عقل وقلب - الفصل 1 - بقلم ورود الخالدي - مكتملة | روايتك

البارت١ ياسمين:::: ضمياء شنو تتزوجين بالوكاله انتي مقتنعة بهذا الحجي واني شبيدي يعني شنو شبيدج ليش هالكد ضعيفة ومعندج اي رأي تره هذا قرار مصيري مو لعبه وانتي وحدج تتحملين مسؤوليته وبالنهايه اخوج اله الصافي.. ياسمين الي ايده بالمي مو مثل الي ايده بالنار انتي هسه تحجين براحتج لان معندج اخ مثل ثائر.. واذا جان عندي اخ مثل ثائر شنو راح اضعف مثلج واسلم لو راح ابطل انطي رأيي بامور من صميم حياتي الخاصه لو راح اسمح لاخويه مجرد يفكر يزوجني بكيفه مااكدر اعترض ولا اكدر ارفض الي يكوله لان بابا صاف ويا.. ماكو داعي تسولفيلي عن ابوج ..لان عندي اب واعرف الاباء شلون يفكرون وحتى بابا هم لو تجي هيج فرصه هم ميتردد يفكر يسوي مثل ابوج.. شفتي بعد لتلوميني لعد..اذا وضعنا متشابه! لا ابدا ممتشابه اكو هوايه فرق بيني وبينج انتي من اول موضوع سلمتي وضعفتي اني دائما معارضه اهلي ومتحديه بابا رغم كل الضغوطات الي ديجربها وياي تره كل مايجي احد يخطبني بابا يسويله مشكله وياي واني ابقه على موقفي وما اضعف والدليل ع هذا مكدر يفرض سيطرته ويزوجني على كيفه....وراح ابقه لاخر نفس ادافع عن رأيي..وافكاري ..وحتى من وافق على خطوبه نادين اختي حتى يضغط عليه ويكولي اختج الازغر منج انخطبت وانتي معانده اني هم منطيته مجال... شسوي ياسمين متكوليلي شسوي راسي راح ينفجر من التفكير.. شنو شتسوين كعدي ويه ابوج واخوج ناقشيهم وانطيهم رأيج بالموضوع وكوليلهم ما اوافق اتزوج بالوكالة واحد عايش بغير دوله لا اعرفه ولا يعرفني ..شنو اتزوجه واسافرله افرضو معجبته افرضو متفقنا افرضو طلع مجرم..طلع موخوش انسان.. كتلهم والله ثائر يكولي صديقي واعرفه زين والولد متمكن..ومشتريج..رغم مشايفج.. والله خوش نكته اكو واحد يشتري وحده مشايفها باختصار اكو واحد يشتري سمج بالشط.. راح اموت والله ..مرات افكر انتحر واخلص من تسلط ثائر عليه.. اشو بعدنا دنحجي ..وسمعت احد يحجي ويه ضمياء..وهي شهكت بسرعة.. لج ويامن دتحجين وشنو تنتحرين وتخلصين من ثائر.. هااا..صديقتي والله صديقتي دا احجي وياها.. اي صار ربع ساعه اسمعج تحجين ويه صديقتج هاي الممربايه والماخذه حريتها تحرضج علينا مو؟؟ لا..لا والله ياسمين مو قصدها؟؟ لج انطيني الموبايل اني اعرف شلون اتعامل ويه هاي النماذج التعبانه... طبعا اني اسمعه يحجي ويه اخته ويغلط عليه مسديت التليفون ليش اسده قابل خايفه منه وسمعت صوته يحاجيني.. اسمعي..لج ياسمين مدري شسمج..ما اريدج تتصلين بأختي ولا اريدها تعرف هيج نماذج تعبانه ..واذا انتي ماخذه حريتج احنا ماعدنا بنات مثلج...لان احنا نعرف شلون نربي ..بناتنا ..ع الطاعة والاحترام..ياويلج الكه رقمج متصل بجهاز ضمياء..تره انتي متعرفيني زين والله ..اضيعج....اذا الكه اي تواصل بينج وبينها..هذا رقمج راح احفظه بجهازي ..ومثل مكتلج اتكفي شري احسلج وسد التليفون بوجهي...شكد متخلف واسلوبه تافه ملتهي يتصنط على اخته ويسمع مكالماتها هي وصديقاتها الحمد لله معندي اخ..يتحكم بحياتي ويفرض..كلامه وتصرفاته عليه.. ثائر::: حجيت ويه صديقتها وهددتها وفعلا حفظت رقمها بجهازي..وشمرت موبايل ضمياء عليها وتعجبت من وكفت ضمياء كبالي ..تبجي وتصرخ: ليش ..ليش ثائر حتى صديقاتي تريد تحرمني منهن ليش هيج حجيت ويه البنيه هسه تزعل مني وبعد متحاجيني.. يطبها مرض..زعله كلو..واذا زعلت بعد احسن حتى متتواصلين ويه وحده اهلها ممربيها!! ياسمين اشرف بنيه بالجامعه واحسن صديقاتي ووحرام تحجي عليها وانت متعرفها اي والله مبينه اشرف بنيه من حجيها وياج..ولج مو سمعت حجيجن كله..فاتحة الحاكيه وتسولفين وسمعتها شلون تحرضج ترفضين هالقسمه الي الله جابها الج من السمه حضرتها متريد تتزوج واحد متعرفه يمكن تريد تتزوج واحد تشبع ويا طبه وطلعه وحبجيات عود ذاك الوكت توافق تتزوجه..سمعتيها شلون تستهزيء بابوها وتكول مااله كلمه يفرضها عليه ولج هاي دايحة وصاقطه وماخذه حريتها واحتمال متكفيه عن الزواج والف واحد حاطته جوه ابطها اي شتسوي بالزواج بعد..وتريد تجرجرج لطريقها....بس فهميني اكو وحده ترفض واحد خالي مختلي ومتمكن وعايش..بألمانيا ملك زمانه ومشتريها ...شعندج باقيه بالعراق يحضي ع الكهرباء المكطوعة..ع الشوارع الخايسه..ع الترابه التذري بحلوكنا ولج اتزوجي وطلعي شوفي العالم شلون عايشه ..والله..والله لو ما ابوج يتمرض فلا ارجع للعراق ولا ابقه بيه دقيقة وحده..اسمعي كلامي وعوفج من بنات الجامعه الدايحات .. والله انت غلطان صديقاتي كولهن شريفات وبنات اوادم واولهن ياسمين وهي تفكر بمصلحتي.. خلي تفكيرها الها وخلي تكفينا شرها الخميس الجاي ارتب اوراقج حتى تعقدين بالوكاله وره ..شهر تسافرين..! ثائر ..يعني اني ما الي رأي بحياتي هيج تريد تشمرني وتخلص مني!!يعني لان بابا مريض ومساندج تستضعفني؟؟ هذا الحجي ميفيدج باجر عكبه من..اطلعين من العراق وتعيشين احسن عيشه هناك..راح تبوسين ايدج وجه وكفه وراح..تعرفين شكد اني رايد مصلحتج بهالزواج.. ضل..ضل اضغط عليه حتى انتحر واخلص من هالدنيا.. ههههه..تنتحر هيه بابا بطلن هالفيسبوكيات مال الانتحار والكلاوات قصي::::: تعشينا..وطلعت اشغل سيارتي حتى اوصل نادين لاهلها..وفعلا صعدنا..بس جانت موطبيعيه احسها مغثوثة.. ها ...خالو شو وجهج يقره فول كآبه خو ماكو شي؟؟؟ لا خالو ماكو شي بس تعرف بدايه سنه...والدراسه متقطعه وافكاري متشتته..شويه هاي شنو جبتج من الكليه مثل الورده وشاره حلكج ابتسامات شوكت لحكت افكارج تتشتت وتتكأبين تره سنه عاديه مثل اي سنه دراسيه..؟؟ خالو والله ماكو شي.. ماشي. وصلتها لاهلها..ورجعت للبيت كلت اسأل امي اول مفتت سألتها: وهسه امي الغاليه تسولفلي شبيها نادين عاقجة خلقتها اليوم؟؟ والله ياماما ما اعرف شكولك اخاف احجي وتنغث مني مثل كل مره؟؟ خير ياستار ليش انغث..يعني؟؟ يوم انت عاجبك وضعنا؟؟ شبيه وضعنا يوم شو حياتنا هادئه وماشيه على٢٤حبايه! ولشوكت راح نبقى معتمدين على بنات اختي!! ليش صاير شي جديد؟؟ اي صاير ..نادين خطيه صايره بين نارين من جهة تستحي مني ومنك ومتكدر تكول ما اريد اجيكم واداري خاله وابنك ومن جهة خطيبها حيل مضوجه موضوع جيتها النا ؟؟ مضوجة موضوع جيتها النه شنو هاي جديده؟؟ لا موجديده تره اني اسمعها دائما تسولف ويه خطيبها والولد حقه شاب وخطبها عن حب ويغار عليها..منك!!! هههههه...يغار عليها مني..والله ضحكتيني يوم تره نادين واخواتها الزغار رابيات يمي ويسمني خالو؟؟ بس انت مو خالهن انت ابن خالتهن ولو نرجع للواقع والاصول تره خطيبها حقه..هيه بنيه شابه وحلوة وانت هم شاب واكيد الف فكره تصير براسه وميحب خطيبته تضل يمنا طول الوكت!! عادي اتصلي بخاله وكوليلها ماكو داعي تجي..نادين وفضت خلصت.. واني منو اليه وابنك هذا اليريد متابعة طول النهار لان طفل ويحتاج اهتمام واني هالتشوفني صارلي شهور بهالكرسي المصخم..ويمكن اضل كاعده بيه منا لما اموت يوم شهالحجي لعد اني وين رحت ..اني يمج شتحتاجين اني موجود واذا على ابني اخذه وياي للمحل؟؟ مترهم..يوم وسبق واخذته وياك وشلع كلبك شلع وبصراحة اني مو مثل قبل يوميه وضعي بالنازل حتى بالكرسي هذاصار صعبه عليه اتحرك.. يوم..يعني شنو الحل..برأيج..اعزل وابقة بالبيت..لو ادز على احلام اختي..ويرجع رجلها يدور حجج ماخذين مني مرتي..ويوميه عابرة ٣محافظات واركض وراها يوم تره اختك هم جيتها بعد مترهم تره هي حامل بشهرها..وجنه عيال مابيدها شي والحل شنو؟؟ الحل ادورلك بت حلال وتزوج؟؟ اهووووو...هم رجعتي لهلموضوع؟؟ يوم ارجعله اليوم وباجر وعكبه..ويوميه افتحة الك انت لازم تتزوج؟؟ واني كتلج غير سحر..بعد متدخل مره لحياتي؟؟ يوم سحر ماتت وانتقلت لرحمة ربك الكريم..و.. وراح تكولين الحي..ابقه من الميت ووووو...يوم تره جاي اتعبين نفسج..ع خالي بلاش اني ما اتزوج لا هسه ولا بعدين واذا مرتي ماتت...عدكم ..عندي بعدها عايشة بكلبي وبروحي وبعقلي..احبها وما ابدلها ..حتى لو جانت جوه التراب يوم مكتلك انساها ولا بدلها بس انت واحنا محتاجين مرة بحياتك وبحياتنا؟؟ شفتي محتاجيها..يعني نريد مره تخدمنا..وبس..ومادام نريدها للخدمة خو نجيب خدامة ليش تربطيني بزواج من مرة لا راح اكون الها زوج مثل هالازواج ولا راح احبها شنو ذنب اي بنيه اضلمها واني بعدني احب مرتي وما اكدر انساها يوم تره مرتك صارلها٤سنوات من راحت لرحمة الله!! لو اربعين سنه تمر مراح يتغيير شي ولا راح افكر بزوجة ثانيه فلتعبين نفسج واتعبيني..انسي هالموضوع!! يوم مراح انسه وراح ابقه افتحة وياك اليوم وباجر منا لما اموت.. براحتج يوم ..بس مراح يتغيير اي شي..وداعتج ياسمين::: بالليل جتي نادين من بيت خاله ام قصي كالبه وجهها جنت دا اغسل مواعين العشه وسمعتها تكول لماما: ماما بعد ما اروح لبيت خاله ام قصي..هذا اخر حجي عندي..ويوميه اكولج...فرقان ميقبل اروح يمهم ويوميه مشكله اني ويا.. بابا كلها: وعليمن هالمشاكل بابا شنو صاير شي جديد؟؟ بابا خلي ماما تحجيلك تره كلبي خلص..من المشاكل بيني وبين فرقان بسبب هالموضوع.. ماما كالت كبر..يطمه لخطيبج الزعطوط هذا شبي..شو مجان يفك حلكة..كتلك يا رجال ما اريدهم يعقدون ..كتلي لا خلي تصير مرته احسن شفته كام يتأمر عليها.. شنو ميعقدون هذا شلون حجي يعني تضل بتج لابسه حلقه بلا عقد.. مو هذا فرقان..مجاي يفتهم..كاتلته الغيره يغار من قصي يكولها ما اقبل تضلين يم بيت خالتج.. يغار منه شنو ؟؟ اي يكول مرتي واغار عليها شنو طول النهار مكابله ابن خالتها وتخدم امه وابنه..حجيت ويا وكتله تره قصي مربيهن من طفولتهن ويسمنه خالو ..ميفيد الحجي؟؟ اي حقه مرته ويغار عليها..هاي من الزينات. والتفت على نادين: بابا اسمعي كلام خطيبج..وبعد لترحين ممجبوره ترحين!! ياااا..متروح شنو وام قصي شلون بيها اتخلى عنها بشدتها بعد ماجانت شايلتني وشايله بناتي سنين هذا شلون حجي اذا متروح نادين اني اروح اداري اختي؟؟ طبعا ماما حامل بشهر السادس حالياواحنا ٤بنات وسبق وان انفصلت ٦سنوات عن بابا لان بابا تزوج عليها بالسر حتى يخلف ولدومن عرفت طلبت الطلاك وراحت عاشت ال٦سنوات ابيت جدو الي عايشه بيه حاليا خاله ام قصي..لان خاله ام قصي ترملت وهي زغيره وعدها بس طفلين وجانت مدرسه بس من كبروجهالها وابنها كبر وتزوج وتكفل بعيشتهم هي سوت تقاعدوبهالفتره اني جان عمري١٤سنه..فبابا بعنادماما اخذني منها ومعشت وياهم عد بيت جدو..ومجان يخليني اروح لبيت جدو جانت ماما تشوفني بالبوكات لان طلايب بينها وبين بابا واهل بابا ومرت ابويه شوفتني نجوم الظهر..لان وكحة ولسان..وصرافه خلت بابا ع الحديدة وبقه وياها٥سنوات ومخلفت ..منه وهم صارت بينهم مشاكل ع الخلفه وطلكها..وبوكتها بابا تندم وكام يتوسل بماما وبخالو قاسم الله يرحمه حتى يرجعها بس مجانت تقبل ترجعله لان حياتها استقرت وخاله ام قصي..وابنها قصي جانو مهتمين بيها وبأخواتي..وممخليهم محتاجين شي وبوكتها بابا جان كاعد..ع الحديده كولشي معنده اخير شي اخذني لخالو وكله: اني ندمان واريد ارجع..مرتي حياتي ادمرت بدونها وهاي بتي هم محتاجة امها..واذا مترجعلي ابيع البيت واسافر واخذ بتي وياي..ماما من سمعت هو يريد ياخذني ويسافر رجعتله..بس علاقتهم دائما متوتره ومشاكل..متخلص..وماما بعد متأمن بيه طلبت منه يسجل البيت باسمها وفعلا سجله وحتى بعد متعتمد عليه بالعيشه كامت تشتغل بالبالات تجيب اماعين وملابس وفرشات وتبيع بالبيت للنسوان ..وقبل ٦شهور..تفاجئنا من طلعت ماما حامل..وبابا جان مأيس كال هم راح تجيني بنيه..بس من دخلت بشهر الرابع واخذت سونار..وطلع ولد بابا طار من الفرح..وتغيرت معاملته وياها وصار عنده واهس يرجع يشتغل مثل الاول..وهو حاليا مخلي كل امله بحمل ماما الي اجه متأخر لان ماما عمرها٤٦سنه والحمل بهيج عمر صعب فصار..يداريها ومن سمع بيها تكول اروح اني..اداري اختي كام من مكانه يصيح: شنو ترحين اداريها وانتي بطنج كدامج وحامل اختج الها فضل عليج امنت بالله واني دا ادز نادين الهم ومامقصرين وياهم واذا نادين ميقبل خطيبها تروح مو مشكله خلي....ايناس..لوتقاوي..يرحن ماما كالت: لا ايناس متروح سادس علمي وعدها..دراسه واريدها تتفرغ للدراسه حتى اطلع معدل..وبعدين شنو تقاوي هالزعطوطة تروح اداري مره شكبرها هي شتفهم هالطفله!! والله حيرتيني يامره لعد منو يروح ..اروح اني اخدم اختج..والله ابتلينا!!؟؟ ع كيفك شنو ابتليت مره تمرضت شنو بني ادم مايتمرض؟؟ اليتمرض يوم شهر..مو صارلها شهور خليني ساكت؟؟ هذا امر الله وهو الشافي مابدينا شي بعدين..ليش متحجي ويه بتك الجبيره شنو حتى بهاي منكدر نحجي وياها وتاكلنا بلسانها!! ليش..منحجي..وياها هسه اصيحها غصبا عليها تروح..!!؟ سمعتهم يحجون عني جيت ركض..كتلهم: اني ما اروح شنو ملكيتو غيري..تذبون همكم عليه خلي اي وحده تروح اداري خاله اني ممتعوده اطلع ولا عندي..ميانه ويه بيت خالتي ع الاقل البقيه عاشن عدهم سنين ومتعودات عليهم رجاءا لحد يدزني الهم اني هم طالبه مرحله اخيره..يعني هم عندي دراسه بعدين استحي من قصي.. ولج شنو تستحين من خالج قصي؟؟ يوم هو موخالو..ابن اختج اخواتي يسمنه خالو لان ربن يمه سنين اني لا اعرفه ولا يعرفني ولا اريد اخدم عدهم بحجة خالو..واعتقد بابا هم راح يأيدني ومراح يقبل بته الجبيره تضل طول النهار يم رجال غريب؟؟ توقعت بابا يأيدني بس هو صار عصبي ولج ياسمين شتقصدين يعني شنو اني..من اودي اخواتج لخالتج ماعندي غيره عليهن ..وانتي شنو فرقج عنهن لو بس تردين تمشين كلامج علينا...اشو ترحين يم خالتج وتخدميها غصبا عليج وانتي الممنونه بابا ما اروح ليش..تجبروني.. لا اشو ترحين وباجر اخذج لبيت جدج بيدي..افتهمتي Like