الفصل 2
[{ البارت الثاني }]
صباح يوم جديد ..
صحى من النوم على صوت صراخهم .. ابتسم .. آآخ وحشوني الانذال حتى اصواتهم المزعجه وحشتني .. بدآ الصوت يرتفع .. ياربي شفيهم من صباح الله خير .. طالع الساعة وكانت تشير للسادسة والنصف .. طلع من غرفته ونزل تحت وشافهم يتضاربون .. غصبا عليه ضحك وراح لهم .. بعد محاولات فكهم
حسام وهو يضحك : شفييييكم !!
شوق بعصبية : خلها تعطيني الجارج احسن لها
ميساء مدت لسانها : لا الحين دوري تلفوني مافيه جارج
شوق : الحين عنج مدرسة ما بتاخذين التلفون وياج اما انا جامعه !
ميساء : لا من قالج باخذه معاي
شوق شهقت : يالكلبة مدرسة تاخذين معاج تلفون ؟ قصي على غيري .. حسام قولها تعطيني
حسام طقع له "ماعطاهم ويه" وقعد وفتح التلفزيون
شوق بعصبية خذت المخده وفلتتها عليه : يالخايس اقولك قولتها تعطيني اياه وانت تطقع !!
حسام : ههههههههههههههههههههههههه هههههههه انتي وياها تنجازون شيخصني فيكم ياليهال
شوق بسخرية : خف علينا ياللي عمرك في الثلاثين ترا حدك 26 جب بس
ميساء : شدراني فيه .. وبعدين لو انت اخو عدل روح اشتر لنا جارج يديد بدال هالهواش كل يوم
حسام اعتدل بجلسته : أيـــــوه (مدد بكلمته) عيل ذي الغمنده ! تبوني اشتري جارج
شوق وميساء طالعوه ببرائة : اي
حسام : ههههههههههههههههههههههههه ههههههههه حلم ابليس في الجنة انتحروآآ
شوق وميساء : لاااااااااااااااااااااااا ااااااء
سارة نزلت بخوف : يمه شفيكم يا بنات
شوق طالعت امها ببرائة : مامي جوفي ولدج
سارة بخوف راحت له : يمه ولدي شفيه .. اسم الله عليك فيك شي يمه
ميساء بصوت خافت ما سمعته الا شوق : همها صحته بل بل ولد الملك حمد
شوق غصبا عليه ضحكت : ههههههههههههههههههههههههه ههههههههههههههههههههههههه ههههه
حسام وقف وباس راسها : لا يمه ماعليج منهم هالميانين مافيني الا العافية بس يبون مني شي ومب مسويه لهم
شوق : انزين ليش ؟
ميساء بقهر : ليش انت خايس جذي ؟
حسام : هههههههههههههههههههههه عاد فطرة ربي !
ميساء خذت شنطتها ومشت بعصبية : حسبي الله ونعم الوكيل
شوق بزعل خذت كتبها وراحت وراها : قال اخو قال !!
حسام مع ان يدري انهم يتغشمرون وياه بس ما يدري ليش كلامهم حز في خاطره .. وحط في باله ان اييب الجارج لهم الليلة ويفاجئهم
سارة : اي يمه لا تتأخر اليوم عشان خالتك بتيي
حسام تضايق من هالسيرة وقال بملل : ان شاء الله
صمتوا لثواني وقال حسام : عيالها بيون وياها ؟
سارة بابتسآمه : بس عهود
حسام انقلب ويهه : اها .. حياهم الله
سارة بفرحة : ماتبي فطور
حسام سرح
سارة مسكته من يده : حسام حبيبي شفيك
حسام انتبه : ها .. مافي شي بس سرحت .. شكنتي تقولين يا دنيتي ؟
سارة : كنت اقولك تبي فطور ؟
حسام باس يدها : تسلم يد الي سواه
حسام : عمره 26 سنة .. حنون حيييل حيييل اكثر مما تتصورين ويموت في امه وخواته .. شعره اسود كثيف وابيض له سكسوكه محليته مع غمازه في خده اليسار .. طويل وعريض عيونه بنية بنفس شكل عيون شوق ..
في بيت ثاني
صفاء بصرخة : يا عهووووووود يلا بنتأأخــر
عهود لبست عبايتها بعد ما تأكدت من شكلها : طيب يمه يايه دقيقة
صفاء : استغفر الله يلا بنتأخر على خالتج
عهود تطالع الساعة : يمه شفيج توها 10 ونص .. لو رايحين على العشا احسن عشان البنات !!
صفاء : مافي احد غريب خالتج وولدها
عهود نزلت عيونها : طيب يمه .. يلا
صفاء : ام عهود .. اخت سارة .. كانوا مقاطعين بعض بس في سنة 1989 كلموا بعض وصاروا اكثر من خوات
عهود : 22 .. جامعية .. حبوبة وهادئة .. طيبة .. ماتحقد على احد .. تعشق لدرجة مجنونة ولكن كبريائها وغرورها يجبرها انها تكابر .. شعرها بندقي طويل لخصرها وناعم .. عيونها عسلية وواسعة .. بشرتها بيضة .. قصيرة القامة بس قصرها حلو ولايق عليها ..
حسام يطالع الساعة : يمه صارت 10 ونص تأخروا .. ابي اطلع !
سارة : تكفى يمه لا تشلنا الحين ايون
حسام والمتضايق انهـ بيشوف عهود بعد سنتين بالضبط : طيَب !
11 ونص
سارة بفرحة : هلا .. هلا يمه عهود هلا
عهود بنعومة لايقة : هلا خالتي هلا حبيبتي
حسام بمجرد ما سمع صوتها رفع عيونه البنية لها لتتلاقى مع عيونها
عهود بعد صمت ثوان نطقت : الحمدالله على السلامة
حسام لازال يتأمل عيونها .. يالله يا عهود .. عيون هذي بتتعبني : الله يسلمج
سارة بابتسامه : شخبارج يمه عهود ؟ وشخبار اختج ؟
عهود رفعت عيونها لخالتها : بخير بس الجامعة ضاغطة على وقتي اما وسن فلاهية بزوجها
سارة : الا هي في اي شهر ؟
عهود : الثامن
سارة بدهشة : ماشاء الله ماشاء الله مر الوقت بسرعة
صفاء قاطعتهم : الله يهديكم خلو عنكم وسن .. شخبارك يمه حسام .. وينك الله يهديك سنتين
حسام رفع عيونه لخالته وبالغلط تلاقت مع عيون عهود : الحمدالله
صفاء : شخبارك مع الغرفة ؟
حسام : والله باريس حلوة بس مافي احلى من ديرتي الله يحفظها
صفاء تنهدت : اي والله الله يحفظها ويخليها ان شاء الله
الكل : آميين
حسام وقف : يلا خالتي انا استأذن الحين .. سامحيني
عهود طالعته وهي ساكته
صفاء بزعل : وين يمه ما شفناك اقعد معانا لاحق على الطلعة
حسام بضيق واضح : مختنق !
عهود بقهر نزلت عيونها
حسام : عن اذنكم ..... وطلع بدون ما يسمع حد !
صفاء : شفيه ولدج ؟
سارة : والله مادري بس يمكن مشتاق حق ربعه .. سنتين مو هينين
صفاء بعد صمت ثواني قالت : ماعرفتي ليش هج فجأه ؟
سارة تنهدت : والله مو حابة اضغط عليه لو يبي يقول جـآن قال !
عهود : مبين عليه متضايق !
سارة : لا يتهيئ لج الا مستانس برجعته لاهله وديرته !
في شقة صغيرة بمدينة حمد ..
قامت بتثاقل .. رغم تعبها الا انها مستانسة بالروح الي تسكن بطنها .. التفت لزوجها وباست خده .. حس بالدلدغه الي ياته على خده وفتح عيونه بتعب .. التفت وابتسم لها وباس خدها هو الثاني
وسن بابتسامه : صباح الخير
مازن بصوت الهيمان : صباح الورد .. صباح الفل .. صباح الياسمين على احلى وسن بالدنيا
وسن بخجل واضح : لا تقولي جذي استحي
مازن قرص خدها : فدييت الي يستحون انا .. اذوووب فيهم
وسن ضربته على يده بخفه : اووف بس مازن !
مازن : ههههههههههههههه
وسن : طيب يلا قوم خذني بيت خالتي سارة ..
مازن استعدل بقعدته : ليش شعندكم ؟
وسن بابتسامه : حسام ولد خالتي رجع من باريس
مازن التفت لها بصدمة : والله ! .. من وين طلع هذا
وسن : هههههههههههههههه مادري مرة وحده اتصل بخالتي وقالها انها بيي البحرين
مازن رفع حواجبه الاثنين : الله يعلم شنو الي خلاه يهج فجأه من الديرة
وسن : بس لا تتكلم وايد قوم غسل ويهك وانا احضرلك الفطور عشان نمشي
مازن مسك يدها بسرعة : لا وين تحضرين الفطور وبطنج لحلجج !
وسن ضحكت على تعبيره : ههههههههههههههههههههههههه هههههههههههه
مازن قرب بخبث وباس شفايفها بخفه : انا اسويلج .. اشتغل لج خدام
وسن بغيرة واضحة : كل هذا عشان ولية العهد
مازن : ههههههههههههههههههههههه لا تقولين لي تغارين بعد ؟
وسن تكتفت : ما يحق لي ؟
مازن : يا بعد قلبي .. يلا خليني اقوم !
فـي جامعة البحرين
شوق وهي تشرب القهوة : والله وصل اليوم
خولة بلهفة : صج ؟ حلفي قولي والله ان حسام بالبحرين ؟
شوق ضحكت : ههههههههههههههههههههههههه كل هذا شوق ؟
خولة : وآآآي شووقوو والله وحشني .. اوف تصدقين للحين احبه وانطره !!
شوق بجدية : لا تتحلمين وايد .. ماعتقد ان بيعطيج ويه
خولة بقهر : وليش ان شاء الله شناقصني ؟ واذا على ذيج .. اكيد سافر عشان ينساها .. ولا رجع عشان خاطرها .. لاهي عطته ويه ولا درت عن حاله !
شوق بحزن : بس احس فيه للحين يحبها !
خولة : بنسيه اياها
شوق : خولة لا تحطين امال كبيرة بحسام .. تراه مو مثل الشباب الباقيين !
خولة بهيام : وهذا الي معلقني فيه . . انهـ غير عن الكل
شوق : ههههههههههههههههههههههههه كل ذي حب
خولة ضحكت وطاحت عيونها على الي ياي يقرب صوبهم : اوووف اكو معشوقج وصل
شوق بعفوية التفت .. واحمر ويها ورجعت تطالع خولة : معشوقي ويج .. يخسى
خولة : ههههههههههههههههههههههههه ههههههه اوش اكوآ ييه
خالد بهمس : صباح الخير !
صديقه راشد :صباح الخير بنات
شوق بخجل واضح : صباح النور
خولة رفعت عيونها وابتسمت : صباح الورد
راشد طالع ساعته : مابتقومون المحاضرة بعد دقيقتين
خولة : امبله بنقوم .. يلا شوق
شوق بتوتر : لا لا انتوا سبقوني وبعدين بايي وياكم
راشد : شدعوه شوق .. يلا قومي بعدين تحصلين بهدلة من الدكتور ويفشلج قدام الناس
شوق : ماعليكم مني انتوا روحوا
خالد : قومي شوق .. اذا تستحين منا بنروح بس لا تتأخرين
شوق ولوهلة حست انهـ يقرا افكارها : لاء بس .. يعني بس !
خولة مسكت يدها : اووش بس يلا قومي
انتهى البارت الثاني