الفصل الخامس
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم سر مدفون`*
*❴🔢❵الـــبـــــــــــ❴5️⃣والأخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
يوم جديد ع ابطال قصتنا
سامر : بابا ممكن اطلب منك طلب
ياسر : اكيد بابا
سامر : انا وسمر دايقة اخلاقنا وحابين نطلع مشوار وناكل بوظة
ياسر : هاهوي الطلب تكرم عيونكن
سمر : هييييي احلا بابا
ياسر : وين نايا بلكي بتروح معنا
سمر : الماما نايمة بعد الفطور خبرتني راسها عميوجعها وبدها تنام
ياسر : خلص لاحدا يزعجها خلونا نطلع
راح ياسر والاولاد
بعد شوي صحيت نايا مالقت حدا بالبيت كان راسها واجعها كتير
دخلت ع المطبخ اعمل قهوة
حطيت ركوة القهوة ع الغاز ووقفت استناها تغلي
حسيت حالي دايخة وبعدين ماحسيت ع شي
دخل عيسى ع البيت كان قاعد بالجنينة
اول مادخل شم ريحة غاز قوية
راح بسرعة ع المطبخ شاف النار مطفية مكبوبة ركوة القهوة ونايا واقعة بالارض غايبة عن الوعي
طفا الغاز وركد لعندها وهون اتوتر مو عارف شو يعمل يقرب عليها و لا يتركها شافها عم تصحى و ترجع تفقد الوعي و هو كمان من دون وعي بحبه الها حملها و ركض فيها لبرا
فتحت عيوني بس كانوا مغبشين بس متأكدة انو يلي حاملني عيسى خفت كثير و ذكريات الماضي رجعت بس دمعة وحدة نزلت من عينه كانت كفيلة اني احس بأمان وارجع غيب عن الوعي مرة ثانية بس صوته وخوفه سامعته و هو عم يصرخ
اصحي نايا خيتي بترجاكي قومي انا بموت اذا صرلك شي
سامحيني نايا والله انا ندمان ومابدي شي من هالحياة غير تسامحيني وتقوليلي اخي اخ ياخيتي شو حابب اسمع هالكلمة منك
حسيت بحنان كبير وعاطفة اكبر دموعو حرقولي قلبي
قعدني ع كنبا بالصالون وصار يرش علي مي
نايا :عيسى شو صار
عيسى :مابعرف كنت بالجنينة دخلت اشرب مي شميت ريحة غاز طمنيني انتي منيحة ولا اخدك ع المشفى
نايا :منيحة انا وين ياسر والاولاد وامي
عيسى : لاتخافي اختي
نايا : ماني خايفة
عيسى : طلع ياسر مع الاولاد وامي..
ام عيسى : شوفي مالك نايا شو صار عيسى
حسينا انا وعيسى بشعور غريب وذكريات كتير بشعة مرقت قدامنا وقت حكت ماما هيك
وقف عيسى وبعد لاخر الصالون
نايا : مافي شي ماما كنت واقعة بالمطبخ واختنقت من ريحة الغاز والحمدالله عيسى لحقني وطالعني
ام عيسى : ياقلبي انتي سلامتك ياروحي اسفة الحق علي تركتك ورحت
نايا : ماصار شي ماما
ام عيسى : ابني ليش وقفت بعيد
عيسى : لا ولا شي بس...
نايا ' شكرا عيسى
وقت اتشكرت عيسى واطلعت بوجهو واجت عيوني بعيونو حسيت في شقد انبسط لان حاكيتو واتشكرتو
دمعو عيونو وطلع لبرة بسرعة
بعد شوي اجا ياسر والاولادوابي وعرفو شو صار
وكتير خافو علي وتشكرو عيسى
عيسى :شبكن ياجماعة هي اختي والله بموت اذا صرلها شي بفديها بروحي
كلمات عيسى لامست قلبي اخ يالله لو اقدر اقلو مسامحتك ولو اقدر اضمو واقلو اخي بحبك انت ضي عيوني
احيانا منعجز نعبر عن يلي بقلبنا واحيانا بكون في شي مقييدنا وانا هيك صاير فيني صراع بين عقلي وقلبي
اسامحو او لا
مرق هاليوم وكان يمكن من اجمل ايام حياتي
صح كنت راح اختنق بس بسبب هالشي يلي صار
رجعت احس بالثقة باخي
حتى بيني وبين حالي ماكنت قول اخي
حاسة اني انولدت من جديد
باليوم التاني
ياسر : نايا بدنا نرجع ع البيت بكرة لان اتصلو علي من الشغل ومارضيو يمددولي الاجازة
نايا : ولا يوم مددوها
ياسر : باستغراب كبير ليش حابة تبقي اذا حابة ومبسوطة فيكي تبقي وانا بروح لحالي
نايا : لا حبيبي مافيني اتركك لحالك مين بدو يطبخلك ويهتم فيك
ياسر : الله يخليلي ياكي لو تعرفي شقد بحبك
نايا : بعرف حبيبي واسفة اذا بزعلك بس بوعدك احاول اتغير
خبرت ياسر هالشي وعنجد عندي ارادة اني اتغير واخفف خوفي ع بنتي
وسامر يلي انحرم كتير عاطفة وحنان مني راح عوضو
سمر وسامر انزعجو لان بدنا نرجع
وانا وعدتهن منرجع بعدين وماراح نطول الغيبة
امي انبسطت كتير مني
ام عيسى : بنتي عنجد بدك ترجع تجي وماعاد طولي علي الغيبة
نايا : اي امي بوعدك ماعاد طول
ام عيسى : ياعمري انتي هلق اذا متت بموت وانا مرتاحة
لان حاسة انك سامحتيني
نايا : ماما انتي ماغلطي بشي هذا غلطي وغلط عيسى وغلط المجتمع كلو
ام عيسى : الله يسعدك يابنتي وتفرحي باولادك
نايا : الله يسلمك ماما
ونحن عمنحكي انا وماما بغرفتها اجا عيسى وكان بدو يرجع لان شافني بس بوقتها مابعرف منين اجتني الجرأة
نايا : عيسى تعال فوت
وقف عيسى وماعاد تحرك وامي عمتطلع علي مستغربة
نايا : شبكن ليش هيك عمتطلعو علي
ماما من بعد اذنك حابة احكي مع عيسى لحالنا
ام عيسى : متأكدة بنتي
نايا : اي ماما
طلعت امي وبقي عيسى واقف عند الباب
نايا : تعال عيسى خلينا نحكي يمكن يمرق وقت طويل وماارجع التقي فيك
عيسى : احكي....
نايا : سمعني منيح انا ممكن مااقدر امحي من عقلي كلشي بس بعد يلي صار مبارح عرفت شقد انت بتحبني وبتخاف علي
عيسى : ماعملت...
نايا : لو سمحت خليني كمل كلامي
انا سمعت كلامك مبارح كلو وحسيت بدموعك يلي حرقتني وخنقتني اكتر من ريحة الغاز
لاول مرة بحس شو يعني الاخ يخاف ع اختو
لأول مرة عرفت شو يعني هالاحساس وقت كنت اشوف موقف انو اخ حنون ع اختو بمسلسل او حتى من الناس يلي بعرفهن اقول كلو كذب
بس مبارح عرفت انو حقيقة والاخ سند وقوة بس نحن الظروف فرقتنا
وراح قلك انا مسامحتك
عيسى : عمتحكي جد سامحتيني ببوس ايدك قولي مرة تانية مسامحتيني
نايا : مسامحتك مسامحتك
عيسى : ياالله مااكرمك دخيل يارب يااكرمك كنت ناطر هاليوم من زمان
نايا : بكفي تبكي أخ..
عيسى : شكرا الك اختي شكرا الك
نايا : انا بكرة راجعة ع بيتي وحبيت قبل ماارجع امسح كلشي قديم واحاول اكمل حياتي مع زوحي واولادي وانا مرتاحة من هالهم الكبير
عيسى : مابدك ترجعي تشوفيني بعد هيك ولا تشوفي اولادي
نايا: مابعرف تركها للايام يمكن شوفك وازورك او نلتقي هون بس خليها للزمن
عيسى : متل مابدك المهم سامحتيني
ونحن عمنحكي ندهلي ياسر
واجت سمر لعندي
سمر :شوفي خالو ليش عمتبكي
عيسى : لا خالو مافي شي مابعرف شو دخل بعيني
سمر : اول مرة بشوفكن قاعدين وعمتحكو
نايا : شو بدك بنتي
سمر : البابا عمندهلك قاعدين بالصالون كلهن
نايا : يالله جايين
طلعنا سهرنا اخر سهرة وكان عيسى كتير مبسوط كل السهرة وهوي عمحكي ويضحك الاولاد
خلصنا سهرة ودخلنا نام اول ليلة بحس براحة وبنام بدون ماافكر بشي ابدا
الصبح جهزنا حالنا وضبينا غراضنا لنسافر
وبابا وماما فاقو بكير وعيسى كمان
طلعو معانا لبرة يودعونا
ضميت اهلي وبوستهن وودعتهن
ومشيت خطوتين وبعدين طلعت شفت عيسى واقف عمودع اولادي ورجع لورا
ركدت لعندو ووقفت قبالو
نايا :مابدك تودعني
عيسى : توصلي بالسلامة وانشالله برجع بشوفك مرة تانية عن قريب وشكرا انك سامحتيني
نايا : هيك الاخ بودع اختو
عيسى.....
شفتو خايف ومتردد
ضميتو وقلتلو مع السلامة اخي
وهوي واقف ماعمتحرك ولا رفع ايدي ولاضمني بس طلعت في شفت دموعو نازلة وماعمتوقف
وقلي بوقتها شو قلتي اخي
نايا : اي اخي انت حابب تسمع هالكلمة مني وانا حابة اسمع كلمة خيتي
ضمني وباسني من راسي وقلي اختي الحنونة
ياسر والاولاد واقفين جنب السيارة واستغربو كتير
بس ماحكو شي
كان هالوداع او يمكن بالنسبة الي لقاء بعد سنين طويلة
خلاني ارتاح مابعرف اذا راح ترجع علاقتي باخي عادية
وارجع شوفو ممكن شوفو بس كل كم سنة مرة
__----------__---------__
رجعت ع بيتي
وطويت صفحة الماضي
ووعدت حالي احافظ ع بيتي وزوجي
لان ياسر مابستاهل غير كل الحب
بحس بتأنيب الضمير لان ماكنت صادقة معو
بس كلام خالتي الله يرحمها بسكتني
قالتلي اوعاكي تحكي يمكن يسامحك بس راح ينكسر شي بيناتكن
الله ستر عليكي خلي هالسر مخبا ومدفون بقلبك
وعيشي حياتك وكوني الام والاخت والزوجة الو
__----------_-----------____
واخر شي كلمة مني انا فاتن جمال
ممكن نمر بحياتنا بظروف صعبة وممكن كتيرين منا بوقفو حياتهن عند اي ظرف صعب
بس هالشي غلط
كوني قوية وتعلمي من تجاربك الحياة مدرسة كل يوم منتعلم منها شي جديد
كلنا بيوم كنا اطفال و كبرنا و بنضل انحط كل اخطاءنا على اهلنا انهم ما فتحو عيونا كيف الحياة ماشية و حبو أنهم يخلونا مثل ما سميناها قوقعة
في منا يلي كبرت و صار عندها اولاد و عملت مثل اهالينا و زيادة بالخوف على اولادها
صح احنا بمجتمع ما يرحم و حياة بتخوف
بس التوعية واجبة بس نختار الطريقة الصحيحة الها
علمي اولادك الصح و الغلط و اتركيهم لا اتخنقي عليهم و لا ترخي الهم
كوني الهم السند وقت الغلط وبنفس الوقت الحاكم عليهم
كل الحب الكن #فاتن_جمال
رأيكن بهمني كتير
وبدي اعرف صح تصرف نايا انها سامحت اخوها؟
تمت...
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴