الفصل الاول
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم سر مدفون`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
ابو سامر : اليوم بدنا نروح نبارك لرفيقي عمر ببيتو الجديد جهزي حالك ولا تعترضي
نايا : والاولاد بدهن يروحو معنا
ابو سامر : عن اي اولاد عمتحكي ابنك صار شب وماحدا راح يجيب اولادو
نايا : لا مابدي روح لكن او مناخد معنا سمر
ابو سامر : يامرا والله ماحلوة ناخدا معنا وين مارحنا
نايا : انا ماني رايحة معك
ابو سامر : هلق كل مابدنا نطلع مشوار هيك بدك تعملي
والله كرهت حياتي معك من وقت كبرت سمر وانتي هيك
ماضروري بكل مشوار ناخدامعنا
ام سامر : بترجاك تركني بحالي انا مابرتاح غير هيك
وخبر بيت صديقك اني مريضة اذا سألوك عني
ابو سامر : اي خليكي قاعدة بالبيت وماعاد قلك تروحي معي ع مكان عيشة بطقق
طلع ابو سامر وخبط الباب ورا
ونايا بلشت بالبكي هي بتحب تروح معو وبتحب زوجها كتير بس مافيها تترك سمر مع اخوها لو شو ماكان السبب
راح عرفكن ع ام سامر (نايا) عمرها خمس وثلاثين سنة عندها ولدين
سامر عمرو 18
وسمر 16
_________&
منرجع لقصتنا
قاعدة نايا عمتبكي بقهر
سمر : ماما بوس ايدك بكفي تبكي ليش عمتعملي هيك
نايا : تركيني امي الله يرضى عليكي
سمر : امي من وقت كان عمري عشر سنين وانا بشوفك عمتبكي وكل مابدو البابا يروح معك مشوار بتعملي مشكلة
امي انا ماعدت صغيرة واخي صار شب تركينا وروحي وانبسطي
بترجاكي انا تعبت كنا انا واخي صغار وبدنا نلعب سوا ماتقبلي كنت وقتها صغيرة ومافكر ليش هيك بتعملي
بس هلق الف سؤال بدور براسي
نايا : شو بدور براسك
سمر : ليش بتبعديني عن اخي
اذا قعدنا نحضر فيلم سوا ممنوع نقعد ندرس سوا ممنوع
وكتير سألت حالي ليش هيك بتعملي ماعملاقي جواب مقنع
نايا : لان لساتك صغيرة ومابتعرفي الصح من الغلط
سمر : ماما انا ماني صغيرة وعمتعلم بالمدرسة كلشي
واذا موواثقة بتعليم المدرسة علميني فهميني شو الصح والغلط وليش هيك بتتصرفي معنا
ولي بتقسي ع سامر هيك
نايا : انا مابقسا علي غير لمصلحتو
سمر : امي رفقاتي بحكولي كيف بقضو يومهن مع اخواتهن وبسهرو سوا وبدرسو سوا وبطلعو مشاوير انا مافيني اعمل متلهن دائما مبعدتيني عن اخي
وانا بحبو كتير وهوي بحبني وبخاف علي بس
نايا : بس شو ليش سكتي
سمر : بسبب تعاملك معو عمتخلي يبعد عني
نايا : يعني طلعت بنظرك انا سيئة وظالمة ماهيك
سمر: لا امي ماهيك قصدي بس بدي اشوفك مرتاحة وافهم منك ليش هيك بتعملي
نايا : مافيني مافيني احكي شي انتي مابتعرفي شي
سمر : امي احكيلي ريحي قلبك وريحيني
نايا : بنتي هالزمن بخوف مابعرف كيف بدي فهمك الموضوع بنتي انا بخاف عليكي من الهوا المارق جنبك
سمر : حتى من اخي
نايا : اي حتى من اخوكي
سمر : ماما شو عمتحكي هذا اخي بتعرفي شو عمتحكي انتي
نايا : تركيني الله يرضى عليكي بس تصيري ام بتفهمي خوفي وقت بتروحي ع المدرسة ببقى قلبي متل النار عليكي
تركت سمر امها لان بتعرف مافي نتيجة بالحكي بهالموضوع
بعد مرور ساعتين رجع ياسر ابو سامر من مشوارو
وكان معصب اكتر من وقت طلع من البيت
ابو سامر وينك نايا
نايا : ليكني جاي
ابو سامر : سمعيني كتير مليح انا ماعاد اتحمل هالوضع اكتر من هيك
نايا : وضع شو
ابوسامر : يعني كانو رفقاتي كلهن معهن نسوانهن الا انا
دائما بتحطيني بمواقف محرجة
نايا : شو بدك اعمل انا مابحب اطلع من البيت فهمهن هالشي
ابو سامر : بس ماكنتي هيك
نايا : كنت وهلق تغيرت
ابو سامر : وانا كنت اتحملك بس لهون وبس
نايا : شو قصدك
ابو سامر : قصدي اذا بصير عندي مشوار وبترفضي تطلعي
راح اتزوج عليكي
نايا : مافي مشكلة تزوج
ابو سامر : عمتحكي جد موفارق معك انا ابدا
كنت بتمنى نجيب اولاد كمان بس انتي رفضتي بحجة صعوبة الحياة وخلينا نعيش حياتنا
نايا : انت بتعرف انك اغلا انسان بحياتي واذا بتطلب روحي بعطيك ياها بس انك تخيرني بين اني اطلع وانك تتزوج لا بختار انك تتزوج اهون علي
ابو سامر : انتي اكيد جنيتي بعمري ماشفت مرا متلك ماحدا عندو بنت غيرك كل النسوان بيتركو اولادهن اذا كبار بالبيت وبطلعو
لك يامجنونة اكتر الناس مابتصدق ايمت يكبرو الاولاد كرمال يطلعو وينبسطو بحياتهن معقول ماعاد حبيتيني ولا حبيتي رفقتي كنتي كل يوم تاخديني ع الحديقة احيانا بس نمشي بالشارع ونرجع ونسحب معنا اولاد صغار وهلق لحالنا مابدك
نايا : ابو سامر انا قلت يلي عندي وانت حر انا مافيني كون متل اول حتى تتزوج سمر وتصير بيت زوجها
ابو سامر : اي متل مابدك انتي ساوي يلي بريحك وانا بساوي يلي بريحني لان ماخليت طريقة معك ومانفع شي
نايا : انا بأمرك
ابو سامر : ياريت اهلك هون قريبين كنت حكيتهن بلكي بعقلوكي
نايا : الحمد الله مانهن هون
ابو سامر : انتي مابتشتاقيلن بمرق سنتين واكتر حتى تزوريهن
نايا : اي اكيد بشتقلهن بس بيتي اهم من اي شي
ابو سامر : اي بيت وانتي بدك تخربي
بقي ابو سامر ساعة يناقش نايا ومااخد لاحق ولا باطل خلص مافي فائدة من الحكي معها
وسمر عمتسمع كلامهن وتبكي كل كم يوم نفس الحكي والمشاكل حست سمر انها سبب كل شي عمصير.
واذا بكون كلام ابوها عنجد وبدو يتزوج هون الكارثة الكبيرة
______&
مرق كم يوم وابو سامر ونايا دائما مشاكل
وسمر عمتدعي تمرق هالمشكلة ع خير
ابو سامر فكر كتير وقرر يعمل خطوة بلكي بتنحل المشاكل
هوي بحب نايا كتير ومتعلق فيها وبدو ياها ترجع متل اول
____
ابو سامر : نايا ضبي غراض الي والك وللاولاد
نايا : ليش وين بدنا نروح
ابو سامر : لعند خالتي
نايا : لعند اهلي
ابو سامر : اي جهزي تياب للكل بدنا نقعد اسبوع ويمكن اكتر
نايا : وشغلك
ابو سامر: اخدت اجازة وهلق صيف مافي مدارس فرصة مناخد الاولاد يغيرو جو
نايا.....
ابو سامر : شو ماحابة تروحي
نايا : اي بروح هلق بجهز كلشي بس ايمت بدنا نطلع من هون
ابوسامر :الصبح بكير ع الساعة سبعة بدنا شي اربع ساعات واكتر لحتى نوصل عندهن
نايا : اي متل مابدك راح خبر الاولاد
راحت نايا بسرعة وحاطة ايدها ع قلبها هي مابتحب تروح لعند اهلها ابدا هيي مابتكرهن بس مابتحب تروح لعندهن
(بعدين بتعرفو ليش)
سامر كتير انبسط بالروحة هوي عكس امو بحب بيت جدو كتير ومتعلق فيهن
وسمر صارت ترقص من الفرح وتدعي مايتزوج ابوها وتنحل الامور
____----------------______
بهالليلة نايا ماداقت طعم النوم وعقلها تعب من التفكير وخوف وتوتر
يارب تمرق هالزيارة ع خير يارب بتعرف اني ندمت ع كلشي صار وماكان بخاطري ولاكنت فهمانة بوقتها يارب دخيلك تستر علي يارب دخيلك ماينكشف شي
يالله قلبي مو مطمن لهالروحة يارب تجيب العواقب سليمة
بقيت للصبح عمتدعي وتصلي
قامت نايا صحت الاولاد وابوسامر جهزو حالهن ولبسو واخدو شوية تياب وطلعو
الكل مبسوط بهالمشوار الا نايا
____------------------____
راح احكيلكن عن اهل نايا
اهل نايا ساكنين بمحافظة بعيدة كتير وامو لياسر بتكون اختها لام نايا اتوفت امو لياسر من عشر سنوات وابو كان ميت من زمان من وقت كان طفل
ياسر ماكان يعرف بنت خالتو شافها مرة وحدة وهيي صغيرة ومارجع شافها لوقت اتزوجها
_____-----------------____
منكمل القصة هلق
نايا شاردة وعمتتذكر بيت اهلها القديم
ام عيسى : تعالي امي نايا حطي اكل للبقرة
نايا : حاضر امي
اخ كانت حياتنا كتيرة حلوة عايشين بقرية كلها مزارع واراضي كبيرة
كان بيتنا كبير وجنبو ارض كبيرة نزرع فيها ونربي جاج وبقر
هيك اغلب اهل القرى والضيع عايشين
كنا نتعب بس كنا مبسوطين ريحة التراب كانت طيبة الهوا يلي اتنفسو كان غير
كان كلشي حلو لوقت صارت المصيبة
سمر : ماما ماما
نايا : عمتحكي معي
سمر : امي الي ساعة بحكيكي وانتي مابتردي بشو عمتفكري
نايا : ولا شي بنتي بس تعبت من الطريق ودايخة شوي
سمر : سلامتك ماما تشربي مي
نايا : لا حبيبتي مابدي
كل الطريق ونايا متوترة وشاردة والخوف مسيطر عليها
وبعد كم ساعة وصلو لبيت اهلها
كانت فرحة اهلها مابتنوصف كتير انبسطو بشوفتها
ام عيسى: ياعمري انتي شقد مشتاقتلك ومشتاقة للاولاد
ابو سامر : له ياخالتي وانا ماالي حصة
ام عيسى : انت الك الحصة الكبيرة ياروح خالتك
سمر : كتير مشتاقتلك ستي
سامر : ضم ستو وماعاد بعد عنها
كل سنتين او اكتر مابزور بيت جدهن
دخلو ع البيت وقعدو يرتاحو
نايا : وين بابا
ام عيسى : طلع يجيب شوية غراض بس ليش ماخبرتوني انكن جايين كنت عملتلكن كل الاكلات يلي بتحبوها
ابو سامر : ماصار شي خالتي بكرة بتعمليلنا وكل هالاسبوع
ام عيسى : بدكن تقعدو اسبوع
ابو سامر : 🤔🤔 لايكون مابدك نقعد
ام عيسى : ياعمري والله احلا خبر بسمعو كل مرة بتجو نهار او تنين ومابشبع منكن
ابو سامر : هالمرة بدك تملي منا ومابتعرفي يمكن نمدد الاقامة اذا طبختيلنا من اكلاتك الطيبة
ضحكو الكل ماعدا نايا
كانت مزعوجة وماحابه هالقعدة بس مجبورة تجي مافيها تقلو مابدي زور اهلي
بعد شوي اجا ابوعيسى وانبسط كتير بشوفة بنتو واحفادو
قضو نهار كتير حلو
تاني يوم
ابو عيسى: مصيبة يامرا
ام عيسى : خير شو في
ابو عيسى : حكا معي عيسى ويمكن يجي لعنا زيارة
ام عيسى : لا اوعك لاتخلي يجي
ابو عيسى : يعني شو ساوي شوقلو اختك هون لاتجي
ام عيسى : مابعرف قلو شو مابدك المهم مايجي والله نايا بتجن اذا شافت اخوها بلا مانرجع الذكريات لراسها بترجاك ماصدقت انها اجت وبدها تقعد اسبوع
يتبع.....
شو بتقصد بالذكريات وشو السر يلي مخبيتو نايا عن زوجها
احداث كثيرة راح نشوفها بالجزء الثاني
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴