الفصل والأخيير 10
البارت10والاخيرررر
ياسمين:::
شفت خاله بهالحاله خفت عليها وتذكرت كلام قصي وتصرفه بسرعة ركضت جبت شكر واجيت
كتله قصي خلي بحللكهاشكر مثل ذيج المره بلكي تفتح عيونها.
بدون ميلتفت عليه خله راسها بحضنه وكلي
لا..لا مو شكر روحي ركض جيبلي الحافظة الي بيها الابر
اي..
ركضت جبتها وجيت..بس خاله مجانت فاقدة مثل المره الفاتت لا هالمره تفتح عيونها وتسدهن وتباوع بوجه قصي..
شفته سندها ع المخدة وطلع ابره هم رفيعة ..وسحب من امبوله الانسولين وضربها بالعضلة..
اني كعدت يم رجليها
قصي شبيها خاله هم غيبوبه هبوط!!؟؟
لا هالمره ارتفع عدها السكر لان مماخذه انسولين من الصبح..ولان انفعلت شويه من الفرحة..مبيها شي لتخافين..
باوعت عليها شفت نظرها استقر ونفسها شويه شويه يتعدل وشفت قصي شال ايدها وباسها ويحجي يمها،:
شنو السالفه ام قصي اشو كعدي على حيلج غير ناذره تهلهلين ٣,..ايام بعرسي..
وارتاحيت من شفتها ضغطت علي ايده اي الحمد لله ما بيها شي يعني دتسمعه اخذتلها دقايق وابتسمت..ههههف ارتاحيت اكثر..بعدين كعدها وخله المخده
وره ضهرها شويه رجعت لوعيها اسرع من المرة الفاتت بس من كعدت دمعت..خطيه وكام تبوس بقصي بعيونه وبخدوده وبركبته وتكوله..
الله يفرح كلبك مثل مفرحت كلبي يوم بعدين التفتت عليه..
تعالي تعالي..بعد خالتج..خلي ابوسج.
ادنيت يمها باستني بخدي ..
خطيه حيل فرحانه ومن فرحتها تخربطت شويه..وهالكد مفرحانه تريد قصي ياخذها هسه لاهلي حتى يحجون ويه بابا ..قصي يكولها بعدج مصرتي زينه تكوله لا اني من تصير ياسمين النا اصير زينه واطيب وكل مرض ميضل بيه..
هو يضحك..واشوف فرحه بكد السمه بعيونه بس بصراحة مهما جانت فرحته جبيره ابد متوصل لحجم فرحتي وسعادتي بهاللحظات..وهلكد متلح خاله اخذنا قصي قبل ليصير العصر لاهلي حتى بابا بعده نايم مطالع للشغل اول مدخلنا ماما كالت:
هله بيكم شلون جيه حلوه ..ايناس مسويه كيكة تجنن بالفرن يله خلي ناكل كيك وجاي..وبينما فاتت ماما للمطبخ بابا كعد بالصاله يم قصي وقصي سلم عليه ..خاله مستعجله كل شويه تأشر لقصي هو يبتسم ..وساكت..ومن جتي ماما شايله صينيه كيك وايناس شايلة الجاي وكعدن ويانا قصي كال:
ابو ياسمين اني جايك..بشغله..
اي كول قصي مكضيه ان شاء الله.
ابو ياسمين انت تعرف اني علاقتي مكطوعة بعمامي من طفولتي بالاحرى من توفه ابويه لحد الان؟؟
اي اكيد اعرف..
وتعرف معزتكم عندي ومعزه بناتك بشكل خاص لان اني مربيهن ست سنين ..
اي وشنو الجديد..
ابو ياسمين بدون مقدمات..ومن عشمي وميانتي اكولك مباشرة اريد ياسمين؟؟
غير ياسمين يمكم من الصبح لليل بعد شنو هالمقاله المالها داعي...هااااا...فهمت قصدك تردوها..تبات عدكم هم....عادي خلي تبات اذا امك تحتاجها!!!
خاله طفرت..لان هيه حيل عدها ميانه ويه بابا هي اكبر منه وبيناتهم ميانه قويه..
سعد شبيك ..تغشم روحك انت شنو تبات عدنا الولد يكولك اريدها..على سنه الله ورسوله..
بابا صفن..بعدين ابتسم..
هفففف..ارتاحيت من ابتسم بعده محاجي ماما صلختنا بهلهوله شكت اذني..قصي ضحك ..وكال لبابا.
هااا..ابو ياسمين شكلت..
شكول بعد متشوف خالتك طورمتنا بالهلاهل عمي اخذها....قابل اعزها عليك..
كام..قصي تباوس ويه بابا ..وكله:
ميحتاج اكولك بتك بعيوني..لان تعرف بناتك كولهن بعيوني من زمان..
هااا..من زمان كلت...هسه فهمت ليش ياسمين رفضت ثائر عرفت اكو انه..
خاله عصبت..
سعد سد حلكك مو مسوي روحك ابو العروسه وادور ويانه..انه وكأنه تره هسه اجرها من شعرهاواخذها لبيتي غصبا عليك..
عمي انتو خطابه لو هداده اذا بكيفكم تاخذون المن جايين تخطبون خو زفوها الكم بدون ما ادري...
اي نزفها ليش منزفها بنيتنا والنا انت اطلع منها؟؟
ههههه....والله عليج سوالف ..ساهره..بعدج..مثل الاول تاخذين..لكمة السبع وتشردين..
شعبالك..اتوسل بيك انطيني بتك..وانت تجقل علينا ومسوي روحك ابو العروس.
هههه..غير اني ابوها لعد منو ابوها..؟؟
دكافي..كافي يله..صبولنا جاي جايكم جحل..
قصي كوه مصبر على روحه من الضحك بسبب ..طريقة الخطبه لان خاله منطت بابا مجال يسولف اكلته حاصل فاصل ..
قصي كال:
ابو ياسمين ..بكيفها ياسمين شوكت متحدد وكت العرس يصير..اذا تريده قريب بكيفها واذا وره الامتحانات هم بكيفها!!
لا وره الامتحانات ولا شي ليش انته ضامنها بتي المخبله اليوم توافق عليك وتاخذلها اسبوع اسبوعين وتكلك بطلت بتي واعرف رعاويصها
ههههه..لا متبطل ان شاء الله؟؟
لك اسمع كلامي
..دنك وشاور قصي مدري شكله..قصي خرررب من الضحك..وكله:
بكيفك..بكيفك..عمي اذا الموضوع هالكد ما مضمون..اخذها اسبوع الجاي هاي هيه..
ياااا..يكول اسبوع الجاي اني ممحظره نفسي اعض بشفتي اريد قصي ينتبهلي ماكو..بعدين شافني..وغلس.محجه وبقو يشربون جاي..ويسولفون كولهم موافقين وفرحانين الحمد لله..
بعدين قصي اخذ خاله وكال يله..خلي نروح ياسمين..
ماما كالت:
شنو تروح وياك غير توك خطبتها بعد متروح منا للعرس دبرو حالكم هالكم يوم.
خاله كالت:
ياااا..شنو من خطبناها صارت عزيزة متقبلين تجينا!!
اي ميصير هو كوله اسبوع زمان خلي ايناس وتقاوي يرحن يمج هم بتي تريد تحظر نفسها..واني بطني لخشمي..وغصبا عليه راح افتر وياها بالسوك اجهزها ولو ما اعرف شراح ادزون خلصتوها تصنيف وسوالف عبالك راح تاخذوها بلاش؟؟
التفتلي قصي..وكال الماما
..قصدج ع المهر....شتريد يجرالها..
اني اعرف هو توه خسران ع البيت مردت يخسر اكثر ع العرس خطيه حتى مخزن بضاعته الي بالبيت احترك يعني هوايه خسر..
وكفت وره بابا حتى ميشوفني واشرتله باصابعي الخمسه يعني خمس ملايين بس
هو شاف حركة ايدي ..كال لبابا..
ابوياسمين..خمسين يكفن لو لا!!؟؟
ماما كالت.
يااااا...خمسين مليون..تقصد لا خاله شنو قابل دنبيعها.
بابا كال..
بكيفك قصي مابيناتنا فلوس ...واذا عندك امكانيه تدفع خمسين بكيفك..
ماما كالت:
شوف شلون يحجي ويا يريد يحرجه..اذا عندك يكوله.
التفتت ع قصي وكالت..
والله خجلتنا قصي..
لا خجل ولا شي هذا مهرها وحقها..باجر ادزلكم نص حتى تجهزها..والباقي نطلع اني وانتي وهي ناخذلها ذهب بيه...احنا رايحين هسه لان لازم افتح صار العصر..
وطلعو من يمنا..اني دمي يفور يا الله اشرتله بيدي كتله خمسه..بس خمس ملايين يعني يصير فهمني غلط..مكدرت اصبر وره ساعة خابرته..
الوو
الووو..عيوني..
قصي تريد تجلطني مو دا ااشرلك بيدي
اي واني شكلت انتي اشرتي واني مكلت لا؟؟
ياربي ااشرلك خمسه..بس..خمسه..مو خمسين؟؟
لج خمسه شنو وين اكو مهر خمسه..
انت شعليك مهري..لو مهرك؟؟
ههههه..تكول مهري..لج غير تفرحين من ادفع مهر اكثر؟؟
لا ما افرح..ما اريد هالكد..انته كافي عليه لو بيدي...ما اخليك تدفع ربع..
هالله هالله....اني كافي عليج بدون مهر؟؟
اي..
راد يحجي وسمعت صوت يمه.. كلي:
بعدين اخابرج..ناس يمي هسه..
المهم خلصت كل هالتفاصيل وجهزت نفسي ..لان يوميه نطلع اني وماما نشتري شغلات الجهاز هو دز ٢٥مثل مكال وخابرته وحلفته كتله كافي عليه وحتى ذهب اشتريت منهن يكفيني وزياده ومخليت ماما تصرفهن كولهن صرفنا ١٥وضميت الباقي عندي..بالجنط مال جهازي كلت وره العرس انطيهن لخاله تضمهن عدها لان ممحتاجتهن..ما احب المصاريف المبيها فائدة..
وبيوم الحنه مالتي عقد النا السيد..ودخل قصي لبسني الذهب طاير من الفرح يباوع عليه من فوك لجوه اني لابسه بساعتها بدله.. دنفش..ومن فوك بدون ردن لونها جويتي طوخ عاكسه ع لون عيوني وطالعه بالمكياج والتسريحة غير شكل ..وهو ديلبسني الذهب شاورني..
وج المحجبه..باجر افلشج تفليش..كل هذا ضامته جوه الحجاب!!
همست بصوت ناصي.
ع اساس انت اول مره تشوفني بدون حجاب مو شفتني بالمطبخ ذاك اليوم!!
اي شفتج وبساعتها الحسره..والقهر بصدري يقرن فول؟؟
صدوك؟
اي وحق هاي..الكلوبات الذابحتني ذبح؟؟
هااا..يعني انت هم تبص بص..عليه ومخليني ابالك..وملتهي تحضن بيه وتكول معندي قصد..ممتقصد حضن بريءد.شكد جذاب..
خرررب ولج سكتي لتضحكيني الناس عيونها علينا ويشوفونا نتهامس
اي اسكت هسه يحسدونا
وخلصت الحنه الي جانت متنسي ..وكل شويه يهمس باذني ويكولي..
شوكت يجي باجر.
طبعا مجنت متخيله هو مخليني اباله ولا فد يوم..توقعت..هيجي لهفه عنده لان هو حيل هاديء..وميبين مشاعره بسهوله..وثاني يوم واني بالصالون ديمكيجني جتي رساله ع رقمي من رقم غريب بس جنت..ملتهيه بالتسريحة والمكياح مفتحتها..وخليت الجهاز بالجنطه..مالتي..وخلصن البنات مكياجي وطبعا بدون تسريحة لان العرس بالقاعة واني..محجبه فلبسوني حجاب عرايس فيكة وبدله مستوره بس تجنن..واجه قصي اخذني..للقاعة ..طبعا مخلد جيران بيت خالتي هو الي يسوق لان هو وقصي اصدقاء ..تقريبا مخلد اقرب صديق لقصي حسب معرفتي ومن خلال حجي خاله عنه
وصلنا للقاعة وهناك صار العرس طبعا قصي عازم اصدقاء وجيرانهم بس معازم عمامه لان ميحجي وياهم وعلاقته مكطوعه بيهم واحلام خطيه جتي رغم ابنها حيل زغير وتعبها..بس خاله مجتي للقاعة ..كالت ابقى بالبيت انتظركم لان لازم احد يبقى بالبيت قبل مترجع الزفه للبيت..مقبلت نبات بالفندق طلبت من قصي بس يسوي الحفله بالقاعة ومن تخلص نرجع للبيت احسن..ومن خلصت الحفله .. كومني قصي وماما وعماتي واحلام واخواتي بهلهن ورانه وطلعنا حتى نصعد بسياره الزفه يفترون بينا شويه وترجع الزفه كولها لبيت خاله الي منتظرتنا على نار هناك..وفعلا طلعنا..فتح باب السياره صعدني ودخل بدلتي وبعدين فتح الباب الماما تصعد بالصدر وصاح اخته احلام ع اساس تكعد بصفنا بس هي استحت وكالت ابنها يبجي ويضوجنا ..فصاح نادين كالت لا ما اصعد اصعد بسيارة فرقان..بس اني اشرتلها تصعد يمي..ماما مخلتها..كالت
وين تصعد يم العرسان تعالي شكلي بصفي .
ماما حامل بس نادين ضعيفة حشرت نفسها بصف ماما بالصدر.. وافتر قصي حتى يكعد بصفي ..واول مفتح الباب سمعته واحد صاح بيه
لك قصي عبالك اخليك تاخذها مني وتتهنى..
قبل ميلتفت قصي سمعت صوت الطلقه..قصي بسرعة دنك الحمد لله مجتي بيه اني متت من الخوف كمت ارجف واكوله:
قصي..اصعد..اصعد قصي بس هو بقه مخلي الباب مال السياره كدامه وسمعت بعد صوت الطلقات الي رعبني وخلاني متت بدمي..صوتي راح بس اريد قصي يصعد يمي حتى ميتصوب بس هو مصعد سمعته يصيح ويكول المخلد:
مخلد اخذهن وروح لبيتنا اخذهن بسرعة حرك..وكولشي لتحجون الامي هسه اجي وراكم.
كتله بصوت مخنوك من الخوف
قصي اصعد..اصعد لتبقى..اصعد قصي
بس هو سد الباب مخلد...بسرعة خلص السياره من المكان اني التفتت شفت قصي يركض وشفت ثائر لازمي الولد والامن مال الفندق والمسدس بيده رافعه لفوك
وملحكت اشوف شي بعد لان مخلد طار بينا..ماكو اقل من دقيقة وسمعت صوت 3طلقات ماما..صرخت
يبووو..يبووو..انكتل..انكتل قصي هذا الرمي على قصي..اكيد كتله ثائر هي كالت انكتل قصي..واني كمت ابجي واضرب على وجهي ..ممصدكة بحجيها..شنو انكتل حبيبي ..شنويعني..كتله ثائر..كتل احلامي وفرحتي واماني..كتله بسببي..فقدت من البجي وكعت بعد مدريت فتحت عيوني..لكيت ماما بصفي ووترش ع وجهي مي..
ماما..ياسمين اسم الله عليج كعدي..بس مدا استوعب شي السياره تمشي بينا فتحت عيوني لكيت نادين هم..ملتفته عليه ودموعها يجرن كلت اي ..مات قصي..اكيد مات ماما صرخت ونادين تبجي مات انكتل حبيبي..مخلد سمعته يحجي ويه ماما:
خاله كعديها..شنو السالفه تصيحون انكتل وانكتل منو كال انكتل سمعنا طلقات والشباب والامن لازميه لهذا الولد اليرمي تره ماكو داعي لهللطم والبجي شدهتوني وراح اسوي حادث بعدين ام قصي اذا شافتجن تعبيطن راح تموت المره وقصي وصاني ما اجيبلها طاري..واني لازم اوصلجن بسرعة وارجعله...وفعلا جان يسوق سريع اول موصلنا التفت ع امي:
خاله سكتيها وانتن هم صيرن طبيعيات ما اريد ام قصي تحس ..
خاله شنكوللها من تشوفنا جايين وحدنا..
اني احجي انتن بس اسكتن..
وسكتت غصبا عليه وماما هم كالت النادين :
عدلي نفسج ومسحي دموعج
طبعا اني مشايفه وجهي شصار بيه لان لطمت ع وجهي من فوك البركع وشبعت بجي..
وبسرعة وصلنا نزل مخلد دخل بدون ميدك الباب
احنا نزلنا بسرعه وماما تحجي باذني اش..ما اش واسكتي..وما اريد صوت..ومن وصلنا يم خاله سمعتها تكوله
ياااا.. منو هذا الي رمه بالعرس هسه احنا عاتبين على احد يرمي بالعرس!!
مخلد كال:
خاله هذا صديق قصي فرحان اله تعرفين اهل المحلات البسوك كولهم جماعته ومن فرحته طلع مسدس ورمه وتعرفين الرمي ممنوع هالايام خصوصا يم الفندق فأجوي الامن اخذو الولد الي رمه وكالو لازم ياخذون قصي حتى يسوي تعهد كولها ساعة زمان ويرجع ونكمل العرس..
خاله شو محد وياكم وين سيارة الزفه:
خاله من صار الرمي والشرطه وصار مصايح بين الولد والدوريه قصي كال لاخته خلي ..يرحن كولهن بالسيارات لبيت خالته واني دزني الج حتى متقلقين اذا شويه تأخروا..بعدين حتى جماعته لحكو للمركز حتى ميأخره الضابط تعرفين امور امن واحتمال يفكرون بحجزون العريس فالجماعة راحو حتى بسرعة يطلعو وميبات..
هااا..فوت..فوت خاله بالاستقبال..والتفتت علينا تحجي ويه ماما:
وانتي شبيج واكفه مسطوره ومخليه البنيه واكفه هنا ابدلتها متفوتن جوه بينما..تجي العالم..
سمعت مخلد كلها ..
خاله اني رايح اجيب قصي لان تعرفين اني اسوق سيارته
اي روح بعد خالتك
ماما كالت:
راح اصعدها فوك لغرفتها ع ما يجي قصى بتي انهبطت من صوت الرمي..وخافت على رجلها من جوي الامن اخذو هو وهذا اليرمي..
اي صعديها وشربيها مي خطيه هي خوافه..
وصعدتني ماما لغرفتنا اني كوه ساكته بودي املخ نفسي واصرخ اول مدخلت سدت الباب ونادين شالت البركع عني
وج ياسمين..شصاير بوجهج المكياج والكحله سايلات وصايره خريطه خلي...امسح وجهج وارتبلج مكياج....جديد
صرخت بيها
يامكياج ..نادين قصي راح مني راح!!
ماما كالت :
شو كلبي..بارد هسه انتي ليش تفاولين ع الولد؟
يوم سمعتي الرمي سمعت ٣,..طلقات يمكن ثائر ضربهن ع قصي..انتي نفسج كلتي الولد انكتل
ولج الناس ملتمه..منو يكول صوبه ولاحه..اني جنت مرتبكة وكمت احجي وحدي شيش بيش..
بعدها تحجي وبابا اتصل
الوووها..سعد ...اي..اي وصلنا..وين انت.؟؟..هااا.البنات كولهن رجعن يمك اي..خوش.وسكتت شويه
يااا..شبيك..دخلي افتهم منك..وين راح تروح؟؟
اي..روح بسرعة وعود خابرنه تره بتك راح تموت بديه من الهبطة..
وسدته...كتلها بلهفه
يوم شكال بابا وين هو هسه ..شكال على قصي؟؟
كولشي مفهمت منه يكول معندي وكت اسولف رايح للمركز؟؟
هاا..للمركز اي راح بيها قصي..راح ثائر كتله يوم!!
وج شبيج مخبلة لو مصوب لو بيه شي يروحون للمستشفى مو للمركز..
صدوك يوم اخاف كلج شي وضامه عليه.
احجي ودموعي يجرن ونادين طلعت كلينس مرطب وتمسح بوجهي وبمكياجي..ماما كالت:
ولج يمه والله ماكو شي
لزمت ايدي..
يااا..ياسمين يمه..كبيتي نار..شبيج يمه صخنتي والله كلبي بارد ومبيه شي قصي...
بقت ماما تهدي عليه ونادين مسحت وجهي كوله خلصت الباكيت كوله وهي تمسح بالمكياج تقريبا ساعة واني افرفح ودموعي يجرن تذكرت موبايلي بالجنطة طلعته بسرعة اتصل ع قصي ميجاوب..خفت اكثر وحسيت نفسي حيل صخنت حتى ماما..كالت
يمه بتي اشتعلت نار انزل اجيب مي بارد اغسل وجهها..وبلكي الكة براسيتول..ينزل صخونتها
وفتحت الباب ونزلت بقينا بس اني ونادين .:
ياسمين والله ماكو شي انتي خايفه ع الخالي بلاش اسم الله ع قصي..وجهج كوله مسحته من المكياج دخليني ارتبج واخليج شي بسيط ..صرتي صفره ..شبيج كولشي ماكو هسه يجي رجلج..وتفرحين شنو يلكاج.هالشكل ماكو قطره دم بوجهج..
نادين اني بيا حال انتي شبيج كلبج بارد..اني ميته قلق وانتي بطرانه..
قصي::::
هذا الجبان كام يرمي عامي شامي الولد لازميه ومن رمه صوب واحد من الواكفين..بجتفه..اخذونا للمركز كولنا الي جنا واكفين والولدالي تصوب نقلو للمستشفى وطلع من امن الفندق بس لابس مدني....يعني استخبارات..ومن وصلنا للمركز الضابط دخلني اول واحد باعتباري المقصود بالرمي اثنين من اصدقائي الي محلاتهم بصف محلي فاتو وياي..وا حد منهم طلع صديق الضابط ومعرفه اول مشافه تسالمو .وكام يسألني شنو علاقتك..بالشخص الي شرع بالرمي كتله جان خاطب بت خالتي الي هي عروستي هسه وهي فسخت منه قبل فتره واجه مره يتهجم عليها بالكليه واني منعته منها واحتمال كامرات الكليه هم مصوره التهجم مالته عليها..وهسه اجه يحاول يقتلني ويقتلها..حضره الضابط..
وكام يكتب.. كلي
تقدم شكوى او بلاغ ضده حتى تضمن حقك..
اكيد .
وطلعت ويه المامور بسرعة استنساخ هويات واوراق شكوى واجيت قدمتهن لكيته يحقق ويا..
اسمعه يكوله..
لا اعرفه ولا يعرفني ومعندي شروع بالقتل ومرامي عليه مجرد مشكله بيني وبين الولد الامن الي بالفندق مشاجره وتراميت ويا..
حضره الضابط تره الناس البره كولهم شهود هذا كلامه صحيح.
اتفضل ضل بره الى ان يكمل التحقيق ويا..
حضره الضابط تره والدتي مريضه ووضعها حرج ومتعرف شي عني واذا اتأخر يصير عليها شي!!
شنو يعني نحقق على مزاجك انتظر بره..
كعدت بره بس النار بكلبي ع امي اخاف..يصير عليها شي ومو بس امي ياسمين هم اكيد هسه حالتها حاله عليه
بينما جنت بره شفت رجل خالتي اجه..وشفت مخلد هم دخل .. مخلد من حجيتله كلي منو..الضابط الجوه.
كتله..
مقدم سمير..تعرفه..
لا تهتم هاي سهله هسه افوتله ويصير خير وقبل ميفوت اتصل:
السلام عليكم ابو مروة ..لا والله ......بالمركز ورايدك تتصل بمقدم سمير!!
وسكت ..وبعدين كال:
لا يابوي مو هالثخن ..ولد صديقي اليوم عرسه وواحد رمه عليه..ومقدم سمير تعرفه يمكن يخلي للصبح وخطيه امه حيل وضعها تعبان ومتعرف..هو بالمركز..والاهم هو عريس خطيه..وانت بعد اعرف بهاي..
وسكت..
الولد اسمه قصي نعيم..اي والله متقصر ابو مروه..وجميلك على راسي
والظاهر فعلا..خابره لان الضابط صاحني وكلي وقع على اقوالك وعلى الاوراق مال الشكوى ولازم تجي يوم الاحد ابدايه الدوام..ومصدكت طلعت من المركز ورجعت لبيتنا وياي ومخلد وسعد رجل خالتي طبعا مخلد بالطريق فهمني كلي شنو مفهم امي حتى اعرف شلون اتصرف ومن دخلنا خطيه لكيتها كاعده بالطارمة منتظرتني فتنا كولنا ..كالت:
ماما شو تأخرتو ..
ادنيت يمها كعدت يم رجليها بست ايدها:
غير هذا حظي ..وجاب صديقي يرمي وخرب الزفه مالتي واخذونا الامن وبالف ياعلي يله طلعنا الضابط..
اي والله شلون حظ..حتى العالم هسه طشت
بعدنه نحجي وجتي خالتي بيدها شريط براسيتول اول مشافتني باستني وكالت:
الحمد لله اجيت بعد خالتك..ياسمين..تكسر الخاطر تدري بيها خافت من الرمي والشرطة وهسه مصخنه خطيه...اصعدلها يمه..
اي هسه اصعد مخلد بعده واكف:
ههههه..لك شنو تصعد لمرتك هيج غير نزفك الها؛؛
بعد يازفه مخلد ومنو يزفني محد يمنه الناس طشت؛
اني ازفك ليش اني شبيه..وخربت ضحك كام يهلهل ويردح ..
مبارك عرسك يالهيبه وخاله هم هلهلت وابو ياسمين كال:
ولو ميصير واحد يزف رجل بته بس امشي عمي احنا نزفك امرنا لله..
وصعدوني للدرج مخلد يهلهل هو وخاله وامي هم بحضنها جكليت وتشمر بس خطيه متكدر تشمر عالي لان كاعدة بالكرسي وشفتها دمعت فرحانه ووصلوني لباب الغرفه ..واول موصلت نادين فتحت الباب ..
وج ياسمين اجوي..كومي..
طلعت نادين واني فتت..واول مفتت ركضت عليه وشبكتني..
قصي..الحمد لله..الحمد لله رجعتلي.
شبكتها حيل وضحكت حتى تهده
ههههه..يعني وين اروح لازم ارجعلك عيوني انتي!!
وبقت حاضنتني بس شنو احسها صايره جهنم مصخنه ردت اشيل راسها حتي احاجيها حضنتني حيل وبجت..
وخرتها..
هاي شنو ياسمين وج صايره نار كافي
قصي خفت عليك..قصي همزين رجعتلي..ممصدكة رجعتلي..
هههه..شيصير عليه يعني كافي بجي مو اشوفنيي واكف مثل الصل بعد شكو هالبجي والمناشغ..تعالي خلي نكعد اخذي نفس..بعد عمري..اويلي نار..نار مشتعل جسمج؟
كعدتها وكعدت بصفها وايدي حاضنه جسمها خطيه مبينه ماكلتلها خوفه موطبيعيه.. لاطفتها:
هالدموع كولهن الي شنو قابل تحبيني انتي؟؟
احبك شنو ...قصي انت..مو حب بحياتي..انت هدوء روحي وثقتي واماني وكولشي حلو صار بحياتي..
هسه معلينا بهالتسفيط انتي تحبيني وهيج منفعله ع مودي..لو شنو؟؟!
لزمت ايدي وخلتها ع كلبها..وكالت:
انت من سألتني تتزوجيني بسرعة كتلك اي تعرف ليش لان كلبي هو الي كلي كولي اي..هذا شنو معناه..مو معنى احبك..!؟؟ بس انت جذاب ..تزوجتني حتى تسكت امك..مو؟؟
هههههه..اسكت امي شنو..وحقج متدرين؟؟شمسويه بيه انتي؟؟
هااا..شمسويه..شو انت. جذاب..جذاب..جذاب..خلصتها تحضن بيه وتكولي ممتقصد وحضن بريء ليش مكتلي احبج..اذا تحبني..؟؟
ياسمين::::
هو حاضني ومتنظره شنو راح يكول دناني وباسني بكصتي وكلي:
اذا احجيلج ..يمكن تعتبرين كلامي مبالغ بيه بس الحقيقة كلمة احبج جانت محتاجة مني تمهل هوايه مجنت فاهم نفسي ياسمين جنت عايش بذكرياتي واحزاني جانت غرفتي هاي من ادخل الها احس الحاضر يتوقف ومن ادخل الزمن يبقى ماضي ..اي اعيش هنا بالماضي الي بيه كل لحظة عشتها ويه سحر..ياسمين يمكن صعبه واحد يحجي لعروسته عن زوجته السابقة بس اني مو شخص اخفي..مشاعري والونها حسب الشخص الي اتعامل ويا..سحر حبيتها..وتزوجتها وعاشت وياي ايام جانت صعبه وتحملت هوايه ..عوز مادي وحتى عاطفي لان تعرفين الرجل من تفرغ ايده يصير متوتر وميتحمل كلمة ومعنده خلك للعواطف تحملتني وتحملت ايام العوز وعاشت وياي ع الحلوه والمره..وجابتلي عموري ..الى جان ومازال احلى مابحياتي..اي حبيتها وبعدني احبها ومراح انساها ولا اتناساها..ولازم هذا الشي ميضوجج ولا يحسسج بغيره منها لان هي راحت لرحمة الله ومراح تشاركج لحظاتج بيه..ولازم تعتبرين مشاعري تجاهها نوع من الوفاء..والاخلاص للعشره والحب واكيد هسه تكولين اذا تحبها لعد اني شنو موقعي من الاعراب واكيد لازم تعرفيه..ياسمين من اول يوم جبتج بيه لهذا البيت..تذكرين تناقشنا بالسياره وعيونج الوكحات ...بعيوني يحجن من ذاك النقاش واكو احساس بداخلي يكولي..هالبنيه مراح تكون مجرد شخص عادي بحياتك..ويوم بعد يوم اثبت لنفسي هالشي..ياسمين وجودج بحياتي خلاني اعيد حساباتي واتراجع عن وعدي لنفسي انه ما افكر بأي بنيه ولا حتى بزواج وبارتباط..هيج تسللتي لكلبي بهدوء واخذتي مني غصبا عليه..اي والله حبيتج..ومن لزمت اديج وكتلج خليني صديق مقرب جنت اريد من كلامي ادخل. حياتج واعرف كل تفاصيلها حتى الكه فد مجال ادخل منه لكلبج..بس مثل ميكول المثل تجري الرياح بما لا تشتهي السفن ..وبسرعة عجيبه غريبه دخل..ع الخط ثائر ومتوقعت ابد راح..اشوفج لابسه حلقته ..صح انخطبتي اله بس وحق رسول الله اكو شي جان يبرد على كلبي ويكولي اكو امل ..لاتيأس من.. رحمه الله..
بس انت محجيت ولا حرف مبادرت ولا بينت ابد انه انت ميال الي والله لو مبادر مبادره زغيره يمكن هوايه امور تغيرت
ملحكت ابادر ثائر خطفج من ايدي بسرعة عجيبة..وما اخفي من شفتج صدفه بالمطبخ روحي طلعت وكعدت استغغر الله واكول لنفسي لك مو الك..لتحلم بيها ..مو قسمتك ..صارت لغيرك اتمنالها السعادة ع الاقل والباقي تعرفيه..المهم هسه اني كتلج شلون حبيتج بس انتي..هم كلتي احبك..معرفت شلون وشوكت؟؟
وقبل ما احجي..ادنه اكثر ومد ايده نزعني اللفه مال الحجاب وكلي..
اي سولفي..
قصي بصراحة اني..حبيتك لان جنت محتاجه انسان مثلك بحياتي..تجربه ماما خلتني ما اثق باحد بس انت لكيت عندك الثقه وشفت نفسي ضعيفه كدامك اصلا من اكعد احجي وياك ما اكدر اضم حرف ولا اخفي شي..و
مخلاني اكمل ادنه وهو يبوس ركبتي كلي..
اي وبعد
وغصبا عليه..احجيلك كولشي و..
وهم باسني من الجهه الثانيه من ركبتي ميخليني اكمل كلامي.
اي وبعد سولفي..عمري..
اني حيل مستحيه من بوساته وهو يكولي كملي..
ومن قبلت انخطب لثائر مجنت احبه جان عقلي يكولي ..موصفاته كامله واقبلي بيه..
حضني اكثر وباس خدي وكلي..
امممم..وبعدين..
مكدرت اتحمل لمسه من ثائر..اني..حجيتلك مو..
امممم..حجيتي صح..
اكولك شو انت ملتهي تبوس بيه غير تخليني احجي منو سمحلك تبوسني..هالشكل:
خرب ضحك وكلي.
ههههههههه..منو سمحلي مو..اي اني سمحت لنفسي ولج اليوم عرسنا هو العرس غير يبدي بالبوسات لعد شلون؟
هااا..لا..لا اقصد اني استحي..؟؟و..
بعدني ممكمله اخذ شفتي وبده يبوستي اني رحت باديه متحملت بسرعه غمضت عيوني. بس كلبي يرجف واحس بردانه..يمكن خمس دقايق جانت بوساته وهالكد مرجفت كتله:
اوكف قصي الله يخليك شويه انطيني ..
مجال والله حيوكف كلبي!!
وخر عني وكلي..
انطيج مجال ليش..ياسمين ..شنو مترديني لو متقبلتيني مثل...؟؟؟
وقبل ميكمل خليت ايدي ع حلكة..
لا..لا والله شنو ممتقبلتك شهالحجي اصلا اني انسه نفسي بحضنك..بس..اني كلبي يدوك حيل اخاف ما ادبرها؟؟
هههههههه..لج هو منو اليدبرها اني لو انتي شكد فطيره انتي..????????????
مو اني..مدري شبيه احس كلبي يرجف..
وج عادي..هذا احساس اول لمسه اكيد كلبج يرجف.
هااا..ومصخنه اني.
اي دا احس صايره نار كبره انتي..اويلي ..وهذا معناه ليلتنا ساخنه!!!
مد ايده ع سحاب بدلتي كتله:
لا..لا بعد وكت!!
بعد وكت شنو كولي ما اريدك وفضيها ليش قشمرتيني من بستج..وحسستني هالاحساس الحلو؟؟
هااا..جان احساس حلو يعني..
يمووووووت????????????
سكتت شفته ضاج كتله
شبيك ضجت..
مضجت بس احسج تتهربين مني يمكن اني دا اضغط عليج وافرض نفسي كوه!؟
لا والله شنو كوه..بس اني ..مو على بعضي ولتفكر ما اريدك..والله حضنك عندي يسوه الدنيا..
ضحك وحضني وفتح السحاب وكلي:
وج الدنيا متفيدج..لان مبيها جنه دتعاليلي خلي اروايح الجنه مالتي شلونها؟؟
وصرت اله..جنت خايفه منه..بس هو جان حباب..كولش..حساس ورمانسي وهمساته اخذتني فعلا لجنته..وحسيت اختيار كلبي هو الاختيار الصح قصي انسان ميتعوض هو الي اب واخ وحبيب ..احتواني..وحبني وضمني لكلبه ولروحة ..طبعا ماما..وره اسبوع من عرسنا جابت الولد وبابا طاير بيه مكابله وكاعد حتى للشغل بوده ميروح ويعوفه حيل متعلق بيه ويحبه.. وبالنسبه لثائر..الولد الي تصوب اشتكة عليه وقصي هم ثبت دعوه شروع بالقتل والرساله الي جانت جايه الجهازي ومقريتها من فتحتها لكيتها رساله تهديد من ثائر هم ..فادتنا وانرفقت ويه الدعوه..وبقت قضيته معلكة مصادر بيها حكم بس هو محبوس لان محد تنازل عنه..لا الولد المصوب..ولا قصي..واني وره شهرين صرت حامل..ومن عرف قصي...حيل فرح كتله يارب يجيني ولد وتفرح ..كلي لا اريد بنات بس بنات..بس اني جنت اريد ولد وللحمد لله قبل متخلص سنه على زواجنا صار عندي ولد حليو..يشبه ابو..واكتملت بيه فرحتي وسعادتي
انتهت❤️❤️❤️❤️❤️
احبتي ملخص روايتي هو عبارات مختصره وهي..انت تريد وانا اريد ويفعل الله مايريد ..فنجد ان بطلتنا اختارت بعقلها اولا وفشل اختيارها ثم اختارت بقلبها ونجح اختيارها، ..لكن هذه ليست قاعده ثابته..فاحيانا يختار العقل ويخطيء احيانا يختار القلب ويخطيء ولا توجد ضمانات ..ففي النهايه لن يحدث ولن يصح الا ما اختاره الله لنا..
وهناك امر اخر تطرقت له احداث الروايه وهو اخفاء الحقائق فمعظم الاشخاص الذين يدخلون في علاقات جديدة يرتدون قناع الشخص المثالي لكسب ثقه الطرف الاخر وللاسف بعد فتره من العلاقة او بعد حدوث الارتباط. تنقلب الامور رأسا على عقب.وعندها تبدأ مشاكل عدم التوافق بسبب شعور المقابل انه كان تحت تأثير الخداع بعد ان يسقط قناع المثالية الزائف..وقد تؤدي مشاكل عدم التوافق تلك الى الانفصال في النهاية
احبتي اتمنى ان تكون روايتي قد راقت لكم وامتعتكم واستفدتم من محتواها....اكتبو ا لي انطباعكم عنها
احبكم..❤️❤️❤️
#ورودالخالدي