الفصل 3
*ـ ࢪواية.سر تحت الجلباب 🥳🥀↻≯🍒⸙•♡»»)) 8/9/10/11
غرام الروايات
تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J
#سلوي_عوض
#سر_تحت_الجلباب
بارت 8
نورا خلاص خليك، أنا هنعس كده كده.
تيم: مينفعش اسيبك، هو احنا لينا غير بعض.
نورا: ربنا يخليك ليا.
تيم: ويخليكي ليا يا حبيبتي.
السرد: لنتركهم ونذهب إلى ناعسه حيث كانت تشعر بانقباض في قلبها وثقل في رأسها.
ناعسه: استر يارب، جلبي مجبوض جوي وراسي تجليه… يكونش العيال فيهم حاجه… استرها يارب. اتصل علي الواد اشوفه.
السرد: لتتصل ناعسه على تيم.
تيم: بغضب ايوه يا اما.
ناعسه: انتو فيكم حاجه؟
تيم: وانتي من ميته بتحسي بينا.
ناعسه: يا ولدي طمني عليكم.
تيم: بجولك ايه يا اما انسينا احسن واحنا مش هناجو البلد تاني.
ناعسه: طاب طمني الاول.
تيم: بتك عيانه جوي جوي، والجيران الغرب هما اللي واخدين بالهم منيها.
ناعسه: يا مري يا بتي… خيتك مالها؟
تيم: بجولك بتك عيانه ايه… في ايه؟
ناعسه: انا هجيكم مصر.
تيم: وهتسيبي الخدمه ف بيت العمده؟
ناعسه: اجفل دلوك، ولما اجيكم يحلها ربنا.
السرد: لتغلق ناعسه الهاتف مع ولدها.
ناعسه: اعمل ايه دلوك… ده الفرح جدامه يومين.
السرد: لتفكر ناعسه.
ناعسه: انا احسن حاجه اتصل عليها واجولها اني مسافره مصر عشان اجيبلها حاجه هتخليها جميله جوي جوي من عند واحده سودانيه بتعمل خلطات عرايس… وابجا اعملها اي خلطه واديهالها.
السرد: لتتصل ناعسه على جليله.
جليله: ايه يا ناعسه في حاجه؟
ناعسه: اه يا ست الحسن والجمال في خبر حلو جوي.
جليله: خير في ايه؟
ناعسه: في واحده سودانيه ف مصر بتعمل خلطات تخلي وش الواحده ينور، وغير كمان ريحه الجسم بتبجا تجنن، ده غير حنه الشعر بتتحط ساعتين وتخلي الشعر ناعم حرير.
جليله: بجد؟ مين جالك؟
ناعسه: بتي لما كانت هنا جالتلي إن صاحبتها عملت كده والناس كانو هيتجننو عليها من جمالها وحلاوه ريحتها.
جليله: طاب مين هيجبلي الحاجه دي؟
ناعسه: هيا الست ديه مبتوصلش الحاجه للصعيد.
جليله: طاب والعمل؟
ناعسه: انا كت بجول اسافر اجيبلك الحاجه ديه واجي علي طول.
جليله: حلو جوي، خلاص روحي، وانا هرتب الجناح بتاعي انا وباجي الشغالين… بس اوعي تتاءخري.
ناعسه: له، مسافه السكه.
جليله: له ابجي ريحي ساعتين عند عيالك.
ناعسه: ربنا يخليكي ليا يا ست الحسن والجمال، ده خيتك شاديه ديه هتولع من جمالك.
جليله: بس اوعي حد يعرف اني شيعتك مصر عشان تجيبلي حاجه.
ناعسه: له طبعا، مجنونه انا اياك.
جليله: طاب تعالي خدي فلوس.
ناعسه: انا معايا، وكله خيركم.
جليله: طيب خلاص لما تاجي ابجا اديلك.
السرد: لتغلق جليله الهاتف مع ناعسه.
جليله: ايوه كده… احط الحنه علي شعري واظبط حالي… وابجا احلي من الجوجه شاديه… فرحنالي جوي ببوجين البياض اللي عنديها… وكمان مع بودره العفريت هتجعد تتهرش وجسمها يبوظ… احسن حلال فيها.
السرد: ونتركها ونذهب الي زاهر، كان زاهر يجلس يتذكر الماضي.
السرد: والدته تعد لهم الافطار.
نجيه: اما نجيه ايه يا زاهر، عاوز ايه؟
زاهر: يا اما ابوي وحشني جوي.
نجيه: ربنا يهديه ويرجع يا ولدي.
زاهر: يا اما بجاله كتير جوي غايب، والعيال بيعايروني وبيجولولي ابوك طفش وهملكم.
نجيه: له يا ولدي، ده سافر يدور علي شغل ف بلد جارنا عشان يكفي علينا.
زاهر: طاب خلاص يىجي… انتي متروحيش تخدمي عند حد.
نجيه: ونعيشو منين طيب؟
زاهر: انا اشتغل واصر ف عليكم.
نجيه: نشتغل ايه بس؟
زاهر: اي حاجه، المهم اصرف عليكي وعلي اخواتي.
نجيه: محدش هيرضي يشغلك يا زاهر.
زاهر: عشان صغير يعني، بكره اكبر.
نجيه: له يا ولدي، مش عشان صغير.
زاهر: طاب جوليلي ليه يا اما؟
نجيه: عشان ابوك حرامي… ابوك جبل ميهج من البلد سرج الراجل اللي كان شغال عنديه، والعمده حكم علينا هو وكبارات البلد اننا نسدو الدين.
زاهر: طاب واحنا هنجيبو منين؟
نجيه: اديني بشتغل وبسد يا ولدي، واللي بيتبجي بناكلو بيه.
زاهر: وهو الجرجوش المنيخ ف مايه يبجا وكل؟ يا اما تجدري تجوليلي من ميته مولعتيش البابور وعملتي عليه؟
نجيه: هنعملو ايه بس يا ولدي؟
زاهر: خلاص يبجا نرحلو من البلد دي.
نجيه: نرحلو؟ نروحو فين بس يا ولدي؟
زاهر: بلاد الله واسعه.
نجيه: مش هنجدرو، العين علينا يا ولدي.
السرد: ليقرر زاهر الخروج.
زاهر: خلاص انا هخرج واتصرف.
نجيه: هتتصرف منين بس يا ولدي؟
زاهر: خلاص يا اما.
نجيه: عيني عليك يا ولدي… شيلت الهم وانته عمرك سبع سنين.
السرد: ليخرج زاهر ويترك والدته، ويجد الاطفال يلعبون.
السرد: يقترب منهم.
زاهر: لاعبوني معاكم.
الاطفال: احنا منلعبوش مع واد الحرامي.
السرد: ويقذفونه بالحجاره حتى يصاب في رأسه.
السرد: يجلس زاهر بجانب شجره وهو يبكي.
السرد: يقترب منه رجل من رجال الجبل.
عطوه: مالك يا واد؟ وايه الدم اللي علي وشك ديتي؟
زاهر: العيال مرضيوش يلاعبوني وضربوني وبيجولولي يا واد الحرامي.
عطوه: انته واد مين؟
زاهر: انا واد فاوي ابو راسين.
عطوه: انته بجا اللي ابوك سرج بابور الطحين؟
زاهر: ايوه هو… بس هو سرج، انا واخواتي وامي ذنبنا ايه؟
عطوه: ذنبكم ان ابوكم حرامي، والناس مبترحمش.
زاهر: انا جعان جوي، هموت من الجوع.
عطوه: تعالي معاي أوكلك.
زاهر: طاب… هو انته مين؟
عطوه: انا عمك عطوه كبير المطاريد.
زاهر: ده البلد كلها بتخاف منكم.
عطوه: هما الناس كده يا ولدي، ميمشوش غير بضرب الكرباج.
زاهر: خلاص خدني شغلني معاك.
عطوه: طاب وانته هتجدر تشتغل ايه معانا؟ احنا شغلنا كله خطر.
زاهر: اخدمكم لغيت ما أكبر وأشد عودي، وبعد كده اطلع معاكم.
عطوه: باين عليك زكي وهتنفعنا، بس احنا بنعملو اللي بيشتغل معانا.
زاهر: علمني وانا مش هجول لحد.
عطوه: له، ده علام تاني… جوم تعالي معاي.
السرد: يعود زاهر بالذاكره.
زاهر: الله يرحمك يا أبا عطوه.
السرد: يمسح دمعه الهارب من عينيه.
السرد: ونترك زاهر ونذهب الي القاهره، حيث وصلت ناعسه شقه اولادها.
السرد: تجد ابنتها حرارتها مرتفعة.
ناعسه: اسم الله عليكي يا بتي.
تيم: ياريتك بجا تجعدي جارنا وتاخدي بالك من بتك.
ناعسه: صدجني يا ولدي غصب عني.
السرد: يضرب تيم زجاج الشباك بيده، لينكسر الزجاج وتجرح يده.
ناعسه: بخوف… ليه كده بس يا ولدي؟ استني اجيبلك بن عشان اكتم الجرح.
تيم: الجرح ف جلبي يا اما، مش ف يدي.
السرد: تفيق نورا.
نورا: بتعب… اما؟ يا اما؟
ناعسه: انا هنا يا نور عيني.
نورا: صح يا امي انتي جاري؟ ولا انا بحلم؟
ناعسه: له انا جاري صح يا بتي.
تيم: اه جات، بس اكيد هتسافر تاني وتسيبنا… نفسي الاقي مبرر واحد للي احنا فيه، وانك تعيشي ف بلد واحنا ف بلد، وكمان احنا ملناش حد هناك… عايشه هناك ليه؟ مستحمله الذل والمرمطه والخدمه ليه؟ قوليلي يا اما ليه… ولا تكوني مش امنا واحنا ناس تانين؟
ناعسه: انا مكتش ناويه احكي حاجه خالص… لكن هجولك عشان تعرف انا جاعده ف الصعيد ليه… وانته بس متسمع وتحكم… لو جولتلي هملي الصعيد وعيشي معانا هعمل كده.
تيم: احكي يا امي.
السرد: لنتركهم ونذهب الي خيم الغجر.
السرد: نقاوه تجلس مع ونيسه.
نقاوه: افهم بجا ايه اللي ف راسك، ومن ميته وانتي بتطيجي عرفه واد العمده؟
ونيسه: انتي عرفتي ان نظمي هيتجوز بت العمده شاديه؟
نقاوه: جوللي كلام غير ديتي.
ونيسه: هيا ديه الحجيجه.
نقاوه: اه يا واد المراكيب.
ونيسه: عشان كده لازم اخد حجي واعلمه الادب، وعرفه هو الطعم اللي هصطاد بيه نظمي واخليه يحب علي رجلي من تاني.
نقاوه: ازاي بجا يا فالحه؟
ونيسه: لسه بفكر…
نقاوه تنظر لونيـسه بتحذير.
نقاوه: بس اوعي النار اللي عاوزه تحرجيهم بيها تحرجك انتي.
ونيسه: متخافيش، انا هخليلك عرفه خاتم ف صباعي وميجدرش يعيش من غيري.
السرد: دجيجه واحده.
نقاوه: ربنا يستر.
السرد: تسمع ونيسه صوت العم نجيب.
ونيسه: تعالي يا حكيم.
السرد: نقاوه.
نقاوه: عارفه، اروح اعمل شاي.
ونيسه: عافيه عليكي.
السرد: يدخل الحكيم وتخرج نقاوه.
نجيب: عملتي ايه؟
السرد: لتقص عليه ونيسه كل ما فعلته وما تنوي فعله.
نجيب: عافيه عليكي، انتي كده صح، وزودي العيار حبتين كمان.
ونيسه: ازاي؟
نجيب: في اعشاب معاي هديهالك، وكل ما عرفه ياجيكي حطيهاله ف الشاي، طعمها زي الجرنفل.
ونيسه: جصدك يعني اني اخليه مدمن؟
نجيب: اه.
ونيسه: لكن انته جيبت الاعشاب ديه منين؟
نجيب: انا زارعها عندي ف الخيمه، ومحدش يعرف غيرك انتي بس يا بتي.
ونيسه: طاب وبعد كده؟
نجيب: هيبجا مركوب ف رجلك عشان تجدري تنفذي بجيه خطتك.
ونيسه: طاب وانته بتساعدني مش احسنلك انك تهملي ارجص عشان الفلوس اللي بتاجي من ورايا؟
نجيب: ده سر، بعدين تعرفيه.
ونيسه: حاسه وراك كتير يا حكيم.
نجيب: كتير جوي يا بتي.
السرد: لنتركهم ونذهب الي القاهره.
السرد: ناعسه بعد أن قصت كل شيء علي اولادها.
ناعسه: جولولي بجا رأيكم ايه؟
السرد: يقترب منها تيم ويقبل يديها.
تيم: معجوله يا امي انتي اتحملتي كل ديتي وحدك.
نورا: بتعب… سامحينا يا امي، احنا كنا ظالمينك.
ناعسه: مسمحاكم يا بتي، وربنا يسامحنا كلنا.
ناعسه: هاه، اجعد بجا واهمل الصعيد؟
تيم: له يا اما، عاودي علي الصعيد.
نورا: ايوه لازما تعاودي يا اما، بس توعديني تخلي بالك من نفسك.
ناعسه: يعني ده كلامكم؟
تيم: ايوه يا اما، كلامنا، وربنا معاكي ومعانا ومتخافيش علينا.
ناعسه: طاب طمني عليك، مافيش واحده كده ولا كده شغلت بالك؟
تيم: بعدين يا امي… بعدين هجولك.
نورا: ولدك يا اما بيحب بت ناس عليوي جوي معانا ف الجامعه.
تيم: يعني لازم تتسحبي من لسانك.
ناعسه: بت مين يا تيم؟
تيم: بت علي ابو العينين يا اما.
ناعسه: علي عنديه تلت بنات، الناهو فيهم؟
تيم: بتعجب… وانتي تعرفيه منين يا اما؟ ده واصل جوي.
ناعسه: جوللي بس، هيا مين؟ حنان ولا همت؟
ولا الصغيره تمار.
تيم: الله… انتي تعرفيها منين يا اما؟ جوللي بجا.
ناعسه: إنشاءالله هتكون من بختك ونصيبك، البت طالعه زي فلجه الجمر زي امها الله يرحمها، اصل دره كانت ملكه جمال بس ماتت وتمارا سنها خمس سنين.
تيم: الله، ده انتي عارفه كل حاجه عنيهم!
ناعسه: ف الوجت المناسب هتعرفو باجي الحكايه.
نورا: يعني نفهمو من كده أن في معرفه بينك وبين ناس تمارا؟
ناعسه: انا اتاءخرت ولازم اعاود البلد.
تيم: شكلك عندك لسه اسرار كتير يا امي، بس اوعي تطلعي ف النهايه مش امنا واحنا مش ولادك.
ناعسه: له يا ولدي… دي هيا الحجيجه الوحيدة ف حياتي… انته وخيتك.#سلوي_عوض
#سر_تحت_الجلباب
بارت 9
تيم: بس يا امي احنا كده نجلجو عليكي.
نورا: يا امي احنا مليناش ف الدنيا كلها غيرك.
ناعسه: انا لازما اعمل اللي ف راسي، انا صابره ليا سنين طويله جوي، بعدها باليوم تفتكروا ينفع أتراجع دلوك؟
تيم: طاب قوليلي تعرفي ابو تمارا منين؟
ناعسه: بعدين يا ولدي.
تيم: ارجوكي يا امي.
ناعسه: يبجا جريبي.
تيم: اللي هو ازاي؟
ناعسه: لسه يا ولدي مش وجته تعرفو دلوك، بس كل اللي أجدر اجولهولك أن تمارا ليك وانته ليها.
تيم (بفرحه): ازاي بس يا امي؟
ناعسه: زي الناس جوم… وديني درب البرابره عشان اجيب حاجات من هناك عشان الحج اسافر.
تيم (يضحك): هتعملي ايه ف درب البرابره؟
ناعسه: يا ابوي عليك متبطل سؤلاات… اه واعمل حسابك ف واحنا ف الطريج اوعاك تساءلني اي سؤال، عشان مهما ساءلت مش هجول حاجه تاني.
تيم: يا ربي علي دماغك الناشفه.
ناعسه: طاب اصبر، هتصل علي حد كده.
ناعسه: عامل ايه يا واد رايج وزين؟
موسي: كويس بخير، انتي اللي عامله يا ام مخ حجر.
ناعسه: واد انته جولتلك مليون مره متتكلمش ف الموضوع ديتي تاني.
موسي: طيب خلاص.
ناعسه: الف سلامه علي تمارا.
موسي: الله يسلمك.
ناعسه: بجولك ايه، فينك انته دلوك؟
موسي: لسه راجع من المستشفي من عند تمارا… لكن جوليلي مين عرفك أن بتي عيانه؟
ناعسه (تضحك): عرفت بطريجتي. المهم تعرف تجابلني بعد ساعه ناحيه محطه مصر؟
موسي: عيوني حاضر.
ناعسه: طيب اتحرك علي هناك وانا اول ما اوصل هرن عليك.
موسي: تمام.
تيم: طاب فهميني يا اما بدل ما انا عامل زي العبيط كده.
ناعسه (تضحك): دائما مستعجل، اصبر أن الله مع الصابرين.
لنتركهم ونذهب الي زاهر حيث كان يجلس وحده ليتذكر والدته…
زاهر: عم عطيه لوفيها جله ادب مني، امي وخواتي جعانين، ينفع تجيبلي وكل اوديهولهم؟
عطيه: بص هديك فلوس تشتري، وبعد ما تشتري الوكل فهم امك انك لجيت شغلانه وتجعد ف شغلك وتروح البيت كل سبوع، وانا هسد الدين اللي علي ابوك.
زاهر: والله مش عارف اجولك ايه.
عطيه: متجولش حاجه، خد ياله الالف جنيه ديه، هات وكل وادي امك الباجي.
زاهر: ألف جنيه بحالها ديه كتير جوي.
عطيه: مش كتير ولا حاجه، بس ياله روح لامك، وبعد العشا تاجي تجعد حدا الشجره هتلجاني جاعدلك.
زاهر: حمامه.
ليتركه زاهر ويذهب الي والدته…
زاهر (بفرحه): اما يا اما خدي الفلوس ديه.
نجيه: يا مري جيبت منين الفلوس الكتيره ديه؟ اوعا تكون سرجت زي ابوك؟
زاهر: له يا اما والله ما سرجتها، ده في راجل طيب اداهملي لما عرف بظروفنا، وكمان هيسد دين ابوي.
نجيه: ومين الراجل ديتي؟
زاهر: ده راجل طيب جوي جوي، ومش من البلد حدانا، ده تاجر فواكه كبير وبيعمل خير، وجاللي كمان اروح اشتغل معاه ف مصر واعاود البلد كل سبووع.
نجيه: بردك عرفته منين؟ واش عجب انته يعني؟
زاهر: هجولك.
نجيه: جول، واوعا تكدب.
زاهر: له، هجول الصح. بصي… العيال كانو بيلعبو وانا روحت عشان العب معاهم، جامو مرضيوش، وجالولي: مش ناجص اللي انته، يا اللي ابوك حرامي وسراج. صعبت عليا نفسي يا اما، جومت جعدت تحت الشجره الكبيره ابكي. اتاري الراجل ديتي كان واجف وسمع كل حاجه، وجرب عليا وجاللي: متبكيش، الرجاله متبكيش. جولتله: هملني ف حالي. جاللي: مالك بس؟ فيك ايه؟ احكيلي. جومت حكيتله، صعبت عليه، وجاللي: انته وامك وخواتك ملكمش صالح باللي ابوك عمله. هما الناس كده يا ولدي، مبياجوش غير علي الغلبان. وراح مديني الفلوس دي، وجاللي اشتغل معاه ف مصر.
نجيه: بس انته لسه صغير يا ولدي علي الهم ديتي.
زاهر: يعني عاجبك انتي وخواتي تموتو من الجوع؟
نجيه: بس انا خايفه عليك.
زاهر: تفتكري يا اما في حاجه اوحش من اللي احنا فيه دلوك؟
نجيه (ببكاء): له يا ولدي…
ليعود زاهر بالذاكره:
الله يرحمك يا امي… انتي وخواتي كلكم روحتو ف غمضه عين… يا ريتني ما هملتكم وكت روحت معاكم…
لنترك زاهر ونذهب مره اخري الي ناعسه…
ها هي تتصل علي موسي.
ناعسه: انته فين يا ولدي؟
موسي: انا واقف ف العربيه عند بتاع عصير كبير كده.
تنظر ناعسه حولها.
ناعسه: انته اللي ف العربيه الزرقا ديه؟
موسي: اه.
ناعسه: طاب انزل، هنجعدو شويه عند بتاع العصير.
موسي: حاضر يا ستي… ما كنتي يا بنتي جيتي البيت عندي.
ناعسه: له، انته جاعد ف بيلا وانا مش واخده علي البلل.
موسي (يضحك): طيب يا اختي.
ينزل موسي ويجلس عند محل العصير، فتقترب منه ناعسه وولدها تيم.
ناعسه: اهلا بالواطي.
موسي: طاب وهو فيه اوطي منك انتي؟
تيم: ايه ده؟ انتو بتقولو ايه لبعض؟
موسي: طبعا ده تيم ابنك؟
ناعسه: هو بشحمه ولحمه.
موسي: تعالي ف حضني يا ابني… امك ديه هيا السبب ف اللي احنا فيه. ازاي تبقا انته واختك قاعدين ف القاهره وانا معرفش حتي مكانكم؟
تيم (بذهول): طاب حضرتك مين؟ وتجرب لاءمي ايه؟ وهل فعلا حضرتك موسي ابو العينين؟
موسي (يضحك): ايوه، انا بشحمي ولحمي.
تيم: ربنا يجازيكي ويجازي مخك التخين. طاب فهموني.
موسي: انا يا سيدي ابقا ابن خاله والدتك.
تيم: اللي هو ازاي يعني؟
ناعسه: ده موضوع يطول شرحه يا ولدي.
تيم: يا اما انا كده هتجنن.
ناعسه: بعد الشر عليك يا نضري.
موسي: بقولك ايه… انا طاوعتك ف جنانك لغيت دلوجتي، لكن تيم ونورا هيعيشو معانا ف الفيلا.
ناعسه: وبمناسبة الفيلا… تيم ولدي مغرم صبابه ببتك تمارا.
موسي: بجد يا تيم؟
تيم: والله ما فاهم حاجه.
موسي: صحيح، هو انتي جيتي القاهره ليه؟
ناعسه: هشتري شويت حاجات للعروسه بت العمده.
موسي: برده اللي ف دماغك ف دماغك، مافيش فايده.
ناعسه: وبعدين معاك؟ مش جولنا تهملني اعمل اللي ف راسي؟
موسي: وانا ف ايدي ايه اعمله جدام المركوب الجديم اللي ف راسك؟
موسي: اسمع يا تيم… انته هتاجي انته وخيتك تعيشو معانا، اعمل حسابك علي كده، وكمان هتشغل معايا ف شركتي. وانا مش باخد رأيك… ده جرار ومش هرجع فيه ابدا.
ناعسه: اسمع كلام خالك يا ولدي.
تيم: طاب متاجي يا اما تعيشي معانا وتهملي البلد الفجريه ديه وكفاياكي شجا وارتاحي بجا.
ناعسه: والله العظيم تحرم عليا الراحه غير لما انفذ اللي ف راسي… والحديت انتهي علي كده.
موسي: هملها يا ولدي… طول عمرها مخها جزمه جديمه.
ناعسه: طاب ياله اتكلو علي الله، خليني اعاود البلد.
لنتركهم ونذهب الي خيم الغجر…
حيث كانت ونيسه ترقص وتغني، موجهه غناءها الي عرفه:
حبيت جدع اسمراني حليوه
مدوب كل البنات يا ابوي… اه يا ابوي…
ليشعر عرفه بسعاده مفرطه…
لتعاود ونيسه الغناء:
ونيسه (تغني):
جدع صعيدي وسيد الرجاله يا ناس…
سيد الرجاله يا ناس…
جولت يا جدع ابجا تعالي
خليني اشوفك واكحل عيوني بيك…
ثم ترمي شالها على عرفه.
يأخذ عرفه الشال ويقبّله.
ونيسه:
ورميت يا اما شالي عليه…
أصل انا يا اما دوبت فيه…
يشاور لها عرفه أن تنهي الرقص والغناء، فتفهمه.
ونيسه:
تعالي يا نجاوه، كمّلي غنا… العصفور وجع ف الجفص.
تنزل ونيسه من على المسرح وتدخل خيمتها،
فيدخل عرفه خلفها.
عرفه:
يا ابوي يا اما… يا انا عليكي شجلبتي حالي!
ونيسه:
اجعد… اعملك كوبايه شاي بالجرنفل يعدل دماغك.
عرفه:
والله الليله عيد!
ونيسه (تضحك):
بس وطي حسك احسن يحسدوني عليك.
يرتشف عرفه من كوب الشاي.
عرفه:
ايه ده؟ طعمه جميل جوي.
ونيسه:
أصله شاي بالجرنفل.
عرفه:
بس ايه الزيت اللي عليه ديتي؟
ونيسه:
ده زيت الجرنفل… أصله جرنفل اصلي.
عرفه:
اه… عشان كده.
ونيسه:
عاوزه اشوفك ف الفرح احلي من العرسان…
وهغني لك… والرقص كمان.
عرفه:
ده انتي دايبه ف هواي علي كده؟
ونيسه:
ده انا واجعه فيك لشوشتي.
ونتركهم…
ونذهب إلى منزل العمده…
حيث كانت شاديه تقرأ في المصحف،
لتدخل عليها جليله.
جليله:
ايه يا ست الشيخه؟
هو انا كل ما اخش عليكي الجاكي
يا بتصلي… يا بتجري ف المصحف!
ياك ناويه تتدروشي؟#سلوي_عوض
#سر_تحت_الجلباب
بارت 10
شاديه: ربنا يهديكي يا خيتي… هو اللي يجرا ف المصحف ولا يصلي فرض ربنا يبجا مدروش؟
جليله: طيب يا اختي… خليكي مرزوعه رزعه ترزعك!
شاديه: طيب… كتر خيرك.
تتركها جليله وتنزل إلى الدور الأول، حيث كانت وهيبه تحتسي القهوة.
وهيبه: بت يا جليله… أمال الزفيته ناعسه غارت على فين؟
جليله: شيعتها مصر تجيبلي حاجه.
وهيبه باستغراب: شيعتيها مصر؟ يا جلبك! والله انتي ما حد حاكمك!
جليله بخبث: يعني أنا غلطانه إني عملت حسابك؟ دي هتجيبلنا دلكه سوداني غير العطر… ولا الحنه اللي تخلي شعرنا المكوش دي حرير. وياسلام بجا لما أبويا يشم ريحتك… ده هيرجد جارك ليل ونهار!
وهيبه تضحك: صح يا بت جليله… هنشوفو!
وهيبه بحنان: بتي حبيبتي، انتي حامله هم أمك… طب كتي جوليها تجيبلي دهان ركبي… وجعاني جوي.
جليله: هيا راجعه ف الطريج، هبجا أشيعها تاني… يعني هيا مصر بعيد؟
وهيبه: له… سبع ساعات بس.
جليله: أمال فين أبويا؟
وهيبه: يا بت… مع الرجاله اللي بيعلجو التعاليج بتاعت الفرح.
جليله بضيق: طيب كان لازم يعني تعملو فرح الزفته ديه معايا؟
وهيبه: يا بت خليها ليله واحده… ده احنا هيتهد حيلنا. وبعدين خلينا نخلص منيكم عشان نفوجو لعرفه… ده انا عاوزه اجوزه بت عضو المجلس… بيجولو البت فلجه جمر!
جليله ترفع حاجبها: يا سلام يا اختي! يعني انا عفشه؟ ده النجع كله بيجولو عليا ست الحسن والجمال!
وهيبه بسرعة: له يا بت… انتي مافيش أحلى منك ف الدنيا كلها. ده انتي البكريه وأول فرحتنا!
جليله بحدة خفيفة: بجولك ايه… متجوليش البكريه تاني. جولي الصغيره!
وهيبه تضحك: طيب… الصغيره. عاجبك كده؟ الجهوه بردت.
جليله: أنا هخش بنفسي اعملك أحلى فنجان جهوه يعدل مزاجك.
وهيبه: بتي حبيبتي.
تتركها جليله وتدخل المطبخ، لتسرح وهيبه في ماضيها…
صاحبة المنزل: انتي يا بت يا وهيبه… هاتي مايه سخنه وتعالي دعكيلي رجلي.
وهيبه: طاب… اخلص اللي ورايا الأول.
السيده: بجولك اخلصي.
وهيبه بتأفف: حاضر.
تحضر وهيبه المياه الساخنه.
السيده: اترزي دعكي رجلي.
وهيبه: حلو كده؟
السيده: اه حلو… خلصي وجومي اعملي الوكل عشان تصلحي البيت.
وهيبه: حاضر.
وهنا يحضر والد وهيبه.
مخيمر: انا جاي عشان اجبض الشهريه بتاعت وهيبه.
السيده: خد، انا مجهزاهم… استني انادملك على بتك تسلم عليها.
مخيمر: مش مهم… بعدين بعدين.
لينصرف والدها بعد أن أخذ راتبها.
وهيبه: حضرتك… انا وطيت على الوكل لغيت ما أصبح البيت.
السيده: أبوكي جاه جبض الشهريه بتاعتك ومشي.
وهيبه: طاب ليه حضرتك مشتيه؟ كان نفسي اسلم عليه وأسأله على خواتي.
السيده: انا ممشيتش حد… جولتله انادملك على بتك تسلم عليها، جاللي بعدين… هو أهم حاجه عنده الفلوس.
وهيبه: طاب حضرتك كتي حوشتيلي جرشين اشتري بيهم جلابيه؟ جلابيتي دابت واتجطعت من كتر ما بغسلها وبستناها تنشف عشان معنديش غيرها.
السيده: بجولك ايه… متوجعيش راسي. هبجا اديكي جلابيه جديمه من عندي.
وهيبه: ربنا يسترك.
السيده: روحي بجا… كلتي راسي.
تذهب وهيبه وهي تبكي.
وهيبه: كده بردك يا أبا… مهانش عليك تشوفني وتطمن عليا؟ كل اللي همك الفلوس…
لتدخل عليها جليله.
جليله: اما يا اما… ايه انتي روحتي فين؟ خدي الجهوه اهي.
وهيبه بحزن: هاتي يا بتي… سلم يدك.
ونتركهم ونذهب إلى زاهر…
زاهر: ايه يا نظمي؟ ما صدجت عيني غفلت… ربنا يسامحك.
نظمي: أصلي الصراحه عاوز اروح اشوف العروسه.
زاهر ضاحك: نعم يا اخوي! اللي يشوفك دلوك ميشوفكش… وانته دايب ف هوا الغجريه!
نظمي: له يا شيخ… ده في فرج كبير جوي. شاديه ديه تحس ربنا راضي عليها، وشها فيه نور غريب.
زاهر: انا بجا عروستي عجرب شمش.
نظمي: طاب ولما هيا عجربه هتتجوزها ليه؟
زاهر: انته ناسي اني محوي من العجارب والتعابين.
نظمي: ايوه صح… طاب تعالي معاي نروحلهم.
زاهر: يا ولدي بعد بكره دخلتنا.
نظمي: يعني بكره الحنه… وانا عاوز اتحني.
زاهر: حدش جالك جبل سابج انك لطخ وبارد؟
نظمي: المحروجه ونيسه كانت دايما تجوللي كده… معارفش ليه.
زاهر: وسع كده… هتجام عليا ليه؟
نظمي: هتصل على عبدالغني عشان يعملنا ليله حنه كبيره.
يتصل زاهر بالعمدة.
عبدالغني: يا مراحب بجوز بتي.
زاهر: بجولك ايه… عاوزك بكره تعمل ليله حنه كبيره واحنا هناجو نتحنو.
عبدالغني: من عيوني يا زعيم.
زاهر: يا راجل! أجي أديك طلجه ف لسانك عشان تبطل تجول زعيم ديه!
يغلق الهاتف.
نظمي: مالك معصب ليه؟
زاهر: انته والراجل العمده الغبي هتجيبوللي جلطه.
نظمي: هنزل البندر اشتري عطر عشان اتعطر للعروسه.
زاهر: ايوه جدع… روح وهملني. طيرت النوم من عيوني، الله يسامحك.
نظمي: طاب متاجي معاي؟
زاهر: تعرف لو ممشيتش دلوك هخليها جنازه كحله على راسك!
نظمي ضاحك: له انته متجدرش… عشان بتحبني.
زاهر: يا اخي حبك المرض… غور بجا.
نظمي: واهون عليك.
زاهر: بجولك ايه… تعالي هندلي معاك البندر نشترو جطران على نافوخك!
نظمي ضاحك: طاب ياله بينا يا عريس.
زاهر: يا اخي عرسه تجطمك… انا اللي استاهل عشان مشيتلك ف جوازه.
وتمر الساعات…
وها هي ناعسه قد وصلت إلى منزل العمدة.
جليله: حمدالله على السلامه. جيبتي الحاجه؟
ناعسه: أمال.
جليله: طاب ياله تعالي وريني بيتعملو ازاي.
ناعسه: ولو إني تعبانه من السفر… لكن زي بعضه… أهم حاجه انتي يا ست الحسن.
جليله: تعالي وانا هحليلك خشمك، بس أوعي تكوني نسيتي البودره.
ناعسه: له… جيبت كل حاجه.
ليصعدوا إلى غرفة جليله…
ونتركهم ونذهب إلى القاهرة – في فيلا موسى…
تيم: معلش بجا يا خال… هنتجلو عليكم.
موسى: بس يا واد… أوعى تجول كده تاني.
تيم: بس جوللي ازاي يعني… انته وامي جرايب، وحضرتك راجل أعمال وسيطك مسمع ف العالم العربي كله؟
موسى: سامحني يا ولدي… مش هجدر اجولك أي حاجه غير لما أمك تسمحلي أتكلم.
موسى: ياله اطلع ريّح انته… وأنا هروح المستشفى عشان إجراءات خروج تمارا.
تيم: تحب أجي مع حضرتك؟
موسى: له… خليك انته مع خيتك… وأنا هخلص وأجيبها وأجي على طول.
تيم: وحضرتك يعني هتقولها ايه عني انا ونورا؟
موسى: طاب ممكن تصبر لغيت ما أجيبها وأجي.
تيم بقلة حيله: حاضر.
ونترك القاهرة ونذهب إلى الصعيد…
عبدالغني: انته جيت يا فالح؟ بالذمه انته عنديك هبابه دم يا واد! انته مش عارف إننا بنجهزو الليله الكبيره بتاعت خياتك؟ كت غطسان فين له؟ وايه كمان… جافل تلافوك؟ أجيبلك أنا تلافون بميت الف وعشره عشان تجفله؟
عرفه: عريس بتك شيعني مشوار… كت عاوزني اجوله له يعني والجوازه تخرب؟
عبدالغني: مين فيهم؟
عرفه: المعلم مصطفى.#سلوي_عوض
#سر_تحت_الجلباب
بارت 11
عبدالغني: له خلاص… مادام مصطفى، يبجا خلاص. أنا عاوزك تبجا جاره دايمًا وتسمع كلامه من غير متراجعه… يعني هو يؤمر وانته تنفذ.
عرفه: ليه يعني ده كله؟
عبدالغني: ما هو ده اللي هيخرجنا ف العز يا ولدي.
عرفه: واحنا يعني فجرا ما عندنا خير كتير جوي؟
عبدالغني: اهو كل اللي عندنا ده ما يجيش نقطه ف بحر اللي عنده.
عرفه: للدرجه دي؟
عبدالغني: وأكتر من كده كمان.
عرفه: له بجا إذا كان على كده… أنا هبجا تحت رجليه، أمال ايه.
عبدالغني: عافيه عليك.
عرفه: أروح أنام أنا بجا.
عبدالغني: روح يا ولدي.
أما شاديه… فها هي بعد أن انتهت من صلاتها، تدعو الله.
شاديه: يارب… لو كان فيه خير قربه مني، ولو شر بعده عني.
أنا كان لازم أسمع كلام أبويا وأنفذ أمره.
أنا عارفه إنهم طول عمرهم بيفرقوا ف المعامله بيني وبين جليله…
وجليله هيا بس اللي على الحجر، وأنا ولا كأني بتهم.
وعارفه كمان إنهم شيعوني مصر عشان أكمل علامي…
مش حبًا فيا، ده بس عشان يدو فرصه لجليله عشان تتجوز.
أنا مش ذنبي إن العرسان كانوا بيجولولي أنا وهي…
له نفسي يارب تهديها، أنا بحبها… ديه خيتي وماليش غيرها.
نفسي جلبها يبجا حنين عليّ… أهديها يارب.
أما جليله… فكانت في غرفتها.
وها هي تضع الحناء على شعرها بعد أن انتهت ناعسه من وضع الدلكه على جسدها.
جليله: الله يا ناعسه… الدلكه دي مخليه ريحتي حلوه جوي.
ناعسه: ولسه لما نغسلو شعرك هتلاجيه حرير.
جليله: ليه يا اختي؟ هو أنا كرته؟
ناعسه: مش جصدي… بس أصل الحنه هتخلي شعرك بيلمع ويضوي كده. ولسه كمان لما نحط اللي بيحمر الخدود والكحل بتاع العيون، يخلي عيونك كأنها مكحله رباني.
جليله: أنا كده بجا هبجا أحلى من المغدوره شاديه.
ناعسه: انتي أحلى منها من غير ما نحط أي حاجه.
جليله: بس شايفه هيا بيضه كيف؟
ناعسه: مش أنا جولتلك جبل سابج إن بياضها كالح؟ دي دجره وعفشه ورشله كمان، ومبتعرفش تعمل حاجه. مش انتي يا ست الحسن اللي عليكي نفس ف الطبيخ ولا خفه دمك؟ أمال ايه اللي جاب العريس على ملي وشه من آخر البلاد؟
جليله: تعرفي إن عريسها بيشتغل عند عريسي؟
ناعسه: اه… شوفتي بجا؟ يعني انتي هتاخدي المعلم… وهيا هتاخد الصبي.
لنتركهم ونذهب إلى القاهرة…
فها هو موسى قد عاد إلى منزله ومعه ابنته تمارا،
ليجد تيم ونورا في انتظاره.
نورا: حمدالله على السلامه… أجر وعافيه إن شاء الله.
تمارا: الله يسلمك.
موسى: ايه يا تيم؟ مالك يا ابني متنح كده ليه؟
تعالى سلّم على بنت خالك.
تيم: إزيك يا تمارا، وألف حمدالله على سلامتك.
تمارا: الله يسلمك.
طب لما إحنا قرايب… ليه مكنتش بتكلموني وإحنا في الجامعه؟
تيم: أصل الصراحه… مكناش نعرف إننا قرايب.
تمارا: وأنا فرحانه قوي إن بقى ليّا قرايب من سني وفنفس الجامعه معايا.
ايه أخبار عمتو ناعسه؟
نورا: انتي تعرفي أمي؟
تمارا: لاء بقا… ده انتي الذاكره عندك بعافيه يا بنتي.
إحنا ياما لعبنا مع بعض وإحنا صغيرين…
أصل إحنا كنا عايشين في البلد قبل ما نيجي القاهرة.
تيم: أصل أمي معيشانا في الغاز، ومش عارفين حاجه…
حتى بعد ما حكيتلنا على كل حاجه،
أنا متأكد إنها مخبيه علينا حاجات كتير.
موسى: ممكن متسألوش على أي حاجه دلوقتي…
وخلو بالكم من بعض.
تمارا: بابا… أنا ليا طلب عند تيم.
تيم: تحت أمرك.
تمارا: عاوزه أشتغل معاكم في المطعم بتاعكم.
نورا: ده انتي متابعه بجا!
موسى: بس تيم هيشتغل معايا في الشركه.
تمارا: يا خساره!
موسى: طيب أنا عندي فكره.
نورا: خير يا خالو؟
موسى: نوسع المطعم…
بدل وجبات للطلبه والدكاتره،
يبقى مطعم كبير، وفيه ركن للعائلات،
وتقدموا فيه كل حاجه ومشروبات سخن وساقع.
تيم: بس كده التكلفه هتبقى كبيره.
موسى: لا… ديه عادي، الفلوس سهله قوي.
تيم: بس بعد إذن حضرتك…
أنا مبحبش السلف، بحب آكل من تعبي.
موسى: بس ديه فلوسكم… مش سلف ولا حاجه.
نورا: كيف يعني؟
موسى: يعني… أقصد إن ناعسه شريكه معايا في كل حاجه.
تيم: حضرتك جولت تميمه… مين ديه؟
موسى (متلخبط): ناعسه… جصدي ناعسه.
تيم: طب حضرتك جولت تميمه مين؟
نورا: وإزاي أمي شريكه لحضرتك؟ إحنا مش فاهمين حاجه!
موسى: وأنا مجدرش أجولكم على أي حاجه…
غير لما أمكم تسمحلي أتكلم.
تيم بانفعال: كده حرام!
مخي بيودي ويجيب… أرجوك يا عمي موسى!
موسى: كل اللي أقدر أجوله…
إن مرتي الله يرحمها، وأمكم…
يبقوا أخوات.
نورا: جصدك كانوا أصحاب زي الإخوات؟
موسى: لا…
أخوات شجايج، من أم واحده وأب واحد.
ونتركهم ونذهب إلى زاهر…
حيث كان يتحدث في الهاتف.
زاهر: أيوه يا خواجه… كيفك؟
الخواجه: بخير حبيبي، طمني في جديد؟
زاهر: اه… وأخبار زينه جوي كمان.
بس جوللي… انته وصلت لفين؟
الخواجه: في فندق في القاهره.
زاهر: طيب عاوزك تاجي على البلد بكره تحضر ليله الحنه.
الخواجه: برافو عليك حبيبي.
زاهر: أنا هجول إنك انته اللي بتشتري الفاكهه والخضار بتاعت مزارعي.
الخواجه: تمام حبيبي.
زاهر: وبعد الفرح… هابدأ في المهمه بتاعتنا.
الخواجه: تمام.
ليغلق زاهر الهاتف، ويستلقي على سريره…
فتعود به الذكريات إلى الماضي.
بعد أن ذهب زاهر مع عطيه،
وأصبح عطيه يعامله كابنٍ له…
مرّ شهر، وكان زاهر يرسل لوالدته وإخوته المصاريف،
لكن الشوق والحنين غلبوه.
زاهر: عم عطيه… أنا عاوز أندلي البلد.
أمي واخواتي وحشوني جوي.
عطيه: ماشي يا ولدي…
وهشيع عربيه معاك توصلك لخشم الباب.
زاهر: تشكر.
وبالفعل… يعود زاهر إلى منزله.
وقبل أن يصل، يرى أهل البلد مجتمعين،
والدخان يخرج من البيت بكثافه!
زاهر (بفزع): أمي! اخواتي! فيه ايه؟!
سيده من أهل البلد: واحد شاف أبوك داخل البيت…
وبلغ الناس اللي ليهم عنده فلوس.
جم وقعدوا ينادوا عليه…
وهو مرضيش يرد ولا يخرج.
قاموا ولعوا في البيت…
والناس اتحرقت كلهم!
ليصرخ زاهر صرخه مدويه.
زاهر: أمي! اخواتي!
حرام عليكم… مالهمش ذنب!
ليه عملتوا كده؟
انتو مش أخدتوا فلوسكم؟!
رجل من الجمع (بشماته): بس يا واد…
انته بطل جويك!
اه خدنا فلوسنا…
بس مش احنا اللي حد يكرتنا على جفانا!
فينقض عليه زاهر،
ويضربه الرجل حتى سال الدم من وجه وأنف زاهر.
زاهر: والله لأعرفكم كلكم…
وهنتقم منكم نفر نفر…
ومش هرحمكم!
الرجل: تعرف مين مجامهم يا محروج؟
انته لازم تتربى!
وحكمت عليك تهمل البلد كلها!
وحسك عينك أشوفك ف البلد مره تانيه…
ساعتها والله ما هرحمك!
ياله غور…
جاك غوره تاخدك زي ما خدت اللي خلفوك!
زاهر (ببكاء):
أنا هغور…
لكن صدجني… في يوم من الأيام هعاود،
وهعرف كل واحد فيكم مجامه.
قسماً بالله… لأدفنكم في التراب!
افتكروا اليوم دي كويس…
عشان يوم ما أجيكم،
هحرجكم وانتو حيين!
ضحك أهل البلد عليه جميعًا…
إلا سيده مسنه كانت تبكي لحاله.
السيده المسنه:
شد حيلك يا زاهر يا ولدي…
البركه في ربنا ثم فيك.
معلش يا ولدي…
حكم الجوي على الضعيف.
حسبنا الله ونعم الوكيل فيهم كلهم.
يعود زاهر من الذكريات…
ويمسح دمعة هاربه من عينيه.
زاهر:
وبعدين ف الماضي اللي مش راضي يسيبني…
بس ورحمة أمي واخواتي…
أنا ابتديت ف الانتقام،
ومحدش هيجدر يرجعني…
مهما كان مين.
لنترك زاهر ونذهب الي ونيسه حيث كانت تجلس مع العم نجيب.
ونيسه: جوللي يا حكيم ايه بينك وبين العمده وعيلته؟
نجيب: الاول عملتي اللي جولتلك عليه؟
ونيسه: اه نفذت كلامك بالحرف.
نجيب: انا هجولك بس امانه عليكي يا بتي ده سر وميطلعش ولا حتي تجوليه لنجاوه.
ناعسه: والله ما هفتح خشمي.
نجيب: تعرفي أن وهيبه مرت العمده كانت مرتي.
ونيسه: مرتك؟ مرتك كيف يعني؟
نجيب: وهيبه كانت شغاله خدامه عند ناس وكان ابوها بياخد مرتبها وهيا يادوبك عايشه عند الناس دول تاكل وتشرب وتخدم، فضلت علي ده الحال لغيت ما ف يوم زهجت عشان كسرت الطجم الصيني بتاع الوليه، جامت الوليه رنتها علجه محترمه، جامت وهيبه طفشت، كت انا وجتها فتوه الغجر وكت بحميهم من اي حد عشان كت جوي، وف يوم وانا خارج من الشادر بتاع الغجر جابلت وهيبه جاعده بتبكي وخلجاتها كلها مجطه وحالها يصعب على الكافر، جربت عليها وساءلتها مالك، جامت حكتلي حكايتها، جومت خدتها معايا علي الشادر بتاعنا.
نجيب: وخليت البنات يعلموها الرجص وجرايه الفنجان وهيا كانت ذكيه واتعلمت بسرعه وبجيت رجاصه الغجر الأولي وبجينا نتجل من بلد للتانيه وانا بجيت مجنون بيها وعرضت عليها الجواز واتجوزنا.
لتدخل عليهم نقاوه.
نجيب: تعالي يا نجاوه انا كده كده كت طالع.
ونيسه: عاوزه ايه يا زفته انتي؟
نقاوه: يعني انا غلطانه اني جيبالك الفستان اللي هترجصي بيه ف الحنه؟
ونيسه: له يا ستي انا اللي غلطانه.
نقاوه: الا جوليلي ايه حكايتك وانتي والحكيم مش عارفه ليه شاكه فيكم.
ونيسه: جطع لسانك الراجل بيرتاح معاي وانا معتبراه ابوي.
نقاوه: يا بهيمه انا مش جصدي أن بينكم حاجه لاسمح الله، انا جصدي انكم بترتبو لحاجه.
ونيسه: تعرفي تخليكي ف حالك.
اما ف القاهره كانت نورا تجلس مع تمارا في الجناح الخاص بتمارا.
تمارا: ممكن اطلب منك طلب؟
نورا: ممكن طبعا.
تمارا: تنقلي حاجتك وتقعدي معايا ف الجناح وزي ما انتي شايفه الجناح كبير اوي.
نورا: ممكن بس انا يعني برغي مع خطيبي.
تمارا: الله انتي مخطوبه؟
نورا: اه مخطوبه للمعيد كريم الفولي.
تمارا: بجد ده محترم جدا.
نورا: وكمان شغال معانا ف المطعم.
تمارا: معقوله ديه؟
نورا: اصله طول عمره بيشتغل ويصرف علي نفسه عشان أهله متوفيين وجاعد مع عمته وهي اللي ربته وكبرته.
تمارا: ربنا يسعدكم.