خطوات طيش - الفصل 26 - بقلم للكاتبة جَ ـنٌوِنٌ آلَغّمِوِضً - مكتملة | روايتك

البـارت السـادس والعشـرون ( 1 - 3 ) ------------------------------------------------------ طلعت برا الفيلا ومشت لعند البنات اللي كانوا جالسين على طاوله كبيره دائريه خشب عند الثيل وقدامهم النافوره .... تنهدت وهي تسحب الكرسي وتجلس : سلام البنات : وعليكم السلام عبير لفت لنجود وابتسمت : نجوودوه قولي لنا موقف من مواقفك البايخه =)) نجود بابتسامه باهته : كثير مواقف بس اللي اذكره مره كنا بالقاعه عندنا محاضره وتأخرت الدكتوره نص ساعه طفشت ووقفت ولفيت ع صديقاتي وقلت لهم قومووا بس قانونياً اذا تأخر الدكتور عن محاضرته نسحب عليه وهي تأخرت نص ساعه طويلة العمر .. ومابيصلحش كده اساساً .. وما تقدر تقول لنا شيء اصلاً اذا طلعنا .... ابتسموا صديقاتي ووحده ضحكت واللي كاتمه ضحكتها وتأشر على وراي .. شوي الا وتقول الدكتوره اقول اجلسي يالقانونيه ولا يكثر تراك طالبه ... وعادي اصلاً محد تفشل البنات ماتوا من الضحك : ههههههههههههههههههههههههه هه مسسكينه طااح وجهها بتول ناظرت ندى وابتسمت : نـديش متى عرسك ؟ ندى تنهدت وبابتسامه خفيفه : توني وين خلينا نحدد الشبكه بعدين الزواج بتول : لا تخلين المده بين الملكه والزواج طويله .. صديقتي جلست اكثر من سنه متملكه اخر شيء صار الحمار يلعب وهي ماتدري عنه المسكينه فاتن عقدت حواجبها : يلعب ؟ كيف امواج تنهدت : يعني بالفنادق عزوبي وماصدق يطيح بيديه كرت العائله وافهم يافهيم فاتن شهقت : اماا معقووله فيه رجال يسوون كذا !! وجدان ضحكت : ياحليلك على نياتك عبير بصدمه : لا جد يعني بتصير بعد كم يوم حلالك تروح وتلعب بالحرام !! ما ادري وش هالتفكير !! نجود : مو كلهم ياعبير .. بس يقولون لك انه فيه شباب مثل كذا الطيبون للطيبات والخبيثون للخبيثات .. ندى ابتسمت : خالد مو لم هالحركات ابد ابد امواج : والله ماتدرين عنهم يمكنه من تحت لتحت حنان رفعت حاجبها : ووجع وش جوك امواج تشككين البنت بزوجها يعني ؟ امواج لفت لها : وررربي ورربي مو قصدي كذا بس اقول لك بعضهم من تحت لتحت شكله بريئ من برا لكن من داخل يعلم الله اريج ابتسمت وهي تمد لهم السوفليه : اقول اتركوا عنكم البربره وذوقوا سناعتي ساره : سنعه سنعه ياحبي لك بس لذيييذ بصصراحه لجين وهي تعدل جلستها وبثقه : جايه على اختها السنعه اريج كشرت : ااي امحق الله يرحم بحالك بس لجين : ااح الله ياخذك طيب سلكي( وتسندت على الكرسي وهي تطقطق على جوالها ) ------------------------------------------------------ ناظر معاذ ولوى فمه بقهر : من اليوم اكلمك اثرك تسلك لي ! معاذ ضحك : لا ما اسلك لك والله بس بالي مشغول موسى كشر : ياذا البال اللي مشغول دايم حشى معاذ نزل راسه ومآ رد موسى تنهد وهو يشوف سامي اللي يناظر الشباب يلعبون كوره ويهز رجله بقهر ...... ناظره وجلس جنبه وهو كاتم ضحكته : وش كرت احمر ولا طردوك ولا وش القصه ؟ سامي ناظره وابتسم : لا ذا ولا ذا .. مشتاق لعبيّد .. واخوياي سافروا وابوي عيآ ألحقهم .. موسى بسخريه : توك بزر على البزر سامي رفع حاجبه وبقهر : تكفى يالكبير اقول اسكت يرحم والديك موسى ضحك : طيب تبي تروح معهم ؟ سامي كشر : سؤالك يا ابووي فيه احد مايحب يسافر موسى : والله اعرف لك ناس مايحبون يسافرون سامي لوى فمه بملل : انقرضوا ذولي وماتوا بعد موسى : طيب وين اخوياك اذا تبي نلحقهم ؟ سامي : مدري موسى ضحك : وتلومني اذا قلت مايصلح لك توك بزر ! سامي ضحك : كل تبن بس ( وغمز له ولف لمعاذ ) صح معاذ ؟ معاذ لف لهم وعقد حواجبه : وشو ؟ سامي ابتسم : اقول صح كلامي ولا ؟ معاذ بتسليك : ااي ااي صح سامي مات من الضحك : ههههههههههههههههههههههههه موسى شهق : أياا التسسسلب اثثرك من اليوووم وانت تسسلك لي !! معاذ ضحك : اقول لك بالي مشغول وانت تقرقر وش اسوي لك اذا انت نشبه موسى بصدمه : شف شف بعد ماعنده الحيوان ! معاذ ضحك : نمزح يابن الخال موسى بمزح : مابي زعلت معاذ : مع نفسك يعني تنتظرني اراضيك موسى ابتسم : عادي عادي اصلاً سامي حط يده على كتف موسى وبمزح : لا تتضايق وانا اخوك هذي الدنيا موسى تنهد : ااي الله المستعان معاذ ناظرهم وضحك : هههههههههههههههههههههههه اقوول لاايكثثر بسس ------------------------------------------------------ تأفف بملل .. وهو يطقطق بجواله ..... لف عليه نواف بعد ما سكر من جواله وابتسم : وش عندك ؟ سعود تنهد وهو يفكر يقول لنواف او لا : مدري ( وبلع ريقه وسكت ) نواف عرف ان فيه شيء يبي يقوله سعود : وش عندك سعود تكلم ؟ سعود تنهد : اوكي بيننا ما يطلع ؟ نواف ابتسم : افا عليك قل وماعليك بس سعود : تو وانا بالمزرعه يقال لك اتمشى سمعت وحـده من البنات ( وبتفكير ) ما ادري من هي بالضبط بس الزبده انها تكلم ولد اسمه متعب ( وابتسم بسخريه وهو يشغل المقطع الصوتي اللي سجله ) نواف انصـدم ' هذا صوت متعب ! لا وبعد اسمه متعب !! معقووله يكلم وحده من بنات عمي !!!! .. ناظره وبلع ريقه : ماتدري وش اسمها ولا تعرفها ؟ سعود عقد حواجبه باستغراب : لأ .. بس وش فيك ؟ نواف تنهد بقهر : هذا اعرفه متعـب خويي راعي بنات وغيره بس ماتوقعت ابد انه يكلم وحده من بنات عمي !! سعود بصدمه : وانت كيف مصادق هالأشكال ؟ لا يكون انت منهم ؟ نواف نزل راسه وسكت سعود بسخريه : اجل شكل البنت وحده من خواتك ! حطها براسك اللي تسويه ببنات الناس ! راح يصير لخواتك .. واذا عادي عندك فأعذرني منتب رجال والغيره عندك معدومه !!! نواف انقهر وبعصبيه : سسسعوووود ثثثمنن كلاااااممك !! وخواتي اششرف من هالبناااتت سعود ببرود : شفت البنات اللي تكلمهم ؟ ترا اخوانهم مثلك يقولون خواتي اشرف وهم ما يدرون عنهم .. لين يطيح الفاس بالراس .. نواف عض ع شفاته السفليه بقهر ونزل راسه سعود تنهد وبلع ريقه : للأسف ما توقعتك بتطلع كذا ! بس اسمع يا نواف ان ماتعدلت ماعندي اي مانع اقول لخالي .. نواف رفع راسه بصدمه سعود ابتسم : هذا الشيء لمصلحتك صدقني ( ووقف وتركه وهو يطلع برا الغرفه) ------------------------------------------------------ ناظرت عيالها وهي مصرّه على رايها وبقهر : هـديل لعصـام كلام غيـر هذا مـابي ! ام عصام بقهر : يمه عصام ولدي ! ويستاهل وحده افضل من هديل .. يدرس 7 سنوات الطب وتعب وكرف واخرتها ياخذ هذي !! بعدين حتى ولو مابي اخذ لولدي وحده دكتوره مشغوله بشغلها ومرضاها ابغى له وحده تهتم فيه .. وما ابغى بعد وحده شغلها كله اختلاط فاختلاط الجده بقهر : اسمهـا هديـل !! والكل يتمناها ! واذا عن شغلها اختـلاط فحتى ولدك شغله اختـلاط ولا الرجال يفرق عن الحرمه !! ام عصام بسخريه : لو الكل يتمناها كان متزوجه من زمان ياحظي .. مابقى لها شيء وتعنس مين اللي يتمناها تكفين ؟ .. والرجال يفرق عن الحرمه يايمه .. ابو عبدالرحمن : اختي ام عصـام صادقه لا تغصبينهم يمه بعدين يتطلقون وتتندمين ! الجده كشرت : فال الله ولا فالك ! بعدين انا ماغصبتهم هي تبيه وهو يبيها .. بس المشكله بالأهل !! ام عصام تأففت : يمه تكفين لا تعقدين ولدي .. ولا تعلقينه فيها يكفي فاقد ابوه من وهو صغير ومتحمل مسؤولية اخوانه كلهم .. ماهو ناقص بعد يتزوج وحده مثل هديل ! الجده بعصبيه : تـراك بتفقعين مـرارتي ! لا تخليني احلف ان يتملكون اللحين !! ام عصام تنهدت وماردت وهي تحاول تمسك اعصابها .. تعرف امها لا حطت شيء براسها تسويه غصب عن اللي يرضى واللي مايرضى .. ابو عبدالرحمن تنهد : يايمه يالغاليه هدي اعصابك شوي .. هي أمه وادرى بمصلحته لا تعقدين الامور الله يهديك وان شاء الله ربي بيرزقه بالزوجه الصالحه ( وكشر وبقهر ) ويرزقها ان شاء الله ... الجده : تحسبني غاصبتهم اللحين ( ولفت لثامر اللي دخل الصاله وهو مستغرب من صراخهم ) ثااامر ناااد عصصام وهديييل ثامر باستغراب : ليش ؟ الجده بعصبيه : ناادهم ولا تكثر اسئله ثامر ناظر ام عصام وابو عبدالرحمن باستغراب : طيب ابشري ( وراح ينادي عصام وهديل ) الجده بقهر : خلكم تتأكدون اللحين بعد ام عصام انقهرت : يممه انا عارفه انك ماغصبيتهم بسس ماابي عصاام لهديل !! ابو عبدالرحمن تنهد : اصبري نشوف وش ردهم .. ام عصام تنهدت وسكتت وبداخلها تدعي على هديل القلق والحقيره بالنسبه لها ! .. ------------------------------------------------------ " ام عبـــــدالله !!! " قالها وهو يناظرها برحمه وشفقه .. ومشى لعندها بخطوات سريعه وهو يحط يده على كتفها ويتنهد : بس بس كفايه دموع وقومي نطلع اللحين ام عبدالله وهي تشاهق وتبكي : مااراح اططلع ماارااح اططلع لسسى ماشبعت منه وهو ماقام وولا شيء ابو محمد تنهد : ابو عبدالله يبيك تطلعين قبل ما يقوم عبدالله ام عبدالله ودموعها على خدها : يبغى يموتني ويقطع قلبي على عيالي هذا !! ( ونزلت راسها وهي تبكي وتشاهق ) ابو محمد رفعها وبضيق : راح تشوفينهم كلهم ان شاء الله بعدين اللحين خلينا نطلع ناظرت ولدها وهي تحضن يديه وتبكي : الله يحفـظك ياولدي الله يحفظك انت واختك ويستـر عليكم ويوفقكم ياارب .. ( وماعرفت تتكلم من شهقاتها ) ابو محمد بالطقاق قدر يطلعها معاه .. وهو يتنهد وبداخله متضايق من حالة اخته .. مسكينـه تلقاها من وين ولا من وين ؟ ------------------------------------------------------ دخل عند ولده بعـد نص ساعه تقريباً .. شافه بدأ يفتح عيونه شوي شوي وباستغراب : يبه مين اللي يصيح تو ؟ ابو عبدالله بلع ريقه وتنهد : محّد ياولدي يتهيا لك عبدالله ناظر يده وبإستغراب : الا يبه والله جد حتى مسك يدي بس ماقدرت افتح عيوني من التعب وماسمعت الا صياح وصراخ ابو عبدالله مسح على شعره الناعم وبحنان : محـد دخل عندك عبود شكلك تحلم المهم ماعلينا افرح ( وابتسم ) كتب لك الدكتور خروج عبود ابتسم بحماس : والله ججد ؟ يببه احببك بس زيادة الخير خيرين ابي بيتـزا () ابو عبود مات من الضحك : ابشر حبيبي .. ترا سامي مقلقني متى يطلع عبدالله ومتى اشوفه وووو قلق هالولد عبود ابتسم : والله اني اشتقت له ( وبعد اللحاف عنه وهو يوقف ) يلا اجل بغير ملابسي ونمشي ؟ ابو عبود ابتسم : ان شاء الله ( وتنهد بضيق وهو يطلع برا الغرفه ) ------------------------------------------------------ دخل الغرفه اللي كانت ثثلج وكان نايف نايم على الارض .. رحمه وجاء بيشيله واستغرب من يديه الحااره .. حط يده على جبهة نايف وباستغراب : حراارته مرتفعه .. ( وناظر نايف اللي كان يتنفس بصعوبه وباين على وجهه انه مكتوم ) رفعه للسرير بسرعه وهو يشغل اللمبات ويطفي المكيف وبصوت عالي : عمــــــر هتااااااااااان بسسسرعه تعااااااالوووا عمر وهتان اللي كانوا قريبين من عند الغرفه استغربوا ودخلوا .. عمر باستغراب : وش فيك ؟ دحوم بلع ريقه : ألحق ألحق نايف مدري وش فيه بالليالله يتنفس وحرارته مرررتفعه مرررره عمر ركض لعند نايف وهو يرفعه من السرير ويطقه بالخفيف على خده : نايف ناايف نااايييف تسمعني ؟ ( وبصوت عالي وهو يناظر هتان ) رح جب الكماااداات ومووويه باارده بسسرعه هتان ركض وططلع برا الغرفه بسرعه وبخوف .. ------------------------------------------------------ ناظرتها ورفعت حاجبها وبجديه : على مين يانجود ؟ تلعبين على كل الناس بس ماتقدرين على ساره نجود تنهدت وبابتسامه خفيفه : ساره مافيني شيء ياختي تطمني ساره باستغراب : فرررق عن نجود اللي اول ماجينا المزرعه وعن اللي اليوم !! نجود بلعت ريقها ونزلت راسها : قلتيها اليوم بس .. متضايقه شوي ساره ناظرتها وبهدوء : ووش مضايقك فضفضي ماعليك لا تخلين شيء بقلبك .. نجود بلعت ريقها بتتكلم .... لكن سكتت يوم سمعت ام احمد اللي كانت تتكلم بصوت عالي : يمممه نااايف ولددي وشش فييه ؟ اسيل تنهدت : مااماا نوواف يقول مافيه الا العاافيه تطمني نزلت دموعها وبخوف : يقول لك حراارته 40 وبالليالله يتنفس وتقولين تطمني !! يااحسسرتي عليك يااولدي .. ودووني عندده ويينه بس ... نجود فزت وناظرت اسيل وبخوف : وش فيه نايف ؟ اسيل بارتباك وخوف : مدرري مدرري نوواف يقول انه تعبان مررره وحرارته شاابه وعنده صعوبه في التنفس نجود حطت يدها على صدرها وبخوف : ويينه طييب ؟ اسيل تنهدت : بقسم الرجال ماما راحت له شكلها ( وبصوت عالي وهي تطلع برا المقلط ) مااامااا مااااااممممااااا امواج ناظرت نجود اللي تجمعت الدموع بعيونها ... رحمتها وحضنتها وبحزن : خلاص بس لا تفضحين عمرك ياخبله نجود وهي تبكي : اموواج اببي اششوفه تكفيين امواج تنهدت : طيب اصبري لما يروحون الرجال على الاقل .. يعني تروحين له وكلهم فيه عيال عمي وعماني ! نجود وهي تحاول تكتم شهقاتها وتغمض عيونها بقوه وبصوت مبحوح : بكييفهم يقولون اللي يبون مايهموني المهم اشوف ناايف والله اني بضيقه من امس مايعلمها الا الله من بعد اللي صار ( ونزلت دموعها بصمت ) امواج تنهدت وهي تسحبها برا المقلط وتحاول تهديها .. ساره ناظرتهم ولوت فمها ( شكل فيه قصة حب بالعايله وانا مو داريه ... بس وش السالفه ؟ احس نجود متضايقه من قبل ؟؟ ) تنهدت وهي تمسك جوالها وتدق على سـامي . ------------------------------------------------------ فتح عيونه وهو يحس راسه شوي وينفجر من الألم والصداع ... لف ليمينه وشاف أليس حاطه راسها على السرير ونايمه .. ابتسم لا شعورياً .... احمد ابتسم : الحمـدلله على سسلامتك يارجل خوفتنا عليك قسم بالله فارس ابتسم : الله يسلمك يالغالي احمد ناظر أليس وابتسم : وأليس ماسكتت من الصياح .. شكل من كثرت الصياح نامت .. مالها الا اقل من ساعه نايمه المهم انا بروح انادي الدكتور هو قايل اول ماتصحى اجي اقول له .. ( وابتسم لفارس وطلع وسكر الباب ) فارس تنهد وهو يبعد خصلات شعر أليس من وجهها وهو مبتسم : ياعمري بس أليس حست فيه وفتحت عيونها وهي تفركها بشكل عفوي جداً .. ناظرت فارس وصرخت بفرحه وهي تحضنه على الخفيف : الحمدلله على السلامه فارس ابتسم وهو متألم من صدره مرررره : الله يسلمك ألوس أليس بوزت وبقهر : انا كم مره اقول لك لا تسرع ! ربي ستر هالمره ولا كان صار لك شيء بعد ! شف الكسور والرضوض اللي جتك .. خوفتنا عليك والله فارس تنهد وهو يحط يده على صدره ويبلع ريقه من الألم وهو مغمض عيونه بقوه أليس خافت عليه ... وقربت منه وبخوف : فارس يعورك ؟ فارس خذ نفس طويل وبألم شديد : مررره أليس وقفت : بروح انادي الدكتور فارس مسك يدها وبألم : لا لا تروحين اليس باستغراب : بروح انادي الدكتور بس وراجعه فارس سحبها من يده وبإصرار : قلت لا تروحين خليك عندي شوي وانفتح الباب ودخل احمد اللي كان يكلم الدكتور ..... رفع راسه وناظر فارس وبخوف : فاارس وش فيك ؟ ------------------------------------------------------ ناظرت ولدها اللي كان يبكي وتأففت وهي تنسدح على السرير وتحطه جنبها وتعطيه لعبته .... ودها تشتري له اغراض وملابس وغيرها .. بس تستحي من مساعد .. صاير كأنه ابو مراد مو اخوها من كثر مايعطيها ... يكفيه المسؤوليات اللي متحملها مو ناقصني ولا ناقص لولدي ( تنهدت وهي تناظر مراد وبقهر : ااااه الله يسامحك بس ياا عبدالاله الله يسامحك .... يااارب انك تصبرني يااارب احس اني بأنفجر في اي لحظه ماني قادره اتحمل اكثر من كذا ! ------------------------------------------------------ تنهد وهو يسند راسه على المرتبه وبتعب وبضيق : صعبه والله صعبه ( ولف لصديقه وبابتسامه خفيفه ) اذا مت رح وقل له يحللني صديقه ناظره بعتب : بعد عمر طويل ان شاء الله لا تقعد تتفاول على نفسك مازن تنهد : ان شاء الله بس دايم احس اني بأموت بأي لحظه من هالألم اللي انا فيه .. المرض اللي جاني مو سهل يااخوي رحم مازن ورفع راسه وهو يتنهد ويبتسم : وش رايك نسافر لمكه ؟ تاخذ لك عمره وتتقرب من ربك ترتاح شوي من هالهم اللي شايله مازن ابتسم : الفكره مو شينه والله .. خلها بكره اجل عقد حواجبه باستغراب : بكره عاد !! بعد ثلاث ايام او كذا ! مازن بلع ريقه : لو الود ودي كان اللحين بعد ! تنهد وهو يوقف قدام الفيلا الكبيره والفخمه : يلا اجل تجهز بكره بروح افحص على السياره اللحين مازن ابتسم : لا سياره ولا هم .. ماعليك بحجز لك ولي تذاكر لمكه والفندق وكلها خلها علي ابتسم لمازن : وليش كل شيء عليك ؟ ابغى اشاركك بعد انا ! مازن تنهد وبضيق : روحتك معي اكبر معروف تسويه لي عقد حواجبه باستغراب مافهم مازن .... مازن ابتسم وهو ينزل من السياره : يلا مع السلامه اشوفك بكره ان شاء الله ابتسم له بهدوء : ان شاء الله مع السلامه بحفظ الله ------------------------------------------------------ بعد 10 دقايق وهم يطقون الباب ويصارخون وينادون بأسمها .. فتحت الباب ووجها اصفر وشاحب وعيونها وخشمها محمر من دموعها اللي ماوقفت ... دلع حضنتها وبخوف : لحن وش فيك ؟ لحن تمسكت بدلع ونزلت راسها وهي تبكي بدون صوت .. خجل بخووف : لحححن رددي وشش فيك ؟؟؟ لحن بصوت مبحوح من الصياح : مالنا قعده بهالبيت خلاص تعبت تعبت نغم بقهر : مسوي لك شيء ؟ لحن نزلت راسها وبلعت ريقها بعدين رفعت راسها : سوا ما سوا خلاص طفح الكيل .. انضربنا وانذلينا واهاننا وحرمنا وقذفنا بكلمات يستحي الواحد يقولها ماخلى شيء ماسواه واحنا صابرين للحين !! خلاص لهنا وكفايه لازم نطلع !! دلع باستغراب : ونروح لـ وين ؟ لحن رفعت راسها وهي تناظرهم وبلعت ريقها وهي مصممه على رايها .. ------------------------------------------------------ " وشش مسسسوي انتت انهبببلتت !!! مسسوي مررقصص عندنااا صصااحي انتت !!!! " رفع راسه وتنهد وبخوف : ماكنت بعقلي يا امل ! امل بصراخ : لااا والله ؟ يعني مناديهم ومسوي هالحوسه كلها وانت سكران ( وبسخريه وقهر ) لا تستغبي علي ! وعـرفت وش قصد هديل والله ! نزل راسه وما رد .. امل بتهديد : والله والله اشوفك مرره ثاانيه مسوي هالضجه كلها ومجمع المهابيل عندك !! ان تششوف شيء ماا يسسرك !! ( وتأففت وهي ترقى لغرفتها وببالها اول ما تقوم تقول لجدتها ! ) تنهد وهو يجلس على الكنب ويمسك راسه بيديه : وشكل بترجع لنا قصة هـديل مره ثانيه بس أمل غير عن هديل ( وبقهر ) قويه شخصيتها هالبنت مع انها صغيره ! ------------------------------------------------------ رفعت راسها وبقهر : ااي كلكم اوقفوا بصف هالغريب ضد اختكم !! حمود تنهد : مو بيدي يا وداد ! قولي لفواز هو اللي يقدر اما انا ما اقدر والله ماهضمت ذا العناد وولا ابي اكلمه وولا شيء ( وبقهر ) حسسافه وحده مثلك تاخذه ! وداد تنهدت ورفعت حاجبها تعرف حمود ماوقف معاها الا لمصلحه يبي يضبط وضعه معاها ، تأففت ونزلت راسي : اوكي خلاص قل لراكان ولدك يوديني للسوق حمود هز راسه وابتسم : ابشري غصبن عنه اصلاً يوديك ( وقام بسرعه وبصوت عالي ) راااااااكااااان راااكااانوووه يالززفت ويينك فييه ؟؟؟ وداد تنهدت وبنفسها " اللحين كيف اقول لسلمى تجي هف اشتقت لها .. ( وبسخريه ) اشتقت لها ولا لمتعب ! اقول منيب ناقصه مشاكل بعد خلني اروح وانا منثبره مابقى شيء على شبكتي ... ( وقفت وهي تناظر اظافرها الطويله المطليه بالمناكير وهي تفكر بحياتها وباللي قادم ) ------------------------------------------------------ ناظر محمد لما طلع برا الصاله ولف لأخوه وبقهر : صح انك اخوي بس قهرني تصرفك جداً عبدالاله عقد حواجبه : اي تصرف ؟ عبدالكريم بقهر : ولدك حارمه من امه !! عبدالاله تنهد : رحت لخاله اقول له بأرجعها عيآ ورما علي كم كلمه .. الذنب مو ذنبي .. عبدالكريم بسخريه : طبيعي بيردك ! اجل تبغاه يقول خذها ويرحب بك ؟ تراها أخته وآدميه مو لعبه متى مابغيتها خذتها او خليتها واذا خليتها تروح تكلمه رجعها وانتهينا !! لا حبيبي فيه شيء اسمه كرامه اذا انت جاهله ! عبدالاله تنهد بضيق : عارف عارف ومن حقها بعد .. عبدالكريم بقهر : استعجلت بقرارك !! وش ذنب محمد المسكين ينحرم من امه ؟ ووش ذنب مُراد ينحرم منك ؟ صدقني بتشتتون عيالكم كذا عبدالاله تنهد : الله يعين .. الله يخليك لا تقعد تعاتب اللي فيني كافيني .. حمّود دخل الصاله وبيده أيباده وهو مبتسم ويجلس بحضن ابوه : بابا شف هالسياره حلوه مررره تشبه لسيارة راكان ------------------------------------------------------ جالس على مكتبه وهو يناظر الاوراق بتمعن من طلع من ملكته على طول سيّد للشركه وعمانه راحوا للمزرعه وبعد إيش وافق ابو لميس ان يروح عناد للشركه ولا ما وده يروح ويضيق صدره .. سطام تنهد وابتسم : استـاذ فـواز نسيت اقول لك الشركه استرجعت اسهمها قبل يومين .. عناد عقد حواجبه : بس الاسهم اللي خسرناها كثيره كيف استرديتها ؟ سطام ابتسم : سويت صفقه مع عـائلة الـنـ###### ورديناها عناد : مع اي واحد فيهم ؟ سطام : يـاسر وحققنا نجاح كبير واسترجعنا الاسهم اللي فقدناها مع فوائد كبيره عناد ابتسم على طاري ياسر : ااي ياسر صديقي والنعم فيه مايقصر ... ( وتنهد بضيق وهو يمسك راسه اللي صدع من كثرة التفكير ) انا محد شاغل بالي ياسطام غير هالملايين اللي راحت ! سطام بتردد : استاذ عناد بقول لك شيء بس ابغاه بيني وبينك لو سمحت ما ابغى تسبب لي مشاكل مع هالشخص ! عناد باستغراب وهو يعدل جلسته : ااي تطمن من هالناحيه بس وش هالشيء وش صاير ؟ سطام تنهد بتردد : بصـراحه حمزه سكرتيرك من رحت للمزرعه وهو يتهاون بالشغل بشكل !! ومعطي الموظفين راحتهم وكل مابغى واحد اجازه عطاه وما داوم الا مرتين يمكن هالاسبوع ! متهاون بشكل حتى يوم درينا عن الـ7 مليون اللي راحت الكل خاف واستغرب ماعدا هو بارد مبرد ! ( وتنهد ) انا ما ابغى اشكك فيه ! لأن ماعندي ادله وماني واثق كل الثقه بعد ! بس اقول لك عناد بصدمه : حمـزه عاد !!! معقوووله ! اكثر واحد أثق فيه من الموظفين !! سنين وهو معاي !! ( بلع ريقه وبشك ) معقوله يكون هو ؟ بالأساس هو الوحيد اللي داري عن حساب الشركه ! ( وباستغراب ) الا وينه ماجاء انا قايل له يجي اليوم! حمزه تنهد وبتردد : مسافر عناد بصدمه : اييش !! انا قاايل له يجي اليوم لزوم يجي بعد حمزه تنهد : امس قال لنا انه بيسافر وبيجلس شهور لـ وين عاد ما ادري ! عناد بعصبيه وبقهر وهو يوقف ويضرب بقبضة يده على المكتب : وضضح كككل شششيء يااسطاام وضضح ( وبصصراخ ) محححمممممد يااااا محممممممممد ------------------------------------------------------ Like لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة قديم 28-03-14, 07:24 AM #69 لامارا مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام الصورة الرمزية لامارا ? العضوٌ??? » 216 ? التسِجيلٌ » Dec 2007 ? مشَارَ?اتْي » 87,661 ? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute Elk ------------------------------------------------------ ماقدرت تتحمل اكثر وماتت من الضحك على كلام ابوها : ههههههههههههههههههههههههه ههههههههههههه ابو يوسف ناظرها وباستغراب : وش اللي يضحك بالموضوع ؟ وجدان كتمت ضحكتها : ماعليك يبه خبله امواج وقفت ضحك وابتسمت : الا يبه كم عمره ؟ ابو يوسف : 38 ماهو كبير مره ! وجدان بصدمه : 38 وولده عمره 21 !!! مسستحيل ابو يوسف ابتسم : ليش مستحيل ؟ متزوج وعمره 17 امواج ابتسمت وبمزح : خلاص مادامه كاش انا ابيه وجدان ناظرتها وشهقت : ووجع استحي شوي وفكري بعقلك ياخبله ! امواج وهي مستمره على مزحها : اوص اوص بس .... أفلها مع عياله وجدان ناظرتها وماتت من الضحك : بتتزوجينه ولا بتتزوجين عياله انتي ؟ امواج ابتسمت وبمزح : ماعليك ماعليك شدخلك انتي ( ورن جوالها وابتسمت وهي تطلع برا المكتب وترد على جوالها ) ------------------------------------------------------ ناظرت عمها وتنهدت وبللت شفاتها .. ماتدري تفكر بجوري وهنادي اللي ماتدري وينهم ولا تفكر بعمها ولا بعياله ولا بطلبه .. ابو ريان تنهد : ماراح أغصبكم على شيء ماتبونه يابناتي .. ( وابتسم وهو يناظر بنته اللي تناظرهم وهي مستغربه ) ماودكم اعرفكم على عيالي ؟ كادي ابتسمت بحماس : الا طبعاً ريان ابتسم وطلع ينادي امه وخواته .. ابو ريان تنهد بضيق : عيالي 5 ! ريان ورائد وعبودي ورنا وريمان .. ريان 24 سنه رائد 23 سنه عبودي 6 سنوات رنا 21 سنه رانيا 19 سنه .. ريان ناظر رانيا وباستغراب : وين رنا ؟ رانيا بغرور وهي تلعب بخصلات شعرها : عميآ وش يجيبها ماراح تشوفهم ! ريان بقهر : حسني اسلوبك !! لا تحسسينها بشيء ! رانيا تأففت : اوف ريان منيب ناقصة لك ! يكفي هالعلل اللي بيسكنون عندنا بعد ( وطلعت بسرعه وهي مقهوره ) ورود رفعت حاجبها وبقهر : ومن قال اننا بنسكن هنا اصلاً ؟ ابو ريان تنهد : اعذروني رانيا كذا الله يهديها ماتعرف تمسك لسانها .. ماعليكم من كلامها بس جودي تنهدت وهي تناظرهم وبابتسامه خفيفه : عموماً تشرفنا .... اللحين اسمحوا لي بروح لهنـادي وجودي ابو ريان ناظر البنات وابتسم : بعد اسبوعين بنرجع السعوديه ان شاء الله ترجعون معنا ؟ كادي بحماس : ااي اكييد جودي لوت فمها وبتردد : مدري بشوف وبعطيك رد ان شاء الله ( وناظرت زهور وكادي وورود ) يلا مشينا سلام ( وطلعت هي وخواتها برا الصاله ) ------------------------------------------------------ شهقت وهي تقرا في الجريده .. لفت لها وبصدمه : هناادي يااحيوووانه وشش مسوويه انتتي ؟ وش ذا الدعوه اللي كل اللي فيها مجرمين ؟ هنادي تأففت : جوري منيب ناقصة لك جوري ابتسمت بحماس : طيب اسمعي تكفيين ابي اروح معاك هنادي رفعت حاجبها : لا يعني لا جوري بترجي : تكفييين ططلبتك ططلبتك لاا ترديني هنادي : قلت لا جوري ابتسمت بنذاله : اوكي بقول لجودي عن العصابه وعن بلاويك هنادي شهقت وناظرتها بصدمه : يالخااينه ! جوري رفعت حاجبها وابتسمت : هاا ايش قلتي ؟ هنادي تأففت : صدق لا قالوا لا تحط اسرارك عند بنت ! جوري كتمت ضحكتها : واااو من قايلها هذي ؟ اول مره اسمع بها ؟ هنادي : الحكيمه هنادي قايلتها توها جديده جوري : ههههههههههههههههههههههههه هه الله من الثقه ع اساس انك مو بنت اللحين ! هنادي لوت فمها : مدري عنكم مخليني ولد عندكم جوري ابتسمت : لأن تصرفاتك زي تصرفات الاولاد هنادي عقدت حواجبها : كيف ؟ جوري : الستايل التفكير هبالك مدري اشياء كثييره شايله همك اذا تزوجتي بس هنادي ضحكت : خلي الهم على جنب بتتزوج زهور وانا ماتزوجت جوري بللت شفاتها بملل : مين يرضى فينا اصلاً ؟ المهم لا تصرفين بروح معك يعني بروح معك هنادي تنهدت : اوكي بس ( وبتهديد ) تسوين حركات مالها داعي والله والله ان تندمين !! ابغاك هااجده وما ابغى اسمع ولا حس ! مثل الاصنام بس انتي تتحركين جوري بملل : هاهاها سامجه .. هنادي تنهدت وهي توقف : امشي امشي بس ------------------------------------------------------ تنهد وهو ينزل من السياره ويسكر الباب .... تثاوب بتعب وهو يحط يده على صدره .... خايف يصير له شيء من تهوره ... المدرب ابتسم وهو يصفق له : ابـدعت يابسام كل يوم وتحسنك يزداد ويزداد ..... بسام بابتسامه باهته : الله يسلمك تنهد وهو ياخذ جواله : بسـام وش رايك تجي اليوم لشقتي ؟ باين انك تعبان مرره وتأخر الوقت وشقتك بعيده عن هنا . بسام تنهد وهو يمسح على شعره الناعم والأشقر وبابتسامه خفيفه : يلا قدام ترا ما اجامل انا .. ( وضحك ) المدرب ضحك : ااي عارفينك عارفينك يارجال .. المهم امش يلا بسام ابتسم ومشى مع المدرب وهو يسولف معاه وهو حاط يده على صدره من الألم ويحس بالصعوبه في التنفس .. ! ------------------------------------------------------ وصلوا للرالي وكان مظظلم ججداً .. دخل اسامه يدور بسام ومالقاه تنهد وطلع لهم وبـحيره : ماهو فيه ! باسل باستغراب : وين راح يعني ؟ ناصر ناظر عزام : عـزام ماقال لك وين بيروح ؟ عزام باستغراب : الا قال بأروح للرالي بس بعدين مدري طلع باسل تنهد : شكله بالشقه ناصر لوى فمه : من جد يلا مشينا للشقه .. ( وناظر اسامه اللي جان سرحان وبصوت عالي ) اسساامه اخخلص اركب !! اسامه تنهد ومشى للسياره وفتح الباب وركب .. ------------------------------------------------------ ألتفت لهم سلمان وعقد حواجبه وهو يفتح الشباك وباستغراب : نعم اخوي ؟ ابتسم وغمز له : تقاوم بالسياره ؟ سلمان ابتسم وكأن الوضع عجبه : اـ سلطان قاطعه وبعصبيه : اقووول طس انت الثاني لا اقوم ادوس ببطنك اللحين ( وصارخ على سلمان وبعصبيه ) وانتت ششغلك مع ابوووي خله يسسحب منك السسياره لما تتعدل وتترك المراهقه عنك !! الشاب ارتاع من سلطان وعصبيته ومشى هو واخوياه بعيد عنهم وهم قاامطين .. سلمان بقهر : لااا تعااال ططقني احسن ؟ سلطان بقهر : والله مااعندي مششكله امردغك هنا بعد ع شان يرجع لك عقلك !! سلمان تأفف وهو يحرك السياره : سلطان تكفى انثبر مالي خلقك سلطان بقهر : الاا يااشيييخ انت انثثبر وفكناا من ششرك ماادام النفس طيبه علييك .. سلمان تأفف وهو يشغل القـرآن على صـوت مـاهر المعيقلي حتى هـدأ جو السياره وتنهـد .. ------------------------------------------------------ دخل عندهم وهو يسمع اصوات ضحكاتهم العاليه ابتسم وهو يناظر عزوز اللي متربع فوق السرير ويشرب الشاهي ويسولف .. وتركي واقف عند انس ويسولف معه .. وفهد جالس على السرير جنب عزوز وفيصل وخالد جالسين على الكراسي قبالهم .. ابتسم وهو يتنحنح : احم السلام عليكم الشباب ناظروه وابتسموا : هلا والله وعليكم السلام عزوز ابتسم : اقلط اقلط ياولد راكان ضحك وهو يوقف جنب عزوز : الله يسلمك .. اخباركم ؟ الشباب : الحمدلله بخير وانت وش اخبارك ؟ راكان ابتسم : تمام الحمدلله ( وناظر انس ) وانت انس اخبارك وكيف الألم اللحين ؟ انس ابتسم : الحمد لله تمام والألم خف كثير الحمدلله راكان ابتسم : الحمدلله انس ابتسم للشباب : ا هذا الدكتـور راكان اللي اقلقته الصبح راكان ضحك : شدعووه بس فهد ضحك : معليش مع كل احترامي بس شكلك مايهيئ كـ دكتور يعني راكان ابتسم وهو يجلس على الكرسي اللي جنب خالد : يارجال والله ماودي حتى بالدراسه امشي بالدف فيصل ضحك : شكل واسطاتك قويه راكان ضحك : بالضبط ولا مالي ومال الطب بس الحمدلله حبيته هالسنه تركي : ع شان هالسنه زادوا الراتب بس ؟ راكان ضحك : بالضبط ياحليلك فاهمني فهد تنهد وابتسم : انا ودي هنا ثلاث نجمات بس ( وأشر على كتفه ) والله يا انه عز راكان كشر : لا ياشيخ فكنا الطب أهون خالد ابتسم : عندك عمي راشد خله يتوسط لك عزوز بسخريه : ايييه مابقى الا عمي من بعد هذيك السالفه وانا غاسل يدي .. تركي ابتسم : ااي اذكر يوم يزيد وكلمه عيآ قال انت بإجتهادك حاول يقبلونك اما واسطات هالشغله ما احبها ! تركي طلع الحافظه لأنس وابتسم : المهم انس امي موصيه عليك تخلص هذا كله ! انس كشر : لا يكوون فيههاا ححلبه !! عزوز ابتسم : عادي عادي تخيل انك وحده بالنفاس انس كشر : ياشييخ كل تبن بس راكان لاحظ خالد اللي نزل راسه وتضايق ... استغرب وابتسم : وش فيك ؟ خالد رفع راسه وتنهد وبربع ابتسامه : مافيني شيء تطمن راكان كان بيـرد لكن قاطعه رنين جواله اللي كان من ابوه .. استأذن من الشباب وطلع برا الغرفه وهو يـرد على ابوه .. راكـان بن حمـود هو نفس هـذاك بس الشيء اللي ما خبرته لكم انه يـدرس طب عـظام .. ------------------------------------------------------ استغرب من السياره اللي مرت من جنبه بسـرعه جنـونيه .... ما استغرب من سرعتها !! استغرب انها مثل سيارة يزيد ! ( وبتفكير ) لحظه يزيد لوحـة سيارته ( وفتح عيونه على الاخر ) الا والله نفسس اللوحه غرريبه يزيد وش عنده صح انه يسرع بس مو لهالدرجه !! الله يستر بس ( دق عليه اكثر من مره بس كان مشغول ..... تأفف وهو يدعس بسيارته بسسرعه وهو يحاول يلحق يزيد اللي مابينه وبينه الا مسـافه بسيطه .. ( تنهد وهو يضرب بالبوري اكثر من مرره بس يزيد ماهو لمّه ) شوي وسمع صـوت سفتي المرور اللي وراه .. رفع راسه وناظر بالمرايه الاماميه وتأفف بقهر : هذا اللي ناقص .. المرور حدته وحدت سيارة يزيد حتى لبقوا على جنب .. مهند نزل بسرعه من السياره وركض ليزيد وبخوف وبعصبيه : مجنوووووون انتت وشش ذاا السسرعه تببغى تمووووت !! يزيد تأفف وبقهر : مهند قسم بالله منيب رايق لك يكفيني ياسروه الزفت مهند باستغراب : ليش وش فيه ؟ العسكري تنهد : اثباتتكم ؟ مهند ويزيد تنهدوا ومدوها له .. العسكري لوى فمه ورفع حاجبه : على وش هالسرعه ؟ تبغون تودون نفسكم للتهلكه !! تراكم محاسبين على انفسكم ! يزيد بتسليك من المحاضره اللي بيسمعها : اوك اوك ( وسكر باب السياره وهو يسرع مره ثانيه ولا كأن صار شيء !! علاوي كان مشغل باله بشكل ! ) العسكري تأفف بقهر : هذاا ششكل مااينفع معه الا لما نسحب السياره منه ! مهند تنهد وبخوف وبكذب : اخووي بيمووت بالمستشفى صاير له حاادث وحاالته حررجه فلاا تلومنا ( وبنفسه ' الله يسامحني على كذبي بس وش اسوي له ' ) ( وركب سيارته ولحق يزيد بسـرعه وهم متجهين للمطار ..... خذ جواله ودق على سلطان بسرعه وثواني ورد عليه .. سلطان تنهد : هلا مهند مهند : هلا بك سلطان وينك فيه ؟ سلطان : قريبين من المطار شكلنا بنتعشى هناك مهند : حلو معك سلمان ؟ سلطان ناظر سلمان بقهر : ااي مهند : اجل ابغاك بالمطار بسـرعه انت وسلمان طيب يلاا سلام ( وسكر منه وهو يشوف المرور اللي حدوا يزيد ووقفوه وابتسم بسخريه : ناوين عليه اليوم شكلهم الله يستر لا يحط حرته كلها فيهم .. ------------------------------------------------------ لف لعلاوي اللي كان منسدح على الكراسي ويطقطق بجواله .. وابتسم وهو يرمي الشنطه عليه : قم قم نادوا على رحلتنا علاوي تأفف وهو يرمي الشنطه على الارض ويمسك بطنه وبقهر : مشيعل يالتبن وش حاط بشنطتك ؟ مشعل ضحك : هههههههههههههههههههه مو شنطتي شنطة عمار علاوي بسخريه : او نتفتي بيسافر معنا عمار كشر : كل تبن بس مغتر بطولك يعني ؟ ياخي قسم بالله شيء يغبن انا اللي عمري 18 هالبزر اطول مني ! علاوي ابتسم وبمزح : سو تمارين دبر لك صرفه ماينفع امشي مع واحد قزوم .. عمار ناظر مشعل ورفع حاجبه بقهر : مانبغى بزران معانا وش جايبه هالبزر ؟ علاوي : كلها سنتين انت ووجهك عمار ضحك بقوه : 3 سنوات ياعمري وش سنتين ؟ علاوي تنهد : دخلت 16 من يومين ومحد جاب لي شيء عمار : كذااب ! علاوي لوى فمه : والله ( وضحك ) لااا يكوون مصدقين ميلادي الي كنت مألفه على الاستاذ ذاك اليوم عمار ضحك : والله كان باقي لك اسبوعين يمكن عالعموم كنت بأشتري لك هديه بعد اسبوعين بس مادام قبل يومين ميلادك خلاص تلايط مافيه هديه علاوي : اصلاً ما احتفل بأعياد الكفار انا واستقبل الهدايا بأي وقت مشعل ابتسم : اقتربت سنه للموت ابتسم ابتسم ( وضحك ) اقول قوموا لا تقلع الطياره راحوا الشباب ------------------------------------------------------ تأفف بقهر وهو يمسح على شعره الناعم.... شوي وجاء عنده سلمان وبخوف : هاا بشر ؟ يزيد تنهد : أقلعت الطياره من ثلث ساعه .. سلمان تأفف : اماا عااد ! هو وين رايح اصلاً ؟ يزيد عض ع شفاته السفليه بقهر : لوس انجلوس ااه يالقهر بس .. سلمان تنهد : توه صغير والله صغير .. وهناك متفتحين بكل شيء الله يستر عليه بس يزيد بلل شفاته وبتردد : اللحين وش اقول لأبوي .. ( وغمض عيونه بقوه وبقهر ) يااسر هذا مابي اشوفه لأني بأعدمه صدق من القهر ! سلمان تنهد : خلاص يارجال ارسل لعلاوي يرد عليك اول مايوصل مادام جواله على السايلنت دايم ... واذا رد عليك قل له يرجع بأقرب طياره للرياض .... وعمي تقدر تصرفها نايم عند اخوياه او مسافر للشرقيه مع اخوياه .. يزيد بسخريه : اللحين اذا الشرقيه يسأل عن عيال مين اللي مسافر معاهم وحاله .... بالله لو درا انه رايح للوس انجلوس مع عيال ما يدري منهم وش بيسوي ( وضرب بقبضة يده على الجدار بقهر ) سلمان تنهد : انت ريح بس وهد اعصابك وما راح يصير الا كل خير ان شاء الله .... بغيت تودي نفسك للتهلكه من جنونك !! لو صار لك شيء لا قدر الله تراك مُحاسب يا سبك يالحيوان يا الكلب يالثور ! يزيد ضحك : انت لو اموت ماتغير اسلوبك في النصيحه ابد تنصح وتسب وتسب وتسب وتسب وتسب سلمان ضحك وببرائه : لحظظه ماقلت الا يا حيوان ويا سبك وثور وكلب وحيوان ماقلت شيء يزيد ضحك بخفّه وهز راسه ومشى مع سلمان لعند مهند وسلطان ... ولقوا مهند حاط راسه على كتف سلطان ونااايم .. وسلطان يطقطق بجواله وهو مبتسم .. يزيد تنهد وبابتسامه وهو يهز كتف مهند : مهند هنيد هنيدوه يلا قم سلطان ناظره وضحك : الولد بسابع نومه مو لمك ابد يزيد ابتسم : ااي سهر امس مع انس ومانام بيكمل يومين وهو مانام..... شكله اللحين مو قايم ابد .. ( وهزه بقوه ) مهننند مهننننند مهند تأفف وبإنزعاج : الله يشغلك بنفسك ياشيخ سلطان وسلمان ويزيد ماتوا من الضحك : هههههههههههههههههههههههه يزيد ضحك وهو يهزه : قم قم الله ياخذ ابليسك فشلتنا كلن يناظرنا مهند فتح عيونه بصعوبه وبتعب .... ووقف وهو منتهي مرره : اقول وين السرير مدري السياره تراني منتهي مرررره سلطان ضحك : خلاص يزيد خذ مهند معاك وانا باسوق سيارته .. مهند : ااييه واحد يسوق بسيارتي بالله ( وتثاوب بنعاس وهو يحط راسه على كتف يزيد العريض وغمض عيونه وتكتف ) يزيد ابتسم : اقول فتح فتح لا تصمخ بالجدار اللحين مهند تأفف ورجع خصلات شعره الناعمه على ورا ... وهو يمشي معاهم ومو لمهم ابد من النوم .. حتى سالفة علاوي نساها .... ------------------------------------------------------ ناظرهم وهم يطلعون برا المطار ويسولفون ماعدا مهند اللي كان دايخ وبالليالله يفتح عيونه .... صديقه تنهد : اي واحد منهم تقصده ؟ لوى فمه بقهر : مو معاهم بس اخو اللي لابس تيشيرت اسود واللي لابس ثوب .. صديقه تنهد : طيب وينه اللحين ؟ تنهد بقهر : أقلعت طيارته ! ناظره بصدمه : لاا عااد ! تأفف وهو يمسح على شعره : يلا المهم قلت له ضحك بسخريه : والله انك مسكين وعلى نياتك بعد ! تنهد وهو يطلع من المطار ويطقطق بجواله اما الشاب الثاني وبحقد " خله يسافر ويستانس الايام بيننا ماراح يتهنى بحياته ان شاء الله ! " ------------------------------------------------------ تنهد بقهر منه وهو يضرب قبضة يده بالجدار ...... مجنووون ميشيل موو بعقله اكييد !! ولا يرمي بنت لوحدها ببيت مهجور وظلام بعد !! يبغاها تنهبل ولا وش وضعه ؟ ! قاطعه رنين جواله رد بدون مايشوف الاسم وتنهد : الو مشاري ابتسم : هلااا مااكس اخبارك يارجل من زمان عنك ماكس ابتسم : هلا والله مشـاري بخير الحمدلله وانت وش اخبارك ؟ مشاري بابتسامه : بخير الله يسلمك ( وجلس يسولف معه وطول معاه وهو مندمج بالسواليف ) ------------------------------------------------------ تنهد وهو يسندح على فخذ حسان وضحك : يغار هذا ولا وش جوه ؟ حسان بمزح وهو يلعب بشعر مجهول الناعم : ماعليك حبيبي يغار منك .. تعرف شارل انت شارل كشر : اغار على ايش ؟ تكفى قل لي على ايش ؟ مجهول شهق وبمزح : ياااه كل هالجماال وتقول على ايش ؟ شارل ضحك : كل تبن بس ولا تتدلع لا اصفقك مايليق ترا مجهول ضحك : تشنج وجهي وانا احاول اتدلع حسان : بتروح بكره لحفلهم ؟ مجهول ابتسم : ان شاء الله جهزت كل شيء حسان تنهد وبقهر : وش ذا ابي اروح معك ! مجهول ابتسم : احسن افتك منكم ولو شوي حسان دفه وهو يوقف : اجل انطق انت ووجهك مجهول صقع راسه بالكنب عدل جلسته ومسح على راسه ورمى كرتون المناديل على حسان : وجع يالككلب الله ياخذك حسان ضحك وهو ياخذ skate ويمشي رايح جاي فيها .. شارل صدع راسه منه : هييه بس يالحيوان صدعت براسي رايح جاي حسان ناظر شكله بالمرايه الكبيره بالشورت البني والتيشيرت البيج .. ابتسم وهو يعدل شعره ورجع مره ثانيه يلعب بـskate شارل صرخ : حسسااان يااحيووان لااا تعااند مجهول تنهد وهو يبي يقهر شارل : ماعليك حسان وسع صدرك ماعليك منه حسان ضحك بقوه : اهدا من كذا ياابووووي شارل تأفف : متخلف انت وياه ( وخذ قارورة المويه اللي جنبه ورماها على مجهول ومشى للغرفه وسكر الباب بقوه من القهر ) مجهول : يااسااتر ورااه منفس ذا ! ( وشهق وهو يناظر ملابسه ) الحيووان ككب ععلي المووويه !! ( ورفع راسه وتنهد ) عاد اهجد اللحين عطيتك وجه صدعت براسي انت وصوتك اللي يجيب المرض حسان وهو يغني وبصوت عالي ع شان يقهر مجهول : الله من الغيره بس امي تمدح بصوتي تقول مافيه مثل صوت ولدي مجهول ضحك : القرد بعين امه غزال الا ماشفتها صامت بعدها ثلاث ايام ؟ حسان ابتسم : الا شكل عليها كفاره مجهول مات من الضحك : يااشييخ كل تبن بسس ههههههههههههههههههههههههه ههههههه ------------------------------------------------------ تنهد وهو ينزل من الطياره .... غمض عيونه وخذ نفس طويل وفتح عيونه وهو مبتسم .... واخيراً رجـع لموطنه لبلاده لأهله ولأحبابه ..... يا شين الغربه بس .... ' تذكر مجهول وخذ جواله بسرعه وهو يدق عليه شوي ويسمع رده وهو يضحك : ههههههههههههههههههههههههه خلاص انثبر بسس ....( وتنحنح ) احم هلا والله ميثـم .. هاا بشر وصلت ان شاء الله ؟ ميثم ابتسم : ااي الحمدلله هذاني بالمطار مجهول ابتسم : الحمدلله على السلامه يالغالي ميثم والابتسامه شاقه وجهه : الله يسلمك يااخوي حسان بصوت عالي : عططني اكلممه مجهول تنهد وهو مبتسم : بعديين بعديين المهم ميثم ما اطول عليك بعطيك زبدة الموضوع و...... ------------------------------------------------------ انتهـى البـارت قـراءه مُمتـعه وان شاء الله ينـال على رضاكـم $ اعـذروني عارفه الأحداث مُمله تقريباً والبارت قصير .. بس مع هالاجازه مافضيت اكتب ابد .. ان شاء الله اعوضكم بالبارت الجاي واعذروني على تأخيري بنزول البارت مو من عادتي والله بس جدتي تعبانه ومنومه بالمستشفى من امس ومتضايقه ومالي خلق للكتابه وولا شيء دعواتكم لها ياجميلات حالتها تضيق الصدر والله وبس الله يسعـدكم ويوفقكم ياارب ♡♡ البـارت الـسادس والعشـرون ( 2 - 3 ) ------------------------------------------------------ عبير عدلت جلستها وابتسمت : ومره كنت بأغسل يديني رايحين للمطعم كانوا حمامين جنب بعض واحد الباب مفتوح والثاني مسكر قلت اكيد الحريم مسكر ولا كلفت على عمري حتى اشوف الكلام ... توني بفتح الباب الا واحد ناقز قدامي انا من الخرشه طاح جوالي وهو قمط بعد شوي الا عناد وراي ( وابتسمت ) وانتوا تعرفون الباقي عاد عناد لو عمر أهون ! ساره ماتت من الضحك : ههههههههههههههههههههههههه ههههههه خببله قسم بالله جنى ضحكت : ههههههههههههههههههههههههه عبيير منتب صااحيه وش ذا الفهاوه ! لجين ضحكت : انا ماهمني الا الجوال عسى ماجاه شيء بس عبير ضحكت : ااي ششفتي عااد انا ما اهتميت لشي غير جوالي قلت يممه جوووالي وناظرته وقلت حسسبي الله عليك وتوني بكمل الا صوت وراي يقول لا كملوا كملوا بعد سواليف !! انا قمطت العافيه حلقي نشف من كثر ما أبلعه حتى مالفيت اشوفه من القمطه ساره ولجين وجنى ماتوا من الضحك : ههههههههههههههههههههههههه ههه خببله ------------------------------------------------------ ناظروه وهو يدخل مع ابوه وقاموا يضحكون ويعلقون سامي فز بسرعه وحضن عبدالله بقوه : كلب حماااار حماار عبدالله ضحك وهو يبعد عنه : منيب قايل لك شيء عارف خانك التعبير بس لا تعيدها .. موسى ضحك : اقلقنا فيك يارجال عبدالله ابتسم : طيب لحظه وين الحفله ؟ معاذ ضحك وهو ينسدح : ماعندنا حفلات عبدالله كشر : اعووذ بالله وش ذا البخل سعود : نعطيك كاش احنا عبدالله مد يده وابتسم : يلا يلا طيب عطني سعود رفع حاجبه : جايني على نهاية الشهر وتقول عطني ( وطلع ريال من جيبه وعطاه ) امسك ماعندي الا هذا الله يعطينا ويعطيك عبدالله كشر ورماه ف وجهه : هذا خله لك حتى مايجيب بيبسي ثامر عطآه 1000 ريال وابتسم : تستاهل حبيبي عبدالله شهق : عممي ياابعد تسسبدي بس والله امزح امسك امسك بس كثر الله خيرك ثامر دخل يده ف جيبه وجلس على الكنب وابتسم : منيب ماخذها عبدالله هز كتوفه وبمزح : ششوفوا ششوفوا تعلمووا الكررم عمر : هذا اسراف مو كرم هتان : نعم نعم ونحن ضد الاسراف والعياذ بالله عمر ابتسم : ااي الاسراف من صفة الشياطين ( ولف لهتان وبهمس ) هي كذا ولا ؟ هتان بهمس : لا يا الدرج الشياطين يحبون الاسراف عمر ضحك : يعني فيها فيها ماتغير شيء ------------------------------------------------------ حطت راسه على فخذها ودموعها على خدها وهي تمسح على شعره الناعم : بسم الله عليك ياولدي نايف بابتسامة تعب : يمه تطمني اللحين احسن الحمدلله ام احمد مسحت دموعها وبصوت مبحوح : وين احسن ياولدي وحرارتك شابّه .. نواف بخوف : نايف اوديك المستشفى نايف تنهد : لا يالغالي مايحتاج ( وغمض عيونه بقوه وتنهد وهو يسمع دعاوي امه له ...... وبنفسه " ااخ بس الله لايحرمني منك يالغاليه لو كل الناس مثلك كان الدنيا بخير يا يمه ) ------------------------------------------------------ مسحت دموعها وهي تلف لأمواج وتغطي وجهها بيديها وبصوتها المبحوح من الصياح : اموااج ناايف تعباان مررره حتى امي خايفه عليه وتصيح امواج تنهدت وهي تطمنها وتحضنها : بس بس عاد وخلينا نبعد من الباب لحد يشوفنا وتصير سالفه طويله نجود ناظرت نايف ولفت لأمواج ونزلت راسها امواج مسكتها مع يدها وسحبتها بعيد عن هالمكان ونجود منزله راسها ودموعها على خدها .. ------------------------------------------------------ شافته وارتاعت وسكرت جوالها بسرعه .... شك فيها وانقهر وهو يسحب الجوال منها وبعصبيه : منن تكلممميين ؟؟ مدى بربكه : تششك فييني يععني !! دحوم بقهر : والله تصصرفاتك غصب غصب تشكك الواحد فيك !! مدى رمت الجوال عليه وبقهر : اووك دق على الرقم وتأكد بنفسك دحوم شاف الاسم وكان مـرام .. تأفف ورمى الجوال وطلع وهو مقهور .. مدى تنهدت وهي تاخذ جوالها تعرف دحوم حيووي ومستحيل يدق وتطلع بنت !!! تنهدت وهي تحط يدها على قلبها : وش فيهم اليوم ؟ سعود التبن واللحين دحيم هف ياشينهم .. ------------------------------------------------------ تنهدت وهي تاخذ جوالها اللي قومها من رنينه وبنعاس : همم ابتسم وتنهد : يااقلبييه بس .. والله شكل بتجوز لي فكرة عمي واخذك بالشبكه ولا اللحين بعد ! ندى عرفته من صوته واستحت وهي تعدل جلستها وترجع خصلات شعرها الناعمه والطويله على ورا : خالد وش عندك قايم بهالوقت ؟ خالد ابتسم : الا انتي وش منومك هالوقت ؟ نظام عجز ندى باستغراب : ليش كم الساعه ؟ خالد ناظر ساعته وتنهد : 8 ونص ندى ضحكت : يوووه لا بس تعبانه وقلت باخذ غفوه بسيطه خالد ابتسم : اي بسيطه يابنت الحلال وانتي خامده من العصر لا صـ ( وضحك ) لا خلاص فهمت ندى استحت وحمر وجهها : وجع خويلد والله انك وصخ خالد ضحك بقوه : ههههههههههههههههههههه مااعلينا افتحي سكايب ندى بخجل : طيب لحظه بس توني قايمه 10 دقايق واكلمك خالد ابتسم : اوك لا تطولين يلا بااي ندى : بااي ( وسكرت جوالها وبعدت عن فراشها ومشت للحمام الله يكرمكم وهي تفكر بخالد ) ------------------------------------------------------ سمعت صراخ خالتها وجدتها .. خالتها اللي كانت تسب وتتحلطم منها والجده مُصره على رايها !! سكتوا كلهم يوم وجهت الجده السـؤال لعصام : هاا عصام وش قلت ؟ عصام ناظر امه ونزل راسه ورفعه مره ثانيه وتنهد : انا موافق ومن دخلت الجامعه اصلاً وانا ابي هديل واتوقع الكل يعرف بهالشيء مو جديد عليكم !! الجده ناظرت بنتها وبقهر : هاا سمعتي ؟ ولا تبين تحرمين ولدك من وحده هو يبيها ؟ ام عصام بقهر : يممه انا ماحرمته منها الا لمصلحته ولا وش الفايده احرمه بلا سبب .. ( ونزلت دموعها وهي تمسحها ونزلت راسها ) عصام تضاايق مرره وقف عند امه ورفع راسها وبابتسامه هادئه : لو تبين اقعد طول عمري عزوبي ماعندي مشكله المهم ما ابغى هالدمعه تنزل من عينك مره ثانيه !! يمه ما ابغى اضايقك بـ ولا شيء والله ما ابغى رضاك فوق كل شيء يالغاليه ! ناظرت ولدها وابتسمت بحُب له : ان شاء الله ربي بيرزقك بوحده افضل منها هديل ماتناسبك عصام نزل راسه وبلع ريقه بضيق وهو يحس ان حلم حياته راح يروح منه !! ثامر ناظر هديل اللي نزلت راسها وركضت بسرعه للدرج .. صرخ وبصوت عالي : هديييييل هــــــديييييل ( وبعصبيه ) انتتي كييف تتكلمين كذاا وهي مووجوده !! ام عصام بقهر : وانا وش دراني انها تتصنت ؟ وبعدين احسن سمعت بنفسها ثامر تأفف بقهر : اسستغفر الله بس ( ورقى مع الدرج بسرعه وهو ينادي هديل ) عصام ناظر ثامر اللي يرقى الدرج وقلبه يتقطع على هديل .. وده يسوي اي شيء بس مو بيده .. ( غمض عيونه بقوه ونزل راسه على صراخ الجده وصوت امه العالي وخاله ما كان يسمع ولا حس من ضيقته وكأن محد يتكلم عنده !! ) ------------------------------------------------------ سكرت الباب بقوه وقفلته وطاحت على ركبتها وحضنت رجولها وهي تبكي بصمت .. دموعها تنزل وهي ساكته وكاتمه شهقاتها .. تعبت وهي تتحمل تعبت وهي تجامل تعبت وهي تسلك لهم ولنفسها .. لو عندي ام واب كاان مححد تجرأ وقال لي شيء !! كـان ( نزلت دموعها وبلعت ريقها وماقدرت تكمل من دموعها وشهقاتها اللي تعلى وتعلى ) سمعت صوت أقرب واحد لها من خوالها اكثر واحد صابر عليها ومتحملها ومابعمره رمى عليها كلمه او جرحها ..: هدييل هدييل تكفيين طلبتك افتحي الباب بأكلمك هديييل تكفين تكفين انا ثامر لا ترديني ! بلعت ريقها وبضيق : تطمن مافيني شيء عادي تعودت ثامر بضيق وهو يطق الباب أقوى واقوى : طيب افتحي مادام مافيك شيء ! هديل تنهدت : حابه اجلس لحالي شوي اعذرني ثامر تنهد وما قال شيء .. ومشى ونزل من الدرج وهو متضايق على حالة هديل ومنقهر من اخوانه واخواته وتصرفهم معاها !! ------------------------------------------------------ شاف ثامر ينزل من الدرج ومشى لعنده بسرعه وبخوف : ثاامر هديل فيها شيء ؟ ثامر تنهد : عصام احسن لك ولها لا تتعلق فيها والله يوفقك مع وحده غيرها مستحيل تتزوجون واهلي بهالحاله ! عصام هز راسه وبإصرار : لا بتزوجها وباخذها غصباً عن الجميع هديل ليي تفههم وشش مععنى ليي !!! ثامر تنهد بضيق وهو يربت على كتف عصام : هي بالأساس خذت موقف منكم ومستحيل توافق عصام عقد حواجبه : اي موقف ؟ ثامر رفع حاجبه وبسخريه : اللي تو ؟ ولا عادي بالنسبه لك ! بعدين يآما ويآما حصلت لها مواقف معاكم وهي كاتمه على نفسها وماقالت شيء !! عصام تنهد ونزل راسه : ثامر انا ع شان امي ! وربي ع شان امي ولاا كاان ماعلي من احد وبأسحب عليهم كلهم بس امي صعبه ياثامر والله صعبه ! رضاها فوق كل شيء .. رضاها من رضى الله .. ثامر بلل شفاته وبضيق : اختي مدري وش قصتها مع هديل ! .. بس اقول لك لا تتفائل كثير ان هديل تصير من نصيبك مادام اختي بهالحاله ! عصام رفع راسه وبتهور : ابي اكلمها ! ثامر رفع حاجبه : نعم ؟ لا حبيبي عاد كل شيء وله حدّه عصام بترجي : طلبتك ثاامر ططلبتك لاا تردني ! ثامر تنهد ودف عصام ع الخفيف : امش معاي بس ابي اكلمك بموضوع عصام ناظر الدرج وخذ نفس طوويل وهو يمشي ووراه ثامر والضيقه خانقته .. ------------------------------------------------------ تنهد وناظرها ولوى فمه وكأن الوضع ماعجبه : وداد ليش ماتلبسين نقاب ؟ وداد تأففت : راكاان لاا تسوي فيها تموون معي تراها قافله معاي راكان لوى فمه وتنهد : اوك على راحتك بيجي اليوم اللي يسنعك فيه عناد ان شاء الله سمعته بس طنشته مالها خلق تتهاوش معاه ... مسكت البلوزه الورديه ولفت له وبعفويه : حلوه ولا لا ؟ ( وشهقت ) يووه صح انا متهاوشه معك كيف اكلمك راكان ضحك بقوه : ههههههههههههههههههههههه خببله استغفر الله ( ومسك البلوزه وابتسم ) ااي ااي حلووه ما عليك وداد تأففت وبوزت ومشت للمحل الثاني راكان ابتسم وبنفسه " يوم حرموها من صديقاتها هجدت وعقلت .... الشيء اللي عرفته منها ان مافيه أطيب من قلبها وعلى نياتها مررره بس صديقاتها الدجه خربوها .. متى ماصارت معاهم صارت تهايط واذا صارت مو معاهم هجدت ! ------------------------------------------------------ سكرت جوالها وناظرته وهو يطقطق باللاب ومشغول بالاوراق اللي معه ... تنهدت وجلست جنبه وبارتباك : فواز عادي طلب ؟ فواز ابتسم : ااي تآمرين انتي منار لوت فمها : اكيد ؟ فواز ضحك بخفّه : من الاخر وش عندك ؟ منار : اهلي بيسافرون لكندا بعد بكره ( وبترجي ) تكفى تكفى ابي ارووح معهم انت هالايام مشغول بالشركه وماترجع الا متأخر وانا منثبره في البيت لحالي لا ونيس ولا احد معي حتى منى مو فيه .. فواز تنهد وبتردد : بس صعبه .. لا ما اقدر معليش منار بوزت وبترجي : فوواز تككفى لاا تردني فواز تنهد : كم بتقعدين ؟ منار ابتسمت : اسبوعين يمكن فواز لوى فمه : كثير مرره وكندا بعد معليش لا منار تنهدت وبضيق : على راحتك فواز : اخوانك بيروحون ؟ منار وهي منزله راسها ومتضايقه نفسها تروح معاهم : ااي فواز تنهد بتردد وبابتسامه خفيفه : اوكي خلاص ما احب ارفض لك طلب مع اني بأفقدك والله منار شهقت ومن الفرحه ضمته بقوه : حبيييبي ششكراً يخلييك لي ياارب ( وابتسمت وبسرعه فزت وهي تدق على اختها وتقوم من عنده وهي متشققه ) فواز استغرب وحس بشعور غريب يوم ضمته بقوه .... تنهد وما اهتم كثير وهو يرجع لشغله وباله مع منار ... ------------------------------------------------------ تنهدت وهي تحط العطر على التسريحه وتعدل شعرها : اللي سويته غلط عاد ! لازم تشاورها قبل مساعد تنهد : مستحيل توافق ! مها لوت فمها : طيب ماتدري يمكن توافق ع شان عيالها مساعد نزل راسه وماتكلم مها ابتسمت : رح اللحين وكلمها .. مساعد وقف وتنهد ومنى شاغله باله : اوك ( وطلع برا الجناح ومشى لغرفة منى طق الباب حتى سمع ردها ' تفضل ' فتح الباب وابتسم : السلام منى ابتسمت وعدلت جلستها : هلا والله وعليكم السلام مساعد جلس على طرف السرير : مُنى بدخل بالموضوع على طول ناظرته منى وكأنها تقول له كمل مساعد كمل كلامه وهو منزل راسه : عبدالاله اليوم ثالث مره يجيني يبغى يكلمك بس ... رديته مرتين واليوم بعد رديته ... انا عارف لو قلت لك مستحيل ترجعين له بس ( وبتردد وهو يرفع راسه ويتنهد ) ابغى اعرف رايك قبل كل شيء منى بابتسامه خفيفه : عارف ردي ياخوي مايحتاج .. ماراح ارجع له لو ايش .. مساعد لوى فمه : حتى لو كان على موضوع محمد ؟ منى رفعت راسها وبخوف : ليش وش فيه محمد ؟ مساعد تنهد : لا قصدي ارجعي ع شان محمد ومُراد .... منى تنهدت وبتردد : مدري يا اخوي بس ما ابغى ارجع للعذاب اللي عشته معاه تعبت منه ومن اهله خلاص مساعد : يعني اللحين كيف ( تنهد ) تبغين تتطلقين ؟؟ حالتك وانتي كذا معلقه مو زينه يا منى هالناس مايرحمون من الكلام منى نزلت راسها وبتردد : بشوف وبرد لك خبر ان شاء الله مساعد تنهد وابتسم : فكري ولا تستعجلين الله ييسر لك امورك ياارب( وطلع وسكر الباب ) ------------------------------------------------------ حضنت ولدها ودموعها ماوقفت .... ناظر امه باستغراب وبعفويه : ماما وش فيك ؟ من مزعلك ؟ ام عبدالله تنهدت وبابتسامه خفيفه : مافيني شيء حبيبي بس تعبانه شوي يزن ابتسم : الله يشفيك ان شاء الله تطيبين ام عبدالله تنهدت وابتسمت بحزن وهي تمسح على شعره .. مابقى لها الا يزن وماتبي تفقده ابو عبدالله وقصة انفصالهم بسبب الاهل ! كانوا متفقين معاهم على صفقه وسببت لأبو ام عبدالله خسران كبيير .. حصلت مشاكل كثيره بينهم .. لدرجة وصلت للمحاكم .... ام عبدالله كانت تطلب من ابو عبدالله ان يطلقها بأمر من ابوها بس ما قالت له ان ابوها جابرها !! عصب ابو عبدالله وحصلت لهم مشاكل كثيره من ابوها وصلت لطلاقهم .. خذ ساره وعبدالله لعنده وتقطع قلب ام عبدالله عليهم ... كلمت ابوها وفعلاً رجع لها عبدالله اما ساره فكان رافض نهائياً بأن تشوفها مع انها ماكملت السنه من عمرها !! تزوجت ام عبدالله ولد عمها ابو يزن وكان ابو يزن يضرب عبدالله ويصارخ عليه .. ابو عبدالله ما كان يدري كانوا مخبين الأمر عنه .. وام عبدالله ماكان لها كلمه من بعد كلمة ابو يزن !! تعذب عبدالله بصغره كثيير من زوج امه لدرجة مره تنوم بالمستشفى من ضربه له ودرا ابو عبدالله وعصب ورفع عليه قضيه وازدادت المشاكل بينه وبين ابو يزن !!! ومن بعد هاللي صار حـرم ام عبدالله من عيالها وماشافت عبود من بعد هذاك اليوم .. وماكان لها الا تدعي لخالقها فـهو يجـيب للمضطر دُعاه .... صحت من سرحانها على صوت يزن : مااااااماااا ناظرته وابتسمت بحزن : هلا حبيبي يزن أشر على خاله : خالي من اليوم يناديك .. ------------------------------------------------------ ناظر ابوه اللي سكر من جواله وهو منصدم !! اكييد يمزح مو مستوعب !! ناظر ابوه وبصدمه : يبه من جدك ؟ ابو يوسف ببرود : والزواج فيه مزح يايوسف ؟ يوسف بصدمه : يبه تـزوج اختي اللي حتى العشرين مادخلتها لواحد مثل ابو رعد !!! ابو يوسف رفع حاجبه وبقهر : ووش فيه ابو رعد ! يوسف : قصصدك وش اللي ماافيه !! حررام عليك ياايبه تدممر مستقبل هالمسكينه ! مثل ماهو يبي وحده صغيره هي تبي رجال قريب من عمرها مو بيصك الاربعين !! يبه حرام اللي تسويه والله حرام وامواج صغيييره ماتعرف شيء عن الزواج ! تزوجها لواحد شايب !! ترا مو بصالحك يايبه لو رجعت لك ثاني يوم مطلقه ! لهالدرجه الفلوس عاميتك ابو يوسف بصراخ : ااي عااميتني الشركه واعلنت افلاسها اوكلكم واشربكم من ويين يلاا من ويين قل لي ؟؟ يوسف بعصبيه : مسستعد اقعد طول عمري جوعان وفقير بععد ولاا ادمر حيااة اختي واضيعها !! ابو يوسف بقهر : واناا بزوجها لوااحد سكران وخبل ؟ مهما كان تظل بنتي وما اتمنى لها الا السعاده يوسف : محشوم ابو رعد ما اقول شيء عنه معروف هو باخلاقه .... بس البنت صغيييره صغيييره اي سعاده تتكلم عنها وانت تغصبها على واحد كبر ابوها ! ابو يوسف بقهر : هي راضيه وش عليك ؟ يوسف بعصبيه : اتحدااك اذاا هي راااضيه !! يا غاصبها ياا تجاملك وتجامل وجدان !! ابو يوسف بعصبيه : بسس عااد ترراك صصدعت برااسي يوسف تأفف : يببه امواااج مسستحيل تتزووج من ابو رععد وهذاا اللي عندي !! ( وطلع بسرعه وبعصبيه من ابوه اللي عاميته الفلوس لدرجة يبيع عياله ع شانها ! ) ------------------------------------------------------ كتم ضحكته وهو يناظر أليس اللي مستحيه ومنزله راسها وتفرك اصابعها بقوه ... ضحك وغمز لهم : خلاص انا بطلع .. لبسيه بجامته مايقدر المسكين أليس فتحت عيونها على الاخر : اييييش !! فارس ضحك بقوه : حيواان هههههههههههههههههههههه احمد ضحك : ااي وش قلت بعد ؟ لبسيه الفانيله بس والبنطلون هو بيلبسه ماعليك ولا ( وغمز لها ) تبغين الخدامه تلبسه ؟ ترا ماعندها مشكله تو ناويه تدرعم بس قلت لاا بعدين تذبحنا اليس من غيرتها .. اليس نزلت راسها بخجل وماردت احمد ضحك وطلع وسكر الباب .. أليس وهي منزله راسها وبخجل : يعني تقنعني انك ماتعرف تلبس فنيلتك ؟ فارس لوى فمه وتنهد : منتي مجبوره خلاص بأدبر نفسي ماعليك أليس رحمته يوم شافت يده اليمين لافينها بشاش وصدره .. وباين على وجهه انه يتألم ومررره بعد .... تنهدت وهي تمسك الفانيله الزرقاء .. وتفتح ازرار بلوزته ووجها احممر من الحياء .. فارس ابتسم من قربها له وهو ماسك ضحكته على الاخر من حياها يحسها شوي وتبكي .. أليس مسحت دمعتها اللي نزلت بعفويه .. وشالت بلوزته وحطتها على السرير ومسكت فانيلته الزرقاء وهي تلبسه وتسكر الازرار الثلاثه ماصدقت تخلص .. وجت بتبعد لكن فارس ضمها بقوه وهو يبتسم ويتنهد : يابعد قلبي انتي شكراً اليس غمضت عيونها بقوه لا تصيح وبصوت متقطع ومو واضح من الخجل : العفو فارس ابتسم وباس راسها وتركها وهي بعدت عنه بسرعه وركضت للحمام ( الله يكرمكم ( وسكرت على نفسها فارس ضحك ومسك العكاز بألم وهو يوقف بيغير بنطلونه .... ----------------------------------------------------- جلست على الكنب وتنهدت وهي ترفع راسها : اا خالتي جيت اقول لك عن ردي عن هذاك الموضوع زوجة عمها ابتسمت وبمكر : وايش ردك ؟ مشاعل نزلت راسها : فكرت بكلامك وانا رافضه زوجة عمها لوت فمها وهي تمسك الريموت وتضحك : رافضه على ثامر ؟ بالأساس هم خطبوا جواهر له ماخطبوك انتي !! بس كانوا يحسبونك جواهر بنتي ( وابتسمت ) جواهر ابتسمت وهي تلعب بخصلات شعرها وبغرور مشاعل بللت شفاتها ونزلت راسها وبسخريه ( لا وجايه انا ووجهي اقول رافضه !! وجه زواج ولا وجه عروس انا !! ) ( وناظرت جواهر اللي تكلم بجوالها وتنهدت ) ( وييني ووين جواهر ! هي اجمل مني بكثيير مين يرضى ياخذني اصلاً ؟ ) " تنهدت ووقفت وتركتهم " جواهر ضحكت وبدلع ماسخ : مصدقه تاخذ ثمور مني ؟ ام جواهر ابتسمت : خلاص اذا رجعوا من مزرعتهم بيوم بيجون يشوفونك على اساس انك مشاعل ! بس بقول لهم مشاعل رافضه وهذي بنتي جواهر ( وابتسمت ) ومستحيل يفضلونها عليك ياقلب امك جواهر ابتسمت وبغرور وبسخريه : طبعاً فرق السماء عن الارض ------------------------------------------------------ ناظروها بصدمه وشهقوا : مسسسستحيييل !!! لحن ابتسمت : وليش مستحيل ؟ نغم ابتسمت وبحماس : والله الفكره كووويسه خجل بصدمه : لا بس كيف نطلع هو بالاساس ماراح يوافق لحن ابتسمت وبثقه وهي تضرب يدها على صدرها : بهالناحيه خلوها علي وابشروا ! دلع بعدم استيعاب : صعبه يا لحن صعبه .. طيب من وين تجينا الفلوس لحن ابتسمت : انا بتوظف في الليل وفي العصر وادرس في الصباح نغم ابتسمت : وانا بعد ماعندي شيء عاطله باطله لحن ابتسمت : هاا وش رايكم ؟ خجل بتردد : مدري احس صعبه دلع تنهدت : وانا مثلك نفس الاحساس لحن ابتسمت : ماهي صعبه انتوا اللي مصعبينها ! فكروا بس والله اريح لنا بكثيييير ------------------------------------------------------ تنهد ورفع حاجبه : افتح الكاميرا وش عندك ؟ باسل ضحك : ليش تشك فيني يعني ؟ يزيد ابتسم : لا بس مشتاق لخشيشتك باسل ابتسم وفتح الكاميرا : عارف مايحتاج تقول يزيد شهق : تغيييييرت باسل ضحك : ااي نحفت يزيد باستغراب : مررره وش عندك ما تاكل ؟ باسل ابتسم : لا بس مسوي دايت هالايام يزيد تنهد وبابتسامه خفيفه : اترك عنك بس .. وادبج بالاكل باسل ضحك : وين اخواني ؟ يزيد ابتسم : نايمين مافيه الا هالنتفه ( وحط الكاميرا على وجه بندر اللي يلعب بايباده ) بندر رفع راسه وفز بسرعه والابتسامه شاقه وجهه : بااااسسسل وييينك ؟ باسل ضحك : حبيبي انت بلندن الله ياخذها من غربه .. بندر جلس بحضن يزيد وهو مبتسم : وين بسام طيب ؟ باسل ابتسم : بسام طالع مع خويه يزيد ابتسم وتنهد : يلا اتركك اجل ذاكر وشد حيلك الله يوفقكم وسلمني على بسام يلا مع السلامه باسل ابتسم : ان شاء الله يوصل مع السلامه بندر ابتسم : معع السسلاامه باسسل باسل ضحك : مع السلامه حبيبي يلا فمان الله ( وابتسم وسكر السكايب ) بندر مسك يد يزيد وبوز : ليش يدك اكبر من يدي يزيد ضحك وهو يحضنه : لأني اكبر منك اذا كبرت تصير يدك اكبر بندر ابتسم : وتطلع لي عضلات حلوه مثلك ؟ يزيد ضحك وهو يشيله ويدخل جواله بجيبه : ااي واحسن بعد ------------------------------------------------------ تنهد وهو يرد على جواله اللي يرن : هـلا يمه ... ااي بالرياض .. ابو محمد ! لا ليش ؟ ... اوك اوك خلاص .. ان شاء الله مع السلامه .. ( وسكر جواله ودخله فجيبه ) انس ابتسم : راكان رح لأمك وماعليك مني راكان ابتسم وهو يغير المغذي : امي بسويسرا اصلاً مو هنا خالد ضحك : اكشخ والله مهيب سهله انس ضحك : والله انك غبي !! ليش مارحت معها ؟ راكان تنهد بضيق وبهمس : وهي قالت لي اصلاً ع شان اروح معها ! انس وخالد سمعوه وسكتوا .. شوي وينفتح الباب بقوه ويدخل فهد اللي ميت من الضحك ووراه فيصل اللي يتحلطم ابتسموا خالد وانس وراكان وهم يشوفون فهد اللي ميت من الضحك هو وعزوز وفيصل اللي يصارخ عليهم وهو منقهر .. ------------------------------------------------------ دخل لغرفته وفتح الباب بقوه وسكره بأقوى بعد وبعصبيه : مهبوووول انتت صصصاااحي ؟ ياسر تنهد : مهند ؟ ترا منيب فاضي لك مهند بقهر : بصصراحه اناا اللي فاضي لك !! مسسفر علاوي لديرة كفره ومتفتحين بكل شيء وباارد ومبررد مااهمه شيء !! اذاا احناا واحنا الكبار ماسكين انفسنا من اللي نشوفه فكيف بواحد مراهق ومعاه اخوياه اللي ماندري اذا هم دشره او لا ! ياسر تنهد ووقف : علاوي اعقل منك على فكره ! مهند شمر اكمامه : هذا اللي بأكفخه اللحين يزيد سمع صراخهم وفتح الباب وباستغراب : وش فيكم ؟ مهند بعصبيه : اخووك هذا بذبحه اناا بذبححه بيجلطني من برووده ساايب الدنياا كلها وتـ يزيد قاطعه وهو يمسكه ويهديه : خلااص بس انا كلمته كفايه ! مهند بقهر : وبس ؟ تدري عاد ؟ شككلي بااقول لاابوي ويسنعه صصدق ! ياسر تأفف : مهند يرحم والديك اطلع برا مالي خلقك ابد ابد يزيد تنهد : مهند اطلع مهند تنهد وبقهر : ع شان يزيد بس والله !! ( وطلع وسكر الباب بقوه ) يزيد ناظر ياسر وبلع ريقه وطلع وسكر الباب وهو يطلع جواله ويرجع يدق اكثر من مره على علاوي .. ------------------------------------------------------ ركب السياره وتنهد وغمض عيونه بقوه وهو منتهي من النوم .. شم ريحه يكرهها وما يواطنها حتى .. فتح عيونه وكشر يوم شاف اللي جنبه يدخن : لا عاد ؟ تدخن !! ضحك وناظره : ليه فيه شيء ؟ علاوي رفع حاجبه : واشياء بعد ! ما احب اجلس جنب واحد يدخن الريحه لحالها تجيب المرض ! طفى الزقاره وتنهد : اوك ع شانك بس على فكره كل اللي بهالسياره يدخنون اللهم مشعل علاوي كشر وسكت " ياحبيبي كملت والله اذا تدخين وعادي عندهم ما استبعد اشياء ثانيه بعد ! " وصلوا للفندق ونزلوا ودخلوا الجناح .. كان كل ثلاثه بجناح .... وكان علاوي ومشعل وصديق مشعل ... علاوي رمى نفسه على السرير وحتى ماغير ملابسه وولا شيء وغط بنوم عمييق .. ------------------------------------------------------ تأففت وهي تطلع من المطعم وهي خايفه على هنادي وجوري .. شوي وشافت جوني جايه وهي مبتسمه : اهلاً جودي جودي ابتسمت وسلمت عليها : اهلاً جوني جوني مدت ورقه لجودي : هذه من جوري ( وابتسمت لها ودخلت المطعم ) جودي خذت الورقه وقرتها " هلااا جوودي مدرري ورود مدري كادي الزبده انا وهنادي طالعين لمشوار وبنطول مو راجعين الا بعد ثلاث ايام يمكن .. حبيت اطمنكم علينا يعني وبس يلا مع السلامه " ابتسمت وتنهدت بنفس الوقت : يا الله وين راحوا اللحين ورود ابتسمت : يلا المهم تطمنا عليهم كادي تنهدت وارتجفت من البرد : برررد وتمطر بعد خلونا نرجع للبيت جودي ناظرت السماء وتنهدت : الله يستر شكل بتجي عواصف قويه اليوم ! ( ركبوا سيارة سايق عمهم وهم خايفين من اصوات العواصف اللي كانت قويه جداً والامطار تنهمر بقوه ) ------------------------------------------------------ فتح الباب بسرعه وهو يركض .... اسامه فز بسرعه وهو يركض وراه لغرفة بسام : بسسساااام لحظظه انتتظظر بسام وهو يحوس بدروجه : هلا اسامه وش بغيت ؟ اسامه ناظره وبخوف : انت بخير ؟ بسام ابتسم : ااي الحمدلله ماعليك اسامه تنهد : الحمدلله طيب وين بتروح ؟ بسام تنهد وبقهر : نظامهم ابو كلب ! قدموا الرالي لليوم ع شان بكره يقولون احتمال كبير تمطر امطار قويه والله اعلم اسامه بصدمه : اللحين عااد !! بسام : لاا يعني بعد 5 ساعات يمكن بس باخذ ملابسي وباروح مع المدرب اللحين اسامه ابتسم : بروح معك بسام ابتسم وتنهد : اوك يلاا استعجل بسرعه بالله اسامه هز راسه : طيب ( وركض للغرفه بيغير ملابسه ) ------------------------------------------------------ تأفف وهو يحوس بجيبه يدور المفتاح ومسح على شعره وبقهر : نسيت المفتاح جوا عزوز بسخريه : ياحبيبي والحل اللحين ؟ فهد ابتسم وناظر السور وغمز لهم : مالنا الا كذا فيصل شهق : لاا ياابووي اناا ما اقدر ابد فهد : لا يالسبيكه مهند اللي ينط ويفتح الباب لنا مهند لوى فمه وهو يناظر بيت جيرانهم : والله ان يذبحني هالشايب ! عزوز : لا اسمع انا بأقرب السياره مرره من الباب الكهربائي وانت ارقى فوق السياره ونط من الجدار وافتح لنا مهند تنهد وطلع جوالاته وعطاها فيصل : اوك يلا قرب السياره فهد ركب الـfj وقربها من الباب الكهربائي مرره .. ومهند رقى فوق السياره .. وبسرعه تسلق من الجدار وشهق : شلون بأنقز اللحين والله كان تكسرت عزوز بصوت عالي : امش ع السور ليين توصل للملحق .. فيصل : وان خبط ؟ عزوز كتم ضحكته : عادي يرقد مع انس في المستشفى مهند ضحك ومشى بشويش للملحق ... ونزل وهو يتمسك بالشباك وتنهد وهو يمشي للباب بيفتحه بس كان مقفل تأفف وبقهر : ياليييييل ابو لمبه .. ( ومشى للباب الكهربائي وفتحه ودخلوا فيصل وفهد وعزوز ) فيصل تكتف : طيب اللحين كيف ندخل ؟ مهند ضحك وهو يناظر الكوره : سهله ( وشات الكوره بقوه على شباك غرفة ياسر اللي كان قزاز .. وبصوت عالي : ياااااااسسسسر ياااااااسسسرووووه ووجع قممم ( وخذ الكوره الثانيه وشاتها بقوووه وكسرت الشباك القزاز وشهق ومات من الضحك : لاااااااا ههههههههههههههههههههههههه هههههه عزوز مات من الضحك : يااااغششيم وشش سوويت انتت ؟ فيصل : ههههههههههههههههههههههههه والله يا انك بتندفن هنا فهد : ههههههههههههههههههههههههه ههه مههههند ياامجنوووون وشش سوووويت ؟ ياسر مشى من عند الشباك وطل لتحت وبعصبيه وبصراخ : مههههننننند الله يااااخذك ياااالكككلب وش ذاا الحمااس خيير ان ششاء الله ؟ مهند بصوت عالي : اقوووول لااايكثثر وافتتح البااب .. ياسر بعصبيه : تخسسسي والله مااا افتتح لك مهند بصوت عالي : افتحه بالطيب احسسن لكك شوي ويدخل الشايب جارهم من الباب الكهربائي اللي كان مفتوح وبعصبيه : لااا بااارك الله فيكم من عياال حشى وش ذا الصراخ ؟ مهند شهق وهو يناظر جارهم : ابووو حممممد الشايب بعصبيه : ايااا قلييل الحياااء بس اصصبر شغلك مع ابوك مهند مات من الضحك : لحظظه لحظظه يالطييب وش فيك منفس يااكافي ؟ اقلط اقلط بس بجيب لك القهوه اللي بالرااس ( ورفع راسه وبصوت عالي ) ياااااسسسر افتتتح البااااب ابوو حمممد جاااء .. ياسر بصوت عالي : وشش جااابه ذاا النششبه مهند توهق وبترقيع : لاااا يالككلب مو خويي جااارناا ياسر : واناا اعررف وااحد اسمه ابو حممد غييره هالقلق ؟ فيصل وعزوز وفهد هنا ماتوا من الضحك : ههههههههههههههههههههههههه ههههههههه مهند عض ع شفاته السفليه وناظر ابو حمد : اصبر اصبر افهمك تعرف جارنا هاللي قدام اسمه ابو حمد بعد ونشبه وقلق اعووذ بالله كـ ابو حمد سفهه وطلع برا البيت وهو يتحلطم : ياااعياال اللذيين ششغلكم مع ابوو خاالد قلة حيااء طول وبعرض بس ماهنابه رجال رخووم ( ودخل بيته وسكر الباب بقوه ) مهند مسح على شعره : وش السالفه اللحين ؟ فيصل نزلت دموعه من الضحك : ههههههههههههههههههههههههه ه قل لاخوك الرخمه يفتح البااب بس مهند مات من الضحك : اهججد بس لاا يرجع مرره ثانيه عزوز : مهبل قسم بالله ههههههههههههههههههههههههه ههههه ----------------------------------------------------- وصلوا لمكه وهم يسمعون صـوت الأذان والناس يمشون للحرم .. زحمة الشوارع وسكروا المحلات وهم يتجهون للحرم ... الشعـور بهاللحظه مايوصف ! .. مازن كان يناظر الحرم وهو سرحان .. تنهد وهو يوقف عند الفندق : مازن امش يلا نشرب مويه او اي شيء ونصلي وناخذ العمره ( وناظر مازن وهزه وباستغراب ) مااازن ماااازن اكلمك اناا ! مازن ناظره وتنهد : انا بروح للحرم اللحين .. مروان تنهد وهو يناظره : ولبدنك عليك حق ! ترا من قمت ماطب بطنك شيء مازن تنهد بضيق : مروان مالي خلق والله انت رح للفندق وخلاص مروان تنهد وهو ينزل من السياره : اوك على راحتك ترا احمد بالفندق اللحين وصل قبلنا مازن كان منزل راسه وما رد عليه .. مروان ماحب يزيد عليه وسكت وهو يسكر الباب ويمشي للفندق .. ------------------------------------------------------ تأفف بعصبيه وهو يسحب السماعه من سطام : حمممززه يـا سطام قاطعه : اا معليش يا طويل العمر بس سكر السماعه ! عناد رمى السماعه على الارض بقوه وبقهر : تدري وينه مسافر ؟ سطام تنهد : لنـدن صار متفق على صفقه مع ابـو حمد عناد تأفف : كملت والله ! الطيور على اشكالها تقع ! شف لي اقرب رحله لـلندن سطام تنهد : ان شاء الله ( وطلع وسكر الباب ) عناد تنهد وهو يمسك راسه بقوه يحس شوي وينفجر من الصداع !! ( الشبكه بعد يومين وذا الزفت كيف ألحق عليه ؟ والله اني حاس ان وراه بلوى بعد !! ااخ استغفر الله ما ادري وش قصته ذا ابو انس !! شكل له مشاكل مع واحد من عماني وانا اللي مدري وش السالفه ماكل تبن وكل شيء طايح فوق راسي ياارب رحمتك ياارب بس " ------------------------------------------------------ ناظر السماء وارتاع من صوت العواصف القويه ألتفت لمجهول وبخوف : المدينه بعيده ! والامطار غزيره .. ( وتنهد ) اتركهم افضل لك صدقني .. الوضع لا يهيئ ابداً ! مجهول عض ع شفاته السفليه وبغموض : اخر مره لا تعقدها ! حسان شهق ونقز : اتحداااك اخر مررره بتطلع !! مجهول ضحك : ااي وش فيك ؟ نقول ان شاء الله اذا صار اخر واحد من العصابه لا ينقز لنا واحد ثاني بعد حسان باستغراب : الا ليش ماتنكرت مو بالعاده ! ( وشال الكاب وضحك ) اللهم هذا الشيء مجهول ابتسم : خلاص بيعرفوني اذا تنكرت اطلع كذا افضل انري تنهد : هيا بنا تأخر الوقت مجهول تنهد : اوك ( وناظر حسان ) يلا سلام وانتبه لرحيل طيب ؟ حسان ابتسم : ابشر ان شاء الله مع السلامه مجهول ابتسم له وخذ الشنطه وطلع وركب السياره وتنهد .. ------------------------------------------------------ لفت للجسر وشهقت وهي تناظر هنادي وبخوف : هناادي الجسر احسه بيطيح بأي لحظه ! هنادي تنهدت : جوري انا وش قلت ؟ جوري حطت يدها على فمها وبعفويه : اوك اوك اسفه ماكس كتم ضحكته على جوري " سبحان الله عكس اختها تماماً هذي جديه واحياناً نفسيه وشخصيتها قويه وهذي خفيفة دم وكل حياتها مزح وتخاف من اي شيء ! " جوري ناظرت القصر وشهقت : شوفوا كيف !! والله يخوف هنادي وماكس رفعوا روسهم وناظروا القصر كبييير بشكل ! لكن الاشجار الكبيره مغطيته ... طرازه من الطراز القديم .. القصر يحاوطه الحديقه الكبيييره اللي مظلمه بشكل بشكل وكلها اشجار عملاقه ! هنادي لوت فمها " الله يستر بس الوضع مايطمن ! " ------------------------------------------------------ وقف وهو يناظر الجسر اللي يتهزهز وواضح ان ممكن بأي لحظه يطيح ! خاف وناظر مجهول : أتريد ان نستمر ايضاً ! الوضع مُخيف الجسر سيسقط في اي لحظه ! واذا سقط فلن نستطيع الخروج من هذا المكان ابداً فهو المخرج الوحيد !! مجهول بإصرار : ماعليك الله بيسر ان شاء الله يلا امش وراك وقفت ؟ انري تنهد ومشى بالسياره وصلوا للقصر اللي مغطيه الاشجار الكبيره وهم يناظرونه باستغراب ! مجهول خذ الكمام وحطه ولبس الكاب ولف لآنري وغمز له : خلنا على مثل ما اتفقنا عليه اوكي ؟ انري تنهد : اوكي .. مجهول نزل من السياره ودخل يديه ف جيوبه وهو يسكر الباب ببرود .. ومشى ورا انري على اساس انه ولده ! ------------------------------------------------------ فتحوا لهم الخدم الباب ودخل ورا آنري .. كان الوضع مُشتت تقريباً كل واحد بجهه ... حتى سمعوا صوت الرعد القووي وشوي وصوت شيء قووووي طاح ماعرفوا ايش هو .. خافوا واستغربوا بنفس الوقت ولفوا للحارس اللي كان واقف عند الباب .. الحارس تنهد وبخوف : لا داعي للقلق ! الجسـر سقط فقط ! جوري شهقت : لااا وبعد يقوول لااداعي للقلق والجسر طااح اناا قايـ هنادي سكرت فم جوري وبهمس وبعصبيه : جووري كلي تبن وش اتفقنا عليه ؟ جوري شافت الكل يناظرها : وي اسفه اسفه ( وعضت على شفاتها وهي كاتمه ضحكتها ) مجهول ناظرها وابتسم .. ولف لآنري وبهمس : احس انهم متعمدين يطيح الجسر انري ابتسم وناظره : بالضبط ! لكن مالفائده من هذا لا ادري ! مجهول لوى فمه وهو يناظر المدعوين .. اشكالهم ماتطمن .. بس اللي مستغرب منه هالخبله من هي ووش جايبها ( وناظر جوري وكتم ضحكته وهو يشوفها متحمسه وهي تكلم هنادي بصوت عالي وهنادي شوي وتكفخها من العصبيه وماكس شوي ويموت من الضحك ) شوي ودخل شاب ببدله رسميه وهو مبتسم .. من شكله باين انه ببداية العشرينات ... ناظرهم وتنهد : اهـلاً بكم جميعكم ... ( وبعد عن الباب وابتسم ) تفضـلوا لطاولة الطعـام .. المدعوين دخلوا من الباب الكبير الخشبي لغرفة الطعام ... مجهول عقد حواجبه وهو يناظر الشاب .. لف لآنري وهمس له : انت رح وانا بطلع انري عقد حواجبه وهو يناظر الصاله اللي مافيها الا مجهول وهو والحراس اللي واقفين عند كل باب وبهمس : ووين بتروح ؟ مجهول ابتسم وبصوت عالي تقريباً وهو يمسك بطنه : اااه ( وناظر الحارس اللي كان قدامهم ) اين دورة المياه ؟ الحارس أشر على غرفة طاولة الطعام : يوجـد هناك ويوجد هناك ايضاً ( وأشر للباب اللي على يسارهم ) ولكن ذلك الممر مظلم اـ مجهول ما خلاه يكمل كلامه وركض بتعب مُمثل للباب اللي على اليسار ودف الحارس وبسرعه دخل الممر وعلى طول على الحمام الله يكرمكم انري بتردد : عـذراً ولكن ابني مريض اليوم ولكنه أصر على الحضور لـرؤية المدعوين وسيدي ( وابتسم ) الحارس بشك : ومن انت ؟ انري ابتسم : ستيفـن أب هـاري .. الحارس ابتسم وبترحيب : اهلاً اهلاً بك تفضل ياسيدي انري ابتسم : شُكراً .. ولكن اذا رأيت ابني اخبره انني بداخل هذه الغرفه ( واشر على غرفة طاولة الطعام ) الحارس ابتسم : حسناً انري تنهد ودخل الغرفه وهو يفكر بمجهول ونفسه يعرف بإيش يفكر فيه .. ----------------------------------------------------- شاف ريما ورشا جالسين ويسولفون .. استغرب ان رنيم مو معاهم ؟ .. قرب من عندهم وابتسم وتنهد : السلام ريما ورشا ابتسموا له : وعليكم السلام باسل بلل شفاته وبتردد : حاب اسأل بس رنيم وينها هالأيام ؟ ريما ابتسمت : بالشقه بس ع شانها تعبانه فما حضرت هالأسبوع باسل : اها سلامتها ريما بابتسامه : الله يسلمك باسل ابتسم لهم ومشى عنهم وتنهد .. رشا شهقت وبصدمه : اصفقيني اصفقيني باسل النفسيه ابتسم لي ! ريما ضحكت : لا خلينا من هذا جاي يسأل عن رنيم والله لو تدري ان تتشقق .. رشا كشرت : ياكرهي له بس ( وابتسمت ) شوفي شوفي ديفيد جممميل صح ؟ ريما ابتسمت وبمزح : مملوح بس مو زي بسام رشا كشرت : وع عليك وعليه استغفر الله .. المهم شوفي تصويري الاحترافي ( وفتحت جوالها وورتها الصوره ) هاا كيف ؟ ريما ماتت من الضحك : ههههههههههههههههههههههههه هه وشش ذا ياا احتررافهم ؟ ------------------------------------------------------ نطوا عليه يوم شافوه طلع لهم وهم يضحكون ويعلقون عليه .. اسامه ابتسم وصفر : يااااخطيير يااانت .. عزام بابتسامه : الحضور كثيييير ما توقعت لهالدرجه ! باسل ربت على كتف بسام وغمز له : يلا عاد لا تخيب أملنا فيك ناصر ابتسم : فالك البيرق يالغالي امجد ابتسم : شف عاد ان مافزت بأكوفنك يكفي اني تارك دراستي ومقابل وجهك ! بسام ضحك : الله يسلمكم وان شاء الله ( وتنهد ) افوز بالرالي .. وبعدين تعال انت اليوم ويكند ماتمل من الكتب ؟ اسامه خذ نظارة امجد وضحك : هذي ماجت لعبث امجد ضحك : جبهاا يالححيوان شوي وشاف بسام المدرب اللي يأشر له .. بسام ابتسم : يلاا اجل دعواتكم مع السلامه ( ومشى للمدرب وتعالت الصفقات هنا يوم اجتمعوا المتسابقين ) اسامه ابتسم وبصوت عالي : بسييييم هممممتك عزام تنهد وبابتسامه خفيفه : ان شاء الله يفوز مع ان المتسابقين اللي معه معروفين بالرالي وحققوا نجاح كبير من قبل .. ناصر ابتسم : ماعليك بسام قدهاا ان شاء الله باسل ابتسم وبنفسه ( ياارب انك ماتخيب ظنه وتحقق اللي بداخله ياارب ) ------------------------------------------------------ قام من النوم وتثاوب مشى للحمام ( الله يكرمكم غسل وجهه وطلع .. شاف الغرفه ظلاااام وبااارده ونايمين مشعل وصديقه .. تنهد وخذ جواله وطلع للصاله .. شف المكالمات اللي من يزيد استغرب وخاف بنفس الوقت ان صاير لهم شيء لا قدر الله .. دق وثواني ورد عليه .. علاوي ابتسم وتنهد : هلا يزيد يزيد بسرعه : انت بخخير ؟ علاوي ضحك : ااي الحمدلله وش فيك ؟ يزيد تنهد : اللحين وراك ماترد ؟ علاوي : كان الجوال على السايلنت يزيد بلل شفاته : المهم ماعلينا وصلت للوس انجلوس ؟ علاوي ابتسم : ااي الحمدلله يزيد : الحمدلله على السلامه علاوي : الله يسلمك يزيد تنهد وبقهر : بس تعاال اللحين من ججدك تسمع كلام هالخبل ياسر وتسافر مع اخوياك بدون ماتقول لابوي ؟ انت عارف ياسر شكل من بعد البعثه تفتح مخه مرره وصار كل شيء عنده عاادي ! علاوي تنهد : بالأساس ماكنت متحمس لأني عارف ابوي بيرفض بس قال لي ياسر لا عادي رح ووسع صدرك يارجال وابوي ماراح يقول شيء وصدقني ومن هالكلام ودق خويي بعد وزاد مع ياسر .. فـ مدري خذت شنطتي والجواز ومشيت يزيد بلع ريقه : اجل اسمع هذي اول مره واخر مره ان شاء الله لا تسوي شيء الا وانت قايل لابوي او لي ! على العموم بأحجز لك على اقرب طياره للرياض علاوي كشر : لا تكفى ابغى اوسع صدري يزيد تنهد : اوعدك ان شاء الله اسافر معاك مره ثانيه للي تبي بس هالمره اعذرني صعبه صعبه رايح لحالك وانت توك صغير .. علاوي : معاي اخوياي مو لحالي يزيد : ولو ابوي لو درا صدقني ليقوم الدنيا كلها علينا .. قلنا له انك نايم عند خويك وجوالك ناسيه في البيت ومشت عليه الكذبه وتو قال لي رح جب اخوك ... علاوي لوى فمه : عادي قل له يزيد بصدمه : اييش ؟ جاك ماجاء ياسر علاوي ضحك : لا والله بس حرام يعني ارجع الجو بطل اليوم يزيد تنهد : ارجع بس وابشر بالعوض علاوي تنهد وبضيق : اوك ابشر بشوف لي اليوم اقرب رحله .. يزيد : زعل هالزعول عاد .. بنعوضك ان شاء الله بس والله خايفين عليك هذا قصدي والله ولا كان قلت رح بالطقاق وش علي منك .. علاوي ابتسم : لا والله مازعلت شدعوه .. وانا عارف ماقلت كذا الا لمصلحتي .. ( وسمع صوت مشعل اللي يناديه ) طييب طييب جااي لحظه يزيد ابتسم : خلاص اجل شف لك اقرب رحله .. وانتبه لنفسك وانا اخوك يلا ما اطول عليك مع السلامه علاوي ابتسم : ان شاء الله مع السلامه ( وسكر الجوال وتنهد ودخله بجيبه ومشى لعند مشعل اللي يناديه وبإنزعاج ) هااه هااه يالقلق وش تبي ؟ ------------------------------------------------------ سكر من علاوي ووقف عند المركز .. نزل من السياره وقفلها وتنهد هو يدخل يديه ف جيوبه ... دخله العسكري على مكتب الضابط زياد .... ( ابتسم وسلم عليه ) هلاا والله زياد ابتسم : هلا هلا يزيد اخبارك ؟ يزيد ابتسم : بخير الحمدلله وانت وش اخبارك ؟ زياد تنهد : ماشي الحال الحمدلله يزيد انتبه لهيثم وابتسم ابتسامه واسعه وهو يسلم عليه : اهلاااً هيثمم اخباارك ؟ هيثم ابتسم : الحمدلله وانت اخبارك ؟ يزيد ابتسم : الحمدلله بخير .. شوي وانفتح الباب ودخل شاب لابس ثوب ومتلثم .. زياد عقد حواجبه : نعم اخوي وش مدخلك بدون اذن مني ووين العسكر عنك ؟ ( وبصوت عالي ) محممممد ياااا محمممد شال اللثمه وضحك : معقوله حتى ولد اختك تبغاه يستأذن يدخل ولا ما يدخل ياحضرة الضابط ؟ يزيد وزياد تصنمـوا من الصصدمه !! .. هيثم ناظره باستغراب وهو مو فاهم شيء ! ميثم ابتسم وفتح يدينه وهو يقرب من هيثم : ماودك تسلم على اخوك ؟ هيثم صرخ : مييييييييييثثثثثثثثثمممم ( وحضنه بقوه وخانته دمعته اللي نزلت ) ميثم ابتسم وشد على هيثم .. يزيد ابتسم ابتسامه واسعه .. زياد وقف عند ميثم وناظره بصدمه : معقوووله ! مييثم انت حي ؟ كيف ومتى اصلاً ؟ ميثم حضن زياد : لا تسـألني عن شيء ! لأنك ماراح تستفيد من الاجابه .. زياد حضنه بقوه وهو مو مصدق من الفرحه : يارجال شوفتك تسوى كل شيء .. يزيد رن جواله وابتسم وهو يرد على الرقم ويحطه على السبيكر : هـلا والله ضحك : هاا كيف صدقت اللحين ؟ ميثم ابتسم يوم سمع الصوت وهو عارفه بس ماتكلم .. يزيد ابتسم وهو يناظر ميثم : ااي بس مو ناوي تقول من انت ؟ ابتسم وبغموض : كل شيء بوقته حلو ( وقفل الخط ) يزيد ناظر ميثم ورفع حاجبه : ميثم اعترف من ذا ؟ ميثم ضحك : اعذرني ما اقدر .. زياد بصدمه : يعني تعرفه ؟ ميثم ابتسم : وتمام المعرفه والنعم فيه بعد .. زياد تنهد : يلا المهم انك رجعت لنا وانت بخير الحمدلله هذي اكبر نعمه ميثم ابتسم : ااي الحمدلله ( ولف لهيثم اللي كان مغطي وجهه بيديه ضحك وجلس جنبه ) هيثم هثيّم .. هيثم وخر يديه وهو مو مستوعب : ماني مصدق ! زياد ابتسم : لا صدق حبيبي حلمك صار واقع .. ميثم ابتسم وسحب هيثم معه : يلاا اجل سلاام ( وطلعوا برا المكتب ) يزيد ابتسم ولف لزياد : هاللي كلمنا عندي احساس انه هو العسكري اللي دخله ! زياد تنهد وابتسم : ماعليك انا بمسك ميثم اليوم تحقيق عن كل صغيره وكبيره ان شاء الله .. ------------------------------------------------------ ناظر الغرفه وابتسم .. لف لحسان وغمز له : قم قم بس مادام محد فيه الا انا وانت حسان باستغراب : ليش وش تبي ؟ شارل وقف ومشى لغرفة مجهول فتح الباب وابتسم : تعاال نشوف وش قصة هالمجهول ! حسان بصدمه : لااا سسلامات وااثق فيناا هو ححرام نـ شارل قاطعه وكشر : اقول لا يكثر .. ( ومشى للدروج وحاول يفتحها بس كانت مسكره ماعدا الدرج الاول فتح الدرج الاول وكان فيه ألبوم صور .. جلس على الارض وهو يشوف الصور ، ناظر صورة طفل عمره تقريباً 3 سنوات وباستغراب : تتوقع هذا مجهول ؟ حسان جلس جنبه وتنهد : لاا ويين هو ابيض وهذا حنطي شارل مسك صوره شاب بـ19 من عمره تقريباً وبجنبه واحد يشبهه كثير وابتسم : هذا هو انا متأكد حسان باستغراب : تتوقع مين اللي جنبه ؟ يشبه له كثير ! شارل عقد حواجبه : يمكن اخوه .. لحظه شف مكتوب اسم هنا بس شاقه ليش تتوقع ؟ اول حرف B واضح ! حسان تنهد : D وش B بعد انت ؟ شارل : يا d يا b واحد من هالاثنين حسان باستغراب : بس ليش شاق الاسم ؟ شارل ابتسم : واضحه هو متوقع اننا بنتلقف وبنحوس بدروجه ف ع شان كذا قفلها كلها ماعدا الاول .. ( وباستغراب ) بس ليش ماقفل الاول ؟ حسان تنهد وهو ياخذ الالبوم ويحطه بالدرج ويسكره وبندم : حرام هو واثق فينا وما ابغى اهدم ثقته فيني .... ياخبر اليوم بفلوس بكره ببلاش شارل بقهر : ودي اعرف كل شيء عنه واشيل هالغموض اللي فاقع مرارتي حسان ضحك وهو يطلع برا الغرفه ولحقه شارل اللي يفكر بمجهول .. ------------------------------------------------------ ماقدر يتحمل اكثر ونزلت دموعه .. أستحقـر نفسه على ذنوبـه اللي كان يسويها على النعـم اللي كان ربي منعمه فيها وهو كان يعصيـه بهالنعم ! بمعاصيه واصدقاء السـوء والسهرات والبنات واخته ... بهاللحـظه ما يتمنـى شيء غير ان الله يسـامحه ويتوب عنه ... سجـد لله ونزلت دموعه وهو يرتجف من خشيـة الله .. من السنين اللي مضت وهو يعصي الله فيها من تضييعه للصلاة ! من قطعه بعـلاقته مع ربه وخالقه ! ... سلموا من الصلاة وتنهد وهو يلف لمروان : مروان انا منتهي اللحين مررره بروح الفندق .. انت بتجلس مع مازن ؟ مروان تنهد وهو يناظر مازن اللي للحين ساجد : ااي بقرا قرآن على مايخلص من الصلاة ابتسم له بتعب : اجل يلا انا برجع مع السلامه مروان ابتسم : مع السلامه ( ومسك المصحف وجلس يقرآ ثلث ساعه تقريباً ... ماحس بنفسه الا باللي حط يده على كتف مروان وبخوف : اخوي هالشاب اللي معك له اكثر من ثلث ساعه ساجد .. شف لا يصير فيه شيء لا قدر الله مروان تذكر مازن ولف له وشافه للحين ساجد خاف عليه وحط يده على كتفه : مااازن ماااااااازن ..!!! ------------------------------------------------------ انتهــى البـارت قـراءه مُمتـعه وان شاء الله ينـال على اعجابكم ♡ استغفـر الله ♡ استغفـر الله ♡ استغفـر الله ♡ Like لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة قديم 11-04-14, 03:57 AM #72 لامارا مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام الصورة الرمزية لامارا ? العضوٌ??? » 216 ? التسِجيلٌ » Dec 2007 ? مشَارَ?اتْي » 87,661 ? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute افتراضي البـارت السـادس والعشـرون ( 3 - 3 ) ------------------------------------------------------ ركض بسـرعه واحد من اللي كانوا يناظرون الموقف بشفقه وبحزن .. وحط راسه على يسار صدر مازن بس ماكان فيه اي نبض .... تنهد وناظر مروان اللي كان مصـدووم ومانطق بـ ولا حرف : هذي نهايتنا وانا اخوك كلنا ماشين على هالطريق .. والحمدلله شف حسن خاتمته ميت وهو ساجد وبأطهر البقاع ! مروان ناظر مازن اللي شالوه معاهم وغطوه .. وبلع ريقه وهو مو مستوعب ابداً ! حط يده على كتف مروان وتنهد : اخـ مروان وقف وبسرعه ركض وراهم وبصراخ وهو يشيل المفرش الابيض من وجه مازن : مااااااازن ماااا ماااااتتت ماااا ماااات ... مااااازن ماااازن تسسمعني صصح ( ومسك يده ونزلت دموعه ) مااازن اناا مرووووان مروووان اللـ ( ما امداه يكمل كلامه لأن العسكر سحبوه وبعدوه عن مازن وهم يحاولون يهدونه ..) قرب من عنده شايب كبير ملتحي ودموعه على خده : يااارب حسسن الخااتمه يااارب حسسن الخااتمه ياارب انك تحسن خاتمتنا ياارب ( وناظر مروان وهو مبتسم ودموعه ماوقفت ) المفروض تفرح ياوليدي من مات على شيء بعث عليه ومن حسنت خاتمته فهو في الجنه ان شاء الله .. لا وبعد في يوم فضيل في يوم الجمعـه وفي بيـت الله وبأطهـر البقاع .. مروان نزل راسه بحيث ماتبان دموعه اللي ما وقفت والرجال حوله يهدونه .. كان منهـار ومو مصـدق !! مااازن اللي تو يضحك ويسولف معاه ! اللي من سنيين وهو يشتغل معاه ويعرف عنه كل شيء !! مااات ! راح لربه ! ماراح اشوفه ابد ! ------------------------------------------------------ تنهد وهو يرفع راسه ويبتسم : وبس هذا اللي صار هيثم ناظره وبعدم استيعاب : معقوله كل هذا صاير لك !! توقعت هالشيء يحصل بالافلام بس !! ميثم ضحك : لا حصل لي صدق وتعلمت من كل تجربه حصلت لي الحمدلله .. هيثم ابتسم : تصدق والله امس محلم فيك انك رجعت ( ورفع راسه وهو مبتسم ) بس ماقلت لي تعرف مجهول انت ؟ ميثم ابتسم : والله شف اسمه واهله وزي كذا ما اعرف .. هيثم باستغراب : طيب كيف خذ رقم يزيد ؟ ووش دراه اصلاً عن خالي زياد ! ميثم تنهد : لا تسألني عنه هالولد كل شيء فيه غاامض غااممض لو تجلس معه سنين ما تعرف شيء من غموضه هيثم كشر : ما احب اللي كذا تحوم كبدي ميثم ضحك :عاد انت ملقوف تبي تعرف كل شيء ------------------------------------------------------ رفع راسه وتثاوب يوم شاف الباب ينفتح ودخلوا ميثم وهيثم اللي كانوا يضحكون ومندمجين بالسوالف ... ابتسم وهو يوقف : مابغيتوا ترجعون ميثم ناظر ساعته وضحك : تونا 2 ونص زياد بلل شفاته ونزل راسه هيثم عرف انه يبغى يكلم ميثم وابتسم : يلا تصبحون على خير زياد وميثم : وانت من اهله هيثم مشى للدرج وراح لغرفته زياد تنهد يوم سمع الباب يتسكر ولف لهيثم وابتسم : ويلا طحت بيديني ميثم رمى نفسه على الكنب وضحك وبنعاس : لا تسألني عنه لأني ماراح اجاوبك لو تقص رقبتي زياد بصدمه : اعووذ بالله وليش ياكافي ! ميثم ضحك : مو لازم تعرف خلاص زياد ابتسم : طيب اسمع ميثم ابتسم : هلا زياد : هيثم هالايام حالته متحسنه بشكل كبير ... بس ساحب على مواعيد المستشفى وتعبت من كثر ما اقول له بكره عنده موعد تروح معه ؟ ميثم تنهد وبابتسامه : ااي اكيد يبشر ماوراي شيء زياد بابتسامه : وفي الليل خالك مسوي عزيمه كبيره ولازم تحضر ميثم تنهد : لا اله الا الله ما امداني اجي الا ونشرت الخبر زياد ضحك : حتى مهند وعبدالعزيز زملائك بالجامعه يبغون يشوفونك بكره ميثم وقف وبثقه : شفت كيف ان الناس تبغى تشوفني وتـ زياد قاطعه وكشر وهو يدفه برا الصاله : اقول رح اخمد بس وبلا ثقه زايده تراها شينه ميثم ضحك : طيب طيب لاا تدف واتكسر بعدين أرميك بالسجن يالضابط زياد رفع حاجبه : الله على شان كسر ترميني بالسجن ! ميثم بثقه وبمزح : اي حبيبي كسرت عظم ميثـم ولـد محمـد وماتبغاهم يقولون لك شيء ؟ زياد كشر : ياليييل يااشيين الثققه الزاايده ------------------------------------------------------ تنهد ورفع راسه وناظره وابتسم : ابوي مارفض الا لمصلحتك وحط هالشيء ف بالك .. عبود لوى فمه : امي طيب شلون مصلحتي ؟ سامي تنهد : عاد مدري .. خلاص بعدين بتعرف مصير هالشيء اللي ماندري وش قصته ينكشف .. عبود بسخريه : حسستني انها قضيه ! المهم ماعلينا جوعان سامي تنهد وهو يمسك يد البلايستيشن : انت دايم جوعان مو شيء جديد المشكله ( وبقهر ) تاكل وتاكل وتاكل ومااتسمن !! وانا لو كلت وجبه بس سمنت 5 كيلو عبود ضحك بقوه : يااحبك للمبالغه بس هههههههههههههههههههههه سامي لوى فمه : اوص بس ولا يكثر .. مسوي دايت انا لا تخرب علي عبود ضحك : دايت ؟ اجل انتظر بأروح اجيب لي شيء انقنق عليه سامي رفع حاجبه : اذا انا مسوي دايت عادي تجيب مفطح ماعندك مشكله وصخ حيوان عبدالله ضحك : هههههههههههههههههههههههه لحظه اصبر بس ( وقام برا الملحق ) ------------------------------------------------------ ناظرتها وابتسمت بضيق على حالتها : سديم حبيبتي هذا شيء ربي كاتبه مو بيدك ولا بيد يوسف .. الله انعم عليك بنعم كثيره ومارزقك بنعمة الابناء احمدي ربك على النعم اللي حولك وناظري للي اقل منك واشكري ربك على هالنعم .. ماتدرين يآما ويآما ناس جلسوا سنيين وربي رزقهم الحمدلله صديقتي امها وابوها جلسوا 15 سنـه وربي رزقهم بـ4عيال الحمدلله .. سديم ابتسمت وهي تناظرها وتنهدت : وش كثر كلامك يريح ياهديل .. هديل ضحكت : الله يسلمك سديم تنهدت وبتردد : اا هديل شسمه ( وابتسمت ) انا ما اعرف افتح مواضيع زي كذا ا هديل باستغراب : وش فيك سديم ؟ سديم ابتسمت وتنهدت : اخـوي سليمـان يبيك على سنة الله ورسوله .... هو قايل من اول بس قال اذا خلصت من الطب ان شاء الله اخطبها .. وخلص هالايام الحمدلله وقال لي قبل اشوف رايك ع شان يتقدم رسمي .. يبغى يعرف رايك قبل مايجي يعني هديل نزلت راسها وتذكرت عصام وتضايقت ...تنهدت رفعت راسها وبابتسامه خفيفه وبضيق : حالياً ما افكر بالزواج ابد ياسديم .. سديم ابتسمت : ماعنده مشكله ينتظرك المهم انك موافقه عليه .. ما ابغى ردك اليوم فكري واستخيري وخذي راحتك مرره بالتفكير والله يوفقكم ياارب .. هديل نزلت راسها بضيق وما ردت . سديم فهمتها بأنها استحت وابتسمت وقامت وتركتها .. هديل تنهدت وسندت ظهرها على الجدار بضيق وهي تفكر بعصام وكلام خالتها .. ------------------------------------------------------ * نجووووووود نجووووووود * ناظرت امها وقامت وتنهدت : هلا يمه ام احمد عطتها الحلى : وديه لنايف نجود بلعت ريقها وعقدت حواجبها : نايف ؟ طيب وين أسيل ام احمد تنهدت : حبيبتي اذا ماتبين انا اوديه نجود قاطعتها وابتسمت : لاا شدعوه بس وينه فيه ؟ ام احمد ابتسمت : برا عند قسم الرجال مع نواف يمكن نجود هزت راسها وخذت طرحتها وطلعت لـ عند قسم الرجال وهي مرتبكه وخايفه .... ------------------------------------------------------ كانوا جالسين على الكراسي ويسولفون ومندمجين بالسواليف ... ارتبكت يوم سمعت ضحكته العاليه .. وبلعت ريقها وهي تحط الحلى على الطاوله اللي جنبها وبصوت عالي تقريباً ع شان يسمعونها : نـايف نـواف امي تقول خذوا هالحلى نواف ابتسم وغمز لنايف وبهمس : قم فز لها نايف عرفها من صوتها وبضيق : رح انت منيب رايح انا نواف بصدمه : الله وش عندي !! من جدك ناايف ؟ هذي الححب الححب حبييبة الققلب ام عيالك بعد ( وضحك بقوه ) نايف بضيق : مالي خلقك ترا قم بس رح جبه دخلت هي نواف ناظره وبصدمه : يااسساتر وش صااير نايف يسمع صوتها ولا يفز وولا يبتسم وولا شيء !! نايف انسدح على الكرسي وتنهد وبضيق : اسكت واللي يرحم والديك منيب ناقص لك ابد نواف لوى فمه باستغراب وقام على رنين جواله : طيب طيب انا بـرد على جوالي رح جبه انت .. نايف تنهد وقام ومشى وهو منزل راسها لمحها وهي تدخل لقسم الحريم تنهد وخذ الحلى ومشى لعند الكراسي شوي وسمع صراخ نواف : من جججدك انتت ترررى هالأمووور ماافيهاا مززح ماافيهااا مزززح !!! ------------------------------------------------------ قربت الملعقه من فمه وهي كاتمه ضحكتها : احسن احسن تستاهل يلا كل بس فارس لف وجهه : كليه انتي أليس ضحكت ورفعت حاجبها : اسمع ترا بقول لأحمد يخليك تخيس هنا ولا يكتب لك خروج ! فارس تأفف وبقهر : لا عاد ماصدقت على الله .. أليس ضحكت وبدلع : حبيبي فارس يلا كل فارس ابتسم وناظرها .. أليس استحت من نظراته ورمت الملعقه : لا تاكل احسن مت من الجوع فارس مات من الضحك : ههههههههههههههههههههه جت منك الحمدلله أليس ابتسمت ومسكت جوالها وانشغلت فيه .. وفارس يناظرها وسرحان ... ------------------------------------------------------ فتحت الباب بقوه وهي مبتسمه وبفرح : عططوني البششاره نغم فزت : بششري بششري لحن ابتسمت : توني راجعه من المحامي جاسـم خجل كشرت : يع ياشين اخوه ! دلع ضحكت : هذا همها .. الزبده وش قال ؟ شوي وانفتح الباب بقوه رفعت حاجبها وهي مكشره : وش عندكم ؟ لحن تأففت : بلا لقافه واطلعي وسكري الباب وراك هيفا بعصبيه :لححن عن ققلة الادب !! لحن بسخريه : ليش وش بتسوين بعد ؟ هيفا ضحكت وبسخريه : مدري عن خالك كل يوم وله اسلوب جديد معاكم لحن بقهر : وكل اسلوب يثبت لنا انه كلب اكثر من قبل ! هيفا لوت فمها وضحكت : اصبري اقول له خليه ينظف لسانك الوصخ يامقرفه ( وطلعت وصقعت الباب بالجدار بقوه ) دلع بلعت ريقها وبخوف : لحن وش سويتي ؟ لحن ابتسمت : اسمعوني اللحين وماعليكم .. خذوا عباياتكم بس وانزلوا .. خجل باستغراب : ليش ؟ لحن بابتسامه : ماعليك انتي سوي اللي اقول لك عليه وبس .. ------------------------------------------------------ نزل من الدرج وهو يدندن شاف ابوه يناظره وهو كاتم ضحكته وياسر يتشكى منه وهو مكشر .... ضحك ورفع حاجبه : وش عندك ياسروه ؟ ياسر لف لأبوه : يبه ترا ولدك رفع ضغطي ! تصرف معاه ( وتأفف ) ابو يزيد ضحك : انت اللحين كيف كسرت دريشته ؟ مهند ضحك : دريشته قزاز وخفيف مره احسن ع شان المره الثانيه يحط لها مقوي ثاني .. يزيد ابتسم : طيب وابو حمد يتشكى عند ابوي اليوم الفجر منكم ؟ مهند ناظر ياسر وماتوا من الضحك ... مهند انسدح على الكنب وضحك : انا مالي شغل البلاء من ولدك ياسر بصدمه : شف حطها فيني ؟ مهند ابتسم : الزبده يبه ابي 100 بأطلع مع اخوياي ابو يزيد تنهد : شف بوكي فوق .. يزيد وهو يناظر جواله : وقربت المباراة ياهنيّد مهند اتسعت ابتسامته اكثر : ااي بعد بكره ان شاء الله يزيد بسرعه : ع الطاري صصح بسساام اللحين الررالي مهند فز بسرعه : اااي ااي حط القنااة بسسرعه .. يزيد لف لياسر : وش هي القناة ؟ ياسر : مدري باسل راسلها لأبوي يبه عطني جوالك ابو يزيد عطى ياسر جواله .. ياسر ابتسم : ااي ااي هذي هي جب الريموت .. ------------------------------------------------------ يمشي وهو سرحان ويفكر بأهله .. صحى من سرحانه على خويه اللي طقه على كتفه وبحماس : علاااوي شف شف هالمززه ( وابتسم ابتسامه واسعه ) علاوي نزل راسه : غض بصرك انت ووجهك حرام ضحك وباستهتار : يارجال رح بس .. جايبني عند هالشقر والبرصان وتقول غض بصرك ؟ علاوي كشر : استغفر الله بس طيب لا تجاهر كل تبن وانثبر ! ابتسم وهو يناظرها : صديقتها اللي على اليمين تشلع القلب ياشيخ علاوي لوى فمه وما رد عليه وطلع جواله وانشغل فيه وتنهد .. دف علاوي اللي كان سرحان مع كتفه وبقوه وبابتسامه واسعه : وهذا صـديقي عـلاوي البنت ابتسمت ومدت يدها : اهـلاً هل ستأتون اليوم للحفله ( وغمزت له ) ابتسم ابتسامه واسعه : طبعاً طبعاً علاوي عقد حواجبه وباستغراب : اي حفله ؟ البنت تفشلت ونزلت يدها يوم شافت علاوي ماعطاها وجه .. طق علاوي بخفه بكتفه وبهمس : اوص اقول لك بعدين .. ------------------------------------------------------ جالسين عندها يسولفون ويتقهوون معاها .. تنهدت وهي تاخذ القهوه : الا ما جهزتوا شناطكم بكره المغرب بنمشي ان شاء الله عبير بوزت : الا هف يازين المزرعه بس لجين لوت فمها : من جد ماودنا نطلع الجده ابتسمت : ان شاء الله الجايات اكثر بس اللحين ورانا شبكة ندى وعناد وثامر عمكم وخطبته .. بتول شهقت : اماانه بيتزووج ؟ وجدان ابتسمت : واخييراً ماابغى الجده ناظرتهم كلهم وباستغراب : الا وينها هـديل ؟؟ سديم بلعت ريقها : نايمه تقول تعبانه شوي الجده تضايقت ونزلت راسها .. ناظرت ندى اللي قدامها وتنهدت : ندى قومي نادي بنت عمتك ندى هزت راسها ووقفت : ان شاء الله ( ومشت للدرج ) ------------------------------------------------------ تنهد وهو يجلس على الكراسي ويشرب المويه بتعب ويتسند على الكرسي : ياارججال عساك سالم بس .. تركي لف لخالد اللي كان يمشي بالسير وحاط السماعات بأذنه ويسولف ويضحك .... وضحك : خالد عايش جو ثاني .. سلمان تنهد وهو ياخذ فوطته : الله يرزقنا وانا اخوك بس .... انا بنزل للمسبح من يجي معاي ؟ فهد بتعب : انا خلاص انهد حيلي سلمان كشر : والله انك جايب الغثى لنفسك بلا تنشيف بلا هم عزوز جلس على الكرسي وتنهد : فيه من طبع مهند .. مره تضخيم ومره تنشيف .. وبس بلع بهالحبوب تركي تنهد : خلهم ينشفون لين يموتون ولا ذا التضخيم قسم بالله حتى المزح اخاف امزح معاهم فهد مات من الضحك : ياسسااتر لهالدرجه ههههههههههههههههههههههههه ه شفت ان لنا هيبه تركي كشر : ااي باين قال هيبه قال عزوز : اللحين اذا طلعنا من النادي وين بنروح ؟ سلمان : بنجتمع اليوم عند يزيد .. الزبده انا بنزل اللحين يلا سلام ( ومشى من عندهم وقرب من عند خالد وبمزح وهو يحط يده على كتف خالد وينعم صوته : اهلين حيااتي ؟ خالد كتم ضحكته : هلا حبيبتي تركي تنهد : طول وبعرض ويقول حبيبتي ( وناظر خالد وضحك ) وانت اثقل لا تذبحك المدام خالد مات من الضحك : هههههههههههههههههههههه سلمان يالنشبه انقلع .. سلمان ضحك : بنزل انا اصلاً ( وناظر تركي ) تريك بالله تعال معاي فاضي المسبح اللحين ترا تركي تنهد وابتسم وهو يوقف : اوك مشينا ( ومشى معاه ونزلوا من الدرج وهم يضحكون ويسولفون ) ------------------------------------------------------ تأففت وهي تجلس على الكرسي وبملل : هف سلمى مو جايه اغصان مسكت الفستان وتنهدت : وش رايك بهذا ؟ وداد خذت شنطتها ووقفت : مدري خذي اللي يعجبك اغصان انقهرت : حلوه ذي هي لي ولا لك !! وداد يا ماما زواجك بعد اسبوعين !!! بعد متتى ؟ اسسبووعين !! وانتي ماشريتي ولا شيء ! وداد لوت فمها : مو مشكلتي مشكلته من قال له يقدم الزواج ! اغصان تكتفت وبقهر: طيب واذا قدمه ؟ خلاص ماتشترين شيء وداد تأففت : ماقلت شيء انا بس بروح اشتري لي شيء يعدل هالراس وجايتك ( وتأففت وهي تطلع برا المحل وتتحلطم ) اغصان تنهدت : عنيد وعنيده كيف يجتمعون ما ادري ! ما استغرب اذا تطلقوا بليلة عرسهم ( وتنهدت ) الله يوفقهم بس ------------------------------------------------------ سكرت الشنطه وتنهدت بتعب وهي ترجع خصلات شعرها لورا ( رفعت راسها وشافته يناظرها .. ابتسمت بخجل ونزلت راسها وقامت ترتب دولابها .. فواز تنهد : يعني بكره الصباح رحلتك ؟ منار : ااي فواز لوى فمه وتنهد بضيق : يلا تروحين وترجعين بالسلامه منار خذت فستانها ورمته على السرير : الله يسلمك ( وقفت جنبه وحطت يدها على كتفه وميلت راسها وابتسمت : وش تشوف ؟ فواز ضحك وهو يرفع الألبوم : أخيس ليله كانت ياليت من يعوضها .. منار استحت يوم شافت الصوره وخذتها ووزتها ورا ظهرها : وصخ انت وهالمصوره الوصخه بعد فواز ضحك بقوه : ههههههههههههههههههههه بالله شوفي هالصوره شوي وتصيحين .. منار ناظرت الصوره وبوزت : جد ما كنت ادري اصيح على صراخك وعصبيتك ذاك اليوم ولا على توتري ولا هالخبله المصوره .. ( ومشت للتسريحه وجلست على الكرسي وهي تاخذ المناكير ) فواز ابتسم وهو يناظرها وسكت . ------------------------------------------------------ تأففت بقهر من كلام اسما وغيدا وبلعت ريقها : اسمعي مُناي انا رايي انك ترجعين لزوجك اوكي جننيه صرقعيه بكيفك بس لا تتطلقين وتشتتين عيالك ! غيدا كشرت : غااده انتي ماتدرين عن شيء ( وناظرت منى وتنهدت ) منى نصيحتي بس افتكي منه ومن غثاه ! اللي شفتيه مو سهل اسما تنهدت : وانا مع غيدا .. اسألي اختك اللي عاشت مثل تجربتك .. ما ابغاك تصيرين مثلي يا منى .... غاده عصبت : مهبل انتوا لا تلعبون براس البنت !! منى ماعليك صلي استخاره بس وفكري خذي لك لو شهر تفكرين لا تستعجلين ابد ابد ! منى تنهدت وبـحيره وبضيق : ان شاء الله ( وبابتسامه باهته ) عن اذنكم ( وخذت جوالها وطلعت برا الغرفه ) غيدا لوت فمها وتنهدت وسكتت اسما بللت شفاتها : الله يعينها بس غاده بقهر : اسمعوا انتوا لا تقعدون تلعبون براسها !! ولا تستعجلونها ! وترا حرام اللي تسوونه والله محمد ومراد بيتشتتون اذا تطلقوا منى وعبدالاله !! والام ألزم ماعليها عيالها ماعليها منه بالطقاق اللي يطقه هو واهله .. ------------------------------------------------------ رفع راسه وناظر عناد وتنهد وبجديه : اسمع بعد شبكتك سافر لا تحوس امورك ! عناد مسك راسه بيديه وتنهد وسكت .. بتال وقف وربت على كتف عناد : عناد اي شيء تبغاه او تحتاجه لا يردك الا لسانك ! ولو تبغى انا اروح للندن واقول لك اللي صار اول بأول ماعندي مشكله ابد .. عناد رفع راسه وابتسم : ماتقصر يابتال .. بس هذا خله علي ( ورتب الاوراق اللي فوق الطاوله وتنهد ) باشوف عمي ثامر واسأله عن ابو انس وبكره ان شاء الله الساعه 2 في الليل رحلتي للندن ..، بتال تنهد وابتسم : كويس بس مين بيمسك الشركه ؟ عناد تنهد وبـحيره : هذي المشكله ( وبقهر ) عماني مدلعين هالعيال قسم بالله ولا كلهم بيصكون الثلاثين واغلبهم مو متوظفين ومتبطحين لا مسؤوليه وولا شيء بتال ضحك : خلاص خل الشركه علي .. والشكوى على الله خلهم ياخذون فترة نقاهه على قولتهم .. عناد ناظر بتال وابتسم : الله يرحم جدي بس اذكر اول ماتخرجت حتى ما امداني من اليوم الثاني وانا بالشركه .. كان دايم ينصحنا عن الشغل والدراسه والعلم ( وابتسم ) حتى كان دايم يقول لي خذ الماستر وابد مستعد فكل شيء لو تبي حتى البعثه على حسابي ! بتال ابتسم وتنهد : اييه ياحلييلك جدي تقارنه بخوالي اللحين ! اللي تحسه خذ من طبعه خالي راشد عناد تنهد : حتى عمي ثامر ما اكتفوا بوظايفهم اللي بالمركز واللي بالغرفه التجاريه .. حتى الشركه ماشاء الله عليهم مجتهدين فيها .. شوي ورن جوال عناد وكان فواز بتال ضحك وغمز له وطلع برا المكتب ) عناد تنهد وخذ الجوال ورد : هلا والله .... ----------------------------------------------------- ناظره بصدمه وبعدم استيعاب : تلعب على عقولنا انت ؟ ابو يوسف تنهد : انا جاي اقول لكم ع شان الملكه بس ! ابو لميس بصدمه : يعني مصمم ! ايو يوسف بقهر : يعني وش رايك ؟ هالأمور فيها مزح !! ابو عناد بقهر : لا بالله انهبلت ! ابو يوسف بملل : خلاص المهم وصل لكم الخبر .. ابو لميس بعصبيه : لااا عااد !! لـهناا وبس !! البنت توها صغييره خلها تخلص دراستها وبعدين زوجّها .. واذا بتزوجها من اللحين زوجها لواحد بالعشرينات مو بيصك الاربعين !! ابو يوسف ببرود : احسن عاقل وفاهم مو بزر وعيونه زايغه ابو عبدالرحمن بقهر : منتب صاحي بزر ولا واحد شايب !! ابو يوسف تأفف وقام وطلع برا المجلس وهو مصمم على رايه .. ابو لميس بصدمه : لا انتم من بعد الشركه جتكم وشّه بروسكم !! منتب صاحين انهبلتوا !! ------------------------------------------------------ Like لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة قديم 11-04-14, 03:59 AM #73 لامارا مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام الصورة الرمزية لامارا ? العضوٌ??? » 216 ? التسِجيلٌ » Dec 2007 ? مشَارَ?اتْي » 87,661 ? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute Elk ------------------------------------------------------ تنهد وهو يحس بتعب بصدره مو قادر يكمل .... ومابقى تقريباً الا ربع ساعه وينتهي الرالي ... عض ع شفاته السفليه وهو يشوف مـايكل اللي كان متقدم عليه بشـوي تعـداه .. خذ نفس عميق وضغط على نفسه مـره وهو يتألم من صدره .... حاليـاً هو بالمقـدمه ومـايكل مايبعد عنه الا بشيء بسيـط ... ------------------------------------------------------ تنهدت ودخلت غرفة القياس وتكتفت ولوت فمها بضيق .. كادي ابتسمت وهي تدور بالفستان : جمميل صح ؟ ورود تنهدت وبضيق : مدري كادي بوزت وكشرت : انتي ما منك فايده وين جودي بس ؟ ( شوي ودخلت جودي وابتسمت : الله وش هالزين ماشاء الله كادي اتسعت ابتسامتها اكثر ولفت للمرايه .. اللون الأحمـر والفستان الناعم لايق عليها مـره وزايدها جمال فوق جمالها .. ورود تنهدت ولفت لجودي : وش رديتي على عمي ؟ جودي بللت شفاتها : بشوف لين يرجعون جوري وهنادي بس ما اتوقع .. ورود نزلت راسها : انا اقول خلينا نسافر بس .. القعده هنا تجيب المرض قسم بالله خلاص طفشنا راح نص عمرنا واحنا نكرف وعلى غير سنع جودي تنهدت : احمدي ربك بس افضل من غيرك .. ورود : انا ماقلت شيء الحمدلله بس ( وسكتت ) كادي ابتسمت وبعفويه : يلا اطلعوا بغير بأوريكم الفستان الثاني .. جودي ابتسمت لها وطلعت ووراها ورود .. ------------------------------------------------------ تنهد وهو يسكر جواله بملل وينزل من السياره .... دخل ودق عليها اكثر من مره حتى ردت .. وداد بقهر : نعم ؟ عناد لوى فمه وبملل : وينك فيه ؟ وداد : بالفيصليه ليش ؟ عناد تنهد : عارف انك بالفيصليه بس وين بالضبط ؟ وداد : مطعم البلوره .. لا تقول انك بتجي مو رايقة لك مقفله معاي عناد كشر وسكر ف وجهها ..... مشى للمطعم دق عليها وشاف وحده جالسها لحالها رفعت جوالها ... لوى فمه وعرف انها هي .... خبط الطاوله بيده ورفع حاجبه : يلا قدامي وداد بقهر : نعم سلامات خدامه عندك انا ؟ عناد بسخريه : أخس من الخدم بعد ! امشي واخلصي علي مو ناقصين فضايح وداد تأففت : هف توني طالبه لا تنكد علي وخلني اتعشى ميته من الجوع وراسي مفتر من ذا الدوران واختي معاي بعد .. عناد : ماقلت لك اشكي لي الحال .. وقومي ولا يكثر .. وداد وقفت وخذت شنطتها لأنها عارفه لو عاندته مو بصالحها .. خذت جوالها ودقت على اغصان وتأففت : اغصان اسمعي انا بطلع اللحين ( تأففت وبوزت ) اقول لك بعدين خلاص لا تكثرين حكي لا السواق تحت متى ماخلصتي دقي عليه .. هف وش اسوي طيب اقول بااي بااي بس ( سكرت جوالها ودخلته بالشنطه وتأففت ) عناد ضحك : ااي خليك كذا اسمعي الكلام ونفذي بس يا شاطره .. وداد ماردت عليه وهي شوي وتنفجر من القهر .. دخلوا الاصنصير وكان معاهم مجموعة شباب .... عناد سحب وداد ولصقها فيه .. وداد تأففت وتحلطمت .. طلعوا من الاصنصير ومشوا وهم ساكتين ولا نطقوا بـ ولا كلمه .. ------------------------------------------------------ لفت لـمراد اللي كان حاط يده على فخذ منى ويناظرها : مماه مماه ( ابتسمت وضحكت ) يااححيااتي واخيراً مابغى ينطق منى ابتسمت وشالت ولدها : ياعيون ماماتك انت ( ضحك مراد وابتسمت وهي تحضنه وتتنهد وسكتت ) غيدا كانت بتتكلم بس سكتت ( مالها خلقي ابد السالفه شاغله بالها وماتنلام والله الله يعينك ويوفقك يامنى ) وقفت ومدت يديها وهي مبتسمه : منى عطيني مراد منى تنهدت وعطتها مراد ونزلت راسها .. غيدا شالت مراد وطلعت برا الغرفه وسكرت الباب .. منى نزلت دموعها وحضنت وسادتها وهي تبكي بصمت من الضيقه ... ------------------------------------------------------ تنهد وهو يلف لناصر وبلع ريقه بتوتر : يووه شد اعصاب قسم بالله .. ناصر عض ع شفاته السفليه : من ججد والله راحمه ان شاء الله يفوز متحمس وتدريب وغثا ان شاء الله يطلع بنتيجه مُرضيه عن هالتعب كله اسامه فز فجأه وبصراخ وبحماس : بسسساااام اوول وااحد بالمقدممه تععداا مااايكل واخيييراً عزام تشقق من الفرحه : يلاا الحممدلله ( وناظر ساعته ) ما بقى الا ربع ساعه يمكن باسل ابتسم ابتسامه واسعه وهو يسمع التصفيق والتصفير وعيونه على السيارات واعصابه مشدوده مابقى الا دقايق وينتهي الرالي وبسام يا المـركز الأول واحتمال كبير الثاني لأن مـايكل اللي تقـدم عليه معـروف بالرالي ومتقـدم عليهم كلهم بهذي اللحظه .. ------------------------------------------------------ استغرب من القماش الأسود اللي كان طايح .. مسكه وبلل شفاته وبتفكير ... استغرب من الضحك اللي سمعه ألتفت لوراه وشاف ماكس يضحك وجوري تتحلطم وهي خايفه .. جوري مدت يدها بتشغل المويه الا بصوت الرعد القوي اللي قطع الكهرباء .. شهقت بخوف وطاحت على الارض : يممه من وين ذا الصوت ؟ ماكس طلع برا دورة المياه بسرعه لكن مجهول سحبه ألتفت لمجهول واستغرب .. مجهول : انتظر لحظه .. شوي واشتغل الكهرب وسمعوا صوت صـرخه قووويه أرعبت كل اللي بالمكان .. ماكس فك مجهول وركض بسرعه لعـند المكان اللي صـدر منه الصـوت .. مجهول تنهد بخوف وباستغراب ولحق مـاكس بسرعه .. ------------------------------------------------------ قاموا من الكراسي لا شعورياً يوم سمعوا صوت الصراخ ... خاف على مجهول وركض لعند الحارس يكلمه ع شان يطلعه لكنه كان رافض ! الحارس تنهد وبقلة حيله : سيدي مانع الخروج من هذا المكان ! أمرنا بجمع كل المدعوين وعدم اخراجهم من هذا المكان الا بأمر منه !! ..... بعصبيه : ماااذاا !!! الحارس بسرعه قاطعه : لا لا تفهمني هكذا !! ما أقصده بأن الكهرباء سينقطع بإي لحظه .. والقصر كبير جداً ومظلم .. وقضية ابن السيـد ##### للآن مُشغله الجميع !! اين اختفى بهذا القصر ! آنري بلع ريقه وبخوف : وابني ألم تراه ؟ الحارس هز راسه بـ لا وهو يكلم الشخص الثاني .. آنري تنهد ومشى للشباك الكبير اللي يطل على الحديقه وهو يفكر بمجهول وخايف عليه .. ------------------------------------------------------ وصلوا للمكان وانصدموا من الجثه اللي مغطيها الدم تماماً والسكين على قلبه ! .... هنادي تنهدت وهي تهدي الخادمه : ماذا حصل بالضبط ؟ الخادمه وهي تبكي : أمرني منذ نصف ساعه ان احضر له الطعام كـ عادته يأكل وينام بهذا الوقت ... أتيت للغرفه وانا بالممر انقطع الكهرباء من الرعد .. لم يستمر 5 دقائق حتى عاد مرةٌ أخرى .. دخلت للغرفه ورأيته وصرخت ( وطاحت على ركبها وهي تبكي بقوه ) مجهول دخل يديه بجيوبه ومشى للكرسي : الكـهرب ما انقطع من الرعد انا متأكد ان القاتل نفسه هو اللي قطعه ! ماكس هز راسه : بالضبط بس كيف قدر يقطعه والحراس تحت عنده ! هنادي تنهدت : يا أنه متنكر على اساس انه واحد منهم يا انه متفق مع واحد من الحراس .. شوي وانصك الباب بقوه وتقفل .. ماكس ألتفت للباب وحط يده على المقبض وحاول يفتحه وتأفف بقهر : تقفل الباب !! الخادمه صرخت وبخوف : القاتل موجود بهذه الغرفه أليس كذلك !! مجهول تنهد وبتفكير : هو كان موجود معانا بس كيف طلع ( ناظر للغرفه وهو يفكر مافيه اي باب ثاني غير الباب اللي دخلوا منه والشباك صغير مايقدر يخرج منه !! كيف اجل ؟ ) ------------------------------------------------------ جلس على الكرسي وهو مصدوم يحس رجوله مو شايلته من الصدمه !! : مـ مروان تكفى قل انك تمزح تكفى مروان مروان بلع ريقه وبصوت مبحوح : انا مثلك يا نواف مو مصدق للحين !! نواف تنهد : الله يرحمه ويغفر له ..! كأنه حاس قبل ما تمسكون الخط داق علي يقول حللني ومن هالكلام بس كنت ماخذها بمزح .. مروان بلع ريقه : لأن مرضه اشتد عليه ! نواف بخوف : اي مرض ؟ مروان تنهد : سرطان الرئه نواف بصدمه : اييش !!! ومن متى وهو فيه السرطان !! مروان بلع ريقه وبضيق : هالأيام اشتد معه بشكل مو طبيعي .. تقريباً اغلب اعراضه صارت معاه .. ( وتنهد بضيق وسكت ) المهم بكره بيصلون عليه الظهر بالرياض نواف : بمكه افضل مروان : هو صح افضل بمكه بس اهله قالوا بالرياض لأن كلهم ساكنين بالرياض .. نواف تنهد وبلل شفاته وغمض عيونه بقوه .. مروان سمع احمد اللي يناديه خذ نفس طويل وبضيق : تامر على شيء نواف ؟ نواف بحزن : سلامتك مروان : الله يسلمك مع السلامه نواف : مع السلامه ( وسكر جواله ورجعت ذاكرته لـ ورا لآخر مكالمه له مع مـازن ) تنهد وابتسم : بعد عمـر طويل يالغالي لا تتفاول على نفسك مازن تنهد : السالفه مو عن تفاول ! بس هذي نهايتنا ولازم نتجهز لها بكل يوم محد يدري متى الله ياخذ روحه ويفارق هالدنيا وانا اخوك .. الرسول صلى الله عليه وسلم يقول اكثروا من ذكر هادم اللذات .. وقيل للرسول : يا رسول الله! هل يحشر مع الشهداء أحد؟ قال: نعم, من يذكر الموت في اليوم والليلة)) ( وتنهد وبضيق ) الله يغفر لنا بس على ذنوبنا والله هالدنيا تخوف يا نواف نواف تنهد وبابتسامه خفيفه : والله يا نواف ما شفت منك وولا شيء والله يشهد بكلامي الله يحللك ويسامحك يالخوي .. مازن ابتسم : ياحبي لك يا نواف الله يرفع قدرك ويجمعني واياك بجناته يارب .... سلم لي على منصور جاركم اذا شفته كان ودي اسلم عليه قبل لا امشي بس قالوا انه نايم .. نواف ابتسم : ابشر الا صح انت معه بالحلقه متى سجلت ؟ مازن : من اسبوعين سجلت بالتحفيظ وتعرفت عليه والحمدلله الا يلا تآمر على شيء وانا اخوك لا يردك الا لسانك ؟ نواف : ماتقصر يامازن بس لا تنسانا من دعواتك مازن : ابشر ان شاء الله اجل يلا مع السلامه يالغالي نواف : مع السلامه .. نزلت دمعته لا شعورياً وهو يتذكر نصايح مـازن بهالاسبوعين اللي مرت تغيـر 180 درجـه !!! تغير لدرجة الكل منصدم منه !! من كـان يصدق ان مـازن اللي كان يتهـاون بالصلاة يجمعها ويأخرها صـار من أول الصفوف عند كل صـلاة ! وعند صلاة الفجر ما يقوم اخوياه الا هو !! سهراته معاهم تركها استـراحته هـدمها وكان ناوي يبنيها مسجـد !! في كل جلسه مع اخوياه يذكرهم بيوم الحسـاب .. ابتسامته ماتفارقه أسلوبه حتى اسلوبه تغير معاهم ومع اختـه !! تغيـر مازن كُلياً تقريباً من تقـرب لخالقه وصـاحب الاصـدقاء الصالحين اللي غيروا فيه اشياء كثيره وكثيره وكل هذا بفضل رب العالمين () ------------------------------------------------------ انتهـى الـرالي بفـوز بسـام بالمـركز الأول .... صرخ باسل وهو مو مصدق واسامه وناصر وامجد وعزام كلهم فـرحوا واستانسوا بس خافوا تقريباً يوم شافوه طول ومانزل من السياره للحين .. ركض باسل للسياره والابتسامه شاقته فتح الباب بقوه وبفرح : مبرووووووك بسسساااام مبروووووووووك ( انمحت ابتسامته يوم شاف راس بسام على الدركسون ويده على صدره وما كان له اي حركه ... خاف وارتاع وهو يهزه وبخوف : بسسسااام بسسسااااام ( وصرخ بقوه ) بسسسسسسسااااااااااااااااا اامممم ------------------------------------------------------ أنتهـى البـارت قـراءه مُمتعـه وان شاء الله ينال على اعجابكم ♡ اللهم اشفي جدتي و عافها و أطل بعمرها ياارب ♡ استغفـر الله .. استغفـر الله .. استغفـر الله ♡ ^ Like التعديل الأخير تم بواسطة لامارا ; 09-05-14 الساعة 04:14 PM لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة قديم 25-04-14, 06:24 AM