الفصل 5
الباااارت5:::::::
الليله الفرقا بلا دمع وجروح قلبك لك الليله وقلبي أنا لي بس أتمنى شوفتك قبل ماأروح عن قولة أني رحت في خاطري شي ///؛
حمد مسك ذقنها ورفع وجهها وطالع عيونها تنهد من قلب منى نقزت وقامت وتلف بعيونها للمجلس
حمد جاته ضحكه من خوفها منى وهي منزله راسها قالت بتوتر : انا انا أستأذن وطلعت من المجلس وهو يراقب مشيتها حمد وعيونه معلقه على الباب* معقوله هذي حقيقه وطالع ايده مسكت وجهها في ايدي معقوله ااااه وحط ايده على قلبه وغمض عيونه بهدوووء قطع عليه خياله* حد حاط ايده على ايد حمد
ناصر : لهالدرجه وجعت قلبك من شوفتها
يمان:: صراحه ارحم اختي دامها بين ايديك
عبدالرحمن وقف قدامه: حمد وش تحس فيه من النظرره هاه نتوكل ولا لا
ناصر؛ شوف حاله انت هذا وجه واحد رافض
يمان؛اجل ياهلا بالنسيب
حمد كنه محتار ماستوعب الهبل ذول وش يسوون عنده
ناصر : شباب اظن ان الفتيل سيشتعل
يمان : اقول خلينا نهرب قبل لايعصب
حمد طالعهم وابتسم وطلع للرجال في المجلس الكبير يمان وناصر ودحوم منصدمييين
يمان يمسك حلقه : اوووومق سسسدممه
دحوم: لالالالا ماصدق ماصدق هذا حمدد شعله
ناصر يطالعهم : شباب متأكدين هذا اخوي ولابدلتوه
يمان؛الظاهر الحب بدله وانا ااخوك
دحوم؛ابي اتزوج
ناصر عطااه ضرربه على كتفه : اتعدل قال اتزوج قال عبدالرحمن فيوزاته ضربو بعض : نصووووور تضربني يال....
ناصر رفع ثوبه وركض للمجلس وقف عند الباب: قلت لكم بدلتو حمد وحطيتو عصبيته في ذا الثور
عبدالرحمن : انااااا ثووور
ناصر هرب والدحمي طالع يمان؛ انا ثور يايمان
يمان : خخخخ بالله حد قالك ثور بس الي على راسه بطيخ مدري بطحه يتحسسها
عبدالرحمن عطا يمان نظره خلاته ينشلع من مكانه ولحق ناصر دخل الدحمي المجلس ومعصب شاف فواز ومشعل وبومشعل داخلين المجلس والكل متفاجئ فيهم ومنصدمين و يرحبون فيهم راح وسلم عليهم .
محمد عند منئ : هااه نقول علئ بركة الله؟ .
منى وتهز راسها بإيجاب
محمد باس راسها: مبروك يالغلا سمعيني ابيك ماتتأثرين بكلامهم ان حمد عصبي بالعكس حمد ونعم الرجال بس سمعيني ابيك تحطينه بعينك وتصونيه ورح اوصيه عليه الله يوفقك يارب ويسعدك
منى منحرجه مررره وماردت عليه
محمد بإبتسامه: ههههه هذا بس من اولها طيب بنحدد الملكه وببشرك
منى بهدووووء: طيب
محمد قام وباس جبهتها مره ثانيه وطلع شاف حريم في الصاله لف وجهه وبيروح سمع صوت امه : محمد
محمد دون مايلف لجهة الحريم : سمي يمه
ام محمد: روح للمجلس الثاني فديتك بغيتك في موضوع ..
محمد : طيب يمه ... وراح للمجلس نفسه الي نظر فيه حمد لمنئ وجلس على الكنبه يلعب بالجوال
سمع حد فتح الباب رفع راسه بعدم اهتمام انننصددم بدور بجلالة قدرها تجي هي بنفسها ..
محمد وقف : هلا هلا وانا اقول البيت منور تفضلي تفضلي ..
بدور جلست بدلع على إحدى الكنب الانفراديه
محمد رفع حاجب: خير جالسه هناك تعالي عندي
بدور : مااابي
محمد استغرب بس قال امكن مستحيه : طيب سلامات متى الوصول
بدور بجفاء: مالك دخل متى الوصول لو كان فيك البركه كان سألت عن عمك واعرف اخباره
محمد فتح عيونه علئ وسعها : بنت احترمي نفسك اعتقد اني زوجك
بدور اشرت عليه بصبعها بغرور: تعقب وتبطي انا بدور اصير حرمتك وافقت عليك مجرد اني اصرف بعض الخطاب عني بس الحين ماعاد دشيت مخي مابيك سمعت
محمد وقف بقهر : وش قصصدك
بدور وترفع ايدها وتطالع اظافرها: ابي الطلاق
محمد : ياابنتت الله يهديك وش طلاقه انتي بعد بيضرك الطلاق بيطلعون العيب فيك مو فيني انا
بدور بدلع: ماااايهمني ابيك تطلقني ما اتشرف اكون زوجتك شافته يقرب منها ...
وقفت وحطت عينها بعينه: خير خير جاي كنك ثور هايج ..
ماحست الا بكف علا صوته بالمكان : خليك مره ثانيه تحترمي زوجك والرجال الي قدامك وطلاق مافي والزواج الاسبوع الجاي وباخذك ولو بلبس البيت سمعتي وطلع وخلاها مصدومه من الكف
بدور ودموعهاا تنزل: انا يامحمد انااا تعطيني كف
محمد مسح على وجهه وهو يستغفر شاف امه عند الممر والابتسامه مرسومه على وجهها
ام محمد: كيف حبيبي عجبتك المفاجأة الي سويتها لك ..
محمد شاف فرح امه ماحب يكسرها: اي يمه جعلي مافقدك وباس راسها وعشان ابشرش اتفقنا الزواج الاسبوع الجاي ..
ام محمد: وشو الاسبوع الجاي الله يهديك مايمدينا
محمد : لا يمه ماحب الضجه
ام محمد؛ طيب شورك انت الله يبارك لك
محمد : تسلمين يالغاليه استأذن يمه
ام محمد: لحظه محمد اختك موافقه؟
محمد بابتسامه من قلبه : ايه يمه موافقه
ام محمد: كلووولوووووووووش
الحريم في الصاله سمعن زغرطتها وردن عليها
محمد مسك اذنه وطلع للرجال دخل وسلم على عمه بومشعل وعياله
بعد شوي
بوضاري: اقول محمد هاه بشر
محمد: اي وافقت عمي الله يبارك لهم
كل الشباب والرجال راحو يهنون حمد وهو الدنيا موسايعته
محمد جلس عند ابوه وهمس له : يبه دام الكل هنا فاتحهم بموضوع اني اريد الزواج الاسبوع الجاي
بو محمد رفع حاجبه: جنيت انت الاسبوع الجاي
محمد ؛ وش فيها يبه انا اريده الاسبوع الجاي
بو محمد: شوف قول بعد اسبوعين مقبوله
محمد: يبه اختبارات بعد اسبوعين
بومحمد : روح مكانك بس انا بتفاهم معى عمك
محمد راح وجلس جنب مشعل
مشعل؛ هلا بالنسيب كيفك اخبارك وحشتني ياشيخ
محمد: اهلين فيك والله الحمدلله بخير ههههه والله حتئ انا
مشعل: ضاري،وسعد وين
محمد : ضاري في الريااض ..وسعد مدري عنه بيكون مشغول ..
مشعل؛اها الله يوفقهم
محمد :جميعا
بوضاري :يا خوي يا احمد طلبتك
بومحمد ؛سم وانا اخوك
بو ضاري ويحط ايده على ركبة حمد: طلبتك نبي نخلي ملكتهم يوم الخميس
بومحمد:4 ايام شوي وانا اخوك وانت عارف الربشه والحوسه في الملكه
بوضاري :اجهز لكم كل شي بيوم اهم شي توافقون
بومحمد طالع محمد ولده محمد ابتسم له يعني توكل بومحمد :اجل على بركة الله
قام بو ضاري وسلم على اخوه وباس راسه و حمد باس راس ابوه وعمه ونبضات قلبه يحس الكل يسمعها من قوتها وكلهم يهنونه
بعدها تعشو كلهم وجلسو يسولفون من بعدها بو محمد قال؛حبيت افتح معاكم موضوع دام الكل هنا صراحة انتو عارفين محمد ولدي من فتره طويله مملك على بنت عمه علي وودي لو ياخوي نتتم الزواج باسرع وقت دامكم استقريتو مايحتاج نطول بالسالفه .
بو مشعل : وش رايكم بعد الاختبارات يكون احسن يعني على شهر كذا ونحن بالمره نتجهز
بو محمد : بس تم الله يتمم على خير ويديم افراحنا
الكل ؛امين يارب
يمان يقفز لعنده؛ هلاااا والله بالمعرس عطيني ضمه بالله
محمد دفه بمزح: يمان مالي خلقك
يمان : يميييييييييين بالله اعشقك يالمعرس
حجاج جا من وراه ويدفه عن طريقه ويسلم على محمد
يمان يطالع ناصر: شففت شففت وانا ولد عمك ماعندي اخوه يحترمونني ويشعرون بقيمتي
ناصر يضمه : الله يفرجها عليك ياولد العم
يمان يمثل يمسح دموعه بطرف شماغه : الظلم يبيد القلوب الرهيفه
وقف بو محمد جنبه: يمان وش فيك
يمان يبتسم زي الاهبل : سلامتك يبه
بو محمد رفع حاجبه وطنشه وراح
يمان : شبااااب فيني ححماااس ابي ارقص
تميم : يالبيه بنرقص بنرقص ماعليك
يمان : يعجبني هالولد وقت الرقص حمووود
محمد وحمد: هلا...سم
يمان : اما كلكم نفس الدلع اقصد حمد
حمد: هاه وش بغيت
يمان : طلببتتك يالنسيب نبي نرقص كذا ونفلهااا بقوه
حمد يعدل ياقته: انا اليوم خطبتي تريدني ارقص معك بيقولو مهبول
يمان: طلبتتتك
حمد : مو الحين اذا رحنا المزرعه
فواز : ليه بنروح المزرعه قريب
يمان مبوز: بعد الاختبارات وش الفايده مدري
فواز : بالعكس حلو مانكون مشغولين ولاشي
الدحمي؛اقول فواز
فواز؛هلا
الدحمي :اهلين فيك حبيب قلبي بس كيف انتو جيتو بهالوقت اختبارات وكذا يعني مااختبرتو
فواز ؛هههه مين قالك هالكلام نحن اختباراتنا قبلكم خلصنا بنفس اليوم الي جينا فيه يعني امس
الدحمي :اهاااا حلو كيف النتايج
فواز؛ لسا لسا ماطلعت
الدحمي:اهااا حلو حلووو
مشعل : اقوول شباب مو كن بداية فرج من جينا
وليد: ايي والله ماكذبت انا جيت من السفر وحمد خطب وقريب ملكته ومحمد بيتزوج ...
حمد: شباب والله الوقت قصير مايمدينا نجهز
وليد : ياخي اشكر ربك ملكتك صارت بسرعه
حمد: الحمدلله
الدحمي: ماااااصدق حمد خطب
يمان بهمس: ومن مين بعد اختي بيذبحها بعصبيه الثور ذا لالا بعين نفسي محامي وادافع عنهاا
فواز وعبدالرحمن سمعو كلامه وفقعو كلهم ضحك عليه ...
**بما إن الوقت قصير معاي اعتذر هالبارتات بسوي فيهم اختصارات **
الملخص الاحداث خلال هالايام الاربعه قبل الملكة( اولا ام خالد الي هي صيده حز بخاطرها من خطبة منى لانها كانت تبيه لولدها و منى والبنات وبدور كلهن من مول لمول تقضن والشباب في تجهيز القاعه والمطاعم والبوفيه والكل مشغول ومحمد يفكر كيف يكسر تكبر وغرور بدور ويجعلها في سيطرته بينما عمر يفكر بخطبة عهوووود بس بيصير شي بنشوف من البارتات الجايه )))
في المعسكر :::
خالد ينفخ ويطلع من فمه دخان من البرد ؛ههههه سويلم شف شف بالله كني ادخن
سالم انسدح جنبه على صخره برا ؛ الله يرزقك العقل ونا اخوك
خالد ياشر للنجوم ؛في الدمام ماقدر اشوف النجوم تصدق
سالم؛اي لان اضواء الشوارع وكذا لا
خالد ؛ ااي ياااه يالبى الدمام واهلها وحشتني الوالده
سالم ؛ ههههه والله وانا بعد وحشوني الكل
خالد لف عليه : ناخذ اجازه اذا هدت الاوضاع وش قلت ...
سالم ؛ بس لا تاخذها وحدك مقدر اجلس هنا وحدي
خالد بمكر؛كل الي هنا وماتقدر تجلس وحدك
سالم يطالع النجوم ؛وانا اقدر افارقك
خالد : يابعدي والله ياريت كل يوم تسمعني كلام حلو كذا ...
سالم ؛خلود
خالد ؛هممممم
سالم :: تفكر تتزوج؟؟؟
خالد ::: ليه اتزوج وانا اخوك بكون دايم هنا وهم هناك
سالم ؛من هم
خالد :: زوجتي وعيالي
سالم ؛: ههههههههههه قد عرفت انت بيكون معك عيال اصلا انا بتزوج قبلك
خالد طالعه بنص ؛ بتتزوج قبلي لاااه انا بتزوج قبلك
سالم ؛ لا لا لا ماااافيييه
خالد : هههههههه طيب بتنازل عشان تعرف معزتك عندي
سالم يجلس ويحرك ايديه ببعض ؛ برد خلينا ندخل
خالد:: سلوم ابي اخبرك بشي بس متردد
سالم ::: قول انت هالفتره كلها انت كذا احسك تبي تقول شي يلا قول
خالد ؛؛ تذكر الملازم عمر الي معانا
سالم ؛اي اي عمر الراكان لا
خالد؛؛ اييييه عليك النور مره رحت معاه للبيت حصلته عند مسجد وغصبني لا يعزمني على الغدا
*******- بنخبركم وش صارر نحن نخلي خالد شوي*****
عند عمر قبل 5 شهور :::
عمر :هلا والله ياحيا بخوييلد تو مانور البيت
خالد : اهلين فيك والله ماكن داعي لهالعزيمه
عمر ؛يارجال اجلس بس قلت لك غداك عندنا ا
خالد ؛ الله يكرمك
عمر:جميعا ..يارب
ويدق مد الباب ...: عمر القهوه
خالد شده الصوت حس شي بقلبه يجذبه
عمر : اتفضل
خالد نتبه له : زاد فضلك تسلم
عمر يجلس جنبه ويبدون بالسوالف الا ورن جوال خالد : استأذن عمر
عمر : عادي يارجال انا بروح عنك تكلم براحتك
خالد : لاوالله ماتقوم انا بطلع اكلم شوي واجي
طلع خالد للحديقه وكانت مكالمه من سالم كان يكلمه ويضحك بس فجأة طاح الجوال من ايده شاف بنت اتنظف الطاولات في الحديقه وماعليها غطا ولابسه سماعات الجوال وتهز جسمها وتغني خققق شوي عليه انهبل انجن لف بعينه لعل وعسى يقدر يغض بصره بس قلب دقاته كانت بتطلع اخذ جواله وهرب للمجلس يتحاشى الي شافه دخل وهو شبه مبلم
عمر: عسى خير ليه وجهك مقلوب كذا
خالد انتبه واستحى على انه كان يطالع بنت من اهل صديقه مو حلوه ابد لا بحقه ولا بحق عمر خالد : العذر والسموحه بس في حالة طارئة ابي استرخص السموحه منك والله
عمر : لالا عادي مسموح وانا اخوك كان بودي انك تتغدا معنا
خالد ابتسم مجامله وطلع من المجلس ولسا يسمع صوتها حس بقلبه انشلع خللاص لف لسيارته وجلس بقرابه ربع ساعه ماقدر يتحرك "" ))
سالم طالعه بصدمه: وليييش ماغضيت بصرك يالغبي
خالد مسك راسه : ماقدرت ماقدرت اااه وربي للحين ماقدر انساها ولا اطلعها من راسي وبعد طيفها يمر علي ..
سالم : حبييتها
خالد دق صدره : الا قسم بالله عشقتها مادري كيف بس ابيها هي اخاف اذا تاخرت هنا ياخذوها مني
سالم يطالعه بمكر؛ مين ياخذها منك
خالد: حد ثاني مدري عنهم بس خايف عليها
سالم : الله يوفقك ويجمع بينكم
خالد من قلب: اااااممييييين
سالم : قم قم ياروميو زمانك اذا جلست بعد معاك هنا رح اصبح مكعب ثلج
خالد: ههههه طيب
كتتتتت انتهى البارت
التوقعات :::
وش بيصير بالملكه؟؟؟
عمر وعهود ياترا بينهم نصيب ؟؟
خالد مين هي البنت الي شافها ؟؟
محمد رح يقدر يضبط بدور عند حدهاا؟؟
وش التوقعات الجايه بالبارت الجاااااي؟؟
في حفظ الرحمن مني انا تحية الكاتبه * إحترت وش أسمي نفسي**
تكملة البارت 5¶\\
خل الأمل ينبت ولا تدفن الورد حلو الأماني تعطي الناس راحه تراك لولا الصيف ماتعشق البرد ولولا الأمل ضاقت عليك المساحه..! ... ##
يــــوم الــملـكة :::
في بيت بوضاري ..
حمد: يبه تكفى ابيها قبل المغرب
بوضاري: حمممد عن العناد قلت لك المملك قلت له يجي بعد المغرب وبيكون معه غيرك يعني ماحد بيتزوج اليوم غيييرك ..
حمد : يبه انا بكلم المملك طلبتك يبه
بو ضاري ضرب كفوفه ببعض بقلة حيلة: كلمه وشوف ضاري: حمد وش فيك تبيها قبل المغرب
حمد ويدق رقم المملك : عشان نشوف الغروب باول يوم مع بعض
وليد وناصر فهمو وفقعو ضحك
ضاري وبوضاري طالعو بعض وعاقدين حواجبهم
حممد : السلام عليكم ورحمة الله وبركاته هلا شيخنا العزيز
ناصر يهمس لوليد: شوف الرزانه الي نزلت عليه الحين
وليد؛:هههههههه عجبني شيخنا العزيز
ناصر : بالله طالع وجهه وهو كيف متوتر ويكلمه
وليد: لا تلومه ياخي مب كل مره بيتزوج
ناصر : غسلت ايدي منه ملهوف على الزواج اخوك
وليد: الله يوفقهم دامو يحبون بعض
ناصر: امين ويرزقنا
وليد ؛ الله يسمع منك
وقطع عليهم حمد ؛ واااااافق قسسسم بالله وافق يبه مالكم حجه قبل المغرب بنملك
بو ضاري : روح بس جهز نفسك يالمعرس
ضاري قام : حمد ماعاد في وقت روح جهز نفسك
تدخل لميس تصرخ وتبكي؛ ضااااااررررري
ضاري: ياعيون ضاري وش فيش تبكين
لميس وتبكي: شوووف بنتك وش سوت بفستاني بلبسه بملكة حممد اخوي اااه تهئ تهئ
ضاري: طيب الحين نروح نجيب لك واحد ثاني
لميس تجلس وتحط راسها بين ايديها : لالالالا هذا الفستان اشتريناه انا وتماااره عشان نكون زي بعض تهئ تهئ
ضاري طالع حمد يعني افزع
حمد جا وشالها وباسها على خدها؛ لموسه حبيبتي مافيه غير بقعه الوان صغيره تعالي نشوف امكن تنظف: سااندرااا سااندراا
ساندرا الشغاله ؛ ايوا
حمد: شيلي فستان لميس ونظفي البقعه ذي
ساندرا؛ اوكي سيرر
حمد ينزل لمستوى لميس: يلا ياقلبي ارتاحي الحين ووضحه صغنونه ماتفهم
لميس تطالع حمد وعيونها مليانين دموع : تيب
حمد يمسك خدودهاا: اموت ع التيب انا بس يلا انا بروح الحين اجهز نفسي لاني بصير معرس طيب
لميس تمسح دموعها بفرحه: بتصير مثل فيصل يوم تزوج رهف
وليد: هههههه ماعرفتي تجيبي مثال غير فيصل
حمد لوا بوزه: بصير افضل من فيصل اكييد
لميس: طيب روح بسرعه
ضاري: حممد ععجججل
حمد : طيب لحظه يلا لميس انا بروح
لميس هزت راسها وراحت لغرفتها
راح حمد للحلاق وكذا ومعاه اخوانه و تميم وعمه عمر
في الصالون ..
سمر ؛ خليها تبدا فيني عشان اروح بسرعه مالك دخل انتي انا خالتها ..
علياء: ياااربااه وانا ماقرب لها ابدا
سمر تقلد علياء: يااارباااه ... اسكتي بس
علياء: ه ه ه ه ه ضحكتيني
عهود بصراخ : خلاااااص ولا وحده بدور انتي روحي
بدور على جوالها : طيب طيب
سمر : شنووووو تبينها تبدا قبلي
جات الكوافيره : العروس فين
منى جالسه عند ساره ووجهها قالب ميه لون من الحيا : اا اا انا
الكوافيره: طيب ياعسل تعالي معايا للغرفه الخاصه فيكي
تالا قامت معاها : يلا حبيبتي تعالي
منى هزت راسها وراحت معاها
لما دخلو غرفة المزهبه
الكوافيره : اقعدي
منى جلست
تالا: هي ملامحها هاديه حاولي تحطي مكياج هادي ووناعم
الكوافيره تطالع وجه منى: طيب
وبدت تشتغل فيها
وتالا كمان جالسه وهي تعمل لها كوافيرة ثانيه
في القاعه :::
ام ضاري: اقول رمله كل المعازيم وصلوو ؟؟
ام محمد: لا بقي منهم بس ويين البنات تاخرو
ام ضاري: زهررره زهررره
ام مشعل جالسه وتطالع القاعه بغرور: هلا
ام ضاري بطيبه : اذا ماعليش امر يا ام مشعل اتصلي في احد البنات عشان يعجلون شوي ماصارت نص المعازيم هنا والبنات ماجو ..
ام مشعل: خليهن في المشغل يضبطن نفوسهن عدل
ام ضاري: بس
ام مشعل تقاطعها : بناتي خليهن تتجهزن على راحتهن لا تقوولن لهن شي
ام ضاري؛ اي ان شاء الله
ولفت لرملة وتاشر انها مالها حيلة
ام محمد: العروس بتتاخر طبعا وماعندي ارقام البنات ام ضاري : لحظة بشوف ام سعد راحت وشافتها تشرف على توزيع العصاير
ام ضاري : الله يعطيك الخير والبركه ماتقصرين اقول ام سعد ..
ام سعد : امين يارب جميعا هلا
ام ضاري : البنات تاخرو كثير صراحه اذا تشوفين سارة وتساليها
وتجي سلمى : اقول البنات لسا ماجوو
ام ضاري: والله يام فيصل توني افاتح ام سعد بالموضوع واسئلها تتصل بساره
سلمى:: بتصل بعلياء اشوف وراحت تتصل فيها
عند الرجال::
عبدالرحمن يجلس : اااه وربي تعبت احس رجولي بتطلعن
يمان رما بنفسه عنده: ياولد جيب قهوه ياولد مد لعممك فواكهه ياولد روح سلم شوف العشا متى يخلصونه
عبدالرحمن : اتصلو بحمد جيبو الاغراض وين جلسة المملك وين عمك وين واشر بقهر بستين داهيه
يمان : مين الي سألك ستين داهيه
عبدالرحمن : ماحد
جا فواز : ياعيال يقول عمي سـ...
يمان يقاطعه: يررحم ابوك لاتكمل رجولي انشلعوو من عمامك وطلباتهم مالي خلق معاهم عيال غيرنا صح يالدححممي
عبدالرحمن: اي والله قسم ماصارت مسوينا خدم روح جيب سوي تعبت انا ...
يمان : نحن ملوك الحين اجلس ولا يهز لك ساكن
عبدالرحمن يجلس بكبر : انت تامر بس
فواز راح عنهم بعد شوي كذا
عبدالرحمن : هييه يمان
يمان متكي ويلعب بجواله؛هاااه
عبدالرحمن: كيف الناس الكبارية يجلسون هالجلسه وقت طويل قسم احس ظهري انتصف
يمان يعدل جلسته: الناس مقامات وانا اخوك وش دراك باسرار الكباريه
عبدالرحمن ضرب يمان ع ظهره : عيد اسمع
يمان جلس جلسه محترمه من ضربة الدحمي خلته يشوف قومة السابقون .
عبدالرحمن : يمان
يمان و ماسك ظهره
عبدالرحمن؛ يا ياامن ياولد
يمان لف علييه وفي عيونه قهر
وش فيييك قطعت خيالي
الدحمي رفع حاجب : خير واي خيال
يمان؛؛ اخبر بعدين لما ترجع صديقي وخويي
الدحمي مسك يد يمان : يلا بس شفت صافحتك قد رجعنا قول
يمان طالع يده وطالع عبدالرحمن : انت من جدك
عبدالرحمن : نحن ولاد عم واخوان جدنا واحد ماعندي جد خاص فيني عشان تقول من جدك وش الغبااء ذا بالله ..
يمان :: المطلوب مني اضحك يعني
عبدالرحمن :: اضحك تكفى ابي اشوف سنانك السود
يمان: سوووود في عيينك شوف كيف تنصعت شوف انت كيف تلمع ..
عبدالرحمن يمسح عليه : ماعليك انت
فجأة دخل ناصر ووليد وضاري وحمد وراهم
الرجال كلهموقامو يهنونه
يمان سلم عليه وهمس باذنه: تكفى ياحمد مننى امانه لاتستهين فيهاا ولاتجرب تنزل دمعتها لا ابدلها فيك دم
حمد : ابشر لا توصي حريص ..
جلسو زي اي ملكه
عند الحريم وصلت منى وتالا ودخلوهن غرفه العروس .... .
سمر،: يالعروس قد عرفتي المعرس مستعجل ويبي يسوي الملكه قبل المغرب
منى رفعت راسها بصدمه
تالا: لاجد
عهود تجلس جنبها: اي والله والمملك قد وصل
منى بتوتر وكنها بتبكي: يعني بملك الحين
تالا : حبيبتي وش فيها
سمر : قولي الحمدلله انتي البزر ونحن الكبيرات تزوجتي قبلنا جد حظ القبيحات افضل من الجميلات البنات يطالعن سمر بقهر …
وكملو سوالفهم
عند الرجال :::
بو محمد يطالع يمين ويسار يبي حد عياله شافهم كلهم مشغولين شاف عبدالرحمن جالس على جواله
بو محمد : عبدالرحمن عبدالرحمن
عبدالرحمن: سم يالغالي*** لاتنسو دحوم اخو منى بالرضاعه***
بومحمد: ياولدي روح عند لشارع .... تعرفه
عبدالرحمن : ايه
بومحمد؛ هناك سياره زميلي بالشركه ماشتغلت روح جيبهم للملكه ..
عبدالرحمن : ابششر عمي
راح عبدالرحمن للشارع وهو يسوق شاف عند البقاله ولد نحيف وابيض مره شعره مب بوي بوي يعني قصير ولونه اشقر طالعه باستغراب وكمل طريقه
عبدالرحمن يكلم نفسه : عيال اليوم تحسهم بنات
سمع رن جواله فتحه:هلاا يالغالي
بومحمد؛ياولدي السموحه منك الرجال جا بس ارجع قبل لايملك حمد
عبدالرحمن : ابشر جاي مسموح والله يالغالي
بومحمد ؛ لاتتاخر بعدين
عبدالرحمن:طيب
بعد مابند لف يرجع وسرع بالسياره بسرعه وكان بيدخل جواله بالجيب تبع الثوب بس فجأة لما رفع راسه شاف الولد الي عند البقاله قدامه وكان بيدهسه لف بسرعه بس ضربه على جنب والسياره لفت بقوه
نزل عبدالرحمن بسرعه وشافه ع الارض وايده مجروحه وهو مغمي عليه
عبدالرحمن بخوف : ياولد ياولد
الولد مغمض عيونه ويلتوي من الالم وبصوت ناااعم ناااااعم مستحيل يكون صوت ولد؛ ااااه يمه
عبددالرحمن مانتبه لنعومه الصوت شاف ثوب الولد كله دم ومشطر من عند الكتف لتحت لما احتك بالسياره رفعه يشيله بس طاح الثوب من جنب وكانت الصدمه
عبدالرحمن لف وجهه للجهه الثانيه : اسسسستغفففر الله لا اله الا الله كيييييف كذا وبدون مايطالع لف ثوب الولد ع كتفه واخذ شماغه ولفه بعد على راس الولد واخذه للسياره ويطالعه بحيره: كيف اخذ بنت بهيئة ولد للمستشفى اكيد بيكشوفها يااارب ساعدني ويناظره البنت بتوتر شدييييييد
عند المملك ::
ولي امر الفتاة ياخذ لها الكتاب لكي توقع
بومحمد : محمد خذ الدفتر لاختك
محمد :عطيني ياشيخ
حمد ربي يعلم بحاله متوتر
يمان يطالع ناصر وفواز : عيال
فواز؛هلا
يمان؛ وين الدحمي
ناصر؛مدري والله ولف ينظر للمجلس ماشاف حد
؛مب هنا
فواز:::: ويينه امكن يكلم برا
يمان مومتطمن وخايف عليه : طيب اخذ جواله واتصل عليه ومارد عليه
يمان خاف بس مابين ...
عند محمد : مبروك ياقلبي جعل ربي يوفقك
ام محمد تبكي وتبكي وتحضنها : اااه وشفتك عروس محمد : يمه هذا يوم فرح مو مناسب للبكا يعني
ام محمد؛ هذي دموع فرح ياضناي
محمد يبوس راسها؛ جعل كل ايامك فرح يارب ..
بعد ماطلع محمد عطا الدفتر الشيخ وحمد قلبه وقف من نبضات الفرح
راح المملك وبدو الرجال بالتباريك لحمد ويمان موعلى الدنيا بالحيل خايف على عبدالرحمن
حمد جلس عند ابوه؛ يبه يلا قول له
بو ضاري؛ ماغيرت رايك
حمد: يبه بقي ربع ساعه وتغرب
بوضاري؛ امري لله .. احمد
بو محمد: لبيه
بوضاري: لبيت بمكه يارب
بومحمد: جميعا ووانا اخوك
بو ضاري قرب منه وبهمس مستحي: صراحه وانا اخوك ولدي حمد له غايه من تعجيل الملكه للمغرب ترا يريد يشوف الغروب مع بنتك ادري شي ماله معنى بس تعرف شباب هالوقت وانا اخوك صراحه مدري كيف اجيك بالكلام
بو محمد بابتسامه: فهمتك وانا اخوك لف على حمد اقول ياولدي حمد
حمد : سم عمي
بومحمد بعصبيه مصتنعه : تعال وياي
راح معاه وهو يبلع ريقه خايف
بومحمد : انثبر هنا بجيك
جلس على كرسي بالحديقه
بوومحمد اتصل بزوجته تشوف له طريق ودخل على بنته وباس راسها : مبروك يا حبيبة ابوها
منى بحيا : الله يبارك فيك يبه وباست راسه
بو محمد : البسي عباتك
منى بإستغراب؛ هاه
بومحمد: عجلي يلا
منى: ط ططط طيب
بومحمد: عجلي يالله بنتظرك عند كراسي الحديقه
منى: اوك
نزل بومحمد عند حمد: اسمع
حمد وقف : هلا
بومحمد: انا ماسويت كذا الا اني عارف فيك وواثق لا تتاخر بعدين بس ترا مابتشوفها الا بالزفه بس بعدها ماشي جلسه
حمد مافهم: هااا
شاف بنت بعبايه جايه
منى شافت شاب معطيها ظهره ظنت حد اخوانها : هلا يبه
حمد سمع صوتها لف لها بسرعه وابتسم وفهم على كلام عمه
بو محمد: باقي 10 دقايق على الغروب اذا ظلمت الدنيا وانتو مو هنا لا تلومو الا نفوسكم وراح
منى ممنصدمه شافت ابوها يروح وماعرفت وش تقول
حمد مسك يدها: مبروك ياقلب حمد
منى تطالع يمين ويسار : ححح حححمد لااا يشوفنا حد تتونا ملكنا ووش ببيقولو
حمد: نسسيت ليش ابيك تعالي بسرعه يلا مسك يدها وللسياره
منى وقفت قبل ماتدخل السياره؛ حمممد جنيت انت وش هالتصرف
حمد رفع حاجبه: اشوف طلع لسانك الحين ركبي بسرعه ابوك بنفسه وداك عندي يعني الدنيا امان
منى امتلت عيونها دموع
حمد جاها ومسك يدها ودخلها السياره وركب بسرعه وراح
في السياره
حمد: قسم اننا معاريس مهبل بعدين طالعها كانت تلعب بايدها ومنزله راسها
حمد : طلعي اللثمه خلاص كفانا عذاب ابي اكحل عيوني
منى : حممممد
حمد : ياعيون حمد
منى بحرج طالعت الجهه الثانيه
حمد مسك يدها وقربها لفمه وباسها
منى سحبت يدها بسرعه وخجلاااانه مره
حمد: هههههه جعلني فدوة للناس المستحيين انا
منى سكتت شافته وقف السياره
حمد ؛ تدرين ليه سويت كذا
منى: ليه
حمد : تذكرين زمان قبل لا يحكم علينا الوقت تغطيتي عني كنا نشوف الغروب دايم سوا اااه وكل ماشوف الغروب اتذكرك اليوم ابيك تشوفينه معي صدقتي لما قلتي الغروب يخلي املك بالدنيا كبير ان حزن اليوم بيغيب ويرجع بكره فرح جديد
منى تسمع كل حرف وكل كلمه يقولها وهي شبه مفهيه منصدمه هي بحلم ولا هذا من جده
ماقالت شي
حمد شاف الشمس غربت تغرب لف عليها : مناي
منى* مطيح الميانه من اولها *: هه ههلا
حمد :تكفين لفي لي
منى لفت عليه مسك لثمتهاا وطلعها حس قلبه بيوقف من نبض : يالبى الملامح انا قرب منها ومنى تبعد مسك وجهها وهمس باذنها؛ قسم بالله احبك
منى وججهها ولللع
حمد حس فيها ورجع لمكانه : وغرربت الشمس
منى طالعته وابتسمت
حمد: ااااه ليه تبتسمين تريدين تعذبييني
منى نزلت راسها؛ حمد خلينا نرجع
حمد ؛ ونرجع ليه مانرجع
ولف السياره بيرجع
كتتتتتتتتت ��
التوقعات :::
بدورر ومحمد ايش الجديد بيصير معهم؟؟؟
تالا و الحمل ربي بيتمم عليها ولا بيصير شي؟؟
عبدالرحمن والموقف الي حصل له وش تعليقكم عليه؟؟؟؟
حمد ليه سوا الحركه الغبيه باول ماملك ؟؟
منى وحمد ؟؟ هل بيضلو كذا؟؟
هلل ياترا في قصه حب جديده بالروايه ؟؟
تحياتي* إحترت وش اسمي نفسي *
Like