غروب الشمس - الفصل 7 | روايتك

البااااااااارت 7::: صار الوقت مايمشي وانت بعيد عني~ وطول بالسهر رمشي صار لوقت يشقيني~ مرة أتخيلك وياي مره أتذكرك بعيد عني~ وينك اظلمت دنياي ومن شوقي أنا ذايب~ أول ليلة في بعدك عانقت الحزن فيها~ خايف لايطول البعدك ماأدري كيف اقضيها~ غيابك هد فيني الحيل اثر فيني فأجاني~ واللة شفت الويل ليله بس واتعبتني~ اللة يستر من جاي أخاف دموعي تفضحني~ وأخاف أنك تنساني وتنسى ايامي وماتذكرني~ عند حمد اتصل بمنى بعد تطنيشه لجوري بعد كم من رنة وصله صوتها الناعم حس ان قلبه انقبض لان نبرة الحزن في صوتها ماراحت عليه سرح في صوتها قطع عليه منى بنرفزه؛ حمود اكلمك انا حمد استوعب؛ هههههه لبى قلب حمود انا منى استحت ؛ كيفك حمد تنهد من قلب: ااااهه سمعت هالصوت انسى هموم الدنيا كلها تخيلي لو اشوفك بس منئ : حممممد حمد: لبيه منى: لبيت بمِنى يارب حمد: وياك يارب مناي منى: هلا حمد: تدرين شكثر احبك منى بخجل: هااا حمد: انتي لو قلت لك شي من قلبي تقولين هااا ااه جعلني فدا هالصوت خاصه لا قال هاا منى: ههههه مجرد من الفدا حمد: سمعينا ضحكك الحلو منى ماقالت شي وسكتت تذكرت موت يمان حمد حس عليها: مناي قلبي ترا وجهك مب لايق للحزن والله ابتسمي ترا كلنا راحلين ومحد دايم لحد منى ماتحملت وطاحت دموعها خلاص حمد حس قلبه كنه جاته طعنه حمد: مناي خلاص بلا دموع ماتدرين وش يصير فيني لو بكيتي .. منى: حمممد تعبت تعبت والله اشتقت له كثير ماعاد فيني اتحمممل حمد حزن عليها كثير؛ مناي قلبي خلاص بلا دموع ترا والله لو الدموع بترجعه لبكينا دم منئ تبكي حمد تنهد: مناي بجيك العصر منى بصوت مخنوق من البكا: هاااا حمد حسس قلبه طبول من صوتها؛ هااا مناي لاعاد تقولي هالكلمه .. منئ : ليه ححمد بهمس: اخبرك لاجيت يلا يا بعد كلي اخليك الحين .. منى تمسح دموعها : في حفظ الرحمن فيييييي اححححد الاحياء الفقيره جدداااا ! ! دخلت سيارة تاكسي بين البيوت القديمة الهزيلة جدااا ووقفت عند باب بيت قديم قديم تحسه كنه متحسن شووي ونزل من السيارة ولد نحيل واعطى التكسي اجره ويلتفت يمين ويسار و شكله متوتر وخايف دخل البيت ورما شماغه و الشعر الصناعي وتدلى شعرها الاسود الحريري وجلست وهي حاطهه ظهرها على الباب نزلت راسها وغمضت عيونها وطلعو دموع ورا بعض حطت كفيها على وجهها وبدت بالبكاا لين متى بتظل خايفه من عقاب ربها وهي تنفذ المعصيه بنفسها لين متى تكون خايفه حد يكشفها لمتى؟؟ لا ام لا اب لا اخ لا عائلة اين المأوى الذي تلجأ إليه عند حاجتها مسحت دموعها هي الحين السند لاختها لازم تصبر ولو كانت على طريق الهلاك طالعت البيت الصغير دخلت بين ممراته التي تعبر عن مأساة الفقر الذي يعيشونه .. تدور اختها وماحصلتها معقوله طلعت؟؟ وينها وتناديها بصوت عالي؛ روااااان رواااااااان لفت البيت كله ماحصلتها حست بالقلق مستحيل تطلع من غير شورها حست نبضاتها تزيد اختها مستحيل تطلع بهالوقت ويننننك رواااان عند الباب نفس البيت / عبدالرحمن يطالع شوارع هذا الشارع متأكد مليون بالميه انه قد دخله بسسس متى متى مر عليه طيف من ذكريااااته* نروح معه نتذكر* العم سالم وقف سيارته ومعه يمان وعبدالرحمن وناصر وسارة و منى العم سالم (بوضاري)؛ يا صغار الحين بناخذ الي اشتريناه نوزعه على الفقارى .. كانو اطفال صرخو كلهم بحماس : ايوه ايوه يعطيهم كل واحد شي ويوزعه على بيت ومتحمسين بو ضاري وقف عند بيت ودق الباب وركض عبدالرحمن عنده: عمي عمي وزعت 3 ابي بعد اريد اسبقهم جا يمان يركض وتكى على ركبه ويلتقط انفاسه ؛ عمي عطيت2 ابي بعد عبدالرحمن : انا باخذ اول يمان ؛ لااا انت معاك3 ظلم عبدالرحمن بقهر؛ انااا ابييي بو ضاري : ياعيال خلاص بعطيكم اثنينكم جو ساره وناصر يركضون : خلصناا حنا بعد بو ضاري : اجل تعالو معي السياره اعطيكم الباقي وانا باخذ الثقال اوزعهم ****انقطعت ذكرياته***** عبدالرحمن بنفسه ؛ اي هو نفسه الحي والبيوت ماتغيرت قطع عليه صرخه بنت : اااااه ياااناااااس لحقووووني ابعد عني يااااحقيييييير عزززززززززززززززززززززززز زززززززاااااااااااه عبدالرحمن ركض للصوت حصل مصدر الصوت بيت قديم ابوابه شبه مكسوره دف الباب ودخل يركض شاف بنت نحيله بين ايدين رجال كبير في الاربعينات وتصارعه يبعد عنها حس دمها غلي من الموقف ركض ودف الرجال عنها وضربه ضرب خلاه ينخرس ويللصق بالارضيه الي ينضرب عليها البنت ببكا شديد غطت جسمها بعبايتها وشالت حجابها وطلعت ركض وهي تبكي عبدالرحمن تفل على الرجال ويدعي عليه شافه بيموت اخذ جواله واتصل بالهيئة وجلس مكانه انتظرهم لما شاف الرجال مغمي عليه اخذ شماغه وطلع يشوف البنت طلع في شوارع الحي الغير مرصوفه والمياه في حفره حط ايده على راسه ويطالع المكان يمين ويسار ماشاف حد غير طفلين يلعبون كوره اتكى على الباب يستغفر ربه من الموقف الشنيع الي حظره وبعدين يرجع يدعي من قلبه على الرجال في مجلس بومحمد:؛ حمد : ان شااء الله تعوضون خساير الشركه بوضاري تنهد: بإذن الله حمد اشر لابوه يعني تكلم بوضاري ابتسم لانه تذكر طلب ولده بوضاري؛ اقول احمد بومحمد سم وانا اخوك بوضاري يطالع حمد وفيه الضحكه: ترا عندي لك طلب بومحمد : قول وانا اخوك وانت تامر مو تطلب بوضاري: خلي حمد يقوله مب دايم انا اتكلم عنه حمد حس بالاحراج مايدري وش يقول بس ملك نفسه وقال : عمي ترا طلبتك اذا ماعندك مانع يعني تخلي منى تطلع معي والله ما نتأخر وبحطها بعيوني بو محمد طالع اخوه : صراحه ياحمد مب عارف وش ارد عليك بس صعبه اخليها تروح معك وش بيقولون الناس لا شافوها معك حمد : وش مدريهم هم وبعدين كلام الناس مايهمنا عمي ترانا متزوجين ومافيها شي تكفى عمي لا ترفض .... بو محمد شبك ايديه ببعض : خايف اوافق واندم حمد ؛ افاااا ياعمي ماتثق فيني وهي زوجتي بو محمد : دير ببالك عليها ولا تتأخرون حمد حس قلبه بيطير من الفرح : تسلم ياعمي وباسه على راسه بو مححمد حب يضحك عليه : اجل دامكم طالعين سوا مافي لزوم انك تشوفها وتجلس معها الحين حمد : عممي بو محمد ؛ هههههههه لا تخاف بتشوفها بس مابيكم تملون من بعض حمد ؛؛ لاعمي حشاا مانمل ممن بعض بوضاري رفع حاجب : اشوف ماعاد شي حيا حمد حس باحراج من جد : احم العذر والسموحه بو محمد : ههه لاعادي زوجته بطلع اشوف عروستنا تجهز نفسها تطلع لك .. وطلع من المجلس شال بو ضاري الفنجال ورفعه بتهديدد؛ ماتملون من بعض اجل والله لو ماستحيت من اخوي الجالس لاهب ذا على جبهتك حمدد فتح عيونه على وسعها :: بس يبه اخر مره بو ضاري يقاطعه : اخررر مره واذا عدتها ماتحس الا العقال على ظهرك حمد انكتم خاف دخل حجاج من الباب ووجهه شاحب ؛ السلام عليكم بو ضاري وحمد وفقو الحجاج اسرع وباس عمه على راسه : افااا وانا ولد اخوك توقف وانا داخل اجلس ياعمي بو ضاري مسح على راسه: الرجال لا دخل مجلس بهيبه الكل يوقف لجله ان كنت انت او غيرك الحجاج ابتسم: جعل ربي يسلمك ياعمي بو ضاري جلسس الحجاج سلم علئ حمد الحجاج ؛ هلا بالنسيب منورنا اليوم حمد يهمس له: اكيد منور الا اقول مدري اي هيبه يتكلم عنها ابوي انت وخشتك كنك بنقالي .. حجاج ضحك مجامله وجلس جنبه دخل بو محمد: حمد تعاال حمد وقف يعدل عقاله بو محمد : عجل لا اغير رايي حمد اسرع وراح معاه بو مخمد وهو يمشي معاه بالممر : اياني وياك تزعلها اجلس شوي بس وقلها روحي تجهزي بنطلع اما طلعتكم هذي دير بالك عليهاا ولا تجلسو بمكان بارد وقت طويل واحذر تزعلها او تنزل دمعتها والا بالساطور على رقبتك حمد؛ هاااا عمي اظنك بالغت تدري انها عيوني والواحد يخاف على عيونهه بو محمد : عيونك وبس حمد ؛ والله اكثر من كذاا عميي بو محمد : هههههههههههه لاجد الله يسعدكم يارب امزح معك بس حبيت اضايقك شوي حمد : ريحتني ياعم كنت افكر بالساطور لا يخلع رقبتي بوو محمد بهمس له في اذنه ؛ وانا عمك حاول تنسيها موت يمان حمدد اختفت ابتسامته من تذكر يمان؛ ان شاء الله بو محمد حط ايده على كتف حمد : يلا ادخل هي بهذا المجلس منى كانت تحط بخور وتعدل صحن الحلويات وخرعها يوم فتح الباب لفت له حمد دخل وهو مبتسم شاف المجلس كله بخور والطاوله مليانه حلويات وقهوه وكل مالذ وطاب بس الي جذبه الحوريه الواقفه عند الطاوله حس قلبه خلاص بيوقف كنها تسمع نبض قلبه من كل اعماقه يحبها حس تنفسه سريع سكر الباب وقرب منها نزلت منى راسها بحيا حمد : سلام عليكم ورحمة الله وبركاته منى بهدوء : وعليكم السلام ورحمة الله وبركاته حمد وقف قريب منها حسها كنها طفله هو طويل وهي قصيره مسك ذقنها ورفعه تلاقت عيونهم حس بشي كبير يشده جنبها قلبه يدق بقوه ومنى ماحست الا بعد مده حركت عيونها بتوتر واضح حمد سحب يده من ذقنها وابتسم مسك يدها الناعمه طالع يدها شاف الفرق بين لون ايدها وملمسها الناعم ولونها الابيض ويده الخشنه ولونها ماايل للسمار وسحبها لين الكرسي وجلست وجلس قريب منها منى حست الدنيا تدور فيها من حيا كيف جالس قريب منها تناظرة شوي وترجع تنزل راسها وتفرك ايديها بتوتر بعدين قالت بهدوء: تبي اصب لك قهوه حمد: اي اذا ماعليك امر يا عمري منى بجرأة شوي: من عيوني حمد حس نفسه خلاص راح فيها تنهد وقال : تسلم لي هالعيون منى ابتسمت بحيا وصبت له كوب : تفضل حمد اخذ القهوه ومسك ايدها : زاد فضلك منى تطالعه وبحيا : حممد حمد سرح بعيونها،ونسى ايدها : ياعمر حمد انتي منى بهمس وشوي وتموت حيا: ايدي حمد انتبه لايدها : اسف منى: لاعادي حمد شرب قهوته واكل شوي حلا حسها سرحانه : مناي منى : هاا حمد ابتسم يحب يسمعها تقول هالكلمه: هااا يلا لبسي عباتك بطلعك معي منئ بصدمة: شنو حمد: اي وعمي احمد موافق بعد منى بأستغراب: ابووي وافق حمد وقف وووقفها معه: يلا يلا روحي لبسي بسرعه .... عند الحدود :::: عمر جالس وسرحان خالد يسولف مع سالم وهو ينتبه للمكان سالم: يارجال بعدها ماعاد شفناه خالد: هههههههه سالم وقف و يلف بنظرة للمكان : خالدد عمر عمر فاق من سرحانه: هلا خالد كان جالس بس قام ووقف: في شي سالم : احس المكان مب طبيعي عمر مسك بندقيته ولف بنظره على كل العساكر الموجودين شافهم منتبهين طالع سالم : ماعليك كل الشباب يعملون واجبهم سالم تنهد: تصدقون عمر رجع جلس: وشو سالم: مادري احس بشي رح يصير تكفون ديرو بالكم خالد : اعوذبالله وش تقول انت سالم: مدري ليه قلبي مب مطمئن خالد حط ايده على كتف سالم: الله معانا ياسالم اطمئن سالم ابتسم بوجه خالد خالد في نفسه * جعلني مانحرم شوفة هالابتسامه* وبعدها قال بمزح: اقول سلوم ماعهدتك خواف سالم ضحك وبعدها قال له بهمس : انا مايهمني شي ولايخوفني غير شي واحد هو ليصير فيك شي والعياذ بالله لاني مابي الوم نفسي اني دخلتك معي العسكريه خالد بابتسامه: والله ياخوي اني دخلت راضي وتعرفني ماصبر عنك قلت ادخل معك سالم : كان اشتغلت مع ابوك وانت وحيده خالد: ابوي مايحتاجني وانا اريد معك عن الهذره الزايده . سالم مارد عليه ابتسم لا اكثر .. في احد المطاعم على البحر:: ....: مايهمني ابي حمد يتركها ابيه ياخذني انا وش فيها بنت احمد الراكان احسسسن مني والله ما ياخذها وتصير معه تحت سقف واحد وكاني حلفت .. ....: جوري الولد ملك عليها خلاص وانتي وش فيك داخله بينهم وبعدين ليش تحلفين وانتي مو متاكده جوري والشرار يقدح من عيونها : انا حبيته ولامره بحياتي حبيت رجل وتعلقت فيه من يوم ماقال لي ذاك الكلام وانا اراقبه والله انه شي طول وجمال وهيبه ورزه اااااه بس تاخذه هذيييك وبعدين حبيبتي انا ماحلفت الا وانا متأكده مشاعل : ااااه بس منك ومن تفكيرك سوي الي تريدين .. جوري وتفكر مع نفسها وش بتسوي شافت ولد جايهم وحط الرقم على الطاوله؛ ننتظر اتصال من الحلوه جوري عصبت مو من برائتها ولا من عفتها بس انه قطع عليها سرحانها: جعلك* تسبه* ورمته بالورقه بوجهه وراحت مشاعل بدلع: خلاص امسحها بويهي الولد : لاعادي بس ابي اجلس عندك في مانع مشاعل: لاعادي تفضل وجلس عندها جوري تتصل بالسايق وهو مقهوره ماحصلت حل يخليي حمد يترك منى والي سمعته من مشاعل ان حمد يحبها ومستحيل يخليها جوري بعد ماتصلت بالسايق وقفت تنتظره شافت سياره وقفت وفتحت عيونها على وسعها من شافت حمد نزل منها حست من الفرحه رح تطير بس ماكتملت فرحتها من شافت معاه بنت حست نيران الغيره تحرقها شوي وتموتهم من القهر راحت تبعتهم وهي ناويه الشررررر عند حمد ومنى::: حمد جلسو على المقاعد وهم يضحكون منئ: ههههه لاااه وش هالكلام حمد يطالعها بحب : ربي لايحرمني ضحكتك منى استحت حممد: اذبحك اذبحك انتي وهالحيااا منى : ههههه حمد: اااه بس الا قلبي وش بغيتي تاكلين اليوم منى: اممممم الي بتاكله انت باكله معك حمد: واذا ماعجبك منى بجرأه اول مره تطلع منها: ولو تبي سم اكله حمد مسك يدها : وربي بتذبحيني بكلامك انتي منى سحبت ايدها بسرعه : حممممد وش بيقولون الناس حمد بضحكه: زووجتي ويقولون الي يبون منى ابتسمت حمد اشر للجرسون وطلبو الاكل جوري كانت ورا حمد وميته قهر من سوالفهم شوي وتبكي بس فكرت بشي شيطاني تخرب عليهم حمد': تصدقين علئ مره السنين مانسيت حبنا للغروب منى بابتسامه:: جد كنا نحبه وخاصه اذا شفناه سوا حمد : ايه حب جمعه الغروب منئ: هههه شي صحيح حمد: لاتضحكين تعذبيني ترا منى حطت ايدها على فمها : بس ماتكلم حمد: لو بس تطلعين هالغطا عن وجهك اشتقت له منى بمكر : بطلعه حمد : لالالااا مابي حد يشوفك بهمس انتي لي وحدي بسس فاهمه اغار عليك من الهوا تبين حد يشوفك غيري بعد .. منى؛ هههه طيب خلاص مارح اطلعه جوري قامت وحطت ايدها على الطاوله : هاااي منى وحمد طالعو بعض وطالعوها حمد؛ خير اختي في شي الجوري تشهق بدلع؛ حموودي من ذي الي جالس معاها منى فتحت عيونها على وسعها وتطالع حمد حمد وقف ورفع حاجبه: ليه من حضرتك الجوري ؛ انا حبيبتك الي تخونها من وراها يالخااين حمد : هييه هييه هدي هدي قال حبيبتك قال من متى .. الجوري بتمثيل تبكي ؛ حرام عليك تسوي فيني كذا حرام تكذب علي وانا احببك بصدق منى وقفت واخذت شنطتها وراحت حمد دف جوري عن طريقه وركض ورا منى حمد : مناي قسسسسم بالله انها كذااابه منى صارت تترنح لان رؤيتها ضبابيه من الدموع حمد وقف قدامها ؛ تكفين سمعيني منى رفعت يدها بوجهه وغمضت عييونها وطاحت دموعها ؛ مالي معك كلام وصلني بيت ابوي حمد حس قلبه مقبووض من شاف دموعها : مناي انا انا منى مشت من على جنبه وتمسح دموعها بكفها وماتشوف قدامهاااا ... حمد مشى وراها للسياره ويفكر بكلام يقنعها عند تالا و عمار ::: عمار ؛ ترا امس اشتقت لك موت تالا بضحكه : هذا من غبت عنك يومين وش بتسوي لو غبت عنك العمر كلهه عمار بخووف: اعوووذبالله الله لايحرمني منك تالا وقفت : ولامنك حبي تبي ماي عطشت بجيب لنفسي كوب عمار : لا مشكوره تاالا مشت وهي داخله المطبخ كانت في ملعقه تحت طايحه ومانتبهت وزلقت ااااااااااااااااااااه عماااااارررر كتتتتتتت انتهى البااااااارت التوقعاااات •سالم وخالد وعمر ... هل سيعودون الئ ديارهم احياء؟؟؟ • البنت الي انقذها عبدالررحمن من تكووون؟؟ • نااااصر مختفي من البارتات السابقه هو والبنات ؟؟؟ • حمد كيف بيقنع منى ان الجوري كذابه وهل منئ بترضى؟؟؟ •الجوووري لو فشلت بخطتها وش بتسوي ؟؟ • تااالااا وش بيصير معهااا؟؟ • اي توقعااات اخرى او تعليق ؟؟ ^^^^ مع اطططيب تحيااااتي :: احتتتترت وش اسمي نفسي â™?•â—?^^^^ ~ اللهمّ صلّ وسلّم وبارك على سيّدنا محمّد، وعلى آله وصحبه وسلّم إلى يوم الدّين.~ التكملة للبارت7:::- جالس في وسطهم قاعد ولا أسمع حكيهم لاتحسب إنّي عندهم أنا معك بس جنبهم متحمّسين بحكيهم ما غير أشوف عيونهم وأتخيّلك وسطهم سألني واحد بينهم وش رأيك بكلامهم أحرجني والله قدّامهم!! قلت العفو يا قلبهم ناقص رفيع الشّأن بينهم..... __________________________ عند عزه :::: تدخل الممرات بخوف وتفتح الابواب بقوه وتصرخ بخوف: روااااااان لما ماحصلتها ركضت لبرا وفتحت الباب بقوه شافت سياره عبدالرحمن موقفها بعيد شوي لما كانت بتمشي تدور اختها لفتها انعكاس طول شعرها في زجاج سيارة عبدالرحمن رجعت خطواتها وتدور الشعر الصناعي االي معها لما ماحصلته حست بدموعها تطيح على الارض قالت بهمس ؛ روان سمعت بكا شديد وخطوات سريعه رفعت نفسها وركضت للباب واول مافتحته حصلت روان بوجهها وعبايتها مشطره ووجهها مجروح وتبكي بهستيريه صدددددددممممممه ماقددرت تتحرك روان رمت نفسها بحضن اختها ومسكتها بقوه كانها لقت المأمن وتبكي بقوووه وصوتها المكسور عزه ماتحركت من مكانها والدموع تلمع من عيونها وخايفه تسألها سكرت الباب ووخرت روان عنها ومسكتها من كتوفها غمضت عيونها بالم وعضت شفتها وقالت بين اسنانها: مين هذا روان وتبكي وترجف و رتتفع صوت بكاها عزه بقهر وعصبيه؛ سوااااا لللش شي روان ماردت غير بالبكا عزه بقهرر بكت بذبول وانكسار وقالت بتعب ؛ سوا لش شي روان هزت راسها بالنفي وجلست تبكي بقوه وحضنت رجولها وشدتها لصدرها عزه رمت الشماغ الي كانت ماسكته ومشت بترنح للغرفه الصغيره فتحت الدولاب واخرجت لبس ساتر وجلال صلاة ومشت وتوضت واول ماحست انها وصلت لاطراف السجاده رفعت يديها تؤدي سجدة شكر لله وبدأت بالدعاء إلى الله بصوت حزين ينتظر املا جديدا بالحياة بصوت خاشع خائف من المعصيه طالبا عفو الله عن معاصيه والدموع تتبع واحدة تلو الأخرى وروان بمكانها تبكي بحزن وانكسار لاعزوه ولاسند ولاظهر يحميها ماذا لو ذاك الشاب ما انقذها بآخر لحظه كانت حقا ادت بنفسها " إلى الهاويه" ........ عند عبدالرحمن باحد المراكز للشرطه :: عبدالرحمن وقف وسلم على الضابط؛ مشكور ياخوي الضابط ؛ لاباس وانا اخوك وهذا واجبنا بنقوم بالإجراء القانوني الي يستحقه . عبدالرحمن ؛ بإذن الله اجل استأذن الضضابط ؛ الله معك عبدالرحمن طلع من المركز وهو تعبان ركب السياره وحط راسه على الدركسون حس شي في قلبه حيييييييل يوجعه غمض عيونه بحسره يحس بنيران الشوق تحرقه مايقدر يصبر عنه وينك يايمان عنه لمين يشكي اين الصدر الحنون الي يلجأ له اول مايتعب وين القلب الطيب الي يضحكه لا حزن *** اشتقت لك يا صاحبي، وين ألاقيك؟ محتاج لك بالحيل ودّي أشوفك اشتقت أسولف معك واسمع حكاويك ياصاحبي من كثر ما أطريك وأغليك صرت أحلم فيك، وأصحى، وأشوفك! **** ^_________________________________^ حمد مسك يدها وسحبتها بقوه وتطلع شهقه كتمتها حمد: منى تكفين خلاص بلا دموع منى بقهر ؛ اسفه ازعجتك ببكاي بس ماعليك بطلع من حياتك كلها ولاعادي ازعجك حمد عقد حواجبه : وش تقصدين منى طالعته بقهر : تطلقني حمد من الصدمه لف بسيارته بقووه ووقفها على جانب الشارع منى بخوف: وش فيييك وقفتها كذا حمد ويتنفس بغيض وماسك نفسه لا يعصب؛ وووش تقصدين انيي اطلقك منى بجرأه تكتف ايديها : دامك لاعب على الحبلين لاعاد تشقي نفسك و يكفيك حبل واحد حمد زفر بغيض: منى لمتى بقول لك انها كذااابه قسسسسسم بالله منى بعصبيه: اي اي صدقتك من وين تعرف اسمك طيب وكيف عرفتك اصلا من كثر القائات استاذ حمد حمد بصوت عالي؛ اظن ماشي ثقه بيننا وش قصدك كثر اللقاء و عرفت اسمي سمعيني انا تربيتي احسن من كذا ومايهمني لا رايك ورايها دامك ماصدقتي وماتثقين فيني عساااك تنفلقين بارضك قلت لك كذابه وتبي تفرق بيننا خلاص افهميها وتكذبيني لا اموتك قبل لا تكذبيني وطلاق تحلمين فيه والله ماني بمطلق باقي شهرين ونتزوج وانتي تسوين حساسيات وطلقني ومدري شنو دامك شفتيني ضعيف حيله معك لاني احبك بجنون لا تسلطي لسانك علي .. منى بصوت باكي: ماعاد عرررفت اصدق مين اشوف بنت بعيني تجي وتقول ليه تخونني ماتبيني انقهر وانا زووجتك لو واحد سوا معي كذا اكييد بتذبحني قبل لااتكلم وادافع عن نفسي بس انت قلبت السالفه لصالحك الحين وانت صرت المعصب وواالمظلوم حمد صوتها الباكي حرك فيه مشاعر كثيره بس اهم شي انها ردت عليه وقهرته : ايه مظلوم ونص سمعتي ليه تقولين كذا وانتي مش متأكده منى لفت وجههاا لجانب النافذه وحطت ايدها تحت ذقنها : حرك السياره ورجعني حمد تنهد وحرك السياره بلا كلمة وطول الطريق مايسمع غير شهقاتهاا شغل المسجل وقعد يسمع وعيونه على الطريق هيا تعال هيا تعال أنا تراني في رجاك أنت الغلا وأنت الحلا هيا تعال هيا تعال هيا تعال الي يحبك زاد شوقه من غلاك هيا على هونك تعال وخلي مشيك بالعدال تعال خذني للفرح تعال ثم خذني معك ماهو مهم وين تاخذني يمينك او شمال خذني هوا خذني غوا أو فوق زهرك من نداك ماتت عروقي من عطشها فيك وايامي رمال لا اضيع ويضيع الأمل وشلون أنا عايش بلاك معقول تتوقع على غيبتك عندي احتمال أنت أخو! ولا حبيب ! أو شخص ذابحني هواك! كل المشاعر لك وفيك ولا لحد غيرك مجال شقول أحبك !ماتكفي ،مير يا جعلني فداك كلمة (أحبك ) ماتكفي لا جواب ولا سؤال يسعد صباحك يا صباحاتي ويسعدلي مساك أنت الصباح الي هزم ضوء مجاهيم اليال جاوب ندايه لو أنا والله لا اجاوب نداك قدر مشاعر من يحبك موت يا ولد الحلال! هيا تعال أنا تراني مانتظر شخص سواك كل المشاعر لك وفيك ولا لحد غيرك مجال هيا تعال الي يحبك زاد شوقه من غلاك هيا على هونك تعال وخلي مشيك بالعدال. **** منى ببحة ؛حمد سكر المسجل حمد سكت وبنده وماقال شي عند عبدالرحمن وهو يتمشى رن جواله عبدالرحمن: الوو هلا عفوا منو جاسم اهااا هلا هلا كيفك جسوووم اخبااارك ههه يارجال مشاغل الحياه الحين اي فاضي اووك وينك طيب طيب .. راح لين وقف عند احد المقاهي اخذ جواله وبوكه وسكر السياره واخذ المفتاح وحطهم بجيبه حصل شلة شباب جااسم؛ سلااااام هلااا هلااا هلااا تو مانور المقهى حيااا بالزين هلا بدحوم عبدالرحمن ابتسم مجامله وسلم عليه وعلى الي عنده جاسم : هذول ربعي سعود و غسان عبدالرحمن بمجامله : هلا ردو الشباب: اهلين اندمجو الشباب بالسوالف والضحك عبدالرحمن مسك جواله ويطقطق عليه بعدين نقل نظره بين زوايا المقهى يحس يمان موجود بكل مكان يروحه مسك جواله بقوه وحس بغصه قام بقوه بين الشباب وطلع الشباب حسو باستغراب من تصرفه جاسم لحقه عبدالرحمن حس بدموعه شوي وتطيح فجأه حد مسكه من كتفه ولفه جاسم : دحوم وش فيك عبدالرحمن دف ايده وركب السياره دخل جاسم من الباب الثاني وجلس عننده عبدالرحمن حول نظره لجاسم وعيونه كنها سرحانه ويحس انه بيبكي بس ماسك نفسه ماقدر يقول لجاسم شي عشان مايحس عليه جاسمم تنهد ؛ الدحمي عارف شعورك ادري وش تحس فيه بعد موت اقرب شخص لك ياخوي هذي حال الدنيا ومحد باقي لحد عبدالرحمن حس انه حصل حد يشكي له غمض عيونه بالم وخانته دمعه جاسم حط ايده على كتف عبدالرحمن : اسمعني انا كنت مثلك بس طلعت من هذي الحاله بمكان افضي فيه قهري عبدالرحمن بحيره ؛ مكان ؟ جاسم بحماس : ايه تريدني اخذك هناك عبدالرحمن سكت شوي كنه يفكر جاسم : يارجال انا قد جربت تفضي قهرك وماعاد تحس بحزن ابد عبدالرحمن : جد جاسم بحماس ؛ وجد الجد بعد عبدالرحمن باستسلام ؛ خذني معك طيب جاسم بفرح ؛ من عيوني انت ارتاح وبضبط لك المكان واشوف الوضع هناك كيف واتصل فيك او اجي لك عبدالرحمن بهدوء: طيب جاسم : اووووك انا بنزل الحين ولاتاخذ شي بقلبك بتفضيه اككيد عبدالرحمن : ان شاء الله وطلع جاسم ولف عبدالرحمن السياره بيرجع للبيت حصل معاه اشياء كثيره اليوم وتعبان ... في بيت بو سلمان ::: طارق : سمممممر قسم بالله ابطل اخذك سمر ؛ ياولد اهجد شوي جاااايه جااايه البس جزمتي بس . طارق ؛ الله يكرمني سمر : انطم يامال العجله دخل تركي : السلام عليكم طارق: وعليكم السلام تركي رفع حاجب ونقل نظره لسمر الي جالسه على الدرج تلبس جزمتها *اكرمكم الله* ؛ حضرتك ردي السلام سمر ؛ واذا فيها مابي ارد السلام وش دخلك تركي : السلام لله سمر بتسليك : طيب طيب طرووق يلا نروح تركي ؛ طروقك قده بالسياره سمر تركض وتاخذ شنطتها وتصرخ: يممممممه بروح السووووووق وطلعت تركي يضرب ايد بايد دخل مازن يضحك : سلام تركي ؛ وعليكم السلام ليش الضحك مازن: هههههههههه اختك الهبله طلعت كنها صاروخ من سرعه تركي تنهد ؛ هذي مارح تعقل مازن : ابدا ماحس تركي: اوك اخليك بروح اخذ شور وانام شوي مازن: سلم على امي اول تركي: اكيد رايح عندها انتظرك مثلا في نفس السور بس بيت ثاني :: نجود: اااااااااه خلوووووووود خلود: عطيني قلت لك نجود: مااابي تهاني تدخل وهي ماسكه الملعقه الكبيره حقت الاكل: وبعديييين معاكن انتن الثنتين بزرااان معي بزراان نجود: يممه هي الي بدت خلود: يااااه اجل مين اخذذ الشاحن حقي تهاني: اسكتو خلاص وبعدين وين عهود عنكم نجود ترمي بنفسها على الكنب: فوق تهاني: روحي ناديها نجود: بس يمه. تهاني: ماشي يمه روحي ناديها نجود ترقى الدرج بسرعه لين وصلت لغرفة اختها فتحتها بشويش شايفتها حاضنة كتاب ومغمضه عيونها وسرحانه وتبتسم جت نجود : عهيييييييييييد عهود نقزت وقلببها يدق من الخوف: نجوودووه خيييير وش بغييييتيي روعتيني نجود: هههههههههههههههههههههه عهود دفتها وهي معصبه نجود مسكت بطنها : ااااه هههههههه بطني ههههههه عهود طالعتها بعين معصبه وخذت جوالها ونزلت نجود: عهيد اوووه ههههههه لفت عهود ونزلت للدرج شافت امها مخصره وتخاصم خلود قالت بهدوء: السلام عليكم تهاني بعصبيه : انتي وياها اجل معاي 3 بنات وكل وحده على كبرها ماتساعدني بالبيت كل الشغل على الشغاله وانتن يعني جالسات وشش شغلتكن بالحياه اكل ونوم خلود: يب تهاني عطتها نظره خلتها تنخرص : اجل يب اوريكم اليب هذي وش سواتهاا وخذت الملعقه تعااالن يابنات سلمان اوريكن التربيه الزينه كييف ودخل سلمان : السلام عليكم وركضن خلود ونجود وراه : يببببببه سلمان عقد حواجبه : بسم الله وش صاار معاكم كذا خايفين نجود ؛ تهاني تبي تضربنا تهاني تخصرت : وعساها هالتهاني ماتقرب لش شي خلود: يقولون لها امنا تهاني رجعت رفعت الملعقه : خلييييد سلمان : ههههههههههه يابنات ياااتهاني خلاص جننتوني اروح عند امي وسمر يجيبو لي الضضغط ااجيكم هنا تجيبولي السكر خلااااص عااد راحو كلهم يتغدون ويضحكون على حركات بعض في بيت يقظان ال... جامع العيله كلها من زوجته وعياله وخوانه وخواته ماعدا طبعا خالد بو خالد : اظن جمعتكم مو كذا عبث ولا شي عمرران : اجل وانا اخوك عشان بو خالد : اكيد كلكم تعرفون انا نحن يقظان وعمران و جراح ودلال و شيهانه و عايض عمران نزل راسه ؛ عايض غزل عقدت حواجبها : معاي عم اسمو عاايض بوخالد : غزل خليني اكمل كلامي ام خالد ععطت غزل نظره ولفت نظرها ليقظان؛ يلا كمل يابوخالد يقظان ؛ ايه ياغزل معك عمك اسمه عايض كان طيب ودايم هو القلب الحنون الي نروح له وقت تعبنا بس مره حب وحده من حي فقير وطلب من ابوي الله يرحمه يتزوجها بس ابوي الله يهديه كان متحكم وعصبي ورفض زواج عاييض من البنت بس اخوي كان بار بابوي بس حبه للبنت غطى عليه تزوجها بالسر من ورا ابوي وبعدها بفتره درا ابوي وعصب وحرمه من الورث وطرده من الشركه بس عايض كان معاه توأم ولد وبنت مايقدر يرميهم عشان رحمة ابوي كان كل يوم يجيه يترجاه يرضى عليه وابوي منعنا منه ليين وسكت جراح ؛ لين ايش ياخوي يقظان ؛ اين مات عايض بحادث غزل شهقت بصدمه ودلال مصددووومه من السالفه كلها هي تتذكر عايض بس قالو لها مااات من زمان عمران ؛ كمل يقظان بصوت مجروح : مات اخوي عايض وماقدرنا نبين حزننا لابوي كان في حياتنا شي كبير جدا وخاصه ذيك الفتره كان متزوج من امكم (يقصد عمران وجراح ودلال ) وكان عايش معاكم بالبيت وانا وشيهانه انشغلنا بعيالنا بس فكرنا ان عيال عايض ماتو معه ومره تعب ابوي وجاته سكرات الموت وحط وصيته بمكان وقال ماتاخذوها الا في اليوم الفلاني والتاريخ الفلاني وصادف التاريخ قبل اسبوع تنهد وسكت ومسح دمعه كانت بتطيح عمران : قلقتنا قول وش فيها الوصيهه يقظان ؛ ان عيال عايض وزوجته احياء ماماتو انتشرت الفاجعه والصدمه بينهم .. في المستشفى: عمار يمشي بالممر بتوتر خايف يفقد طفله وزوجته بعد مافقد 3 من عياله بالماضي والعرق يتفصد من جبينه ام سلمان جالسه وتدعي الله يسهل على بنتها و مازن وتركي متوترين بالحيييل ويتصلون على طارق وسمر يجون للمستشفى فجأه طلع الدكتور وجا عمار يركض له ؛ خير وش صار دكتور بشرني الدكتور : انت زوجها عمار : ايه ايه كتتتتتت نلتقي بالبارت الجاي تحياتي * إحترت وش اسمي نفسي * Like