عقل وقلب - الفصل 7 - بقلم ورود الخالدي - مكتملة | روايتك

البارت٧ ياسمين:::: وره يومين من رجعتي من بيت خاله اتصلت خاله بماما تبشرها وتكولها احلام جابت ولد طبعا ماما طارت من الفرح بسرعة بدلت وراحت لبيت خالتي اني هم فرحت لاحلام ..ومرت الايام عاديه ثائر يوصلني لاهلي وويانا ضمياء ويرجع لبيتهم هو واخته لان حجيتله وكتله بت خالتي جابت وماما عدهم ومن تصير احلام زينه ماما ترجع واني ارجعلهم ..بعدين وجان كولشي طبيعي ..طبعا قصي بعد مشفته ولا اتصلت بيه رغم اني ..بصراحة جان بودي يتصل ويسأل عليه بس هو متصل كلت خليه ع راحته اني هم استحي احجي وياه..المهم اجه يوم الثلاثاء الي صادف قبل يوم حنه نادين .رحت الصبح للكليه عادي..بس ضمياء مجانت مداومه خابرتها كالت اليوم ما الها خلك كلت عادي يجوز تعبانه او منشوله..المهم من خلص الدوام طلعت ردت اخذ تكسي لان ثائر يعرف اني مراح اصعد ويا اذا ضمياء ماكو..بس استغربت من طلعت من الكليه لكيته منتظرني اجه يمي وكال: هلو حبي..شنو راح تضلين واكفه هنا يله خلي نروح!! لا اصعد تكسي ويه البنات .. ليش يعني..اني جاي عليج؟ لا ثائر اني كتلك اذا ضمياء ماكو اني ما اصعد وياك شفته ضاج وتنفس بسرعة حسيته كوه مسيطر على اعصابه: شنو متصعدين قابل راح اكلج لعد ليش مسميني خطيبج اذا تخافين تصعدين وياي..قابل اني وحش لو سربوت وانتي ما امأمنه بيه..؟؟؟ ثائر لتحول الموضوع لقضيه كتلك ما اصعد وياك والافضل تروح هسه. اشو هذا بسرعة جرني من ايدي كدام الطلبه ويسحل بيه سحل عبالك نعجة وديجر بيه وراه ردت اخلص ايدي بس لازمني حيل فتح الباب كتله هدني شبيك تخبلت ما اصعد وياك.. زمخ بيه وصوته يخوف: ياسمين صعدي لا اكفر بيج؟؟! كتلك ما اصعد يعني عاجبج افشلج كدام الطلاب؟ تفشلني..؟؟ اي صعدي لا اتصرف تصرف ميعجبج.. اضطريت اصعد واول مصعدت طار بالسياره بسرعة كتله: اليوم شبيك ثائر شهالعصبية شهالخبال كدام الكليه..شصايرلك..؟؟؟؟ شصايرلي ياسمين..اني اكولجياها بصراحة تعبت اي تعبت حيل مرارتي طكت من وراج لج انتي شنو من بشر معندج احساس معندج مشاعر الي وج اني كلبي معطب عليج وانتي ولا يمي مخليه ضمياء حارس بيناتنا ليش اني مو شاب مثل هالشباب واريد اعيش جو خطوبه حلو ويه حبيبتي وخطيبتي والي راح تصير شريكة عمري ليش ماخذتني بالعين الزغيره ومن عرفتج لليوم تحجين وياي معلك من طرف خشمج وتعنفصين تعنفص عبالك اني خادم عد ابوج واني اصبر واكول خليني مسايسها خليها على راحتها احبها ومستعد اتحمل بس هسه بعد ما اكدر لج خبلتيني لج طلعتيني من شخصيتي اني ثائر الي اهلي يحسبولي الف حساب ويرجفون مني..هيج..مخليتني مثل الطفل اتوسل بيج..بس ع مود ننفرد سوه شسويلج اكثر..كولشي اتكوليه اكولج صار وادللي وميخالف..تعبت واني ذال نفسي تعبت واني خاضع للتعنفص والدلال مالتج....ممصدك حتى اني بنفسي اني هيج اسوي وانذل..بعد شتريدين حتى زواج اختي اجلته وغيرت كل مخططاتي وتفاشلت اني وصديق عمري ع مود ارضيج وحتى متزعلين وتكولين هذا متسلط ويجبر اخته..خرررب ولج ذليتيني ذله كفار قريش..ليش ..ليش..اتحمل كل هذا وساكت انعل ابو الحب الي يذل الرجل ويخليه لعبه بيد مره اشلعه لكلبي واشمره بالزبل اذا حبج يبقى ذالني.. سمعته هيج يحجي واني ساكته لا اخذ ولا انطي..هيج خرطهن كلهن كدامي خرطة وحده وعيونه تجدح ومن خوفي حتى نفس ما اتنفس بس عيوني جرت بالاخير غصبا عليه..شافني بجيت بسرعة ضل يكفر من سمعته يكفر ويضرب ع الستيرن خفت منه اكثر: لج لتبجين عليمن تبجين على طياح حظي..جايج حتى اكولج كلبي طك واريد زواجنا يتقدم ما اكدر انتظر لنهايه السنه احبج واريدج عليمن دموعج يجرن مثل المطر شمسويلج اني؟؟ بس كلامه ما هدأني لان عيونه خوفتني كتله: ن..نزلني هنا..نزلني بسرعة انزلج شنو.. صرخت بوجهه.. كتلك نزلني بسرعة ثائر.. بس مسمعني طار بالسياره صرخت عليه: وين ماخذني كتلك نزلني..نزلني لحظه ياسمين سكتي لتخافين.. اخذني لشارع فارغ ووكف السياره يم شجره وقفل الجامات وكلي: شبيج حبيبتي خفتي مني ..لان صيحت عليج..والله ما اريد اخوفج بس اعذريني كلبي طاك عليج..لتبجين فدوه لعينج.. خليت اديه ع وجهي هو اخذ ايدي وجرني: اويلي هذا كله البجي بسببي .؟؟ حسيت ايده نار على ايدي لعبت نفسي منه ومن اسلوبه واكثر شي من سمعته كفر..سحبت ايدي من ايده وكتله: ايدك..وخر ايدك لتلزم ايدي فهمت..؟!! ما امد ايدي عليج شنو..اشو انتي تزمخين بوجهي..شنو طنطل كدامج اني..؟؟ راد يلزم ايدي مره لخ جفلت منه وابتعدت لزكت نفسي بالباب مال السياره.. اووف لزمتي ضوجتتج..ماشي حقج ممتعوده عليه هسه اعودج.. جرني من ايدي وراد يحضني بالكوه مدري شبيه اختنكت وحسيت نفسي راح اموت صوتي طلع بالكوه: ثائر...ث..ثائر..لا..لا اختكت ثائر راح اموت افتحلي باب السياره خلي اتنفس..افتحلي الباب شافني تخربطت بسرعة هدني وكال: شبيج..شبيج ياسمين وجهج صار اصفر شبيج حبيبتي ردت اراضيج بس.. شافني ما اكدر اتنفس ارتبك كلي.. ياسمين حاجيني مو وياج اني شبيج بعد عمري افت...افتحلي الباب..اريد ..اريد الهوه..بس هوه.. نزل فتحلي الباب اني نزلت اول منزلت انتجيت ع الشجره وتقيات معدتي كولها....ركض جابلي كلينس وراد يمسح حلكي اخذته من ايده ومسحت حلكي واخذت نفس شويه صرت زينه باوعلي.. ها عمري هسه احسن..باوعت بوجه حسيت نفسي اكرهه ونفسي تلعي منه اصلا بعده محاضني حسيت نفسي تخربطت واريد اذب من راسي وبهاللحظة عرفت نفسي مطايقته ومستحيل اتقبله او اتقبل لمسته كلي: يله خلي ارجعج..للبيت نامي وارتاحي يمكن انتي مريضة واني ضغطت عليج.. وبسرعة فكرت رحت اخذت جنطتي من سيارته هو بس يباوعلي ومن شافني اخذت الجنطه كلي شدتسوين.. دا اسوي الصح ثائر.. نزعت الحلقة من اصبعي ...وخليتها ع البنيد وكتله ما اريدك..ما اريدك ثائر وهذه حلقتك..وكولشي انتهى.. ومشيت لحكني ووكف كبالي: ياسمين شنو ما اريدك وتشمرين الحلقة بوجهي.. اي ما اريدك.. شنو هو لعب جهال الحجي مو بكيفج.. يا اخي ما اريدك..تفهم متفهم ما اريدك وبس.. ماشي اعرف انتي زعلتي مني اني اسف..والله ..تعالي صعدي خلي نسولف بهدوء.. كتلك ما اريدك..واذا تجبرني اصرخ والم الناس لتشوف المكان هاديء تره بس اصرخ تلتم العالم واذا شفت الناس اكولهم يريد يخطفني احسلك روح منا واني ارجع لاهلي..كتلك عوفني بحالي لا اريد اسولف وياك ولا..شي.. جرني من ايدي صرخت حيل عوفني..كتلك عوفني.. ولحسن حظي مرت سياره بيها ناس..من شافو يجرجر بيه فترت السياره هو شافهم هدني وكال: ماشي..ياسمين مترديني مو اني اعلمج..والله اله اخليج تتندمين..الحجي مو وياج بعد الحجي ويه ابوج شتريد تسوي سوي.. وعفته ومشيت....مسافه طويله وحدي الدنيا ظهر وهم ما اكدر اصعد تكسي ..اي الحمد لله هذا تكتك بيه مريه خلي ااشر واصعد وياهم وفعلا صعدت ورحت للبيت....دخلت بدلت ملابسي ..متغديت نادين تصفط بملابسها بالجنط شافتني شايطة حجيت الها وكتلها فسخت خطوبتي بس مسولفت الها الي صار رغم هي تلح وتكولي ليش وشصار احسن نادين..ما اريده لثائر والله مستحيل اصير اله بعد اي ليش.. ما اريده وهاي هيه بس ..بابا اذا عرف انتي فاسخة يتخبل اصلا هو مصدك انتي توافقين تنخطبين تدرين بيه شكد جان يلح بهالموضوع.. شيصير خلي يصيركتلج كولشي انتهى يعني شيريد يسوي بابا يذبحني يصلخني..خلي يذبحني بس ما اتزوج ثائر لو تنكلب الدنيا.. ليش شسوالج احجيلي غير اني اختج وتحجيلي.. مسوالي شي بس ما اريده وهاي هيه وبقيت كاعده يم نادين الوم بنفسي ليش وافقت بيه وليش قبلت انخطب اله واتذكر كل كلامه وياي وشلون تحول لشخصيه ثانيه عصبي ويصيح واكثر شي لعب نفسي منه من ضل يضرب ع الستيرن ويكفر بعلو صوته..وشلون حسيت لمسه ايده اذتني ومن راد يحضني لعت نفسي واختنكت وطلعت من السياره اذب من راسي...لا مستحيل اتزوج واحد تلعب نفسي منه لدرجة التقيؤ يعني مراح اتقبله واذا تزوجته راح اظلمة واظلم نفسي طوال العمر همزين تصرفت بسرعة وشمرت حلقته بوجهه..اي مااريده وشيصير خلي يصير مستعده اتحمل كولشي.. بينما جنت اقكر دك تليفوني برقمه مرديت خليته صامت وهو يتصل يمكن ٢٠مره اتصل مجاوبته وبعدين شفت منه رساله يهددني بيها: ياسمين..ردي عليه واذا متردين الج مهله منا الباجر بالليل تراجعين نفسك..وتتصلين بيه..واني مستعد اراضيج بأي طريقة تعجبج..واذا بقيتي راكبه راسج ومتصلتي باجر بالليل تره الحجي يوصل لابوج لان اني مولعبه بيدج وبيد اهلج حتى ترفضوني بدون سبب مرديت عليه كلت خلي يكول لبابا ..وشيسوي خلي يسوي! العصر نادين كالت اكو عندي نواقص شويه خلي نطلع نكملها ..وانتي هم اشتري فستان للحنه لو نأجر واحد اوربي من المول الي اجرنا منه بدلاتي!! ما اريد لافستان ولا شي البس اي شي يااا..شبيج ياسمين يعني باجر حنتي راح تضلين هيج مبوزة صدوك جذب متردي لثائر خلي يولي بس لتخربين عليه فرحتي اصلا اني حاصرتني البجيه صارلي ٣ايام لان راح افارك ماما وافاركجن.. وشفتها دمعت انكسر خاطري عليها.. يااا لتبجين نادين .ولا يهمج يله هسه نطلع نشتري نواقص وافرحي واذا تردين انتي اجريلي فستان على ذوقج؟؟ اي هيجي فرحيني لتخلين شي ينغص علينا تره احنا الفرح قليل يمر علينا. وطلعنا العصر..كملنا النواقص ومرينا ع المول الي اجرنا منا..نادين اختارتلي فستان لونه قهوائي طوخ كولش مايل للسواد كالت روحي قيسي: يااااا..صدوك تحجين ولج هذا قصير والدلعة شكبراتها ظهري كوله يطلع منه وصدري هم يبين؟؟ هيه حنه مال بنات عادي واذا لبستي قصير ودلع شكو بيها.. وج اخاف عيب .. صدوك جذب..تتذكرين بحنه احلام شلبسنه شو كوله مخلع ومدلع..وج هنه ساعتين زمان وحنه بنات شويه وتنزعيه.. دخلت لبسته طبعا اللون ع جسمي يخبل بس فتحة الصدر بلم عريض.. ومهدله ع متوني واني حيل بيضة بعدين قصير يعني فوك الركبه بأصبعين.. طلعت نادين شهكت: وج..ياسمين يجننن..يجنن عليج.. لا ..نادين صدره..مقدمته مفتوحة وصار ع طرف متوني استحي والله.. البنيه الي بالمول كالت: تدرين هذا الفستان احدث دزاين وصلنه ولونه يسمو لون القهوة المحروقة..عيني يجننن عليج ..يجنن..هاي انتي بدون تسريحة ومكياج لعد ويه التسريحة شيطلع عليج؟؟ انتي هيج تشوفين يعني اخذه موعيب.. يا شنو عيب احنا بس بنات منو يمنه وعيب يعني.. ماشي راح اخذه.. وثاني يوم صارت الحنه مال نادين رحنا للصالون اني خليت مكياج خفيف ومسويت تسريحة لان تخرب من البس الحجاب بس من رجعت للبيت فتحت شعري وشمرته صفح ع متني.. من اجينا من الصالون لكينا ماما جايه ومنظفه هي واخواتي الزغار ومرتبه كولشي نادين سالتها: ماما خابرتي ع الكيكة.. اي خابرت ووصيت قصي يجيبها..قبل الحنه بنص ساعة.. ع طاري قصي شو بس عموري جايبته شنو خاله متجي! يوم..بتها نفسه صارلها٥ايام شلون تجي واني جبته لعموري لان..كل شويه يلكنه يسحول بالطفل الزغير.. ههههه..يغار منه. اي.. يوم شلونها تسريحتي حلوه.. يوم عين الرحمن عليج طالعة تخبلين ..والتفتت عليه وج ياسمين شلابسه شو مشلتحةوزرورج طالعه.. يوم والله مردت اخذه بس نادين اختارته وكامت تلح راح انزعه.. ههههه..لا يوم حلو عليج محد يمجن انتن بس بنات هيه حنه ساعتين زمان تركصن وتفرحن وتخلص.. بعدنا دنحجي واجن صديقات نادين وراهن بنات جوارينه وبنات عماتي ..وبعدها الحفله ابدايتها ..نادين حاجت ماما: يوم وين صارت الكيكة مو خابرني فرقان وكال اخواتي واعماتي وامه جايات بالطريق.. هسه خابرته قصي يكول ديغلف بيها الولد دقايق ويجي. ماشي.. طبعا عموري يكمز بالنص وصوت الديجي عالي حسيت طبله اذني حتنثقب شويه واجه يمي كلي: ماما اريد اروح للحمام واريد مي.. اخذته للحمام بعدين دخلت من باب المطبخ..انطيته الكلاص شرب مي بينما سديت الثلاجة سمعت صوت الكلاص انكسر خطيه وكع من ايده خفت لينجرح كتله روح عموري يم البنات..ودنكت دا الم بالكزاز المكسر ليروح احد يدوسه وصرت جوه الطاوله الم بيه..لان حيل ناعم.. قصي::: خالتي دزتني اجيبلهم كيكة موصين عليها لان ابو الكيك معنده سايق دلفري..فرحت جبتها بسيارتي وصلت الهم دكيت الباب انفتح وحده شفت خالتي شايله صينيه بيها بخور وياس وحنه وما اعرف شنوبعد بس شافتني كالت: قصي فوت للمطبخ خليها ع الطاوله.. خاله اخذيها مني اخاف البنات جوه وزحمه. لا بعد خالتك محد جوه كولهن بالاستقبال يم نادين متسمع صوت الموسيقى .. ههههه..اي صح.. ورحت للمطبخ متوقع المطبخ فارغ ..الصوت حيل عالي واصل لكل البيت..بعدني ممخلي الكيكه ع الطاوله شفت جسم بنيه جو الطاوله اول مره شفت بس ظهرها طالع قسم منه بعدين تحركت طبعا مسمعتني من دخلت بسبب الصوت ..اووف اويلي هاي ياسمين دخيل الله مدنكه ما اعرف شتلم ..من الكاع شعرها ع متنها وظهرها ...ثلج دخت هي كاعده ع كماميزها استغفر الله مكدرت اشيل عيني ركبها وزروها مبين قسم جبير منهن بس مشفت وجهها لان هي ممنتبه عليه كل هذا شفته بثواني..فكرت كلت خطيه هي متدري بيه ردت اطلع..كحيت حتى تحس اكو احد بالمطبخ..شويه وسمعتها كالت اخ..راسي وعرفت هي تفاجأت بيه وطخ راسها بالطاوله من جفلت وكامت رأسا التفتت الها ركضت يمها ياسمين خو متأذيتي ..تره ما ادري بيج هنا ممتقصد افوت خالتي كالت محد بالمطبخ.. وشفتها مخليه ايدها ع راسها لان انضرب راسها بالطاوله بقيت صافن بوجهها هي هم صفنت محجت بس كالت قصي. !!!! بعدين انتبهت ع نفسها خرررب..خرررب متونها وصدرها وركبتها وظهرها كولهن مكشوفات عركت استحيت وشفتها ارتبكت بثواني وغطت صدرها بشعرها ..اني بسرعة طلعت..من المطبخ..وطلعت من البيت كوله كعدت بسيارتي وحركت ..ومشيت كم متر واني احجي ويه نفسي اوووف ياسمين شهالصدفة التذبح هسه اني عايز قهر..واشوفج طالعه بهالجمال..الياخذ الروح ..يعني عايز قهر وحركة كلب..وحسره..هنيالك ثائر...اوووف الف هنيالك..اخذتها.....شحجي وشكول الله يسعدها ويستر عليها..صارت لغيري وحرام افكر لو احلم بيها لو اعذب نفسي قابل ..شسوي كلها بقسمه الله..بعدني مواصل للمحل امي اتصلت: الو هله يوم ماما تعال اخذني لبيت خالتك اني بدلت وكملت اي مو كلتي ما اروح اضل يم احلام. يوم شعليها احلام هنه ساعتين زمان اروح اجامل خالتك وبناتها عيب منهن خالتهن الجبيرة مموجودة بالحنه.. بكيفج يوم جاي اخذج..ورحت لبيتنا اخذت امي ورجعت لخالتي دخلتها خالتي..ودكيت ع خالتي خاله اني وامي بالباب تعالي دخليها ما اكدر افوت اني.. وجتي خالتي اخذتها..وفاتن جوه..اني مرحت للمحل بعد رجعت للبيت لان احلام وحدها وامي كالت ساعتين زمان واتصل عليك..تجي ترجعني للبيت ..بس امي متصلت بيه صارت الساعة بالتسعه ومتصلت فكرت اخابرها بس كلت لاعيب من خالتي هي تخابرني صار ت ساعة ١٠وماكو اتصال بالعشرة ونص وهم متصلت شنو السالفه ردت اروحلهم دك رقم امي.. يااا..يوم اشو تأخرتي متصلتي يوم تعال اخذني وبعدين نسولف.. رحت لبيت خالتي من فتت جوه لكيت جوهم مكلبه ولا عبالك جان عدهم حنه وفرح قبل شويه محجو شي عادي اخذت امي وطلعت ومشفت البنات بس ايناس..وخاله شفتهن..وطلعن وياي للباب صعدت امي ردت اسألها شكو..لان قلقت يوم شصاير شبيهم بيت خالتي شو وجوهم مكلبه.. خلي نوصل واسولفلك مابيه حيل احجي هسه.. وبس وصلنا ودخلتها لغرفتها كتله.. يوم متكوليلي شكو شو خالتي وايناس وجوهن مكدرة.. اي غير رجل خالتك طلع الحنه مال البنيه المكرودة من عيونا.. شلون يعني.. جنا كاعدين بأمان الله والبنيات فرحانات واجن كرايب العريس وكولشي تمام وخلصت الحنه والناس فضت وراحت وخطيه البنيه هم فاتت تبدل منشوف اله رجل خالتك طب للبيت يزبد ويرعد وفات لغرفة البنات وعينك ومتشوف لزم البنيه كطعها تكطع.. ليش ضربها لنادين هي شمسويه.. لا يوم مو نادين ..ياسمين الي انضربت فاتت خالتك وبناتها واني هم اسحل بعربانتي ردنا نفك ياسمين من ادين رجل خالتك مكدرنا كطعها تكطع خطيه ماتت بين اديه.. ياسمين ..تحجين ع ياسمين ليش..ليش ياسمين شمسويه وهيج..يضربها طبعا امي تحجي واحس شياط يطلع من صدري من تكول كطعها تكطع وماتت بين اديه.. هيه هم وكحة اي غير تشوفين ابوج صاير نار ..ومن يسألج اجاوبيه لا هيه ساكته مثل دجاجة المصلحة وهو يضرب بيها.. خرررب..يمه على شنو تجاوبه وليش يضربها احجي بسرعة شوف الظاهر ياسمين قبل يوم فاسخة خطبتها وشامره الحلقة بوجه خطيبها وابوها اجه مناك شايط وجماله يسألها يكولها ليش هيج تسوين ماكو على لسانها غير ما اريده كتلكم ما اريده ومحد يجبرني عليه لا وفوكاها تزيد النار حطب تكل لابوها اذبحني اصلخني ما اتزوج ثائر بله هاي شتحجي وياها.. من كالت فاسخة الخطبه حسيت كلبي ارتاح بس بنفس الوقت روحي شاطت من عرفت ابوها اموتها من الكتل ..متت من القهر ..وضليت افكر ليش فسخت ..يعني وليش تخلي ابوها يشبعها كتل ومتكوله السبب..صعدت الغرفتي احس روحي حتطلع شلون بيه التفكير دمرني اريد اشوفها خطية يمكن حيل اذاها امي تكول ماتت بين اديه اريد افهم منها شنو الي صاير..وضليت اكل بنفسي لحد ساعة ١٢,وعشره متحملت اتصلت بيها شالته: الووو..ياسمين اريد اشوفج فورا؟؟ انتظروا بارت٨.. تسريب صغير من البارت ٨..سيكون في البارت القادم حريق كبير..لكن اين سيكون ذلك الحريق هل سيكون في بيت ياسمين..ام في بيت قصي..وما سبب الحريق وماهي الحكمة منه؟؟؟؟؟؟ اترك..لكم التخمين ثم