الفصل 20
البـارت العشـريـن . ، .
ابتسمـت وهي تغمض عيونهـا وتشـرب الكابتشينو بـرواقه وراحه .. فـرحت كثيير يوم شافت التصويتات والتشجيع اللي جآهم واللي كان عآآلي جـداً .. ابتسمت وهي متفائله بالفـوز والنجاح ان شاء الله .. لفت لـ ريما اللي كانت مشتته انظارها وهي تشرب اللاتيه البارد بهدوء .. عقدت حواجبها من حالة ريما اللي انقلبت قبل كانت متحمسه ومستانسه واللحين سرحانه وهادئه ..
رشا باستغراب : ريماا ايش فيك؟؟
ريما تنهدت وهي تتكتف وتتسند على الكرسي : ولا شيء ..
رشا وهي تناظر الشباب اللي جالسين بالكافتريا : من بعد ما رحنا لهالشباب وانتي منقلب حالك .!
ريما تنهدت : انتي شفتي الـ ..
قاطعتهم غاده اللي ضربت يدها بالطاوله وتخصرت : وين مشروعكم الغبي نبي نشوفه ..
رشا بابتسامه واثقه : ادكـرك ادا مـا فُزنا ..
غاده وهي تاخذ لها كرسي وتجلس وبعدم اهتمام : رووحي بس ،.
رنيم وبيدها الورقه وبابتسامه : مافيه مكان ما رحنا له وماشفنا هالورقه فيه ! ماصار مشـروع ..
غـاده وهي تسحب الورقه من رنيم وبابتسامه : Summer Holidays ( ورفعت عيونها من الورقه وبتذمر ) اي اجازه يا امي واحنا نكررف بهذي الجامعه الخايسه ..
رنيم وهي تقرا الورقه اللي بيد غآده : With Dr. John .. ( ورفعت عيونها وبصدمه )من جددكمم انتووا ! مع الدكتووور جوون ماغيره !
رشا بضحكه واثقه : ايووه .. شفتي كييف ..؟
غاده ناظرت رنيم بصدمه وكملت القراءه : Under the supervision of university students .. Rasha Louay .. Rima Suleiman .. Darren Ismail .. Julia Jack .. Aida Bilal .. Bassam Khaled .. Iyad Fahd .. Yusuf Abdullah ..
ريما غصت وهي تشرب المويه وقامت تكحكح ..
رشا اللي كانت جنب ريما وبخوف : ريماااا اششبك ..؟
ريما تنهدت وعقدت حواجبها وبصدمه : لحظه ! ايش بسام خالد ويوسف عبدالله !!
رشا وقفت بسرعه وبقهر : يوووووه صح ذكرتيني.. نسييت اقوول ل بسسام ! ( وخذت شنطتها بسرعه ومشت )
غاده وهي تناظر رشا اللي راحت وباستغراب : ايش صاير !
ريما مسكت راسها بيديها وهي موو مستووعبه ..!
------------------------------------------------------
انصـدمت من الصوره اللي كانت بيد كـادي ! وانصـدمت اكثر من كلامها وحزنها وفجـأه طآحت كادي بين يديها بإنهيار ! ارتجف جسم جودي وهي مو عآرفه ايش تسوي بالظبط ! صرخت صرخه كآنت كآفيه بإخراج مشاعرها الدآخليه المُحطمه..
دخلت على صوت صراخ اختها وشهقت لما شافت كادي طايحه وجودي ترتجف شفاتها ودموعها تنهمر على خديّها .. ركضت لـ عند جودي وهي تحط يدها على كتف جودي وبنبره خاائفه ومهزوزه : جــــودي اييش فييكمم !!
جودي ناظرت زهور وهي مو عارفه ايش تسوي .. ماكان فيه اي رد غير دموعها اللي تتساقط ..
زهور طاحت عيونها على المويه اللي كانت ورا جودي وخذتها بسرعه وفتحتها وهي ترش بعض القطرات على كادي اللي شوي شوي وبدت تفتح عيونها بتعب وصدمه ..
زهور حطت اختها بحضنها وهي تمسح على شعرها الناعم والكثيف وبخوف وارتباك : ايـ ايـش حـ حـاصـل لـك لكـم ..؟
كادي لفت وجهها للجهه الثانيه وغمضت عيونها ونزلت دموعها
..
زهور حسّت انها ضايعه بين جودي وكادي ! ومن وضعهم السالفه ماهي سهله ابد !!! ( وكيف تكوون سهله يـا زهور وهي تكتشف أن امهـا على قيــد الحياةة ولكنها موو داريه عنهم وعايشه بترف ودلال بعييييداً جداً جداً عن حياتهم .. )
كانت واقفه عند الباب وترتجف من الخوف من ملامح اخواتها البائسه .. كانت بتتكلم لكن الحروف تضيع من عندها .. خاايفه من المشكله اللي صايره اللحين ! موو كافي المشاكل والأحزان اللي صايره بـحياتهم ..!؟ لمـتى راح يظلوون كذا ! متى راح يعيشون زي العالم بأمــان واطمئنــان وحنـان وراحــه وسعـاده .. مـرّت ببآلها { وبشـر الصـآبرين } واستحقـرت نفسها ! بشـاره من ربها ! من خالقها ! لو بشرها احد الخلق ببشاره راح تفرح وتستانس اكييد ! فـ كيف بالخــآلق سُبحــانه ؟؟ ( ابتسمت بهدوء وبلعت ريقها وبنبره هادئه تقريباً : ايش صاير ؟
زهور رفعت راسها لـورود وكأنها تطلب النجّـده منها وبإرتباك :
مــدرري مــدرري .. ألحقينـي يــا ورود ..!
-----------------------------------------------------
دخل القـاعه بخطوات واثقـه وابتسامه هـادئه وكأن ماحصل شيء ابداً وعلى وقت دخوله اشتغل الكهرباء من جديد ! .. وهدأت الاصوات العاليه والصراخ ! وتنهدوا الموظفين والقائمين بالحفل برآحه ورجعوا لأماكنهم ... اما هـو مشى لـ جهة مجهـول وآنري اللي كانوا جالسين بجانب بعض ومعاهم شخص اول مره يشوفه .! تنهد وبابتسامه وهو يتقدم لـ طاولتهم وبابتسامه أنيقه : السلام عليكم ..
ردوا عليه السلام وبابتسامه .. : وعليكم السلآم ..
حسان سحب له كرسي بحماس وجلس وشبك اصابع يده وبابتسامه وهو يناظر مجهول : ايش سويتوا .،،؟
الوليد عقد حواجبه وهو مو عارف الشخص اللي خش معاهم !
مجهول بابتسامه وكأنه فهم الوليد : هـذا صديقي حسان ( ولف للوليد ) وهذا صديقي الـوليـد ..
حسان سلم على الوليد : هلا والله .. تششرفناا
الوليد : هلا فيك .. الشررف لي والله ..
مجهول لف لـ حسان وابتسم : ان شاء الله ماجبت العيد ؟
حسان تسند على الكرسي وبثقه : اي عييد يآ ابووي ! ( وبحماس ) ورربي لو تدري ايش سوويت ..
آنري قاطعه : هل فعلت مثل الخطه بالضبط ! بدون نسيان اي شيء فيها ..؟
حسان : اييه وش فيكم ! مو مصدقين ...؟
مجهول لف لآنري : وانت ؟
حسان تافف وبتذمر : طيب خلني اكمل كلامي !
آنري سفهّ حسان وناظر مجهول وبابتسامه : تركته وفتحت الباب ورميت جميع الصور التي كان بها الجرائم اللتي شآرك فيها .. وايضاً تركت بطاقته بجانبه حتى يعرفوه .. واظن ان الحراس قد قبضوا عليه !
مجهول هز راسه بابتسامه ولف لـ الوليد .. اللي فهمه وتكلم بسرعه : كنت احاول ألمح له بكلامي وحركاتي .. وماخليت شيء فيه وماقلته ! $
مجهول ابتسم : كوويس بس بقآ الخطه الآخيره ( وشتت انظآره وبنظرات غامضه ) وهي علي طبعاً بس ان شاء الله تنجح !
قآطعهم صوت الشخص اللي كان واقف على المسرح مُعلناً عن بداية الحفل ،،،
-----------------------------------------------------
هـل يـوجد اقسـى من الشـوق لـ شخـصٍ بعيـد ! لـشخص محبوب لك واليك .. تحب ابتسامته وضحكاته النقيه .. كان دائماً بجوآرك يشاركك احـزانك وافـراحك ! محبـوب للناس بروحه المرحـه وقلبه الأبيض النقي ! أخـاك ابن امـك وابيك ! تفتقـده فجأه ! وتبحث عنه ولكنك لم تجـده ! هـو بعيـدٌ عن عينـك ولكنه تحـت عيـن الله ❤ فـ يااارب احفظه لـي اينمـا كان ..$
( حط صـور اخوه على السرير .. وتنهد بحزن وهو يمشي للباب
باستغراب من الصراخ والصوت العالي اللي بالشقه
فتح الباب وبضيق : شباااب حششى وش ذا الصراخ ؟ ميين اللي مييت ! ( ولف بيدخل الغرفه ) ماتخلوون احد يرتاح ويتهنى ابد ! ( وتنهد )
هلال بابتسامه وبصوت عالي : مااااتبغاانا نفرررح ونسستاانس يووم شفناا هالووجه الطييب..
يزيد رفع راسه ولف عليهم وعقد حواجبه باستغراب وسُرعان ما انقلب هالاستغراب لـ صــدمه وفـــرحه وشــوق وسعــاده وحنيـن ! مشـآعر مختلطه ! يووم طاحت عيوونه بعيوون اخووه اللي ابتسسم له وركض له بسسرعه وهو يحضنه ..
يزيد بصدمه وهو للحين مو مستووعب ! : مُـ مُهٓـنَّـ ـدّ ..
مآكس ابتسم وهو يحط يده على كتف مهند ويغمز ليزيد : ايش رآيك بالمفاجآة ؟
يزيد باابتسسامه واسسعه وبسسعاده : احلــــى مفاجأه بحيااتي وررربي !!
فهد بمزح كـ عادته : يا الله خفووا عليناا يآخي ترى مانتحمل !
أنس لف لفهد وفتح يدينه كـأنه بيحضن طفل صغير وبمزح : تعال أضمك بس ..
فهد ضحك وهو يمسح على شعره ويدخل يده بجيوبه : من زيين ذا الووجه عااد !!
مهند حك شعره الكثييف والناعم وبابتسامته العذبه اللي بينت غمازاته : لااا جـد يعنـي اشتقـت لكمم ياا حمميير ..
فهد بقهر : يااخي كممل معرووفك وقل كلام جميل ويرفع المعنويات وكذا ? من بدايتها تحطيم يعني !
مهند ضرب فهد بالخفيف على راسه وضحك بخفه : عاد تصدق اششتقت للهواش معك
فهد عدل وقفته وبابتسامه واثقه : احمم احمم ششكرراً شكرراً اخجلت توواضعي ..
مهند لوى فمه وهو يناظر اظافره : يعني لو تلاحظ اني قلت اشتقت للهوواش معك موو لك يعني ؟
فهد دف مهند وبقهر : انقــلع يالتسسلب ماالت عللييك !
الشباب ضحكوا علـى مـزح مهـند وفهــد اللي مستحيل ينتهي من شافوا بعض وتعرفوا على بعض وهم يتهاوشون والى هاليوم $
-----------------------------------------------------
ضحكت على تفكيرها وطاحت عيونها على المرآيه اللي كانت بحجم الجـدار ، نآظرت نفسها " فستان سكري حرير نااعم ومن تحت مزموم .. ومن عند الخصر حزام عريض شوي ذهبي .. شعرها مسويه فيه كيرلي وبف خفيف من فوق .. مكياج احمر ناعم مره مناسب مع ملامح وجهها الناعمه والجذابه .. كعب ذهبي ( الله يكرمكم ) وعقد ألماس ذهبي بفصوص حمراء وحلـق ألماس ذهبي بفصوص احمر .. والاساور والساعه الذهبيه المرصعه بالألماس ' كان شكلها جدداً جذذذاب ونااعم برشاقة جسمها وطولها والفستان المخصر على جسمها ' ..
أليس بتوتر وارتباك : ندى المكياج موو حلوو صح ؟؟ ..
ندى مشت لأليس وهي تناظرها بإعجاب : واااااااوو ألووووش اييش هااالجمممااال ! مااشاءء الله تجننييييين ..
أليس بابتسامه خفيفه : لا تجاملين ؟ ( وناظرت نفسها بالمرآيه وبهمس خفيف ) احس انه اوفر مره !
ندى بابتسامه : لا والله من جـد جممممميله ..
أليس بخجل : شكراً ندووش ..
ندى مشت لـ عندها وحبتها ع خدها وبابتسامه ناعمه :الله يووفقك ياا حلووه ..
فجأه انفتح البااب بقووه ودخلت نجوود وجنبها لميس اللي كانت منزعجه من رجةة نجوود ..
لميس بهدوء وبابتسامه نآعمه وفآتنه : ألووس حبيبتي البناات ينتظروونك تحت !؟
أليس بابتسامه : ان شاء الله جايه ( ووقفت وجنبها ندى وهم طالعين من الغرفه) ..
-----------------------------------------------------
ملكـة حبيـب قلبه وولـد اخته المـرحومه .. اللي كـان راقـي بتعآمله جــذاب بإسلـوبه وأخلاقـه .. وايضاً جـذآب بملامـحه الحاده الجميلـه .. رغـم شهـرته وتجارته الا انه كـان متـواضع بسيـط ! مايحـب التفـاخر والغـرور ابدداً .. ومن بعـد وفاة امه وابوه تحمل مسـؤولية اخوه ومسؤوليته .. كان فعلاً مشهـور بأخلاقه التي كـانت تـدل على تربيتـه .. وهـذا فخـر لأبويـه .. سنـد ماخلـى شيء ماصـوّره .. حتى فارس صوّره اكثر من صوره ،، آخـر شيء هجد وجلس بجنب فـؤاد لآ يقوله ابوه شيء اللحين ويتفشل قدام الحاظرين ..
فؤاد همس له وهو كاتم ضحكته : اشوفك هجدت !
سند بعفويه ومزح : يـا رجال نظرات ابوي مارحمتني .. احس شوي ووده يصفقني .. بس متحمس يآخي ..
فؤاد ضحكت بخفه : وسّع صدرك بس .. وفـارس يستااهل كل خيير الله يووفقه بسس ..
سند ناظر فارس اللي كآن يسولف مع جده وبابتسامه وتنهد : اللهمم اميين وانا اشهــد فاارس يستااهل كل خير والله ..
فؤاد نآظر نايف ونواف وبابتسامه : اخوانها توأم ماشاء الله يشبهوون بعض مررره ..
سند ناظر نواف ونايف : انا ما افرق بينهم الا باللي مركب تقويم بس ..
فؤاد ضحك : ايه هـذا نايـف .. انا زيك والله هههههههههههههه ،
سند : الا ع طـاري اللحين وش قصـة هالرجال مع فارس ؟
فؤاد ناظر الرجال اللي يقصده سند : اييه على كلاامه انه كان يعرفهم بـ اسبانيا وكانوا جيراننا ( وعقد حواجبه وباستغراب ) وفجأه سكت وسرّح مدري ايش فيه !
سند عقد حواجبه وبتفكير : تصدق يمكن انهاا صـديقته اللي كان يتكلم عنها اول ..
فؤاد بنفي : لا ما اتوقع .. بعدين من زماان عن سالفة هالصديقه ..
سند تنهد : الله يستر بس ما تكون حبيبه !
فؤاد ناظر سند وبخوف : ايش تقول انت !
سند نآظر فؤاد وبنبره واثقه : تذكر لمآ امي عصّبت عليه وحلفت انها تزوجه غصباً عنه .. تذكر ايش سوآ فآرس وايش حصل له ! مع العلم ان امي مو اول مره تغصبه على شيء مايبيه !
فؤاد شتت انظآره وتنهد : ايه اذكر .. ( ونآظر فارس وبنفسه) "انا بالأساس مستغرب منه ! مو كأنه واحد مُقّبل على الزواج .. كأنه واحد راح يحظر بعـزا .. وغير هذا سند صـادق ايش سوآ لما جدتي عصبت عليه ،، عصب وانفعل ولأول مره ينفعل بهالشكل وصارت مشكله وماهدأ واستقر الوضع الا بعد شهرين ! " ..
-----------------------------------------------------
من قالت له انه في المشروع وبـأمر الدكتور جـون وحالته حاله ! هالدكتور حآآآقد عليهم بسبب الهوشه اللي صارت معهم مع ولده المدلل .. تافف وهو يمسح على شعره الناعم الأشقر ورفع راسه لـ اسامه وبملل ؛ هااه يالله وش الحل ؟
اسامه تافف وهو يناظر الشاب اللي مر من عندهم وهو يضحك مع صاحبه : المشكله مو هنا ! المشكله ان يـوسـف معك !
بسام رفع حاجبه وباستنكار : ومن هذا بعد ؟
اسامه لوى فمه وبكره : ماودي اضيّع حسناتي عليه !
بسام تثاوب : عاد تصدق الجميل بالموضوع ان اياد معي ..
اسامه غمز له وبابتسامه : وريمـا .. ياليتني بدالك ياخي ..
بسام بعدم اهتمام : يا شييخ طيير انت وايااها .. وبعدين ترآه!
اسامه قآطعه وبِحُب : ولوو يعنـي اـ
بسام قاطعه وسحب يده وهو يمشي لإياد : امش امش بس .. الله يخلف على عقلك بسس ..
اسامه تنهد بابتسامه هادئه وشتت انظآره ..
-----------------------------------------------------
تنهدت وهي تمسك راسها بيديها .. صـدآآع فضييع . يمكـن من السهـر مانآمت الآ الساعه 10 الصبآح ! .. وقفت بتعب وطلعت برا الغرفه شآفت لُجين تلبس عبايتها وهي كاشخه ومتجهزه ..
اريج تثاوبت وبنعاس : وين رآيحه ؟؟
لجين نآظرت اريج وشهقت : من جـدك انتي للحين ماتجهزتي !
اريج نآظرت اظافرها وببرود : بالأساس توني قايمه ..
لجين عدلت طرحتها وخذت شنطتها بتنزل : احسن خليك تنطقين هنا ! كلن راح مافيه احد ترى ! السواق ماخذ اجازه وصالح رايح عند عيال عمي .. وجنى عند ساره .. وماما من زمااان رايحه مع بابا وجنان ..
اريج بعدم اهتمام : يووه اجل انتظريني بروح ألبس ..
لجين : ماحجزتي لك كوفيرا ؟
اريج : لآ على اساس اني مع ماما ..
لجين تاففت ونزلت مع الدرج : مالي شغل فيك تأخرنا وانا بروح عييب بعد أأخر عبير ع شانك ..
اريج مشت ل عند الدرج بسرعه وبصوت عالي : هييين لُجيين والله تشووفين ..
لجين لفت لـ اريج وبقهر : مووو صاالح ترااه عنــاد !!
اريج : لجيين والله لأعلم ماماا ..
لجين بزعل وقهر : طييب بسسرعه اخلصي علي والله موو رايقةة لك !
-----------------------------------------------------
تنهد وهو يرمي الفوطه بقهر ولف لـ خالد اللي كان متكّي ويناظر أمواج البحر وبكـل سـرحان .. كان بيصـرخ عليه لكنه هدأ فجأه من نظرات خـالد ! يعـرفه عدل صديقه منذ الطفوله والى الأبـد يعرفه من نظراته وتحركاته واسلوبه حتى .. خـآلـد عــانآ بحياته الكثيييرر .. ابـوه تزوج امـه طمعـاً بفلوسها وخصوصاً انها كانت مـوجهه كبيـره وعندها بعض العمارات ..
ولـد على هالدنيـا وما شاف ابوه ! ربّتـه امه ووقفت دايماً بجانبه
حتـى صار عمره 6 سنـوآت وفـآرقت هالدنيـا الفـانيه .. لكنه طفـل بهذا العمـر كان يتوقع انها رايحه شوي وراح ترجع .. يمكن تلعب معه زي دائماً يتخبى وتدوره .. حتـى في عزاء امه يناظر الكل يبكي ويناظره بشفقه ورحمه وهو يناظرهم بابتسامه بريئه .. ولكـن كانت صـدمه لآبـوه لمآ عرف انها سجلت كل أملاكها لأهلها وولدها خـالد الصغيـر .. انصـدم وانقهـر وبعد وفـاتها بكـم شهـر تزوج وحـده غيرها وعاش حياته معاها .. وكأنه مُتـجاهل ولـده الصغيـر اليتيـم .. اللي عـاش عند جدته وجـده وخـاله عبدالله وزوجتـه اللي كانت ماا توواطنه ابدااً !! ودايماً تفضّل فيصل ولدها عليه وتشتري له وتلعب معه .. ابـوه علـى قيد الحيـاة ولكـن ماشآفه ! دايمـاً يسأل امي متى ترجع متى ترجع ؟؟ لكـن محـد رد على سـؤاله غير بـدموع على ذكرى ام خـالد ونظرات شفقه له على امه المتوفيه وابوه اللي رآميه وموو دآري عنه !! خـالد كبـر وتعلـم واصبـح رجُـل الكل يشهد علـى أخــلاقه ! حفـظ كتآب الله وتخصص ادارة اعمال .. جدته وجده مايستغنوون عنه ابداً ! يعاملونه زي معاملتهم لـ هـلال ابنهـم .. وأم فيصل كانت تمووت بقهرها وقيضها لمآ تشوفه .. مع ذلك بعمـره ماقد أذّاها او قال شيء عنها! بالعكس كان يمدحها ويشكرها دائماً ! .. لأنه تعلـم من امـه ان يعامل الناس بأخلاقـه ! لأن كـلامه وتصـرفه يعكـس على تربيتـه .. فـ من أخـلاقه خجـل فيصـل من تصرفاته معه وصار يعامله احسن معامله ! ممُــكن أقول ان هـذي قصـة خـالد ولكنهـا مُختصـره جداً جداً ! فـأخوه من ابـوه حكاايه ثاانيه ! موو مخلي خالد بحاله ابداً لازم يفسد عليه كل شيء ويدمر ويحطم اي شيء اذا كان بمصلحة خالد ...!!
-----------------------------------------------------
كـانت خجـلآنه جــداً من اللي سـوّته بصـراحه غـآمرت هالمره !
لأن لو احد غيره كان أمر الحراس بأن يأخذونها هي وجـوني ويحبسوونهم ! لكن هذا طبعها اللي أخذتـه من هنـادي جرريئه جداً وتحب تغـامر .. لكنها اذا طاحت بمشكله ماعرفت تطلع نفسها منها =Pp
جـوني همست لـ جوري : مـاذا بك ؟؟
جوري بنفس الهمس : طبقتهـم ليست من طبقتنا ابـــداً ! ولو ترين لباسهم ومجوهراتهم .. يــ آلهي حقاً انا ناادمه من الذي فعلته ..
جوني ناظرت الطعام وبحماس : يكفيك الطعـام الشهي واللـذيذ .. كُـلي فقط ولا عليك .. نحن ان اكلنا في اليوم ! أكلنا ثلث قطعة خبزٍ يابسه .. فلا تفووتي الفرصه وكلي واستمتعي ..
جوري بحزن : أأكل هنا من اشهى الانواع والاطباق .. وأخواتي يموتون جوعاً في المنزل !!
جوني ضحكت بخفه وبسخريه وناظرت شنطتها القديمه اللي كانت مليآنه من الطعام والأكل : أُنظري يا بلهااء ! حتى انا لا أستطيع ان أأكُل واخي وابي لهم يومٌ كاملٌ لم يأكلا شيئاً !
جوري ابتسمت لـ جوني ، ومدت يدها للخبزه الحااره واللذيذه وقسمت ثلاثة ارباعها بشنطتها القديمه لأخواتها وتظاهرت بأكل
الثلث المتبقي ..
ابتسمت الفتاة وبنعومه : لـم تخبروني عن اسمـائكم ؟
جوني بحماس : جـوني معااك جووني يا سييدتي .،
ضحكت الفتاة على عفووية جووني .. وجووري هزت راسها بتذمر .. اما جوني تفشلت ونزلت راسها ..
الفتاة بابتسامه : اهلاً بك جوني تشرفنا ..
جوري : وانا جـوري ..
الفتاة عقدت حواجبها : انتـي ألمـانيه ؟
جوري هزت راسها بـ لا وضحكت بخفه : أُمـي ألمـانيه ..( ونزلت راسها بحزن على ذكرى أمها اللي تآركتهم وماقد سألت عنهم)
الفتاة خافت انها جرحت جوري او ذكرتها بشيء ضايقها : انا آسفةة لم أقصد ولكن أردت ان أسأل لأن ملامحك ليست ألمانيه
جوني حبّت تغير السالفه لما شافت جوري تضايقت : امم وانتي لم تعرفينا عليك ؟
الفتاة بابتسامه : اسمـي نـانسي ..
جوني وجوري بابتسامه : تشـرفنا ..
الفتاة : الشرف لي .. ( ووقفت وبابتسامه ) اسمحوا لي سـأذهب قليلاً وسأأتي > وابتسمت وخذت شنطتها وراحت ..
جوني ناظرت جوري وبحزن : تضايقتي ؟
جوري رفعت راسها وبابتسامه : لأ لم تقل شيء حتى اتضايق
جوني بحماس : لقد ذهبت هيّ دعيناا نآخذ من الطعاام ..
جوري ضحكت وقآمت تآخذ لأخواتها بابتسامه وكل وحده فيهم تتخيل أهلها لماا يشوفوا هالطعـام قـد ايش بيفرحون ويستانسون ..
-----------------------------------------------------
وكـالعاده هذي حالتهم هواش على من اول وحده تدخل وكل وحده تنشب الثانيه .. مع ان الموجودين بس حريم عمانهم وعماتهم مافيه أحد غريب $ ..
دلع تأففت : يااربيه خلااص ياا نـدى ادخلي انتي الكبيرره ..
ندى تخصرت : لا والله ! انا مسستحيل ادخل واريج ولجين ماجووا للحين ..
ساره ضحكت : صاروا عذر اللحين .
ندى دفت ساره اللي كانت جنبها بكتفها بخفه ..
لميس جت عندهم وعقدت حواجبها : ايش فيكم ؟؟
ندى تصفر : اييش هالكششخه والجممااال يختي تخققين ..
لميس ابتسمت بخجل وحضنت ندى : احرجتيني والله عيوونك الحلووه يا ( وبدلع ) Elegant
بتول : واحنا مزهريات ترى عاادي ..
لميس ضحكت : شدعووه بالعكسس انتووا Very beautiful girls ..
بتول ابتسمت : وزيينك بسس ،.
أليس تقدمت لجهتهم وبخجل : هلا بنات ..!
البنات لفوا لـأليس وقاموا يصفرون لهم ويصفقون وهي نزلت راسها بخجل ..
فاتن بابتسامه واسعه : Attractive .. جممميله ي الوووش الله يووفقك ي قممر ..
لميس مسكت يد أليس وبابتسامه : تدخلين تسلمين ؟
أليس بحياء : انتوا سلمتوا ؟
لميس : لا
أليس : اوكي بدخل معاكم بس وين ماما ..؟
دلع بقهر : يوووه ياليتنا مسوين لك زفه وحماس وكذا $
لميس بابتسامه : ان شاء الله بالشبكه يوم الاربعاء ..
***
لحظـه نـروح عـن الـروايه شـوي $ انا الـلاحظ بأغلب الـروايات العريس فـي الملكـه يشوف العروس ويجلس معاها ^^ .. لكـن انا حبيـت اجيب لكم الملكـه والشبكـه عندنـا .. الملكـه العريس ينادي عمانه وخواله واخوانه وأبوه ، والعروس اخـوانها وابوها وعمانها وخوالها ومـافيه حريم يعني ام العريس ماتجي ولا اخواته .. لكـن بالشبكـه حـريم ، تنادي حريم خوالها اذا بغت او عمانها وحتى اهل العريس اذا بغوا ينادون لكن الأقارب فقط لأنها حفله صغيره .. بعدين يجلسون مع بعض ويلبسها الشبكه
مع اخواته وامه .. وعادي اذا يبغون يصورون ويجلسون مع بعض ويقطعون التورته وكذا $ >> اختصرتها مرره ^^ بس ع شان ما اطول عليكم .. وطبعاً تختلف من منطقه لـ منطقه ومن عائله لـ عائله ^_^ !
** ونرجـع للروايه ^^
-----------------------------------------------------
جمعهم كلهم بـ القـاعة وبدأ يقسم الأعمال بينهم .. وخصوصاً انه تآخرر مرره .. تقسموا وتفرقوا الطلاب بالقاعه الكبيره والضخمه وكل واحد يراجع عمله .... بقآ 3 طلاب مالقى اوراقهم توتر وارتبك ناظر ساعته وتافف رفع راسه وبعجله : ريما ويوسف ( وعقد حواجبه ) وانت ماهو اسمك ؟
بسام بابتسامه : بسـآم ..
ريما رفعت راسها وانصدمت لما طاحت عيونها بعيـونه العسليـه الـواسعه ..
د ، جون بإستعجال وهو يقلب بالأوراق : اذهبـوا لـمكتب الدكتـور جـورج واطلبوا منه اعمالكم ..
يوسف تافف وهو يمسح على شعره : ولكن لم يبقى من الوقت شيء ! والمكتب ليس بهذا القسم ،،
د . جون ناظر يوسف بنظرآت حآزمه : هل تستوعب انت ؟
يوسف بقهر : اوكي خلاص ( ولف لبسام وريما وبقرف ) اخلصوا علي انتوا ..
بسام تنهد وبنفسه ( الدعوه خربااانه خربااانه ! الله يعييني على باسل بس ! )
ريما توترت ونزلت راسها بخجل : امم اذا ممكن تجيبون ورقتي معاكم ..
يوسف ناظر ريما وسرح ..
بسام رفع حاجبه من نظرات يوسف ! وبنفسه ( والله وصرت صآدق يا اسامه الله يستر منه بس ! )
رشا خشت بسرعه وسحبت ريما : تعاالي انتي ويينك يلاا مابقى شيء!
بسام مسح على شعره النااعم وطاحت خصل شعره على وجهه وبهدوء : ما ودكم نمشي ؟
يوسف ناظر بسام بحقد : انـت تعرف اسامـه ؟
بسام : ومافيه الا اسامه واحد بالجامعه ؟
الدكتور بعصبيه : ماااذااا بكممم انتمم !!
ريما بتوتر : رشوو حبيبتي برووح اجيب ورقتي واجي طيب؟
رشا بخوف من عصبية الدكتور : اووك انتظرك ..
بسام مشـى وبجنبه يووسف وريما وراهم ..
طلعـوا برا القسـم بهـدوء .. يـوسف كـاره بسسام بسبةة اسامه ! وبسام گ عادته هادئ وماقال شيء ولكنه خايف يشوفه باسل ويسوّي سالفه ! .. اما ريماا فـكانت خجلاانه مرره ولا هي هلكت وتعبت من المشي وخصوصاً المشي بين الاقسام متعععب لـوجود الحدايق اللي بينها وكل حديقه اكبر من الثانيه ..
ريما مسحت وجهها بتعب ووقفت وهي تحاول تلتقط انفاسها ..
بسام ويوسف لفوا لـ وراهم وشافوا ريمـا تتنفس بسرعه وتعب ..
يوسف تقدم لعندها بسرعه ومسكها مع يدها وبخوف : اييش
فيك ؟؟
ريما وكأن جسمها انتفض من لمسته لـ يدها ،، سحبت يدها بقوه وجسمها ارتجف من الخووف ...
بسام انقهر من حركة اسامه : سلامات ؟؟
يوسف تافف بقوه وبقهر : انتت اييش تببغى ؟؟
بسام نآظره باستحقار : اذا صارت من محارمك ذيك اللحظه امسك يدها !
يوسف ضحك بسخريه : رووح ي عممي بسس !
ريما مسحت دمعت اللي نزلت وتراجعت خطواتها وبخوف: خلاص ما ابي اشارك ( وجت بتمشي )
بسام بجديه : كلنـا بنشـآرك ! ( وناظر يوسف من فوق لتحت ومشى .. )
يوسف تنهد بحقد على بسام ومشى لكن مو بمسار بسام ..
اما ريما لحقتهم ببطأ وهي للحين مو مستوعبه !!
-----------------------------------------------------
طفأت الأنوار وتسلط النور على المسـرح .. ثواني وظهـر المدير على المسرح وبدأ الحفل .. وبهالوقت طلع مجهـول من القاعه بدوون ان ينتبه له احد ! وهذا طبعاً بمساعدة الـوليد وحسـان وآنري .... طلع لـ آخر السفينه .. مُمكـن مايعـرفونه او نسـوا أمره ! ولكنه يعرفهم المعرفه التـامّه ! وحتى الاشياء البسيطه يعرفها عنهم .. يتمنـى لهم السعـاده دائمـاً .. وصـل لـ عندهم وشاف سلطـان معصب ومنقهر وخالد معطيـه ظهره ..
تقدم لجهتهم وبابتسامه ومد يده بيسلم : اووه اهلاً اهلاً بعمـلاء شـركة 2M2H الرائعه ..
خالد سلم عليه وبهدوء : اهلاً بك
مجهول لف للقارب الصغير مقارنتاً مع هذهِ السفينه الكبيره وباستغراب : ولكن عمـلاء هذه الشركه رجِعـوا لألمانيا لـأمراٍ مهم بالشركه ولم يبقى سـِواكم ( وعقد حواجبه وبنسيان متظاهر ) اووه نسيت ان اعرفكم بنفسي انـا المـدير العام لهذه الشركه .. (
خالد : اهلاً بِك سيدي ..
مجهول بابتسامه : انا أتيت هُنا لأجلِ ان اخبركم ان القـارب سيُبحر الآن للرجـوع الى المانيا .. ( وابتسم )
خالد : أنمشي ورائك حتى ترشدنا الى مكان القارب ..
مجهول : طبعاً ( ابتسم لهم ومشى وخالد وسلطان اللي مو فاهم شيء وراه )
-----------------------------------------------------
-----------------------------------------------------
ركبوا مع عبير والسواق الجديد اللي موو عاارف شيء بالرياض !! حتـى ضيّعهم وخذ لهم جـوله بأنحاء الـرياض .. خآفت عبير وتوترت وخصوصا انهم تأخروا والبنات ذابحينهم بالاتصالات .. وفجـأأه وبـوسـط سواليفهم اصتـدمت سيـارتهم بـِ مـوستنج سـوداء ..
عبير بخووف : راااااج ياااغبي انتت ايييش سووويت !!
لجين شهقت وهي ترتجف من الخووف : يممهه ووش نسوووي !
اريج ناظرت الشباب اللي نزلوا من السياره وكآنوا معصبين بالحييل وماتلوومهم لأن سيارتهم انعدمت بالمرره ..
فتح الباب السواق ونزل من السياره واستلموه الشباب هواش وصراخ وسب وضرب بعد ماقصروا ..
اريج رمت شنطتها لـ لجين وجت بتفتح الباب : انا بأنـزل اكلمهم ..
لجين بصراخ : مهبووووله انتي !!
عبير مسكت يد اريج وبخوف : اناا بأنـزل خلاص ..
اريج تنهدت : اقوول استريحوا بس ( وفتحت الباب ونزلت وبصوت عالي تقريباً حتى يسمعونها ) احناا آسفيين بس السايق تحت التدرريب ومايعرف شيء !
الشاب1 بتريقه : لاا ياا شيخه ؟! وانا اييش ذنبي ؟؟ ( ولف لسيارته وبقهر ) هذي السياره انعددمت خلااص بتروح التشليح
الشاب2 وهو يناظر اريج : يآآخي فدووه لعيوونها بس .. والسـ
الشاب 3 بعصبيه :راكــاااان احنااا بعاالم وانت بعاالم ! ( وناظر الشاب 1 ) خلااص ما حصل الا الخيير والحمدلله احنا ماعلينا قااصر ..
الشاب 1 بقهر وصراخ : والله ماالي شغل فيهم ..
الشاب 3 قاطعه وهو يهديه وبهمس : هـدّ اعصابك .. بعديين ارحمهم مساكين بنات مامعهم الا هالزلابه ..
الشاب 1 وبصراخ وعصبيه : واناا اييش دخلني ماا دام اهلهم مو مربينهم ومخلينهم يتصكعوون بهذي الشوارع وبالليل بعد !
اريج بقهر : لوو سمحت احتررم نفسك! لا تغلط علينا!
الشاب 1 وباستهزاء : ايه ابشرري يالمحتـــــرمه ..( ومدهاا بسخريه )
الشاب 3 : وبعدييين معك يـا حمـد !!
راكان : حموود حبيبي اجيب لك اللي اطلق منهاا .. بس خلاص اتركهم ( وتقدم لجهة اريج وغمز لها ) لأجــل هالمـزيونه وياا ويل قلبي عليهاا بسس ! ..
اريج تنهدت منه بقهر .. ما كانت متبرجه ! بس باين عليه مغازلجي وراعي بنات .. قربت من عند شباك عبير وبقهر : عبيير دقي على اي واحد يجي ياخذنا ..
عبير خذت جوالها وبخوف : خلاص بأدق على عمـر ..
اريج تاففت بقهر : لحـظه اخـوي جـاي يتفاهـم معكمً ..
حمد بعصبيه وبتهديد : شـوفي دقيـت على نجـم انا ومااعلي منكم ان جاء واخووك تأخر او ماجاء .
اريج : يصييير خير ( ومشت للسياره وركبت وهي تتافف )
راكان ابتسم بخبث ومشى لـ عندهم ..
-----------------------------------------------------
ارتبك من اتصـال عبير ونبرة صوتها الخائفه .. وبسـرعه طلع من بيت عمه ركض لـ سيارته .. لحقـه صـالح باستغـراب من عمر اللي قبل شووي يضحك ومن بعد المكالمه تغيرت ملامح وجهه وقاام بسسرعه ..
صالح وقف عند سيارة عمر اللي حركها وبخووف : عمممر عمـــر ايييش صاااير ؟؟؟
عمر بإستعجاال : ولااا شيء ! ( وحرك سيارته )
صالح بسرعه فتح الباب وركب السياره ولف لـ عمر : علىى ميين هالكلاام ؟؟..
عمر تنهد بقهر : اييش اقوولك ياا صاالح اختـي متووهقه !!
صالح زادت دقآت قلبه على طاري عبير وبخووف : لييش ؟ اييش فيها ؟؟
عمر رفع جواله ودق على عبير وبإرتباك : اقوولك السالفه بعدين
..
-
كانوا خايفين من راكان اللي كان متسند ع الشجره اللي جنب شباك اريج وبين لحظه ولحظه يسترق النظر لها .. اما حمـد فكان منفجر من العصبيه والقهر وصديقـه يحاول يهديه بقدر مايستطيع ..
رن جوال عبير وكان اخوها عمر وردت بسرعه وبخووف : الووو هلاا عممر ..
عمر بعصبيه : انتيي ويننك اللحين ؟؟
عبير بتوتر : انا ومعاي لجين واريج ( وبلعت ريقها وهي تلتفت )
بس مدرري وين ودانا هالدلخ !
عمر تافف وبقهر : واناا وش الفاانوس السحري ع شان اعرف مكانكم !
عبير ناظرت راكان وبتوتر : امم تبغى تكلم اللي صدمنـا يمكن يعرف !
عمر بعصبيه : عبييير انتي بعقلك ؟؟!! .. شووفي قولي لهالرخمه يعطي اللي صدمتووه جوواله موو انتي !! طييب ؟؟
عبير نآظرت اريج اللي كانت تقول لها تسلك لـ عمر وتسكر السماعه وبغصّه : طييب طييب .. مع السلاامه ( وسكرت الجوال ولفت لـ أريج وهي شوي وتصيح ) اريييج وش اسووي!
اريج بتفكير : لا تعطينه جوالك ! ( ولفت لـ راكان وبكره ) انا بأعطيه جوالي ! ( وفتحت شّباكها بتهوور ) لوو سمحت !
راكان لف لـها وبابتسامه : هلاا والله بالززين كله ..
اريج بـ كره : ابغااك تقووله وين احنا فييه ! وبدووون لف ودوران لوو سمحت ! ( ولفت لـ عبير ) اكتبي رقم اخووك ..
عبير كتبت رقم عمر وعطت اريج جوالها ..
راكان : الوو .. هلا والله .. ابشـر يا طويل العمر انت وينك فيه اللحين ؟؟ ( وبدآ راكان بالوصف لـ عمر اللي أُعجِب بإسلوبه )
اريج خذت الجوال من راكان بقوه وبـ كُره من تصرفاته اللي عاارفتها وفاهمتها ..: شكرراً ( وجت بتسكر الشباك )
راكان بابتسامه مآكِره : العفوو ولوو يالغلاا كلله ..
-----------------------------------------------------
بعد ساعتين تقريباً هـدأ الـوضع وسكت الجميع وهم يناظرون مهنـد وينتظرونه يقـول لهم السـالفه وبالتفصيـل ! تنهد مهند بقهر وشبك اصابع يده ببعض : السالفه طوويله ..
فيصل : عادي قول ما ورانا شيء احنا ..
مهند ابتسم بسخريه : تصـدقون شفت ميثـم وكان معي بس ما انتبهت له ولا حتى هو .. ما عرفته الا بعد ما طلعوه من عندي ،،
فهد : لحظـه ! وين شفته ؟؟
مهند مسك راسه وبتفكير : للأسف المكان ما اذكره لكن كاان مكاان كبيير .. ( وعقد حواجبه وهو يحاول يتذكر ) ممكن تقولون مزرعه كبيره او غـابه والله مـا اذكر ..!
مشاري ويزيد وسلمـان انصدموا وناظروا بعض وبصـدمه : غـابـه !؟
مهند : ايه ممكن بس ايش فيكم ؟
ماكس تنهد : يعني اللي كانوا ماسكينك العصابه ..
مهند تذكر نوسين وبكِره : لا نووسيين العلّه .. وكان معاها شاب
من شفت نظراته وانا غاسل يدي ..
ماكس بتـوتر : الشـاب طـويل اسمـر ؟؟..
مهند وهو يتذكر : ايييه ونوسين اي طلب يقول لها تنفذه بسرعه .. ( ولف لماكس وباستغراب ) لحظه ؟؟ انت تعرفه ؟؟
ماكس توتر : هااه لا لا ما اعرفه .. بس كذا مجرد سؤال ،،
مهند : المهـم ان الشاب هذا هوو اسااس البلاا كله !! انا ابصم لكم بالميه انه مع العصـابه نفسها بس مسوي نفسه انه مع نوسين وهي صدقت الدلخه .. ولا هو اللي موديني لـ هذا المكان اللي مدري وش قصة امه !
فهد : لحظه لحظه اعصابك مافهمت شيء من السالفه كلها سب
مهند ضحك بعفويه : يآآخي فااقعين ضغطي ..
------------------------------------------------------
نادت اخوها نـآهل يعطيها شوي من الاخبار ,, لعلّها تخفف شوي من تـوتـر أليـس اللي موو من الملكه بالآساس بس ماتدري ايش فيها بالظبط ! .. دخل نآهل الغرفه بتافف من اوامر لميس وتكتف وبملل : اييش تبغين ؟؟
لميس سحبت يد ناهل وجلسته على الكرسي ولفت عليه وبحماس : من جآي ..
ناهل بملل : مدري ناس كثيرين ..
لميس : طيـب جايين اخـوان فـارس .؟
ناهل وهو يفكر : ايه بس اخوو واحد عنده ..؟ ( وعقد حواجبه ) وهو معاق واسمـه فـؤاد اتوقع ..؟
آليس رفعت راسها وناظرت لميس بتوتر وصدمـه ..
لميس بلعت ريقها : انـت متأكد !
ناهل : اييه حتى قام يسولف معي .. ( ووقف بطفش وطلع برا الغرفه )
ندى : ايه صادق ناهل .. وحتى ابوي كان يقوله .. وامم كآن يعالج برآ فـؤاد .. والحمـدلله رجـع له بصـره ولا قبل كان أعمـى
لميس بصدمه : مستحيــــل !! ( ولفت لأليس اللي نزلت راسها وهي مو مستوووعبه انه فـؤاد نفسه !! )
نـدى استغربت منهم وحبّت تغير السالفه وبابتسامه : الا صـح هـو فارس ايش ؟
لميس عقدت حواجبها وناظرت ندى وباستغراب : ماعرفتيه ؟؟
ندى هزت راسها بـ(لآ) : لآ والله ما اعرفه ؟؟
لميس بابتسامه خفيفه : هوو نفسه اللي كان معكم باسبانيا وكان يدرس معك .. اسمـه فـآرس فهـد الـ*........*
نــدى انصـدمت وارتجف جسمها وهي مووو مصدقه ابــداً !! معقووووله فــارس مااغيره !!! لااا مسستحيل ، بلعت ريقها وبألم : الله يوفقكم .. ( ووقفت بسرعه وطلعت برا الغـرفه ، سندت ظهرها على الجدار وطاحت على الارض وهي ترتجف) نزلـت دموعها على خدها الناعم وهي مو مستوعبه ابداً .. حبيبهـا ومعشوقهـا واللي كـانت تنتظـره بفـارغ الصبـر يصيـر زوج بنـت عمها ..!! ( بلعت ريقها وبحزن وهي تتذكر كلام وَجـد لها واللي فعلاً صـار حقيقه ! .. هـو نسآها وما اهتم فيها ابداً لـدرجة انه راح يتـزوج بنـت عمهـا ..!! انتظرتـه طوال السنين بكل شووق وحنيين بالنهـايه صـار حبها من طـرف واحـد ! وصـار زوج بنـت عمها ! .. صـدمه حطمتهـا وحطمت قلبها .. مسحت دموعها ومشت للمغاسل بإنكسار وخذلآن لـتغسل وجهها .. لاازم تنسآه وتنسـى حبها لـه .. لأنها بكـذا تصيـر خـاينه لـبنت عمها الغآليـه عليها .. لكن كييييف ...؟! ( نزلت دموعها مره ثانيه وحست انها بتنهـار ماتقدر تتحمل اكثر من كذا ! صـدمة حياتها هالخبـر .. خذت جوالهـا ودورت من بين قائمـة الأرقام عن رقـم .....
--
من طلعت نـدى من الغـرفه انفجـرت آليس بالبكاء .. طاحت على حضن لميس وهي مو حاسه بنفسها ابدداً .. معقــوله الصـدف تسووي كذذا !! .. ولـو درا هـو عنها اييش بيصير .. اكييد راح يستحقرها ويعلم فـارس بالسالفه !! .. الله يهـديك يـا يبه حطمـت حيااتي كلهاا !! ..
لميس بحزن وهي تهدي أليس : خلااص حبيبتي كفاايه ..
أليس وهي تبكي : مُستحييل يا لمييس .. خــلآص ما ابييه . مسستحيل اووافق .. ماابي افتح ابوواب مسكـره من زمــان ..
لميس بصدمه : اييش انتيي من جددك ؟؟ لاا بالله انهبلتي !! انتي عاارفه لو عرف عمي بالسالفه ايش بيسوي !
أليس : يسوون اللي يسووون لكن مستحيل اووافق ( ونزلت دموعها وهي تشاهق )
لميس مسحت على شعر آليس : تعووذي من ابليس .، اللي كاتبه ربك بيصير !
أليس : والنعم بالله .. لكن بكذا صدقيني بتكبر السالفه وبتصير مشاكل مالها نهايه !
لميس تنهدت : فـؤاد اكبر من كذا .. يلا مسحي دموعك بس وخليني أعدل مكياجك ..
أليس حضنت رجولها وهزت راسها بـ(لآ) وهي منهـآآره من البكاء ..
------------------------------------------------------
راافضه نهاائياً انها تروح لـ ملكة بنت خالها .. وهي من النووع اللي اذا حط شيء براسه مستحيل يغيره ! .. عنييييده جدداً ..
تنهدت هديل وهي تجلس على الكرسي وبابتسامه هادئه : حبيبتي أموول خالي ثامر موصيني ان اجي اليوم ومعاي انتي ،،
أمل بجديه : انتي بكذا تهينيين كرامتك على فكره !
هديل عقدت حواجبها وباستغراب : اهين كرامتي ؟
أمل بقهر : اييه .. تذذكرين خوالي وايش كلامهم عن عماني وابوي وحتى امي ماسلمت من ألسنتهم ! هديل لو سمحتي لا تنكرين ! ولا تنسين حتى وقفتهم ضدك يوم تخصصتي طب .. وفرحتهم لـ عصام ووقوفهم بجنبه يوم تخصص نفس تخصصك
هديل ضحكت بخفه : ياا حليلك يـا امل .. المجتمـع يعارض ان البنت تتخصص طب وتكون دكتوره .. وعذرهم بإنه إختـلاط .. اما الولـد بالعكس فخـر وعِـزّه ..
أمل : ماعلينا من المجتمع .. هذولي اهلنااا بالمفروض يوقفون بجنبنا مو كذا ! ( ولفت وجهها ) رجاءاً هديل لا تحاولين معي! وحتى انتي اذا رحتي والله ما اكلمك !!
هديل فتحت عيونها على الآخر : امـــل ايش هالكلاام !!
امل بكذب وبتظاهر : انتي ماتدرين ايش سوو فيني وانتي مسافره ..
هديل بخووف : ايش سوو فيك حبيبتي ؟؟
أمل حطت يديها على وجهها : مابي اكٓرههّم فيك واطيحهم من عينك ..
------------------------------------------------------
"جالسه لـوحدها بالحديقـه ومعاها كـوب شاهي وبيدهـا جـوالها الجـالكسي .. جـو هـادئ وروقـان ..لا ازعاج ولا صراخ كالعاده ".. تقـدمت لجهتها بعد تـوتر ونـدم .. وسلمت عليها وجلست على الكرسي .. مو بعادتها تجلس معاها ! ماتجلس معاها الا اذا نادتها منـى .. وهـذا بسبب اللي قـالته لها ..
تنهدت بـتوتر ونزلت راسها : امم منـار ..
منار رفعت راسها وعقدت حواجبها وابتسمت بسخريه : ايش بتقولين بعد ؟؟ .. على فكره بس ترى الجلسه معك تجيب الكئابه بس ع شان منـى .. ( وناظرتها بإستحقار ) ولا ماتستاهلين والله ..
ريتاج بلعت ريقها وبحزن : انا جـآيه اعتـذر لك عن اللي قلت لك.. كانت مُجـرد لحظـة غضـب وانـزلّ مني الكلام ..
منار ضحكت بسخريه : على مين ياريتاج ؟؟..
ريتاج شتت انظارها وتنهدت : منـار رجـاءاً انتي ماتدرين ايش حصل لي ! فـ رجاءاً لا تسيئين الظن !
منار : والله حبيبتي مو من طبعي كذا .. بس بعض التصرفات تجبررك على الأساليب الحلوه ..
ريتاج رفعت راسها وناظرتها بترجي : اناا جاايه اعتذر موو ع شان اقلب المواجع .. اتمنـى تسامحيني ..
منار مسكت الكوب الحار اللي ماحسّت بحرارته من شدة قهرها : محـد مرتاح بهالدنيا لا تظنين انك انتي الوحيده بس .. اللي عايشه بحزن ..
ريتاج بابتسامه هادئه : اكيـد لأنها دار ابتلاء وامتحان .. المهم انك سامحتيني .. اتمنى احط راسي على المخده اليوم وانا مرتاحه نفسياً من السالفه ..
منار : مسـامحتك .. لكـن بشـرط انك تقـولين لي سالفتـك مع فـواز وعبدالكـريم كلها ...!!
ريتاج بترجي: مناار طلبتك لا تفتحين ابواب مسكره !
منار بعنـآد : من حقـي ان اعرف الحقيقـه ولآ ..؟
ريتاج بلعت ريقها : ايه طبعاً من حقك بس ؟
منار ناظرت ريتاج بهدوء : لو سمحتي ريتاج ..(
ريتاج هزت راسها وتنهدت : ان شـاء الله ابشري ..
------------------------------------------------------
انتهـزت الفـرصه يوم شافت نـوسين تطلع من البيت .. وراحت لـ مكتبها بـكل هـدوء وحـذر ! .. حطت الـرمز اللي قد شافت نوسين تحطه .. وانفتح الباب لها .. دخلت المكتب وسكرت الباب ع شان ماينتبه احد ! وركضت بسـرعه للمكتب وبدأت تحووس بالادراج .. ولكـن يـافرحـه ماتمت !! ما امداها تفتح الدرج الا سمعت اصوات جداً قريبه من المكتب ،، وشافت مقبض الباب يتحرك .. ( وبسرعه جلست تحت الطاوله من عند الكرسي وحطت قدامها وفوقها بعض الاكياس والملفات حتى ماتبآن ) طبعاً بإمكانها ان تهـرب او تطلع برا المكتب بكـل بـرود لكنها تبي تعرف اسـرار نوسين اللي مخبيتها عنها ! حتـى تعرف كيف تـدمرهم وتخـرب عليهم !
انفتح الباب ودخلت نوسين بتذمر ورمت شنطتها على الطاوله وجلست على الكرسي اللي بجانب الطاوله وامامه كرسي آخر وطاوله صغيره شفافه تتوسطهم ..
نوسين بتذمر وهي تحط يدها على خدها : هيآ قُلّ لي ماهو الحل ؟
ضحك وهو يجلس على الكرسي الثاني وبابتسامه : لآ عليك أمر مـاكس جـداً سهـل .. استطيـع ان اقضـي عليه ( وبخبث ) وبكل سهووله ..
نوسين تاففت : مااكس ليس مُغفل ..
حط رجل على رجل وشتت انظاره وبمكر : ولكـنني اعـرف نقطة ضعفـه ..
نوسين عقدت حواجبها وبحماس : ماهي ؟؟
نفث السيجاره اللي كانت بيده وبابتسامه مآكِره : دعيها لي .. ولا يهمك الأمر ..
نوسين : وياسميـن يا ميشيل ؟
ميشيل ضحك بسخريه : اووه هذه الفتاة الغنيه أُتركي أمرها لي ..
نوسين تنهدت : وهنـادي؟؟ وانت الى الآن لم تخبرني عن خططك ضدهم ؟
ميشيل : لا عليك .. سأخبرُك لاحقاً .. أما هنـآدي فأنتي تستطيعين اقناعها ..
نوسين بحقد : انت تعرف ما آريده ..
ميشيل ضحك: نعم وانا مؤيد لـما تريدين ..
نوسين ابتسمت : حسناً شكراً ميشيل ..
ميشيل وقف وبابتسامه : العفوو .. الآن دعينا نذهب ..
نوسين وقفت وبابتسامه : حسناً
( طلعوا برا الغرفه وهم يفكرون بافكارهم .. اما هنادي فابتسمت وهي تناظر المُسجل الصغير اللي كان بيديها .. واللي سجل كـلامهم من البـدايه ) ابتسمت بمكر وبنفسها " (ما راح تصيـرين أذكـى مني يـا نوسيـن والـوعد قـادم ! ) ووقفت بهدوء بعد مابعدت الاغراض عنها ..
------------------------------------------------------
سلطـان كان بقمـة استغـرابه من خـالد واللي كان يمشـي ورا كلام الـرجال اللي معاهم .. مع ان من نـظرات خالد واسلوبه اكيد ورآه شيء ! بـس مايـدري ايش هـو !! لكن الامر اللي استانس منه ان القارب راح يرجع لألمانيا لكنه كان خاايف من هالاشخاص ان كانوا كذبوا عليهم .. او وراهم نيّه سيئه ! وخصوصاً انهم مايعرفونهم ..
تفاجأ سلطـان من طلب خالد انه بيكلم امـه المسكينه والمحتاجه إليه ليتطمـن عليها .. ومجهـول ماردّ له طلبه وعطآه جواله ومشى جـوا حتى يخليه يتكلم على راحته ..
سلطان ناظر خالد بصدمه وفتح عيونه على الآخر : يــا مكّـــآر..
خالد ضحك : حتـى هو ياحبيبي مكـار عطاني جواله الثاني لأنه عارف اني كـذاب ..
سلطان باستغراب : طيب ايش بتسوي
خالد كتب الرقم ودق عليه : انتظـر وراح تعرف ..
سلطان هز كتوفه : نشوف وش ورانا .. ( وجلس على مرتبة القارب )
خـالد بابتسامه : الوو .. السلام عليكم ..
.... بفـرح : هلااا والله .. وعليكم السلاام .. خااالد صح ؟؟؟
خالد بابتسامه : عااش من سمع صووتك يا جميل .. ايه انا خـالد يا يزيد ..
يزيد بفرحه : خاالد انت بخيير ..؟؟ ووينك انت وسلطاان ؟؟
خالد شتت انظاره وبأمل : احنا الحمدلله بخير بس يزيـد ممكن طلب اذا ماعليك امر ..
يزيد : تفضـل انت تآمر مو تطلب ..
خالد : جعلك تسلم .. ابغآك تجي انت والشباب عند مصنـع 2m2h اللي علـى البحـر ..
يزيد بتفكير : اللي لـونه ازرق على كحلي وفيه قـوارب هناك؟
خالد ابتسم : ايوووه بالظبط ! ( وبجديه ) يـزيـد انا وسلطان راح نجي مع قـارب 2m2h ..وابغاكم تجوون هناك ..
يزيد ابتسم : ولا عليك .. ابششر باللي يسرّك .. ان شاء الله راح نروح اللحين وراح نظبط اماكن وكذا .. ع شان مايشكون زي ماتعرف هالشركه كبيره .. واليوم فيه حفل ع ما اتوقع ف راح يشددون الحراسه ..
خالد : ايه والله يسسعدك لا تشككونهم فيكم !
يزيد : انت تعرفني بهالأمور يا خالد ..
خالد ابتسم : ايه وهذا اللي مطمنّي .. يزيد عن اذنك لاازم اسكر ..
يزيد بابتسامه : اذنـك معك يالغالي وانتبهوا لأنفسكم وسلمني على سلطان ،.
خالد : يووصل ان شاء الله .. مع السلامه ( وسكر الجوال ولف ل سلطان وبابتسامه ) يزيـد يسلم عليك ..
--
نـآظروه بصـدمه وهـم مو مصدقينه ! من جـدّه ولا يمـزح معهم ! وشلون يعطيه جـواله ! هذا الشيء راح يضيعه لأنه راح يشوف الارقام اللي عنده والصور والرسايل وغيرها ! وممكن يحفظ الرقم .... قآطعهم وبابتسامه هادئه : اول شيء الجوال اللي عطيته مو جوالي !
نآظرو بصـدمه وباستغراب : جـوال مين أجل ..؟؟!
مجهـول شتت انظاره وبابتسامه : خلّـوه هو يكتشف هالأمر بنفسه ..
حسان بتوتر : امم طيب ماودك نمشي اللحين ؟ لأن مابقى شيء وينتهي الحفل ..
الوليد بابتسامه : مع السـلامه الله يحفظكم اشووفكم على خير .. بأروح قبل مايشكوون بالسالفه ..
مجهول : ايه والله زين ماسويت .. مع السلامه .. بحفظ الرحمٰن ..
آنري وهو يناظر ساعته : هيّا بنا لم يبقى الا القليل من الوقت
مجهول : حسناً .. حسـان تأكـدت انك خذت الأشرِعٓه كلها حقت الشركه .. والملابس نزلتها تحت ؟!
حسان هز رآسه بإيه : ايه كل شيء بخصوص هالشركه خذته وخبيته ..
مجهول لف لـ آنري : متـأكد ان الحراس مسكوا زاكاشي ! ومتأكد انك أزلت الأثار ..
آنري بابتسامه : ايه ..
مجهول : وانا رميت الملابس والقنـاع اللي كنت متنكر فيه بـدورة الميآه ( الله يكرمكم ) وفتحت الباب .. وايش باقي بعد ؟؟..
'وفجــأه قـاطعهم الفلاشـات والاضـواء اللي اشتغلـت بكـل مكـان ! والحـراس اللي انتشـروا بالسفينـه بعـد ما عرفـوا عن المتنكـر بشخصيـة الـرئيس وانـه مـوجـود بهـذي السفينـه ..!!
------------------------------------------------------
* اللهـم صـلّ علـى محمـد وعلـى آله وصحبـه آجمعيـن
** اتمنـى ماتحـرموني من تـوقعـاتكم وردودكـم الـرائعه $ .. " قـرآءة ممتعـة "
*** البـارت الجآي بـِشوال ان شاء الله وراح يكون طويل بإذن الله ^_^ ،، شُكـراً شُكـراً شُكـراً لجميـع من قـرأ البارت ،،
**** >> اتمنـى تسـامحوني على الأخطـاء اللي بالبـارت وتسامحـوني علـى التأخيـر $$ والله يتقبـل طاعتنــا يااارب ..
***** أسّأل الله لكُم راحةً تملأُ أنفُسكُم .. ورِضآ يَغمِرُ قلُوبكُم .. وعملاً يُرضِي ربكُم .. وسَعَادةً تَعلُو وجُوهكُم .. وعَفّواً يَغسِل ذنُوبَكُم .. و فَرَجاً يَمحُو همُومَكُم ..
Like
لامارا غير متواجد حالياً أضافة تقييم إلى لامارا تقرير بمشاركة سيئة رد مع اقتباس إقتباس متعدد لهذه المشاركة الرد السريع على هذه المشاركة
قديم 14-08-13, 12:37 PM