السـاعه 8 الا ربع اللحين .. ( وابتسمت وغمزت لها ) كلمتيه ؟
ندى نزلت راسها بخجل : لا
وجد ضحكت : تتغلين يعني
ندى ابتسمت وما ردت وهي تلعب باصابعها ..
شوي وامها دخلت وسمت عليها وابتسمت بإعجاب : بسم الله عليك يابنتي وش هالجمال الله يحفظك
ندى ضحكت : يمه لا تسلكين توها ماخلصت ميك اب ..
ام دحوم ضحكت : ما اسلك والله حلو وناعم .. الا وين البنات ؟
ندى ابتسمت : تو كانوا عندي بس راحوا يلبسون .. الا كل شيء جاهز ؟
وجد ابتسمت : كل شيء ذوووق والله ومرتب تطمني بس .. ( ولفت للكوفيرا وجلست توصف لها عن التسريحه اللي تبيها )
--------------------------------------------------
رفع راسه وناظره وابتسم وبصوت عالي : ياامعييريس عيين الله ترررعااك
مهند قاطعه : لحظه لحظه اول شيء اخر من قالها مات وصوتك يحوم الكبد فأسكت يرحم والديك
فهد تحطم : كل تبن بس .. الناجح مُحارب دايماً
انس ضحك : ااي تكففى مهند أقنعه
مهند ابتسم : شف عندك يزيد ومشاري وخالد اصواتهم خرافيه
يزيد عدل جلسته وبثقه : الله يسلمك ياخيي
راشد ابتسم : يلاا ياعيال تأخرنا مرره
يزيد : ليش كم الساعه ؟
راشد : 8 ونص بس القاعه بعيده شوي ترا
يزيد ابتسم : طيب الموكب جاهز ؟
عزوز ابتسم : ااي كل شيء ابد ازهلها
راشد : انا بسوق بخالد ..
يزيد ابتسم : وانا بجي معاكم
راشد ابتسم : خلاص كويس .. ( طلع برا وفتح باب البنتلي السوداء وركب ... شوي وجاء خالد والشباب قاموا يصفقون له ويباركون له وهو متشقق من الفرحه .... كان كااشخ مرره وله هيبته بالثوب وشماغه وبشته .. ركب السياره بعد سواليف وضحك من الشباب وسكر الباب وابتسم : يلا ؟
يزيد ركب وضحك : اقوووول حررك حرررك انت ويااه ( وسكر الباب وابتسم ) وش ذا الزين ياخويلد والله اثرك منتب هين
خالد ضحك وعدل جلسته : الله يسلمك يا اخوي ..
راشد حرك السياره وطول الطريق يسولف مع خالد ويزيد ويضحكون وهم يسمعون بواري الشباب ويشوفون موكبهم .. راشد لف لخالد وضحك : والله يا أني قمطت .. اول مـ
يزيد قاطعه وبصراخ وهو يشوف التريله اللي لفت عليهم : عمممممممي انتتتتتتتتتبببببببببببه !!!!!!!!!!
--------------------------------------------------
انتهـى البـارت ..
قـراءه مُمتعه وان شاء الله ينال على اعجابكم ♡
نزلته بدري هالمره بس يا أني ضاغطه على نفسي ودي اخلص الروايه قبل الاجازه $ ..
نزلت قبل هذا البارت بارت بعد للي ما شافوه $ ..
وبكـذا حبايبي يبقى بـارتين وتنتهي الروايه ان شاء الله > تسمع بالحماس =))
وبس احبكم ♡ وترا اشتقت لردودكم ♡ شايفه الردود قليله مو زي أول بس معذورين قربت الاختبارات والقلق الله يوفقكم ويسهل عليكم ياارب ♡