الفصل 1
البارت 1 ..الجزء الأول °••
عديت في مرقب ٍ و الليل ممسينـــــــي= بديار غرب ٍ لعل السيل ما جاها
اضحك مع اللي ضحك و الهم طاويني= طية شنون الطرب لا قطرو ماها
و راك ما تزعجين الدمع ياعينـــــــــــي=على هنوف ٍ جديد اللبس يزهاها
نبدأ بسرد الأحداث ..
في أحد منازل عيلة الراكان ..
الأب : يلا أنا بروح مع السلامه
الأم ; الله معك دير بالك من شر الطريق
الأب رفع لها يده ويقول : مع السلامه .. وراح لما وصل للباب الكبير الحديدي المنحوت بزخارف تثير الانتباه طالع عياله وزوجته : صحوا منى واليمان الوقت تأخر ووراهم كلية ومدرسه
الأم بإنصياع : انت تآمر بنصحيهم .وطالعت ولدها الكبير وقالت بلهجة أمر ; محمد روح صحي اخوك واختك بسرعه .
محمد ;طيب يمه .. وطلع الدرج الطويل الي على اطرافه ركائز زجاجية تضيف للقصر الكبير آية من الجمال .. وصل محمد لغرفة اخوه فتح الغرفه وانقشعر بدنة من شدة البروده في الغرفه كان الظلام دامس والبرد قارس فتح الضوء وراح للستاير فتحها وقام بفتح البلكون ورفع الغطا عن اخوه الي يصغره بكم من سنه وصرخ : يماااانووووه قووووم بسرررعه الساعه 9 بسرررعه الدوام راح عليييك ياووللد ..
يمان ذلف من على سريره الدائري وشعره منكوش : ووش الساعه 9 محاضرة ضاعت لازم الحق الباقي وقام بسرعه وركض للحمام يغتسل ع السريع ويروح للجامعه ومحمد قعد يضحك على اخوه لأن في الحقيقه الساعه 7 الصبح �� ..
طلع محمد وترك اخوه في الحمام وراح لدلوعته واخته الوحيده فتح الباب بشويش وحصل نفس الحركة الي في غرفة اليمان ظلام وبرد يموت
هز راسه وهو يدعي لهم بالهداية فتح الضوء وقرب من سريرها كانت متكوره على نفسها ونايمه بالعرض من غير غطا راح وهزها على الخفيف : منون منى يابت قومي وراك دوام يلا .. تمغطت وتحركت للجانب الثاني وهي تمتم : ساررووه مالت عليش ظفي عن وجهي ماريد اجيكم اوف ..
محمد عقد حواجبه وبعدين تنهد وقال ; منى قووممي بسرعه امي تناديك ..
فتحت عينها وطالعته على جنب : حمود ارجوك سهرنا انا ويمانوه على فيلم البارح خلينني اناام
محمد رحم حالها راح وغطاها وطلع >>> لبيه ع الحنون والله لو كان اخوي ليجرني عشان اقوم >> المهم انجلع واكمل الرواية أحسن هههه <<
نزل وهو يتحلطم : يمه بالزور يسمعون كلامي ولا كني اخوهم الكبير ..
الأم تطالعه : طيب ماعليك منهم تعال افطر وروح عند ابوك في الشركه ..
في هذي اللحظة ينزل يمان ولا بس وكاشخ ومعاه كتب الكلية ويركض
امه :يمان تعال افطر
يمان ; وش فطوره يمه بعد افطر الساعه 9 وراي محاضرات بعد الي راح علي
امه تعقد حواجبها : وش الساعه 9 ياولدي هاه طالع الساعه قدامك عادها 7 ونص وش وداك لتسع
محمد ضحك بصوت عالي: هههههههه
يمان يطالعه بغيض : اسكت ياتبن أجل تقول 9 هاه
امه بصوت عالي : يمااان وش هالكلام تبن هاه
[عايلة ابو محمد ما يحبوا حد يغلط بكلمة عند اهلهم حتى ولو تبن هههه ]
راحوا العيال وامهم لدواماتهم
ستووووووووب�� اعرفكم بعيلة ابو محمد ..
ابو محمد-احمد- : 53 سنه رجال شخصيته قوية ويحب الانضباط بس احيانا يكون خفيف دم يحب عياله بس ما يبين ذلك يحب السلطه والي يقرره لازم يتنفذ وهو متزوج 2 ام محمد وام منئ ..
ام محمد-رمله- : 46 مرره طيبه وحنونه وتحب عيالها وتهتم في منى كنها امها واكثر تشتغل مديرة مدرسة متوسط للبنات ..
ام منى -فاطمة-: ميته .. كان يحبها ابو محمد قبل مايتزوج ام محمد بس الجد غصبه على بنت عمه وتزوج بعد ماجابت اليمان باللي كان يحبها قبل بس لما حملت في بنتها منى بعد ولادتها بشهر ماتت .
محمد :32 سنه رجل بمعنى الكلمة انسان راقي بأسلوبه حبوب وطيب وغيور على اهله ملامحه حلوه وهاديه ومملك على بنت عمه بدور ..
الحجاج : 29 سنه يدرس الطب العام في الدولة الشقيقه قطر .. انسان صارم بس حنون مرره ملامحة قويه من تشوفه تحسه انسان صارم وقاسي ورافض فكرة الزواج ..
اليمان : 22 سنه انسان خلوق ومهستر هههه يحب الهبال والضحك ويموت بالافلام وجلسات العيله ملامحه حلوه بعد ..
منى: 18 سنه دلوعه وخبله مادري كيف فيها رومنسيه جواتها بس ماتحب تبينها انسانه تحب الرجه والدجه والرقص والهبال .. ملامحها اكثثثر من جميله خقققه خقققه ملاك ع الارض .. تموت بأخوانها .
نرجع للرواية…
في شركة احمد الراكان ..
كان منغمس بين الاوراق ومشغول يرن تلفونه الخاص يرد وهو يطالع الاوراق : هلا… .. وعليكم السلام… هههههه وانا اخوك ماعرف… طيب عشان خاطرك بفضي نفسي ..وش بكره صعبه… هههه طيب ياخوي انت تامر بحاول بس تم بكره بكره بأمان الله .
في بيت بو ضاري
ابو ضاري يطالع زوجته : كلمت احمد وسعيد اخواني وقالوا تم بيجون بكره وعلي اخوي مسافر مثل ما تعرفين اجل كلمي اخواتي يجون .
ام ضاري : بس تم دام احمد رح يجي اكيد بتجن لانه ما يجي جمعاتنا الا نادر وانت تعرف اخوك دايم مشغول
بوضاري: الله يوفقه .. الا ع طاري احمد تذكرين الي قلت لك اياه
ام ضاري : قصدك على ايش ?
البارت الاول الجزء الثاني •°♪ ..
بوضاري : انتي تدرين اني اريد منى لولدي الوليد..
ام ضاري بابتسامه عن طيب خاطر : الله يسمع منك ويجمعهم مع بعض بعد مين نريد لولدنا غير بنتنا ..
بوضاري برضا عن جواب مرته: ايه ان شاء الله الا يا حرمه جهزوا نفوسكم استأجرت شاليه للعيله عند البحر والجو حلو ومسوي عزيمه بعد .
ام ضاري : الله يقويك بس ماودك تخبرنا ليه العزيمه ..
بوضاري : بتعرفين ان شاءالله يلا في امان الله بمر المسجد اصلي و اروح اجهز شاليه .
ام ضاري : في حفظ الرحمن
طلع ابو ضاري والابتسامه شاقه حلقه
ستوووب �� نعرفكم في ابو ضاري وعيلتووو
بو ضاري*-سالم- : 60 سنه طيب طيب مررره ووسيع الصدر يحب عياله ويهتم فيهم ودايم يحب يجمع العيله بحكم الكبير بين اخوانه
ام ضاري -وضحة-;56 سنه طيبه وقلبها ابيض وتموت بشي اسمه عيالها وماترضى عليهم ابدد ..
ضاري -بوسالم-: 37 سنه روتيني وطول وقته في الرياض يشتغل هناك متزوج من وحده من الاهل اسمها سليمه ومعاه سالم ووضحه ..
لجين; 30 سنه متزوجه من ولد عمها سعد ومعاها محمد وضاري ومشعل .
فاطمة :27 سنه متزوجة من خارج العيله ومعاها توأم ضحى وسهى
حمد : 25 سنه مال تفحيطات ورجه و سوالف بنات ويموت اذا ماكلم بنت في اليوم…
الوليد : 23 سنه مرره وسييم وبنات العيله متجننات عليه يدرس برا في كندا اداره اعمال وقرب يخلص..
ناصر : 19 سنه خبل ومرجوج وكله هبال وراسب بعد . وهالسنه رجع كملها .
لميس :12 سنه بنت كتكووته وحلوه ام خويدات .
نرجع للأحداث ..
طلع بو ضاري وام ضاري تفكر بايش مخبي عنها في سبب العزومه طالعت في الباب الي طلع منه وتنهدت وطلعت فوق تصلي
وهي تطلع الدرج نزل حمد وكاشخ اخر كشخه تقول رايح عرس
طالعته وابتسمت ; بسم الله ماشاء الله تبارك الرحمن على وين كنك رايح عرس ..
ابتسم حمد في وجه امه وباس راسها
والله يمه رايح للمسجد بعدين بروح هالمجمعات مع الشباب ..
الام برضا : الله يسهل لك دربك ويوفقك ويعطيك بنت الحلال الي تسعدك
حمد انعفس وجهه من هالطاري وصار يسلك لامه : ايه ايه ان شاءالله يمه يلا مع السلامه ..
الام ; الله يحفظك لاتسوق بسرعه
طلع حمد وراح المسجد يصلي وبعدها طلع للمجمع يغازل ع راحته ��…
في بيت اخر من بيوت العيله.. بيت ابو سعد
سعد : لجييييين لجيييييييينننن تعالي
لجين جايه تركض : لبيه هلا وش فيك كل هالازعاج
سعد : ولدك ذاك مشعلوه رح البيت من بكي يرحم ابوش سكتيه جاي من الدوام وتعبان
لجين * ولدي انا ومو ولدك يعني طيب ياسعيدان* : قالت بعصبيه طيييب وصقعت الباب بقوه وطلعت
سعد طالع الباب وتنهد :ياااليييل بتكون زعلت الحين وش يرضيها اقول خليني انام ويحلها الحلال .
لجين جالسه في غرفه عيالها وتعطي مشعل الرضاعه وتطالع محمد الي يلعب مع اخوه ضاري وتفكر *وش مغيرك علينا يا سعد ولا كن هذول عيالك ولا كني انا زوجتك الي تعرفها سعد وش فيك ياريت تخبرني عن همك واساعدك اه بس* وقطع تفكيرها صوت محمد : ماما ماما
ابتسمت له ابتسامه باهته : هلا حبيب الماما
محمد : ابي اتلع برا طفرت من البيت .. ابتسمت له وقالت : ان شاءالله بكره بنروح عند البحر مع جدو والعيله كلها ..
محمد بابتسامه : يعني مااما بيكون هناك سلوم ولد خالي سعد.
ضاري يركض : ودحه بأد
محمد يطالع اخوه باستهزاء: وانت مالك غير هالوضحه تخلي العيال وتروح للبنات
ضاري : ماما ودحه هلوا ثح
لجين بضحكه : ايه هلوا
سمعت صوت من وراها : بس مو أحلى من امك صح
طالعته واتسعت ابتسامتها لما شافت سعد وراها
ضاري ببراءة : اثلا عادي ماما عمتها بتكون تشبهها
ضحكوا لجين وسعد ع كلام ضاري ولدهم
في الصاله بنفس البيت ..
ساره: حمنوووووه وججع
عبدالرحمن : وجع بعينك يادبه انقلعي عن وجهي ابي العب بالبلايستيشن ..
ساره تتخصر قدام الشاشه الكبيره : انا دبه يالديناصور
عبدالرحمن عصب : سوير فارقي ابي اشوف
ساره : سوير في عنك وكانت بتكمل كلامها وشافت عبدالرحمن وقف هربت…
اعرفكم بالعيله التاااالتته ..
ابو سعد-سعيد -:58 سنه رجال طيب روحه حلوه وداايم رايق…
ام سعد : 55 شوي تهتم بالموضه لما ماتت فاطمة رضعت منى مع الدحمي …
سعد-بومحمد- :35 طيب مره بس شوي كسول متزوج من لجين ومعاه 3 عيال زي القمر محمد وضاري ومشعل >>مسميهم على عيال عمه ��
سعدى; 30 سنه متزوجه ومعاها بنتين نوره ولتين
تميم :25 سنه حلو ومملوح وفيه هبال ويحب الهستره والضحك وشاعر ويحب > نذاله مارح اخبركم مين .. ��
نوف : 22 سنه هاااديه مره وتحب الكتب والقراءه وتلبس نظارات >>>يقول لها عبدالرحمن ام اربع عيون ��…
ساره : 19 سنه خبببله وكلها هبال تحب بنت عمها منون ومسويات الرباعي المرح هي ومنى والعنود وفرح _بنعرفكم عليهن عاده _
عبدالرحمن :18 سنه خبل بشكل غير طبيعي واذا قده مع ناصر يجيبون العيد ..
تماره: 10 سنوات لسانها اطول منها تقول راديو مفتوح وماتسكت اذا تبي شي ..
في الصاله ***
الدحمي يلعب بالسوني ..يرن جواله ^الخبل^ طالعه وتحلطم : يوووه نصورووه مب وقتك ياخي يلا طس ماني براد عليك .. بس ناصر مصر >>اللغه تحرق خخخ >> المهم نرجع لروايتنا >>
عبدالرحمن طفرر من اصرار ناصر رد : هاااه خيررر وش تريد مزعجني في ذا الجو الحار انا ابي اعرف
ناصر : ول ول ياعمي هدي وش فيك معصب الا اقول الدحمي وش دخل الجو بمكالمتي الحين هههههههههههههههههه…
عبدالرحمن يصرف : تعرف اني اعصب مع الجو كذا يعني ..
ناصر : قسم بالله تصريفتك مثل وجهك يا وجه العنز
عبدالرحمن : يقولون ولد عمي يشبهني
ناصر : ادري اكيد محمد او وليد
عبدالرحمن : هههههههههههههههههه تخيل وجه وليدوه لو سمعنا ..
ناصر : اصلا هو مع الشقر والحمر وش مذكره فينا
عبدالرحمن : وانت الصادق
ناصر : اقول بو ناصر
عبدالرحمن : بوناصر في عينك مجنون انا اسمي ولدي عليك..
ناصر; ايه ايه بس المهم اسألك
عبدالرحمن بلجفه : هااه
ناصر ; ليش اتصلت فيني
عبدالرحمن طرطع: انا اتصلت ولا انت خربت علي لعبتي… طووط طوووط طووط
عبدالرحمن بقهر : طيب يانويصر ان ماوريتك ماكون انا بودحيم .
ناصر بضحكه عاليه في غرفته ; هههههههههههههههههه والله انك فاصل يالدحمي ..
يسمع صراخ امه : نااااااااااصر ناااااااااصر
ناصر : هلا يمه
ام ضاري : ناصر وينك يمه من الظهر مدريت وينك
ناصر جلس عندها وحضنها من جنب : رحت عند زوجتي المغربيه اشوف نواقصها اذا احتاجت شي هي والعيال .
ام ضاري طلعت عيونها : وشووووو بعدين هدت نويصر خلي عنك هالحركات وروح جهز اغراضك بكره طالعين البحر…
ناصر : على وين العزم
ام ضاري ; للشاليهات
ناصر: نحن ومين
ام ضاري : عمامك وعماتك بس عمك علي_بومشعل_ اعتذر ..
ناصر بفرحه ما وسعته: كلهم كلهم
الام بابتسامه لفرح ولدها : ايه كلهم كلهم
ناصر : يمه ليش تكذبين انتي ماقلتي عمي علي و عياله اعتذروا وفقع ضحك هههههههههههههههههه
الام : ناااااصر روح افتح لك كتاب كفايه انك عايد السنه وخجلتنا قدام الله وخلقه ولدنا راسب
ناصر طلع يضحك لما وصل الدرج اتصل فيه يمان ناصر رد وهو يضحك : هههههههههههههههههه
يمان : بسم الله وش فيك ههههه
ناصر : ههههه وس?ت فجأه انت الي ايش في? تضح?
يمان: ماعرف سمعتك تضحك ضحكت
ناصر: الله بعقل
يمان: المهم ناصر تبينا بكره نروح مع بعض انا وانت ودحيم
ناصر ; ايييه
يمان : طيب يلا انقلع
وسكر في وجهه
ناصر : هالاولاد ماعندهم لا اسلوب ولا احترام ولا تقدير لي كل واحد ما يكمل كلامه الا وسكر في وجهي عمممئ
يتبع °°°°•
أنتظر ردوودكم
Like
التكملة :::
محبتك غلطة عمـر في حيــاتي
ابعتذر عنها لعمري والايـــــام
اشقيت نفسي فيك من حسن ذاتي
أزرع لك رياض الغلا وأرسم أحلام
حتى بنفسك مـاتسوي سـواتي
كلي وفاء وأنت الوفاء عندك أوهام
خذ حبـك المجروح مع ذكرياتي
مـابي بقايـا منــك ياغالي العام
لاني غنــاة لك ولانتب غناتي
عشنا الغلا بس الغلا عـاد مـادام
أقولــها ماعض سني شفـاتي
مابــي حسايف يكفي عيوني تنام
اليوم التالي في بيت ابو محمد _احمد_ :
أم محمد تشرف على الخدم وهم يجهزون الأغراض بومحمد برا عند السيارة يدخل فيها الأغراض محمد يجهز نفسه و اليمان قاعد في غرفته يرتب أغراضه بعد و منى نايمه...
في الصاله
أبو محمد : إلا يا رمله وين العيال
أم محمد وهي تجلس ع الكنب : قالت الخدامه قد صحيتهم ويجهزون نفسهم.
بو محمد : طيب يلا شوفيهم وقولي لهم اني بسبقهم شكلهم متأخرين.
أم محمد : لحظه بشوفهم وبجيك دامني مخلصه.
بو محمد : أجل عجلي يلا أنا في السيارة
طلع بو محمد للسيارة و صعدت رمله الدرج وأول ما وصلت الممر الي فيه الغرف حصلت يمان قدامها وقده جاهز : ياهلا بالطش والرش والعطر المرشرش وهالطله البهيه.
ام محمد :ايه وش هالمدح الحين كيف قدك جاهز
يمان باسها على رأسها : ايه يمه جاهز ونص بعد
الأم : الله يرضى عليك روح شوف خوانك انا بروح مع ابوك انتو لا تتاخروا وديروا بالكم من الطريق ولاتسرع.
يمان : أن شاء الله يالغاليه انتي تامري
الام: أجل يلا اخليكم لا تتاخروا
يمان : ايه ان شاء الله
راحت الأم ودخل يمان على اخوه حصله يكلم بالجوال : أجل يلا مع السلامه
يمان بمكر : لالا كمل كمل الحب هاه
محمد ببلاهه : ايش ايش حب
يمان : يقال لك الحين تصرف يعني لا بالله من ذي
محمد استوعب : ذي يالخايس يابوتفكير معفن ذي مشعلوه ولد عمك ..
يمان سكت شوي وأطلق ضحكه قويه : ذي مشعلوه ههههه مشعلوه ذي كيف ماصارت ههههه
محمد هز راسه بيأس من اخوه : يمان اقلب وجهك عني مالي خلقك
يمان : ترا أمك تريد يخلاا لها الجو مع الاحم احم
محمد طالعه بإستهزاء: هذا الاحم احم مايقرب لك شي .
يمان يجلس ع السرير : يقولون البابا حقي
محمد يرميه بالتيشيرت وهو يضحك :هههه قلت البابا حقي شفت شكلك وانت تقولها.
يمان يوقف بشكل مضحك ويدف محمد بصبعه :نو بيبي نو ماما قالت انا بروح وانت تعالوا ورانا. .
محمد دفه بقوه :الله يقرفك يالخكري أبعد
يمان يضحك :هههههه يلا أنا بأخذ معاي الدحمي ونويصر وانت خذ السمكه ذي الي داخل وروحوا عند الاهل انا رايح يلا ...
محمد خذ أغراضه وحطها بالسيارة ويمان راح الشاليهات .. محمد طلع غرفة أخته يعني عباله أنها صحيت ويقول لها انه بيروح دق الباب و ماسمع منها رد قال بصوت عالي :منى فتحي الباب.
فتحت الباب وشعرها واقف تقول قرون استشعار .
محمد من الخرعه آرتعب : بسم الله الرحمن الرحيم سكنهم مساكنهم ايش فيه شعرك كدا منفووش
منى عطته نظره يعني مالي خلقك : حمود وش بغيت
محمد: ياحبيبي عبالي جاهزه ومخلصه توك صحيتي وقال بحده شوي: نص ساعه وتكوني جاهزه بروح أجيب النواقص.
منى بتسليك : طيب طيب الله يوفقك
محمد طالعها بإستغراب :أجل يلا عجلي.
محمد نزل السوبر ماركت و أخذ كم من غرض عبال ما أخته تجهز ..
بعد نص ساعه ....
محمد في السياره سوا رنه لاخته و قعد يفكر " الحين طقيت الثلاثين و مملك على بدور اااه يهالبدور شفتها مره بس يوم الملكه وبيننا مكالمات بعد مده طويله أحس مابينناا تفاهم ليه ما أعمق علاقتنا و أكثر مكالمات بس أخاف البنت تقول نشبه ..خلي بس عمي بو مشعل وعياله يجو والأيام بيننا ست بدور " قطع سرحانه منى لما فتحت الباب : سلااااااااااااااااااااااا اااامووووووو
محمد : وعليكم السلام ليش هالصراخ قولي سلام من غير هالحوسه كلها ..
منى : ايه بجرب المره الجايه إلا حمود وين الخبل يمان
محمد : يمانوه طلع قبلنا ومعاه الدحمي ونصور.
منى: احلللف عبوود معاه كمان
محمد بنظره سخرية : اييه ونااصر يعني ما تجي تروحين معاهم فهمتي
منى بوزت : ياذا الناصر وياحبه للنشبه ابي اروح مع اخواني انا هو ايش جابه اووف.
محمد ضحك : ههههه اقول تدرين ليش عمي سالم مسوي هالعزيمه؟
منى بعباطه : ليه
محمد تنرفز : يالغبيه أسألك انا
منى: اهاااا لالا معرف ..
وراحو للشاليه و الجو هادي بالسيارة غير صوت المسجل ..
في سياره بو سعد ...معاه أم سعد و ساره ونوف
ساره بهمس لنووف : نوفي ياترا عمتي نوره بتجي
نوف وهي تقرأ روايه بجوالها : فاطمه البارح في قروب العيله بالواتس أن عمي سالم عزم كل العيله واظنها جايه ماعدا عمي علي تدرين فيه مايقوم من الإمارات ...
ساره: واااه وناسه يعني العنود وفرح بيجون
نوف : عاد انتن مب ضايعات إلا من هالعنود وفريح
ساره : تفوو من عينك الحسود الله يبعد عينك عنا
نوف طالعتها بقهر وسكتت
ساره : ادري فيش يا ام اربع عيون تحسدينا بس وش ذنبنا دامنا محبوبات و ... قطعت كلامها بصرخه 'يببببببببببببببببببببببب� �بههه ووووقف
بو سعد فز من صرختها ووقف السياره على جنب الطريق : بسم الله الرحمن الرحيم وش فيييك
ساره :يبه يبه شفت فرع باسكن يبه تكفى ابي منه
بو سعد طرطع من العصبيه: انطمي ولا اسمع لك كلمه وقفتي قلوبنا و في الأخير باسكن و انا ولد ابوي ما أجيب لك شي انثبري... وحرك السياره وهو معصب
نوف تضحك ع الخفيف : خليك بينفعك باسكن روبنز الحين ارتحتي عصبتي ابوي .
ساره طالعتها بقهر وسكتت
أم سعد : الله يهديك يا ساره ماكان في لزمه للصراخ
أبو سعد : خليها تستاهل مره ثانيه تصرخ كذا
ساره بندم : يبه والله اسفه ماكان قصدي أصرخ بس من كثر الحماس المتدفق جواتي ماقدرت اصبر وانا بنتك يبه ..
بو سعد ماسك ضحكته بس يبي يسوي نفسه مشدد: مشفوحه طول عمرك بس آخر مره تصرخي كذا بجيب لك باسكن الحين كم ساره عندنا حنا.
ساره بفرحه : فديتك يبه عساني مافقدك يحياا العدل يحياا سعيد يحيا بابا
نوف طالعتها : اقول أهجدي لا يغير رأيه.
ساره : هاه انكتمت وحطت يدها ع فمها
نخلي الاجواء في سياره بو سعد ونغير سياره نروح لسياااره الشباب
يمان : اقول ناصر وش تحس فيه وانت ناشب لنا الحين
ناصر بضحكه المعتاده : يرحم أمك انا الناشب لكم إلا انتوا تضايقوني ولا تفكروا في قلبي الرهيف
يمان بقهر : رهيف كثر منها اقول دحوم
الدحمي : هاه خير وش بغيت
يمان يطالع الطريق ويشهق : أفاااا ياخوي اددافع عنك وأقول للنشبه نويصر يفارق عشان عيونك الي كنها عيون فلبيني لالا محشومين إخواننا الفلبينين تقول عيون صيني اخرتها تكلمني من خشمك. .
عبدالرحمن : يقال لك الحين في فرق بين عيون الفلبيني و الصيني اقول مالي خلقكم ماني نايم زين من امس والأخلاق مسكره كمل طريقك وانت ساكت .
نخلي المهابيل ونروووح سياره حمد و تميم
تميم : وحشني الحجاج من زمان عنه
حمد بهدوء : سمعت محمد قال بيجي الشهر الجاي
تميم : أن شاء الله
قطع كلامهم رنة جوال حمد
تميم : أقول رد رد بتكون حد خوياتك
حمد قطع الخط عليها : اسكت يرحم أمك مالي خلق
تميم : وش سالفتك اليوم مالك خلق خبري انك دوم رايق ..
حمد : اسكت لا تعطيني عين بس ماكان ودي اروح هالشاليه بس ابوي قال لزم عليك تروح ضاري مب هنا و ناصر خبل وأبوي مسوي العزيمه يعني من دون عياله مايصير
تميم بضحكه : يعني انت العاقل يرحمك
حمد :ليكون مو عاجبك.
تميم :هههههه لا محشووم وانا اخوك
حمد : اييه عبالي ..
في الشاليهات وصل بو ضاري وزوجته وتماره بنته واخته نوره وبناتها العنود و علياء وعبير ..
البنات جالسين على الفرشه ويسولفون. ..
عبير: اوف ياقهري ماحد جا غيرنا ابوي راح الشغل مستعجل و قطنا هنا اوف طفششت.
العنود : أوف عبيروه من صدقها وهذي خذيها عني لا افرش خشتها هنا طول وقتها على هالجوال
علياء : وش حارقك الحين اسكتي خليني أكمل دردشتي
عبير : دردشتيي شكلها متعوب عليها ...
العنود : هههههههه ايه باين مره .
علياء طالعتهن وسكتت. .
كتتتتتتتتت��
تعرييف بعيلة العمممه نوره ...
فهد زوج نوره :40 سنه انسان طول عمره مشغول ويموت في بناته ومدلعهن آخر دلع وما يرضى عليهن
العمممه نوره ؛39 عسل مرره ودايم مع الشباب وتدافع عنهم .
علياء :23 سنه هاديه و ماتحب الرجه والخبال بس اذا طق فيها عرق الهبل عاد هنا تحطم المقاييس
عبير :20 سنه تحب الضحك والفرفشه سحبت ملفها من الجامعه ماتبي تكمل ..
العنود :18 سنه آخر العنقود وتموت في شلة الهبل تبعها دايم تحاول تخفي جانبها الحساس بس ماتقدر ومسرع ما تنزلن دموعها ...
باااااااااك ��
وقفت سيارة حمد وتميم و نزلوا و تميم كان يضحك على شكل حمد لما ناداه أبوه بس فجأه اختفت ابتسامته ودق قلبه بقوه لما شاف عمته نوره و بناتها راح وسلم على رأسها و يسأل عن أحوالها ..
بعدين سلم على البنات : اخباركن بنات
البنات بردود مفترقه :الحمدلله. ..بخير ..طيبه ..
تميم : دوم أن شاء الله يلا يا عمه استأذن بروح لعمامي و حمد ..
بعدها وصل بو محمد ويمان وناصر و عبدالرحمن
البنات لسا طفشانات ماحد وصل من البنات بس شافن خالتهن سلمى جت ومعاها فرح صرخت فرح وحضنوا بعض....
العمه سلمى_ أم فيصل _: هههه ونحن مالنا حضن
البنات حضنوا خالتهن
فرح : وين بنات خوالي
عبير كشرت : ماحد جا غير المتزوجات سعدى وفاطمه ولجين ..
علياء: والشله الصغيره لميس وتماره
فرح : يعني منون وسوير ماجوو لساا
العنود : هاه كاهي ساره جت القط عند طاريه ينط
ساره سلمت ع عماتها و بناتهن وجلست عندهن وجو الحريم كلهن ودخلوا للشاليه الي قال لهن بوضاري انه تبعهن. .
بعد ساعه .. في الفرشه برا عند الرجال
بو سعد_سعيد_: اقول أحمد وين عيالك منى و محمد بومحمد_احمد_: والله ياخوي اتصلت فيهم قالو ع الطريق. ..
عند الشباب
اليمان :هههههههه جات وحمد يقالك رح يرقمها لما لفت طلعت عجوز ههههههههه
الشباب :ههههههههههه
حمد بغيض : بايخ بروح أجيب جوالي
تميم ؛: قلت لكم مايصير حمد دون بنات
حمد عصب : صرررعتووونا خلاص انكتموا
الشباب سكتوا خافوا منه
الدحمي: نو كمنت
ناصر يمان :هههههههههههههههههه
حمد قام وراح للسياره وطنشهم وهو طالع شاف محمد داخل : هلاا والله
محمد :اهلين حمد كيفك
حمد : الحمدلله بخير ليش تأخرت
محمد : الاهل اخرونا وأنت تعرف البنات وحوستهن
حمد :هههههه إلا محمد شاليه الرجال الي على يمينك لا تدخل للحريم بالغلط
محمد:طيب يلا اشوفك بعدين
حمد راح لموقف السيارات سمع صوت
...: الله ينعلك من جوال وقتك تطيح وانا متحمسه اروح للبنات اووف
قرب حمد من الصوت
ورجعت البنت لورا وصدمت فيه شهقت وطالعته لما شافته لفت ع جنب تتأكد من حجابها وقالت بتوتر :هلا انت حمد صح
حمد مفهي :هاه ايه ايه انتي منو
منى ابتسمت ونزلت رأسها بحياا :احم انا منى بنت عمك أحمد
حمد استوعب :اها ايه هلا والله بنت العم تبين مساعده
منى : لا مشكوره بس بدور جوالي طاح مني وانا نازله..
حمد حس على نفسه كنه نشب للبنت : طيب يلا في حفظ الرحمن ..
منى تابعته لين يدخل سيارته ورجعت دورت جوالها وحصلته رمت بالغطوه ع وجهها ودخلت حصلت عمامها وسلمت عليهم وراحت للحريم والبنات. .
حمد في سيارته يطالع الباب الي طلعت منه " معقول معاي بنت عم بهالجمال ههههه حتى بنات عمي ماعرف أشكالهم أحسهاا محترمه وهاديه اه ع ابتسامتها. ..سكتت وش فيك يا حمد لا تنسى كل البنات خاينات كلهن كلهن وطق عجله السياقه ااه وش فيني أفكر بالبنت يا حمد هذي بنت عمك طلعها من رأسك " خذ جواله و طلع .. دخل عند الشباب
ناصر : الحمدلله على السلامه ياخوي
حمد طالعه وابتسم وجلس
يمان : شباب شكله حصل خوي جديد يروقه
حمد في نفسه "بلاها اختك يا يمان ااه فديت اختك انا ""
الدحمي : مو كنه الأخ طار عقله
يمان: ياخي خليه كذا يتخيل كثير وبعدين تطلع عجوز ههههههههه
ناصر : ولا ليل نهار ما ينام اخرتها تطلع عجوز هههههههههه
حمد بعصبيه : انت وهو ماعندك إلا هذي السالفه قسم بالله اذا ماسكتتم بوريكم سمعتووو
ناصر : احم احم هاه شوف انكتمناا
الدحمي : شباب فيني طرب
ناصر :حمد قالك انكتم
الدحمي :قالك انت والخبل الي جنبك أما أنا لا
يمان ؛ فديت العاقل انا
الدحمي يسبل بعيونه : ولك تأبرني ابن عمي
يمان ينفخ نفسه : ولك انتي تأبريني أم زكي
ناصر : ههههههههههههههههههههههههه هههههههههههه يمه هههههه عبدالرحمن أم زكي هههههه
يمان انسدح جنب ناصر و استلم للضحك عبدالرحمن أخذ مخدات الكنب و كفخهم ...
عند البنات ::::
فرح :لاااااااااا كذااابه وبعديين وش صار له
العنود تبكي و تاشر بايدها : ما بالك شفت السياره وهي تطيره ااه تهئ تهئ وتبكي
فرح :ياحرام
ساره عصبت : خلااص كله مسلسل انتي وياها اسكتن فلقتونا بذا الكوري كنه قدر اكل وجهه مدري وش فيه من جمال ولا اسمه كنه جريده
فرح ببكا : حرام عليك ذا كيون سون جو ااه تهئ تهئ ساره طالعتهم بقهر وبعدين لفت ع منى وهي سرحانه ومبتسمه قالت ساره : ألقاها من مين من هذي الهبله الي بعالم ثاني ولا الثنتين الي مسويات عزا على قدر اكل اوف قامت من عندهن وجلست عند نوف وعلياء وعبير وهن يسولفن في الجامعه حست بطفر شالت ضاري ولد سعد و وضحه بنت ضاري وطلعت فيهم برا يلعبوا مع بعض
كتتتتتتتتت ��
تعريف بعيلة العمه سلمى _ أم فيصل _ :43 سنه مره هاديه بس فرفوشه وتموت في عيالها ..
بو فيصل : 46 سنه انسان صارم وقاسي بس عند عياله يكون حنون
فيصل :30 سنه متزوج من رهف دايم مع محمد وضاري و مشعل
فرح :18 سنه خبله وتموت في العنود بنت خالتها كلهن نفس الطباع من شله الرباعي ...
باااااااااك ��
عند الرجال ..
فيصل : اقول ياعيال شفتو الشباب في الملعب أمس صراحه الرقصه خطيره. .
يمان : اووه عجبتني صراحه نزلتها بالانستجرام
عبدالرحمن : ايه خاصه لما ذاك الطويل صراحه حركة يده عجبتني.
حمد بغرور : مو بذاك الزود والله
تميم بخبث : يعني انت أفضل
حمد :إلااا وانا ولد سالم
يمان : طيب فرجينا مهاراتك ابن عمي
الدحمي : ايه عشان خاطري ابن عمي
ناصر ؛ ولك ابن عمي يلا اووووم
حمد : نصور انا اخوك والله مايحتاج هالابن عمي وانت وياه اسكتووا لا افرش خششكم هنا
محمد : يلا حمد اتحداك ترقص
حمد :بس عمامي وأبوي هنا استحي
فيصل : ياراجل ماتجيبها عذر ورا شاليه البنات طيب وبالمره تتميلح...
حمد : لا
يمان : تكفى ياولد عمي
ناصر : يلا ياخوي ياعزوتي تكفى تهز رجاجيل
حمد طالعه بقهر ؛ وش دخل العزوه الحين
ناصر : ماعرف المهم قوم
قامو كل الشباب
بو سعد_سعيد_ : ياعيال خير على وين العزم
محمد : عمي ناويين نتمشى
الدحمي : لا يبه يكذب ...
وقطع عليه فيصل وهو يدفه : خالي ناويين نروح للبحر ونتمشى
بو محمد : طيب بس مو كنه الجو شمس وحر روحوا العصر ..
حمد : عمي مارح نتأخر
وطلعوا
عند الحريم ..
سعدى : إلا بس مو كنه غالي وهو للتنظيف
فاطمه : ايه بتحصلي عليه تخفيض في محلات ...
ساره تهمس لمنى : قسم طفروني بسوالفهم
منى سرحانه " حمد يازينك و اسمك ايش اقول عن شياكتك ولا اسلوبك ولا عيونك ياروح منى انت معقوله حبييته لا اا ""
ساره تصارخ : مننننننننى
منى بعصبيه : ليه خير وش صار
ساره : لاه كليني احسن وش فيك تسرحي كثير هالوقت
فرح بعرض : الي شاغل بالك يتهنابووو
منى بقهر : انطمو وراحت المطبخ وسمعت اصوات الشباب و حصلت تماره ولميس منتظرين الخدامه تسوي لهم حلا بس لما سمعوا انو حمد بيرقص ركضت تماره تخبر بانو حمد بيرقص وراحن شلة الرباعي و متزاحمات على النافذه يطالعون
عند الشباب
ناصر : حمود انا بفتح السبيكر
حمد وهو يلف شماغه : يلا شغل
ويمان ماسك كاميرته يصور : يلا حمد ابدأ
وبدأ حمد يستعرض مواهبه والبنات مبلمات فيه
ساره : واااي يجنن هو ورقصه
منى عصبت :ساره عيب تقولي كذا للولد وتمدحيه
ساره بخبث : بدينا بالغيره
منى بتوتر أي غيره .
سمعوا صراخ الحريم و بكا سعدى
منى دق قلبها بقوه وش صاار
انتهى □●○•°