الفصل 6
الباااارت 6
الي قلبه حنين لا يقراه تراه بالحيل موووجع ____
~ يمر الوقت من دونه ويحسب إني تناسيته â—?
اثاري طاري العشاق يصحى جمرة"ن" فيني؟ ؟
`سألني شايب البارح من أكثر شخص حبيته؟ "
~ضحكت وقلت ياعمي دخيلك لاتبكيني ""
\\\\\\\\\\\ وجع..ألم...فقدان..عنوان البارت6////
عند الدحمي::
اشترى لها عباية وحجاب وسترها وشالها لمشفى ... وقال انه فاعل خير حصلها بالطريق ودخل عند الدكتور يعرف حالتها
الدكتور : صراحة يا استاذ البنت دي جسمها قوي ماشاء الله أهم حاقه ماتتحركش كتير لأن الحركه بتضرها بس انت ارتاح بنحاول نحصل أهلها
عبدالرحمن بنفسه *ماظنتي عندها أهل دام هذي سواياها* : خليني اكلمها دكتور
الدكتور : اتفضل معايا
راح مع الدكتور للغرفة فتح الباب وهو مجهز لها كلام كثير بس الصدمه البنت مش هناااااك
الدكتور : اي ده البت فييين وراح عند الاداره عبدالرحمن عصب راح بدورها بالغرفة ماحصلها وطلع لسيارته ومعصب ويدعي عليها
لما دخل السياره سمع جواله شاف"عضيد الروح " رد : خيييير
يمان بنبرة خوف : دحيييييم وينك قسم بالله وقفت قلبي عليك وانت ماترد وييينك
الدحمي ابتسم غصب عنه *الله لايحرمني حسك *: يالثوور لاتخاف جايك
يمان: ثووور طيب انا الغبي أخاف عليك وبند في وجهه
عبدالرحمن ضحك من قلبه :ياحبنيي لك ورجع بالطريق للملكه حصل يمان وناصر جالسين في الحديقة
عبدالرحمن : هههههههههه يمان
يمان طالعه بنص عين :اسكت بس
جا فارس يركض : يااااعيااااال الزفه
عند منى تتجهز الزفه
عهود : حمد بينزف اول
منى مب معهن خاااايفه وبالحيل بعد
سمر تاشر لطقاقه تخبر الحريم تخبر الحريم تتغطن دخل حمد و عمامه وعيال عمه وخوال منى يعني كثير ماشاءالله بعدها طلع ناصر و يمان و الدحمي ويتلاعبون بالعصااا وفاتحين شيلات طرب والكل متحمس معاهم يمان طلع لحمد وعمل له حركة ويرجح بايده ويضحك وحمد يبعد عن العصا وهو متوتر :يمان أبعد
بعد يمان ورجع عند خوويااه وكلهم نزلو طرب وناسه بعدين طلعو كلهم عدا محارم العروس
يمان يعدل ثوبه عبدالرحمن يطالعه بنص عين : وش فيك
يمان :اسكت البنات يطالعوني
عبدالرحمن ضحك بإستهزاء وسكت
يمان رفع حاجبه: خير ماصدقت بعدين شاف منى جايه ابتسم :جعلني فدوه خطاها
عبدالرحمن :يلا نزفها نذاله بحمد
نزل يمان وعبدالرحمن مسكو ايدها وطلعو بها على الكوشه ونص الحضور مايعرفون أن الدحمي أخو منى اول مره يعرفون ... حمد مقهور ماعرف يزفها غير هالاثنين بس شاف لما بتطلع الدرج يمان مسك يدها ويطلع بها الدرج وعبدالرحمن واقف وراها وجا بو محمد ومسك ايدها من يمان وباست منى ايده وراسه وبومحمد يهمس لها بعدين جابها له
''حمد "
فرحت لما شفتها اقبلت وربي حسيت قلبي نبضاته خلاص تعبت مشيتها تذبح ياناس سميت عليها من العيون فرحت لما شفتها قربت بس انقهرت شفت المخبل راحو عندها وماسكين ايدها كنت بذبح عبدالرحمن مدر ليه اعرف انه اخوها بس قهرني ليييه يمسك ايدها ويهمسون باذنها وهي تبتسم اكيد قالو لها شي مجننون هههههه جعلني فدا الابتسامه شفت يمان رفع يدها وتقدم وهي وراه تطلع الدرج لما وصلت على الكوشه قرب عمي وباسته وهو مسكها حسيته شوي ويبكي مدري ليه بس مسك يدها وجابها لين عندي هنا ماعاد حسيت بالدنيا ولا الحضور قبلت جبينها حسيت شي رد لي كن روحي طلعت وردت ورجعت ورا شوي لا اتهور عيونها جابت فيني علوووم وبعدها جلسنا على الكوشه وعمامي وخوالها واقفين ويضحكون و يمان ذبح الناس من رقص وعبدالرحمن احسه فيه شي كان يحب دايم يرقص بس مب وقته اسأله .....
''منى"
لما جوني يمان والدحمي حسيت ودي ابكي جد الله لايحرمني منهم صراحه ضحكت لما قال لي يمان لايغرش تراه عصبي و ماعنده اي ذره احساس بس ربيه وانا اخوش وريه الويل ... بعدها طلعت مع يمان الدرج وعبدالرحمن وقف مدري ليه بس طلعت من يمان شفت الغالي فديت شيبك الي غطا راسك نزلت دمعه وماحسيت قرب مني ابوي ومسح دمعتي وقااال لي ماشوفها مره ثانيه ابد صوني نفسك وزوجك وبيتك ... حسيت ودي انفجر بكا كان واقف وراه خوالي مازن و طارق وتركي وخالي سلمان و وكل عمامي و محمد وحجاج بجنب حمد استحيت لما شفته وابوي مسك يدي يوديني له لما باس جبيني مدري ليه حرارتي كنها ارتفعت من الحيا بعد ماجلسنا على الكوشه نزل يمان يرقص هههههه فديته وربي ماسكه ضحكتي على حركاته ...
حمد : جاهزه للشبكه
منى: خليها لين يخفو المعازيم
حمد: طيب برايك
و جو العمام يباركون لهم وطلعو ونزل طارق مع يمان وسو حركات يقال لها ختاميه الرقص هههههههه ..
بعد ذاك جا ابوي لحمد وقال بحده ؛ تلبسها الشبكه وتجي قد حذرت الحريم ماتجلس عندها
حمد بقهر من غير مايحس ؛ لييييييه
بو محمد رفع حاجبه : موعاجبك طيب مين الي كنت معاها قبل المغرب ..
حمد استحى: اي بس عمي والله شوي ساعه بس
بو محمد : الي عندي قلته وراح
حمد طالع منى الي مبتسمه : مرتاحه يعني
منى كشرت وسكتت
حمد : ههههه افا تكشرين بوجهي
منى نزلت راسها وبدون كلمه
عند البنات ::
نوف تبكي
سمر ؛ انتي الحين تبكين عشانها تزوجت قبلش ولاخذت احلى ولاد عمك ..
علياء ماعاد تحملت غثة سمر ؛ سمررر وش هالكلام
سمر ؛ انتي اخر وحده تتكلم وغيوووره بعد الله لايبلانا بس .
علياء فتحت عيونها على وسعهااا وطالعت البنات بقهر ..
نوف تمسح دموعها وقالت بطيبه؛ سمر ترا مب من كذا بس اناا يعني فرحت لها كثير وعشان كذا بكيت .
ساره ؛ تصدقو للحين مش مصدقه انها تزوجت
نجود: حتى أنا
عهود راحت عند المرايا تعدل نفسها شافت العمه نوره وراها ؛ هلا خالة
نوره : اهلين فيش فديتش بس حبيت أسأالش شفتي البنات
عهود: اي البنات كلنا على الطاولات الي قبال الكوشه ع اليمين
نوره : ايه سلمتي يابنتي
عهود باحترام : الله يسلمش ياخاله استأذن بروح للبنات ..
نوره : اذنك معك وفي نفسها * ونعم الاختيار يا عمر بس اخاف ماتوافق بسبب ظروفك بس هذي منى تزوجت حمد بس عمر في الجنوب اااه الله يوفقك يارب*
عند الرجال ::::
يمان : ابي افهم ليه اختفيت كذا فجأه
عبدالرحمن : قلقتني ياعمي اسكت قسم بالله مالي خلقك ...
يمان عصب: وعساني من بعد اليوم ماكلمك
عبدالرحمن : ماتفرق اصلا من زين كلامك عاد
يمان سوا نفسه حز بخاطره بس هو عادي؛ طيب يادحوووم طيب طيب وراح جلس عند عمه بو مشعل عبدالرحمن رفع حاجبه: ليكون زعل من جده وانا وش علي منه ويزعل يراضي نفسه بعدين ورجع يفكر بسالفه البنت الي مادخلت راسه ا ب د ا
عند حمد بعد مالبس الشبكه وكذا طلع للرجال لان العم احمد رافض الفكره ان يجلس معاها ...
ملخص الاحداث***( ججوو الاختبارات وماامن جديد كل واحد ببيته يراجع و حمد ومنى بينهم مكالمات فقط ومايزورها لان اختبارات وخايف يزعجها وكذا بالنسبه لعبدالرحمن ماشاف البنت من ذاك اليوم و هو ويمان تصالحوو )
بعد الاختبارات في بيت بوسعد بالليل مسويات جمعه البنات :::
نوف : جد افتكينا من الجامعه وهمها
سساره : بس انتو خلصتو قبلنا ظلم
نوف ؛ ماشي ظلم هذا نظامنا
االعنود : بنااااااااات جععععت
عبير : اصبري لين يجي العشا
منى تحضن المخده: متى بنروح المزرعه
منال ؛ ماعرف
علياء: كالعاده خالي سالم دايم هو الي يخطط ونحن وراه يعني ماحد هنا من بناته يسأله عشان نعرف
ساره : طيب اذيتونا مايحتاج تعرفن متى بنروح
العنود ؛ ع الاقل نسأل دايم يخبرونا قبل الروحه بيوم مايمدينااا
نوف: ماظن حد يمون على عمي كذا عشان يسأله
كل البنات لفو لمنى
منى بحيا: خير
علياء: منوووشتي اسألي زوجك
منى ولع وجهها : لالا مستحييييل
البنات كلهن على منى تتصل في الاخير اقتنعت : طيب بس بشرط تبعدو عن السماعه ولا تلصقو فيني
البنات بتسليك : اي اي اتصلي
اتصلت وبعد كم من رنه رد ؛ الوو
حمد: هلا والله باحلى الوو
منى: اهلين فيك احم كيفك
حمد ؛ دام سمعت هالصوت بكون بخير طبعا
منى وجهها ولع : حمد اا البنات عندي وقالو لي اسألك متى عمي بيقرر ياخدنا المزرعه
حمد : اهااا عشان كذا حسيت صوتك متغير ههههه اي قال يوم الخميس يعني بعد بكره
منى؛ اهااا اوووك تسلم
حمد بهمس: ماشي غير تسلم
منى : طيب بنات يقول لكو بعد بكره
حمد فهم : هههههههه يالعيااارره اوك قلبي اتصل فيك بالليل
منى: طيب في حفظ الرحمن
حمد: ويحفظك
وبندت
ساره تصرخ : بسسسس هذي هي المده
منى: مده ايش
ساره: الي اقراه بالروايات يتاخرون بالساعات سوا وانتو ربع ساعه ماخذتو
منى ماقالت شي وغيرو البنات سالفه...
عند الرباعي الشباب :::
يمان : اما انتو بزران ثانوي اخيرا قررتو تكبرو
ناصر: لا تتكبر خلصنا ثانوي لانك بالكليه لا تغتر عاد
يمان ينفخ ريشه: يحق لي يارجال اغتر
ناصر : لايكثر عاد
يمان بصوت حنون : الدحمي وش بك كنم مهموم
الدحمي كان سرحان في سالفه البنت نفسها: هاه هلا خير وشش فيك
فواز وناصر: هههههههه
فواز : ياخي شف شف طريقه الي رد على حنان يمان
ناصر: الررجال ماااايفهم بالعواطف
الدحمي وقف: بلا عواطف بلا مشااااعر وقام معصب
فواز يأشر بأيده بقهر : وش فييه
يمان قام من وراه
يمان: دحوم وقف
عبدالرحمن ماسمع له ودخل السياره ولحقه يمان ودخل وراه
عبدالرحمن: يمااان انزل
يمان: ماني بناااازل وش فييك انا اخوك خبرني
الدحمي: يمان تكفى انزل مالي خللقك
يمان : دحوم ياخوي مارضى اشوفك كذا ولا اشوفك زعلان
دحوم: وعساك ماترضى ان شاء الله انزل بس انت
يمان انقهر منه: عبدالرحمن
عبدالرحمن صرخ : يماااااان انزل
يمان : مارح انزل لين تخبرني وش فيك لاني صراحه مارتاح الا من شفتك مرتاح يرضيك مارتاح
عبدالرحمن بعصبيه: اي لا ترتاح ولا ابيك ترتاح انزل
يمان انصدم: عبدالرررحمن وش قصدك
عبدالرحمن : اي دايم تتدخل فيني ياخي ماعاد طقتك اطلع من حياتي خلاص نشبه
يمان حز بخاطره كثير: طيب ياخوي اعذرني بطلع من حياتك ولاني ناشب لك ثاني واسف طلعت شي ماتريده بحياتك اسف من جد ظنيتك تعزني وتغليني مثل ما اعزك واغليك .
عبدالرحمن : متى بتنزل عاد مسوي لي محاضره
طلع يمان وسكر الباب حرك عبدالرحمن
السياره حتى طلع صوت زي التفحيط يمان في نفسه : الله يهديك ويحفظك وين ماحلت خطاويك استودعتك الله ..
ودخل شال مفاتيحه وجواله واتصل بمنى تنزل له ونزلت له وراح البيت وطول الطريق ومنى تحاول تفهم منه قال لها : سلامتك ماشي مجرد امر بسيط
منى؛ طييب** مع انها مش مقتنعه**
وصلو البيت دخل يمان وشااف محمد في الصاله حب ينرفزه
شال الريموت وبدل قناه محمد صرخ بقهر: يمان انا اشووف
يمان يهز كتوفه: وش اسوي لك بالله
محمد : يماااااااان عطني
يمان على الكنبه: لا مابغيت
محمد: بززر انت بزززر قلت لك انزل منى دخلت على الموقف وقعدت تضحك حجاج نزل على صريخهم: انتو بالله بزران ماتكفون مناقر
محمد: يمان انزل وعطني الريموت من يدك
يمان ركض على الكنب ومعاه الريموت ويغني : بيييب بييب سياره بابا عم بتنادي بييب بيب
ويسوي نفسه بيفحط
الحجاج جلس على الارض: مايكف ههبال ذا
منى قامت من على مكانها يمان يلف كل الصاله ويرجعع
محمد: يمان انززل
وجا بو محمد وصرخ: يماااان
يمان وقف ومحمد سكت
يمان يسوي حركه بايده: بوووووووووووم
بومحمد؛ تعال
يمان ينقز من على الكنب وجا عند ابوه: سممم يبه ومسك اذنه ويصرخ: انننت وش مفكر نفسك بهالحركات ماافي انسان يسوي سواياااك وهو عاقل
يمان : يبه يبه الهيبه الهيبه تكفى فكني
ابو محمد يشد اكثر : متى بتخللي هالحركات
يمان : اليوم الي بموت
بو محمد دفه : يماااانن
يمان بقهر: كلكم كذا تكرهوني ماتبوني اعرفكم ماعليه ماعليه بموت وبترتاحون وطلع الدرج معصب بومحمد حس بالذنب: يمان تعال
يمان وقف : هلا
بو محمد: انزل عندي
نزل يمان ومسوي نفسه متضايق : اي
بو محمد: ياولدي انا انصحك ابيك تصير رجال وحركات البزران هذي تخليها تراك غالي وكلكم عيالي واحبكم
يمان فقع ضحك :::: هههههههههههههههههه صادوه ههههههه يبه اجرب دور الدلوع بس هههههه
بو محمد قدح عيونه شرار
يمان وقف ضحك وركض لغرفته يصارخ: فكوني منه فكوني منه
بو محمد: تعاااال وشافه هرب طالع عياله : مايعقل
كلهم ماسكينن ضحكتهم سمعو الباب انفتح شافو عمر داخل : هلا وش فيكم تطالعوني
بو محمد: اهلين الناس يسلمون
عمر بحرج: السموحه السلام عليكم
كلهم : وعليكم السلام والرحمة الله وبركاته
حجاج يعدل شعره: يبه ممتى بنروح المزرعه ترا انا بقي لي اسبوع بس من العطله ..
عمر : انا رايح بكره مارح اجي معكم
بو محمد: الله يوفقك ياخوي ودير بالك على نفسك الله ينصركم ويسدد رميكمم ويرافع رايتكم
عمر يقبل راسه احتراما له: امين يارب
بو محمد: كلكم روحو جهزو نفوسكم بعد بكره بنروح
الكل : طيب وراحو وتجهزو و يمان اول مادخل جلس وحس بحزن بقلبه بسبب دحوم رسل له نصيه " عبدالرحمن يعلم الله قد ايش انت غالي علي ويشهد ربي اني مازعلت منك بتظل دايم الدوم الدحمي اخوي وعضيدي وكل دنياي ابيك تسامحني اذا غلطت بحقك ترانا مب دايمين لبعض" وارسلها
وصلى ركعتين ونام
ومنى اتكلم حمد في غرفتها
حمد: ترا ماكذبت والله تعلقت فيش كثير لدرجه مم ابند منك احس اريد ارجع اتصل اشتاق لك بكل دقيقه والله
منى بحرج تسلم
حممد: الله يسلمك مدري وش سالفة تسلم انا كل ماقلت شي تسلم
منى ضحكت عليه
حمد: وربي لايحرمني من هالضحكه ااااه احبك
منى: حممممد
حمد: طيب طيب كنت اكلم نفسي
نتركهم مع بعض ونرووووح لسعد ولجين
سعد : تصدقي ودي ببنوته تشبهك ماعندي غير عيال وكل واحدد كنه قرد
لجين: سععد عيالي مب قرود
سعد : الا قرود عاد القرد بعين امه غزال وش غلطنا الحين
لجين : عيالك بعد
سعد: ادري والله طلعو ع ابوهم اصلا لو كانو زيك ع الاقل يقال لهم خكاريه
لجين: سغعععععد وش هالكلام
سعد: ياليل قلت لو لو لو
لجين : حتى ولو لا تقولها
سعد: مشكلتي ماقدر ع زعلش
لجين : اي خلك كذا
سعد: ههههههه ياقدع
بعد يووومين كلهم وصلو المزرعه واجتمعو ::::/
عبدالرحمن اول مادخل شاف يمان يشب النار
عبدالرحمن جلس بعيد عنه وطقطق بجواله يمان صوته مو حلو ودايم دحوم يصارخ عليه لاتغني يمان ؛ انا واجد هزيين كلو نفر مافي هب اناا دحومي وين انته وين خلي زعل ولي روه يلااا
عبدالرحمن غصب عنه فقع ضحك : بالله عليك بعدك مسوي نفسك تراضيني ..
يمان بصدمه؛ انت مازعلت
عبدالرحمن : لا بس حبيت امثل هالدور
يمان : جددد يالقررد تعااال
عبدالرحمن : ثثثور لا تقرب وهرب
يمان شال قرشه ماي وركض وراه ومسكه وصب على راسه وعبدالرحمن ماعاد تنفس من ضحك لما رفع راسه تفاجأ بحضن يمان الدحمي: يمينوه وش فيك...
يمان :انطم خوفتني عليك
الدحمي؛ ههههههه طيب فيك فقر حنان انت
يمان بعد عنه ويضحك؛ اي لدرجه امس ابويي شد اذني ..
عبدالرحمن : ههههههههههعه
عند البنات ::
منى : لااااا حلفي
سارة : والله انه مات
نوف: الله يررحمه
علياء: ابو مين قلتي
العنود: وحده في فصلنا
منى: جد صعب تفارق حد تحبه
وكملو سوالفهن المعتاده
عند الرجال
بو سعد: يارجال وش مجلسكم في الداخل والجو عصريه تعالو نطلع برا في المزرعه طلعو كلهم الرجال والشباب ع الفرشه ويسولفون و محمد ولد سعد وسالم ولد ضاري و فارس وفراس يلعبون كوره
جو يمان وعبدالرحمن كنهم سكرانين ضحك
بو ضاري؛ من وين
يمان : من هنا عمي مابعدنا
عبدالرحمن: يمان طالع البزران يلعبون كوره فيني العب
يمان : فراس فراس الكوره مررها لي وركض عندها وعبدالرحمن بعد ويلعبون معهم
يمان بحماس طير الكوره للشارع برا
محمد سعد : هيييييه عم يمان وش سويت
يمان: ياولد لا تقول عم تقول شايب قول يمان بس والكوره من نفسها طارت وش اسوي
عبدالرحمن : هههههههه تعال تعال نشيل الكوره يلا وراحو لها
يمان اخذ الكوره ويلعب فيها بالشارع : دحييم
عبداالرحمن : عطني الكوره وتعال لاتاخذك سياره معاها
يمان شات الكوره وكان بيدخل ورا عبدالرحمن بس
جات سياره مسرعه بدرجه ويمان مانتبه وعبدالرحمن كان معطيه ظهره وفجأه ....... يمااااااااااااااااااااااا اااااااان
يمااااااان
يماااان
ماشاف غير جثته تطير من على السياره وتطيح بالارض والددددم دم دم منتشر
عبدالرحممن صدره يطلع وينزل يمان يمان يمان
لقطات من البارتات القادمه::::: #
عبدالرحمن: لييييييه يمان لييييه
حمد: بعدووووو لااا يمااااااان
بو محمد: دام هو كذا اجل مايستاهلها
خالد : يمه ابيها على سنة الله ورسوله
حمد : مالي ذنب والله منى افهميني انا اقسسسسم بالله احببببك بس مابيك تحزنين انتي طالق
منى: رجعووو لي اخووووي مابيكم
تميم : ليه كل ماوديت اخطب يصير شي
عبدالرحمن : انتي بتصيرين زوجتي رضيتي او لا
وليد : عمي حنا ندري ان الوقت مب مناسب بس طالب"ن" يد بنتك
صوت اطلاق نار ويراه يسقط امام عيناه و يركض زي المجنون : لااااا تكفى لاااااااا اااااااااااااااااااااااه
انتهى البارت منتظره توقعاتكم وردودكم
تحية مني انا الكاتبه احترت وش اسمي نفسي°•_
Like
تكملة البارت6::/
اليوم ياخوي في غيبك تعذبت مريت مكان لي كن في نسوالف فيه ونشكي البعض همومنا كن ثنين هناك صارت الحالي أجلس وحيده واشكي غيبك ورحيلك///
بومحمد وقف وقلبه يدق بسرعه وسمع صوت تفحيط وصرخة عبدالرحمن من غير مايحس ركض زي المجنون كل مافيه يبي يعرف ولده وش فيه
محمد من وقفة ابوه دق قلبه طالع الحجاج اخوه من سمع صرخة عبدالرحمن فزووو كلهم مع بومحمد وركضو للباب
الفاااااااااااااااااااااا اااااجعه
وللا واحد من الرجال تحرك من الصدمه
يمان جثة وكله دم وعبدالرحمن حاضنه ويبكي بصوت عالي وبقهر: لييييييييييييييييه يالخااااااين ليييييه يماااان انت تسمعني صح يماااان تكفى كلمني يمااااان يمااان انت حي صح انت تكذب علي انت تبي نقهرني يماااان تكفى لاتخليني يمااان قسم بالله ااااسف ماقصدك اضايقك يمان ااااااااااااه
ويحضنه بقوه ويبكي
ناصر جا يركض ومسك يمان من عبدالرحمن ويرجف ودموعه تطيح: يمان يمان تسمعني يمااان تكلم قول شي يماااااان يمان ويهزه ويقول بهمس يمان يمان
عبدالرحمن يمسح على شعره : يمان انت صوتك حلو والله تكلم سمعني اياه
بو محمد تقوم ببطئ ودف العيال ومسكه : ولدي يمااان يمان وحطه بحضنه وصرخ: يماااااااان من صرخته الكل استوعب وركض عنده الا محمد واقف مكانه ويتنفس بسرعه وعيونه عليهم كلهم وييسمع اصواتهم كلهم ويشوفهم يبكون شاف امه تمر من جنبه زي المجنونه ؛ لااا ولدي يمان ابعدو عنه ابي ولدي تكفوووون يمان انا امك يمه قوم كلمني
لف بعينه لورا وشاف منى طاحت على البنات ويسمع صريخهن ويحاولن يصحونها
بس ماستوعب ظل ككذا لين وصلت الاسعاف والشرطه وهو مكانه لين شاف الجثه يشيلوها على سرير وامه تصرخ لاتشيلوه وابوه وحجاج ماسكينها ومنى مايدري ووينها لما شاف جسد اخوه في السياره الاسعاف ركض للسياره ويبكي ويصررخ باقوى ماعنده :؛ لاااااا بعدووووو عننه يمااااااااااااااااااااااا اااااااااااااااان
وسكر المسعف الباب وراح ومحمد ورا السياره ويصرخ :تركوه والله بيمزح اعرفه وقفووو ابي اخوووووووووي يمااان
مسكه سعد ومشعل وهو يفكهم ؛ بعدو وياشر زي المجنون على الطريق الي راحت منه السياره وبهستيريه : شالوه شالوه والله بيمزح صح سعد هو دايما يسوي مقالب مشعل تكفى وقفهم انت دكتور قول لهم هو قاصد يقهرنا هو بخير صح
مشعل غصب عنه بكى
سعد ؛ محمد خلينا نلحقهم
محمد ركض لسيارته ومعاه مشعل يسوق عنه لما وصلو ركضو بين الاسياب زي المجانين لين وصلو عند غررف العمليات حصلو الشباب جالسين ومتلثمين وعبدالرحمن كله دم وواقف عند الباب ويمشي ويرجع ودموعه ينزلو دون توقف وام محمد حجاج حاضنها وهي تبكي بهستيريه
محمد : منى وين
بو سعد : اغمي عليها وحمد عندها
محمد تطمن :طيب وراح لامه ويهديها وابوه واقف وحاط الشماغ على وجهه
عبدالرحمن وقف فجأة
مشعل طالع عبدالرحمن
و بو محمد حس كنها طعنه بصدره و بعد الشماغ وطالع لباب غرف العمليات وام محمد مسكت قلبها
عبدالرحمن دف الباب العمليات بقوه ودخل ويسمع منادات الشباب له بس ركض ولا سمع لهم مسكوه الممرضات ودفهم ويركض مثل المجنون وفتح الباب بقوه شاف النبضات قلبه متوقفه والطبيب يعمل له صدمات بالكهربا ويصعد جسمه لفوق وينزل ويرجع ييعمل الحركة ثاني مره وعبدالرحمن قلبه مع كل صدمه يطلع وينزل معه والدكاتره والممرضات يمسكوه يطلعوه وماقدرو عليه لين شاف الدكتور يبند الجهاز ويرفع الشرشف على وجهه وصرخ ؛ لاااااااااااااا وخره وخره ودف الدكتور ويوخر الشرشف عن وجهه:كذاااب كذاااب ويدف الدكتور وانجن يمان يمان اعرف انك تسمعني صح حراااام عليك هالمقلب يماااان تكفى تكلم لما شاف انو ماتكلم جلس على ركبه ويبكي بقوه ويشاهق ويمسك حديد السرير ويتكلم بهمس مثل المجنون؛ ليه يا يمان ليه ياعضيدي انا اخوك و صديقك ليه تتركني ليه واالله ماقصدت يوم قلت لك عساك ماعاد ترضى ولا تجي عندي يمان يعلم الله قد ايش ماصبر عنك يمان طلبتك انت ماترفض لي طلب طلبتك ارجع والله احتاجك يماااان يماااان
الدكتور وهو يبكي غصب عنه تاثر
الدكتور ؛ ياخوي استعين بالله وماعاد ينفعه الا االدعاء قوم معي نخبر اهله يلا تعال معي
عبدالرحمن دف ايده : لا لا هو ما رح يروح هو بيرجع صصح يمان و يصرخ بوجه الدكتور ؛ شوووفه يبتسم بيتكلم اعرف الدكتور اشر للممرضات يحاولون يعطونه مهدي او شي بس مارضى قعد كذاوطلع لعيلته لما طلع انصدم من كل هالناس خز بخاطره يخبرهم
شاف شايب ركض لعنده توقع ابوه
بو محمد ؛ تكفى يادكتور بشرر
الدكتور طالعهم كلهم وبغصه: والله ياعم
بهذا الوقت دخلت منى السيب ومعاها حمد ركضت للدكتور : تكفى وينه وينه
الدكتور لف للجهه الثانيه وطاحن دموعه وقال بصوت باكي : قسسم بالله سوينا الي بايدنا و انا لله وانا اليه لراجعون وراح بعد ما رمى قنبلته
كل الشباب انهارو ناصر اغمي عليه دون انذار والشباب شالوه و الصددمه في الكل فواز حط الشماغ على وجهه وجلس ع الارض وكل واحد حاله اردى من الثاني حجاج بصراخ ؛ يممه يمممه
بو محمد جلس على الارض وبكى واخوانه حوله
ومحمد وحجاج شالو امهم لاحد الغرف
منى جلست من الصدمه
حمد مع صدمته طالع منى كيف تتنفس وهي جالسه مسك يدها ؛ منى استهدي بالله ربك يرحمه وماينفعه غير الدعا ياقلبي ادعي له اصبري ان الله ممع الصابرين
منى : صحيني
حمد ؛ وش
منى بهستيريه : انا احلم صح انا احلم
حمد؛ حبيبتي هذي الدنيا و ...
قطعت عليه بصرخه : ابييي يمان ابيه جيبووو لي اخوووي
حمد حاول يهديها لين جابت لها الممرضه ابره وعطاتها ونامت وشالها لغرفه ونامت
هي بغرفه
ناصر بغرفه
ام محمد في غرفه
كل واحد لم يحتمل صدمة موت يمان !
وعبدالرحمن تخلى عن قواعد الرجوله الي يفتخر فيهن وغدى اليوم مثل الطفل الي راح شخص يحبه ودموعه ماوقفت
رحيل يمان اثر في الكل !
روحه المرحه ...احترامه للكل ..ثباته وقوامه في حياته ... ضحكته واسلوبه
وقت الدفن ::
العيال يحفرون القبر وهم ملثمين والدموع ماوقفت محمد ماكمل وقف وطلع من الحفرة ووجلس وحاط ايده على فمه وهو ملثم ويبكي بحرارة
عبدالرحمن ماسكه وليد وهو ييبكي زي الطفل
ام محمد جت مع حجاج ونزلت تمشي بتعب وحجاج ماسكها شافتهم يرفعون كفنه
بومحمد خذ ولده بايده ويدفنه
المفروض هذا مكانه هو الشايب
الي مابقى من عمره كثر الي راح
هذا ولده
حبيبه
الي كان يصرخ عليه
يمان اللي مسوي جو بالبيت
شال يمان ابوه وعبدالرحمن وتركي و محمد
عبدالرحمن حس ايديه ترجف ورؤيته ضبابيه من الدموع بعد ما دفنوه خلاص وصار ببين الثرا مكانه
يمان الانسان الضحوك
الخبل
الطيب
صاحب البسمه الي ماتفارق وجهه
صوته ههههه الي كان يزعجهم فيه
كلامه الغبي الي ماله معنى
مقالبه !
صوته!
ابتسامته!
كلامه!
خلاص يمان راح دون عوده
عبدالرحمن جلس جنب القبر وبكا بحراره وبشهيق نص الناس راحو وبقي محمد و عبدالرحمن وبومحمد وتميم
بو محمد : ياعيال خلاص يلا نرجع جلستنا ماتفيد
عبدالرحمن بهستيريه: انا قلت له تعال بسرعه لاتلعب هناك عمي هو ماسمع كلامي ماااسمع كلامي شوف وش سوا الحين تركني وحدي ياعمي شفت شفت
محمد ماتكلم وقف ومسح دموعه؛ يبه يلا نرووح
بو محمد راح ورا ولده بلا كلمه او همس تميم نزل لعبدالرحمن وحط اايده على كتفه : ياخوي خلاص تراه مب راجع ابد وانت رجال حاول تقوي نفسك عشانه مايتعب
عبدالرحمن ببكا يقطع القلب ويضرب صدره بقوه: مااااتفهم انت هو اخوي وعضييدي وصديقي وهواااي الي اتنفسه كنت معاه اليوووم شوف اول ماقربت تغرب الشمس تخبرنا اليوم بيخلص هو بالقبر كيييف تمييييم مابيه يتركني هو يعرف قد ايش ماقدر استغني عنه ليه يخلينيي
تميم رفعه من كتوفه وحاول فيه لين يدخل السيارة
عبدالرحمن : شيلني المزرعه
تميم : وش الحين؟
عبدالرحمن بصرخه : شيللني المزررعه
تميم: طيب لاتعصب
وصله المزرعه
نزل وشاف ماحد فيها حتى اغراضهم باماكنها ..
عبدالرحمن دخل المطبخ وملا قدر كله ماي
تميم : عبدالرحمن
عبدالرحمن : صصب ماي من اي مكان
تميم مستغرب : طيب
وخذ سطل و ورفعه ويصب فيه ماي
عبدالرحمن خذ القدر وحط على كتفه ممسحه
وخذو الماي للشارع عبدالرحمن صب الماي بمكان دم يمان
تميم صدمه موقفه ماتوقع يسوي هالحركه ابدا
وقف مكانه ولاتحرك
عبدالرحمن ويمسح دموعه بكفه ولا تكلم خذ ممسحه ويمسح دمه ويصب ماي ويرجع
شاف نور سياره جايه ماهتم ورجع يمسح
تميم بصراخ : عبدالرحمن وووخر
عبدالرحمن سمعه بس ماهتم بعدين وقف ورفع يده للسياره تنتبه
طلعت سياره سعد وفييها ام سعد ولجين وساره جو ياخذون الاغراض من المزرعه
ام سعد ركضت لعبدالرحمن وحضنته وتبكي بحراره
عبدالرحمن بهدوء وهو ملثم ؛ يمه وخري شوي
ووخرت امه ورجع يمسح الارض
سعد نزل نفسه لمستواه ؛ الدحمي ياخوي وش مجلسك هنا لو انك ماوقفت كان دعمتك
عبدالرحمن : انا ماوقفت لاجل تشوفني وقفت لا تمر سيارتك على دم الغالي
الكل انصدم من رده
ورجع اخذ القدر واشر على سعد وعيونه تدمع؛ انتبه لا حد يمر عليه بجي بسرعه ودخل يركض وصب ماي في القدر وهو رايح للشارع نفسه يركض مر من عند موقف السيارات وطاح القدر لما شاف سيارته جلس وحط راسه فوق ركبته وبكى مثل الاطفال
جت ام سعد وحضنته من الجانب وتمسح على راسه ودموعها تطيح
ساره ولجين نفس الحاله يبكون
عبدالرحمن مسح دموعه و الماي شافهم منكبين ع الارض رجع جاب ماي وغسل الدم لين ماتبقي منه شي
راح للمجلس الرجااال كان زي ماخلوه بالضبط مكركب اخذ مفتاح سيارة يمان وجواله هو
لما دخل السياره حط راسه على الكرسي وغمض عيونه بعدين اخذ جواله وفتح على اسمه شاف رساله لها يومين استغرب انه ماشافها فتحها وشاف
( عبدالرحمن يعلم الله قد ايش انت غالي علي ويشهد ربي اني مازعلت منك بتظل دايم الدوم الدحمي اخوي وعضيدي وكل دنياي ابيك تسامحني اذا غلطت بحقك ترانا مب دايمين لبعض")
عبدالرحمن تذكر يوم زعله بمجلس اهله فتح عيونه على وسعها ورما الجوال وصرخ : ليييييييه لييه يماااااان وحط راسه على الدركسون وبكى ...
ياخوي بعدك غدت الدنيا ظلام //
يططل طيفك كل ليلة دون حس وكلام..
قلبٍ يتوجع بطاريك على مر الايام ...*
ياخوي عيت دنياي بلياك تزين و المشاعر ضايعه ..
صحيح إني من بعدك حزين ..
لكن يعلم الله قد ايش فيني من ظما وحنين *
ماعاد فيني يادمعي توقف ولا تنزل كل حين
ياخوي وينك ليه مانك لنداي ملبي ولا صوتك اسمعه ؟
أشتقت لك قد البحر واكثر منه مساحه
صعبت علي نفسي من بعدك لمين اشكي النواحه
ماحد"ن" يعلم بجرحي لكن سكون الليل للملا اباحه
ياخوي ترا عيت دنياي تزين وينك ترا صوتك بين مسامعي لين اليوم اسمعه ...
للكاتبه * إحترت وش اسمي نفسي**
\\\\\\\\\\\\\/////////////////////\\\\\\\\\\/////////// عند منى ::
فتحت عيونها شافت حد لابس ثوب ويطالع من النافذه وحست شي بايدها رفعتها شافت مغذي قالت بهمس: وين انا
حمد لف لها بخرعه ؛ منى
وركض لها يمسح شعرها: قلبي كيفك الحين
منى تناظر عيون حمد وعيونها غرت بالدموع؛ حمد يمان وينه
حمد تفاجأ من سؤالها وسكت
منى نزلت دموعها وقالت بتلعثم ؛ الخبر صحيح هو مات
حمد بحزن : مناي هذا مصيرنا كلنا وهذا يومه وكلنا حزينين لفراقه الله يرحمه ويغمد روحه الجنه مالنا غير ندعي له ونصبر ان الله مع الصابرين لايجوز نعترض على قدرته سبحانه
منى نزلن دموعها : ادري بس حمد *وقالت بصوت باكي * ماتعرف قد ايش ماصبر عنه هو الوحيد الي يظل دايم معي بالبيت وبكت بقوه
حمد يعرف معزته بقلبها ماقدر يقول شي حضنها وهو ساكت وفي نفسه حزين مره على يمان
رحلت يا قلب"ن" بالحيل اغليه..*
رحلت يا نور العيون ومنبع الحنان '
راح اخ وسند وعضيد و الروح تفديه ..
ي اغلى من في القلب سكن كنه له سكان ..
هو ساكن"ن" بين الضلوع مسكنٍ مايوفيه ...
لان القلب بالحيل من بعاده ولهان ...
كان هدف بدنيتي شيٍ ابيه ..
بليلته البس ازهى الواان ..
فرح اخوي وش اغلى في الدنيا منه وهو فيه ..
قلت له بفرحتك كلٍ بيكون فرحان ..
مادريت الدنيا تدور ولا دارت غير عليه ...
حتى شعره ماشاب خذاه الموت برمش الاجفان ..*
دارت الدنيا وعكست شيٍ نفسي فيه !
كفى الدمع والاسود بيومه بديل للالوان ..
كانت كل سنيني اخاف دنياه تشقيه ..
بس الدنيا قلبت علينا من وراه احزان ...
ياخوي شوف حال اختك من بعدك ياريتك داري"ن"فيه ترثيك بين الخلايق والدمع ظمآن ..
*لإحترت وش اسمي نفسي*
\\\\\\//////\\\\\\//////\\\\\//////\\\\\\/////\\\\
الحجاج طلع من عند امه وهي نايمه في المستشفى وجلس على كرسي وحط ايده على وجهه وبدا بالبكا يتذكر هباله ... تصرفاته .. كلامه
حجاج في نفسه * اعذرني ياخوي لاصرخت عليك تراك احيان بكلامك تعصبني ..بس يعلم الله اني بدونك مادري كيف حالتي اوصفها ....صحيح ثبتت لاجل عين امي وابوي ...بس عيني مين يثبتها ياخوي وينك من دنيتي غايب ترا ناقصني شوفة عيونك ...اااااه يا قوة صبر قلبي لا صبر على فرقاك ...رحمة الله عليك ...رحمة الله عليك ...يارب ارحمه برحمتك الواسعه يارب ...اللهم انسه في وحشته وابدله دارا خيرا من داره ..اللهم صبرنا على فراقه وابدله اهلا خيرا من اهله يارب " *
مسح دموعه و قام يتطمن على امه شافها على حالها نايمه وتتمتم باسم يمان
جلس عندها وباس ايدها ودموعه تطيح على ايدها سمع الباب انفتح مسح دموعه على السريع شاف محمد دخل ومتلثم بشماغه ووراه ابوه
قام حجاج وباس ابوه على راسه
بو محمد كان وجهه يدل على حزن شديد : كيف امك واختك ؟؟
الحجاج بهدوء ؛ امي نايمه ومنى تركت عندها زوجها انتو ليه خلييتو العزا وجيتو
بومحمد بغصه ؛ نتطمن على امك واختك ...مين مصدق ان يمان مات وبعدين عفت البيت مالي نية ادخله ويمان مب فيه
محمد وحجاج
بعد 3 ايام #
كان يوم الجمعه الظهر
ام محمد في الصاله جالسه على الكنب وتقرأ القرآن وتبكي
نزلت منى من غرفتها اول ما وصلت لنص الدرج شافت الصاله الي كانت تجمعهم جلست على الدرج وحطت ايدها على وجهها وبدت تبكي
بعد شوي سمعت حد يفتح الباب قامت ركض لغرفتها دخل بومحمد راجع من الصلاة الجمعه ووراه محمد و الحجاج العيال سلمو على امهم وجلسو جنبها
محمد مسح دموعها بكفه: يمه تكفين خلاص بتعذبيه كذا
الحجاج يحضنها من كتفها ؛ يمه يمان مارح يرجع ماله غير الدعا والصبر
بو محمد نزل راسه : وصعبت علينا نصبر يعلم الله قد ايش فقدته البيت بدون صوته كنه مهجور لاحس ولاصوت رحمت الله عليك ونزلت دموع تايهه مسحها بطرف شماغه
وقام : بروح ارتاح شوي
وطلع الدرج وقبل لا يوصل غرفتهم هو وام محمد سمع صوت شهقات وبكا
توقع منى تنهد بس حس الصوت من جانب غرفة يمان
قرب من الباب وماقدر يفتح الباب نفسه تمنعه يحس انه اذا فتح الباب بيحصل يمان داخل بس هذا مجرد احساس وهمي لا صحة منه
مسك مقبض الباب وغمض عيونه تذكر*****#
يوم الجمعه الاسبوع الي قبله كانت فتره اختبارات ويمان تعب من المذاكره وتاخر بالنوم وماصحي للصلاة بعد رجعة بو محمد من الصلاة شال عصا وطلع له بغرفته و طلع معصب
يماااااااااان اجل للحين نايم ومالحقت الصلاه واليوم الجمعه فتح الباب بقوه يمان فز من فتحته
قال ببرود: يبه فديتك تعلم الاتيكيت كيفيه فتح الباب بهدوء..
بومحمد بعصبيه: العصا يعلمك انت الاتيكيت ورفع عصاه
يمان نقز ووقف على السرير وبومحمد ضرب وحده بالسرير يمان قفز للارض وبومحمد وراه يطارده وهو يهرب ويصررخ ؛ فززززعتك يام محمد يا ررمله فززعتك
ام محمد كانت تطالع التلفزيون قامت وطلعت تشوف وش السالفه شافت يمان جايها ركض ويصرخ ؛ فزززعتك يالغاليه تكفين فكيني منه
ويتخبى وراها
بو محمد يتنفس بتعب ؛ تعااال وش فيك متخبي ورا امك كنك بزر وانت وشواربك ذي بالله عليك متى بتعقل اجل ماتجي للصللاه وتطلع ناااايم ..
يمان : طيب يبه ليه تعصب الحين الله بياخذ حسناتك ولا حسناتي هي حسناتي وسيئاتي انا مب انت الي بتدخل النار لا تخاف ..
بو محمد : اياا يالـ.....
كان بيكمل بس سكت ورفع العصا يضربه وام محمد تحاول فيه
******************
انقطع حبل ذكرياته وهو يتذكر ابعد ايده عن مسكة الباب وسحب نفسه لغرفته ورما بنفسه على السرير غمضض عيونه حاول يناام ...
في بيت اول مره نزوره ...
....: عجلي بسرعه
...: اووووف قلقتينا والله كرهت طلعة السوق منك
....: روان ترا اخليك تنثبري هنا
روان : عزه لا تعملي حالك صاحب البيت والرجال وانتي تعرفين حقيقتك انك بنت وسويتي من نفسك ولد
عزه بصراخ؛ رواااان اسسسكتي تظنين اني موافقه على الي اسويه اعمل معصيات واوافق تعلمين كم رجل شاف شعري ولكل شعره جمره تعرفين ان لعن الله النساء المتشبهات بالرجال لكن وش اسوي اذا هذي ظروفي عشانك لاجل تعيشين وترتاحين عشانك انتي سويت كل هذا ماتقدر بنتين تعيشن بمكان مثل هذا بدون رجال اخونا مات وتركنا واهلنا ماتو وتركونا واهل ابوي تبرو منا وش تبغين اكثر من كذا خلاااص لا تقهريني وطلعت تبكي
روان جلست على الارض وتبكي رفعت راسها تطالع الجدران المتشققه وكنبه واحده صار لها 13 سنه وقد تمزقت من كل مكان والارضيه الي من بلاط مكسور منه الطالع ومنه المكسور ولا بلاطه سليمه وقفت واخذت سجاده وفرشتها على الارض وسجدت لربها تدعيه وهي تبكي ضاقت حالهم واختها تمشي للنار برجولها و هي ماتريد بس وش ذنبهم دام الدنيا صعبت عليهم
كتتتت نعرفكم بالعيله الجديده
بو عبدالعزيز: متوفي من 14 سنه كان طيب ومحترم جدا من عيلة غنية احب بنت فقيره ولا اصل لها ومقطوعه من شجره ورفض اهله زواجه منها فتبرو منه لما تزوجها ..
ام عبدالعزيز؛ متوفيه من 14 سنه ايضا مع زوجها بحادث سياره وقد خبرت بقصتها..
عبدالعزيز: توفي قبل 3 سنوات بمرض سرطان المرئ وترك اخواته الثنتين وحدهن تحاربن الفقر .
عزه : توأم عبدالعزيز عمرها18 سنه طويله وجسمها حلو جدا بس ما اظهرته وملامحها جميله لو اهتمت فيها شوي لكن حياتها ماساعدتها ابدا انها تعيش حياتها مرتاحه زي بنت تتنكر بهيئة ولد غصب عنها دون رغبتها ولا كان بايدها ماتعصي ربها
روان : 14 سنه بنت عاقله جدا تدرس بالمتوسطه الي مديرتها ام محمد تحب اختها جدا وتحاول انها تخفف المصاريف عليها عشان ماتتعب وتخاف جثير على اختها ...
\\\\\\\\\\
بيت بو ضاري ::
حمد في غرفته سكر الخط توه مكلم منى يريد يخفف عنها سمع حد يدق الباب
حمد: تفضل
شاف ابوه دخل فز من مكانه وراح يبوس راس ابوه حمد: هلا والله بالغالي نورت الغرفه نورت
بو ضاري جلس : اقول حمد امك بتروح لبيت عمك احمد تواسسيهم وتعزيهم روح معها تكلم مرتك و تخفف عنها
حمد فرح كثير انه عادي يشوفها: صصدق يبه
بو ضاري: اي بس بالاول كلم عمك وخذ اذنه مهي حلوه تشوف بنته قبل الزواج بس دامكم مملكين تشوفها وتكلمها شوي ماشي ضرر بس لاتكلمه بهالوقت خليها بالعصر افضل الله يرحم يمان ويغمد روحه الجنه جد تعبنا رحيله كلنا
حمد نزل راسه : اي والله
بو ضاري: طيب اخليك بروح اشوف ناصر حاله مب عاجبتني
حمد : طيب يبه وقام معاهم لين طلع من الغرفه
انسدح حمد واخذ جواله يرسل لمنى انه بيجي بس وصله مسج من رقم غريب كاتب " مبروك ملكتك توني دريت معقوله تتركني وتحب غيري ياحمد؟"
حمد جلس بصدمه معقوله حد البنات الي كان يكلمهن بس هو ماكلم غير كم من وحده مكالمه وحده حتى ماخذ وعطى معاهن
حمد فكر برد ورسل لها " هلا عفوا من معي؟ "
ردت عليه" معك الي حبتك ولا عطيتها وجه معك الجوري بنت ال... تتذكرني"
حمد اذكرني يوم المول ***** نروح للحدث****
عند حمد وتميم كانو يتمشون في المول
تميم :افكر اخطب
حمد بصدمه: ايييييش وتسحب علي
تميم بحرج:والله ياحمد اني خايف حد ياخذها مني
حمد:هههههه عادي ياراجل اصلا عرسنا مارح يكون مع بعض انا اريد اميرتي تجلس على عرشها وحدها دون مايشاركها حد
تميم طالعه بنص عين:هذا الي قبل فتره يقول مالي ومال الزواج
حمد يوقف قدامه ويرجع لورا :عيااار قالو يسموني بعدهم ماعرفوووني
تميم فتح عيونه :حمممممد وراك
طالع حصل بنت تسولف بالجوال وصدمها
البنت بفرعنه :خييير خييير ...ولما شافته خقت وفتحت عيونها وسكرتها وقالت بدلع:سووري ماقصدت
حمد بصفاء نيه :حصل خير اختي انا الي اعتذر لاني الغلطان
البنت بمياعه اقل مايقال لها دلع ماسخ:تيب ماعليك امر بقدم لك مساعده اذا بغيت شي هذول ارقام جوالاتي معاك جوري .......
تميم فتح فمه عايلتها يعني بالتووب ماخذين الدنيا لعب بفلوسهم
حمد بقهر من حركتها يعني تغازلنا عيني عيييينك خذ الكرت وقطعه ورماها بوجهها :حتى ولو كنتي بنت .... انا ماني حشره اركض ورا الزبايل وخذ جواله الي طاح وراح ....
**********************************
حمد رد عليها " اظن ردي وصلك من قبل انا ماني حشره اركض ورا الزبايل افهميها وخذي الباقي من كرامتك"
ردت عليه" طيب ياحمد "
حمد عقد حواجبه من ردها توقع انها بتقول شي اقوى ..
عند الجوري:::
جوري؛ مين مفكر نفسه ذاااا ماعليه ياحمد والله بطلعه من عيونك هذا الرد الايام بيننا
في الجنوب ::
كان معاهم استراحه غدا جلس سالم وخالد وكم واحد منهم ويتغدون وسوالف وضحك
سالم دق خالد بكوعه واشر له
كان عمر واقف ويدور مكان يجلس ويتغدى
سالم : اشر لنسيبك يجي يجلس عندك
خالد مافهم: هاه
سالم: هذااا عمر الراكان
خالد فهم عليه وناداه: عممممر عمممر تعال هنا
جا عمر والابتسامه مرسومه عليه وسلم عليهم وجلس
سالم: كيفك وكيف شفت الاهل بعد الاجازه
عمر: الحمدلله بخير
واندمجو بالسوالف لين دخلو بسوالف الاهل وسأل واحد من العيال عمر
الولد: عمر انت تعيش وحدك ولا مع حد من اخوانك
خالد حس انها الفرصه ليعرف البنت الي شافها في بيت عمر
رد عمر : ايه اعيش مع اخوي ااحمد هو الي رباني بعد موتت اهلي بس باقي اخواني ماقصرو معي بس لانه الاقرب لي من ناحية العلاقه عشت معه
سالم: هو صغير اخوك قصدي بسنك كذا
عمر : لالا اووه اكبر عياله بعمري
خالد: ماشاء الله كم عنده عيال
سالم طالع خالد يعني مب حلوه تسأل كذا واحد ورا الثاني ..
عمر : معاه 3 عيال وبنت صراحه العيال قريبين لي كثير ولقلبي
خالد ابتسسسم من قلبه حس الدنيا فتحت له وضحكت له عرف مين هي ويردد بمخه بنت احمد بنت احمد .
بعدين جا واحد من العساكر: عمر الراكان الرائد مبارك يبيك يقول معك مكالمه طارئه من اهلك من3 ايام بس وصلت اليوم
عمر وقف؛ اللهم اجعله خير قل له جاي ولف لهم عيال انا بروح اشوف وش السالفه
ركض عمر للخيمه الي فيها الرائد
اول مادخل سلم على الموجودين
الرائد ممبارك: عمر قبل 3 ايام اتصل علينا اخوك سعيد يبيك ضروري قلنا له مايقدر يكلمك وانت ادرى بظروفك لاجل كذا اتصل عليه الحين لانه يقول مكالمه طارئه
اخذ عمر الجوال وطلع خارج الخيمه واتصل وحلس على صخره اول مارد : السلام عليكم هلا وغلا ..الحمدلله كيفكم انتم ...اي خبرني كنت مشغول ..اي .اي ... شنوووووووووو
ووقف حس انه بيغمى عليه والدموع ملت عينه: يمان ... انا لله وان اليه لراجعون
سكر الخط وجلس وحط ايده على راسه ودموعه تنزل
جا خالد وسالم ركض ؛ هاه عسى ماشر
عمر : يماااان
خالد طالع سالم مافهمو شي
سالم :منهو ذا
عمر: ولد اخووي احمد الاصغر من عياله دعمته سياره ومات ونزلو دموعه وايده حاطها على راسه
خالد وسالم جلسو عنده يواسونه و خاطرهم مكسورة عليه
في بيت اول مره نزوره :::
بيت يقظان الـ....
* امكن تتذكروه بيت بوخالد ولد صيده*
في الصاله ::
صيده: والله وش اسوي البنت الي حطيتها في بالي لاجل خالد خطبها ولد عمها وتملكت عليه ..
غزل : تقصدين يمه منى
صيده : ايه
غزل : تيب نقدر ناخذ بنت ثانيه
صيده؛ اكيد نقدر بس كنت ابيها وحاطة عيني عليها بس وقلبي على وليدي مدري به نايم ولا صاحي جوعان ولابردان يااارب وفقهم وانصرهم وسدد رميهم وابعد عنا كل شر وعن بلادنا ياااارب
غزل : ااامين
دخل بو خالد ومعصب : السلام عليكم
صيده وغزل: وعليكم السلام والرحمه
بو خالد جلس بقوه وتنهد ومسح ايده بوجهه وطالع الصاله : ماحد هنا غيركم
غزل ؛ يبه بدريه وسوسن عند ازواجهم ودلال نايمه
بو خالد وقف : قوليلهن بعد صلاة العصر الكل يكون هنا وطلع من الصاله الكبيره وذهب لغرفته الي تعتبر جزء من هذا القصر الكبير .. *
كتتتت تعريف بالعيله >>
يقظان الـ...:54 سنه رجل اعمال مشهور شديد شوي
صيدهام خالد)؛53 سنه طيوبه مرره وحبوبه وتموت بولدها خالد وتخاف عليه .
بدرية :32 سنه متزوجه ومعاها ولدين وبنتين
سوسن؛30 سنه متزوجه ومعاها ولد وبنت
خالد: (سبق تعريفه)
غزل ؛ 17 سنه حلوه ودلوعه مرا وتموت بخالد وماتحب حد يرفض لها شي وطيبه تحسها طفل من كل شي فيها ..
********
في بيت بو سعد :::
عبدالرحمن منسدح بغرفته يفكر بيمان وحاط المخده على وجهه ويفكر كيف ينتقم ليمان من الي دعمه صار عدواني في كم من يوم بس فقدان يمان اثر عليه بشكل لا يوصف ما صار يفكر غير كيف يحصل الي قتل يمان بس سمع امه تناديه رفع المخده من وجهه وطالع الباب هل يقوم او لابعدها سمع دق باب الغرفه قال بهدوء؛ تفضلي يمه
دخلت ومستعجله وتاخذ نفس بسرعه : عبدالرحمن حبيبي ابوك واخوك في صفقه مع شركه كبيره ونسى الاوراق هنا ومنتظرينك بالشركه تجيب لهم الاوراق
عبدالرحمن ؛ يمه طيب تميم او السايق ياخذهن
ام سعد؛ عبدالرحمن بسرعه تميم مب هنا والسايق امرته يجيب اغراض للمطبخ
عبدالرحمن قام باهمال : عطيني يمه ربع ساعه اخذ دش والبس واروح له
ام سعد: لا تتاخر على ابوك بعد ساعه بيبدل الاجتماع عبدالرحمن : طيييب
تجهز واخذ الاوراق وطلع اول ماركب السياره حس دموعه بتنزل مايقدر يعيش من غيره اشتاق له كثير كل شي حوله يذكره فيه صعبه يموت اخ وعزيز وغالي ..
اول ما وصل الشركه طلع لمكتب ابوه دق الباب حصل ابوه وعنده سعد ومشعل وبو مشعل
عبدالرحمن سلم وعطاهم الاوراق : استأذن بروح
بومشعل ؛ اجلس شوي وانا ابوك
عبدالرحمن بهدوء ولمعة الحزن واضحه بعيونه : لاعمي ودي ارجع البيت تعبان شوي
بو سعد : الله يحفظك دير بالك من الطريق
عبدالرحمن : طيب يبه
نزل عبدالرحمن بهدوء اول ماطلع من اللفت وصار يمشي بالممر رايح لسيارته انصددددم من الشخص الي يشوفه واقف كنه ينتظر حد
قال بقهر في نفسه* هذي ماتتوب ماتخاف الله تمشي بين الرجال كذا ولاحد درا بحقيقتها ركض وراها
كانت بتركب التاكسي بس فجأه سمعت صوته يناديهاا
عبدالرحمن كان بيمسك ايدها بس استغفر ربه وتذكر انها مهما يكون بنت فصرخ: ووووقف انننت
لفت له بصدمه وعرفته انه هو الي دعمها وكشف حقيقتها
عبدالرحمن صدمته ماهي اقل منها هي نفسها ايه والله هي
البنت نظرت يمين يسار لما شافته بعيد منها ركبت التاكسي بسرعه
عبدالرحمن ركض لسيارته يلحقها ..
كتتتتتتت انتهى البارت ..
التوقعات!
الجوري ؟ وش بتسوي بحمد؟؟؟
خالد صدق وصل للبنت الي يريدها؟؟؟
عبدالرحمن وناصر ومنى بيتجاوزون صدمتهم ؟؟
البنت ؟؟ من هي ؟؟
ياترا عزه واختها روان لهم دور كبير بالروايه؟؟
اتمنى ردود تفرح وتشجع ويعجبكم البارت مني انا
* إحترت وش اسمي نفسي*