عقل وقلب - الفصل 9 - بقلم ورود الخالدي - مكتملة | روايتك

البارت٩ ياسمين::: قبل ميقترب اكثر ويوصلي تفاجئت بقصي صار كباله ..مدري منين طلع فجأة عبالك جان منتظره يجي.اني ادنيت واكو طلبه جانو واكفين يم مسطبه الانتظار انتبهو وكامو يباوعون علينا اني حيل خفت بس شفت قصي هيج يتخازر ويه ثائر وكله: خو ماكو شي.. ثائر كله: اريد احجي ويه خطيبتي خطيبتك منو؟؟ شنو تغشم نفسك خطيبتي ياسمين ردت احجي قصي لزم ايدي وجرني خلاني وراه..وكله: اعتقد موضوع خطوبتكم منتهي وما الك اي صفه تجيها للكليه وتحجي وياها... شنو انتهى منو كال انتهه وانت منو حتى تقرر مصير علاقتي بخطيبتي..وبصفتك شنو واكف بنصنا ومخليها وراك.. بكيفك...بأي صفه اعتبرني ابن خالتها ..اوخالها كوله واحد طبعا قصي يحجي وصوته يشبه التهديد بس برهاوه ثائر كله: اي واذا ابن خالتها ..لو خالها شنو يعني تمنعني احاجيها.. اي بالضبط امنعك..وانصحك تروح منا ولتخلي عقلك يوزك بعد تجيها لهنا.. قصي وخر عن طريقي ما اريد اتصرف تصرف ميعجبك.. ههه..شو بله اتصرف ..تصرف ميعجبني عادي اضغط جواه..سمايل اغضبني..???????????? قصي يحجي وحجيه كوله استفزاز لثائر ثائر عيونه صارت بكصته لان ديسهزء بيه ..بسرعة اجه يمه ولزم قصي..من مقدمة تي شيرته وكله: قصي وخر عن طريقي..وبطل هالهمبلات..لتخليني ااذيك..!! انت ولك تأذيني دهاك استلم الاذيه الزينه.. وبلحظه خطف قصي ضرب ثأئر كله على وجهه ثائر مسيطر من قوه الكله..تكوم بالكاع وخشمه بسرعه كام ينزف اني متت من الخوف والرجيف اخذني وحتى الطلبه بثواني التمو علينا قصي راد يدنك ويرجع يضربه بسرعة وكفت كدامه: لا..لا قصي..عوفه بعد لتضربه كافي عوفه الله يخليك.. طبعا راد يضربه فعلا بس شافني ارجف واسناني اطكطك من الخوف وعيوني غوركت ..التهى بيه كلي ادني ياسمين لتصيرين بالنص.. لا..لا قصي عوفه الله عليك بينما ديحجي وياي الولد كومو..لثائر بس ثائر بعد متقرب علينا التهى بخشمه الينزف..والولد اخذو لسيارته وقبل ليصعد ..ضمياء جتي تركض شافته كامت تصرخ لان هي جانت جوه بالكافتريا متدري بلي ديصير سمعته يكولها.. لج صعدي لتصيحين اني الهم...اني اعلمهم سهله هاي.. شفتها اخذت صفطة كلينس وخلتها ع خشم اخوها بس هو شمر الكلينس من الجامه وحرك بسيارته وبسرعة راحو.. قصي رجع لزم ايدي واخذني لسيارته وبسرعة ..حرك بالسياره هيج طار بيها ومن عبرنا شارعين خفف شويه طبعا اعرف ليش طار بالسيارة يريد يبعدني عن باب الكليه لان شاف الطلبه التمو..واني شافني ميته خوف..ومن خفف التفت عليه وكلي: ياسمين شالسالفة ترجفين واطكين سن بسن تره ماكو شي؟؟ ما..ما..كو شي شنو قصي يعني الصار شي عادي.. كوه طلع الحجي مني وهو هم انتبه ع ايديه يرجفن واني لازمه حزام جنطتي بسرعة مد ايد واخذ ايد هيج خله اصابعة بين اصابعي وجر ايدي خلاها ع صدره وكال: اهدي..اهدي هاي شنو شكد خوافه انتي..دمج اختفه من وجهج ع كيفج..ريلاكس عيوني انتي.. ريلاكس ..شنو ق..قصي انت..انت شفته لثائر شلون جاي والشر بوجهه..وشفت الطلاب شلون التمو علينا عزززة..عزززة باجر اصير علج بحلوك البنات.. ههههه..ليش انتي شمسويه وتصيرين علح بحلك احد ..بعدين شغله بسيطة متستاهل ..كل انفعالج وخوفج هذا.. ش..شلون متستاهل.. ديله كافي خوف واخذي نفس وج اني وياج شلون تخافين..من هذا الجبان! بس مراح يسكت.. واذا مسكت هم ابسطه مره لخ..وكلما يجي للكليه ياخذ المقسوم..مني.. مو..مو اخاف الموضوع يطور ويعاديك واذا ميكدرلك يضربك غفل..وغدر؟؟ ههههه..وانتي خايفه عليه...لا انضرب غدر..لا لتخافين هذا معنده هالشجاعة بالضبط مثل جرو زغير يعوي شويه ويسكت ..هههه..لج شفتي شلون تكوم مثل الزعطوط لو بيه خير جان وكف ورجع واجهني وردلي الضربه بس هو جبان اخذ اخته وفلت.. هو بقه مخلي ايدي بأيده ومخليهن ع صدره ويحجي ردت اسحب ايدي ضغط عليها اقوه وكلي.. اهدي عيوني انتي كتلح اني يمج وهذا الهوه ميمس شعره منج.. ارتاحيت شويه لان يحجي بزوده وبثقه مريحة ومحاولت اوخر ايدي بالعكس اني هم باصابعي شبكت ع اصابعة..وكتله: اعرف..اعرف كولش زين اني وياك بأمان بس انت مثل مكلت هذا جبان وكولشي يطلع منه واسهل شي يروح البابا وينعاد الموضوع وهم يرجع بابا يأذيني..؟؟ محد يأذيج..بعد واليمد ايده عليج اكطعها اله حتى لو ابوج وهذا ثائر اذا فكر بعد يخبث ويسويلج مشاكل وروح ابويه اروحله للبيت اكتله خلاص واخلصج منه.. اني تخيلته يكتل ثائر وتصير طلابه وياخذون مني قصي ويحبسوه وبعد ما اشوفه بقيت صافنه وهيج افكر رجعت دمعت.. هاي شنو ياسمين هم دمعتي اي ليش تأذيني ..؟؟ قصي تكول اكتله خلاص..لا..لا اسم الله ان شاء الله متوصل الامور لهلدرجه.. وين متوصل خلي توصل بس انتي اطمئني وارتاحي... ارتاح يعني اني ارتاح اذا اطورت الامور وانت كتلته واخذوك حبسوك..يعني من كل عقلك دتحجي تروح تنسجن باقي عمرك ع مودي.. هو ضحك..حيل.. ههههههه..مو انسجن ع مودج بس وحق عيونج ذني الجنهن كلوبات..زرك...مستعد اروح اعدام...بأي مخلوق بهالدنيا يفكر يأذيج.. الله يخليك! المن؟؟ الي..!! وكلبي طفر من صدري من شال ايدي المخليها بايده وخلاها ع شفته باسها بهدوء وكلي.. هسه ارتاح كلبج. ياااا يكولي ارتاح كلبج يا ارتاح احسه راح يطلع من صدري من المستحة عززة شلون رفع ايدي وخلاها ع شفته وباسها بهدوء ...متت..بسرعة سحبتها منه ودنكت.. هاااا..هسه..راح تبدي المحكمه وليش..تلزم ايدي وليش تبوسها واني المتهم والمحامي وابدي ابررلح وهم ينشلع باب كلبي حتى تقنعين معندي شي!!..مو!! لا..لا ماكو داعي مصار شي ..ل..لتهتم.. اي الحمد لله يعني ماكو محاكمه وحلفان لا..لا ماكو؟؟ هو يمشي بالسياره واني ادعي كون الطريق بسرعة يخلص حيل مستحيه منه واحس شفته بعدها على ايدي رغم وخرت ايدي بسرعة ..ووصلنا للبيت نزلت وشفته واكف ينتظرني الى ان دخلت لبيتنا..وبس دخلت لغرفتنا الي..صارت الي وحدي لان نادين تزوجت وبقه مكانها فارغ..وايناس وتقاوي غرفتهن بصف غرفه ماما وبابا كعدت وحدي اباوع ع ايدي وابتسمت يااااا..شبيه شنو مستحيه لو فرحانه لو كلبي مدري شبيه يريد يطير من صدري..يربي..شهالاحساس الي احسه وياه..راح اتخبل اني اعرف هو متعاطف وياي ويريد يحسسني هو سندي ومسؤول عني بس اني من اكعد ويا مشاعري غير والله خو لمسته تربكني مدري تسعدني مدري تخجلني كل الي احس بيه..انه كلبي طاير..طاير ويا لغير دنيا ..وهالاحساس ما احسه وي اي مخلوق بالدنيا بس من نحجي اني وياه..هو سندي وثقتي وامان روحي..وفرحتي وابتسامتي..وحضنه المكان الوحيد الي يسوه عندي كل لحظة عشتها بهالدنيا...يربي خاف...اني احبه وممتنبهه ع نفسي واذا احبه شنو قابل اروح اكوله احبك..عززززة والله ما اسويها لو اموت. ثاني يوم قررت ما اروح للكليه اي لازم ما اروح هاليومين بلكي اتجنب ثائر بعدين الموضوع البارحة صار واكيد من اروح ما اخلص من اسئله زميلاتي ..فمكعدت الصبح بقيت نايمه موبايلي يم راسي دك برقم قصي شلته الووو..هلو قصي.. هلو ياسمين وين صرتي صار ساعة منتظرج موتدرين عندي عمال وصباغ بالبيت ولازم اوصلج وارجعلهم ليش تأخرتي اليوم؟؟ اسفه والله نسيت اتصل بيك واكولك اليوم ما اداوم؟؟ ليش مداومين بس لا مريضة ؟؟ لا..لا..مو مريضة بس معندي محاضرات هوايه وحتى المحاضره المهمه الاستاذ بيها مجاز يعني ممستاهله اروح ع مود محاضره وحده باقيه اخذها من البنات.. ياسمين متأكدة هذا السبب لو مداومين بسبب ثائر؟؟ لا..لا..هو هذا السبب بعدين انت كتلي تاخذني وترجعني اكيد ما اهتم لثائر وانت وياي.. ماشي لعد اني راجع للعمال ..محتاجه شي؟؟ سلامتك؟؟ وسد التليفون فكرت اليوم كتله معندي محاضرات واقتنع زين باجر شأكوله هو بسرعة يحس عليه وبقيت قلقة الي ان صار الليل واجه بابا هم ..صاحني وبده يرزل بيه يعني ثائر مسكت شافني مداومت ومكدر..يشوفني راح لبابا حجاله حتى يفتح الموضوع من جديد..طبعا بابا يريدله حجه عليه..وبقه يصيح ويكولي ترجعيله غصبا عليج الولد كلي بلسانه احبها ومشتريها وشتريد اني حاضر..ليش مترجعين اله لازم اكو انه..انتي موخاليه.. وكمت ابجي واحلفله اكوله معندي شي ومرايدته ..هو يصيح واني مصره على كلامي بالاخير كلي: ماشي مرايدته لهالولد الدره..يطبج مرض انتي لجبتيها الروحج وحق رسول الله ...اذا يجي يخطبج..اي واحد غيره عسما....مجدي ...يجدي ع الرصيف هم ازوجج اله واذا تفتحين حلكج بعد متلومين اله نفسج.. وبليلتها منمت بقيت ابجي الليل كوله اعرف بابا واعرف كولش زين هو مراح يطول وراح يجيبلي واحد مدري منين ممنين ويجبرني اتزوجه بالعناد لان رفضت ثائر وهوجان فرحان بثائر ومقتنع بيه..بس شسوي هسه اتصل بقصي واحجيله بلي صار..لا..لا...اكبر غلط احجي لقصي لان قصي يمكن يتهور ويروح يتصادم من يعرف ثائر حاجي لبابا وبابا راجع فاتح الموضوع وياي وحاجي هالشكل لا..لا اسكت احسن..كعدت الصبح راسي منفوخ من البجي..وقبل ميتصل قصي اتصلت بيه.. الوو هلو ياسمين شنو طلعتي من البيت بعد وكت حتى بعدني ممتريك..الساعة سبعة وربع؟؟ لا..اتصلت حتى اكولك اليوم هم ما اداوم..راسي حيل يوجعني.. والله عرفت انتي..متردين اداومين بسبب ثائر وادورين حجج البارحة الاستاذ مجاز واليوم راسي يوجعني.. والله راسي حيل مأذيني ليش متصدك؟؟ اي..اي مصدكج عموما لتداومين براحتج اني العصر جاي اخذ امي ارجعها للبيت والي وياج حجي..ثاني؟؟ هاا..كملت البيت.. اي كملت بس بعدني دا اصعد اثاث لغرفتي للعصر ان شاء الله كولشي يكمل..ماشي..ماشي ياسمين هاي وحده وياج.. وسد التليفون بقيت متوتره الى ان صار العصر..واجه قصي خاله تبوس بيه خطيه عبالها صدوك جان مسافر..وكيفت لان حترجع للبيت بسرعه خلت ماما تلم ملابسهم وتخليهن بالجنطه..تريد بس ترجع لبيتها..طبعا قصي كاعد وقبل ميحجي كدام ماما ..اني اشرتله هزيت راسي يعني لتحجي وانتظر وفتت للمطبخ كتبله رساله: قصي لتحجي شي كدام ماما..والبنات باجر اداوم وداعتك!! ومن طلعت من المطبخ هو هم عينه عليه بيدي موبايلي اشرتله يفتح موباله فتح الجهاز قره الرساله بسرعة وابتسم...وكال لخاله يله يوم..تره حيل تعبان خلي..نروح هسه.. واخذها..وقبل ميطلع من باب الصاله خاله كالت الماما باجر ياسمين تجي يمنا مو؟؟ اي..اي تجي ليش متجي..؟؟ التفت عليه هالمره مشفت الابتسامه بشفته لاشفتها بعيونه هو ذكي وحيل كتوم ويكدر يضم انفعالاته عكسي اني بسرعة يبين عليه اذا جنت فرحانه او مغثوثه من طلعو ..رجعت افكر بكلام بابا حيل مأذيني كلامه واعرف هو قاصد كولشي كاله..اي راح يزوجني شلون مجان لاي شخص يطلبني منه عادي عنده هو اصلا يوميه يسولف بموضوعي قبل خطوبتي من ثائر واسمعه يحجي ويه ماما ولشوكت تضل كاعده فلان حاجاني عليه وعلان رايدها لابنه اووف شلون اخلص من هالعذاب الي لاحكني ومنغص عليه كل لحظة بحياتي...وهم منمت زين مره اصفن مره ابجي وامسح دموعي ما اكدر اضم بكلبي محتاجة احجي محتاجة اسولف همي لقصي بس هالمره ما اكدر اذا احجيلة راح اعم عليه..واخاف يتطور الموضوع ..واعرفه هو كول وفعل ..ويروح بيها..بسبب تهور منه لو يسجنو وبعد ما اشوفه..وحتى يمكن ينعدم ..اذا وصل الموضوع للقتل..اسكت..واضم بكلبي احسن..ثاني ..يوم الصبح طلعت للدوام لكيته منتظرني اول مصعدت كتله: صباح الخير.. صباح العافيه ياسمين.. ومشت السياره بينا..اني ساكته ..وطبعا هو من طبعه حيل نبه وسريع البديهه بسرعة كلي: شو مو على بعضج..عيوني انتي؟؟ ها..لا مبيه شي مو كتلك البارحة جان راسي يوجعني بس اليوم احسن ولو عندي صداع خفيف شويه!! لعد اخذج هسه للطبيب.. لا..لا..ياطبيب اليوم عندي امتحان..صديقتي نازك من البارحة خابرتني واكدت على الامتحان.. لعد من اجيج الظهر اخذج للطبيب.. قصي تره مبيه شي صداع خفيف من اثر البارحة واليوم اني كولش زينه بس ممبين انتي زينه كلبي يكولي ..بيج شي ما اعرف مريضه مغثوثه يعني بيج شي والله ابتسمت حتى اطمنه. مبيه شي قصي..وداعتك.. وصلني للكليه والظهر اجه اخذني لبيتهم طبعا من دخلت شفت ..باقي علب اصباغ بالحديقه فتت جوه كتله: راح اصعد فوك اشوف شنو سويت صعدت لكيت الطابق الفوك مصبوغ ومرتب والكهربائيات مبدله وهو مخلي غرفه جديده بس بعد ممرتب ملابسه بيها..واكو بعد نواقص ممكملهن ...نزلت من فوك شفته يحجي ويه خاله: يوم..لخاطر الله كافي يعني ميصير..مصرة ع حجايه وحده .. بس هي متحجي ويا..مبينه زعلانه منه فكرت كلت يمكن خاله زعلانه منه لان احترك البيت وضم عليها ومكلها وسوه فلم السفر اي حقها تزعل..دخلت سلمت عليها وفتحت العلاليك..اريد ابلش اسوي غده..سمعتها تكولي: ياسمين خاله اذا..كملتي الغده صبيلي صينيه وحدي وجيبيها لغرفتي!! شفته ضاج وكلها: يوم مو كتلج كافي!! التفتت عليه وكالت: شكافي ..ولك شنو تريدني اكابلك واكعد اكل وياك..بالمطبخ واني كلبي غضبان عليك..لا والله متكابلني على اكل منا لما تسوي الاريده ..خوش..والله يضحك على عقلي بحجاياين عباله اقنع مثل كل مره؟؟ وعافتنا وراحت..تدفع بعربانتها عموري راح يركض وراها وسد الباب. شفته كعد ع الكرسي..وكال: اوووف امي بعد شيسكتها..وشيفكج ياطلابه وياها.. اني جريت كرسي وكعدت يمه كتله: ها قصي شبيها خاله زعلانه عليك لان من احترك البيت ضميت عليها وكتلها مسافر..اي خطيه حقها..تزعل؟؟ لا ياسمين موهذا سبب زعلها اصلا هي كيفت من عرفت غرفتي احتركت واحترك كولشي بيها؟؟ يااا..كيفت شلون؟؟ اي والله مثل مسمعتي كيفت تكولي الحمد لله والشكر من احتركت الغرفه وخلصت منها..وتكولي الله يحبك وخله غرفتك تحترك حتى تطلع من هالظلمة العايش بيها وتخلص من ذكريات المرحومه الي مكابلهن ليل نهار وتبدي حياتك من جديد.. هااا..فهمت..بس تعرف هي هم حقها..انت بعدك شاب صح مرتك تحبها وعايش ع ذكرياتها بس انت محتاج زوجة ومحتاج حياة جديده لشوكت تضل وحيد..وامك تريدك سعيد دائما لتلومها هذا احساس كل ام خصوصا انت ابنها الوحيد؟؟ اعرف حقها والله اعرف..واني اصلا جنت رافض فكره الزواج بس هسه كمت افكر بيها وبأبني واني هم تعبت من الوحدة..بس امي مستعجله اكولها محتاج وقت شويه حتى اخذلي بت حلال تكولي ما اتحمل صارلي اربع سنين متحمله على اعصابي واريدك هالاسبوع تشوفلك بت حلال....ما اريد اموت واني بالي يمك؟؟ اسم الله عليها..خطيه تفكر بالموت.. اووف قهر والله قهر..مره اكول حقها تستعجل ومره اكول محتاج وقت وما اكدر اني استعجل.. ميخالف حاجيها..وراضيها خطيه هيه مريضة ميصير تضل زعلانه.. المشكله قافله متقبل تحجي وياي شفتيها تحلف تكولي ما اكابلك على اكل اله تسوي الي ابالي..!! صفنت كلت خطيه قصي هم همه مثل همي..هم مخلصان من ضغوطات الاهل..شافني صافنه كلي: هسه اني هاي مشكلتي ومتعود عليها..انتي شبيج تتصفنين ياسمين..اعرف اكو شي بيج والله انتي مغثوثة مو شغله مريضة من الصبح شفتج موطبيعيه احجيلي شبيج !! دنكت.. مبيه شي قصي!! لا اشو بيج شي وراح تحجيلي غصبا عليج.. شلت راسي باوعت بعيونه مشكلتي اضعف كدامه ما اكدر اضم عليه اي شي بس فكرت ما..اجيب طاري ثائر لان اعرف رد فعله فكتله: قصي بابا..حيل مأذيني بالحجي حيل ديضغط عليه لان فسخت صارله يومين يحلف يكولي اي واحد يدوك بابي ازوجج اله ومتفتحين حلكج واذا عارضتي متلومين اله نفسج..؟؟ صفن بوجهي يمكن دقيقه كتله: هااا..شنو شو متحجي بدون مقدمات كلي: ياسمين..تتزوجيني!! هالكد متفاجئت..حسيت كلبي وكع مني ..كتله: شنو؟؟ تتزوجيني؟؟ رجع عادها من فرحتي ممصدكة يكولي تتزوجيني ياا..خاف دا احلم معقوله كالها هيج بسهوله ..قصي ..سندي واماني وثقتي..والي يعرف كولشي بداخلي والي مجنت احلم بيوم من الايام تطلع منه هالكلمة كالها هيج بسرعة بدون مقدمات!! شو سكتني ياسمين..تفاجأتي مو؟؟ ضاع الكلام مني: اني..اي..اقصد ..تفاجئت..اقصد..ما..اعرف شنو..اكولك؟؟ ياسمين..تزوجيني..والله هذا الحل الوحيد الج والي اعرف ممفكره بيه كزوج..واعرف مكانتي شنو عندج بس كافي تتعذبين كافي عايشه تحت رحمه ابوج الي معنده احساس ابوه اني ما اتحمل اشوفج تتعذبين اريد احميج من هالبشر وما اريد احد يجبرج على شي مترديه بس بصفتي ابن خالتج ما اكدر امارس دور حمايتي الج كامل اول وتالي ابوج ينفذ الي براسه وينطيج..لاي واحد..واذا نطاج غصبا عليج..يمكن اسوي جريمه بيه وبلي جاي ياخذج..بعدين اني هم تعبت من الحاح امي..تزوجيني ياسمين..صيري الي..واصير الج خلي عذابنا يخلص..وتخلص كل مشاكلنا واني والله..والله والله وهاي حلفت ٣مرات مراح افرض نفسي عليج واجبرج على شي مترديه..مني..ولا راح..اخذ منج شي بضعف لو بقوه..تفهميني!! يعني انت تريد تزوجني لان تريد تحميني وترضي امك مو لان شايفني زوجة مناسبه.. طبعا كلبي انعصر واني انتظر رده..وفرحت من كلي' اكيد انتي مناسبه الي لا مو بس مناسبة اشو مناسبه ونص و٣,ارباع هم استحي اسأله واكوله يعني انت تحبني لولا ما اكدر اكولها حيل السؤال يخجل ..وقبل ما احجي كلي: فكري زين بكلامي عندج كل الوقت ومن تقررين انطيني قرارج الاخير! يااا..يكولي فكري شنو افكر ..شنوالي افكر بيه كلي تزوجيني وكلي انتي زوجه مناسبه الي واني احبه اي والله تأكدت من نفسي احبه من كلي تتزوجيني وكلبي رفرف وطار..اي والله هالمره كلبي هو الي اختار ورضا ورفرف وفرح بسرعة كتله: موافقه اني موافقه قصي هيج بسرعة قررتي ..لا..لا ياسمين فكري اعرف فاجئتج واعرف لكيتي بكلامي حل سريع بس ما اريد تندمين بعدين كتلج فكري زين؛ واني كتلك موافقه ممحتاجة افكر.. متأكده.. كل التأكيد؟؟ من سمعني كتله كل التأكيد بسرعه كام لزم ايدي واخذني لغرفة خاله بسرعة كلها: يوم.. شافتنا اثنينا فايتين: هاشعدكم..جايين تردون تصالحوني..وجايب ياسمين حتى تأثر عليه مو!! لا يوم..مو ردتيني اختار عروسه؟؟اي هاي عروستي اختاريتها.. حسيت حلكها نشف خاله كالت: عروستك منو تقصد ياسمين!! اي يوم ياسمين.. اشو خاله ابتسمت بس مدري شبيها كامت تتنفس بسرعة هو عافني وراح يمها: يوم شبيج..يوم شتحسين انتي ماخذه علاج لولا اليوم..!! شفته قلق عليها..هي طلع صوتها مخنوك لتخاف يوم..فرحت..حيل..ف..ر..حت. يوم لتنفعلين.. وضل يضرب بخدها.. يوم شو حاجيني.. هي كوه تحجي اني حيل خفت عليها.. خاله شبيج..خاله ..خاله.. لزمت ايدي وكالت..عطشانه اريد مي..لتخافون ..اني..فرحانه..فرحانه بس فرحانه..ياسمي.. ومكملت اسمي وكعت بدين قصي..وغمضت عيونها انتظروا بارت١٠..غدا